Date
शुक्र, मंसिर ४, २०८३
Fri, November 20, 2026
Home Blog Page 841

जिराभवानीमा सामुदायिक भवनको शिलान्यास

0

जिराभवानी । पर्साको जिराभवानी गाउँपालीका वडा नम्बर १ को भवानीपुरमा साेमबा एक कार्यक्रम बिच सामुदायिक भवनको शिलान्यास गरिएकाे छ । भवनको शिलान्यास प्रदेश सभा सदस्य शंकर चौधरीले गरेका थिए ।

सिलानयास कार्यक्रमलाई सम्बोधन गर्ने कार्यक्रममा प्रदेश सभा सदस्य चौधरीले उपभोक्ता समिलाई भवन निर्माण कार्य समयमा सम्पन्न गर्न निर्देशन दिए ।

प्रदेश सभा सदस्य सदस्य चौधरीको प्रदेश संसदिय बिकास कोषबाट एघार लाखको लागतमा सुबिधा समपन्न दुई काेठ्ठे भवन निर्माण हुने हुन लागेकाे हाे ।

भवन निर्माण समितीका अध्यक्ष सत्देव भैया थारुकाे सभापतित्व र प्रदेस सभा सदस्य शंकर चौधरीको प्रमुख आतिथ्यमा भएकाे शिलान्यास कार्यक्रममा जिराभवानी गाउँपालिक वडा नम्बर एकका वडाध्यक्ष सेख नुमान आजम, नेपाली काङ्ग्रेसका सथानिय नेता महादेव महतो थारु, युवा नेता ब्रहमानन्द चौधरी, दिनेश चौधरी, जोगिन्द्र यादव, सोमनाथ सापकोटा लगायतकाे सहभागिता रहेको थियो ।

बाराबाट ३ जना फरार प्रतिवादी पक्राउ

0

वीरगंज । बारा प्रहरीले ३ जना फरार प्रतिवादीलाई पक्राउ गरेकाे छ । जिल्ला प्रहरी कार्यालय बाराबाट खटिएकाे प्रहरी टाेलीले साेमबार लेनदेन मुद्दाका फरार प्रतिवादी बाराकाे परवानीपुर गाउँपालिका वडा नं. १ का ५० बर्षिय राजेन्द्र प्रसाद धानुकलाई पक्राउ गरेकाे हाे ।

बारा जिल्ला अदालत कलैयाको मिति २०६२/०२/१२ गतेको फैसलाले १ वर्ष कैद ठहर भएका धानुकलाई पक्राउ गरी साेमबार नै बारा जिल्ला अदालतमा आवश्यक कारवाहीको लागि पेश गरिएको जिल्ला प्रहरी कार्यालय बाराले जनाएकाे छ ।

यसका साथै अस्थाई प्रहरी पोष्ट बसपार्क कलैयाबाट खटिएको प्रहरी टोलीले सम्मानित बारा जिल्ला अदालत कलैयाको मिति २०६६/०३/२७ गतेको फैसलाले जनही रू.३५०।- नगद जरीवाना ठहर भई कुटपिट मुद्दामा फरार रहेका प्रतिबादी बाराकाे कलैया उपमहानगरपालिकाकाे वडा नं. १४ भौरा टोल बस्ने ४० बर्षिय जादोलाल सहनी र बर्ष ३५ को कपिलदेव सहनीलाई पक्राउ गरी आवश्यक कारवाहीको लागि बारा जिल्ला अदालतमा पेश गरिएको हाे ।

वीरगंजबाट लागु औषधसहित एक जना पक्राउ

0

वीरगंज । पर्सा प्रहरीले लागु औषध डाईजीपाम, नुर्फिन र प्रोमाथाईजिन सहित एक जनालाई पक्राउ गरेकाे छ ।

जिल्ला प्रहरी कार्यालय पर्साबाट खटिएकाे प्रहरी टाेलीले आइतबार ७:२५ बजेकाे समयमा वीरगंज महानगरपालिकाकाे वडा नं. १६ ईनर्वागाँउबाट धादिङ जिल्ला निलकण्ठ नगरपालिका वडा नं. ८ का २६ बर्षिय शिव नेपालीलाई पक्राउ गरेकाे हाे ।

            सूचना परिचालन र प्रहरी कारवाहीको सिलसिलामा निजको शरीर रीतपूर्वक खानतलासी गर्दा निजले बोकेको ३ वटा कालो प्लाष्टिकको झोला भित्र लागु औषध डाईजीपाम-६३ एम्पुल, नुर्फिन- ६२ एम्पुल र प्रोमाथाईजिन- ६३ एम्पुल गरी जम्मा १८८।– एम्पुल फेला परेको जिल्ला प्रहरी कार्यालय पर्साले जनाएकाे छ ।

पक्राउ परेका नेपालीमाथी लागु औषध सम्बन्धी कसूरकाे मुद्दा दर्ता गरी थप अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

वीरगंजका मेयर र भक्तपुरका मेयर बीच भेटघाट

0

वीरगन्ज । वीरगन्ज महानगरपालिकाका मेयर विजय कुमार सरावगी र भक्तपुर नगरपालिकाका मेयर सुनिल प्रजापति बीच साेमबार भेटघाट भएको छ ।

काम विशेषले वीरगंज आएका भक्तपुरका मेयर प्रजापतिले वीरगंजका मेयर सरावगीलाई उहाँकै कार्यकक्षमा भेटघाट गरेका थिए । भेटकाे क्रममा वीरगंज महानगरपालिकाले गरेको विकास र भक्तपुरले गरेको विकासको बारेमा एकआपसमा अनुभव आदान प्रदान गरिएको महानगर प्रमुख सरावगीले वताए ।

मेयर सरावगीले वीरगन्ज महानगरपालिकाले अहिलेसम्म गरेको सरकारात्मक कार्यहरु तथा समस्या र चुनौतीको बारेमा भक्तपुरका मेयर प्रजापतिलाई सुनाउनु भएको थियो ।

भक्तपुरका मेयर प्रजापतिले पनि भक्तपुर नगरपालिकाले गरेका कामहरु तथा भोगेका समस्या र चुनौतीको बारेमा अनुभव साटासाट गरेका थिए । आगामी दिनमा दुवै स्थानीय सरकारकाबीच विभिन्न विकास साझेदारीको विषयमा पनि छलफल भएको मेयर सरावगीले बताए ।

योजना तर्जुमा गर्दा प्रथामिकताको आधारमा गर्नु पर्छ : मेयर सरावगी

0

वीरगन्ज । वीरगंज महानगरपालिकाका मेयर विजय कुमार सरावगीले बजेट तर्जुमा गर्दा प्राथामिकताको आधारमा गर्नुपर्ने र त्यसको प्रभावकारी कार्यान्वनका लागि अनुगमन नियमित हुनु पर्ने वताएका छन् ।

प्रदेश २ सरकारको नीति आयोगले साेमबार वीरगन्जमा आयोजना गरेको बजेट तर्जुमा, अनुगमन तथा मूल्यांकन सम्बन्धी एकदिने गोष्ठीमा वाेल्दै मेयर सरावगीले बजेट तर्जुमा गर्दा पूरा गर्न सकिने योजनाहरुको प्रथामिकीकरण गरेर मात्रै योजना छनौट गर्नुपर्ने र त्यसलाई पूर्णरुपमा सम्पन्न गर्न अनुगमन तथा खबरदारी आवश्यक रहेको बताए ।

उनले कतिपय योजनाहरु अहिले राजनीतिक दलका कार्यकर्ताहरुलाई भर्ना गर्ने र उनीहरुलाई पाल्ने खालका मात्रै भएको भन्दै त्यसलाई सुधार गरेर जनताले प्रत्यक्ष महशुस गर्ने खालको योजनाहरुमा बजेट विनियोजन हुनुपर्ने बताए ।

प्रदेश २ का नीति आयोगका उपाध्यक्ष डाक्टर भोगेन्द्र झाको अध्यक्षतमा भएको कार्यक्रममा पर्साका विभिन्न स्थानीय तहका प्रमुखहरुको पनि उपस्थिति रहेको थियो । कार्यक्रमको सहजीकरण प्रदेश २ आर्थिक तथा योजना मन्त्रालयका सचिव काशीराज दाहालले गरेका थिए ।

वीरगंजमा पुन: काेराेना संंक्रित भेटिन थाले, ५० जनाकाे परिक्षण गर्दा १० जना पाेजिटिभ

0

वीरगञ्ज । वीरगञ्जस्थित नारायणी अस्पतालमा गरिएको कोरोनाभाइरस परिक्षणमा १० जना पोजेटिभ भेटिएका छन् ।

विभिन्न स्थानबाट जम्मा गरेर ल्याइएको ५० जनाको थ्रोट स्वाबको नमुनालाई नारायणी अस्पतालस्थित प्रयोगशाला पिसिआर प्रविधिबाट परिक्षण गर्दा २ जना महिलासहित थप १० जनामा सङ्क्रमण भेटिएको अस्पतालका कोभिड संयोजक डा. सरोज रोशन दासले वताए ।

उनका अनुसार भेटिएका १० जना सङ्क्रमितमध्ये ६ जना बारा जिल्लास्थित जितपुरसिमरा उपमहानगरपालिकाको विभिन्न वडाका बासिन्दा हुन् । सङ्क्रमितहरुमध्ये दुई जना वडा नम्बर ३ का बासिन्दा हुन् भने बाकी वडा नम्बर ३, ५, ८ र ९ को बासिन्दा हुन् । संक्रमितहरुकाे उमेर समूह २० वर्षदेखि ३८ वर्ष रहेको छ ।

त्यसैगरी अन्य सङ्क्रमितहरुमध्ये दुईजना पर्सा जिल्लाको वीरगञ्ज महानगरपालिकाको बासिन्दा छन् । उनीहरु वीरगञ्जको वडा नम्बर १० र ३१ का बासिन्दा हुन् । त्यस्तै एकजना सङ्क्रमित झापाको मेचीनगर नगरपालिकाकाको वडा नम्बर १२ का बासिन्दा रहेका छन् ।

भेटिएका सङ्क्रमितहरुको सिटि भ्यालु २३ देखि ३५ सम्म रहेको डा. दासले जानकरी दिए ।

लामो समयपछि अस्पतालमा गरिएको परिक्षणमा यति धेरै सङ्क्रमित भेटिएका हुन् । यसअघि अस्पतालले १ सय १५ जनासम्मको स्वाब परिक्षण गर्दा १ जनादेखि बढीमा ५ जनासम्म सङ्क्रमित भेटिने गरेका थिए । 

छिमेकी राष्ट्र भारतका कयौँ क्षेत्रमा कोभिड सङ्क्रमितहरुको सङ्ख्या बढेको कारण पुन: लकडाउन भइरहेको बेला सिमावर्ती जिल्ला बारा र पर्सामा यसरी सङ्क्रमितको सङ्ख्या ह्वातै बढ्नुलाई धेरैले चिन्ताको विषय भनेर औल्याएका छन् ।

केहि दिन अगाडी मात्रै नेपाल चिकित्सक संघ नारायणी, वीरगंजले एक प्रेस विज्ञप्ती जारी गर्दै काेराेना भाइरसकाे सवालमा सचेत हुन जरुरी रहेकाे जनाएकाे थियाे ।

संघका सचिव डा. उद्य नारायण सिंहद्वारा हस्ताक्षरित विज्ञप्तीमार्फत आउदाे चाँड पर्वमा सर्तकता नअपनाए पुन: भयावह स्थिति उत्पन्न हुन सक्ने सम्भावना प्रबल रहेकाे देखिएकाेले सचेत एवम् जागरुक हुन अपिल गरेका थिए ।

लैगिंक हिंसा न्युनिकरण सम्बन्धी अभिमुखीकरण कार्यक्रम सम्पन्न

0

वीरगंज । नेपाल सरकार युनेस्कोको निमित नेपाल राष्ट्रिय आयोगको सचिवालयको सहयोग र महिला अभियान नेपाल नागपोखरी काठमाण्डौको आयोजनामा आइतबार वीरगंजमा जिल्ला स्तरिय लैगिंक हिंसा न्युनिकरण सम्बन्धी अभिमुखीकरण कार्यक्रम सम्पन भएको छ ।

जिल्ला समन्वय समिती पर्साको सभाहालमा भएकाे कार्यक्रममा वाेल्ने वक्ताहरुले समाजका नेतृत्वदायी भुमिका खेलिरहेका राजनितीक दल, जनप्रतिनिधी, समाजका अगुवाबाट नै सर्वसाधारण महिला हिंसाको सिकारमा पर्ने गरेको वताए ।

वक्ताहरुले अहिले पनि बालविवाह, दाईजोप्रथा, बहुविवाह, जातीय भेदभाव, महिला, पुरुषको भेदभाव, भ्रुण हत्या तथा पालिकाहरुमा प्रतिनिधित्व गरिरहेका उपाध्यक्ष, उपप्रमुख तथा महिला सदस्यहरु कुनै न कुनै रुपमा हिंसाका सिकार हुने गरेको वताए ।

कार्यक्रममा वीरगंज महानगरपालिकाका मेयर बिजय सरावगीले अहिले रहेको बिद्धमान हिंसाका घटनाहरु शिक्षाको स्तरलाई बढाउदै, चेतनामुलक रैली, सडक नाटक र आर्थिक उन्नतीका क्रियाकलापहरु ल्याई न्युनिकरण गर्न सक्ने बताए ।

नेपाली कांग्रेस पर्साका सभापति अजय द्विवेदीले आ आफ्नाे घरबाट, आफ्ना प्रतिनिधीत्व गर्ने ठाउँबाट पहल गरी, समन्वय र सहकार्य गरी अगाडी बढे हिंसा न्युनिकरण गर्न सकिने बताए ।

संविधान सभा सदस्य एवम् नेकपा एमालेका नेता प्रधुमन चौहानले पहिले भन्दा बर्तमान अवस्थामा हिंसा कम हुने गरेकाे वताए । नेपाल सरकारको प्रतिनिधित्व गरिरहेका नेकपा एमालेका सरकारले नेपाल महिलाहरुलाई हिंसाबाट जोगिनका लागी बिभिन्न कार्यक्रमहरु ल्याएकोले हिंसा न्युनिकरण गर्नमा मदत पुगेकाे उनकाे भनाई थियाे ।

नेकपा माओवादी केन्द्र पर्साका नेता छोटेलाल यादवले जति सुकै मिठा कुरा हामी यहाँ गरे पनि कुनै पार्टीमा र कुनै पनि नेताले महिलालाई प्राथमिकतामा नराखेको वताए । उनले सरकार र पार्टीकाे नेतृत्वमा महिलालाई ठाउँ नदिएका कारण महिला हिंसा बढेकाे आरोप लगाए ।

जसपा पर्साका जिल्ला अध्यक्ष रामनरेश यादवले जनप्रतिनिधी बिहिन अवस्थामा रहेको पारालिगल कमिटीले हिंसालाई रोक्ने ठुल्लो टुलको रुपमा प्रयोग भएकोले त्यस्ता बिधीलाई अपनाउन जोड दिए ।

पटेर्वासुगौली गाउँपालिकाकी उपाध्यक्षले प्रदेश नं. २ मा पुरुषको संख्यमा बृद्धि हुनु मुख्य जड यस प्रदेशमा भ्रुण हत्या बढेको तथ्य प्रमाणित गरेकाे वताइन । पालिकाहरुमा नाम मात्रको उप मेयर र उपाध्यक्ष रहेको वताउदै उनले आक्राेश समेत ब्यक्त गरिन ।

जिल्ला समन्वय समिती पर्साको सभापति नेकमहम्मद अंसारीको अध्यक्षतामा भएकाे अभिमुखिकरण कार्यक्रममा गैरसरकारी संस्था महासंघ नेपाल पर्साका अध्यक्ष छठु साह, नेपाल पत्रकार महासंघ पर्सा शाखाका सचिव युवराज खडका, समाजसेवी रेखा सिंह लगायतकाले मन्तब्य राखेका थिए ।

कार्यक्रममा महिला अभियान नेपालकी अध्यक्ष यशोदा कार्कीले कार्य पत्र प्रस्तुत गरेकी थिइन । संस्थाले १६ लाखको बजेटमा ९ महिना सम्म पर्साकाे धोबिनी गाउँपालिका र सखुवा प्रसौनि गाउँपालिकामा लैगिंक हिंसा न्युनिकरण सम्बन्धी कार्यक्रम संचालन गर्ने जनाइएकाे छ ।

स्व. जिपी काेइरालाकाे स्मृतिमा शैक्षिक तथा खेलकुद सामाग्री वितरण

0

वीरगंज । नेपाल पूर्व प्रधानमन्त्रि तथा नेपाली कांग्रेसका पूर्व सभापति स्व. गिरिजा प्रसाद काेईरालाकाे ११ औं स्मृति दिवसकाे अवसरमा आइतबार गिरिजा प्रसाद काेईराला फाउण्डेशन पर्साले आमाकाे मायाँ छात्रावासमा शैक्षिक तथा खेलकुद सामाग्री वितरण गरेकाे छ ।

फाउन्डेसन पर्साकाे अध्यक्ष माेहम्मद सहाबुदिनकाे अध्यक्षतामा फाउण्डेशले छात्रावासमा रहेका १८ जना बालबालिकालाई नेपाली, अङ्ररेजी र गणितकाे कपी, कलम, फुटबल, चक्लेट, फलफुल र जुस वितरण गरेका हाे ।

स्व. गिरिजा प्रसाद काेईरालाकाे तस्विरमा माल्यार्पण गरि गिरिजा प्रसादकाे जिवनी बारे प्रकास पारि छात्रावासका बालबालिकालाई सामाग्री वितरण गरिएकाे फाउण्डेशन पर्साकी सह सचिव मिन्टु सिंहले बताईन ।

शैक्षिक तथा खेलकुद सामाग्रि वितरण कार्यक्रममा फाउण्डेशनका सदस्यद्वय दिलिपराज कार्कि, सन्ताेष सिंह, सुनैना मानन्धर लगायतकाकाे उपस्थिति रहेकाे थियाे ।

अश्लिल गीत तथा डिजे साउण्ड बन्द गराउन ज्ञापन

0

वीरगंज । अश्लिल गीत तथा डिजे साउण्ड बन्द गराउन कलैया सिटी जेसिजले जिल्ला प्रहरी कार्यालय बारा र कलैया उपमहानगरपालिकालाई ज्ञापन पत्र बुझाएको छ ।

कलैया सिटी जेसिजका अध्यक्ष शम्भु कुमार गुप्ताकाे नेतृत्वमा गएको एक टोलिले कलैया उपमहानगरपालिकाका नगर प्रमुख राजेश राय यादव र जिल्ला प्रहरी कार्यालय बाराका प्रबक्ता प्रहरी नायब उपरीक्षक गौतम मिश्रलाई ज्ञापन पत्र बुझाएको हो ।

ज्ञापन पत्र बुझाउन कलैया सिटी जेसिजका पूर्व अध्यक्ष धनिलाल साह सोनार, महासचिव पवन कुशवाहा, कानुनी सल्लाहकार सावित्री शर्मा, कार्यकारिणी उपाध्यक्ष विजय गिरी, कोषाध्यक्ष सुबास जयसवाल, उपाध्यक्ष सन्दिप साह, राहुल सर्राफ, सदस्य आदिल अंसारी, रोशन श्रीवास्तव लगायतकाे उपस्थिती रहेको थियो ।

कलैया उपमहानगरपालिकाले यश भन्दा अघि नै बोर्ड बैठकबाट नगरपालिका भित्र अश्लिल गीत तथा डिजे साउण्ड बन्द गर्न निर्णय गरेको थियो । तर त्यसकाे प्रभावकारी कार्यान्वय नभएपछि जेसिसले ज्ञापन पत्र बुझाएकाे हाे ।

महानगरले अटेरि गर्नेकाे समान जफत तथा ५ हजारको जरिवान समेत गर्ने निर्णय गरेकाे नागरिक सम्बाद मंच कलैयाका सद्स्य एवम् अस्लिल गित तथा डिजे बन्द गराउने अभियानका अभियन्ता साजिर मन्सूरले बताए ।