[real3dflipbook id=”94″]
निषेधाज्ञामा पनि जानकीटाेला नाका भएर खुल्याम तस्करी, तस्बिर लिने पत्रकारमाथी अभद्र व्यवहार
वीरगंज । पर्साकाे ग्रामिण भेगकाे जानकी टाेला नाकाबाट निषेधाज्ञामा पनि खुल्याम तस्करी भइरहेकाे छ । सशस्त्र प्रहरी बेस क्याम्प भिखमपुर र प्रहरी चाैकी जानकी टाेलाकाे मिलाेमताेमा खुल्याम तस्करी भइरहेकाे प्रत्यक्ष रुप मै देख्न पाइन्छ ।
निषेधाज्ञाकाे साथ साथै सिमानाका समेत बन्द रहेपनि सशस्त्र प्रहरी बेस क्याम्प भिखमपुरका प्रहरी निरिक्षक किस्मान तामाङ र प्रहरी चाैकी जानकी टाेलाका प्रहरी नायब निरिक्षक (सई) बसन्त थापाकाे मिलाेमताेमा खुल्याम तस्करी भइरहेकाे स्थानियहरुले वताएका छन् ।
तस्करी गराए वापत दुबै प्रहरी इन्चार्जहरुले ठूलाे रकम नजराना बुझ्ने गरेकाे स्थानियहरुकाे भनाई छ ।
निषेधाज्ञामा पनि साे नाकाबाट खुल्याम तस्करी भइरहेकाे समाचार प्रकाशनमा आएपछि स्थलगत रिपाेर्टिङकाे लागि पुगेका पत्रकार श्याम पासवानमाथी प्रहरीद्वारा अभद्र ब्यवहार भएकाे छ ।
जानकी टाेलाकाे दसाैतास्थित डियुटीमा खटेकाे सशस्त्र प्रहरी बेस क्याम्प भिखपुरका प्रहरी हवलदारले पत्रकार पासवानसंग अभद्र व्यवहार गरेका हुन् ।
पत्रकार पासवानले साे क्षेत्रमा भइरहेकाे तस्करीकाे भिडियाे र फाेटाे लिएका थिए । साेही ठाउँस्थित डियुटीमा खटेकाे सशस्त्र प्रहरी हवलदारले सुरुमा पत्रकार पासवानसंग ब्लु बुक, लाइसेन्स र आईडी कार्ड मागेका थिए । प्रहरीले मागेकाे सबै थाेक पत्रकार पासवानले देखाएपछि उनकाे माेबाईल मागेर अभ्रद व्यवहार गर्दै उनले लिएकाे फाेटाे र भिडियाे डिलेट गरेका थिए ।
सशस्त्र प्रहरी बेस क्याम्प भिखमपुरका प्रहरी निरिक्षक किस्मान तामाङ कै निर्देशनमा आफुमाथी अभद्र व्यवहार भएकाे पत्रकार पासवानले आराेप लगाए ।
त्यसपछि पुन: पत्रकार पासवानलाई प्रहरी चाैकी जानकी टाेलाले राेकेर अभद्र व्यवहार गर्दै केही समय नियन्त्रणमा राखेकाे थियाे । डियुटीमा रहेकाे प्रहरीले मागेकाे ब्लु बुक, लाइसेन्स र आईडी कार्ड देखाउदा पनि आधि घाँटा सम्म राेकेका थिए । पछि आफुले प्रहरी नायब निरिक्षक बसन्त थापालाई फाेन गरेपछि आफुलाई छाेडिएकाे पत्रकार पासवाले वताए ।
पत्रकार पासवान राष्ट्रिय दलित पत्रकार संघ पर्साका अध्यक्ष समेत हुन् ।
पर्सामा काेराेना संक्रमित निरन्तर घट्दै
वीरगंज । पर्साका ३ सहित थप १० जनामा शनिबार काेराेना भाइरस संक्रमण पुष्टि भएकाे छ ।
वीरगंजस्थित नारायणी अस्पतालकाे प्रयाेगशालामा ९६ जनाकाे आरटी पिसिआर विधिबाट परिक्षण गर्दा १० जनामा काेराेना संक्रमण देखिएकाे नारायणी अस्पतालका काेभिड फाेकल पर्सन डा. सराेज राेशन दासले वताए । संक्रमित हुनेहरुमा पर्साका ३ जना, बाराका ३ जना, राैतहटका एक जना, सर्लाहीका एक जना र महाेतरीका २ जना रहेकाे उनले जानकारी दिए ।
संक्रमित हुनेमा ३ जना महिला र ७ जना पुरुष रहेका छन् । संक्रमितहरु ३३ बर्षदखी ९५ बर्ष उम्मेर समुहका रहेका छन् । उनीहरुकाे सिटी भ्यालु २३.३ देखी ३५ सम्म रहेकाे छ ।
पर्साकाे वीरगंज महानगरपालिका वडा नं. ८, १७ र सखुवा प्रसाैनी गाउँपालिका वडा नं. १ का एक/एक जना संक्रमित भएका छन् ।
यस्तै, बाराकाे जितपुर सिमरा उपमहानगरपालिका वडा नं. १, ३, काेल्भि ६ का एक/एक जना संक्रमित भएका छन् ।
यस अघि शुक्रबार नारायणी अस्पतालकाे प्रयाेगशालामा ९६ जनाकाे आरटी पिसिआर विधिबाट परिक्षण ९ जनामा मात्र काेराेना संक्रमण पुष्टि भएकाे थियाे । संक्रमित पुष्टि भएका मध्ये पर्साका ४ जना, बाराका ३ जना, राैतहट र सर्लाहीका एक/एक जना थिए ।
यस्तै, बिहिबार नारायणी अस्पताल मै १४२ जनाकाे परिक्षण गर्दा २२ जनामा संक्रमण पुष्टि भएकाे थियाे । संक्रमित हुनेमा पर्साका १४ जना, बाराका ६ जना, राैतहट र सर्लाहीका एक/एक जना थिए ।
अभिनेत्री जुही चावलालाई २० लाख जरिवाना
मुम्बई । अभिनेत्री जुही चावला २० लाख जरिवानामा परेकी छन् । ‘फाइभ जी’ मामलामा दिल्ली हाइ कोर्टले उनलाई यो जरिवाना तोकेको हो । जुहीले ‘फाइभ जी’को विरुद्धमा दिल्ली हाइकोर्टमा एक याचिका दायर गरेकी थिइन् । जसमा उनले ‘फाइभ जी’ को रेडिएशनको प्रभाव नागरिक, जनावर, वनस्पति लगायतमा पर्ने सम्बन्धि मुद्दा उठाएकी थिइन् । जसको फैसला हालै दिल्ली हाइ कोर्टले सुनाएको छ ।
कोटले जुहीको विपक्षमा फैसला गर्दै २० लाख जरिवाना समेत सुनाएको हो । कोटले जुहीको याचिका खारेज गर्दै भनेको छ, ‘याचिका कर्ताले कानुनी प्रक्रियाको गलत प्रयोग गरेको छ । यस्तो लाग्छ यो प्रचार पाउन गरिएको हो । किनभने याचिका कर्ता जुहीलाई पनि थाहा छैन कि उनको याचिका तथ्यमा आधारित नभएर कानूनी सल्लाहमा आधारित रहेको छ ।
पब्लिसिटी पाउन र कोर्टको समय दुरुपयोग गरेको कारणले उनलाई जरिवाना गरिएको छ ।’ जुहीले कोर्टमा याचिका कर्ताको तर्फबाट तिर्नु पर्ने कोर्टको पुरै फिस डेढ लाख समेत तिरेकी छैनन् । कोर्टले एक साता भित्र उक्त पिस तिर्न समेत निर्देशन दिएको छ ।
आदित्यसंग यामी गौतमले गरिन् बिहे
बलिउड नायिका यामी गौतम बैबाहिक जीवनमा बाँधिएकी छिन् । उनले, कोरोना कहर चलिरहेको समयमा परिवारको मात्र उपस्थितीमा आदित्य धरसँग बिहे गरेकी हुन् ।
आदित्यले चलचित्र ‘उरी’को निर्देशन गरेका थिए । यामीले सामाजिक संजालमा बिहेको तस्वीर सार्वजनिक गर्दै सबैको आर्शिवादको अपेक्षा गरेको उल्लेख गरेकी छिन् ।
चलचित्र ‘विक्की डोनर’मा काम गरेपछि चर्चामा आएकी यामीको बलिउडमा राम्रै चर्चा थियो । उनले, केही सफल चलचित्रमा समेत अभिनय गरेकी छिन् । उनै, यामीले सामाजिक संजालमा बिहेको तस्वीर सार्वजनिक गर्दा उनका फ्यानहरु आश्चर्यमा परेका छन् ।
यामीले अभिनय गरेको ‘बाला, विक्की डोनर, सनम रे’ जस्ता चलचित्रलाई दर्शकले रुचाएका थिए ।
वीरगंज ८ मा ७५ जनाद्वारा रक्तदान
वीरगंज । वीरगंज महानगरपालिकाकाे वडा नं. ८ शनिबार रक्तदान कार्यक्रम सम्पन्न भएकाे छ । वडा कार्यालयमा भएकाे कार्यक्रममा ७५ जनाले रक्तदान गरेकाे रक्त संचार केन्द्र वीरगंजका प्रमुख सराैभ राज पाण्डेले वताए ।
कार्यक्रममा धन्नजय साह कानु, संताेश कुमार, धिरज साह, राजकिशाेर गुप्ता, अभिजित चाैधरी, किशन हवारी, राम कुमार पाेखरेल, रवि श्रेष्ठ, राजु कुमार श्रीवास्तव, प्रकाश राणा, मुस्तुफा हवारी, पवन साह लगायतकाले रक्तदान गरेकाे उनले जानकारी दिए ।
वीरगंज महानगरपालिका वडा नं. ८ काे कार्यालयकाे सहयाेग र यू.डी.वाई-सेफ कम्प्युटर एजुकेशनकाे आयाेजनामा रक्तदान कार्यक्रम भएकाे थियाे ।
वीरगंज महानगरपालिकाका मेयर विजय कुमार सरावगीकाे प्रमुख आतिथ्यतामा भएकाे कार्यक्रममा वडा नं. ८ का वडाध्यक्ष राजकिशाेर गुप्ता, बंशीधर गुप्ता, भाेलेन्टियर समुहका राजन श्रीवास्तव, श्याम सर्राफ, किशन सर्राफ लगायतकाे उपस्थिती रहेकाे थियाे ।
कार्यक्रम रक्त संचार केन्द्र वीरगंजकाे प्राविधिक सहयाेगमा भएकाे थियाे ।
ढुङ्गा, गिट्टी, बालुवा निकासी गर्ने घोषणा राष्ट्रघाति : वाईसिएल पर्सा
वीरगंज । सरकारले अध्यादेश मार्फत आर्थिक बर्ष २०७८/०७९ का लागि ल्याएको बजेट बक्तव्यमा खानी जन्य ढुङ्गा, गिट्टी, बालुवा निर्यात गरी ब्यापार घाटा न्यूनिकरण गर्ने योजना घातक रहेको योङ कम्युनिष्ट लीग (वाईसिएल) पर्साले जनाएको छ ।
वाईसिएल पर्साका संयोजका संयोजक ओमप्रकाश गुप्ताले एक प्रेस विज्ञप्ती जारी गर्दै यो योजना समग्रमा घातक रहेको जनाएका हुन् ।
उनले यसबाट नवधानाढ्य देखि केहि व्यवसायीलाई त फाईदा नै होला तर यसबाट सबै भन्दा बढी प्रभाव चुरे संवेदनशिलमा क्षेत्रमा नै पर्ने र त्यसले तराई मधेशमा ठुलो प्रकृतिक संकट आउने जनाएका छन् ।
यसले चुरे बिनास गर्ने र तराई मधेशलाई मरुभूमीकरण गर्ने निश्चित रहेको संयोजक गुप्ताले जारी गरेको विज्ञप्तीमा उल्लेख छ ।
भविष्यमा मधेशको उर्वरभुमी समाप्त भई जनताको जीवन नै संकटमा पर्ने भएकोले व्यापार घाटा कम गर्ने नाममा ढुङ्गा, गिट्टी, बालुवा निकासी गर्ने घोषणा राष्ट्रघाति रहेकोले बैज्ञानिक वातावरणीय अध्ययन नैनगरी ल्याइएको ढुङ्गा, गिट्टी, बालुवा उत्खनन गरी निर्यात गर्ने कार्य बन्द गर्न विज्ञप्तीमार्फत माग गरिएको छ ।
मानव बेचबिखनको लागि दुई युवतीलाई भारत लगिरहेका श्रीमान्–श्रीमति पक्राउ
वीरगंज । पर्सा प्रहरीले मानव बेचविखनको अभियोगमा दुई जनालाई पक्राउ गरेको छ ।
भारतको बिहार जिल्ला पूर्वी चम्पारण थाना पहाडपुर ग्राम पंचायत अहिरवलीया गोदाव वडा नं. ४ निवासी २७ बर्षीय अस्गर सैफी र जिल्ला तनहुँ दमौली नगरपालिका वडा नं. ५ निवासी सकिना खातुन भनिने सीता थापा क्षेत्रीलाई प्रहरीले पक्राउ गरेको हो । पक्राउ परेका दुबै जना श्रीमान् र श्रीमति हुन ।
अस्गर सैफी र निजकी श्रीमती सीता थापा क्षेत्रीले जिल्ला गोरखा घर भएका वर्ष २० तथा वर्ष २२ का गरी दुई जना महिला हरूलाई निजहरूकै घरठेगानाबाट जिल्ला बाँकेस्थित नेपालगञ्जमा रहेको एक मन्दिरमा कन्या पूजा गर्न १ घण्टाको लागि कन्याको रूपमा गएबापत जनही रू.५० हजार दिने भनी ललाइफकाई नेपालगञ्जसम्म ल्याएका थिए ।
त्यसपछि उनीहरुले पैसा लिन वीरगंज बजार जानुपर्छ भनी झुक्याएर पारी बी.म.न.पा. १६ स्थित ईनर्वा नाकासम्म पु¥याई पैसा लिन पुनः भारतको बेतिया जानुपर्छ भन्दै मानव बेचबिखन गर्ने उद्देश्यले सीमा पार गराउन लाग्दा बिहीबार दिउँसो ३ बजे प्रहरी चौकी ईनर्वाबाट खटिएको टोलीले पीडितहरूको उद्दार गरी बेचबिखनमा संलग्न दुबै जनालाई पक्राउ गरेको हो ।
पक्राउ परेका दुबै जनाबिरूद्ध मानव बेचबिखन तथा ओसारपसार नियन्त्रण ऐन २०६४ अन्तर्गत कसूर गरेको अभियोगमा पर्सा जिल्ला अदालतबाट शुक्रबार ७ दिन म्याद थप गरी अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरीक्षक ओमप्रकाश खनालले जानकारी दिए ।











