Date
शुक्र, मंसिर ४, २०८३
Fri, November 20, 2026
Home Blog Page 807

बैठामाथी कारवाही गर्न माओबादी केन्द्र पर्साकाे सिफारिस

0

वीरगंज । नेपाल कम्युनिष्ट पार्टी (माओवादी केन्द्र) जिल्ला कार्यसमिति पर्साले तत्कालिन नेकपाका प्रदेश कमिटि सदस्य रामबाबु बैठालाई कारवाही गर्न पार्टीकाे केन्द्रिय कार्यालयमा सिफारिस गरेको छ ।

माओबादी केन्द्र पर्साका अध्यक्ष विजय महतोले पार्टीका केन्द्रिय अध्यक्षलाई एक पत्र लेख्दै बैठामाथी कारवाहीकाे माग गरेका हुन् । 

पार्टीको जिम्मेवार व्यक्तिले पार्टीगत भन्दा पनि व्यक्तिगत स्वार्थका लागि काम गरीरहेको हुँदा यसले पार्टीको अस्तित्व र भविष्य संकटमा पर्न सक्ने माओवादी केन्द्र पर्साका अध्यक्ष विजय महतोद्वारा हस्ताक्षरित पत्रमा उल्लेख गरिएकाे छ ।

नारायण काजी श्रेष्ठ, विश्वनाथ साह, गिरिराजमणि पोख्रेल जस्ता पार्टीका वरिष्ठ नेताहरुको नाम लिएर काम गराईदिने अर्थात जागिर लगाईदिने जस्ता आश्वास दिई रकम ठगी गर्ने बैठाजस्ता पात्रहरुलाई आगामी दिनमा पार्टीको कुनै पनि जिम्मेवारीमा नराख्न पनि पत्रमार्फत माग गरिएको छ । रकम ठगी गरेकै आरोपमा केही समय अगाडि बैठा करिब ४ महिना जेल बसेका थिए ।

यस्ता नेताहरुका कारण समग्र पार्टी नै बदनाम हुने हुँदा योग्य यो कदम चालिएको अध्यक्ष महतोले बताए । 

यता बैठाले भने प्रदेश कमिटि सदस्यलाई कारवाही गर्ने अधिकार जिल्ला अध्यक्षसँग नभएको भन्दै यो सबै आफुलाई बदनाम गर्ने षड्यन्त्र भएको बताएका छन् ।

जिराभवानीमा चट्याङ लागेर किसानको मृत्यु

0

जिराभवानी । पर्साको जिरभवानी गाउँपालिकामा शनिबार बिहान चट्याङ लागेर एक किसानको मृत्यु भएको छ ।

जिराभवानी गाउँपालिका वडा नम्बर ३ का ६५ वर्षीय राजेशवर साह तेलीको चट्याङ लागेर मृत्यु भएको हो । वडा नम्बर २ मा रहेको आफ्नो खेतमा बिहान काम गर्न गएका बेला अचानक चट्याङ लागेर घटनास्थलमै उनको मृत्यु भएको इलाका प्रहरी कार्यालय पटेर्वासुगौलीका प्रहरी निरीक्षक रामकाजी थापाले जानकारी दिए ।

मृतक तेलीको शव पोष्टमार्टमका लागि वीरगन्जस्थित नारायणी अस्पतालमा पठाइएको ईलाका प्रहरी कार्यालय पटेर्वासुगौलीले जनाएको छ ।

वीरगन्ज महानगरका ५ वटा वडा एकैदिन पूर्ण खोप घोषणा

0

वीरगन्ज । वीरगन्ज महानगरपालिकाले शनिबार एकैपटक ५ वटा वडालाई पूर्ण खोप घोषणा गरेको छ ।

एक हप्ता भित्रमा वडा नम्बर ८, १३, १४ र १५ पूर्ण खोप घोषणा गरेको महानगरपालिकाले शनिबार एकैदिन वडा नम्बर १, २, ३, ४ र ६ लाई पूर्ण खोप वडा घोषणा गरिएको हो । महानगरपालिकाका प्रमुख विजय कुमार सरावगी र उपप्रमुख शान्ति कार्कीले वडाहरु पूर्ण खोप घोषणा गरे ।

वडा नम्बर ६ का अध्यक्ष लक्ष्मीनाथ नेपालको अध्यक्षतामा भएको कार्यक्रममा वडा नम्बर ६ का बालबालिकाहरुलाई दिईनुपर्ने १२ प्रकारका खोप पूर्ण रुपमा दिई सकिएपछि पूर्ण खोप वडा घोषणा गरिएको जनाइएकाे छ ।

वडा नम्बर १, २, ३ र ४ वडा अध्यक्षहरुको अध्यक्षतामा भएको कार्यक्रममा पूर्ण खोप वडा घोषणा भएको हो ।

जन्मिएदेखि २३ महिना सम्मका बालबालिकालाई १२ वटा पूर्ण खोप लगाई सकेपछि पूर्ण खोप घोषणा गरिन्छ । अब छिट्टै महानगरपालिकालाई नै पूर्ण खोपयुक्त घोषणा गर्ने तयारी गरिएको मेयर सरावगीले वताए ।

पर्सागढीको पाँचौ नगर सभा सम्पन्न, बजेट ५९ करोड ३३ लाख

0

वीरगंज। पर्साको पर्सागढी नगर पालिकाले आर्थिक वर्ष ०७८÷०७९ का लागि ५९ करोड ३३ लाख ३२ हजार ४ सय ९३ रुपैयाँको बजेट ल्याएको छ ।

गौरवशाली पर्सागढीको समृद्धि हाम्रो रहर, व्यवसायिक कृषि, मानविय विकास, हरित सुन्दर शहर मुल नाराका साथ नगरबासीको आधारभूत आवश्यकता पुरा गर्दै विशिष्ट पहिचान सहितको सुन्दर र समृद्ध नगरपालिका बनाउने मुख्य सोच नगरपालिकाले लिएको छ । संघ र प्रदेश सरकारबाट वित्तिय समानीकरण अनुदान क्रमशः १२ करोड ९२ लाख, ८८ लाख ५९ हजार, संघ र प्रदेश सरकारबाट राजश्व बाँडफाँड क्रमशः ८ करोड ८६ लाख ३४ हजार र ५२ लाख ६१ हजार ५ सय ९१ रुपैयाँ ८० पैसा, संघ सरकारको शसर्त अनुदान १६ करोड ८५ लाख, प्रदेश सररको विशेष अनुदान र समपुरक अनुदान ५० लाख, आन्तरिक आम्दानी १ करोड ५० लाख, माज्दात १० करोड, सामाजिक सुरक्षा कार्यक्रमको ७ करोड २५ लाख र स्थानीय तह क्षमता विकास कार्यक्रमको ३ लाख ७७ हजार ९ सय २ रुपैयाँ आम्दानी हुने अनुमान बजेटमा छ ।

खर्च तर्फ प्रशासनिक खर्च १० करोड ३५ लाख, वडागत योजनामा ५ करोड ९० लाख, नगर स्तरीय योजनाहरु पूर्वाधार विकास तर्फ ४ करोड ५० लाख, आर्थिक विकासमा १ करोड ९३ लाख ५० हजार, संस्थागत विकास र सुशासनमा ५४ लाख ९० हजार, वातावरण तथा विपद व्यवस्थापनमा १ करोड ४६ लाख गरी ८ करोड ४४ लाख ४५ हजार ५ सय ९१ रुपैयाँ, संघिय सरकारका योजनाहरुमा १६ करोड ८५ लाख, भुक्तानी दिन बाँकी योजनाहरुका लागि १० करोड, विशेष र समपुरक अनुदानहरुमा ५० लाख, सामाजिक सुरक्षा कार्यक्रममा ७ करोड २५ लाख, स्थानीय तह क्षमता विकास कार्यक्रममा ३ लाख ७७ हजार ९ सय २ रुपैयाँ खर्च हुने अनुमान गरेको छ ।
यस बर्षका आर्कषक मुख्य निति तथा कार्यक्रमहरुः
१) ८४ वर्ष उमेर पुगेका जेष्ठ नागरिकहरुलाई अग्रज सम्मान कार्यक्रम अन्तर्गत बार्षिक रु ५०००।– निर्बाह भत्ता
२) किसानको गोठ गोठमा नगरपालिका बिशेस कार्यक्रम
३) प्रत्येक वडामा एउटा नमुना कृषि फार्मको विकास गर्ने,
४) विदेशबाट ज्ञान, सीप सहित स्वदेश फर्किएका युवालाई लक्षित कार्यक्रम
५) आईडिया तपाँईको लागत साझेदारी र प्रोत्साहन हाम्रो कार्यक्रम
६) पशुपंक्षी पालन गर्दै आएका कृषक तथा कृषक समूहलाई नश्ल सुधार तथा आहार
७) व्यवस्थापन र पशुधन सुरक्षाका लागि गाई भैंसी बाख्रालाई खोप औषधी उपलब्ध गराउने,
८) उत्कृष्ट कृषक सम्मान कार्यक्रम सञ्चालन गर्ने
९) स्थानीय उत्पादन स्थानीय हाट बजारबाटै खरिद गरी उपयोग गर्न प्रोत्साहन गर्ने,
१०) प्रांगारिक कृषि खेतीमा जोड दिने
१०) घरेलु तथा साना उद्योग, ईट्टा उद्योगको विकास र प्रवद्र्धनमा जोड दिने,
११) सहकारी मार्फत , दुध तथा दुग्धजन्य र मासुजन्य पदार्थ उत्पादन,
१२) स्वास्थ्यचौकीमा सुत्केरी गराए वापत १ हजार रुपैयाँ सुत्केरी स्याहार भत्ता दिने,
१३) सबै सामुदायिक बिधालय बाट अंग्रेजी माध्यमबाट सुरु भएको पठनपाठनलाई माथिल्लो कक्षासम्म वृद्धि गर्दै लैजाने,
१४) गरिब तथा जेहेन्दार विद्यार्थी छात्रवृत्ति कोष स्थापना
१५) गरिब तथा जेहेन्दार विद्यार्थीको प्राविधिक क्षेत्रको उच्च शिक्षा अध्ययनको लागि सहयोग
१६) पहिलो अक्षर ‘क’ लेखौं, आफ्नै पालिकाको पेन्सिलले
१७) बालबालिका सुरक्षा योजना (बालबालिकाको जिम्मा अब पालिकाको)
१८) लोपोन्मुख जातिहरु पासवान, डोम, माझी, कुमाल, मुसहर, धागड विपन्नको आँगनमा नगर प्रमुख कार्यक्रमलाई प्रभावकारीता सहित निरन्तरता दिने,
१९) चक्रपथ निर्माण गर्ने
२०) आमा बुवा दुवै वेपत्ता भएका वा मृत्यु भएका बालबालिकालाई १२ कक्षासम्म अध्ययनका लागि मासिक १ हजार ५ सय अध्ययन छात्रवृद्धि उपलब्ध गराउने
२१) सहिद स्मृति बाल उथान निर्माण
२२) तत्काल नगर प्रहरी राख्ने व्यवस्था मिलाईने
२३) बुहारी शिक्षा, सीप र स्वरोजगार कार्यक्रम
२४) परम्परागत सीप र ज्ञानलाई उद्यमशीलता रुपान्तरण गरिने लगायत अन्य विशेष अभियान सञ्चालन गर्ने नीति नगरपालिकाले लिएको छ ।

नगर सभाले पारित बिभिन्न बिधेयक तथा मुख्य निर्णयहरु

पर्सागढी नगरपालिकानगर सभा सञ्चालन कार्यविधि, २०७८
आर्थिक वर्ष २०७८÷०७९ को अर्थ सम्बन्धी विधेयक २०७८
आर्थिक वर्ष २०७८÷०७९ को विनियोजन विधेयक २०७८
पर्सागढी नगरपालिका केही ऐन कानून, नियमावली, कार्यविधिवनाउने विधेयक २०७८
पर्सागढी नगरपालिका प्रशासनिक कार्यविधि नियमित तथा व्यवस्थित गर्ने विधेयक २०७८
पर्सागढी नगरपालिका आर्थिक कार्यविधि नियमित तथा व्यवस्थित गर्ने विधेयक २०७८
पर्सागढी नगरपालिका कर तथा गैर कर राजस्व लगाउने र उठाउने विधेयक २०७८
पर्सागढी नगरपालिका कृषि व्यवशाय प्रवद्र्धन विधेयक, २०७८
पर्सागढी नगरपालिका विपद जोखिम न्यूनीकरण तथा व्यवस्थापन विधेयक, २०७८
पर्सागढी नगरपालिका शिक्षा विधेयक, २०७८
पर्सागढी नगरपालिका स्वस्थ्य सेवा विधेयक, २०७८
पर्सागढी नगरपालिका एफ. एम. रेडियो सञ्चालन व्यवस्थापन विधेयक, २०७८
पर्सागढी नगरपालिका स्थानीय सेवा व्यवस्थापन विधेयक, २०७८
पर्सागढी नगरपालिका न्यायिक समिति कारवाही किनारा विधेयक, २०७८
पर्सागढी नगरपालिका जनप्रतिनिधि÷कर्मचारी आचार सहिता, २०७८
आर्थिक वर्ष २०७८÷०७९ को लागि गाउपालिकाको निर्माण तथा खरिद दररेटहरुको विवरण २०७८
नगर सभामा अनुमोदनका लागि आ.व.२०७७÷०७८ मा भए गरेका निर्णय तथा कार्यहरु सभामा पेश ।
क. कार्यपालिकाले गरेका हाल सम्मका निर्णयहरु ।
ख. सञ्चालित योजना कार्यान्वयन अनुमोदन ।
ग. आम्दानि तथा खर्च अनुमोदन ।
घ. निर्णय एवं निर्देशन वमोजिम पदाधिकारी तथा कर्मचारीहरु वाट भए गरेका कार्यहरुको अनुमोदन ।
अन्य विभिन्न प्रस्ताव सभामा पेश ।

होटल व्यवसाय संचालन गर्न पाउँनु पर्ने हाेटल व्यवसायीकाे माँग

0

वीरगंज । पहिलो र दोश्रो लहरको कोरोना महामारीका कारण निरन्तर बन्द रहेका होटल व्यवसाय सुरक्षा मापदण्ड बनाई संचालन पाउँनु पर्ने माँग राख्दै वीरगन्जका होटल तथा पर्यटन व्यवसायी संघले स्थानिय प्रशासनलाई ज्ञापन पत्र बुझाएको छ ।

बन्दाबन्दीको कारण सबभन्दा बढी प्रभावित होटल व्यवसायी नै छन । कोरोना संक्रमणको अवस्था अहिले शुन्य अवस्थामा छ । सरकारी तथा गैर सरकारी संस्थाहरु सुरक्षा मापदण्ड अपनाई सन्चालनमा आईसकेको छ । तर अहिले सम्म होटल व्यवसाय बन्द हुदाँ सबभन्दा बढी मार परेको हुनाले होटल संचालनको माँग व्यवसायीले गरेका हुन ।

संघका अध्यक्ष हरी पन्त, महासचिव माधव बस्नेत लगायतले वीरगन्जका होटल एवम् पार्टी प्यालेसहरु संचालन गर्न पाउँनुपर्ने माँग राख्दै प्रमुख जिल्ला अधिकारी पिताम्बर घिमिरेलाई ज्ञापन पत्र बुझाएका हुन् । ज्ञापन पत्र बुझाउँदै अन्य सबै क्षेत्र खुली सकेको अवस्थामा होटेल एवम् पार्टी प्यालेसहरु बन्द राख्नुले होटल व्यवसायीहरुमाथि अन्याय भएको संघका अध्यक्ष पन्तले वताए ।

पहिलो चरणको कोरोना भाइरस संक्रमणका कारण बन्द भएका होटेलहरु चलायमान हुन नसकिरहेको अवस्थामा बिना बिकल्पको बन्द मात्रै गर्नुले राज्यलाई र व्यवसायीलाई नोक्सानी मात्रै हुने अध्यक्ष पन्तले भनाई छ ।

असार ३ गतेदेखि बाहय उडान एवम् निजी सवारी सञ्चालन गर्न अनुमती दिएर होटलहरु मात्रै बन्द गर्नुको कुनै औचित्य नभएको उनले बताए । स्वास्थ्य मापदण्डको पालना गर्दै होटल एवम् पार्टी प्यालेसहरु सञ्चालन गर्ने वातावरण बनाईदिन संघले प्रजिअ घिमिरेसमक्ष माँग गरेको छ ।

ज्ञापन पत्र बुझ्दै प्रजिअ घिमिरेले संघको मागप्रति सकारात्मक भएको बताउँदै मागको सम्बोधन हुने आश्वासन दिए ।

संघका अध्यक्ष पन्त सहित वरिष्ठ उपाध्यक्ष सचिन्द्र थापा, महासचिब माधव बस्नेत, सदस्य शेखर चौधरी, दिलिपराज कार्की, पर्यटन पत्रकार संघ पर्साका अध्यक्ष शंकर आचार्य, सञ्चारकर्मी लगायतको उपस्थितीमा ज्ञापन पत्र बुझाइएको थियाे ।

बहुदरमाई नगरपालिकाको बजेट ५० करोड ८७ लाख

0

वीरगंज । पर्साको बहुदरमाई नगरपालिकाको  ७ औं नगर सभा सम्पन्न भएकाे छ । नगरपालिकाका मेयर  नितेन्द्र साहको अध्यक्षतामा भएकाे सभाले आर्थिक बर्ष २०७८/७९ को बार्षिक  निति तथा कार्यक्रम पारित गरेकाे छ ।

सभामा उपप्रमुख गायत्री देवीको तर्फबाट निमित प्रमुख प्रशासकिय अधिकृत बिदुर प्रसाद उप्रेतीले आर्थिक बर्ष ०७८/०७९ को कुल अनुमानित आय ५० करोड ८७ लाख ६८ हजार ७५० बजेट प्रस्तुत गरेकी थिइन ।

प्रस्तुत बजेटमा संघिय सरकार समानीकरण अनुदानबाट १२ करोड ९५ लाख, संघिय सरकार सर्शत अनुदानबाट  १९ करोड ४० लाख, प्रदेश सरकार समानीकरणबाट ८ करोड ९८ लाख ६ हजार, प्रदेश सरकार सर्शत अनुदानबाट ८ करोड, प्रदेश सरकार बिशेष अनुदान तिन करोड, प्रदेश सरकार सम्पुरक अनुदान २ करोड, आन्तरिक श्रोतबाट २० लाख ५५ हजार ८ सय लगायत शिर्षकबाट आय रहेकाे लेखपाल हरी राउत कुर्मीले वताए ।

कार्यक्रमलाई सम्बोधन गर्दै मेयर साहले बजेट मार्फत  यातायात, नाला निर्माणलाई उच्च प्राथमिकता दिएको बताए । उनले खानेपानी, स्वास्थ्य सेवा, स्वास्थ्य बिमा, उज्योलो नगरपालिका अन्र्तगत सौर्यबति जडान, सचेतनामुलक कार्यक्रम लगायतको क्षेत्र सुधारको लागि बिशेष बजेट बिनयोजित गरिएकाे वताए ।

बहुअरी पिडरीस्थित कार्यलयको सभाहलमा आयोजित कार्यक्रममा उपप्रमुख गायत्री देवी, वडाध्यक्षहरु प्रमाेद पटेल, जितेन्द्र पटेल, दिनेश यादव, रामेश्वर साह कानु, केदारनाथ तिवारी, प्रभु पटेल, पुनीलाल साह, रबि गुप्ता, कार्यपालिका सदस्यहरु दिपेन्द्र पंडित, फखरुदिन अंसारी लगायतकाले शुभकामना मन्तव्य व्यक्त गरेका थिए ।

सखुवा प्रसाैनीकाे बजेट ५४ करोड १६ लाख

0

वीरगंज । पर्साको सखुवा प्रसौनी गाउँपालिकाको सातौ गाउँ सभा बिहिबार सम्पन्न भएकाे छ । गाउँपालिका अध्यक्ष प्रदिप जयसवालकाे अध्यक्षतामा भएकाे गाउँ सभाले आ.व. २०७८/०७९ को नीति तथा कार्यक्रम पारित गरेकाे छ ।

गाउँपालिकाको सभा हलमा भएकाे गाउँ सभाले ५४ करोड १६ लाख ७३ हजार ४ सय ९ बराबरको अनुमानित बजेट गाउँपालिकाकी उपाध्यक्ष फुलमती देबीले प्रस्तुत गरेकी थिइन ।

गाउँ सभाकाे उद्घाटन गाउँपालिका अध्यक्ष जयसवालले गरेका थिए । गाउँ सभा उद्घाटन गर्दै अध्यक्ष जयसवालले जनताहरुसंग गरेको बचा हामी जितेर आएकाे जनप्रतिनिधिहरुले सकेको जति पुरा गरेकाे वताए । उनले भने “स्थानिय तह निर्वाचनकाे चार वर्ष बितिसक्यो‍, अब काम गर्नकाे लागि ६ महिना मात्र बाकी रहेकाे छ । याे समयमा बाकी रहेकाे काम गरेर देखाउन्छाैं ।

याे समयमा काम गर्न जनप्रतिनिधि र कर्मचारीहरुको समन्वय जरुरी रहेकाे उनले वताए ।

गाउँ सभाले शिक्षा, स्वास्थ्य, कृषि, पर्यटन, भौतिक बिकास, महिला बालबालिका, बिपन ब्यस्थापन, कोरोना महामारी नियन्त्रण लगायतमा बजेट बिनियोजन गरिएको गाउँपालिका प्रमुख प्रसासशकिय अधिकृत संन्देश यादवले जानकारी दिए ।

गाउँ सभामा वाडध्यक्ष, कार्यपालिका सदस्य, सभा सदस्य, कर्मचारी लगायतको सहभागिता रहेको थियोे ।

सशस्त्र प्रहरीद्धारा बाढिजन्य प्रकोपको उद्धार सम्बन्धी अभ्यास

0

वीरगंज । सशस्त्र प्रहरी बल १३ नम्बर गण पर्साले बाढिजन्य प्रकोपको उद्धार सम्बन्धी अभ्यास गरेका छन् । गणकै छेउको पोखरीमा सशस्त्र प्रहरीका तालिमप्राप्त उद्धारकर्मीले आफ्नो कौशल प्रदर्शन गरि बाढिजन्य प्रकोपको उद्धार सम्बन्धी अभ्यास गरेका हुन् ।
यो वर्र्ष उच्च वर्षा हुने मौसमविद्हरुको अनुमान रहेकोले पर्सामा बाढी, पहिरो कटान र डुबानको प्रकोपको जोखिममा उच्च रहेकोले बाढिजन्य प्रकोपको उद्धार सम्बन्धी अभ्यास गरिएको हो ।

गणभित्रै रहेको पोखरीमा सिमसिम पानी परिरहदाँ दुई जना मानिस पानीमा डुब्दै जाँदा उनीहरुले ‘‘बचाऊ बचाऊ’’ भनेर हारगुहार लगाएपछि तालिम प्राप्त प्रहरी स्रोत साधनसहित पोखरीमा पुगी उद्धार गर्दै शुक्रबार बाढिजन्य उद्धार अभ्यास गरेका थिए । भारी मनसुन वर्षाको कारण तिलावे नदीमा आएको बाढीले अलौं डुबानमा परी धेरै जमिन कटान गरि सो ठाउँको बस्ती नै जोखिममा परेको बेला घर बगाउन लागेको, बच्चा हराएको भन्दै रुवाबासी र हारगुहार गर्दा उद्धारकर्मी टोलीले रबर बोट र डोरीको सहायताले विपद् आउँदा जस्तैगरी उनीहरुको उद्धार गरे र स्वास्थ्य सहायता टोलीले स्ट्रेचरमा राखेर प्राथमिक उपचारका लागि सुरक्षित स्थानमा लगेका थिए ।

कार्यक्रममा वीरगंज महानगरपालिकाका मेयर विजय सरावगीले भेडहा खोला र सिर्सिया नदीको पानीको कारण बर्षेनी वीरगंज लगायतका क्षेत्र डुबानमा पर्ने भएकोले भेडहा नदीमा बाँध बाध्न थप २५ करोड खर्च बजेट छुट्याईने बताए ।
‘‘भेडहा नदीमा बाँध बाँधेकै छौं, तर बाढि नियन्त्रण नहँुदा थप २५ करोड खर्चेर मजबुद बाँध बाँध्ने लक्ष्य रहेको छ, उनले भने,‘‘सिर्सिया नदीमा पानीको निकास नहुँदा डुबान पर्ने र कटान हुने भएकोले यस क्षेत्रको व्यवस्थापनमा महानगर लागेको छ ।’’ भौतिक पूर्वाधारको क्षतिलाई रोक्न नसकिए पनि मानववीय क्षति रोक्न सकियो भने धेरै नै ठुलो उपलब्धी हुने मेयर सरावगीको भनाई थियो । उनले सिर्सिया नदी अतिक्रमण भएको भन्दै नदीलाई पुरानै अवस्थामा पर्काउनु पर्ने बताए ।

पर्साका प्रमुख जिल्ला अधिकारी पिताम्बर घिमिरेले बाढि प्रकोप जस्ता विपद्को जोखिममा नागरिकको जिवनको सुरक्षाका निम्ति खोज र उद्धार गर्न सुरक्षा निकाय तयारी अवस्थामा रहेको बताए । उनले विगतमा बाढि प्रकोपले जसरी जनधन र मानववीय क्षति भएको थियो, त्यसको त्यसको खोज र उद्धारको कार्यमा प्रहरीले भूमिका सराहनीय रहेको बताए ।,‘‘अब आउने विपतहरुबाट कसरी सजग, सचेत रहने र कस्को जिम्मेवारी कस्तो हुनुपर्ने बारे विपद्पूर्व अवगत हुनु जरुरी छ, उनले भने,‘‘ मनसुनपूर्व प्रतिकार्य योजना पारित गरिसकेका छौं, उद्धार र खोज समग्रीसहित पूर्व तयारी अवस्थामा गरेका छौं ।’’

सशस्त्र प्रहरी बल पर्साका गणपति सशस्त्र प्रहरी उपरीक्षक राजेन्द्र खड्काले विपद् जानकारी र बाजा बजाएर नआउने भएकोले पूर्वतयारी रहने बताए । उनले कुनै पनि अवस्थामा आइई पर्ने बाढि तथा डुबान कार्यमा सशस्त्र प्रहरीले सिमित स्रोत साधनमा पनि उद्धार कार्यमा सक्षम रहेको बताए । यो वर्ष मनसुन सुरु भईसकेको बताउँदै पर्सा जिल्लामा बाढिजन्य जोखिम उच्च रहेकोले यस अघि नै गणमा ३५ जना जनशक्तिलाई ७ दिने विपद अनुशिक्षण तालिम दिइसकेको समेत उपरीक्षक खड्काले बताए ।

 

पोखरिया नपाकाे नीति तथा कार्यक्रम सार्वजनिक, बजेट ४६ कराेड ३० लाख

0

वीरगंज । पर्साको पोखरिया नगरपालिकाले आर्थिक वर्ष २०७८/०७९ को नीति तथा कार्यक्रम सार्वजनिक गरेकाे छ ।नगरपालिकाकाे सभा हलमा बिहिबार भएकाे पांचाै नगर सभा ज्येष्ठ नगर सभा सदस्य सदस्य रब्या खातुनले उद्घाटन गरेकी थिइन ।

नगर प्रमुख दिपनारायण राैनियारकाे अध्यक्षतामा भएकाे नगर सभामा नगर उप प्रमुख सलमा खातुनले ४६ करोड ३० लाख ८२ हजार बराबरको अनुमानित बजेट प्रस्तुत गरिन ।

नगर सभालाई सम्बाेधन गर्दै मेयर दिपनारायण रौनियारले जनतासँग गरिएकाे वाचा अहिले पनि अधुरै रहेको बताए । उनले राजनीतिक खिचातानीका कारण पोखरिया नगरपालिकाको बिकासमा समस्या भए पनि संघर्ष गर्दै नगरपालिकाका जनप्रतिनिधिहरु एकजुट भएर अगाडि बढने वताए ।

नगर सभाबाट पारित नगरपालिकाको ४६ करोड ३० लाख ८२ हजारको बराबरकाे नीति तथा कार्यक्रममा प्रस्तुत गरिएकोमा आन्तरिक स्रोत ५ करोड, समानिकरण अनुदानतर्फ ११ करोड ७५ लाख, सशर्त १९ करोड ८९ लाख, राजस्व बाडफाड ७ करोड १५ लाख, प्रदेश सरकारबाट वित्तिय समानिकरण ८० लाख ४४ हजार, विशेष अनुदान ३० लाख, समपुरक २० लाख, राजस्व बाडफाड ४० लाख ५२ लाख रहेको छ ।

नगर सभाले स्वास्थ्य, शिक्षा, कृषि, पशु, पर्यटन, भौतिक पुर्वधार विकासमा, महिला, बालबालिका उत्थान, ग्यास चुलो, ग्यास सलेन्डर बितरण लगायतमाकालाई प्राथमिकता राखेर बजेट, निति तथा कार्यक्रम तय गरेकाे नगर प्रमुख रौनियारले जानकारी दिए ।

नगर सभामा नगर उपप्रमुख खातुनले नगरपालिकाको विकासमा सबै जनप्रतिनिधिहरु मिलेर अगाडि बढन आग्रह गरिन् ।

नगर सभामा प्रमुख प्रशासकिय अधिकृत अशाेक काेइराला, वडाध्यक्ष बंका राउत कुर्मी, सुरेन्द्र यादव, अजय कुमार गुप्ता, लक्षमण साह कानु, उमाकान्त साह, शियानन्द चौहान, नन्दलाल पटेल, किशोरी साह, रामबाबु चौहान, सोनालाल साह गोढ लगायत कर्मचारीहरुकाे सहभागिता रहेको थियो । 

वीरगन्ज महानगरपालिकाको बजेट साढे तीन अर्ब

0

वीरगन्ज । वीरगन्ज महानगरपालिकाले आगामी आर्थिक बर्ष ०७८/०७९ को ३ अर्व ५५ करोड ३९ लाख ३७ हजारको बजेट सार्वजनिक गरेको छ । वीरगन्जको गण्डस्थित होटल क्लार्क रिसोर्टमा आयोजित महानगरको नवौं अधिवेशमा महानगरपालिकाकी उपप्रमुख तथा राजश्व समितिकी संयोजक शान्ति कार्कीले बजेट प्रस्तु गरेकी थिइन ।

विनियोजित बजेटको चालु तर्फ रु. १ अर्व ८६ करोड ३५ लाख ४२ हजार ९ सय अर्थात ५२.४४%, पुँजीगत तर्फ रु. १ अर्व ६२ करोड ३३ लाख ३० हजार १ सय अर्थात ४५.६८% र वित्तीय व्यवस्था तर्फ रु ६ करोड ७० लाख ६४ हजार अर्थात १.८८% खर्च हुने अनुमान गरिएको छ ।

कुृल खर्च मध्ये महानगरपालिकाले क्षेत्रगत रुपमा विनियोजन गरेको बजेट अनुसार आर्थिक विकास क्षेत्रमा रु. १० करोड ०८ लाख ३० हजार अर्थात २.८४ प्रतिशत, सामाजिक विकास क्षेत्रमा रु. १ अर्व १५ करोड ५८ लाख ७२ हजार अर्थात ३२.५१ प्रतिशत विनियोजन गरेको छ ।

त्यस्तै, पूर्वाधार विकास क्षेत्रमा रु. १ अर्व ३५ करोड ६६ लाख १८ हजार अर्थात ३८.१७ प्रतिशत, सुशासन तथा अन्तर सम्बन्धि क्षेत्र (वन, वातावरण तथा विपद् समेत) तर्फ रु १३ करोड ३२ लाख ७४ हजार अर्थात ३.७५ प्रतिशत र कार्यालय तर्फ रु. ८० करोड ७३ लाख ४३ हजार अर्थात २२.७३ प्रतिशत विनियोजन गरिएको छ ।

महानगरपालिकाले आगामी वर्ष संचालनहुने मुख्य आयोजनाहरुमा ग्रामीण सहरी विकास परियोजनामा RUDP रु. ४३ करोड ३३ लाख ९१ हजार, वडा स्तरीय योजना तथा कार्यक्रममा रु. २८ करोड २७ लाख ३४ हजार, समपूरक कोष रु. १७ करोड ६९ लाख २५ हजार, लक्षित कार्यक्रम रु ५ करोड ७६ लाख ५९ हजार, तराई मधेश समृद्धि कार्यक्रममा रु. ३० लाख विनियोजन गरिएको छ ।

त्यस्तै सडक बोर्ड कार्यक्रममा रु २ करोड २९ लाख, रोजगार कार्यक्रम रु ७० लाख, वडा कार्यालय भवन तर्फं रु. ५ करोड, उज्यालो वीरगंज कार्यक्रम तर्फ रु. ४ करोड ७१ लाख, शैक्षिक विकास तर्फ रु. ६१ करोड २० लाख १० हजार, स्वास्थ्य तर्फ रु. २१ करोड ३० लाख १५ हजार विनयोजना गरेको छ ।

कृषि विकास तर्फ रु १ करोड ५३ लाख ८० हजार, पशु सेवा विकास रु. २० लाख र जनसहभागितामा आधारित कार्यक्रम तर्फ रु. ४ करोड २० लाखको बजेट व्यवस्था मिलाएको जनाएको छ । बजेटमा समावेश हुन नसकेका महत्वपूर्ण आयोजनाहरु एचयवभअत द्यबलप मा राखेर श्रोतको उपलब्धता भए पछि क्रमशः कार्यान्वयन हुने व्यवस्था मिलाएको महानगर प्रमुख सरावगीले बताए ।

आगामी आर्थिक वर्षको अनुमान गरिएको खर्च व्यहोर्ने श्रोत मध्ये संघीय सरकारको वित्तिय समानिकरण रु. ४६ करोड ०१ लाख, राजश्व वाँडफाँड रु. २१ करोड २६ लाख ९८ हजार, सशर्त अनुदान रु. ७६ करोड ५१ लाख प्राप्त हुने अनुमान गरेको छ ।

त्यसै गरि प्रदेश सरकारबाट वित्तीय समानिकरण रु. ३ करोड २९ लाख ०९ हजार, सशर्त अनुदान तर्फ २ करोड, राजश्व बाँडफाँड तर्फ सवारी साधन रु. २ करोड २८ लाख ७४ हजार, नगर विकास अनुदान तर्फ ४० करोड ३० लाख ९१ हजार, सडक बोर्ड तर्फ २ करोड २९ लाख र युनिसेफ तर्फ रु. ३५ लाख प्राप्त हुने अनुमान रहेको जनाएको छ ।

यसैगरी नगद मौज्दात तर्फ रु. ४७ करोड २८ लाख ६५ हजार र आन्तरिक आय तर्फ रु. ८६ करोड १६ लाखको अनुमान गरिएको छ । आन्तरिक आय तर्फ रु. ५९ करोड ७५ लाख अनुमान गरिएकोमा ११ महिनाको अवधिमा रु. ४१ करोड ३२ लाख १३ हजार मात्र आय भई ६९.१६ प्रतिशत प्रगति भएको पनि बजेटमा उल्लेख छ ।