Date
शुक्र, मंसिर ४, २०८३
Fri, November 20, 2026
Home Blog Page 822

सखुवाप्रसौनीले खोप खरिदको लागि सरकारसंग माग्यो अनुमती

0

वीरगंज। पर्साको सखुवाप्रसौनी गाउँपालिकाले कोरोना भाइरस विरुद्धको खोप खरिदको लागि नेपाल सरकारसंग अनुमति माग गरेको छ । गाउँपालिका अध्यक्ष प्रदिप कुमार जयसवालले शुक्रबार नेपाल सरकारको स्वास्थ्य तथा जनसंख्या मन्त्रालयलाई एक पत्र लेख्दै खोप खरिद तथा प्रयोगको लागि अनुमति मांग गरेका हुन् । विश्वभरी फैलिएको कोरोना भाइरसको महामारीबाट सुरक्षित रहने अन्तिम विकल्प खोप मात्रै देखिएको हुँदा गाउँपालिकाका जनतालाई खोप लगाउनका लागि गाउँपालिकाले १५ हजार डोज खोप खरिद गर्ने योजना बनाएको छ ।

खोप खरिदका लागि अनुमति दिन र खरिद प्रक्रियाका लागि आवश्यक प्रशासनिक तथा प्राविधक सहयोग उपलब्ध गराउन पनि पत्रमार्फत गाउँपालिका अध्यक्ष जैसवालले स्वास्थ्य मन्त्रालयसंग आग्रह गरेका छन् । अध्यक्ष जससवालले अनुमति प्राप्त भएमा नेपाल सरकारले तोकेको मापदण्डभित्र रही खरिद गर्ने र सोहीबमोजिम खोप सञ्चालन गर्ने प्रतिबद्धता समेत जनाएका छन् । पछिल्लो समयदेखी दोस्रो चरणको नयाँ भेरियन्टसहितको कोरोना संक्रमणको महामारीले भ्याव रुप लिएपनि सरकारले सबै नागरिक सहज रुपमा कोरोनाबिरुद्धको खोप उपलब्ध गराउन नसकेपपछि आफै खोप खरिदका लागि सरकारसंग अनुमति मांग गरिएको अध्यक्ष जयसवालले बताए ।

कोरोना भाईरसको विभिन्न स्वरुपहरु परिवर्तन हुँदै आएको र पहिलो भन्दा दोस्रो खतरनाक, दोस्रोभन्दा तेस्रो झन खतरनाक भाईरस भएको बैज्ञानिकहरुले समेत चेतावनी दिएको अवस्थामा खोप मात्रै विकल्प देखिएकोले आफ्ना नागरिकको सुरक्षाका लागि अफै अग्रसर भएर खोप खरिद गर्न लागिएको अध्यक्ष जयसवालले कालिका टाईम्सलाई बताए । सखुवा प्रसौनी गाउँपालिकामा हालसम्म कोरोना संक्रमणबाट ४ जनाको मृत्यु भईसकेको छ ।

गाउँपालिकाले आफै ९३ जनाको एन्टिजोन परिक्षण गर्दा १९ जनामा कोरोना संक्रमण पुष्टि भएको थियो । गाउँपालिकाले वडा नं. ५ महुवनस्थित स्वास्थ्य चौकीमा कोरोना संक्रमितको उपचारको लागि आईसोलेशन संचालनमा ल्याएको छ । सो आईसोलेशनमा १५ जना भर्ना भएकोमा हालसम्म ८ जना निको भई घर फर्किसकेका छन् । हाल २ जना उपचाररत रहेका छन् भने ५ जनलाई रेफर समेत गरिएको गाउँपालिका स्वास्थ्य संयोजक राजेश रौनियारले बताए ।

रेडक्रस प्रदेश २ ले गर्‍यो कोभिड व्यवस्थापनमा सहयोग

0

वीरगंज । नेपाल रेडक्रस सोसाइटी प्रदेश २ को कार्यालयद्वारा जिल्ला कोभिड–१९ व्यवस्थापन समितिलाई कोरोना महामारीमा प्रयोग हुने स्वास्थ्य सामाग्रीहरु हस्तान्त्रण गरिएको छ ।

रेडक्रस पर्सा जिल्ला शाखाका सभापति विरेन्द्र राज कँडेलको सभापतित्व एवम् रेडक्रस प्रदेश २ का अध्यक्ष फुलमहम्मद मियाँको प्रमुख आतिथ्यतामा शुक्रबार भएको कार्यक्रममा सो स्वास्थ्य सामग्री हस्तानान्तरण गरिएको हो ।

कोराना महामारी रोगबाट बचन र बचाउनका लागी प्रयोग हुने सर्जिकल मास्क २० हजार पिस, आक्सिजन कन्सनटेटर–३ सेट, व्यक्तिगत सुरक्षा सुट पि.पि.ई–५० सेट लगायतका करिब ८ लाख मुल्य बराबरको स्वास्थ्य सामग्री पर्साका प्रमुख जिल्ला अधिकारी एवं जिल्ला कोभिड–१९ व्यवस्थापन समितिका अध्यक्ष पिताम्बर घिमिरेलाई हस्तानान्तरण गरिएको रेडक्रस पर्साका सहायक राजन श्रीवास्तवले बताए ।

सो अवसरमा बोल्दै प्रमुख जिल्ला अधिकारी घिमिरेले स्वास्थ्य सामाग्री हस्तान्त्रण निकै स्रहानिय रहेको बताउँदै यस महामारीको समयमा समेत रक्तदान गराई विरामीहरुको लागि रगतपुर्ति, एम्बुलेन्स सेवा, जनचेतना साथै विभिन्न कार्य गर्दै आएको कार्य प्रशंसनिय रहेको बताए ।

विगतको लामो समय देखी जहाँ दुख त्यहा रेडक्रस भन्ने नाराका साथ मानवीय सेवा कार्यमा रेडक्रसको ठुलो सहयोग र योगदान हुदै आएको साथै कोरोना महामारीको पहिलो लहरमा समेत देशव्यापी गरिएको कार्य झै कोरोनाको दोश्रो लहरमा समेत हाम्रो हातेमालो रहिरहनेछ साथै विभिन्न कार्यमा सहयोग गरिनेछ भन्ने कुरा रेडक्रस पर्साका सभापति विरेन्द्र कंडेलले अध्यक्ष घिमिरेलाई जानकारी गराए ।

जिल्ला प्रशासन कार्यालय पर्सामा भएको स्वास्थ्य सामग्री हस्तान्त्रण कार्यक्रममा रेडक्रस प्रदेश २ का अधिकृत उमेश मिश्र, सुर्दशन श्रेष्ट, पर्सा रेडक्रसका लेखाअधिकृत विरशम्सेर प्रसाद कुर्मी, राजन श्रीवास्तव, महम्मद आलम, मन्ताज मियाँ, लक्ष्मीनारायण रावत लगायतको उपस्थिती रहेको थियो ।

पर्सामा थप दुई कोरोना संक्रमितको मृत्यु

0

वीरगंज । पर्सामा थप दुई जना कोरोना संक्रमितको मृत्यु भएको छ । वीरगंजस्थित नारायणी अस्पताल र तराई अस्पतालमा उपचाररत १ महिलासहित २ जनाको मृत्यु भएको हो ।

वीरगंज महानगरपालिका वडा नम्बर १३ निवासी ४८ वर्षीय पुरुषको बिहिबार दिउँसो १२ बजेको करिवमा तराई अस्पतालमा उपचार गर्दागर्दै मृत्यु भएको जिल्ला प्रशासन कार्यालय पर्साले जनाएको छ ।

यस्तै नारायणी अस्पतालमा उपचाररत बहुदरमाई नगरपालिका वडा नम्बर ५ निवासी ३५ वर्षीय महिलाको राती १० बजे मृत्यु भएको अस्पतालले जनाएको हो ।

नारायणी अस्पतालमा १७७ जनाको परिक्षण गर्दा ४२ जनामा कोरोना पुष्टि

0

वीरगंज । वीरगंजस्थित नारायणी अस्पतालमा १ सय ७७ जनाको आरटी–पिसिआर प्रविधिबाट थ्रोट स्वाबलाई परिक्षण गर्दा ४२ जनामा कोरोना भाईरसको संक्रमण पुष्टि भएको छ । संक्रमित मध्ये १५ जना महिला रहेका छन् २७ जना पुरुष रहेका छन् ।

संक्रमित हुनेमा २५ जना पर्सा, ११ जना बारा, ३÷३ जना सर्लाही र रौतहट र १ जना काठमाडौँको रहेको नारायणी अस्पतालले जनाएको छ । संक्रमित हुनेमा ११ वर्षदेखि ८६ वर्ष उमेर समूहका रहेका छन् भने उनीहरुको सिटि भ्यालु १७.५ देखि ३५.३ सम्म रहेको अस्पतालले जनाएको छ ।

डीएसपीले मेडिकल कर्मचारीलाई कुटपिट गरेको सम्बन्धमा छानबिन सुरु

0

वीरगंज । वीरगंज महानगरपालिका–८ आर्मी ब्यारेक पछाडि रहेको एक सर्जिकल पसलका कर्मचारीमाथि डीएसपी प्रह्लाद कार्कीले दुर्व्यवहार गरेको भिडियो सामाजिक सञ्जालमा भाइरल भएसँगै प्रदेश २ प्रहरी कार्यालयले छानबिनका लागि समिति गठन गरेको छ ।

प्याथो सर्जिकल हाउसका कर्मचारी अफरोज अहमदमाथि डीएसपी कार्कीले बुट र लौरोले कुटपिट गरेको घटनाका सम्बन्धमा छानबिन गर्न प्रदेश २ प्रहरी कार्यालयले समिति गठन गरेको हो । प्रदेश प्रहरीले आज एक विज्ञप्ति जारी गर्दै प्रदेशका एसपी कृष्ण प्रसाईंको नेतृत्वमा ३ सदस्यीय छानबिन समिति गठन गरेको जानकारी दिएको छ । छानबिनका क्रममा प्रहरीको गल्ती पाइए प्रहरी नियमावली बमोजिम कारबाही गरिने प्रदेश २ प्रहरी कार्यालयले जनाएको छ ।

जिल्ला प्रहरी कार्यालय पर्सामा कार्यरत प्रहरी नायब उपरीक्षक (डीएसपी) कार्कीले बुधबार बिहान उक्त सर्जिकल पसलमा प्रवेश गरी त्यहाँका कर्मचारी अहमदलाई कुटपिट गरेका थिए । सर्जिकल हाउसको छेउमै रहेको किराना पसल प्रहरीले बन्द गराउने क्रममा अहमदले भिडियो खिचेको भन्दै कुटपिट गरिएको हो ।

अहमदमाथिको कुटपिट भएको दृश्यको रेकर्ड पसलको सीसीटीभीमा भएको थियो । घटनाको भिडियो सामाजिक सञ्जालमा भाइरल भएपछि डीएसपी कार्कीमाथि कारबाहीको माग उठेको थियो । लौरो र बुटले हिर्काएपछि अहमदको मोबाइलसमेत डीएसपीले खोसेर लगेको पटेलले बताए ।

निषेधाज्ञा उलंघन गर्दै ओलीको समर्थनमा प्रदर्शन

0

वीरगंज । कोरोना भाईरस रोकथाम तथा नियन्त्रणको लागि जारी निषेधाज्ञाको उलंघन गरेर वीरगंजमा बिहिबार प्रधानमन्त्री केपी शर्मा ओलीको समर्थनमा प्रदर्शन भएको छ । नेकपा एमाले पर्साका नेताहरुले नागरिकता सम्वन्धी अध्यादेशको पक्षमा निषेधाज्ञा उलंघन गर्दै जुलुस प्रदर्शन गरेका हुन् ।

एमाले नेता बलिराम साहको नेतृत्वमा भएको प्रर्दशनमा नागरीकता बिरोधी नेता चाहिदैन, भिम रावल मुर्दावाद, नागरीकता अध्यादेश बिरोधी होसियार, राष्ट्रिय एकता जिन्दाबाद, ओली सरकार जिन्दाबाद जस्ता नारा लगाएका थिए ।

जुलुस प्रदर्शन वीरगंजको मुर्लिचौक देखि नेशनल ट्रेडिङसम्म गरिएको थियो । सो अवसरमा संबिधान सभा सदस्य ईस्माईल हवारी, छिपहरमाई गाँउपालिका अध्यक्ष मनोज गुप्ता, नेता योगेन्द्र साह लगायतको सहभागीता रहेको थियो ।

                                                               राष्ट्रपति र प्रधानमन्त्रीको पुत्ला दहन


यस्तै पर्सामा जारी निषेधाज्ञाका बिच प्रधानमन्त्रीले चालेको असंवैधानिक कदमको विरुद्धमा विद्यार्थी संगठनहरुले बिहीबार प्रधानमन्त्री र राष्ट्रपतिको पुत्ला दहन गरेका छन् । वीरगंज महानगरपालिका वडा नम्बर १४ चिनीमिल आवासक्षेत्र अगाडि नेकपा माओवादी केन्द्र निकट अखिल क्रान्तिकारी र नेपाल कांग्रेस निकट नेपाल विद्यार्थी संघले संयुक्त रुपमा राष्ट्रपति विद्यादेवी भण्डारी र प्रधानमन्त्री केपी शर्मा ओलीको पुत्ला जलाएका हुन् ।

अखिल क्रान्तिकारीका केन्द्रीय सदस्य एवं पर्सा इन्चार्ज जुवैर आलम र नेविसंघका कार्यवाहक अध्यक्ष विकेस पटेलको नेतृत्वमा रहेका विद्यार्थीहरुले नारावाजी गर्दै पुत्ला जलाएका हुन् । असंवैधानिक कदमको विरोधमा विद्यार्थी संगठनहरुले बिहीबार राष्ट्रपति र प्रधानमन्त्रीको पुत्ला जलाएको जनाएका छन् । उनीहरुले सडकमा नारावाजी सहित जुलुश प्रदर्शन गरेका छन् ।

जुलुश प्रदर्शनमा अखिल क्रान्तिकारीका पर्सा अध्यक्ष कविराज पटेल, सदस्य रामबाबु मण्डल, महानगर अध्यक्ष विवेक साह लगायतको सहभागिता रहेको थियो ।

आदर्श मिश्राका बुबाको मृत्यु प्रकरणः आदर्श र चिकित्सकबिच आरोप प्रत्यारोप, दोषी को ?

0

वीरगंज । वीरगंजस्थित नारायणी अस्पतालका चिकित्सकको लापरवाहीका कारण आफुले बुबा गुमाउनुपरेको आदर्श मिश्राले आरोप लगाएका छन् । नारायणी अस्पतालमा डायलिसिस मेशिन बिग्रियो भनेर सामाजिक सञ्जालदेखि सञ्चार माध्यममा आएका समाचारको खण्डन गर्दै बरिष्ट चिकित्सक डा. निरज सिँहले डायलिसिस मेशिन राम्रो छ भनेर सामाजिक सञ्जालमा गरेको पोस्टप्रति मिश्राले आपत्ति जनाउँदै यस्तो आरोप लगाएका हुन । डा. सिँहको पोस्टलाई मिश्रले आफ्नो बुबाको हत्यालाई बचाउ गर्न अघि सरेको बुझेका छन् ।

‘मेरो बाबाको डायलिसिस गर्ने बेला कहाँ हुनुहुन्थ्यो ?’ भन्दै उल्टै मिश्रले प्रश्न गरेका छन् । उनले अगाडी थपे, ‘अनि ४ घण्टाको डायलिसिसलाई ३.३० त तपाईको आदेशबिना बनेन होला ! तपाई त प्रमुख हो हैन । हैन भने, युरिया २६० हुँदा डायलिसिसको समय घट्दैन हजुरले किन थाहा पाउनु भएन ? तपाईले निरिक्षण गर्ने हैन त्यो ?’ डायलिसिसको समय घटाईदिने र व्यक्तिगत सुरक्षा सामाग्री (पिपिई) नलगाई डायलिसिस गर्ने नर्स नादीया अन्सारीलाई पनि उनले बुबाको हत्याराको आरोप लगाएका छन् । बुबा बितेको ३ दिन नबित्दै उनले सामाजिक सञ्जाल फेसबुकमा एउटा स्टाटस पोस्ट गर्दै सो आरोप लगाएका हुन् । यसअघि डा. निरज सिंहले सामाजिक सञ्जालमा पोस्ट लेख्दै फेसबुक र ट्वीटरमा हंगामा मच्चाउनुभन्दा सरकारको निर्देशन नमान्नेलाई कसरी मनाउनेतिर खर्च गर्दा राम्रो भनेका थिए । उनले सकारको निर्देशन नमान्ने भन्नाले नेशनल मेडिकल कलेजलाई ईंगित गरेका थिए ।
                                      उपचारमा कुनै लापरवाही भएको छैन : नारायणी अस्पताल
बारा जितपुर निवासी आदर्श मिश्राका बुबा बिनोद मिश्राको उपचारमा कुनै लापरवाही नभएको वीरगंजस्थित नारायणी अस्पतालले दाबी गरेको छ । नारायणी अस्पतालका निमित्त मेडिकल सुपरिटेन्डेन्ट डा. उदयनारायण सिँहले एक प्रेस विज्ञप्ती जारी गर्दै अस्पताल प्रशासनले उपचारमा कुनै लापरवाही नगरेको उल्लेख गर्दै दाबी गरेका छन् ।

उनले विज्ञप्ती मार्फत नारायणी अस्पतालको बारेमा सामाजिक सञ्जाल र सञ्चार माध्यमहरुमा आइरहेका समाचार प्रति गम्भिर ध्यानाकर्षण भएको बताउँदै पूरानो किड्नी सम्बन्धि रोगसँगै कोभिड, निमोनिया र युरेमिक एन्सेफलोपथीबाट समेत पिडित उनको बैशाख २८, जेठ ४ र जेठ १० गतेगरी ३ दिन डायलासिस गरिएको स्पष्ट पारेका हुन् ।

अवस्था अत्यन्तै चिन्ताजनक भएकाले आफन्तकै मागबमोजिम अन्यत्र रेफर गरिएको पनि जारी प्रेस विज्ञप्तीमा उल्लेख गरिएको छ । नेपाल सरकारले जारी गरेको निर्देशनबमोजिम बिशिष्ट अस्पतालले बिरामीको डायलासिस स्वयमले गर्नुपर्ने भएपनि अरु अस्पतालबाट रेफर भई आएको अवस्थामा नारायणी अस्पतालमै क्षमताभन्दा बढी कोभिड संक्रमितको डायलासिस गराएकाले जेठ १० गते अन्य दिनको तुलनामा २ घण्टा बढी डायलासिस गरिएको विज्ञप्तीमा उल्लेख छ ।

विज्ञप्तीअनुसार आदर्शका बुबाको डायलासिस गराएपछि सोही दिन अर्का एकजना सिकिस्त बिरामीको डायलासिस गरिएको थियो । निमित्त मेडिकल सुपरिटेन्डेन्ट डा. सिँहले महामारीको समयमा पेशागतभन्दा पनि मानवताका हिसावमा स्वास्थ्य प्रदान गर्दै आएका चिकित्सकको मनोवल बढाउनुपर्नेमा अनावश्यक टिकाटिप्पणी गरी मनोवल घटाउने कार्य नगर्न आग्रह गरेका छन् ।
                                             व्यापक आलोचना पछि डा.सिंहले हटाए पोष्ट
मिश्रले आरोप लगाएका डा. सिँहले भने आफ्नो कुनै गल्ती नभएको भन्दै स्पष्ट पारेका छन् । भरतपुर लिएर जान आफुले सल्लाह नदिएको बताउँदै डा. सिँहले भने, ‘बीरगन्जमै बितेको भए हामी गल्ती स्विकार गर्न तयार हुन्थ्यौ । तर भरतपुरमा बितेका व्यक्तिको जिम्मा हामी कसरी लिन सक्छौ ?’ ‘मलाई जागिरसँग कुनै सरोकार छैन । कोभिड १९ को महामारीमा अग्रपंक्तिमा खटिएर कोभिड संक्रमितहरुको पनि डायलिसिस गर्ने जस्तो महत्वपूर्ण काम गर्दा पनि सामाजिक सञ्जालमार्फत मेरो चरित्र हत्या गर्ने काम भयो ।

यसमा मेरो घोर आपत्ति छ’, डा. सिँहले भने । मेरो व्यक्तित्वमाथी आँच आउने काम गर्नेमाथी नारायणी अस्पतालले कारवाही नगरे जागिर छोडेर देशैभरीका चिकित्सहरुको हड्ताल गरी आन्दोलन थाल्ने पनि डा. सिँहले चेतावनी दिएका छन् ।

डा. सिँहले पहिलो चरणको कोरोना संक्रमितको उपचारमा अग्रपंक्तिमा खटिएर देशव्यापी रुपमा चर्चा समेत बटुलेका थिए । यसैबिच सामाजिक सञ्जालमा दबाब बढ्दै गएपछि डा. सिंहले आफ्नो पछिल्लो फेसबुक पोष्ट डिलिट गरेका छन् । उनका पुराना पोष्टहरुमा पनि विभिन्न फेसबुक प्रयोगकर्ताहरुले आलोचनात्मक टिप्पणी लेखिरहेका छन् ।

महामारीमा बालबालिकाको अवस्था र सुझाव

0

जया साह
बाल अधिकारकर्मी , वीरगंज
विश्व मै महामारीको रुपमा फैलिएको नोवेल कोरोना भाईरस (कोभिड(१९) को पहिलो भेरियन्ट भन्दा दोस्रो भेरियन्ट संग विश्व नै त्रसित भएको बेला नेपालमा भने नराम्रो प्रभाव परेको छ । कोरोनाको संक्रमति बढ्न नदिनका लागि नेपालको बिभिन्न जिल्लाका स्थानिय प्रशासन द्धारा निषेधाज्ञा जारी गरिएको छ ।

बालबालिकाहरुलाई जोखिमबाट बचाउनका लागि बिधालय बन्द गरिएको छ । बालबालिकाको बिधालय संचालन नभएकोले गाउ(घरमा खेलेर समय बिताई रहेको अवस्थामा प्राय भेटिन्छ । साथै कति पए अभिभावकको काम संचालनमा नआउदा बालबालिकाहरु कुपोषणको सिकारमा छन् । बन्दाबन्दीमा घरमै बसिरहदा बालबालिका त्यसमा पनि किशोरकिशोरहरुमा मानसिक त्रास, मानसिक बिचलन, आत्महत्या, घरायसी कामको चाप र पारिवारिक आर्थिक श्रोतको कमीले गर्दा श्रममा संलग्न हुनुपर्ने अवस्था, शारीरिक तथा यौनजन्य दुव्र्यवहारका घटनामा समेत बृद्धि भएको देखिन्छ । अर्कोतर्फ बन्दाबन्दीको कारणले बालअधिकार कार्यान्वयनको चुनौती थपिएको र यो वर्षको बजेट तर्जुमामा बालबालिकाहरुले बालक्लबहरुको बैठक गर्न, बालभेला सञ्चालन गर्न नसक्दा बालबालिकाका तथा किशोरकिशोरिका मुद्दाहरु ओझेल पर्ने सम्भावना देखिएको छ । महिला माथि हुने बिभिन्न प्रकार हिंसाहरु बृद्धि भएको कारणले बालबालिकाहरुमा अझ पिडा थपिएको छ । महामारीको समयमा थप असमाजिक गतिबिधिले गर्दा बालबालिकाहरुमा मानसिक तनाव थपिएको छ ।

सहरी श्रेत्र संग संगै गा्रमिण भेगका समेत बालबालिकाहरु यो लकडाउनको समयमा तरकारी तथा फलफुल बिक्री बितरण कार्य गरिरहेको मैले भेटेको छु । बालबालिकाहरु माथि हुने गरेका हिंसा, शोषण तथा दुव्र्यवहारका घटनाहरूले बृद्धि भईरहेको अवस्था छ । बन्दाबन्दीको समयमा अभिभावकबाट पनि बालबालिकाहरुले शोषण तथा दुव्र्यवहार खेपि रहेको अवस्था छ । साथै भित्री रुपमा बाल विवाह र बाल श्रमको बृद्धि पनि भइरहेको छ । जुनसुकै विपत्तिमा पनि पहिलो प्रभावित हुने बालबालिका नै हुन । जुन कुरा यस कोरोनाको महामारीबाट पनि पुष्टि भएको छ । त्यसैले कोभिड(१९ रोकथाममा स्थानिय तहले पालिका भित्रका सबै जनतालाई (कोभिड(१९) को असरबाट जोगाउन जनप्रतिनिधिले चाल्नु भएको अग्रसरता सबैका लागि केहि सम्म सराहनीय छ । यो अवस्थामा बालबालिकालाई (कोभिड(१९) को असरबाट जोगाउन अझ पहल लिनुहुनेछ भन्ने बिश्वास लिएको छु ।

नेपालले सन् १९९० मा बाल अधिकार सम्बन्धी महासन्धि अनुमोदन पश्चात यस अवधारणलाई सम्बोधन गर्दै नेपालमा पनि बालअधिकार सम्बन्धी संवैधानिक र कानुनी व्यवस्थाहरू गरिएका छन् । स्थानीय सरकार सञ्चालन ऐन, २०७४ अनुसार स्थानीय तह गाउँपालिका तथा नगरपालिकाले बजेट तर्जुमा गर्दा बालबालिकाका क्षेत्रमा बजेट विनियोजन गर्नुपर्ने र यसमा सहभागितामुलक पद्धति अपनाउनु पर्ने, सरोकारवालाहरुको सहभागिता सुनिश्चित गर्नुपर्ने जस्ता व्यवस्था राखिएको छ । तसर्थ यस वर्षको वार्षिक योजना तर्जुमा प्रकृयामा सम्भव भएसम्म वैकल्पिक विधिहरुको (भर्चुअल छलफल, फोन तथा सामाजिक सञ्जालहरुबाट सुझाव संकलन) प्रयोग गरि अधिकतम बालबालिका तथा किशोरकिशोरीको सवाललाई समेट्दै योजना तर्जुमा र बजेट विनियोजन गरियोस् भनि अनुरोध सहित ध्यानाकर्षण गराउन्न चाहन्छु । योजना तर्जुमाका प्रकृयामा बालबालिका तथा किशोरकिशोरीहरुका सवालहरुलाई समेटियोस् भनी बाल अधिकारकर्मीको तर्फबाट ध्यानाकर्षण गराउँदछु । जुन यस प्रकारको रहेको छ ।

महामारीका बेला उचित व्यवस्थापनका लागि तिनै तहका सरकारले बालबालिकाको लागि आफ्नो स्रोत तथा सरकारी अनुदानबाट बालबालिकाको हकहितका लागि पोषिलो राहतको व्यवस्थापन गर्नुको साथै महामारीको बेलामा सरकारले सडक बालबालिका तथा श्रमिक बालबालिकालाई उद्धार गरि बाल गृहमा स्थापना गरि पुर्नस्थापनाका लागि आकस्मिक कोषको व्यवस्था गरि उनीहरुको बाच्न पाउने अधिकार सुनिश्चित गरियोस् । साथै कोरोना भाईरस उमेर नहेर्न भएकाले बाल मैत्री क्वारेन्टाईन तथा आईसोलेसन बनाई संचालनमा गरियोस् । (कोभिड १९)बाट बालबालिकाहरु माथि परेको असर तथा तिनलाई कम गर्ने ब्यवहारीक कृयाकलाप के हुन सक्छन् भनी छलफल गरि सोहि अनुसारको कार्यक्रमहरु समावेश गरियोस् ।

बलबालिकाहरुको हित तथा संरक्षणका लागि बाल हेल्पलाईनलाई थप प्रभावकारी रुपमा संचालनमा गरियोस् । बालबालिकाको अधिकार प्राप्तिका लागि नगरपालिका÷गाउँपालिकाले अगामी बजेटबाट समुदाय स्तरका संयन्त्रहरुलाई व्यापक परिचालन गरियोस् । सामाजिक रुपमा व्यापक जनचेतनाको विकास र बालबालिका माथि अपराध गर्नेहरूलाई कडा कानुनको निर्माण जस्ता योजना बनाई नितिमा समावेश गरियोस् । बालबालिकाहरुलाई संरक्षण गर्नका लागि बाल सहयता केन्द्रको व्यवस्थापन गरियोस् । बन्दाबन्दी पछि बालबालिकालाई बिधालयमा टिकाई राख्ने योजना बनाई साथै विधालय भर्ना लगायतका अन्य कार्यमा अनिवार्य जन्मदर्ता प्रमाणपत्र आवश्यक पर्ने व्यवस्था गरि जन्मदर्ता प्रमाणपत्रको दायरा बढाइयोस् । स्थानिय नगरपालिका÷गाउँपालिकाले बाल मैत्री कक्षको व्यवस्थापन गरि बाल विवाह विरुद्धको उजुरी सक्रियताका साथ लिने र कारवाही गर्ने व्यवस्था गरियोस् ।

कानुनी व्यवस्थामा सुधारका लागि नीतिमा उल्लिखत प्रावधानहरुलाई बालबालिका सम्बन्धि ऐन र नियमावली, शिक्षा ऐन र नियमावली र कुनै विषयमा छुट्टै नीति तथा कार्यविधि बनाई कडा रुपमा कार्यान्वयन गरियोस् । स्थानीय निकाय, विषयगत कार्यालयहरु, घर परिवार, अभिभावक, प्रतिष्ठान, उद्योगधन्दा, होटल व्यवसाय, विद्यालय, राष्टिूय तथा अन्तर्राष्टिूय गैसस लगायतसँगको समन्वय र सहकार्यमा सबै वर्ग, तह, तप्का र समुदायका बालबालिकाको बालसंरक्षण सुनिश्चित गरी बालबालिकाले सबै क्षेत्रमा आफूलाई सुरक्षित महसुस गर्ने वातावरण सृजना गर्नुमा सहयोग गरियोस् । बैकल्पिक शिक्षा पद्धतीबाट बञ्चित भईरहेका बालबालिकालाई बैकल्पिक शिक्षा प्रवर्धनका लागि ईन्टरनेट पहुँच विस्तार गरियोस् । स्थानीय तहको नीति तथा कार्यक्रम र बजेट विनियोजनमा बालबालिका र किशोरकिशोरी शसक्तिकरण, क्षमता विकास, लैङ्गिक हिंसा तथा दुव्र्यवहार न्यूनीकरण जस्ता विषयवस्तु समेटियोस् । बालमैत्री स्थानीय शासन राष्टिूय रणनीतिले तय गरेका सूचकहरु पुरा गर्नाका लागी सचेतनात्मक र पूर्वाधार विकास सम्बन्धि कार्यक्रमहरु समावेश गरियोस् ।

किशोरकिशोरी तथा बालबालिकाको सवालहरुलाई मूल प्रवाहिकरण गरी बालविवाह तथा गर्भपतन, बालश्रम, अपाङ्गता (शारीरिक र मानसिक, लागुपद्धार्थ दुव्र्यसनी, परम्परागत हानीकारक अभ्यासहरू, बाल हिंसा जस्ता विषयवस्तुहरुलाई स्थानीय तहको योजनामा समावेश गरियोस् । विद्यालय, स्वास्थ्य चौकी, शौचालय जस्ता सार्वजनिक भवनहरु निमार्ण गर्दा बालमैत्री र किशोरकिशोरी मैत्री निमार्ण गरियोस । बालक्लव र बालक्लव सञ्जाल गठन तथा सञ्चालनका लागि कार्यविधि तयार गरी दर्ता र आवद्दताको व्यवस्था मिलाइयोस ।

हुण्डीको ५३ लाख ८० हजारसहित वीरगंजबाट २ जना पक्राउ

0

वीरगंज । पर्सा प्रहरीले ५३ लाख ८० हजार रकमसहति हुण्डी कारोबार गर्ने २ जनालाई पक्राउ गरेको छ । बारा जिल्ला प्रसौनी गाउँपालिका वडा नं. ६ निवासी २६ बर्षिय शिव आनन्द गुप्ता र वीरगंज–११ श्रीपुर निवासी बर्ष १९ को प्रकाश जैसवाललाई प्रहरीले पक्राउ गरेको हो ।

सूचना परिचालन र प्रहरी कारवाहीको सिलसिलामा वीरगंज– ८ पानीटंकीस्थित विपिसी क्याम्पस छेउमा डेरा गरी बस्ने शिव आनन्दसमेत २ जनाले अवैध वित्तीय कारोवार (हुण्डी) गरिरहेको भन्ने सूचना प्राप्त भएबमोजिम जिल्ला प्रहरी कार्यालय पर्साबाट खटिएको प्रहरी टोलीले निगरानी गरिरहेकोमा बिहिबार विहान ११ बजे वीरगंज महानगरपालिकाको वडा नं.११ श्रीपुर बस्ने प्रकाश जैसवाललाई नियन्त्रणमा लिएको थियो । उनले बोकेको कालो झोला जाँच गर्दा झोलाभित्र नेपाली रू.२४ लाख फेला परेको जिल्ला प्रहरी कार्यालय पर्साले जनाएको छ ।

यसका साथै शिव आनन्द गुप्ताको डेरामा रीतपूर्वक खानतलासी गर्दा अन्य दुई वटा कालो ब्याग भित्र लुकाइछिपाई राखिएको रू.२९ लाख असी हजार थप फेला परेको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

दुवै रकम गरी जम्मा नेपाली रू. ५३ लाख असी हजार बरामद गरी दुबै जनालाई नियन्त्रणमा जिल्ला प्रहरी कार्यालयमा ल्याई बैंक तथा वित्तीय संस्था सम्बन्धी ऐन, २०७३ बिरूद्वको कसूरमा अनुसन्धान अगाडि बढाइएको उनले जानकारी गराएका छन् ।