जिराभवानी । पर्साको जिरभवानी गाउँपालिकामा शनिबार बिहान चट्याङ लागेर एक किसानको मृत्यु भएको छ ।
- Advertisement -
जिराभवानी गाउँपालिका वडा नम्बर ३ का ६५ वर्षीय राजेशवर साह तेलीको चट्याङ लागेर मृत्यु भएको हो । वडा नम्बर २ मा रहेको आफ्नो खेतमा बिहान काम गर्न गएका बेला अचानक चट्याङ लागेर घटनास्थलमै उनको मृत्यु भएको इलाका प्रहरी कार्यालय पटेर्वासुगौलीका प्रहरी निरीक्षक रामकाजी थापाले जानकारी दिए ।
मृतक तेलीको शव पोष्टमार्टमका लागि वीरगन्जस्थित नारायणी अस्पतालमा पठाइएको ईलाका प्रहरी कार्यालय पटेर्वासुगौलीले जनाएको छ ।
