वीरगंज । पर्सामा थप दुई जना कोरोना संक्रमितको मृत्यु भएको छ । वीरगंजस्थित नारायणी अस्पताल र तराई अस्पतालमा उपचाररत १ महिलासहित २ जनाको मृत्यु भएको हो ।
वीरगंज महानगरपालिका वडा नम्बर १३ निवासी ४८ वर्षीय पुरुषको बिहिबार दिउँसो १२ बजेको करिवमा तराई अस्पतालमा उपचार गर्दागर्दै मृत्यु भएको जिल्ला प्रशासन कार्यालय पर्साले जनाएको छ ।
यस्तै नारायणी अस्पतालमा उपचाररत बहुदरमाई नगरपालिका वडा नम्बर ५ निवासी ३५ वर्षीय महिलाको राती १० बजे मृत्यु भएको अस्पतालले जनाएको हो ।
