Date
बिहि, मंसिर ३, २०८३
Thu, November 19, 2026
Home Blog Page 781

अनेरास्ववियु क्रान्तिकारी पर्साको अध्यक्षमा कविराज पटेल चयन

0

वीरगंज । नेकपा माओवादी केन्द्र निकट विद्यार्थी संगठन अनेरास्ववियु क्रान्तिकारी पर्साको अध्यक्षमा कविराज पटेल चयन भएका छन् । अनेरास्ववियु पर्साको छैठौं जिल्ला सम्मेलनको बन्दसत्रबाट पटेलको अध्यक्षतामा ५१ सदस्यीय जिल्ला समिति घोषणा गरिएको हो ।

समितिको बरिष्ठ उपाध्यक्ष हिमाल सागर कुँवर, उपाध्यक्ष बब्लु कुश्वाहा, सोनु शेख, सचिवमा सोयब आलम, सहसचिवमा धर्मेन्द्र पटेल, बबिता साह र लहावर राम चयन भएका छन् । त्यसैगरी कोषाध्यक्षमा सुष्मा चौरसिया सहित ५१ सदस्य चयन भएको अखिल क्रान्तिकारीका केन्द्रीय सदस्य तथा प्रदेश सह–संयोजक प्रभाकर गुप्ताले जानकारी दिए ।

भदौ ३० गते सम्पन्न सम्मेलनको बन्दसत्रमा अन्य पदाधिकारी सर्वसम्मत भएपनि नेतृत्वका लागि दुईजनाको दावी भएपछि सहति जुट्न सकेको थिएन । तत्कालिन संयोजक कबिराज पटेल र सहसंयोजक संदीपविक्रम शाहले नेतृत्वमा दावी गरेपछि चयन हुन सकेको थिएन ।

पार्टी जिल्ला अध्यक्ष विजय महतो, महानगर इन्चार्ज रहबर अन्सारी, प्रदेश समिति सदस्य रामदरश कुश्वाहा र विद्यार्थी संगठनका केन्द्रीय सदस्य एवं प्रदेश सहसंयोजक प्रभाकर गुप्ता, पर्सा इन्चार्ज जुवैर आलम, स्वयंसेवक विभाग प्रदेश २ संयोजक इश्क कुमार लगायतका नेताहरुबीच भएको लामो छलफलपछि पटेललाई अध्यक्षमा चयन गर्ने सहमति जुटेको हो ।

शुक्रबार अबेर राति पटेललाई अध्यक्षमा घोषणा गरिएको केन्द्रीय सदस्य इश्क कुमारले बताए । नेतृत्वमा विवाद देखिएपछि पहिलेकै संयोजकलाई नै अध्यक्ष बनाउने संगठनको केन्द्रीय निर्णय अनुसार नै पटेललाई अध्यक्षमा चयन गरिएको संगठनका केन्द्रीय सदस्य एवं पर्सा इन्चार्ज जुवैर आलमले वताए ।

प्रदेश सांसद कलावारलाई मातृ शाेक

0

वीरगंज । पर्सा निर्वाचन क्षेत्र नं. ४ काे (ख) बाट निर्वाचित प्रदेश सभा सदस्य सिंहासन साह कलवारलाई मातृ शाेक परेकाे छ ।

छिपहरमाई गाउँपालिकाकाे वडा न‌ं. १ भलुवहिया निवासी कलवारकी आमा शिवपती देवि कलवारिनकाे ८३ बर्षको उमेरमा उपचारको क्रममा आज विहान निधन भएको परिवाजनले जनाएका छन् ।

जनता समाजवादी पार्टीका पर्सा जिल्ला इन्चार्ज समेत रहेका सांसद कलवारकी आमाकाे अन्त्येष्टि उनकाे पैतृक गाउँ छिपहरमाई गाउँपालिकाकाे वडा न‌ं. १ भलुवहियामा आजै (शनिबार) अपरान्ह  हुने जनाइएकाे छ ।

स्वास्थ्य चौकीहरुलाई अक्सिजन कन्सनट्रेटर सहयाेग

0

वीरगंज । स्ट्याण्डर्ड चार्टर्ड बैंकको सहयोगमा एक्सनएड नेपाल र दिव्य युवा क्लव पर्साको सहजीकरणमा कोभिड–१९ सङ्क्रमितहरुको उपचार तथा सङ्क्रमण रोकथाम गर्नको लागि पर्साकाे पटेर्वा सुगौली गाउँपालिकाका ५ वटा स्वास्थ्य चौकीहरुलाई अक्सिजन कन्सनट्रेटर सहयाेग गरिएकाे छ ।

दिब्य युवा क्लब पर्साका कार्यकारी निर्देशक रामाकान्त प्रसाद कुर्मीले पटेर्वा सुगौली गाउँपालिकाका निमित प्रमुख प्रशासकिय अधिकृत भुजेन्द्र प्रसाद यादवलाई एक कार्यक्रमकाे बिच साे अक्सिजन कन्सनट्रेटर हस्तान्तरण गरेका हुन् ।  

पर्सा जिल्ला कोभिड १९ को संक्रमणको उच्च जोखिममा रहेकोले कोभिडको महामारीको समयमा अक्सिजन कन्सनट्रेटर धेरै नै सहयोग पुग्ने प्रमुख प्रशासकिय अधिकृत यादवले बताए ।

सहयाेग गिरएकाे एउटा अक्सिजन कन्सनट्रेटरको मुल्य रु १ लाख १५ हजार २ सय ५५ रहेको दिव्य युवा क्लबका कार्यकारी निर्देशक कुर्मीले जानकारी दिए ।

अक्सिजन कन्सनट्रेटर हस्तान्तरण कार्यक्रममा पटेर्वा सुगौली गाउँपालिकाका स्वास्थ्य शाखा प्रमुख, शिक्षा शाखा प्रमुख तथा सबै स्वास्थ्य चौकीका प्रमुखहरु लगायत दिब्य युवा क्लबकाे कर्मचारीहरुको उपस्थिती रहेको थियो ।

माल्दिभ्समा अदितीका ‘हट पोज’

0

काठमाडौंँ । अभिनेत्री अदिती बुढाथोकी पछिल्लो समय माल्दिभ्समा छन् । उनी छुट्टी मनाउन साथीहरूका साथ त्यहाँ पुगेकी हुन् ।

उनले माल्दिभ्सको समुद्री किनारमा विकिनी लगायत बिभिन्न पोजमा खिचेको तस्बिर सामाजिक संजालबाट सार्वजनिक गर्दै आफ्नो बारेमा जानकारी दिने गरेकी छन् ।

उनले सार्वजनिक गरेका तस्बिर निकै हट एण्ड बोल्ड रहेको छ । जसको चर्चा समेत हुन थालेको छ । 

करिनाले १२ करोड पारिश्रमिक मागेको ‘सीता’मा कंगना फाइनल

0

नायिका करिना कपुरले १२ करोड पारिश्रमिक मागेपछि चलचित्र ‘सीता’को चर्चा चुलियो । यो चलचित्र ‘रामायण’मा आधारित रहेर बनाउने तयारी गरिएको छ । तर, करिनालाई चलचित्रको शिर्ष भूमिकाका लागि निर्माणपक्षले अफर गर्दा उनले महंगो रकम माग गरिन् । यसपछि, यो चलचित्रको निर्माणपक्षले अन्य नायिकाहरुसँग पनि कुरा अगाडि बढाएको थियो ।

यसैविच, चलचित्रका लागि नायिका कंगना रनोट फाइनल भएको भारतीय मिडियाले उल्लेख गरेका छन् । चलचित्रका निर्देशक अलौकिक देसाइले यो खबरको पुष्टी गरेका छन् । उनले, सामाजिक संजालमा कंगनासँगको तस्वीर पोष्ट गरेका छन् ।

अलौकिकले लेखेका छन्–‘सीता आरम्भ, ब्रम्हाण्ड ती मानिसहरुको मद्दत गर्छन् जो विश्वासको साथमा समर्पित हुन्छन् । म सीताको भूमिकाका लागि कंगनालाई काम गराउन पाउँदा उत्साहित छु । यो पवित्र यात्राले हाम्रो पौराणिक कथालाई हेर्ने तरिका नै बदल्नेछ ।’

कंगनाले वास्तविक भारतीय महिलाहरुको भावनालाई प्रतिनिधित्व गर्ने निर्माणपक्षको भनाई छ । चलचित्रका लागि फाइनल भएपछि कंगनाकी बहिनी रंगोलीले १३ बर्षको उमेरमा कंगनाले सीताको भूमिका निर्वाह गरेको तस्वीर पोष्ट गरेकी छिन् ।

बाल दिवशको अवसरमा बक्तृत्वकला प्रतियोगिता सम्पन्न

0

वीरगंज । ५७ औं राष्ट्रिय बाल दिवशको अवसरमा पर्साको पटेर्वा सुगौली गाउँपालिका वडा नं. ४ मा  बालबिबाह तथा दाईजो प्रर्थाले गर्दा बालबालिकाहरुको शिक्षामा परेको प्रभाव विषयक बक्तृत्वकला प्रतियोगिता सम्पन्न भएको छ ।

एक्शनएड नेपाल तथा दिब्य युवा क्लब पर्साको संयूक्त साझेदारीमा पटेर्वा सुगौली गाउँपालिकामा संचालित स्थानीय अधिकार कार्यक्रम अन्तर्गत “सामन्य अवस्था वा कोभिड महामारी, वाल अधिकारको संरक्षण हामी सबैको जिम्मेवारी” नाराको साथ प्रतियोगिता सम्पन्न भएको हो ।

दिब्य युवा क्लब पर्साका कार्यकारी निर्देशक रामाकान्त प्रसाद कुर्मी अध्यक्षयता तथा पटेर्वा सुगौली गाउँपालिकाका शिक्षा शाखा प्रमुख शम्भु साहको प्रमुख आतिथ्यमा भएको प्रतियोगितामा पटेर्वा सुगौली गाउँपालिकाका ११ वटा बाल क्लबका बालबालिकाहरुको सहभागिता रहेको थियो ।

प्रतियोगितामा पटेर्वा सुगौगी गाउँपालिका वडा नं. ४ की पुर्णिमा कुमारी प्रथम, वडा न.५ की दिपावली कुमारी साह दोस्रो, वडा नं. १ का कृष्णा चौधरी तेस्रो, वडा नं. २ की सकिना खातुन चौथो र वडा न. ३ का रामजन्म माझी पाँचौ स्थान हासिल गरेका थिए ।

११ वटा बाल क्लबबाट १५ जना बालबालिकाहरुको सहभागिता रहेको प्रतियोगिताको निर्णयाक मण्डलमा श्री नेपाल राष्ट्रिय माध्यमिक विद्यालय सुगौली दा.पु.का बिज्ञान विषयका शिक्षक ज्ञानेन्द्र प्रसाद चौधरी, दिब्य युवा क्लब पर्साका सामाजिक परिचालक प्रतिमा चौधरी र बिन्दा गैरे रहेका थिए ।

पटेर्वा सुगौली गाउँपालिकालाई बालबिबाह मुक्त गाउँपालिका घोषण गराउने उदेश्यले आयोजना गरिएको प्रतियोगितामा उपस्थित बालबालिका, अभिभावक तथा सरोकारवालाहरु बालबिबाह र दाईजो प्रर्थाको बारेमा सचेत भएको आयोजक संस्थाले जनाएको छ ।