Date
शुक्र, मंसिर ४, २०८३
Fri, November 20, 2026
Home Blog Page 836

निर्माण भएकाे एक दर्जन पानीटंकी संचालन नआए पनि पुन: नयाँ टयांकी निर्माण हुँदै

0

वीरगंज । विगत २ दशक देखी पर्सा जिल्लाका एक दर्जन खानेपानी टयांकी निमार्ण भई संचालनमा नआए पनि फेरी पकहामैनपुर गाउँपालिकाको वडा नम्बर ३ पकहा मैनपुरमा पानीटयांकी निमार्ण भईरहेको हेर्दा बालुवामा पानी खन्याए जस्तै भएको स्थानियहरु वताएका छन् ।

नेपाल सरकारले लिएको लक्ष्य अनुसार स्वच्छ खानेपानी, सरसफाई तथा ढलनिकासको अवधारणा पर्सा जिल्लामा असफल भएको छ । बिगत १ दशक अगाडी देखी करौडोका लगानीमा निमार्ण भएको खानेपानीटयांकीहरु संचालनमा नआउदा सरकारकाे कराेडाैंकाे लगानी बालुवामा पानी हाले सरह भएकाे पर्साबासीकाे भनाई छ ।

एकातिर खाने पानी टयांकी संचालनमा नआउने र अर्कातिर पुन: सोही विकास तर्फ धामाधम नेपाल सरकारले आँखा चिमलेर बजेट निकासा गरिरहेको पर्साबासीकाे आरोप रहेकाे छ । पहिला नै निमार्ण भएको पोखरीया नगरपालिका, छिपहरमाई गाउँपालिका, बहुदरमाई नगरपालिका, बिन्दवासिनी गाउँपालिका, पटेर्वा सुगौली गाउँपालिका, कालिकामाई गाउँपालिका, जिराभवानी गाउँपालिका, ठोरी गाउँपालिका लगायतका खानेपानी टयांकीहरु संचालनमा नआउदा पकहा मैनपुरमा निर्माण भईरहेको टयांकीको बजेट पनि बालुवामा पानी खन्याउने सरह नै हुने पर्साका बुद्धिजवीहरु बताउँछन् ।

नेपाल सरकारले लिएको लक्ष्यमा स्थानिय सरकारले मौन रहेको प्रमाणित भएको छ । स्थानिय तहलाई आफु संग सम्मपुर्ण अधिकार रहेता पनि निमार्ण भएको खानेपानी टयांकीलाई संचालन गर्न सकेकाे छैन् । प्राय सबै पालिकाहरुमा खानेपानी टयांकी हुदाँहुदै बजेट सिध्याउने उदेश्यले चापाकलहरुमा बजेट दिने गरेको तर शुद्ध खानेपानीका लागी निमार्ण भएको खानेपानी टयांकीहरु संचालनमा नल्याएको स्थानियहरुको गुनासो छ ।

नेपाल सरकारले स्थानिय तहको नभई नहुने बजेट बिनियोजन गर्नु पर्ने नत्र वास्तविक के गर्दा स्थानियलाई सुबिधा हुने खाले बजेट बिनियोजन गर्दा रकम दुरुपयोग नहुने जनाएका छन् ।

काठमाण्डौमा बसेर योजना बनाउँदा यसै खाले रकम दुरुपयोग हुने भएकोले स्थानिय स्तरमा अभाव भएका, अभाव रहेका, योजना ल्याई सर्वसाधारण तर्फ ध्यान जान जरुरी देखिएकोे छ । स्थानिय सरकारले स्वच्छ खानेपानीका लागी खानेपानी टयाकंहरुलाई केही बजेट छुटयाएर संचालनमा ल्याउन जरुरी रहेको स्थानियहरु बताएका छन् ।

हुलाकी सडकखण्डमा पुल बन्दै

0

वीरगञ्ज । हुलाकी सडकअन्तर्गत पर्साको ठोरीदेखि चितवनको माडीसम्मको सडकखण्डमा १२ वटा पुल द्रूतगतिमा निर्माण हुन थालेका छन् ।

रु एक अर्ब १७ करोड ३१ लाख २७ हजार ४४२ को लागतमा ठोरी–माडी हुलाकी सडकखण्डमा १२ वटा पुल द्रूतगतिमा निर्माण हुन थालेको हुलाकी राजमार्ग निर्देशनालय योजना कार्यालय वीरगञ्जले जनाएको छ ।

ती पुल १० प्रतिशतदेखि ६५ प्रतिशतसम्म निर्माण सम्पन्न भइसकेको सो कार्यालयका सूचना अधिकारी सञ्जयकुमार ठाकुरले राससलाई बताउनुभयो । पर्साको ठोरीबाट चितवनको माडीसम्म रहेका रिउखोलाको पुलको लम्बाइ २५४ दशमलव ७५ मिटर, लम्बाइखोला १११दशमलव १५ मिटर, घाघरखोला १२७ दशमलव एक मिटर, पतरीखोला ४१ दशमलव दुई मिटर, परवीखोला ९७दशमलव एक मिटर, भालुखोला १७ दशमलव २ मिटर र टुनामुनाखोला ६४ दशमलव १५ मिटर रहेको छ ।

यसैगरी बाँदरमुडे खोला २६ दशमलव दुई मिटर, रतनीखोला २२ दशमलव २ मिटर, मुगइखोला ९७ दशमलव एक मिटर, चिताइखोला २७ दशमलव दुई मिटर र देवेन्द्रपुरबाट बगड बसपार्कसम्म सात दशमलव सात मिटर गरी जम्मा १२ वटा खोलामा पुलको निर्माण भइरहेको छ ।

सो खोलामा रहेका पुलको निर्माणकार्य सम्पन्न भएपछि ग्रामीण क्षेत्रमा रहेको सडक सञ्जाललाई सदरमुकाम वीरगञ्जसँग जोड्नेछन् । ठोरी र माडीमा निर्माण भइरहेको पुल बनिसकेपछि पर्सा जिल्लाको १४ स्थानीय तहका नागरिकलाई चितवनसँग जोडिनुका साथै सवारी साधन आवागमनमा सजिलो हुने विश्वास स्थानीयवासीले लिएका छन् ।

हुलाकी सडकअन्तर्गत रहेको उक्त पुल निर्माण सम्पन्नपछि चितवन जिल्लामा उत्पादन हुने हरियो तरकारी, फलफूल र अन्नबालीलाई समेत बजारीकरण गर्न सजिलो हँुदै जाने किसान विजय पण्डितको भनाइ छ । रासस

होटलमा काम लगाइदिने भन्दै जबर्जस्ती यौन व्यवसायमा लगाउने पक्राउ

0

भक्तपुर । युवतीहरूलाई जबर्जस्ती यौन व्यवसायमा लगाएको आरोपमा प्रहरीले पाँच जनालाई पक्राउ गरेको छ ।

पक्राउ पर्नेमा सिन्धुलीको सुनकोशी गाउँपालिका–७ झाङगाझोली घर भई हाल काठमाडौँको गोकर्णेश्वर नगरपालिका माकलबारी बस्ने २४ वर्षीय सरगम भन्ने श्यामकुमार भट्टराई, सिन्धुली ग्याङ्ले गाउँपालिका–३ तामाझोर घर भई हाल माकलबारी बस्ने १९ वर्षीया मसेली भन्ने सुहाना तामाङ, काठमाडौँको गोकर्णेश्वर नगरपालिका–५ जोरपाटी बस्ने ५२ वर्षीय प्रकाश ढुङ्गेल, नुवाकोट सूर्यगढी नगरपालिका–४ घर भई हाल माकलबारी बस्ने ३१ वर्षीया मुना थापा मगर र काठमाडाँै कागेश्वरी मनहरा नगरपालिका–१ गाँगलफेदी बस्ने ४७ वर्षीय राजकुमार सुनार रहेको महानगरीय प्रहरी परिसर भक्तपुरले जनाएको छ ।

गरीब, मजदूर तथा आर्थिक अवस्था कमजोर भएका बालिका एवं युवतीलाई कपडा पसल वा अन्य ठाउँमा जागिर लगाइदिन्छु भनी प्रलोभनमा पारेर विभिन्न होटलमा पु¥याइ जबरर्जस्ती यौन धन्दामा लगाउने गरेको आरोपमा महानगरीय प्रहरी परिसर भक्तपुरबाट खटिएको टोलीले गोकर्णबाट उनीहरूलाई पक्राउ गरी आज सार्वजनिक गरिएको परिसरका प्रहरी नायब उपरीक्षक दीपक गिरीले जानकारी दिनुभयो ।

बलात्कारको शिकार भएकी १६ वर्षीया छोरीलाई लिएर परिसरमा चैत १८ गते आएका पीडित बालिकाका पिताले सुहाना तामाङविरुद्ध मानव बेचबिखन तथा ओसारपसार र जबरर्जस्ती करणीको किटानी जाहेरी दिएपछि भक्तपुर प्रहरीले खोजी गर्ने क्रममा जबरर्जस्ती बालिका तथा किशोरीलाई ल्याएर यौन धन्दामा लगाउने सो पेशेवर समूहलाई पक्राउ गरेको उहाँले जानकारी दिनुभयो ।

जाहेरीपछि अनुसन्धानका क्रममा अभिभावकसँग छोरीलाई काठमाडौँमा कपडा पसलमा काम लगाइदिन्छु भन्दै फकाएर गत १२ गते बालिकालाई सुहाना तामाङले श्यामकुमार भट्टराईसँग मिलेर काठमाडौँको गोकर्णेश्वर नपा माकलबारीमा लिएको भाडाको फ्ल्याटमा पु¥याएका थिए । फकाएर बालिका, किशोरी र युवतीलाई फ्ल्याटमा लैजाने, उनीहरूलाई पुराना लुगा फेर्न लगाउने, नयाँ र पारदर्शी लुगा लगाउन दिने, खान, बस्न, सुत्ने, मदिरा खान दिई लत लगाउने र कतै भाग्न नसक्ने गरी व्यवस्थापन गरेको पाइएको छ ।

प्रहरी नायब उपरीक्षक गिरीले भन्नुभयो, “फ्ल्याटमा कही दिन राखेर उनीहरूको तस्बिर लिएर सोही तस्बिर विभिन्न होटलमा पठाएर ग्राहकले रोजेको केटीलाई भट्टराई आफैले सवारी साधनमा राखेर होटलमा पु¥याउने गरेको पाइयो, आफू अन्त गएको बेलामा पु¥याउनु परे पठाओलगायतका अन्य साधनमा राखेर पठाउने गरेको पाइयो होटलमा पु¥याएपछि बालिका, किशोरीले यौन सम्बन्ध राख्न नमाने बलात्कार गर्न लगाउने गरेको अनुसन्धानमा खुलेको छ ।”

प्रहरीले माकलबारीको फ्ल्याटमा खानतलासी गर्दा फ्ल्याटबाट अरु किशोरीसहित यौन सम्पर्क गर्दा प्रयोग गर्ने गरी विभिन्न गर्भ निरोधक एवं परिवार नियोजनका अस्थायी साधनसमेत बरामद गरेको छ । गत १४ गते १६ वर्षीया बालिकालाई पाथिभरा फेमिली कटेज एण्ड खाजा घर सुन्दरीजलमा लगेर बलात्कार गराएको पाइएपछि प्रहरीले होटल सञ्चालक ढुङ्गेल र थापा मगर तथा बलात्कार आरोपी सुनारलाई पक्राउ गरी आज सात दिनको म्याद लिएर थप अनुसन्धान शुरु गरेको प्रनाउ गिरीले जानकारी दिनुभयो ।

प्रहरी परिसर भक्तपुरकी प्रमुख एवं प्रहरी उपरीक्षक तारादेवी थापाले फ्ल्याट भाडामा लिएर बालिका तथा किशोरीलाई प्रलोभनमा पारेर ल्याउने र देहव्यापारमा लाग्न बाध्य पार्ने एउटा गिरोह पक्राउ परे पनि यस्ता गिरोह अरु पनि हुनसक्ने तर्फ प्रहरी चनाखो भएको बताउनुभयो ।

कतिपयले भने उजूरी नदिने र मानव ओसारपसार एवं बलात्कारका विरुद्ध नबोल्दा समस्या आउने गरेको उहाँको भनाइ छ । उहाँले यस्ता गिरोहको खोजीलाई तीव्र बनाउने बताउनुभयो । यो घटनामा पनि एक बालिकाको आँट र उजूरीले गिरोह पक्राउ परे पनि यही फ्ल्याटमा रहेका अन्य युवती तथा किशोरीले भने अरु कुन कुन होटलमा लगेर जबरर्जस्ती यौन धन्दामा लगाउने गरेको थियो भन्ने जानकारी दिन नमान्दा कतिपय अपराधी उम्कन सक्ने तर्फ प्रहरी सचेत भएको बताउनुभयो ।

उहाँले यस्ता घट्ना छन् भने कुनै पनि डर, धम्की र प्रलोभनमा नपरी प्रहरीलाई खबर गर्न प्रहरी उपरीक्षक थापाले सबैमा आह्वान गर्नुभयो । प्रहरीले पक्राउ परेको गिरोहलाई मनाव बेचबिखन तथा ओसारपसार र जबर्जस्ती करणी उद्योगमा मुद्दा दर्ता गरेको छ । रासस

कटैयामा श्री विष्णु महायज्ञ सुरु, मुख्यमन्त्री गद्दीद्वारा उद्घाटन

0

वीरगंज । पर्साको सखुवा प्रसौनी गाउँपालिका वडा न. ३ कटैयामा श्री विष्णु महायज्ञ सुरु भएकाे छ । महायज्ञकाे पहिलाे दिन बिहिबार जल यात्रा निकालिएकाे छ । जल यात्राकाे प्रदेश नं. २ का मुख्यमन्त्री लालबाबु राउत गद्दीले उद्घाटन गरेका छन् ।

जल यात्राकाे उद्घाटन गर्दै मुख्यमन्त्री गद्दीले सरकारी जागिरमा महिलालाई ५० प्रतिशत आरक्षण दिने प्रदेश सरकारकाे तयारी रहेकाे वताए । उनले प्रदेश सरकारका सम्पुर्ण सरकारी कार्यालयहरुमा मधेस समुदायका महिलाहरु हुने दाबी गरे ।

मधेसमा पछाडि परेका महिलाहरुको क्षमता अभिबृद्धि तथा व्यक्तित्व विकासका निम्ती प्रदेश सरकारले लागु गरेको बालिका स्वर्ण बिमा सुचारु भएको बताउँदै राउतले ८ कक्षामा अध्ययन गर्ने छात्राहरुलाई साइकल र उच्च कक्षामा अध्ययन गर्ने छात्राहरुलाई ल्याप्टप वितरण गरिने प्रतिबद्धता पनि जनाए । 

मुख्यमन्त्री गद्दीले हवन गर्दा जलाईने धुप, तिल र घ्युको धुवाले वातावरणलाई सफा र शुद्ध राख्ने बताए । उनले यज्ञ तथा हवन गर्दा देशमा सुख, शान्ति र जनमानसमा आपसी भाइचारा कायम हुने विश्वास समेत व्यक्त गरे ।  

काैवाबन कटैयाबासीद्वारा आयोजित महायज्ञमा मुख्यमन्त्री गद्दीले रु १ लाख १ हजार नगदसमेत सहयोग गरेको स्थानिय अरबिन्द कुमार पटेलले वताए । 

९ दिनसम्म चल्ने महायज्ञको पहिलो दिन बिहिवार ५ सय ५१ जना कुवारी कन्याहरुले महायज्ञस्थलबाट कलश बोकी बाजागाजाका साथ कटैया, गुलरिया, प्रसौनी, पाचगावा, रामभौरी, घुसकपुर हुँदै रंगपुर, भौरिमाई नजिकैको खोलाबाट जल भरी पुनः यज्ञस्थलमा पुगेका थिए । 

यज्ञ व्यवस्थापन समितिका अध्यक्ष जवाहर राउत कुर्मीकाे अध्यक्षतामा भएको कार्यक्रममा पर्सा क्षेत्र नं. ३ का निलम्बीत सांसद हरीनारायण रौनियार, प्रदेश सभा सदस्य मन्जुर अन्सारी, करिमा बेगम, जन्नत अन्सारी, सखुवाप्रसौनी गाउँपालिकाका अध्यक्ष प्रदिप जयसवाल, नेकपा एमालेका नेता यसवन्त यादव, अनरुद्ध पटेल लगायतकाले शुभकामना मन्तव्य व्यक्त गरेका थिए ।

मेयर सरावगीको कल्याणकारी कोषबाट आर्थिक सहयोग

0

वीरगन्ज । वीरगन्ज महानगरपालिकाका मेयर विजय कुमार सरावगीले आफ्नो कल्याणकारी कोषबाट एक जेहेन्दार छात्रालाई आर्थिक सहयोग गरेका छन् ।

मेयर सरावगीले सिद्धार्थ माध्यामिक विद्यालयकाे कक्षा ८ मा अध्ययनरत छात्रा कुलसुम खातुनलाई सहयाेग रकम २५ हजारको चेक बिहिबार हस्तान्तरण गरेका हुन् । उनले महानगरपालिकाकाे कार्यालय मै छात्रा खातुनलाई बाेलाएर साे रकम बराबरकाे चेक हस्तान्तरण गरेका थिए । 

वीरगन्ज महानगरपालिका वडा नम्बर २३ सवैठवा निवासी खातुनलाई जेहेन्दार विद्यार्थी भएकोले रकम उपलब्ध गराएको मेयर सरावगीले बताए । महानगरपालिकाबाट आउने पारिश्रमिक बापतको रकम जम्मा हुने मेयर कल्याणकारी कोषबाट उक्त रकम सहयोग मेयर सरावगीले गरेकाे उनकाे सचिवालयले जनाएकाे छ ।

बिहेकाे लागि आर्थिक सहयाेग

यस्तै, मेयर सरावगीले आफ्नो तलबभत्ताबाट संचालित मेयर कल्याणकारी कोषबाट एक जना छाेरीकाे बिहेकाे लागि पनि आर्थिक सहयाेग गरेका छन् ।  नाम र ठेगाना गाेप्य राखिएकाे छाेरीकाे बेहेबारीको लागि रु पचिस हजारकाे चेक मेयर सरावगीले  हस्तान्तरण गरेका हुन् ।

बिन्दवासिनीमा बिधुतकाे तारले आगलगी, गेहुँ बाली जलेर नष्ट

0

वीरगंज । पर्साको बिन्दवासिनी गाउँपालिका वडा नम्बर ३ इटियाहीमा ११ हजार भोल्टको बिधुत लाईनको तार चुहिएर आगलगी हुँदा ३ कठ्ठामा लगाइएको गेहुबाली जलेर नष्ट भएको छ ।

बुधबार बिहान १०:३० बजेको समयमा अचानक बिधुतलाईनको तार चुहिएर आगलगी हुँदा स्थानिय प्रेम चौरसियाको गेहुबालीमा जलेर नष्ठ भएकाे हाे ।

आगो सल्केर लगातार बढीरहेको अवस्थामा स्थानियहरु देखेपछि होहल्ला गर्दा सशस्त्र प्रहरी बेस क्याम्प अमरपटी ईटियाहीका टोली पुगी नियन्त्रणमा लिएको प्रहरी चौकी प्रसौनी भाठ्ठाका ईन्चार्ज सई रामपदार्थ साहले बताए ।

आगो नियन्त्रणमा आउँदा ५० बिगहा भन्दा बढी गेहु बाली जोगिन सफल भएको स्थानिय प्रसौनी भाठ्ठा निवासी वकिल राउत गद्दीले वताए । नेपाल बिधुत प्राधिकरणबाट बितरित लाईनको तारहरु धेरै पुरानो र टुटन सम्म पुगेको तर फेर्न नसकेका कारण प्राय धेरै ठाउँमा चुहेर आगो लाग्ने गरेको स्थानियहरुकाे भनाई छ ।

प्राइम टेलिभिजनका बारा सम्बादाता गुप्ता सम्मानित

0

वीरगंज । प्राइम टाइम्स टेलिभिजनका बारा सम्बादाता श्रीकान्त गुप्ता सम्मानित भएका छन् ।

रिर्पोट्स क्लव नेपालको २३ औं बार्षिकोत्सवमा आयोजित बिशेष समारोहमा गुप्ता सम्मानित भएका हुन् । उनलाई प्रधानमन्त्री केपी शर्मा ओलीले सम्मान गरेका थिए ।

उनले जिल्लामा भएको बोकृती, बिसङ्ग्ती, सामाजिक कुरिती उपर लामो समयदेखि कलम चलाउदै आएकाे भन्दै सम्मान गरिएको हो ।

रिपोर्टर्स कल्बका अध्यक्ष ऋषि धमलाको अध्यक्षता र प्रधानमन्त्री केपी शर्मा ओलिको प्रमुख अतिथिमा भएको कार्यक्रममा सुचना तथा संचार मन्त्री पार्बत गुरुङ्ग, संघिय ममला तथा समान्य प्रशासन मन्त्री गणेश सिङ्ग, नेपाली काङ्ग्रेसका वरिष्ठ नेता रामचन्द्र पौडेल, जनता समाजबादी पार्टी (जसपा)का अध्यक्षद्वय महन्त ठाकुर, उपेन्द्र यादव लगायतको उपस्थित रहेको थियो ।

पर्सामा अधिकांश पालिकाकाे विद्यालय खुल्ने र केहीकाे बन्द हुने

0

वीरगंज । देशैभर बढेको वायु प्रदूषणलाई मध्यनजर गर्दै सरकारले शनिबारसम्म सबै शैक्षिक संस्था बन्द गर्ने निर्णय गरेपनि पर्साकाे अधिकांश पालिकाले विद्यालय संचालन गर्ने निर्णय गरेका छन् ।

पर्साकाे छिपहरमाई गाउँपालिका, बिन्दवासिनी गाउँपालिका, सखुवा प्रसाैनली गाउँपालिका, वीरगंज महानगरपालिका लगयातका शैक्षिक संस्था बन्द नहुने भएका छन्  भने कहीकाे सरकारकाे निर्णय अनुसार बन्द हुने भएका छन् ।

पर्सा, बारा लगायतकाे जिल्लामा वायु प्रदुषणकाे खासै असर नदेखिएकाेले छिपहरमाई गाउँपालिकाकाे शिक्षण संस्था बन्द नहुने प्रमुख प्रशासकिय अधिकृत देवनाथ साहले जानकारी दिए ।

काेराेना कारण लामाे समय शिक्षण संस्थाहरु बन्द रहेकाे र परिक्षा पनि नजिक नै रहेकाे कारणले विद्यालय खाेल्नु परेकाे उनले वताए ।

यस्तै, सखुवा प्रसाैनी गाउँपालिकाले पनि शैक्षिक संस्थाहरु संचालन हुने जनाएकाे छ । गाउँपालिका अध्यक्ष प्रदिप जयसवालले आफ्नाे फेसबुकमा एक स्टेटस लेख्दै विद्यालयहरु संचालन गर्न निर्देशन दिएका छन् ।

यस्तै, बिन्दवासिनी गाउँपालिकाले पनि शैक्षिक संस्थाहरु संचालन गर्ने निर्णय गरेकाे छ । पर्सामा वायु प्रदुषणकाे खासै असर नदेखिएकाेले विद्यालय संचालन गर्ने निर्णय गरिएकाे बिन्दवासिनी गाउँपालिकाका निमित प्रमुख प्रशासकिय अधिकृत मुना कुमार राैनियारले जानकारी दिए ।

गाउँपालिकाकाे शिक्षा शाखा, शिक्षक महासंघ र गाउँपालिका अध्यक्षकाे समन्यमा विद्यालय संचालन गर्ने निर्णय गरिएकाे प्रमुख प्रशासकिय अधिकृत राैनियारले वताए । 

यस अघि नै वीरगंज महानगरपालिकाकाले पनि विद्यालय संचालन गर्न निर्देशन दिइसकेकाे छ ।

नेपाल सरकारले मिति २०७७/१२/१७ गते देखि २० गते सम्म वायु प्रदुषण को कारण देखाइ शैक्षिक संस्थाहरु बन्द गर्ने भनिएता पनि सो को प्रभाव बिरगंज महानगरपालिकामा नदेखिएको र विगतमा भएको शैक्षिक क्षतिलाई समेत ध्यानमा राख्दै महानगरपालिकाको अर्को आदेश नभए सम्म सबै शैक्षिक संस्थाहरुले पठनपाठन यथावत् सुचारु राख्न हुन वीरगंज महानगरपालिकाकाे शैक्षिक महाशाखाले जनाएकाे छ ।

जिराभवानी गाउँपालिकाकाे शैक्षिक संस्था बन्द रहने 

पर्सा कै जिराभवानी गाउँपालिकाकाे शैक्षिक संस्थाहरु सरकारकाे निर्णय अनुसार बन्द रहने भएकाे छ ।

नेपाल सरकारले मिति २०७७/१२/१७ गते देखि २० गते सम्म वायु प्रदुषणको कारण शैक्षिक संस्थाहरु बन्द गर्न दिएकाे निर्देशन अनुसार पालिका भित्रकाे सम्पूर्ण विद्यालयहरु बन्द रहने प्रमुख प्रशासकिय अधिकृत प्राण मेहताले जानकारी दिए ।

उनले भने “नेपाल सरकारकाे निर्देशन विपरित जान सकिदैन्, अन्य पालिकाले विद्यालयहरु संचालन गरे पनि हामीले सरकारकाे निर्णकाे पालना गर्दै विद्यालहरु बन्द नै गर्छाैं ।”

छिपहरमाईमा डिजे बजाउने विषयमा विवाद हुँदा झडप, २ जना घाइते

0

वीरगंज ।  पर्साको छिपहरमाई गाउँपालिका वडा नम्बर ३ झलमैयामा डिजे बजाउने विषयमा विवाद हुँदा २ जना घाइते भएका छन् । चर्काे आवाजमा भोजपुरी अस्लिल गीत बजाई नाचगान गर्दै भिडभाड गरेको अवस्थामा विवाद हुँदा सोही ठाउँका अजय साह कानु र ललन साह घाइते भएका हुन् ।

स्थानीय राजेश यादब, सितलाल यादव, जलेन्धर यादब लगायतको समूहले शनिवार राति साढे १० बजे तिर चर्काे आवाजमा डिजे बजाउँदा अजय साह कानु र ललन साहले आवाज कम गर्न आग्रह गर्दा विवाद उत्पन्न भएको थियाे ।

निजहरुले आवाज कम नगर्ने र डिजे बन्द नगर्ने अडान लिएपछि उत्पन्न विवादको क्रममा झडप समेत भएको थियो । झडपमा घाइते भएका कानुको टाउको, खुट्टा तथा छातीमा चोट लागेको छ भने साहको टाउको, आँखा, खुट्टामा चोट लागेको छ ।