Date
शुक्र, मंसिर ४, २०८३
Fri, November 20, 2026
Home Blog Page 808

रेल्वे कटेजकाे निशुल्क भोजन अभियान जारी

0

वीरगंज । रेल्वे कटेजद्वारा जारी निशुल्क भोजन अभियान “फीड फर नीडी” ले बिहिबार पचास दिन पूरा गरेको छ।

कोरोना महामारीले गर्दा जारी निषेधाज्ञाले वीरगंज आसपासका क्षेत्रमा प्रभावित अति बिपन्न, अस्पतालमा उपचाररत बिरामिका कुरुवा तथा सडक मानवलाई बिगत पचास दिन देखी निशुल्क भोजन गराउदै आएको अभियानका संयोजक समाजिक अभियान ओमप्रकाश सरार्फले बताए ।

अभियान अन्तर्गत अहिले सम्म करिब १६ हजार ५ सय प्याकेट खाना तथा सन्क्रमितहरुलाई फलफूल बितरण गरिएको छ ।

अभियानमा स्वयंसेवकको रुपमा संजय पटेल, शिवम पटेल, सागर सरार्फ, मोहमद अरसद,किसु सरार्फ, सन्दिप नेपाल, राकेश कुमार लगायतले सेवा गर्दै आएका छन् ।

वीरगंज युवा समाजले हेलम्बुका बाढी पहिरो प्रभावितका लागि पठायो राहत

0

वीरगंज । वीरगंज युवा समाजले सिन्धुपाल्चोकको हेलम्बुका बाढी पहिरोबाट घरबार गुमाएका परिवारका लागि झण्डै ३ लाख मूल्य बराबरको राहत सामाग्री पठाएको छ ।

चामल, दाल, तेल, चाउचाउ तथा मेडिकल सामाग्रीहरु मास्क, दवाई लगायतका सामाग्री समाजले बिहीबार बिहान हेलम्बु पठाएको हो । प्राकृतिक विपत्तिका बेला मानवीय सहयोग गर्नु सबैको कर्तब्य भएकाले आफुहरुले पनि बाढीपहिरो प्रभावितलाई राहत पठाएको समाजका अध्यक्ष कमल चौगाईले बताए ।

बिहीबार विहान एक कार्यक्रमका बीच राहत सामाग्री लिएर जानेलाई मकालु चोकबाट बिदाई गरिएको अधयक्ष चौगाईले बताए । आफुहरुले पठाएको राहत स्थानिय प्रसाशनको रोहबरमा प्रभावितको हातमा पुर्याइने पनि चौगाइले बताए ।

लकडाउनले फेरि हाँस्न थालेको मेरो दोलखा

0

-श्रीषा बस्नेत

अहिलेको अवस्थामा हेर्ने हो भने एक दिन पनि मानिसहरुलाई बाच्न निकै कठिन बनाएको छ, आर्थिक अवस्था निकै कमजोर भएको पनि भेटिएको छ। मान्छेहरुलाई अहिले के पिर छ भने बाँचियो भने के खाएर बाच्ने त ? कसरी बाच्ने त ? यो कुराले मानिसमा धेरै मानसिक समस्या आएको छ । मानिसहरु सहरबाट आफ्नो गाऊ फर्किएका छन् । दोलखा जिल्लामा पनि यस्तै भएको छ। सहरमा भोकमरीले मर्नु भन्दा आफ्नो गाँउमा सिस्नु र ढिँडो खाएर बाचिन्छ भनेर पनि मान्छे गाउँ फर्केका छन् । गाउँघरमा चिसो हावा, हरियाली र आफनो परिवारसँग बस्न पाउँदा मानिसहरु निकै खुशी छन् । दोलाखा बासीहरु अहिले आत्मनिर्भर भएको पाइएको छ।

गाउँगाउँमा सडक पुगेको हुनाले मानिसहरुले धेरै सुविधा पाएको छन् र आफैमा अचम्मित छन्। हुन त लामो समयदेखि काठमाडौ बस्दै आएका मान्छेहरु पनि अहिले गाउँ फर्केका छन् र गाउँका मानिसहरु पनि अचम्म परेका छन् । यसैगरी अहिले लकडाउनले मानिसलाई कृषि तिर आकर्षित गरेको पाइएको छ। बर्षौ बर्षौदेखि छोड्दै आएको बाँझो खेतबारी समेत अहिले मानिसले अन्न रोपेर निकै सुन्दर देखिएको छ। मानिसलाइ अहिले खेतमा धान रोप्न र बारीमा मकै र कोदो रोप्नमा भन्दा अरु काममा फुर्सद नै छैन ।

१२ बर्ष, १५बर्षदेखि बाजो खेतबारि अहिले दिन कटाउनको लागि भएपनि अन्नपात गरेका छन् । भोकमरीले मरिन्छ भनेर होला अहिले मानिसहरु कृषिमा एकदमै लागि परेको भेटिन्छ । सबै गाउँगाउँमा सडक गएर होला मानिसलाई पैसा कमाउन ग्राहाे छैन । यति सम्म भेटिएको छ कि एउटा महिलालाई अहिले घर खर्च चलाउन ग्राहाे भएको छैन । मानिसले मौषम अनुसारको तरकारीहरू लगाएर बेच्न पाएका छन् । लकडाउनमा घर आएका मानिसहरु अहिले आफनै घर वरिपरि तरकारिहरु लगाएर अर्गानिक उत्पादन गर्न थालेका छन् र धेरै भएको तरकारिहरु बेच्ने नि गरेका छन् । तिनिहरु भन्छन कि तरकारि किनेर खानुपरेको छैन, तरकारि किन्ने पैसा जोगिएको छ र हामी एकदम खुशी छौ र २/४ पैसा भएनि कमाएका छौ ।

उनीहरूले दोलखाको सदरमुकाम चरिकोटमा र आफनो घर नजिक बजार तिर आफूले फलाएका तरकारिहरु बेच्ने गरेका छन् । मानिसहरु एकदम खुसि छन् । सामान्यतया भन्नुपर्दा छोरी बुहारीलाई घर चलाउन ग्राहाे भएको छैन भन्नुभएको छ । घरमा खर्च माग्नुपर्थ्यो भने अहिले परेको छैन। पहिला मिठो खान , राम्राे लगाउन ग्राहाे हुन्थ्यो भने अहिले आफुले नि राम्राे लगाउन खान पाएका छौँ र घर परिवारलाइ नि मिठो खान दिन पाएका छौँ, छोरा छोरिलाई नि राम्राे स्कुलमा पढलउन पाएका छौँ र निकै खुशी छौँ । कतै जानु पर्यो भने नि सोच्नु पर्थ्यो, पैसा माग्नु पर्थ्यो तर अहिले त्यो छैन र घरमा नि निकै सहयोग पुगेको छ।

यसैगरि हराउँदै गएको लोकल कुखुरा समेत अहिले मज्जाले पालिन्छ । अहिले गाउँ गाउँमा प्रत्येक घरमा भेटिन्छ । अरुबेला किनेर खानुपर्थो भने अहिले आफैले पालेर आफुलाइ नि भयो र बेच्न पनि मिल्यो । २/४ पैसा पनि कमाइ भयो । मानिसहरू काठमाडौमा बस्दै आएको परिवार भाडा तिर्नु परेको अहिले आफ्नो घरमा परवारसँग बस्न पाउदा र घरमै बसेर अलि अलि पैसा कमाउन पाउदा दंग परेका छन् । सरकारले कृषि क्षेत्रमा धेरै नै सहयोग गरेको पाइन्छ । धेरै थरिको कृषि अनुदानहरु दिएको पाइन्छ । जस्तैः बाख्रा पालन, भैसिपालन, कुखुरा पालन, मेल आदि ।

वडा वडाबाट धेरै थरिको कृषि सम्बन्धि तालिमहरु दिदै आएको छ । पहिला पहिला मेलको लागि टाढा टाढा पुगनुपर्थो भने अहिले तालिम लिएर घर नजिक मेल राखेर गाउँ सबैलाई सजिलो भएको छ र घर खर्च चलाउन निकै सजिलो भएको बताएका छन् । ६, ७ वटा भैसि पालेर दुध बेचेर घर व्यबहार चलाउन निकै सजिलो भनेर बताएका छन्। अनुदानले गर्दा मानिसको जिवन शैलिमा धेरै सुधार आएको छ । मानिसहरु चिसो हावा खादै काम गर्दै घर वरिपरि, गाउँ निकै हरियालि बनाएका छन् । सडक पुगेको हुनाले अहिले व्यापारिहरु गाउँगाउँमै तरकारीहरु खोज्दै हिडेको पाइन्छ ।

दोलखाको कतिपय ठाउँहरु नाङ्गो डाडो र बाजो खेतबारि थियो भने अहिले धानको बाला र मकै, कोदो उत्पादन भएको पाइएको छ। मानिसको स्वास्थ्यमा धेरै समस्या आउन थालेको हुनाले मान्छहरु अर्गानिक तर्फ लागेका छन् र सरकारले पनि सकेसम्म अर्गानिक खानु भनेर जानकारि दिदै आएको छ। किसानहरुले भन्नुभएको छ कि विदेश जानै पर्दैन, गर्न मन छ भने सरकार मा कृषिमा धेरै सहयोग गरेको छ। विदेशमा गर्ने दुख यहाँ २०% मात्र गर्ने हो भने हामिलाई बाँच्न खान मज्जाले पुग्छ ।

दशैँका लागि खसी बिका चहिन्छ र लकडाउनले गर्दा मानिसहरुले घरमा खसि बोका पालेर दशैँ खर्च उठ्छ भनेका छन् र दशैँ खर्च नि जोगिन्छ भनेका छन् । दशै तिहार को लागि लाग्ने फुलहरु किन्नुपर्थो भने अहिले घरवरिपरि टन्न फुल लगाएर फुलमा लाग्ने खर्च नि जोगिन्छ भनेका छन् र घर वरिपरिका सुन्दर फुलले घर नि निकै सुन्दर बनाएको छ। अहिले गाउँमा पनि धेरै बिकास हुदै गएको छ। जस्तो जे भएपनि मानिसहरु आत्मनिर्भर हुन सिक्दै छन्। ठुलो ठुलो लगानीमा भैसि पालन, बाखा पालन, कुखुरा पालन आदिले धेरैले आफ्नै गाँउघरमा रोजगार पाएका पनि छन्। लकडाउनको बेलामा दोलखा जिल्लामा धेरै नयाँ पर्यटकिय स्थलहरु बन्दै छन् जसमा युवाहरुले समेत रोजगार पाएका छन् जसले गर्दा काम गर्ने मानिसहरुलाइ लकडाउनको बेलामा भोकमरीको सिकार बन्नु परेको छैन्।

कोईला र क्लीन्कर अव्यवस्थित ढुवानीले गर्दा वीरगंज बाईपासको जनता मारमा

0

वीरगंज । पर्सा प्रहरीले कोईला र क्लीन्कर अव्यस्थित तथा क्षमताभन्दा बढी लोड (ओभरलोड) गरी वीरगंज भित्रियाउँने टिपर र ट्रकलाई धमाधम नियन्त्रणमा लिई कारवाही थालेको छ ।

अव्यवस्थित तथा ओभरलोडकका कारण बाटोभरी कोईला र क्लीन्कर छरिर्दै जाँदा सडकमा हिड्ने अन्य यात्रुहरुलाई समस्या हुन थालेपछि वडा प्रहरी कार्यालय विर्ताले कारवाहीको प्रकृया अगाडी बढाएको हो ।

प्रहरीले वीरगंजकाे बाईपास रोडस्थित रजतजयन्ती चोकमा चेकजाँच गर्ने क्रममा बिहिबार क्षमताभन्दा बढी लोड तथा सुरक्षा नअपनाएका तीनदर्जन भन्दा बढी कोईला तथा क्लीन्कर लोड गरेको सवारी साधन नियन्त्रणमा लिई कारवाही प्रकृया अगाडी बढाएको प्रहरी निरिक्षक राजेश पुरीले बताए ।

मितेरीपुल नजिकै सिमाको दशगज्जा क्षेत्रमा भण्डारण गरी गराखिएको कोईला र क्लीन्कर ओभरलोड गरेपनि त्रिपालले व्यवस्थित रुपमा नछोपेका कारण बाटोभरी खसाल्दै जाँदा सडकमा हिड्ने अन्य यात्रुहरुलाई दुर्घटना हुने जोखिम बढ्न थालेपछि प्रहरीले कारवाहीको प्रकृया अगाडी बढाएको उनले बताए ।

टिपर र ट्रक चालकहरुले ओभरलोड बापत बढी भाडा असुल्ने भएकोले आफनो मुनाफाको लागि अरुको ज्यान जोखिममा राखेको भन्दै स्थानियले निरन्तर रुपमा यसको विरोध गर्दै आएका छन ।

एक त ओभर लोड गर्ने त्यसमा पनि राम्ररी त्रिपालले नढाकेपछि बाईपासको एकतर्फको बाटोनै विग्रने र फोहोर हुने अवस्थामा पनि पुगेको स्थानियले बताएका छन ।

सवारीधनीलाई बारम्बार चेतावनी दिदै आएका छौ, ईनर्वाका लालदेव यादवले भने, स्थानिय प्रशासनले यीनिहरुलाई नियन्त्रण लिन कडा रुपमा प्रस्तुत नभए हामी बाध्य भई सडकमा उत्रिने छौ ।

पक्राउ गरिएको टिपर र ट्रक चालकलाई कानुन बमोजिम कारवाही गरिने प्रहरी निरिक्षक पुरीले बताए । उनले भने, पहिला गाडीको कागजपत्र दुरुस्त रहेको नरहेको हेर्ने, ओभर लोड गरिएको समान झाने, त्यसपछि कानुन बमोजिम जरिवाना सहित कारवाही गरिने प्रहरी निरिक्षक पुरीले बताए ।

विना शर्त नेता पटेललाई प्रहरीले नछाडे कडा आन्दोलन गर्ने चेतावनी

0

वीरगंज । संसद विघटन र निर्वाचन घोषणाको विरुद्ध संयुक्त विद्यार्थी संगठन पर्साले वीरगन्जमा प्रर्दशन गरेको छ । वीरगन्जको घण्टाघर चोकमा संयुक्त विद्यार्थीहरु मोर्चा बनाएर सरकार विरुद्ध चर्को नाराबाजी गर्दै प्रर्दशन गरेका हुन ।

प्रर्दशन गर्ने क्रममा प्रहरीले ४ जना विद्यार्थी नेतालाई पक्राउ गरेको थियो । प्रहरीले घण्टाघर चोकबाट प्रर्दशन गर्ने क्रममा नेवि संघका पुर्व केन्द्रिय सदस्य सुधिर पटेल, अखिल क्रान्तिकारीका केन्द्रिय सदस्य एवं प्रदेश २ का सहसंयोजक प्रभाकर गुप्ता, अखिल क्रान्तिकारीका वीरगंज महानगर अध्यक्ष विवेक कुमार साह र नेवि संघका जिल्ला सदस्य विशाल पटेललाई पक्राउ गरेको थियो ।

पक्राउ परेका ४ जनामध्ये ३ जनालाई प्रहरीले छाडे पनि सुधिर पटेललाई हालसम्म नछोडिएको युवा संघका केन्द्रिय सदस्य अरुण यादवले बताए ।

उनले प्रहरी उपरिक्षक बेलबहादुर पाण्डेले व्यक्तिगत ईगोका कारण पटेललाई फसाउँन खोजेको आरोप लगाए । जिल्ला प्रहरी कार्यालय अगाडी धर्ना दिएका यादवले प्रहरी उपरिक्षक पाण्डेले पटेललाई विना शर्त रिहा नगरे विद्यार्थीहरुको आन्दोलनको स्वरुप परिर्वतन हुने र यसबाट हुन सक्ने सम्भावित घटनाको जिम्मावार स्वयं प्रहरी नै लिनुपर्ने बताए ।

प्रहरी हिरासतमा रहेको पटेल आमरण अनसन सुरु गरेका छन् । उनले आफुलाई बिना कारण हिरासतमा राखिएकोले आमरण अनसनमा बसेको बताए ।

उनले भने, “प्रहरीले विना कारण आफूलाई फसाउँन खोजेकाे छ, यदी म माथि कुनै प्रकारको मुद्दा छ भने, देखाउँनु पर्‍यो । होईन भने मलाई मेरो संवैधानिक अधिकारलाई कुण्ठित गर्न पाउँदैन । मलाई बिना शर्त रिहा नगरेसम्म मेरो अनसन जारी रहन्छ।” 

यता पर्साका प्रहरी प्रवक्ता ओम प्रकाश खनालले पटेल अपराधिक घटनामा संलग्न हुन सक्ने आशंका रहेकोले नियन्त्रणमा राखी थप अनुसन्धान गर्ने काम भईरहेको छ, यदी निर्दोष सावित भए छाडिने बताए ।

पाइला नेपालद्वारा ट्राफिक प्रहरीलाई स्वास्थ्य सामग्री सहयाे

0

वीरगंज । पहिलाे पाइला नेपाल वीरगंजले जिल्ला ट्राफिक प्रहरी कार्यालय पर्सालाई मास्क, पंजा र सेनिटाईजर सहयाेग गरेकाे छ ।

ट्राफिक प्रहरी कार्यालय मै पुगी मास्क १६५० पिस, पंजा १०० पिस र सेनिटाईजर १० लिटर हस्तान्तरण गरिएकाे पाइला नेपालका अध्यक्ष निश्चल प्रजापतिले जानकारी दिए ।

संस्थाका मधु प्राजपति, कृति श्रेष्ठ, राेहित कलवार, राेहित गुप्ता, सानु गुप्ता, काजल पटेल, राहुल राज बर्दन, एमडि ज्युल हक, राज साह, पुष्पा कुमारी लगायतकाे सहयाेगमा साे सामग्री सहयाेग गरिएकाे अध्यक्ष प्रजापतिले वताए ।

कालिकामाईमाकाे अनियमितता ढाकछाेप गर्न दलाल परिचालन

0

वीरगंज, ८ असार । पर्साको कालिकामाई गाउँपालिकामा भइरहेकाे अनियमितता र भ्रष्टाचार ढाकछाेप गर्न दलाल परिचालन भएका छन् । 

गाउँपालिकामा अनियमितता र भ्रष्टाचार भइरहेको स्थानियको गुनासो बढेपछि कार्यपालिकाको कार्यालय हरिहरपुर विर्ता पुगेर आर्थिक बर्ष २०७७/०७८ मा संचालनमा रहेको बिकास निर्माण सम्बन्धि जानकारी लिन कार्यालयमा भेटिएका कर्मचारीहरुले बताउँन मानेन् । गाउँपालिकामा संचालित थुप्रै बिकास निर्माण र सामग्री खरिदको सूचना गाउँपालिकाकाे वेभसाइटमा पनि राखिएको छैन् ।

गाउँपालिकाका सूचना अधिकारी अमित चौरसियासंग सूचना माँग गर्दा आफूलाई जानकारी नभएको बताए । उनले भने, सम्पूर्ण योजना बारे जानकारी हाकिम साहेब संग मात्र छ, उहाँ आएपछि आफै जानकारी गराउँनु हुन्छ ।

कार्यालयमा रहेकाे दर्ता चलानी रजिष्टरमा खाली ठाउँ राखेर अगाडीकाे मितिमा दर्ता चलानी गरेकाे पाइयाे ।

प्रमुख प्रशासकिय अधिकृत जयचन्द्र साहसंग बुझन खोज्दा उनको कार्यालयमा ताल्चा लगाईएको थियाे । फोन मार्फत पटक पटक सम्पर्क गर्दा फोन उठेन ।

यसै सम्बन्धमा विभिन्न स्थानिय तथा राष्ट्रिय संचारमाध्यमा समाचार प्रकाशनमा आएपछि त्यसकाे ढाकछाेप गर्न दलाल परिचालन गरिइएकाे हाे । साे दलालले गाउँपालिकाकाे अनियमितता र भ्रष्टाचार ढाकछाेप गर्न विभिन्न किसिमकाे प्रपन्च गरिरहेका छन् ।

आर्थिक मसान्तकाे अन्तिमकाे असार महिनामा आएर गाउँपालिकामा संचालित विकास निर्माणकाे याेजनाहरु उपभाेक्ता समितिमार्फत काम भइरहेकाे वताइए पनि ठेक्दारले काम गराईरहेकाे पाइयाे । कागजी पक्रिया मिलाउन मात्र उपभाेक्ता समिति गठन गर्ने गरिएकाे छ ।

गाउँपालिकाबाट भइरहेकाे ७० लाखकाे बजेटबाट कालिकामाई मन्दिर निर्माण, गाउँ कार्यपालिकाकाे लागि खरिद भएकाे जग्गाकाे बाउन्डरी वाल निर्माण, धर्मशालाकाे भवन निर्माणकाे याेजनाहरुकाे उपभाेक्ता समिति मार्फत संचालनमा छन् । तर कालिकामाई मन्दिरकाे भवन निर्माण र गाउँपालिकाकाे जग्गाकाे बाउन्डीवाल ठेक्दारले काम गराइरहेकाे प्रत्येक्षदर्शशीहरुले वताएका छन् । जुन नियमले मिल्दैन् ।

उपभाेक्ता समितिका पदाधिकारीकाे बारे जानकारी लिन खाेज्दा जनप्रतिनिधि र कर्मचारी कसैले बताउन चाहेनन् । 

खाेला सफाईमा ४० लाख खर्च

चालु आर्थिक बर्षमा खाेला सफाईमा ४० लाख खर्च भएकाे छ । गाउँपालिका अन्तर्गकाे गंगाेल र बही खाेला सफाईमा ४० लाख खर्च भएकाे गाउँपालिकाका सब इन्जिनियर मिथिलेश यादवले वताए ।

साे खाेला सरसफाई पनि उपभाेक्ता समिति मार्फत नै भएकाे उनले वताए पनि उपभाेक्ता समितिकाे अध्यक्षकाे नाम समेत वताउन सकेन । उनले खाेला सरसफाईकाे इस्टिमेट पनि देखाउन मानेन् । 

खाेला सफाईमा १५ देखी २० लाख सम्म मात्र खर्च भएकाे स्थानियहरुकाे भनाई छ ।

अन्य याेजनामा समेत अनियमितता 

गाउँपालिकाबाट वितरण भएकाे ग्यास सिलिन्डर खरिदमा पनि अनियमितता भएकाे छ । ग्यास सिलिन्ड खरिदकाे बारेमा पनि बुझ्न खाेज्दा गाउँपालिका कार्यालयमा भेटिएका कर्मचारीहरु काेई बताउन मानेन् । 

४५ सय देखी ५ हजार सम्म पर्ने ग्यास सिलिन्डर र चुल्ला खरिद ६२ सयमा गरेर ठुलाे रकमकाे चलखेल भएकाे गाउँपालिका स्राेतले जनाएकाे छ ।

यस्तै, आर्थिक बर्ष २०७७/०७८ काे सुरु मै विपद व्यवस्थापनकाे रकमबाट जनप्रतिनिधिहरुले भत्ताकाे नाममा एक/एक लाख रकम भागवंडा लगाएका थिए ।

गाउँपालिकाकाे चालुगत खर्चमा पनि अनियमितता

गाउँपालिकाकाे चालुगत खर्चमा पनि अनियमितता भएकाे छ । प्रमुख प्रशासकिय अधिकृत जयचन्द्र साह कार्यालयमा भएकाे दिनकाे पनि टियडिय बुझेकाे गाउँपालिका स्राेतले जनाएकाे छ ।

उनले चेकमा हस्ताक्षर गरेकाे दिनकाे पनि टियडिय बुझेकाे तथ्यले साे कुरा प्रमाणित गर्ने स्राेतकाे भनाई छ । 

यस्तै, गाउँपालिकाकाे जनप्रतिनिधिले वीरगंज मै बसेर नक्कली बिल भर्पाई बनाएर टिएडिय बुझेका छन् । यसका साथै काठमाडाैे र पाेखरा गएर माैजमस्ती गरेकाे खर्च पनि नक्कली बिल बनाएर रकम निकासा भएकाे स्राेतले जनाएकाे छ  । 

अख्तियारकाे ध्यान पुग्न सकेन

गाउँपालिकामा बढ्दै गएको अनियमितता र भ्रष्टाचार सम्बन्धमा छानविनको लागि अख्तियार दुरुपयोग अनुसन्धान आयोगमा थुप्रै मुद्दाहरु परे पनि ध्यान पुग्न नसकेको स्थानियहरुकाे गुनासो छ ।

गाउँपालिकामा भइरहेकाे अनियमितता र भ्रष्टाचारकाे सम्बन्धमा अख्तियारमा मुद्दा परेपनि छानविन नभएकाे स्थानिय उपेन्द्र तिवारीले गुनासाे गरे ।

उनले भने “यहाँ नदी सफाईकाे नाममा ४० लाख खर्च भएकाे छ तर सडककाे अवस्था दैनिय रहेकाे छ । थाेरै पानी परे पनि सडक हिलाे मै हुने गरेकाे छ । बढी कमिशन पाउने ठाउँमा मात्र गाउँपालिकाले काम गरिहरकाे छ ।”

स्थानिय सरकार बनेको साढे तिन बर्ष भए पनि अहिले सम्म सडक निर्माण नहुँदा स्थानिय बर्षायाममा समस्या भोग्दै आएकाे उनले वताए । मुख्य सडकमा हिलोयाम, घुडाभन्दा माथि पानी जमेका कारण आवतजावत गर्ने समस्या भईरहँदा पनि जनप्रतिनिधि मुख हेराउँन आउँदैन ।

अर्का स्थानिय मन्टु कुमार रौनियारले हिलोयाम सडकका कारण गाउँमा एम्बुलेन्स, बिहेवारीमा जयन्ती समेत आउँन नसकेकाे वताए । सिकित्स विरामीलाई तीन चार जना मिलेर एम्बुलेन्स भएको ठाउँमा पु¥याउँनु पर्ने बाध्यता रहेकाे उनकाे भनाई थियाे ।

बारम्बार जनप्रतिनिधिलाई गुहार लगाउँदा समेत अहिले सम्म कुनै सुनवाई नभएको स्थानिय जोगिन्द्र गिरीले वताए । गिरीले घर घरमा सिंहदरबार पुगेको भनिएपनि अहिले सम्म कालिकामाई गाउँपालिका जनताले सिंहदरबारको अनुभुति भने पाउँन नसकेकाे वताए ।

जनताको समस्या समाधान गर्नुभन्दा विकास निर्माणको नाममा आफना कार्यकर्तालाई भरणपोषण गर्ने काम मात्र भईरहेको उनले गुनासाे गरे ।

भत्किएको सडक नगर प्रमुख सरावगीको निर्देशनमा तत्काल मर्मत

0

वीरगंज । वीरगंज महानगरपालिका वडा नम्बर १५ नेशनल मेडिकल कलेज जाने बाटो भत्किएको सडक वीरगंज महानगरपालिकाका नगर प्रमुख विजय कुमार सरावगीको निर्देशनमा तत्काल मर्मत गरिएको छ ।

केहिदिन अगाडि लगातारको बर्षाको कारणले सडक भाँसिएर खाल्डो बनेको स्थानमा महानगरपालिकाका नगर प्रमुख सरावगीले तत्काल मर्मत गर्नका लािग पूर्वाधातर महाशाखालाई निर्देशन दिएपछि महाशाखाबाट खटिएका कर्मचारीहरुको सक्रियतामा सडक मर्मत भएको हो ।

सडक मर्मत गरेर पूरानै अवस्थामा ल्याएपछि उक्त सडक भएर आवत जावत गर्ने स्थानीयलाई सहज भएको छ । महानगरपालिकाले सडक मर्मत सम्भारमा अत्यन्तै गम्भीरताका साथ ध्यान दिने गरेको छ ।

यसअघि वीरगंजकाे घण्टाघरदेखि पावरहाउससम्मको सडकको पीच भत्किएर खाल्डाखुल्डी बनेपछि आवतजावतमा समस्या भएपछि तत्काल महानगरपालिकाले बोलवत्र आह्वान गरेर छोटाे समयमा नै सडक निर्माण सम्पन्न गरेको थियो ।

उक्त सडक मर्मत सम्भार गरेपछि महानगर प्रमुख सरावगीको महानगरवासीले निकै प्रशंसा गरेका थिए । तोकिएको समयमा नै सडक मर्मत गरेर नगरवासीलाई राहत दिएको भन्दै महानगरवासीले नगर प्रमुखलाई धन्यवाद दिएका थिए ।

महानगर क्षेत्रमा अझैपनि सडक मर्मत सम्भार गर्नुपर्ने र कतिपय स्थानमा निर्माण नै गर्नुपर्ने रहेकोले ती स्थानहरुमा पनि यथाशक्य मर्मत सम्भार गरिने र निर्माण गर्नुपर्ने सडकका लागि बजेटको समे व्यावस्था गरिने नगर प्रमुख सरावगीले बताए ।

सिकटा नदीको झुलुङ्गे पुल ठेकेदारका कारण ध्वस्त हुने खतरा

0

वीरगंज । पर्साको सिकटा नदीमा निर्माण गरिएको झुलुङ्गे पुलको एकतर्फको साईड भाँसिदा समेत सम्बन्धीत निकायको ध्यान पुग्न सकेकाे छैन । जिल्लाको कालिकामाई गाउँपालिकाकाे वडा नं. १ रबिदास र छिपहरमाई गाउँपालिका वडा नं. ४ बन्जारीकाे बिचमा रहेकाे सिकटा नदीकाे पुलकाे एकतर्फ भाग भाँसिएकाे छ भने पुल नजिक नै माटाे निकाल्न थालिएकाे हाे ।

छिपहरमाई गाउँपालिका स्थित बन्जारीका बेलास यादवले स्काभेटर लगाएर पुलमुनीबाट माटो निकाल्न थालेपछि पुल नै भत्कने जोखिम बढेको छ । माटो खन्दा एकतर्फको साईड पहिला नै भाँसिसकेको छ । जोखिम मोलेर स्थानिय आवतजावत गर्न बाध्य छन । तर सम्बन्धी निकायको अहिले सम्म ध्यान नपुगेको स्थानिय महमद असरफले बताए ।

विकास निर्माणको नाममा सार्वजनिक जग्गाको माटो खनेर बाटो पुर्ने काम भईरहेको छ । ठेकेदारले सडकमा माटो पुर्न उपभोक्ता मार्फत ठेक्का लिएपनि बढी मुनाफा कमाउँन नदी छेउमा रहेको सार्वजनिक जग्गाबाट स्काभेटर लगाएर माटो निकाल्ने काम गरीरहेका छन ।

नदी छेउको माटो निकालिसकेपछि आएको बाढीको पानीले पुलको पायामुनिको माटो बगाई सकेको छ । बाढीले माटो बगाएका कारण एकतर्फको साईड पनि भाँसि सकेको छ । भाँसिको साईड मर्मत गर्नुको साटो ठेकेदारले झन माटो निकाल्ने काम गरीरहेका छन, स्थानिय सन्जय राउतले भने, माटो निकालेका कारण पुल नै ध्वस्त हुने जोमिख बढेको छ ।

नदी छेउबाट दैनिक २० देखि ३० ट्याक्टर माटो निकाल्ने काम भईरहेको छ । स्काभेटर चालक अरबाज आलमले पनि पुल नजिकैको माटो निकालेपछि पुलमा असर गर्ने बताए । उनले भने, म आफनो मनले यहाँ खन्न आएको होईन, हाम्रो स्काभेटर भाडामा चल्ले हो, ठेक्दार यादवले जुन ठाउँबाट खन्ने भनेका छन त्यो ठाउँबाट खनीरहेका छौ, बाँकी कुरा उहासंग गर्नुस् ।

बन्जारी गाउँदेखि झुलुङ्गे पुलसम्मको सडकको अवस्था दैनिय छ । ठाउँ ठाउँमा सडक भत्केर पानी जमेको छ । पुल मुनीबाट ट्याक्टरमा माटो ओसार्ने काम गरेपनि भत्केको सडकमा माटो हालिएको छैन । जनतालाई आवत जावत गर्न समस्या भएपनि ठेकेदारले एक ट्याक्टर माटो समेत पानी जमेको सडकमा नखसाएको स्थानिय ओम प्रकाश साहले गुनासो गरे ।

छिपहरमाई गाउँपालिकाका प्रमुख मनोज गुप्ताले झुलुङ्गे पुल मुनिबाट माटो खनेको बारे आफूलाई जानकारी नभएको बताए । उनले भने, प्रदेश सरकारको योजनामा बन्जारीमा बाटो ढलानको काम भईरहेको छ, कच्चीसकडमा माटो पुर्न त्यहाँबाट माटो खनेर ल्याएका हुनसक्छ । सार्वजनिक जग्गाको माटो काट्न आफूसंग आधिकारी ईजाजत नलिएको उनले बताए ।

पन्चायकालमा वडा समितिको पहलमा झुलुङ्गे पुल निर्माण गरिएको छ । पुलको एक साईड भाँसिएको बारे आफूसमक्ष जानकारी आईसकेको छ, निर्माणको लागि आवश्यक बजेट समेत छुट्याई सकेको हुनाले मर्मत सम्भार गर्ने र माटो खन्ने र ईजाजत दिने व्यक्तिलाई पहिचान गरी कारवाही गर्ने उनले बताए ।

नेपाल भारत सिमाना पर्सा जिल्लाको दोश्रो नाका छिपहरमाई गाउँपालिकाको वडा नं. ५ मा पर्ने भिस्वा बजार पर्छ । कालिकामाई गाउँपालिका, धाेबिनी गाउँपालिका, पोखरीया नगरपालिका लगायत एक दर्ज गाउँका स्थानियले घरासयी समान खरीद गर्न सिमाबजार भिस्वा सिकटा पुग्ने गरेका छन । 

परवानीपुर गाउँपालिकाको आठौ गाउँ सभा सम्पन्न

0

वीरगंज । बाराको परवानीपुर गाउँपालिकाको आठौ गाउँ सभा तथा आर्थिक वर्ष २०७८/७९ को प्रथम गाउँ सभा सम्पन्न भएको छ ।

कृषि अनुसन्धान केन्द्र परवानीपुरमा भएकाे सभाकाे उद्घाटन प्रदेश नं २ का निवर्तमान भौतिक पूर्वाधार विकास मंत्री जितेन्द्र सोनलले गरेका थिए ।

उद्घाटन कार्यक्रमलाई सम्बाेधन गर्दै उनले यस वर्षको नीति तथा कार्यक्रमले हरेक क्षेत्रलाई जोड्दै अगाडि बढेकोमा कार्यक्रमको सफलताको लागि शुभकामना व्यक्त गरे । साथै उनले सभामा गाउँपालिकाको हरेक पार्टी प्रतिनिधि, राजनीतिक दल, समाजसेवी लगायतकालाई समेटेर कार्यक्रम सम्पन्न गर्न सफल भएकोमा गाउँपालिका प्रमुखलाई धन्यवाद दिए ।

गाउँसभामा बोल्दै समाजसेवी शिवशंकर पटेलले गाउँपालिकाले लिएको उद्देश्य सफलता पूर्वक सम्पन्न गर्न शुभकामना व्यक्त गरे । उनले अबको १ वर्षमा बाँकी रहेको अधूरा कामहरू पूरा गरी समयमा सम्पन्न गर्न गाउँपालिकाका जनप्रथिनीहरुलाई आग्रह गरे ।

कार्यक्रममा समाजसेवी शिवचन्द्र सिंह, माओवादीका नेता लालबहादुर पटेल, एमालेका नेता रामक्षेत्री पटेल, प्राध्यापक आनन्द यादव लगायतकाले कार्यक्रममा आफ्नो मन्तब्य राखेका थिए ।

अधिकांश वक्ताहरुले गाउँपालिका भ्रष्टाचारमा डुबेको र आउने दिनहरुमा सही र जनता मुखी काम गर्न सुझाव दिएका थिए ।

नीति तथा कार्यक्रम वडा नं ४ का वडाध्यक्ष गजेन्द्र पटेलले प्रस्तुत गरेका थिए । कार्यक्रममा गाउँपालिका उपप्रमुख सावित्री देवी कुर्मी, पाँच वटै वडाका वडाध्यक्ष, कार्यपालिका सदस्य, वडा सदस्य, समाजसेवी, बुद्धिजीवी लगयतहरुको उपस्थिति रहेको थियो ।

गाउँपालिका अध्यक्ष हरिनारायण शाहको अध्यक्षतामा भएकाे कार्यक्रमको सहजीकरण प्रमुख प्रशासकीय अधिकृत सुनिल चौरसियाले गरेका थिए ।

सभामा गाउँपालिकामा उतकृष्ट काम गरेका गाउँपालिकाका ६ जना कर्मचारीहरुलाई सम्मान स्वरूप २० हजारको दरले पुरस्कृत गरेकाे थियाे । पुरस्कृत हुनेहरुमा खरीदार अजय कुशवाहा, कम्प्युटर अपरेटर राम सोनल, कार्यालय सहयोगीहरु सन्दिप पासवान, बच्चा यादव, अशोक राम, लाहोर साह लगायतहरु रहेका छन् ।