[real3dflipbook id=”110″]
पर्सामा असार २० सम्म निषेधाज्ञा थपियाे, निजी सवारी संचालन गर्न पाइने
वीरगंज । पर्सा जिल्लामा जारी निषेधाज्ञाको अवधि पुन: थपिएकाे छ । जिल्लामा बढ्दै गरेको कोरोना भाइरस संक्रमणको चेन ब्रेकका लागि बैशाख १६ गतेदेखि जारी निषेधाज्ञाको अवधि सातौँ पटक थप्दै असार २० गते राति १२ बजेसम्मका लागि लम्ब्याइएको हो ।
जिल्ला कोभिड १९ संकट व्यवस्थापन केन्द्र (डिसिसिएमसी) को आइतवार बसेको बैठकले संक्रमण दर घट्दै गइरहेको अवस्थालाई मध्यनजर गर्दै परिमार्जनसहित निषेधाज्ञा बढाएको डिसिसिएमसीका संयोजक एवम् पर्साका प्रमुख जिल्ला अधिकारी पिताम्बर घिमिरेले बताए ।
बैठकले अत्यावश्यक सेवाका साथै स्वास्थ्य मापदण्डको पालना गरी/गराई स्थानीय तहअनुसार आलोपालो मिलाएर सरकारी, सार्वजनिक एवम् निजि कार्यालय एवम् निकायहरुको सेवा प्रवाह तथा कार्य सञ्चालन गर्ने निर्णय गरेको छ ।
त्यसैगरी बैठकले वीरगञ्जस्थित नारायणी अस्पतालबाट प्रवाह हुने ओ.पि.डि. लगायतका नियमित सेवाहरु यथाशिघ्र सञ्चालनमा ल्याउने निर्णय समेत गरेकाे छ ।
थपिएकाे निषेधाज्ञा अवधिमा सार्वजनिक सवारी साधनहरु संचालन गर्न पाइने छैन भने निजी सवारी साधनहरु संचालन गर्न पाइने छ ।
बैठकले जिल्ला प्रशासन कार्याय पर्साका प्रशासकीय अधिकृत विनय श्रीवास्तवका संयाेजकत्वमा हाल्डिङ सेन्टर व्यवस्थापन समिति समित समेत गठन गरेकाे छ । जुन समितिकाे सदस्यहरुमा चण्डी प्रसाद गण, जिल्ला प्रशासन कार्यालय पर्सा, सशस्त्र प्रहरी बल नेपाल नं. १३ गण, स्वास्थ्य कार्यालय पर्सा, नेपाल रेडक्रस साेसाइटी पर्सा, वीरगंज महानगरपालिकाकाे अधिकृत प्रतिनिधि रहने छन् भने वीरगंज उद्याेग वाणिज्य संघका प्रतिनिधि सदस्य रहने छन् ।
बैठकमा वीरगंज महानगरपालिकाका मेयर विजय कुमार सरावगी, नेकपा एमाले पर्साका अध्यक्ष प्रभु हजारा, नेकपा माओवादी केन्द्रका प्रतिनिधि छोटेलाल यादव, नेपाली कांग्रेस पर्साका सचिब श्याम पटेल, जनता समाजवादी पार्टी पर्साका अध्यक्ष रामनरेश यादव, नारायणी अस्पतालका निमित मेडिकल सुपरिटेन्डेन्ट बिरेन्द्र बहादुर प्रधान, चण्डी प्रसाद गणकाे प्रमुख सेनानी मदन जंग राणा, जिल्ला प्रहरी कर्यालय पर्साका प्रहरी उपरिक्षक बेल बहादुर पाण्डे, सशस्त्र प्रहरी उपरिक्षक राजेन्द्र खड्का, जिल्ला समन्वय समिति पर्साका निमित जिल्ला समन्वय अधिकारी छविरमण भट्टराई लगायतकाे उपस्थिती रहेकाे थियाे ।



भवानीपुरमा सिलाई कटाई तालिम सम्पन्न
सानिमा लाईफ इन्स्याेरेन्सद्वारा १० लाख मृत्यु दाबी भुक्तानी
वीरगंज । सानिमा लाईफ इन्स्याेरेन्स कम्पनीकाे वीरगंज शाखाले १० लाख ३५ हजार मृत्यु दाबी भुक्तानी गरेकाे छ ।
वीरगंज महानगरपालिकाकाे वडा नं. १३ अशाेकबाटिका निवासी ५३ बर्षिय सुनिता श्रीवास्तवकाे मृत्यु दाबी उनकाे छाेरा राहुल श्रीवास्तवलाई इन्स्याेरेन्स कम्पनीले आइतबार प्रदान गरेकाे हाे ।
काेराेना संक्रमणले मृत्यु भएकाे सुनिताकाे मृत्यु दाबी रु १० लाख ३५ हजारकाे चेक हस्तान्तरण गरिएकाे इन्स्याेरेन्स कम्पनीकाे वीरगंज शाखाका बजार व्यवस्थापन अधिकृत रुस्तम मियाँले वताए ।
कम्पनीले विमितकाे मृत्यु पश्चात इच्छाएकाे व्यक्ति उनकाे छाेरा राहुल गुप्तालाई मृत्यु दाबीकाे साे रकम बराबरकाे चेक हस्तान्तरण गरिएकाे मियाँले जानकारी दिए ।
इन्स्याेरेन्स कम्पनीकाे वीरगंज शाखा प्रमुख नविन रसुल अन्सारीले उनकाे घर मै पुगी साे रकम बराबरकाे चेक हस्तारण गरेका थिए ।
सुनिताले सानिमा इन्स्याेरेन्स कम्पनीकाे वीरगंज शाखामा बरिष्ठ एजेन्सी म्यानेजर धनजित गिरी मार्फत २०७७ कार्तिक १ गते १० लाखकाे जिवन बिमा गराएकी थिइन । उनले बिमा गरेकाे प्रथम किस्ता वापतकाे रु ६७ हजार ३ सय ७९ मात्र भुक्तानी गरेकी थिइन ।
काेराेना संक्रमणले २०७८ बैशाख २३ गते उनकाे मृत्यु भए पश्चात विमाङ रकम १० लाख र बाेनस ३५ हजार थप गरी कुल १० लाख ३५ हजारकाे चेक उनकाे घर मै पुगी हस्तान्तरण गरिएकाे इन्स्याेरेन्स कम्पनीकी ग्राहक सेवा कर्मचारी सुस्मिता कुमारी जयसवालले वताइन ।
तेक्वान्दाे संघद्वारा नवनियुक्त मन्त्री शर्मा सम्मानित
वीरगंज । पर्सा जिल्ला तेक्वान्दाे संघले आइतबार एक कार्यक्रमकाे बिच प्रदेश नं. २ का नवनियुक्त उर्जा तथा सिचाई मन्त्री ओमप्रकाश शर्मालाई सम्मान गरेकाे छ ।
वीरगंज दरबार हाेटलमा भएकाे सम्मान कार्यक्रमलाई सम्बाेधन गर्दै मन्त्री शर्माले तेक्वान्दाे संघलाई आफु सधै सहयाेग गर्न तयार रहेकाे वताए । पर्सा जिल्ला तेक्वान्दाे संघका संस्थापक अध्यक्ष समेत रहेका मन्त्री शर्माले वीरगंजलाई खेलकुदमा देशकाे एक नम्बर मै ल्याउन मेराे इच्छा रहेकाे वताए ।
उनले भने “निषेधाज्ञा सकेपछि तपाईहरुलाई जुन जुन टुर्मामेन्ट प्रतियाेगता आयाेजना गर्नु छ गर्नुस, मेराे समकक्षी र मित्र खेलकुद मन्त्री समेत रहेकाेले आफु सहयाेग गर्न तयार छु ।”
तेक्वान्दाे संघका अध्यक्ष अध्यक्ष गणेशमान श्रेष्ठकाे अध्यक्षतामा भएकाे सम्मान कार्यक्रममा वीरगंज महानगरपालिकाकाे वडा नं. १० का वडाध्यक्ष नगिना प्रसाद साह, वडा नं. २४ का वडाध्यक्ष दशरथ पटेल, अमित अग्रवाल, कुमार मनान्धर लगायतकाकाे उपस्थिती रहेकाे थियाे ।
वीरगञ्ज महानगरपालिकाकाे वडा नं १० पुर्ण खोप वडा घोषणा
वीरगंज । वीरगञ्ज महानगरपालिकाकाे वडा नं. १० आइतबार पुर्ण खोप वडा घोषणा गरिएकाे छ। वीरगञ्ज महानगरपालिकाका मेयर बिजय कुमार सरावगीले एक कार्यक्रमका बिच वडालाई पुर्ण खोप वडा घोषणा गरेका हुन् ।
घाेषणा सभाका प्रमुख अतिथी समेर रहेकाे मेयर सरावगीले वडा नं १० पुर्ण रुपले बालबालिकालाई खोप लागि सकेकोले अब खोप सम्बन्धि रोग बालबालिकामा नलाग्ने विश्वास व्यक्त गरे ।
महानगरपालिकाबाट वडा नम्बर १० मै निर्माण गरिएको आधारभुत स्वास्थ्य केन्द्रको पनि मेयर सरावगीले उद्घाटन गरेका थिए ।
वडा नं १० का वडाध्यक्ष रामनगिना प्रसाद कानुको सभापतित्वमा भएकाे पुर्ण खोप वडा घोषणा कार्यक्रम महानगरपालिकाका स्वास्थ्य शाखा प्रमुख अरुण कुमार महतो, अनिल कुमार सिंह, रितेश जैसवाल, कार्यपालिका सदस्यहरु सुसिल साह, अरबिन्द प्रसाद साह, प्रभु महतो, संतोष देबी खतिवडा, उर्मिला बैठा, वडा सचिव रुपनारायण मिश्र, शिवपार्वती अतिथि सदनका अध्यक्ष परमानन्द साह कानु, वीरगञ्ज महानगरपालिका वडा नं १० का आमा समूहका अध्यक्ष श्रीमताी रुपा देबी श्रेष्ठ लगायतको उपस्थिति रहेको थियो ।
बाढीले धानको बिउ डुबानमा
वीरगंज । अविरल वर्षाका कारण आएको बाढीले पर्सामा लगाइएको धानबाली र धानको बिउ डुबानमा परेको छ ।
रोपाइँ हुनै लाग्दा शुरु भएको वर्षा र बाढीले पर्सामा धानको बिउ डुबानमा परेको हाे । पर्साको पोखरिया नगरपालिका वडा ९ बैरियाबिर्तामा धानको बिउ डूबानमा परेको छ । बैरियाबिर्तामा रातिको परेको पानीले गर्दा पुरै धानको बिउ डुबानमा परी नष्ट भएको नौसाद आलमले बताए ।
धान रोपाइँ हुने बेला लगातारको वर्षा सहित आएको बाढीले धानबाली बिउ डुबाएकोले किसानहरु मार्कामा परेका छन।
पर्साको पकहा मैनपुर गाउँपालिका वडा नं. ४ काे धोबिया टोला, खेश्रहा, वडा नं. ३ काे मैनपुर, पकाहा, मधुबनी, वडा नं. १ काे धोरे, बिदवासिनी गाउँपालिकाकाे प्रसौनि, मधवल, अमरपट्टी, झौवा लगायतको गाऊँमा लगाइएको धानबाली तथा बिउ डुबानमा परेको स्थानियहरुले वताएका छन् ।
नदीको बाढी र राती भएको बर्षाका कारण धानबाली र धानको बिउमा पानी पसेको दीपनारायण ठाकुरले बताए । नेपाल–भारत सीमा क्षेत्रका धानबाली डुबानमा परेको ठाकुरले जानकारी दिए ।
डुबानमा परेकामध्ये केही खेतको धानको बिउ जलमग्न हुँदा पूर्ण असर र बाँकी क्षेत्रमा पनि डुबानको असर देखिएको छ । थप वर्षा नभए डुबान भएको धानबाली र धानको बिउ जोगिन सक्छ तर लगातार वर्षा भएमा क्षति हुने ठाकुरले बताए ।
युवालयद्वारा बालबालिकालाई शैक्षिक सामाग्री वितरण
वीरगंज । वीरगंज महानगरपालिकाकाे वडा नम्बर ३१ बेलवाका २५ जना बालबालिकालाई शैक्षिक सामाग्री वितरण गरिएको छ ।
डि के ए अष्ट्रियाको सहयोगमा युवालय नामक संस्थाले २५ जना गरिब एवम् विपन्न बालबालिकालाई शैक्षिक सामाग्री वितरण गरेको हो । निषेधाज्ञाका कारण विद्यालय बन्द हुँदा विद्यार्थीहरुको नियमित पठनपाठन अवरुद्ध भइरहेको अवस्थामा घरमै बसी अध्ययन गर्ने बानीको विकास गर्ने अभिप्रायले शैक्षिक सामाग्री वितरण गरिएको युवालयका बोर्ड सदस्य एवम् बालअधिकारकर्मी जया साहले बताए ।
उनले भने, ‘युवालयले विगतदेखि नै बालबालिका, सुत्केरी तथा गर्भवतिको क्षेत्रमा काम गर्दै आएको छ । यसअघि हामीले राहत वितरण गरेका थियौँ । अहिले पनि आवश्यक्तालाई मध्यनजर गर्दै राहत पनि बाँड्यौँ भने अहिले बालबालिकालाई शैक्षिक सामाग्री वितरण गर्दै छौँ ।”
स्थानीय अभिभावक केशव तिमिल्सिना, स्वयमसेवकहरु विकास साह, हरेराम साह लगायतको उपस्थितीमा शैक्षिक सामाग्री वितरण गरिएको उनले जानकारी दिए ।
प्रति विद्यार्थी ८ वटा कपी, १४ वटा पेन्सिल, १० वटा कटर, १० वटा इरेजर, ५ वटा पेन, १ बक्स कलर पेन्सिल, स्केल गरी ५ सय रुपैयाँ बराबरको प्याकेज बनाएर वितरण गरिएको साहले बताए । आगामी दिनमा महानगरपालिकाका अन्य वडाहरुमा पनि शैक्षिक सामाग्री वितरण गर्ने कार्यलाई निरन्तरता दिने साहको भनाई छ ।
शैक्षिक सामाग्री वितरण कार्यक्रमको सहजिकरण राजेश्वर चौधरी गरेका थिए ।
भाठामा दुधेश्वरनाथ महादेव मन्दिर प्रवेशद्वारको शिलान्यास
वीरगंज । पर्साको पटेर्वासुगौली गाउँपालिका वडा नम्बर १ सोनवर्षा बैरीयामा पर्ने प्रसिद्ध भाठा बाबा दुधेश्वरनाथ महादेव मन्दिर प्रवेशद्वारको शनिबार शिलान्यास गरिएकाे छ ।
प्रदेश नम्बर २ सरकारको उद्योग पर्यटन बन तथा वातावरण मन्त्रालयबाट निर्माण हुने प्रवेशद्वारको विगठित प्रतिनिधि सभाकाे निलम्बित सांसद हरिनारायण रौनियार र प्रदेश नम्बर २ का प्रदेश सभा सदस्य प्रह्लाद गिरीले सयुँक्त रुपमा शिलान्यास गरेका हुन् ।
३२ लाखको लागतमा निर्माण हुने प्रवेशद्वारको शिलान्यास गर्दै सांसद रौनियारले कोरोना भाइरसको महामारीले प्रभावित भएका विकास निर्माणका कामहरुले अब तिव्रता लिने बताए ।
धार्मिक पर्यटकिय क्षेत्रको रुपमा परिचित दुधेश्वरनाथ मन्दिरको प्रवेशद्वारले अँझै सुन्दरता बढाउने र पर्यटक भित्र्याउन सघाउ पुग्ने विश्वास रौनियारले व्यक्त गरे ।
शिलान्यास कार्यक्रममा प्रदेश नम्बर २ का मुख्यमन्त्रीका स्वकिय सचिब दिपक यादव लगायतका स्थानिय जनप्रतिनिधिको उपस्थिती रहेको थियो ।












