Date
शुक्र, मंसिर ४, २०८३
Fri, November 20, 2026
Home Blog Page 840

कोभिड–१९ को नयाँ भेरिएन्टको संक्रमण भित्रिन नदिन विभिन्न निर्णय

0

वीरगंज  । जिल्ला संकट व्यवस्थापन केन्द्र पर्साको बैठक मंगलबार सम्पन्न भएको छ । पर्साका प्रमुख जिल्ल अधिकारी आस्मान तामाङ्गको अध्यक्षतामा बसेको बैठकले कोभिड–१९ को नयाँ भेरिएन्टको संक्रमण भित्रिन नदिन तथा कोरोना संक्रमण नियन्त्रण तथा व्यवस्थापनको लागि विभिन्न निर्णयहरु गरेको छ ।

बैठकले ईनार्वा नाका लगायत पर्सा जिल्लाको विभिन्न नाकाबाट अनाधिकृत आवत जावत नियन्त्रण गर्न सशस्त्र प्रहरी बल नेपाल र नेपाल प्रहरीबाट आवश्यकीय सुरक्षा प्रबन्ध मिलाउने, सिमानाकामा संचालित हेल्थ डेक्समा कार्यरत स्वास्थ्यकर्मीद्वारा यात्रुहरुको तापक्रम मापन गर्ने, ज्वरो आएका यात्रुहरुको मलेरियाको आईडिती तथा सम्भव भएसम्म कोभिड–१९ को एन्टिजेन टेस्टको व्यवस्था नारायायणी अस्पतालबाट गर्ने निर्णय गरेको छ ।

यस्तै, बैठक सिमानाकामा तापक्रम मापन गर्नको लागि आवश्यक पर्ने थर्मलगन खरिद गर्ने, सिमानाकामा हेल्थ डेस्कको तुरुन्त स्थापना गर्न जग्गाको व्यवस्थापन गर्ने, सिमानाकाबाट नेपाल भित्रिने यात्रुहरुको हकमा कोभिड–१९ संकट व्यवस्थापन केन्द्रकोका वेबसाईटमा रहेको फारम भरी वार कोर्ड प्रिन्ट गरे÷नगरेको चेकजाँच गर्ने र फारम भर्न नसकेको यात्रुका हकमा नाका स्वास्थ्य परिक्षण गर्दाको अवस्थामा अनलाइन फारम भर्न लगाउने यदि अनलाइन फारम भर्न नसकिने अवस्थामा निजहरुको ट्रेभल हिस्टोरीसहितको अभिलेख राख्ने, संक्रमणको लक्ष्ण देखिएको यात्रुहरुलाई आईसोलेशन सेन्टर वा अस्पतालमा पठाउने व्यवस्था गर्ने र अन्य यात्रुलाई १० दिनसम्म होम क्वारेन्टिनमा बस्ने बसाउने व्यवस्था मिलाउन स्थानीय तहलाई अनुरोध गर्ने निर्णय गरेको छ ।

यसका साथै बैठकले सबै निकायहरुले जनस्वास्थ्यका मापदण्डको कडाई साथ पालना गराउन, कुनै पनि सभा, जुलुश, ¥याली, भेला, जमघट, गोष्ठी, सेमिनार, बैडक एवम् भिडभाड हुने कार्यहरु गर्न निरुत्साहित गर्ने, सबै स्थानीय तहले कोभिड–१९ को संक्रमण थप फैलिन नदिन विधुतिय माध्यमबाट चेतनामुलक सन्देश प्रसारण गर्ने÷गराउने निर्णय गरेको छ ।

यस्तै बैठकले कोभिड संक्रमण बढ्दै गएकोले सबैले आवश्यक सतर्कता अपनाउनु पर्ने हुँदा होली पर्व पनि सतर्कतापूर्वक मनाउने, सार्वजनिक स्थलमा २५ जनाभन्दा बढि सामूहिक भेला÷जम्मा हुन निषेध गर्ने, पानी नछेप्ने, लोला नहाल्ने र कसैमाथि जबरजस्ती रङ्ग नहाल्ने लगायतको निर्णय गरेको छ ।

बैठकले नारायणी अस्पताल, पोखरीया अस्पताल, बग्ही प्राथमिक स्वास्थ्य केन्द्र, बागेश्वरी प्राथमिक स्वास्थ्य केन्द्र र भिखमपुर प्राथमिक स्वास्थ्य केन्द्रलाई कोभिड अस्पतालको रुपमा व्यवस्था गर्ने पनि निर्णय गरेको छ ।

जिल्ला प्रशासन कार्यालय पर्सास्थित कर्मचारी मिलन केन्द्रको भवनमा बसेको बैठकमा वीरगंज महानगरपालिकाका मेयर विजय कुमार सरावगी, जिल्ला समन्वय समिति, पर्साका प्रमुख नेक महम्मद अंसारी, नारायाणी अस्पताल वीरगंजका मेसु संजय कुमार ठाकुर, चण्डी प्रसाद गण पर्साका प्रमुख सेनानी मदनजंग राणा, जिल्ला प्रहरी कार्यालय पर्साका प्रहरी उपरिक्षक बेलबहादुर पाण्डे, सशस्त्र प्रहरी बल नेपाल पर्साका प्रहरी उपरिक्षक राजेन्द्र खड्का, राष्ट्रिय अनुसन्धान जिल्ला कार्यालय पर्साका प्रमुख टिका प्रसाद पोखरेल, जिल्ला स्वास्थ्य कार्यालय पर्साका वरिष्ठ जनस्वास्थ्य अधिकृत कामेश्वर प्रसाद चौरसिया लगायतको उपस्थिति रहेको थियो ।

तरकारी बजार व्यावस्थापनमा महानगर सहयोग गर्छ : मेयर सरावगी

0

वीरगंज । वीरगन्ज महानगरपालिकाका मेयर विजय कुमार सरावगीले किसानले उत्पादन गरेको तरकारीको बजारीकरणका लागि बजार व्यावस्थापन महानगरपालिकाले गर्ने बताएका छन् ।

महानगरपालिकाको कृषि शाखाद्वारा आयोजित तीन दिने व्यावसायिक तरकारी खेती तालिमको समापन समारोहमा बोल्दै मेयर सरावगीले किसानहरुको आर्थिक स्तर वृद्धिको लागि माहानगरले ब्यवस्थित बजारको व्यावस्थापन र किसानहरुको सहुलियतको लागि किसान कार्डको व्यावस्था गर्ने पनि आश्वासन दिए ।

आगामी दिनमा किसानहरुले किसान कार्डबाट अनुदानमा पाउने बीउ र मल समयमा र सहुलियत दरमा पाउने उनले वताए ।कार्यक्रममा तालिममा सहभागी ३५ जना किसानहरुलाई विभिन्न कृषि सामग्रीहरु समेत वितरण गरिएको थियो ।

कार्यक्रममा वीरगन्ज महानगरपालिकाकी उपप्रमुख शान्ति कार्की, बरिष्ठ जनस्वास्थ्य प्रशासक अरुण महतो, कृषि शाखाकी प्रमुख उर्मिला श्रेष्ठ लगायतको उपस्थिति रहेको थियो ।

आंग खस्ने समस्या सम्बन्धमा मन्त्री साहलाई ८ बुंदे ध्यानाकर्षण

0

वीरगंज । प्रदेश नम्बर २ को महिला अधिकार प्रजन्न स्वास्थ्य तथा आंग खस्ने प्रदेश स्तरिय संजालले मंगलबार प्रदेश २ का समाजिक विकास मंत्री नवलकिशोर साहलाई ध्यानआकर्षण पत्र बुझाएका छन् ।

प्रदेश नं. २ मा रहेका ८ जिल्लामा ३५ प्रतिशतको हाराहरीमा महिलाहरुमा आंग खस्ने समस्या रहेकोले र स्वास्थ्य संस्थामा महिलाहरुको पहुचको कमी, जनचेतनाको कमी रहेकोले प्रदेश सरकार र स्थानिय सरकारको ध्यानआकर्षण गराउनका लागी ८ बुंदे ध्यानआकर्षणपत्र बुझाएको संजालका सदस्य निर्मल साहले बताए ।

प्रदेश सरकारको नितीमा महिला अधिकार प्रजन्न स्वास्थ्य तथा आंग खस्ने बारे सुनिश्चितता गर्नमा समावेश गर्ने, आंग खस्ने समस्याको निशुल्क उपचारको ब्यवस्था गर्ने, रोकथाम र जनचेतनाको बजेट बिनियोजन गर्ने, महिला अधिकार प्रजनन् स्वास्थ्य तथा आंग खस्ने बारे पाठयक्रममा ब्यवस्था गर्नु पर्ने, प्रत्येक गाउँपालिकामा कम्तीमा १ वटा स्नातक तहकाे बिद्यालय ब्यवस्थापन गर्नु पर्ने जस्ता मांग राख्दै ध्यानआकर्षणपत्र बुझाइएकाे संजालका सदस्य बृजमोहन कुश्वाहाले बताए ।

प्रदेशस्तरिय संजालका संयोजक नागेन्द्र दुबेको अगुवाईमा ८ वटा जिल्लाका प्रतिनिधीहरुले ध्यानाकर्षणपत्र बुझाएका हुन् ।

ध्यानाकर्षण पत्र बुझदै समाजिक बिकास मंत्री नवलकिशोर साहले पत्रमा उल्लेखित बुंदाहरु क्रमबद्ध नितीमा ल्याउने र उपचारका लागी प्रत्येक जिललामा ब्यवस्थापन मिलाउनुका साथै प्रचारप्रसारका लागी र यसलाई गाउँघरमा जनचेतना फैलाउनका लागी संघसंस्थाको ठुलोभुमिका हुने ब्यवस्था मिलाउन प्रतिबद्धता जनाए ।

ध्यानाकर्षण पत्र बुझ्ने क्रममा प्रदेश अन्तर्गत रहेका सर्लाही जिल्लाबाट प्रदेश सदस्य रहनु भएकी निरा कुमारी साहको बिशेष उपस्थिती रहेको थियो । प्रदेश सदस्य निरा साहले मांग पत्र जायज रहेकोले सभामा जोडदार आवाज उठाउदै महिलाहरुको हकहित संरक्षणका निमित कुनै कसर बाकी नराख्ने बताइन ।

उनले निती, नियम, एेन, कानुनमा ल्याउन सम्मपुर्ण प्रदेश महिला सदस्यहरुलाई गोलबन्द गर्ने पनि बताइन । ध्यानआकर्षणपत्रमा आफनो ध्यान गएको र अब महिलाहरुका लागी गैरसरकारी संस्थाहरुले घरघरमा आवाज बुलन्द गर्दै समस्यालाई सामाधान गर्नमा हाम्राे भुमिका पनि सक्रिय हुने बताईन ।

ध्यानअकर्षणपत्रमा रहेका बुंदा र पृष्णभुमि गैरसकारी संस्था महासंघ नेपाल पर्सा शाखाका अध्यक्ष तथा संजालका सदस्य छठु साहले वाचन गरेका थिए ।

हातिपाईले रोग निवारण सम्बन्धि पत्रकारहरुसंग अन्तरक्रिया

0

वीरगंज । रास्ट्रीय हातिपाईले रोग निवारण सम्बन्धि पत्रकारहरुसंगकाे १ दिने अन्तरक्रिया सम्पन्न भएको छ ।

पर्सा जिल्लाबाट शुरु गरिएको हातिपाईले अभियान ६३ जिल्लामा सम्पन्न भइसकेकाे छ । प्रदेश २ को केवल बारामा मात्र यो अभियान चलिरहेको फोकल पर्सन शंकर गुप्ताले वताए ।

आम औसधि सेवन अभियानमा २ बर्ष माथि उमेरकाहरु, गर्भवती महिला, ७ दिन भित्रको सुत्केरी, ओछ्यानमा रहेका सिकिस्त बिरामि बाहेक सबैले औषधि खानु पर्ने गुप्ताले बताए ।

यो बर्ष कसैलाई हातमा औषधि नदिएर स्वास्थकर्मि आफैले खुवाउने अभियान रहेको कार्यक्रमका प्रदेश फोकल पर्सन अमजद मिकरानिले बताए ।

क्युलेक्स ब्याक्टेरियाका कारण हुने हातिपाईले रोग ज्यादै नराम्रो सरुवा रोग भएको जान्कारी गराइएको छ । यो रोगले अशक्त, असमर्थ तथा अपाङ्ग सम्म बनाउने गरेकाे छ ।

यो रोगको लक्षण केही बर्ष पछि मात्र देखा पर्ने र त्यसपछी निको नहुने मिकरानिले बताए । यो अभियान चैत २० गतेदेखि बारामा सन्चालन हुने जानकारी गराइएको छ ।

खाली पेटमा यो औषधि खान नहुने साथै औषधी खाए कोइ कसैलाई सामन्य टाउको दुख्ने, वाक्वाकी लाग्ने वा पेट दुख्ने लक्षण देखिन सक्ने र त्यसो भए औषधिले काम गरेको समेत बुझ्न र खुशी हुनुपर्ने मिकरानिले बताए ।

देशका विभिन्न जिल्ला झापा, धनकुटा, मोरङ्ग, बारा, लमजुङ्ग, पर्वत, बाग्लुङ, कपिलवस्तु, दाङ्ग, बाके, बर्दिया र कैलालीमा यो अभियान चलिरहेको मिकरानिले बताए । 

बारामा यो बर्ष १२ जना नयाँ हातिपाईलेको केश फेला परेको जनाइएको छ । बाराको महागढिमाई नगरपालिकाको वडा नम्बर २ र ५ मा गरि सो नयाँ केश भेटिएको हो ।

सेम्पलिङ्ग्मा बाराको देवताल गाउँपालिका र महागढिमाई नगरपालिकालाई राखेर जाच्दा महागढिमाईमा मात्र नयाँ केश देखिएको हो । जिल्ला जन स्वास्थ्य कार्यालय बाराको निमित प्रमुख रामनरेश यादवको अध्यक्षता तथा बरिस्ठ पत्रकार सत्य प्रसाद श्रेष्ठको प्रमुख आतिथ्यमा भएको अन्तरक्रियामा जिल्लाका अधिकान्स संचारकर्मीहरुकाे उपस्थिति रहेको थियो ।

पर्साकाे ग्रामिण नाकाबाट राङ्गा, भैसीको ब्यापक तस्करी

0

जिराभवानी ।  पर्साको सुबर्णपुर मालीबस्ती गोपिबस्तीको नाकाबाट सशस्त्र प्रहरी कै मिलोमतोमा ब्यापक मात्रमा तस्करी शुरु भएको समाचार प्राप्त भएको छ ।

पर्साको सदरमुकामबाट प्रहरीले अबैध रुपमा हुने गरेको तस्करीमा कडाई गरेपछी तस्करहरुले सशस्त्र प्रहरीको सहयोगमा पर्साको बिभिन्न ग्रामीण नाकाहरुबाट तस्करी गर्दै आएको स्थानियहरुले बताएकाछन । तस्करहरुले अहिले पर्साको ग्रामीण नाका भिस्वा, बुड्गाई, अस्वारी, जान्किटोला, दसावता, पान्डेपुर, पिडाडीगुठी, महादेवपट्टि, सुबर्णपुर, मालीबस्ती, गोपिबस्ती, बिजयबस्ती, ठोरी लगायतमा रहेको सशस्त्र प्रहरीको बिओपी प्रमुखलाई नजराना बुझाई दैनिक ५० लाख रुपैया भन्दा बढीको भन्सार छलेर अबैध रुपमा भैसी, रांगा, लत्ताकपडा, हाडयेवर नेपाल भित्रयाउने गरेका छन् ।

त्यसैगरी नेपालबाट सो नाका हुदै केराउ, छोकडा, मरिच लगयातका सामानहरु तस्करहरुले भारत पठाउने गरेको स्थानियहरुले बताएका छन् । पर्सा जिल्लाको ग्रामीण क्षेत्रको सिमानाकामा रहेको बिओपिहरुको सहयोगमा नेपालमा प्रत्येक दिन पचास देखी एक सय गोटा रांगा, भैसी तस्करहरुले भित्रयाउने गरेको नाम नछाप्ने शर्तमा एक ब्यापारीले बताए ।

पर्साका विभिन्न बिओपिका सशस्त्र प्रहरी निरीक्षकहरुले प्रति भैंसी र प्रती रांगाको ४ सय रुपैया लिएर अबैध रुपमा नेपाल भित्रयाउने छुट दिएको ब्यापारी स्रोतले जनाएकाे छ । तर ग्रामीण नाकाको सशस्त्र प्रहरीको मिलोमतोमा छाडेको राङ्ग भैंसी नेपाल प्रहरीका ईलाका प्रहरी कार्यालय पटेर्वा सुगौलीले दिन्हु जस्तो अबैध भैसी र रांगा पक्राउ गरि नियन्त्रणमा लिएर लिलामी गरेको जिल्ला प्रहरी कार्यालय पर्साले जनाएको छ ।

प्राप्त समाचार अनुसार ग्रामीण नाकावाट राती प्रत्येक गोटा भैसी तस्करहरुले भारतबाट नेपाल तर्फ अबैध रुपमा भन्सार छलेर भित्रयाउदै आएका छन् भने सो नाकामा रहेको सशस्त्र प्रहरीको बिओपीलाई प्रती भैसी ४ सय रुपैयाको दरले तस्करहरुले दिदै आएको एक स्थानियले नाम नछाप्ने शर्तमा बताए ।

अहिले पर्साको मालिबस्ती र गोपिबस्तिको नाकाबाट दैनिक रातीको समयमा भारतबाट भैंसी, रांगा, लत्ता कपडा लगायतका लाखौ रुपैया बराबरको सामानहरु तस्करहरुले अबैध रुपमा भित्रयाउने गरेपनी बिओपिका सशस्त्र प्रहरी निरीक्षकहरु तस्करहरुसंग नजरना बुझेर आखामा पट्टी बाधेर चुप लागेर बसेका छन् ।

पर्सा जिल्लाकाे सुबर्णपुर, मालिबस्ती, गोपिबस्ती, बिजयबस्ती नाकाहरुबाट सशस्त्र प्रहरीको सहयोगमा ब्यापक रूपमा दैनिक अबैध भन्सार छलेर भित्रयाउने गरेका भैंसीहरु पर्साको राष्ट्रिय निकुञ्ज हुदै बाराको परवानीपुर र जितपुर सम्म पुरयाउने गरेका छन् ।

नजरानाको फाईदा उठाउदै तस्करहरुले पर्साको ग्रामीण क्षेत्रमा रहेको सशस्त्र प्रहरीहरुको विओपी प्रमुखहरुलाई लाखौं रुपैया महिनावारी दिएर ठूलो मात्रामा तस्करी संचालनमा आएको जानकारहरु बताउँछ्न । 

पर्साको ग्रामीण नाकाहरुबाट दैनिक लाखौं रुपैयाको तस्करी भईरहेको छ । तस्करहरुले दिन रात ग्रामीण नाकाबाट दैनिक रुपमा सुर्ती, राजनिवास, भैंसी, रजनीगंधा, लत्ताकपडा हाडयेवर लागाएतको सामाग्री तस्करी गरिरहेको स्थानीयले बताएका छन् ।

पर्सा प्रहरीले जिल्लामा अबैध रुपमा भित्रिने गरेको तस्करीमा कडाई गरेपछि अहिले पर्साका नामुदत तस्करहरु पर्साको ग्रामिण नाकामा रहेको सशस्त्र प्रहरीको मिलोमतोमा व्यापक रुपमा तस्करी शुरु भएपछी सरकारलाई दैनिक रुपमा लाखौं रुपैया राजश्व घाटा हुदै आएको छ ।

पर्साको ग्रामिण सिमानाकाको चोरबाटाे प्रयोग गरी रातभरी भैंसीको तस्करी भइरहेपनी सो नाकामा रहेको सशस्त्र प्रहरीहरुले केही कडाई नगरेपछी सशस्त्र प्रहरी माथी नै प्रश्न चिन्ह खडा भएको छ ।

भारतका नामुद तस्कर महादेव यादव पर्साको सुबर्णपुर, गोपिबस्ती, मालीबस्ती, बिजयबस्तीको ओरीया खोलाको बाटो प्रयोग गर्दै बारा जिल्लाको परवानीपुर दैनिक १ सय ५० देखी २ सय सम्म भैंसी रातीको १२ बजे देखि बिहान ४ बजे सम्म तस्करहरुले पुर्याउने गरेको छन्  भने त्यसतै कपडा, हाडयेवर जितपुर, सिमरा सम्म पुर्याउने गरेका छन् ।

समाजिक सुरक्षा कार्यक्रमकाे प्रदेश स्तरिय छलफल

0

कलैया । सामाजिक सुरक्षा कार्यक्रमको वर्तमान अवस्था, चुनौती र अवसर बिषयक प्रदेश स्तरिय छलफल कार्यक्रम मंगलबार जनकपुरमा सम्पन्न भएको छ ।

कार्यक्रमको प्रमुख अतिथि प्रदेश नं. २ का सामाजिक बिकास राज्य मन्त्री अभिराम शर्माले सबैको लागि सामाजिक सुरक्षा आवश्यकता रहेको बताए । उनले अहिलेको वर्तमान अवस्थामा सबै बर्गका ब्यक्तीहरुलाई सामाजिक सुरक्षा अति आवश्यक भएकोले प्रदेश सरकारको नितिमा समावेश गरिने बताए ।

मन्त्री शर्माले सामाजिक सुरक्षा अन्तर्गत पर्ने जेष्ठ नागरिक, एकल महिला, अपाङ्गता भएका ब्यक्ती, बालबालिका, सिमान्तकृत, पिछिडिएका, यौनिक तथा लैंगिक अल्पसंख्यक गरिब तथा बिभिन्न सेवाबाट बन्चित बर्गहरुको हकहित, संरक्षण र उत्थानको लागि स्थानिय तहबाट सेवा प्रवाहमा जोड दिए ।

सम्बोधनकै क्रममा प्रदेश सदस्य, सामाजिक बिकास मन्त्रालयका सचिव, बिभिन्न सरकारी तथा गैर सरकारी संघ संस्थाका प्रमुख, प्रतिनिधि तथा संचारकर्मीहरुले सबैको समन्वय, सहकार्य भए मात्रै सामाजिक सुरक्षा कार्यक्रम सफल हुनेमा जोड दिए ।

मन्त्री शर्मालाई २३ बुन्दे ज्ञापन

कार्यक्रममा सामाजिक सुरक्षा नागरिक संजालको उपाध्यक्ष डोलमा तमाङ्ग र संरक्षण नेपालका अध्यक्ष बृजमोहन कुशवाहाले संयुक्त रुपमा २३ बुन्दे ज्ञापन पत्र प्रदेश नं. २ का सामाजिक बिकास राज्य मन्त्री अभिराम शर्मालाई बुझाएका थिए ।

संरक्षण नेपाल बाराको सहजिकरण सिविस तथा सामाजिक सुरक्षा नागरिक संजालको आयोजना र वि सोशियल मोमेनट, सेभ द चिल्ड्रेनको सहयोगमा कार्यक्रम भएकाे थियाे ।

सामाजिक सुरक्षा नागरिक संजालकी उपाध्यक्ष तमाङ्गको अध्यक्षतामा भएकाे कार्यक्रमकाे सहजिकरण तारक धिताल, कार्यपत्र प्रस्तुत सरोज अर्चाय, स्वागत मन्त्वय संरक्षण नेपालका अध्यक्ष बृजमोहन कुशवाहा र संचालन नविन महर्जनले गरेका थिए ।

मनाव सेवा आश्रममा खाना खुवाएर हाेली मिलन

0

वीरगंज । वीरगंजमा युवाहरुले न्याँ तरीकाले होली मिलन समारोह गरेका छन् । फैनकैन आयुर्वेदीक संस्थाले वीरगञ्जकाे मानव सेवा आश्रममा अनाथ बृद्ध बृदाहरुलाई खाना खुवाई होलि मिलन समारोह गरेेकाे हाे ।

समाजमा सकारात्मक उर्जा फैलाउने उदेश्यले साेमबार मानव सेवा आश्रममा सडक पेटीबाट उठाएर ल्यएका टुहुरा आमा बुवालाई खाना खुवाई होलिमिलन गरेको फै्नकैन संस्थाका जिल्ला सचिव शिवाजि यादवले बताए ।

होलि मिलन समारोहमा आपसी भाईचारा र सुमधुर सम्बन्ध बिस्तार र पुराना बिचार, ईस्या र आपसी सदभाव बनाई राख्नको लागि रंगको जस्तो रंगिन जीवन हाँसीखुसी बितोस भन्ने उद्देश्य मात्र नभई बृद्ध बृद्धा भगवानको स्वरुप भएकाले अबिरलगाई आर्शिवाद लिने गरीन्छ । तथा बर्ष दिनहरुको तिता–मिठा कुराहरुलाई बिर्सेर नया दिनको सुरुआतको लागि होलि मिलन समारोह उपस्थित सदस्य तथा पदधकारीहरुले बताएका थिए । 

संस्थाका अध्यक्ष बिचारी प्रसाद यावको अध्यक्ष्तामा भएकाे कार्यक्रममा संस्थाका सदस्य सम्भु यादव, निरजमोहन सहाय, नवराज यादव, किसोरी साह लगायतकाे उपस्थिती रहेको थियो ।

नवदिप एकेडेमीमा निःशुल्क स्वास्थ्य शिविर सम्पन्न

0

वीरगंज । वीरगंजकाे भिस्वास्थित नवदिप एकेडेमीमा निःशुल्क स्वास्थ्य शिविर सम्पन्न भएको छ । प्रभु हस्पिटलको सहकार्यमा सम्पन्न शिविरमा विद्यालयमा अध्ययनर ४ सय विद्यार्थीसँगै अभिभावकको पनि निःशुल्क स्वास्थ्य परिक्षण गरिएको विद्यालयकी प्रधानाध्यापिका सुशिला साहले जानकारी दिइन् ।

प्रभु हस्पिटलका बरिष्ठ मुटु रोग विशेषज्ञ डा. राधा भट्टराई, दन्तरोग विशेषज्ञ डा. अजय आस्थाना, छाला रोग विशेषज्ञ डा. रामाकान्त जैसवाल लगायतले चेकजाँच गरेका थिए ।

सोही अवसरमा कक्षा ६, ७ र ८ मा अध्ययनरत छात्रा र विद्यालयमा कार्यरत महिला शिक्षाहरुलाई स्त्री रोग विशेषज्ञ डा. लक्ष्मी थापाले प्रजनन स्वास्थ्यबारे प्रशिक्षण समेत दिएको प्रधानाध्यापिका साहले जानकारी गराइन ।

विद्यालयमा अध्ययनरत विद्यार्थीहरुको स्वास्थ्य परिक्षण गरी ढुक्क सँग अध्ययन गर्ने वातावरणको निर्माण गर्ने अभिप्रायले अस्पतालसँगको सहकार्यमा शिविरको आयोजना गरिएको संस्थापक समेत रहेकी प्रधानाध्यापिका साहले बताइन् ।