Date
शुक्र, मंसिर ४, २०८३
Fri, November 20, 2026
Home Blog Page 816

रेडक्रसद्वारा सुरक्षाकर्मीलाई मास्क सहयाेग

0

वीरगंज । नेपाल रेडक्रस सोसाइटी पर्सा जिल्ला शाखाले मानव सेवा आश्रम वीरगंज र नेपाली सेनालाई मास्क सहयाेग गरेकाे छ ।

जिल्लाकाे सबै पालिकाहरुलाई मास्क सहयाेग गरेकाे रेडक्रसले साेमबार मानव सेवा आश्रमलाई र नेपाली सेनालाई पनि ५ सय पिस सर्जिकल मास्क सहयाेग गरेकाे रेडक्रस पर्साका राजन श्रीवास्तवले वताए । 

नेपाल रेडक्रस सोसाइटी पर्सा शाखाका निबर्तमान सभापति एवं प्रदेश २ का अध्यक्ष फुलमहम्मद मियाँ, कोषाध्यक्ष महन्थ प्रसाद यादव, उप कोषध्यक्ष दायाँशंकर सिंहले सो मास्क मानव सेवा आश्रम वीरगंजका दिवेश मानव सेवा र नेपाली सेनाका प्रतिनिधिलाई हस्तान्तरण गरिएको श्रीवास्तवले जानकारी दिए ।

यस्तै, रेडक्रस पर्साले आइतबार पनि जिल्ला प्रहरी कार्यालय पर्सा र सशस्त्र प्रहरि पर्सालाई ५०० पिस मास्क उपलब्ध गराइएको थियाे ।

भाँसिएको पुल निर्माणको लागि नगर प्रमुखको निर्देशन

0

वीरगंज । वीरगंज महानगरपालिकाकाे वडा नम्बर २८ बगही र इनरुवा गाउँ जोड्ने पुलनिर्माणको कार्य १ साता भित्र शुरु गर्न नगर प्रमुख विजय कुमार सरावगीले निर्देशन दिएका छन् ।

केहीदिन अघि गिट्टीलोड गरिएको टिप्पर आवतजावत गर्ने क्रममा पुरानो पुलभाँसिएर दुर्घटना भएको थियो । बगही र इनरुवा जोड्ने पुल भाँसिएपछि सो क्षेत्र भएर आवतजावत गर्ने पैदल यात्रुका साथै मोटरसाइकल, रिक्सा तथा अन्य सवारी साधनलाई पनि ओहोरदोहोर गर्न समस्या भएको थियो ।

सोही समस्यालाई मध्यनजर गर्दै स्थानीयले नगर प्रमुख सरावगीलाई पुल निर्माण शुरु गर्न आग्रह गरेका थिए ।

वीरगंज महानगरवासीको अभिभावकको भूमिकामा रहेका सरावगीले आफ्नो अभिभावकत्व बहन गर्दै एक साता भित्र पुल निर्माणको काम थालनी गरी आवतजावत सुचारु गराउन पूर्वाधार महाशाखालाई निर्देशन दिएका हुन् ।

सोमबार बिहान भाँसिएको पुलको स्थलगत निरीक्षण गर्दै नगर प्रमुख सरावगीले पुल निर्माणको काम छिटै शुरु हुने स्थानीयलाई विश्वास समेत दिलाए । पञ्चायती व्यवस्थाको समयमा निर्मित पुल जीर्ण भएको थियो । सोही पुल निर्माणका लागि महानगर प्रमुख सरावगीले निर्देशन दिएकाे उनकाे सचिवालयले जनाएकाे छ ।

वीउवा संघद्वारा क्याटलाई सहयाेग

0

वीरगंज । वीरगंज उद्याेग बाणिज्य संघले काेभिड एक्सन टिम (क्याट) पर्सालाई सहयाेग गरेकाे छ ।

क्याटले काेराेना महामारिमा गर्दै आाएकाे सहयाेग तथा निशुल्क भाेजनकाे ब्यवस्था प्रति धन्यवाद दिदै उधाेग बाणिज्य संघले सहयाेग गरेकाे क्याटका सदस्य एवम् नेपाली कांग्रेस पर्साका सचिव श्याम पटेलले वताए ।

उद्याेग वाणिज्य संघले नगद रु २५ हजार, दुई सय पिस सर्जिकल मास्क, ५० थान सेनिटाइजर सहयाेग सवरुप प्रदान गरेकाे उनले जानकारी दिए । 

उधाेग बाणिज्य संघ पर्साका अघ्यक्ष सुबाेध कुमार गुप्ताले उद्याेग वाणिज्य संघमा सहयाेग रकम र सामग्री क्याटका संयाेजक समेत रहेका जिल्ला समन्वय समिति पर्साका संयाेजक नेक महम्द अंसारीलाई हस्तान्तरण गरेका थिए ।

गुणस्तरहिन काम भएका सिकटा नदीकाे झुलुङ्गे पुल कम समयमै भाँचियो

0

भिस्वा । पर्साको कालिकामाई गाउँपालिकास्थित पर्ने सिकटा नदीमा रहेको झुलूङ्गे पुलको सुरुको भाग भत्केको छ ।

कालिकामाई गाउँपालिका र छिपहरमाई गाउँपालिकाको बिचमा पर्ने पुलको सुरुको भाग भत्किदाँ सो बाटो भएर आवत जावत गर्न समस्या भएको छ ।

प्रदेश नम्बर २ अन्तर्गत बारा र पर्साको ग्रामीण भेगमा रु. ४२ करोड़को लागतमा भौतिक पूर्वाधार बिकास मन्त्रालयबाट निर्माण भएको ५ झुलुङ्गे पुल मध्येका एक पुल यो पनि रहेको बुझिएको छ ।

सिकटा नदी माथी निर्मित कलिकामाई गाउँपालिकाको रविदास र छिपहरमाई गाउँपालिकाको बंजारी जोड़ने सो पुलको लंबाई ५० मीटर र चौड़ाई ७ मीटर रहेको छ ।

जुन पुल १२ करोडको लागतमा केही समय पहिले निर्माण भएको थियो । पुल भाचिदा सो बाटो भएर आवत जावत गर्ने जोखिम बढेको स्थानीयहरुले बताएका छन् । उनीहरुका अनुसार ठेकेदार कम्पनीको लापरबाहीले गुणस्तरहिन काम हुँदा कम समयमै पुल भाचिएको हो ।

पाेखरियामा प्रधानाध्यापक न्युक्तिकाे बिषयमा जनप्रतिनिधि बिच विवाद

0

पाेखरिया । पर्साको पाेखरियास्थित रहेकाे श्री रामदेव कलवार उच्च माबि पोखरीयामा प्रधानाध्यापक बनाउने बिषयलाई लिएर पोखरीया नगरपालिकाका जनप्रतिनिधीमा दुई धार देखिएको छ ।

२०७७ चैत्र ३१ गते बिधालयका प्रध्यानाध्यापक ब्यास महतो सेवा निबृत भए पछि सोही समय देखी आज सम्म शिक्षक बिनोद प्रसाद महतो र ओमप्रकास साह रौनियारमा कसलाई प्रध्यानाध्यापक बनाउने बिषयमा दुई धार हुदा बिधालयको अन्य काम कारवाहीमा समस्या उत्पन भएको बिधालयका शिक्षकहरु बताएका छन ।

सेवा निबृत ब्यास महतोले सोही समयमा जेष्ठताको आधारमा बिनोद प्रसाद महतोलाई निमित प्रध्यानाध्यापक तोकेका थिए ।

यता ०७८ जेष्ठ २ गते पोखरीया नगरपालिकाले निर्णय गरी ओमप्रकास साह रौनियारलाई प्रध्यानाध्यापक तोकी २०७८ जेष्ठ २० गते परिपत्र गरेको छ भने आज बिहान पोखरिया नगरपालिकाकी उपप्रमुख सलमा खातुन सहितको वडाअध्यक्षहरु बंका राउत, सियानन्द चौहान, नन्दलाल प्रसाद, किशोरी साह, रामबाबु चौहान, सोनालाल साह लगायत सहितका पदाधिकारीहरुले नगरस्तरिय निर्णय अनुसार बिधालय ब्यवस्थापन समितीको बैठकमा छलफल नहुन्जेल सम्म नियुक्त भएका शिक्षक ओमप्रकास साह रौनियारलाई प्रध्यानाध्यापकको रुपमा हाजिर नगर्न गराउन र खाता संचालन प्रक्रिया समेत अगाडी नबढाउन निर्णय गरेका छन् ।

मेयरको परिपत्र अनुसार नियुक्त भएका ओमप्रकास साह रौनियारको नाममा खाता संचालन नगर्न यस बिषयमा मेयरले बैठक बसाई छलफल गराउने र दुई शिक्षक बिचको विवाद सुल्झाउनु पर्ने उपमेयर सलमा खातुन सहित आधा दर्जन वडाअध्यक्षहरुद्वारा हस्ताक्षरित बिज्ञप्तीमा उल्लेख गरिएको छ ।

यदि मेयरले बैठक बसाएर छलफल गराएन र विवाद सुलझाएन भने बिधालयमा हुने सम्मपुर्ण गतिबिधीको जिम्मेवारी स्वयम मेयर दिपनारायण रौनियारको हुने बिज्ञप्तीमा उल्लेख गरिएको छ ।

बिनोद प्रसाद महतोलाई नै प्रध्यानाध्यापक तोक्ने एक पक्षको मनसाय देखिएकोले मेयर दिपनारायण रौनियारको निर्णय उल्टाउन सम्मपुर्ण आजको गतिबिधी देखाएको मेयर पक्षको स्राेतकाे भनाई रहेको छ ।

२ दिन नै नबित्दा नगरपालिकाका मेयर र उपमेयरको बिच निर्णय उल्टाउल्टीको खेलले शिक्षकहरु समस्यामा परेका छन ।

बिवादका कारण १ चौमासिकको शिक्षकहरु तलब खान पाएका छैनन् भने पाठयपुस्तक खरिद, सिईईको आन्तरिक मुल्यांकन समेत प्रभावित बनेको शिक्षक बिनोद प्रसाद चौहानले बताए ।

बिकासको बजेटमा र अन्य शिर्षकमा पोखरीया नगरपालिकाका जनप्रतिनिधीहरुमा कुनै प्रकारको टिकाटिप्पणी नदेखिए पनि शिक्षा जस्तो बिषयमा जनप्रतिनिधीको बिचमा तनाव र कुरा नमिल्नमा ब्यक्तिगत स्वार्थ छुपेको स्थानियहरुले बताएका छन् ।

पोखरीया नगरपालिका पर्सा जिल्लाको दोस्राे सदरमुकामको रुपमा रहे पनि पोखरीयाको शहरी विकास, आर्थिक बिकास, समाजिक विकास, शिक्षाको विकास तथा अन्य कुनै प्रकाको विकासमा सुधार नदेखिएको स्थानियहरुको गुनासो रहेको छ ।

पोखरीयाको अनेक कुरामा पर्साको सम्मपुर्ण पालिकाको सरोकार रहेकोले पोखरीयामा सानो सुधार आयो भने पर्सामा पनि सुधारको प्रभाव पर्न सक्ने पर्साका बुद्धिजीवीहरुले बताएका छन् ।

नि:शुल्क भोजन अभियानको २७ औँ दिन ।

0

दि हन्ड्रेड ग्रुप पर्साले सुरु गरेको निःशुल्क भोजन सेवा २७ औँ  दिन पनि जारी  राखेको छ।

दि हन्ड्रेड ग्रुप पर्साका सदस्य बिशेष  साह को अनुसार “लकडाउन बढे सङै गरिब तथा बेसहाय हरु भोको पेट सुत्ने दर पनि बढे को छ। प्रायजसो काम गरेर खाने , मजदुरि गर्ने तथा भौतिक रुपमा खटी काम गरेर खाने हरुलाई मार परेको छ। साथै गाउँ बाट माहानगर उपचार गराउन आएका बिरामी करुवा तथा बिरामी सङ आएका अभिभावक लाई समेत खाना खान गार्हो परेको छ। यहि समस्या लाई मध्यनजर गर्दै दि हन्ड्रेड ग्रुप पर्साले मिती २०७८/०१/२८ गते देखि निरन्तर रुप मा नि:शुल्क खाना वितरण सेवा सुरु गरेका थियो ।”

ग्रुपले विभिन्न स्थानिय संघसंस्था र युवा हरुको सहयोगमा खानाको साथै फेस मास्क समेत बितरण गर्दै आएको छ। यस अभियानमा निस्वार्थ रुपले अनिल साह ,अमित चौरसिया, निरंजन साह,बिकी सर्राफ ,बिनय गिरि ,अन्केंस पाण्डे, राहुल पटेल, एम डि अरमान, सुशील पटेल, आयुष वर्णवाल, आकाश भगत, जे पी गिरी, दिपु यादव, लगायतका युवाहरु यस्तो महामारीमा समेत खटेर सेवा गरिरहेका छन्।

 

संचारकर्मीहरुमाथि भएको दुर्व्यवहारकाे घटनाप्रति पत्रकार सम्बद्ध चार संगठनद्वारा खेद प्रकट

0

वीरगंज । संचारकर्मीहरुमाथि भएको दुर्व्यवहार घटनाप्रति पत्रकार सम्बद्ध पर्साका विभिन्न संगठनहरुले खेद प्रकट गरेका छन् ।

पर्साका पत्रकार आवद्ध विभिन्न संगठनहरुले आईतबार संयुक्त रुपमा प्रेस विज्ञप्ति जारी गर्दै पप्पु कन्सट्रक्सनकाे पीडा तथा त्यसको कारणले पिडित रहेका स्थानीयलाई उदृत गर्देै समाचार लेखेको निहुमा र समाचार संकलन गर्न गएका संचारकर्मीहरु सुरक्षाकर्मीबाट नै दुव्र्यवहार गरी प्रेस स्वतन्त्रताको घाँटी निमोठ्ने प्रयासहरु देखा परेकोमा गम्भीर आपत्ति रहेको जनाएका छन् ।

प्रेस संगठन नेपाल पर्साका संयोजक निरज पिठाकोटे मगर, नेपाल प्रेस युनियन पर्साका सभापति रामनारायण कुर्मी, नेपाल फोटो पत्रकार महासंघ पर्साका अध्यक्ष विजय चौहान र चलचित्र पत्रकार संघ पर्साकी अध्यक्ष निलिमा पौडेलले संयुक्त रुपमा जारी गरेको विज्ञप्तिमा नेपाल पोष्ट डेली डटकमका सम्पादक पत्रकार अशोक संग्रौलालाई समाचार लेखेकै निहुँमा पप्पु कन्स्ट्रक्सन प्रालिका अध्यक्ष सुमित रौनियारले विभिन्न माध्यमबाट अपशब्द प्रयोग गर्दै गालीगलौज गर्ने र निजले नै सञ्चालन गरेको सञ्चार माध्यम तथा सामाजिक सञ्जलमा समेत प्रतिशोधपूर्ण भ्रामक समाचार समेत प्रकाशित गरे गराएको विषयमा गम्भीर ध्यानाकर्षण भएको जनाइएको छ ।

पूर्वाग्रही भावना राखी सञ्चार माध्यम र सञ्चारकर्मीलाई धाकधम्की दिने, व्यक्तिगत चरित्रमाथि आँच आउने गरी पत्रकार आचार संहिता विपरीत आफ्नाे स्वामित्वमा रहेको सञ्चार माध्यमको प्रयोग गरी र सञ्चार गृहमा कार्यरत कर्मचारीहरु मार्फत समेत विभिन्न सामाजिक सञ्जालमा चरित्र हत्या गर्ने काम गरेको प्रति विज्ञप्तिमा खेद प्रकट गरिएको छ ।

त्यस्तै, समाचार संकलन गर्न गएका सजिलो न्युज डट कम अनलाइनका पत्रकार श्याम पासवानलाई यही जेठ २२ गते शनिबार पर्साको भिखमपुरस्थित सशस्त्र प्रहरीले गरेको अभद्र व्यवहारकाे घटनाप्रति पनि संयुक्त रुपमा जारी विज्ञप्तिमा गम्भीर आपत्ति प्रकट गरिएको छ ।

आफुलाई चित्त नबुझेको समाचारमा कुनै स्पष्ट पार्नुपर्ने भए कानूनी उपचारको व्यवस्था हुँदाहुँदै लोकतन्त्रमा सूचनाको हक तथा वाक स्वतन्त्रतामाथि नै प्रहार हुनेगरी गरेको व्यवहारप्रति घोर भ्रत्र्सना गर्दै आगामी दिनमा यस्तो किसिमको व्यवहार नदोहोरियोस् भन्ने चेतावनी विज्ञप्तिमा पत्रकार सम्बद्ध संघ–संगठनहरुले दिएका छन् ।

अपौनी र हरपतगञ्जका बासिन्दाले ठेक्दार पप्पुकाे पुत्ला जलाए

0

वीरगंज । दुई वर्षसम्म पनि सडक निर्माण नभएपछि पिडित भएका स्थानीयले पप्पु कन्स्ट्रक्सनका अध्यक्ष सुमित रौनियार (पप्पु), हरिनारायण रौनियार र शहरी विकासका तथा भवन डिभिजन कार्यालयका प्रमुख प्रिदप सिंहकाे पुत्ला जलाएका छन् ।

वीरगंज महानगरपालिकाकाे वडा नं. २० अपौनी र हरपतगञ्जका बासिन्दाले पप्पुको बदमासीको विरोध र दबाबका लागि भन्दै उनीहरुको पुत्ला जलाएका हुन् । सो वडाको सडकमा भेला भएका त्यहाँका स्थानीयले पप्पु, हरिनारायण र शहरी विकासका हाकिम सिंहको पुत्ला जलाउदैं उनीहरुको विरोधमा नाराबाजी समेत गरेका थिए ।

शहरी विकास कार्यालयको मातहतमा रहेको वीरगंज ड्राइपोर्टदेखि बीरगंज महानगरपालिका वडा नम्बर २७ उदयपुरघुर्मीसम्म जोड्ने ३ किलोमिटर सडक २ वर्षमा निर्माणको ठेक्का सकारेको पप्पु कन्स्ट्रक्सनले हालसम्म पनि सो सडक नबनाएको स्थानीयले वताएका छन् ।

जस कारण सो गाउँका बासिन्दासँगै उक्त बाटो भएर आवतजावत गर्ने यात्रुहरुले सास्ती खेप्नु परिरहेको स्थानीयहरुकाे भनाई छ । नेकपा एमालेका युवा नेता रामकिशाेर सिंह (पराग)ले ३१ फिटे सडक निर्माण गर्ने पप्पुले बाटोमा पर्ने घरहरु भत्काउन लगाएर अलपत्र छोडेको बताए ।

२०७५ सालमा दुई वर्ष भित्रमा काम सक्ने गरी ठेक्का सकारेको पप्पु कन्स्ट्रक्सनले सो ठेक्का पेटी ठेक्का मार्फत अन्य ठेकेदारलाई ठेक्का दिएको छ । पप्पु कन्स्ट्रक्शनले जिम्मा दिएको पेटी ठेकेदारले काम नगरेको र आफुले दबाब दिँदा पप्पु कन्स्ट्रक्शनले रकम नदिएको हुँदा दुई ठेकेदारको विवाद अदालतसम्म पुगेको छ ।

सोही विवादलाई लिएर पेटी ठेकेदारले पप्पुले रकम नदिएको भन्दै गत कार्तिकमा नेपाल पत्रकार महासंघमा पत्रकार सम्मेलन नै गरेका थिए ।

यसअघि, आईतबार नै ठेक्का पाएको समयभित्र बाटो बनाउन बारम्बार फेल हुने गरेको पप्पुले बाटो चाँडो नबनाएपछि पुत्ला जलाउन तयारी गरेका स्थानीयलाई रोक्न पुगेका पप्पु कन्स्ट्रक्सनका कर्मचारी र गाडीलाई स्थानीयले नियन्त्रणमा लिएका थिए । घटनास्थलमा प्रहरी पुगेपछि स्थानीयले पछि पप्पुका कर्मचारी र गाडीलाई छोडेका थिए ।

प्रनि थापाकाे सक्रियतामा निषेधाज्ञामा पनि अपराधिक गतिविधि नियन्त्रण

0

वीरगंज । ईलाका प्रहरी कार्यालय पटेर्वा सुगौलीका प्रहरी निरीक्षक रामकाजी थापाको सक्रियताले ग्रामीण ईलाकामा चोरी तस्करी तथा अपराधिक गतीबिधिहरु कमि आएकाे छ । 

प्रहरी निरीक्षक थापा आएको आठ महिना भित्रमा पटेर्वासुगौली गाउँपालीकामा पर्ने भलुवाई खोलाबाट विभिन्न मितीमा ईलाका प्रहरी कार्यालय पटेर्वा सुगाैलीले गिट्टी, बालुवा तस्करीको ३५ ओटा ट्रेक्टरलाई पक्राउ गरि सम्बन्धित पालिकालाई बुझाएकाे छ ।

आवश्यक कारवाहीकाे लागि गाउँपालिकामा बुझाईएकाे ट्रेक्टरलाई पहिलाे पटक पाँच हजार र दोस्रो पटक सोही गाडी नम्बरको ट्रेक्टरलाई दस हजारको जरिवानाको रसिद काटेर छोडिएको प्रहरी निरिक्षक थापाले वताए ।

यसका साथै विभिन्न मितिमा सालको अन्दाजी ६० क्युफिट गोलिया पक्राउ गरि आवश्यक कार्वाहीको लागि सब डिभिजन बन कार्यालय रङ्गपुरटाडीमा बुझाएको उनले बताए । 

यस्तै आफु आएदेखी जघन्य अपराधमा ९ जना र लागु औषधसहित ६ जनालाई पक्राउ गरिएकाे प्रहरी निरिक्षक थापाले जानकारी दिए । लागु औषधसहित पक्राउ परेकाहरुकाे साथबाट चरेश ८ किलाे, चरेश बनाउने धुलाे १० किलाे, गाँजा ७० किलाे समेत बरामद भएकाे उनले जानकारी गराए ।

यस्तै, इप्रका पटेर्वा सुगाैलीले १३ विगहा लगाइएकाे गाँजा फडानी समेत गरेकाे प्रहरी सहायक निरिक्षक सुभाष यादवले वताए ।

यसका साथै इप्रका पटेर्वा सुगाैली मातहतकासमेतले अवैध रुपमा संचालन रहेकाे १५ वटा जति घरेलु मदिरा भट्टी नष्ट गरिएकाे उनले जानकारी दिए । यस्तै इप्रकाले चार पटकमा ५० वटा रंगा समेत नियन्त्रणमा लिएर भन्सार बुझाएकाे छ ।

यसका अलवा प्रहरी निरिक्षक थापा कै सक्रियतामा इप्रकामा आगन्तुकहरुकाे लागि प्रतिक्षालय र इप्रका मातहतका प्रहरी चाैकी बढनियारमा शाैचालय तथा स्नान घर निर्माण भइरहेकाे लेखा प्रमुख समेत रहेका प्रहरी सहायक निरिक्षक यादवले जानकारी गराए ।

प्रहरी निरिक्षक थापाले इप्रका अन्तर्गतका राम्राे काम गर्ने प्रहरी सहायक निरिक्षक, प्रहरी हवलदार र प्रहरी जवानलाई नगद राशी सहित पुरस्कृत समेत गरेका छन् ।