Date
शुक्र, मंसिर ४, २०८३
Fri, November 20, 2026
Home Blog Page 815

प्रदेश २ सरकारमा सहभागि हुन नेपाली कांग्रेस सहमत

0

वीरगंज ।  प्रदेश २ सरकारमा सहभागि हुने बिषयमा जनता समाजवादी पार्टी र नेपाली कांग्रेस बिच दुई बुंदे सहमती भएकाे छ ।

दुबै दल बिच लाेकतन्त्र, संघीयता, समावेशी समानुपातिक र प्रादेशीक अधिकारकाे संरक्षण, संवर्द्धन तथा सुदृढिकरण गर्न जनता समाजवादी पार्टी नेपाल प्रदेश नं. २ काे प्रदेश सभा संसदिय दलकाे नेता मुख्यमन्त्री लालबाबु राउतकाे नेतृत्वमा रहेकाे सरकारमा नेपाली कांग्रेस प्रदेश नं. २ का प्रदेश सभा सदस्य एवम् संसदिय दलका नेता राम सराेज राय यादवकाे नेतृत्वमा सरकार सहभागि हुने सहमती भएकाे हाे ।

यस्तै, प्रादेशिक आवश्यकता र विज्ञहरुकाे राय सहित मन्त्री परिषदकाे संरचना र कार्यविभाजनलाई अझ वैज्ञानिक तथा व्यवस्थित बनाई मन्त्री परिषदकाे संख्या थपघट गर्न सकिने समेत सहमती भएकाे मुख्यमन्त्रीका स्वकिय सचिव दिपक यादवले वताए । 

सहमती पत्रमा नेपाली कांग्रेस प्रदेश २ का संसदिय दलका नेता राम सराेज यादव र जनता समाजवादी प्रदेश २ का संसदिय दलका नेता समेत रहेका मुख्यमन्त्री लालबाबु राउत गद्दीले हस्ताक्षर गरेका छन् ।

डिवाईसिद्वारा क्याटलाई खाद्य सामग्री सहयाेग

0

वीरगंज । दिव्य युवा क्लब (डिवाईसि) पर्साले कोभिड एक्शन टिम (क्याट) पर्सालाई खाद्य सामग्री सहयाेग गरेकाे छ ।

एक्शनएड नेपालको साझेदारी संचालित स्थानीय अधिकार कार्यक्रम अन्तर्गत क्याटलाई चामल ७ बोरा, दाल १ बोरा, खाने तेल १० लिटर, आलु ५० किलो र पियाज ५० किलो सहयाेग गरिएकाे डिवाईसिका कार्यकारी निर्देशक रामाकान्त पटेलले जानकारी दिए ।

निषेधाज्ञामा प्रभावित वीरगंजका गरीव, अति गरीव तथा दैनिक ज्यालादारीमा काम गर्ने ब्यक्तिहरूकाे लागि क्याटले गर्दै आएकाे खाना ब्यवस्थापनमा खाद्य सामग्री सहयाेग गरिएकाे उनले वताए ।

क्याटका संयाेजक समेत रहेका जिल्ला समन्वय समिति पर्साका प्रमुख नेक महम्द अंसारीलाई डिवाईसि पर्साका अध्यक्ष देवनाथ ठाकुरले जिल्ला समन्वय समिति मै पुगी साे सामग्री हस्तान्तरण गरेका थिए ।

साे अवसरमा क्याटका सदस्य एवम् नेपाली कांग्रेस पर्साका सचिव शयाम पटेल, क्याटका सदस्य एवम् जसपा पर्साका सचिव तबरेज अहमद, क्याटका सदस्य एवम् नेकपाका प्रतिनिधि संजिव मिश्रा, डिवाईसिका वित तथा प्रशासन संयोजक शयामकिशोर प्रसाद चौहान, स्पौंसर संयोजक सुनिल कुमार भारती तथा फिल्ड अधिकृत मुनिलाल महतो लगायतकाे सहभागिता रहेको थियो ।

रेडक्रसद्वारा कोभिड–१९ समन्वय बैठक सप्पन्न

0

वीरगंज । पर्साको जगरनाथपुर गाउँपालिकामा कोभिड–१९ पुर्वतयारी तथा प्रतिकार्य कार्यक्रम सम्बन्धी गाउपालिका स्तरीय एक दिने समन्वय बैठक सम्पन्न भएको छ ।

युनिसेफको सहयोगमा नेपाल रेडक्रस सोसाइटी पर्सा जिल्ला शाखाद्वारा संचालित कार्यक्रममा कोरोना महामारिको समयमा रेडक्रसले सामुदायिक स्तरमा आएर स्वास्थ स्वयंसेवक खटाइ महामारीबाट वचन बचाउनका लागि उत्प्रेरित गर्दै आएको कुरा निकै सरहानिय रहेकोले रेडक्रसको सेवा मुलक कार्यमा गाउपालिकाको समन्वय एवं सहयोग हरदम रहने  सहभागिहरुले बताएका थिए ।

गाउँपालिका अध्यक्ष जालिम मियाँको अध्यक्षतामा भएको बैठकमा नेपाल रेडक्रस सोसाइटीका कोभिड १९ पुर्वतयारी तथा प्रतिकार्य कार्यक्रमका लेखा अधिकृत बिरसमसेर प्रसाद कुर्मिले कार्यक्रमको योजना बारे जानकारी गराएका थिए । उनले अकअर्का सङ समन्वय गरि पालिकाको नागरिकलाई कोरोनाबाट कसरी जोगाउने भन्ने कुरालाई सहभागीहरुमा जानकारी गराएको रेडक्रस पर्साका राजन श्रीवास्तवले जानकारी गराए ।

समन्वय कार्यक्रमका जिल्ला फोकल पर्सन सन्तोष रामले संचालन गरेको कार्यक्रममा उपाअध्यक्ष बिसमिल्लाह खातुन, स्वास्थ प्रमुख परमेन्द्र शाह, शिक्षा प्रमुख नरेस महतो कोइरि, प्रहरी प्रतिनिधि, वडाअध्यक्ष मङरु राउत गद्दी, नगिना राउत अहिर, बिहारी महतो नुनिया, प्रभुनाथ नुनिया, रेडक्रसका स्वास्थ स्वयंसेवक, महिला स्वयंसेवक लगायत ३५ जनाको उपस्थिति रहेको थियो ।

एक लाख डोज खोप नपाए सबै उद्योग बन्द गर्ने वीरगंजका व्यवसायीको चेतावनी

0

वीरगंज । वीरगंज उद्योग वाणिज्य संघले वीरगंज क्षेत्रका उद्योगी व्यवसायी, मजदुर र कर्मचारीका लागि तत्कालै १ लाख डोज कोभिड विरुद्धको खोप सरकारसँग माग गरेको छ । मङगलबार संघले स्वास्थ्य तथा जनसंख्यामन्त्रीलाई पत्रचार गरेर वीरगंजको निजी क्षेत्रलाई तत्काल १ लाख डोज खोप माग गरेको हो ।

संघका अनुसार वीरगंज पथलैया औद्योगिक कोरिडोरमा साना ठूला गरी करिब १ हजार उद्योगहरु सञ्चालनमा छन् । ती उद्योगहरुमा उद्योगी, मजदुर, कर्मचारी गरी १ लाख भन्दा बढी जनशक्ति कार्यरत रहेको संघले जनाएको छ । त्यसकारण तत्काल १ लाख डोज खोप वीरगंजको निजी क्षेत्रका लागि उपलब्ध गराइदिन संघले स्वास्थ्यमन्त्रीलाई पत्र नै लेखेर माग गरेको संघका अध्यक्ष सुबोध गुप्ताले बताए । कोभिड महामारीको उच्च जोखिमका बीचमा पनि उद्योग कलकारखाना सन्चालन गरेर अत्यावश्यक वस्तुको आपूर्ति गरिरहेको भए पनि खोप अभियानमा सरकारको प्राथमिकतामा निजी क्षेत्र नपरेको गुनासो संघको छ ।

प्राथमिकतामा नपरेकै कारण अहिलेसम्म पनि उद्योगी, मजदुर र कर्मचारीहरु कोभिड विरुद्धको खोपबाट बञ्चित रहनु परेको संघले जनाएको छ । स्वास्थ्यविद् र वैज्ञानिकले कोभिड संक्रमणको तेश्रो लहर पनि छिट्टै देखापर्ने बताइरहँदा तेश्रो लहर आउनुअघि नै वीरगंज क्षेत्रमा रहेका उद्योग प्रतिष्ठानमा कार्यरत कामदार, कर्मचारी र उद्योगीलाई खोप लगाउन अपरिहार्य भएको अध्यक्ष गुप्ताले बताए । तत्काल १ लाख डोज खोप सरकारले वीरगंज उद्योग वाणिज्य संघलाई उपलब्ध गराइदिनु पर्ने र त्यसको वितरण व्यवस्थापन संघले नै गर्ने अध्यक्ष गुप्ताले बताए ।

उनले भने, “१ लाख डोज खोप सरकारले स्वास्थ्य कार्यालय मार्फत संघलाई उपलब्ध गराइदिनु पर्छ, त्यसपछि खोप कसलाई कहाँ कसरी लगाउने काम संघ आफैँले गर्नेछ ।“ यदी सरकारले तत्कालै खोप उपलब्ध नगराएमा वीरगंज पथलैया औद्योगिक कोरिडोरका उद्योगहरु बन्द नै गर्नुपर्ने अवस्था आउने चेतावनी संघले दिएको छ । अध्यक्ष गुप्ताले भने, “यदी समयमै खोप पाउन सकिएन भने कोही पनि उद्योगी, कर्मचारी, मजदुर उद्योगमा जानसक्ने अवस्था नै रहँदैन, बाध्य भएर उद्योग बन्द गर्नैपर्ने अवस्था आउँछ, त्यसपछि मुलुकभर नै मालवस्तुको आपूर्ति व्यवस्था खल्बलिने छ ।“

अहिले पनि यस औद्योगिक कोरिडोरका उद्योगहरु ५० प्रतिशत क्षमतामा मात्रै सन्चालनमा रहेको उनले बताए । कोभिडको डरले कतिपय मजदुर तथा कर्मचारी उद्योगमा आएकै छैनन् । जसकारण अहिले उद्योगहरु ५० प्रतिशत क्षमतामा मात्रै सञ्चालनमा छन् । अब तेश्रो लहर पनि आउने संकेत देखिएकाले यदी तत्कालै खोप लगाउन पाइएन भने अहिले आधा क्षमता चलिरहेका उद्योगहरु पनि पूर्ण रुपमा बन्द गर्नुपर्ने अवस्था आउने उनले बताए । संघले खोपका लागि स्वास्थ्य मन्त्रीलाई पत्र लेख्नुका साथै प्रदेश सरकार, जिल्ला प्रशासन कार्यालय र वीरगंज महानगरपालिका पनि यस बारेमा लिखित जानकारी गराएको अध्यक्ष गुप्ताले बताए ।-साभार अन्नपूर्ण पोस्ट

हुलाकी सडक हस्तान्तरण गरेको अढाई महिना नवित्दै भत्किन थाल्यो

0

वीरगंज  । नेपाल सरकारको राष्ट्रिय गौरव आयोजनाको रुपमा रहेको हुलाकी सडक निर्माण सम्पन्न गरी हस्तान्तरण गरिएको अढाई महिना नवित्दै भत्किन थालेको छ । हतार–हतार सडक निर्माणको काम सकाउने क्रममा निर्माण कम्पनीले गुणस्तरहीन काम गरेको कारण विभिन्न स्थानमा बीचबाट सडक फाटेर भासिन थालेका छ ।

त्यस्तै, कतिपय स्थानमा सडकको दुवै छेउमा गरिएको ग्राभेल पनि भासिन थालेको छ । पर्साको सदरमुकाम वीरगंजदेखि पश्चिमी क्षेत्र ठोरीको चौतारासम्म ६० किलोमिटर यस हुलाकी सडक २०६६ सालमा निर्माण कार्य सुरु गरिएको थियो, तर निर्माण कम्पनीको लापरवाहीको कारण ७ वर्षसम्म अलपत्र परेको थियो । हुलाकी राजमार्ग निर्माणको जिम्मा भारतीय ठेकेदार कम्पनी भिस्वा (बी.भी.एस.आर.) ज्वाइन भेन्चरले पाएको थियो । प्रथम चरणको मात्र काम सकाएर आयोजनामा ठूलो घाटा लाग्ने थाहा पाएपछि ठेकेदार कम्पनीले निर्माण सामग्री र केही मेशिनहरु समेत छाडेर भागेको कारण निर्माण कार्य अलपत्र परेको थियो ।

अलपत्र परेको उक्त सडक ७ वर्षपछि नेपाल सरकारले २०७४ कात्तिक १ गतेदेखि निर्माण कार्य शुरु गर्ने गरी ३०/३० किलोमिटर निर्माणका लागि दुईवटा नेपाली निर्माण कम्पनीलाई जिम्मा लगाएको थियो । त्यसपछि एकै दिन ३० महिनामा निर्माण कार्य सम्पन्न गर्ने सम्झौता गरी २०७४ कात्तिक १ गतेदेखि निर्माण कार्य थालनी गरिएको थियो । पावरहाउस चोकदेखि चमरीहोलसम्म ३० किलोमिटर निर्माणको जिम्मा पाएको अमर कन्टेक्ट पप्पु जेभीले हालसम्म सडक निर्माणको काम सम्पन्न गर्न सकेको छैन । तर, चमरीहोलदेखि ठोरीको चौतारासम्म ३० किलोमिटरको जिम्मा पाएको कालिका÷बाँनिया ज्वाइन्ट भेन्चर निर्माण कम्पनीले भने यही २०७८ चैत १८ गते निर्माण कार्य सम्पन्न गरेर नेपाली जनतालाई हस्तान्तरण गरिसकेको छ । तर, सडक हस्तान्तरण गरेको अढाई महिना नवित्दै सडक भत्किन थालेको छ ।

कमशल सामग्री प्रयोग गरी हतार–हतारमा सडक निर्माण गरेको कारण विभिन्न ठाउँमा सडक भत्किन थालेको ठोरी गाउँपालिका–२ का वडाध्यक्ष किशोर तामाङ्गले बताए । उनले भने, ‘हामीहरुलाई प्राविधिक कुरा जानकारी नभएतापनि बेला बखत सडकको गुणस्तरमा कुनै किसिमको सम्झौता नगर्ने गरी काम हुनुपर्ने दबाब दिदै आएका थियौं । निर्माण कम्पनीका फिल्ड म्यानेजर उद्यव न्यौपानेले विश्वासको नाममा पर्सावासीलाई धोका दिए ।’ सडक निर्माणको क्रममा रातारात माटो खसाई, ग्राभेल गरी पिच गरिएको वडाध्यक्ष तामाङ्गको भनाइ छ । उनले थप भने, ‘सडक निर्माण गर्दा विभिन्न किसिमका मापदण्डहरु हुन्छन्, तर ती मापदण्डहरु पूरा गरिएको छैन ।

निर्माण कम्पनीले हामी गुणस्तरहीन काम गर्दैनौं भन्दा भन्दै रातारात माटो पुर्ने, ग्राभेल गर्ने र कमशल सामग्री प्रयोग गरि सडक पिच गरेर हस्तान्तरण ग–यो ।’ विभिन्न स्थानमा सडक भत्किन थालेपछि स्थानीयहरुले जनप्रतिनिधिलगायत राजनीतिक दलका नेताहरुलाई दोषारोपण गरिरहेको अवस्थामा वडाध्यक्ष तामाङले थप भने, ‘यसरी काम हुन्छ भन्ने थाहा पाएको भए पहिला नै रोक लगाउने थिए । तर मलाई यसबारे जानकारी नभएको कारण निर्माण कम्पनीले हामीमाथि विश्वासघात ग¥यो ।’त्यस्तै, ठोरी गाउँपालिका–३ का वडाध्यक्ष सूर्य बहादुर लामाले पनि निर्माण कम्पनीले गुणस्तरहीन काम गरेको आरोप लगाए । उनले भने, ‘सडक हस्तान्तरण गरेको अढाई तीन महिना पनि बितेको छैन ।

सडक फुट्ने, भत्कने, सडक छेउमा गाडिएको पिलरहरु भत्किने जस्ता विभिन्न समस्याहरु देखा पर्न थालेको छ । गुणस्तरीय सडक निर्माण भएको छैन । गुणस्तरीय सडक निर्माणका लागि पटक–पटक आफूहरुले दबाब दिदा पनि निर्माण कम्पनीले आफ्नो मनोमानी रुपमा कसैको कुरा नसुनी, सबैलाई आश्वासन मात्रै दिएर गुणस्तरहीन सडक निर्माण गरेको उनको आरोप छ । सडक विभिन्न ठाउँमा भत्किन थालेपछि निर्माण कम्पनीका कामदाहरु धमाधम माटोले पुर्दै जनताको आँखामा धुलो छर्किने काम गर्दै आएका छन् । अर्कोतर्फ निर्माण कम्पनीले ठोरीको चौतारासम्म निर्माणको जिम्मा पाएपनि ४÷५ किलोमिटर सडक अधुरै छाडेर हस्तान्तरण गरेको हो ।

ठोरी गापाको वडा नम्बर २ स्थित फायरलाइन सडकदेखि चौतारासम्मको सडक अहिलेपनि ग्राभेल मात्रै गरिएको छ । चितवन राष्ट्रिय निकुञ्जले निर्माण कार्यमा अवरोध गरेको कारण देखाउँदै निर्माण कम्पनीले अधुरै छाडेको हो । यता हुलाकी सडक आयोजना वीरगंजका प्रमुख दरोगा प्रसादले सडक भत्केको ठाउँमा निर्माण कम्पनीले पुनः निर्माण गर्ने बताए । उनले भने, ‘सडकको अलकत्रा अहिलेसम्म सेट नभएको होइन, गर्मीले गर्दा पग्लेको हुनसक्छ, र हाई सेलिङ्ग अर्थात सडकको उचाई भन्दा पुलको उचाई बढी भएको ठाउँमा पिच गरिएको कारण पुल छेउछाउमा सडक भत्किएको हो ।’ १ अर्व १७ करोड रुपैयाँमा निर्माणको जिम्मा पाएकोमा निर्माण कम्पनीले पूरा काम गर्न नसकेको कारण देखाउँदै आयोजना कार्यालयले साढे ९५ करोड रकम मात्रै पास गरेको छ ।

भारतीय सरकारको अनुदानमा निर्माण शुरु गरिएको हुलाकी राजमार्ग रौतहटदेखि बारा, पर्सा हुँदै चितवन जिल्लामा जोडिएको छ । हुलाकी राजमार्ग निर्माण गर्दा सडकमा पर्ने पुलकोको बजेट नेपाल सरकारले र सडकको मुअब्जादेखि निर्माण कार्यमा लाग्ने बजेट भारत सरकारले अनुदान स्वरुप दिने सम्झौता भएको थियो ।

कोरोना पोजेटिभ बालबालिकालाई सहयोग

0

कलैया । बाराका महागढीमाई नगरपालिकाकामा मंगलबार कोरोना पोजेटिभ भएका ६ जना बालबालिकाहरुलाई पौष्टिक युतm खाद्मानय सामग्रीहरु बितरण गरिएको छ ।

नगरपालिकाका निमित प्रमुख प्रशासकीय अधिकृत बिजय कुशवाहाले कोरोना पोजेटिभ बालबालिकाहरुको अभिभावकलाई च्यवन प्रास १ किलो, रियल जुस १ किलो, होर्लिस ५०० ग्राम, सातु १ किलो, काजु २ प्याकेट, काबली बेदाम २ प्याकेट लगायतका सामग्रीहरु बितरण गरेका थिए । कोरोना पोजेटिभ बालबालिकाहरुलाई बचाउन तथा संरक्षणको लागि बाल हेल्पलाइन नं. १०९८ बाराद्घारा बितरण कार्यक्रममा संरक्षण नेपालका अध्यक्ष बृजमोहन कुशवाहा, महागढीमाई नगरपालिकाका लेखा अधिकृत मनिष जयसवाल, प्रशासन प्रमुख गन्नायक ठाकुर र प्रभु मण्डल लगायतका उपस्थिती रहेको थियो ।

सो सामग्री महिला, बालबालिका तथा ज्येष्ठ नागरिक मन्त्रालय, राष्ट्रिय बाल अधिकार परिषद्को सहयोग तथा संरक्षण नेपाल, बाराको सहकार्यमा संचालित बाल हेल्पलाइन नं. १०९८ नेपाल, बाराले कोभिड पोजेटिभ भएका गरिब परिवारका बालबालिकाहरुलाई राहत सहयोग प्रदान गरिएको संरक्षण नेपालका अध्यक्ष बृजमोहन कुशवाहाले बताए ।

बालबालिकाहरुको हकहित संरक्षण र प्रवद्र्घनको लागि बाल हेल्पलाइन नं. १०९८ बाराले पर्सा, बारा, रौतहट र सर्लाही जिल्लामा काम गर्दै आइरहेको संस्थाका कार्यक्रम संयोजक मुकेश कुमार कुशवाहाले जानकारी दिए ।

कालिकामाईमा अझै सुरु भएन प्रधानमन्त्री राेजगार कार्यक्रम

0

वीरगंज । पर्साकाे कालिकामाई गाउँपालिकामा अझै पनि प्रधानमन्त्री राेजगार कार्यक्रम सुरु हुन सकेकाे छैन । असार मसान्त सम्म सम्पन्न गर्नु पर्ने कार्यक्रम अझै सुरु नहुँदा बराेजगारहरुकाे लागि आएकाे करिब एक कराेड बजेट फ्रिज हुने सम्भावना बढेकाे छ ।

पर्सा कै अन्य पालिकाहरुमा प्रधानमन्त्री राेजगार कार्यक्रम सुरु भए पनि कालिकामाईमा जनप्रतिनिधि र प्रमुख प्रशासकिय अधिकृतकाे लापरवाहीले सुरु हुन नसकेकाे स्थानियहरुले गुनासाे गरेका छन् ।

आ.व. २०७७/०७८ मा गाउँपालिका अन्तर्गतका बेराेजगार ५ सय ६४ जनाले फारम भरेका छन् । जस मध्ये एक सय जनालाई एक सय दिन राेजगार दिनु पर्ने छ । कार्यक्रम संचालन भएकाे भए एक जनाले एक दिनकाे रु ५ सय १७ काे दरले एक सय दिनकाे रु ५१ हजार ७ सय पाउने थिए । 

तर गाउँपालिकाकाे लापरवाहीले बेराेजगारकाे लागि आएकाे कार्यक्रम समय मै संचालन नहुँदा उनीहरु मर्कामा परेका हुन् ।

बेराेजगारहरुले पाउने पारिश्रमिक वापतकाे रकम सम्बन्धित सबैकाे बैंक मार्फत खातामा पठाउनु पर्ने भएकाेले कार्यक्रम संचालन भएकाे खण्डमा आर्थिक लाभ हुने नदेखिएकाेले कार्यक्रम संचालनमा खासै कसैले ध्यान नदिएकाे स्थानियहरुकाे गुनासाे छ ।

अझै पनि प्रधानमन्त्री राेजगार कार्यक्रम संचालन भए असार मसान्त सक्न ३७ दिन वाकी रहेकाे छ । चाँडाेमा भाेली नै भयाे भने असार समान्त सक्ने कम से कम एक दिन अघावै सम्पन्न गर्नु पर्ने हुन्छ । किन भने असारकाे अन्तिम ३१ गते सम्म मात्र चेक काटन सिकने भएकाेले पारिश्रमिकहरुकाे निकास साेही दिन गर्नु पर्ने हुन्छ । त्यसाे भए एक सय दिन संचालन गर्नु पर्ने कार्यक्रम ३५ दिन मात्र संचालन गर्न सकिन्छ । 

त्यसले एक जना बेराेजागर व्यक्ति सय दिन कार्यक्रम संचालन भएकाे खण्डमा पाउनु पर्ने रु ५१ हजार ७ सय मध्ये ३५ दिन संचालन भएकाे खण्डमा मात्र रु १८ हजार ९५ पाउने छन् । गाउँपालिकाकाे जनप्रतिनिधि र प्रमुख प्रशासकिय अधिकृत जयचन्द्र साहकाे गैर जिम्मेवारीका कारण एक जना बेराेगारकाे लागि आएकाे रकममा पनि रु ३३ हजार ६ सय ५ कम पाउने छन् ।  

केन्द्र सरकारकाे रु ५१ लाख र थप बिश्व बैंककाे बजेट गरी प्रधानमन्त्री राेजगार कार्यक्रमकाे कुला बजेट ९६ लाख रहेकाे गाउँपालिकाकाे प्रधानमन्त्री राेजगार कार्यक्रमका संयाेजक विनय साहले वताए ।

उनले बजेट ढिलाे निकासा भएका कारण समय मै कार्यक्रम संचालन गर्न नसकिएकाे वताए । तर पर्साका कै अन्य पालिकाले समय मै साेही कार्यक्रम संचालन गरेका छन् । 

पर्सा कै जिराभवानी गाउँपालिका, जगरनाथपुर गाउँपालिका, सखुवा प्रसाैनी गाउँपालिका, पाेखरिया नगरपालिका लगायतकाे पालिकामा प्रधानमन्त्री राेजगार कार्यक्रम संचालन भइसकेकाे छ ।  

बाराबाट ४९ केजी अवैध गाँजासहित पर्साका ३ जना पक्राउ

0

वीरगंज । बारा प्रहरीले ४९ के.जी. अवैध लागू औषध गाँजासहित ३ जनालाई पक्राउ गरेकाे छ ।

प्रहरीले पर्साकाे सखुवा प्रसौनी गाउँपालिका वडा नं.१ औराहा टोल निवासी ३९ बर्षिय अमिरका पासवान, साेही ठाउँ निवासी ५६ बर्षिय रमेश चौधरी र ३७ बर्षिय राज कुमार ठाकुरलाई पक्राउ गरेकाे हाे ।

लागू औषध नियन्त्रण व्यूरो शाखा कार्यालय वीरगंजमा प्राप्त विशेष सूचनाको आधारमा साेमबार दिउसाे डेढ बजे लागू औषध नियन्त्रण व्यूरो शाखा कार्यालय वीरगंज र जिल्ला प्रहरी कार्यालय बाराबाट खटिएको संयुक्त प्रहरी टोलीले तिनै जनालाई लागु औषध गाँजासहित पक्राउ गरेकाे हाे ।

बाराकाे महागढीमाई नगरपालिका वडा नं.२ इनर्वा चोकस्थितमा बरियारपुरतर्फबाट तेलकुवातर्फ गइरहेको ना २ ह ६१०६ नं. को कालो रंगको अटो तथा नम्बर नखुलेको पल्सर मोटरसाइकल समेतमा आएका ब्यक्तिहरुलाई चेकजाँच गर्दा निजहरूले बिक्रि वितरणको लागि उक्त अटोमा लुकाई छिपाई ल्याएको ४९ किलो ग्राम (७ पोका) अवैध लागू औषध गँजा बरामद भएपछि नियन्त्रणमा लिइएकाे जिल्ला प्रहरी कार्यालय बाराले जनाएकाे छ ।

पक्राउ परेका तिनै जनालाई बरामद लागू औषध र मानिस तथा सवारी साधनहरू समेतलाई नियन्त्रणमा राखी लागू औषध मुद्दामा थप अनुसन्धान भइरहेको जिल्ला प्रहरी कार्यालय बाराका प्रवक्ता एवम् प्रहरी नायब उपरिक्षक गाैतम मिश्रले जानकारी दिए ।

पक्राउ परेकावान माेटरसाइकल चालक, चौधरी अटाे चालक हुन भने ठाकुर अटाेमा सवार थिए ।