Date
शुक्र, मंसिर ४, २०८३
Fri, November 20, 2026
Home Blog Page 837

वीरगंज मै एन्यूरिज्म क्लिपिङ्गकाे सफल सलक्रिया

0

वीरगंज । बीरगंजका ३ जना न्युरो सर्जन डाक्टरहरुको समूहले गम्भीर प्रकृतिको न्युरो सर्जरी गरेका छन् । बीरगंजमा हाल सम्म न्यूरो ट्रोमा मात्र हुदै आएकोमा डाक्टरहरुको समूहले एनियूरीजमको सफल सलक्रिया गरेका हुन् ।

यो अप्रेशनलाई मेडिकल भाषामा क्लिपिङ्ग अफ एनिरीजम भनिन्छ । रौतहट जिल्लाको राजदेवी नगरपालिका वडा नं. २ निवासी हजमिनिया दरवार निवासी शेष जलिलका श्रीमती श्यामदिया खातुनको टाउँको नशा फुलेर फुटेपछि वीरगंजकाे भवानी हस्पिटलमा भर्नामा भएकी थिइन् ।

याे एउटा गम्भीर प्रकृतिकाे दिमागकाे (ब्रेनकाे) नसामा हुने राेग हाे । एन्यूरिज्ममा दिमागकाे नसा फुटेर रगत बग्ने गर्दछ । जसका कारणा बिरामीलाइ पहिला एक्दमै जाेडले टाउकाे दुख्ने र बिस्तारै बेहोश हुँदै जाने र ब्रेन हेमरेज हुने गर्दछ, जसकाे सर्जरी नीकै कठिन हुने गर्दछ ।

खातुनको वीरगंजका न्युरो सर्जन डा. रंजित कुमार चौरसिया, डा. सफरोज अंसारी र डा. विपिन चौरसियाको टिमले वीरगंजस्थित नेशनल मेडिकल कलेजको अप्रेशन थिऐटरमा सफल सर्जरी गरेका थिए । हाल बिरामी खातुनको अवस्था निकै राम्रो रहेको तथा कुनै किसिमको समस्या नभएको परिवारजनले जनाएका छन् ।

गम्भीर प्रकृतिका ब्रेन सर्जरीमा सहभागी रहेका डाक्टरहरुले आइतबार वीरगंजकाे भवानी हस्पिटलमा पत्रकार सम्मेलनको आयोजना गरी वीरगंज मै मस्तिकसको नाशा फुटेको बिरामीको अप्रेशन तथा सफल उपचारको बिषयमा जानकारी दिए ।

अप्रेशनमा सहभागी डा. रंजितले कम खर्चमै बीरगंजमा आधुनिक प्रबिधिकाबाट उपचार गर्न सम्भव रहेको वताए । उनले यस्तो बिरामीलाई काठमाण्डौ अथवा बाहिर पठाउँदा रिक्स हुने गरेको तथा बाटोमै मृत्यु हुने गरेको अनुभव हामीलाई रहेको वताए ।

अप्रेशनमा सहभागी डाक्टर सफरोजले बीरगंज मै हाल सम्म नभएको अप्रेशन हाम्रो टिमले माइक्रो एस्कोपको मदतबाट गर्न सफल भएको बताए ।

डा. रंजितले तराईवासीहरुमा जानकारीका अभावका कारण अहिले सम्म बाहिर अथवा बिदेशमै लगेर ब्रेन सम्बन्धि उपचार गराउँने परिपाटी रहेको पत्रकार सम्मेलनमा बताए । उनले हामीले गरेको अप्रेशन बीरगंजमा अहिले सम्म कसै नगरेको भए पनि यो सफलतासँगै अब सम्भव रहेको प्रष्ट भएको दावी गरे ।

डा. विपिनले बीरगंज मै आधुनिक स्थरको अप्रेशन थिऐटर देखि आवश्यक मेसिन तथा माइक्रो स्कोपहरु पनि उपलब्ध रहेको बताए । बाहिरका अस्पतालहरुमा प्रदान गरिने सेवा र बीरगंज हामीले प्रदान गर्ने सेवामा खासै फरक नरहेको उनले पत्रकार सम्मेलनमा बताए ।

तर खर्चमा बाहिर अलि महगो रहेको तथा बीरगंज हामीले कम शुल्कमै उच्च स्तरीय सेवा दिने प्रयास गरेको बताए ।

पत्रकार सम्मेलनमा उपचार पछि हाल बिरामीको अवस्था निकै राम्रो रहेको बताउँदै उपचारमा संलग्न रहेका चिकित्सकहरुलाई खातुनका श्रीमान शेष जलिलले अभार व्यक्त गरेका थिए ।

सहकारी संस्थाको कार्यालय मन्त्री साहद्वारा उद्धघाटन

0

वीरगंज  । सामुदायिक बचत तथा ऋण सहकारी संस्था लि. पोखरिया नगरपालिका–८ जगतपुरको कार्यालय प्रदेश नं. २ का भुमी ब्यवस्था, कृषि तथा सहकारी मन्त्री शैलेन्द्र प्रसाद साहले गरेका छन् ।

संस्थाद्वारा आयोजित उदघाटन, होलि पर्व एवं सब्बे–बरात पर्वको शुभकामना अदानप्रदान कार्यक्रमको प्रमुख अतिथि समेत रहेका साहले देश विकासको लागि सहकारीको भूमिका जरुरी रहेको बताए ।

फहिम हवारीको अध्यक्षतामा भएको कार्यक्रममा प्रदेश सांसद करिमा वेग्म, भिमा यादव, पारस साह, पोखरिया नगरपालिकाकी उपमेयर सलमा खातुन, जिल्ला कृषि सहकारी संघ लि. पर्साका अध्यक्ष शिव कुमार साह, जसपा नेता फिरोज मन्सुर, जनार्दन यादव, शिव पटेल, सलाउदिन अहमद, नागेन्द्र यादव, वडा अध्यक्ष किशोरी साह लगायतकाले शुभकामना मन्तव्य राखेका थिए भने स्वागत मन्तव्य राजु साह तेलिले राखेका थिए ।

पत्रकार महासंघको केन्द्रिय समितिमा पर्साबाट ३ जनाकाे उम्मेदवारी

0

वीरगंज । नेपाल पत्रकार महासंघकाे केन्द्रिय समितिमा पर्साबाट ३ जनाकाे उम्मेदवारी परेको छ ।

प्रेस युनियन, प्रेस संगठन लगायतकाे ११ पत्रकार संगठनकाे प्यानलबाट नेपाल पत्रकार महासंघकाे सचिव (मधेशी) पदमा पर्साका पत्रकार दिपेन्द्र चाैहान र केन्द्रिय सदस्य (दलित) पदमा पर्साका पत्रकार बृजलाल पासवानकाे उम्मेदवारी दर्ता भएकाे हाे ।

त्यसैगरी, प्रेस चाैतारीबाट पत्रकार महासंघकाे केन्द्रिय सदस्यमा पर्साका पत्रकार केशी लामिक्षानेले उम्मेदवारी दिएका छन् ।

महासंघकाे  केन्द्रिय सचिवमा उम्मेदवारी दिएका पत्रकार चाैहान नेपाल पत्रकार महासंघ प्रदेश न. २ का अध्यक्ष एवम् प्रेस युनियनका नेता हन् भने केन्द्रिय सदस्यमा उम्मेदवारी दिएका पत्रकार पासवना प्रेस संगठन नेपाल प्रदेश नं. २ का सचिव र अर्का केन्द्रिय सदस्यका उम्मेदवार लामिक्षाने लामिक्षाने नेपाल पत्रकार महासंघ प्रदेश नं. २ का उपाध्यक्ष एवम् प्रेस चाैतारीका लेखा समिति सदस्य हुन् ।

देशको नेतृत्व लिने गरी लगनशील भएर अध्ययन गर्न सुझाव

0

वीरगंज । वीरगंज महानगरपालिकाका मेयर विजय कुमार सरावगीले युवाहरुले देशको नेतृत्व लिन सक्ने युवाशक्तिको खाँचो रहेको बताएका छन् ।

नेशनल कलेजले कक्षा १२ का विद्यार्थीहरुका लागि आयोजना गरेको स्वागत कार्यक्रमकाे उद्घाटन गर्दै मेयर सरावगीले पछिल्लो समयमा राजनीतिक खेल अन्त्यन्त अस्वस्थ रुपमा अगाडि गईरहेकोले यसलाई सही दिशामा ल्याउनका लागि युवा नेतृत्वको आवश्यकता रहेको बताएका हुन् ।

उनले युवा नेतृत्वका लागि शिक्षा अनिवार्य रहेको र मेहेनत र लगनशील भएर अध्ययन गरे भविष्यमा सक्षम नेतृत्व लिन तयार हुनुपर्ने बताए । 

कार्यक्रमका प्रमुख अतिथी समेत रहेका मेयर सरावगीले विद्यार्थीहरुलाई अनुशासनमा बसेर लगनशील भई अध्ययन गरे देशको सफल नेतृत्वमा पुग्न सकिने बताए । उनले युवाहरुलाई शिक्षाको बारेमा कुनै किसिमको सम्झौता नगर्न सुझाव दिदै देशको सक्षम नेतृत्वको लागि सफल नागरिक आवश्यक रहेको बताए ।

गृहिणीहरुको क्षमता विकासलाई प्रोत्साहन गर्न जरुरी छ : मेयर सरावगी

0

वीरगंज । वीरगंज महानगरपालिकाका मेयर विजय कुमार सरावगीले चुलाचौकामा मात्रै सीमित रहेका गृहिणी महिलाहरुको क्षमता विकास जरुरी रहेको बताएका छन् ।

वीरगंज महानगरपालिका स्तरीय बजेटबाट वडा नम्बर ६ मा आयोजना गरिएको गृहिणीहरुको क्षमता विकास र बजारीकरण विषयक तालिमको शुक्रबार उद्घाटन गर्दै मेयर सरावगीले गृहिणीलाई भान्सामा मात्रै सीमित राख्ने समाजको मानसिकतालाई परिवर्तन गरेर उनीहरुको क्षमता विकासलाई पनि प्रोत्साहन गर्नुपर्नेमा जोड दिए ।

२१ औं शताब्दीमा लैंगिक विभेद गर्न नहुने बताउदै उनले महिला महिलाबीचमा हुने भेदभावलाई पनि अन्त्य गर्न आवश्यक रहेको बताए ।

उनले घरभित्रैको काममा मात्रै गृहिणी महिलाहरुलाई सीमित नराखेर उनीहरुको क्षमता विकास गर्न सके र बजारीकरण गर्न सकेमा उनीहरुले घर मै बसेर उत्पादन गरेका वस्तुहरुको समेत बजारीकरण भए आर्थिक रुपमा सवल हुने बताए ।

महिला जागरण समाजको आयोजना तथा वीरगंज महानगरपालिकाको सहयोगमा आयोजित तालिममा वडा नम्बर ६ का वडाध्यक्ष लक्ष्मीनाथ नेपाल, मिन्टु सिंह लगायतको उपस्थिति रहेको थियो ।

महुवनमा दाैड प्रतियाेगिता सम्पन्न

0

वीरगंज । पर्साकाे सखुवा प्रसाैनी गाउँपालिका वडा नं. ५ महुवनमा शनिबार दाैड प्रतियाेगिता सम्पन्न भएकाे छ । पारसनाथ युवा समाज, महुवनकाे आयाेजनामा १०० मिटर, ३०० मिटर र १५०० मिटरकाे दाैड प्रतियाेगिता सम्पन्न भएकाे हाे ।

१०० मिटरकाे दाैड प्रतियाेगिता दिनेश साह तेली प्रथम, पिन्दु साह तेली द्वितिय र गाेबिन्द साह तेली तृतिय भएका थिए ।

यस्तै, ३०० मिटरकाे प्रतियाेगितामा दिनेश साह तेली प्रथम, पिन्टु साह तेली द्वितिय र आर्यन साह तेली तृतिय भएका थिए भने १५०० मिटरकाे प्रतियाेगितामा कृष्णा कुमार राम प्रथम, पिन्टु साह तेली द्वितिय र विकेश कुमार राम तृतिय भएका थिए ।

युवा समाजका सन्देश कुमार  साह तेली र अनिल साह तेलीकाे अध्यक्षतामा भएकाे प्रतियाेगितामा उमेश राैनियार, सुरेश पटेल, रामदिनेश पंडित, गाेबिन्दा साह, संदिप पटेल, महेश राैनियार, बृजकिशाेर हजारा, किशाेरी साह तेली लगायतकाे उपस्थिती रहेकाे थियाे ।

१०० मिटरकाे प्रतियाेगितामा १३ जना, ३०० मिटरकाे प्रतियाेगितामा १४ जना र १५०० मिटरकाे प्रतियाेगितामा ९ जनाकाे सहभागी भएका थिए ।

पांच धुर जग्गाको लालपूर्जामा कीर्ते गरी एक कठ्ठा ५ धुर बनाएर विक्री

0

वीरगंज । वीरगंज महानगरपालिका–१६ इनर्वास्थित ५ धुर जग्गाको लालपूर्जालाई कीर्ते गरेर १ कठ्ठा ५ धुर जग्गा बनाई विक्री गरेको रहस्य खुलेको छ । वीरगंज महानगरपालिका–१० अशोकबाटिका निवासी विश्वनाथ ठाकुर लोहारका छोरा राजेश कुमार विश्वकर्माले किनेको साविक छपकैया–६ (बी), कित्ता नम्बर ६५८ को ५ धुर जग्गाको लालपूर्जामा कीर्ते गरी शून्यलाई तल धर्का तानी एक बनाएर त्यही जग्गाको १ कठ्ठा ५ धुर बनाई वीरगंज महानगरपालिका–१८ भवानीपुर निवासी मदन प्रसाद कलवारसँग विक्री गरेको तथ्य फेला परेको हो ।

साबिक बारा जिल्लाको बुनियाद गाविस–९ निवासी योगेन्द्र प्रसाद यादवको श्रीमती फुलमति देवीसँग २०५६ साल वैशाख ६ गते विश्वकर्माले किनेको उक्त ५ धुर जग्गालाई १ कठ्ठा ५ धुर बनाई जिल्ला मालपोत कार्यालय पर्सामा २०६१ साल चैत १९ गते वीरगंज महानगरपालिका–१८ निवासी रामअयोध्या साह कलवारका छोरा मदन प्रसाद कलवारसँग विक्री गरि उनको नाममा श्रेस्ता कायम गराएका छन् ।

त्यस पश्चात मदन प्रसाद कलवारले सो जग्गा विक्री वितरण गर्नका लागि श्रेस्ता कायम गर्दा साविकको जग्गा भिडाउन भनि मालपोत कार्यालय पर्साले लेखेपछि उक्त घटना बाहिर आएको हो । विश्वकर्माले उक्त कित्ताको जग्गा आफ्नो नाममा कायम गराउँदा ५ धुर नै रहेको तर विक्री गर्दा १ कठ्ठा ५ धुर जग्गा बनाएर विक्री गरेका छन् ।

त्यसअघि विश्वकर्माले फुलमति देवीसँग किन्दा पनि लालपूर्जामा ५ धुर नै जग्गा देखिएको छ । त्यस्तै, फुलमति देवीले पनि वीरगंज महानगरपालिका–१६ इनर्वा निवासी दंगल राउत अहिरको छोरा बलराम प्रसाद यादवसँग २०५५ जेठ २७ गते किन्दा लालपूर्जामा ५ धुर नै जग्गा देखिएको छ । तर विश्वकर्माले बढी पैसा कमाउने लोभमा सजिलो तरिकाबाट बीचको शून्यलाई धर्का तानेर एक बनाई १ कठ्ठा ५ धुर जग्गा बनाएर कलवारसँग विक्री गरेका हुन् । विश्वकर्माले आफ्नो लालपूर्जामा मात्रै नभई मालपोत कार्यालयका कर्मचारीहरुको मिलोमतामो श्रेस्तामा पनि कीर्ते गरेका छन् ।

सम्पूर्ण जग्गाको रेकर्ड सुरक्षित राख्ने मालपोत कार्यालयको श्रेस्तामा पनि शून्यलाई कीर्ते गरेर एक बनाइएको प्रष्ट देख्न सकिन्छ । यस कार्यमा विश्वकर्मा एक्लै मात्रै नभई तत्कालीन केही कर्मचारीहरुको मिलोमतोमा श्रेस्तामाथि नै कीर्ते गरिएकोले मालपोत कार्यालयको कार्यशैली शंकाको घेरामा परेको छ । त्यसोत, बेला बखत मालपोत कार्यालयमा विभिन्न कीर्ते कामहरु हुने गरेको घटना सार्वजनिक नै हुने गरेको छ ।

मदन प्रसाद कलवारको नाममा उक्त जग्गा कायम हुँदा बखत राजिनामा कागज बनाउँदा बारा जिल्ला विश्रामपुर निवासी रामेश्वर प्रसाद र पर्सा जिल्ला वीरगंज महानगरपालिका निवासी पिताम्बर प्रसाद साक्षीमा हस्ताक्षर गरेका छन् ।

जितपुरमा बालबालीकाहरुलाई स्टेसनरी वितरण

0

रोशन गुप्ता /
जीतपुर ।
जीतपुरसिमरा उपमहानगरपालिका वडा–७ जीतपुर विशाल बजारमा युवा नेता मनोज कुमार साहद्वारा संचालित फ्रि कोचिङमा स्टेसनरी समाग्री बितरण गरिएको छ । कोचिङमा युवा नेता उमेश कुशवाहाले गरिब बालबालिकाहरुलाई शैक्षिक सामग्री वितरण गरेका थिए ।

कोचिङ्गमा अध्यनरत गरिब बालबालिकालाई शिक्षण कार्यमा कुनै अवरोध आउन नदिन बारा क्षेत्र नम्बर ४ ‘ख’ का युवा नेता उमेश कुशवाहाले बिधार्थीहरुलाई एक हजार प्रति कापी, पेन्सिल, कटार, इरेजर लगायतका स्टेसनरी समाग्री वितरण गरे ।

समाजको बिकास गर्न शिक्षाले महत्वपुर्ण भुमिका खेल्ने र निःशुल्क शिक्षाको ब्यवस्था मिलाएको उ नेता साहले कुशवाहालाई धन्याबाद समेत दिएका थिए । ् बालबालिकालाई निःशुल्क शिक्षा प्रदान गर्ने उतरदायित्व राज्यको भएपनि राज्यले सबैतिर निःशुल्क शिक्षा प्रदान गर्न नसकेका ठाउँहरुमा मनोज कुमार साह जस्ता युवा समाजसेवीहरु अगाडि आउनु आफैमा एक उदाहरणीय कार्य रहेको प्रमुख अतिथि उमेश कुशवाहाले बताए ।

स्टेशनरी वितरण कार्यक्रममा जनजागरण माध्वर्ती समुदायिक बन समितिका अध्यक्ष तारा बहादुर कार्की, नेपाल फोरम लोकतान्त्रिक पार्टीका केन्द्रीय सदस्य श्रीराम साह, नेकपाका युवा नेता सतोष साह, समाजसेवी गभिरा सहनी लगायतको उपस्थिति रहेको थियो ।