Date
बिहि, मंसिर ३, २०८३
Thu, November 19, 2026
Home Blog Page 768

जसपालाई एक ढिक्का लिएर लैजान्छु : सांसद प्रदिप यादव

0

वीरगंज । जनता समाजवादी पार्टीका नेता एवं संघीय सांसद प्रदिप यादवले पार्टीलाई अगामि दिनमा विगत झै एक ढिक्का बनाएर लैजाने प्रतिबद्धता व्यक्त गरेका छन् ।

वीरगंजमा आयोजित शुभकामना अदानप्रदान तथा चियापान कार्यक्रमलाई सम्बोधन गर्दै उनले यस्तो कुरा बताएका हुन् । पर्सा क्षेत्र नं १ का प्रतिनिधि सभा सदस्य सांसद यादवले वीरगंजस्थित ओम पार्टी प्यालेसमा आईतवार, दशैं, तिहार तथा छठ पर्वको अवसरमा आयोजित कार्यक्रममा उनले पार्टी भित्र र बाहिर अनेक भ्रमको खेतीपाती भए तापनि आफु पार्टी भित्रै संघर्ष गरेर पार्टीलाई एक ढिक्का बनाएर लैजाने उदघोष गरे ।

उनले पार्टी भित्रै संघर्ष गरी नेतृत्व पंक्तिलाई सघाउने प्रतिबद्धता जनाए । ‘२०६४ सालदेखि यो पार्टीलाई पर्सामा खडा गरेको छु, यो पार्टी मेरो लागि घर हो, नेता कार्यकर्ता इटा, सिमेन्ट र छठ जस्तै जस्तै सब संग मिलेर निर्माण गरेका हु, ’उनले भने, ‘केही राजनीतिक दलका नेताहरुले भनिरहेका छन्, प्रदिपले यो पार्टीमा गइरहेको छ, त्यो पार्टीमा गइरहेको छ तर त्यो सबै भ्रम छर्ने काम मात्र हो ।’

उनले कार्यक्रम आयोजना भएकोमा जिल्लाकै पार्टी भित्रका केही नेताले नेता कार्यकर्तालाई कार्यक्रममा नआउन फोन समेत गरेको र रातभरी एउटा गुटले जाग्राम नै बसेर कार्यक्रम प्राभावित गर्ने षडयन्त्र गरेको तर उनीहरुको षडयन्त्र विफल भएको पनि वताए ।

उनले पार्टी अध्यक्षको बारेमा बोल्ने अन्य नेताहरुलाई मुखमै जवाफ फर्काउने गरेको तर आफनै पार्टीमा ४ वर्ष पहिले आएका नेताहरुले मौन साधनु दुखको कुरा भएको पनि कार्यकर्ताहरुलाई जानकारी गराएका थिए । पार्टीका केही गुटका नेताहरुलाई गरिरहेको षडयन्त्रबाट पार्टीका नेतालाई सचेत रहन आग्रह समेत गरे ।

‘हाम्रै नेता तथा जनप्रतिनिधि अहिले अरु पार्टीको पञ्चायतीमा बसिरहेका छन्, मोटरसाइकलमा घुमिरहेको फोटो छ मसंग, ’उनले भने, ‘जसपा पहिले पनि काँग्रेस र कम्यूनिष्ट पार्टीसंग कमजोर थियो न, भविष्यमा हुनेछ, ’उनले भने, ‘जसपाबाट पर्साले मन्त्री नपाएपछि केही युवा, विद्यार्थीले पुत्ला दहन गरे, त्यो शैली मिल्दैन तर आफनै युवालाई सम्झाउनु भन्दा कारबाही गर्ने तर्फ केही नेताहरुको ध्यान छ, त्यो गलत हो, सच्चिएर हिडनु पर्छ ।’

उनले जसपाका नेता कार्यकर्ताले एकजुट भएर काम गर्दै गएमा अगामि दिनमा पार्टीले पर्साका नेता कार्यकर्तालाई अवश्य मूल्याकंन गर्ने आश्वासन दिए ।

‘पर्साले किन पाएन मन्त्रालय,मलाई अध्यक्ष ज्यूसंग केही भन्नु छैन, तर हामीले आजको कार्यक्रमबाट एकताको सन्देश लिएर अघि बढनु पर्छ,’उनले भने, ‘पार्टीको हित विपरित काम गर्ने बहुरुपिया नेताहरु आफैं पाखा लाग्छन् ।’

पार्टीको क्षेत्रीय प्रतिनिधि घनश्यामबाबू साहको अध्यक्षता तथा वीरगंज नगर अध्यक्ष ईश्वरचन्द्र यादवको सहजीकरणमा सम्पन्न कार्यक्रममा केन्द्रीय सदस्य मोहनलाल चौधरी, टेक बहादुर शाक्य, प्रदेश सांसद जन्त अन्सारी, अन्जु यादव, जिल्ला समन्वय समिति पर्साका सभापति नेकमहम्द अन्सारी, पोखरीया नगरपालिकाकी उपमेयर सल्मा खातुन, पार्टीका नेता जरि लामा लगायत १४ स्थानीय तहका वडा स्तरबाट निर्वाचित जनप्रतिनिधि र नेता कार्याकर्ताहरुको उल्लेख्य सहभागिता थियो ।

परवानीपुरमा युवा संघकाे कमिटी गठन

0

वीरगंज । वीरगंज महानगरपालिकाकाे वडा नं. २१, परवानीपुरमा शनिबार नेकपा (एकिकृत समाजवादी) निकट युवा संघ नेपालको वडा स्तरीय कमिटी गठन भएकाे छ ।

परवानीपुरको ताजपुर टोलमा भएकाे युवा संघकाे भेलाले अनिल कुश्वहाको अध्यक्षाता ८३ सदस्यीय वडा कमिटी गठन गरेकाे हाे ।जुन कमिटीकाे उपाध्यक्षमा संदीप पटेल, सचिवमा सुमन पटेल, सह सचिवमा अनिल शर्मा लगायतका चयन भएकाे युवा संघ पर्साका इन्चार्ज अनल पटेलले जानकारी दिए ।

युवा संघ पर्साका जिल्ला कमिटी सदस्य आनिष पटेलको अध्यक्षता र नेकपा (एकिकृत समजवादी) का केन्द्रिय सचिव नागेन्द्र चौधरीकाे प्रमुख आतिथ्यतामा भएकाे भेलामा पार्टीका जिल्ला अध्यक्ष बाल गोपाल थापा, जिल्ला सदस्य जलेन्धर पटेल, वीरगंज महानगर अध्यक्ष मनोज चौधरी, उपाध्यक्ष मंजूर आलम, सचिव बृजलाल पासवान, युवा संघ पर्साका इन्चार्ज अनिल पटेल, युवा संघ पर्साका उपाध्यक्ष श्री लाल कुशवाहा,वीरगंज २१ काे पार्टीका वडा कमिटीका अध्यक्ष राज महमद, धर्मशिला कुशवाहा लगायतकाले शुभकामना मन्तव्य राखेका थिए ।

कार्यक्रममा हिन्दुहरुकाे महान पर्व शुभ दिपावली र छठ पर्वकाे शुभकामना अदानप्रदान पनि गरिएकाे थियाे ।

छिपहरमाईमा दर्शनार्थीहरुकाे भिड (फाेटाेफिचर सहित)

0

वीरगंज । पर्साकाे छिपहरमाई गाउँपालिका वडा न‌ं. ४ बंजारीस्थित रहेकाे छिपहरमाई मन्दिरमा आज मेला लागेकाे छ । विजयादशमीकाे अवसरमा लागेकाे मेलामा मन्दिर दर्शन गर्नेहरुकाे भिड लागेकाे थियाे ।

भिड व्यवस्थित नहुँदा दर्शनार्थीहरुलाई दर्शन गर्न समस्या भएकाे थियाे । महिलाहरुकाे भिड व्यवस्थित गर्न पनि गाउँपालिका र नेपाल प्रहरीकाे पुरुष प्रहरी खटेका थिए ।

बंजारी तालकाे किनारमा लाग्ने गरेकाे मेला व्यस्थित नहुँदा बिशेष गरेर महिला दर्शनार्थीहरुलाई समस्या हुने गरेकाे पर्सा कालिकामाई गाउँपालिका वडा नं. २ का दर्शनार्थी ओमप्रकाश साहले वताए ।

पर्साकाे इतिहासिक र प्रसिद्ध मानिएकाे छिपहरमाई मन्दिर दर्शन गर्न भारतकाे सिमावर्ती जिल्लाकाे विभिन्न ठाउँका दर्शनार्थीहरु पनि पुग्ने गर्छन । मन्दिर परिसरमा घटस्थापना कै दिनदेखी नवमी सम्म अष्टजाम समेत हुने गर्दछ ।

मेलामा छिपहरमाई गाउँपालिका र प्रदेश सभा सदस्य सिंहासन साह कलवारकाे तर्फबाट दर्शनार्थीहरुकाे लागि नि:शुल्क रुपमा खाजा समेत वितरण गरिएकाे थियाे ।

कुस्तिको उद्घाटन गर्दै सांसद यादवले भने धैर्यता र विश्वासका कारण हामी सफल हुन्छौं

0

वीरगंज । पर्सा निर्वाचन क्षेत्र न.१ का संघीय सांसद प्रदीप यादवले वीरगंज–१६ नगवामा श्री बौद्धीमाई बिकास समितिद्वारा आयोजित विराट दंगल(कुस्ती) प्रतियोगिता उद्घाटन गरेका छन् ।

दशैंको नौवो दिन हरेक वर्ष आयोजना गरिने दंगल प्रतियोगितामाको उद्घाटन गर्दै सांसद यादवले कोरोना वायरसको कहर पछी दुई वर्षको अन्तराल भए पनि पुन्ह जनजिवन समान्य हुंदै गएकोमा खुशी व्यक्त गरे । आम नागरिकको धैर्यता र माता रानीको कृपाले नै आज दुई वर्ष पछी पर्सा जिल्लामा कोरोनावायरसको केश शुन्य भएको र विस्तारै जनजिवन समान्य हुंदै गएको भन्दै उनले धैर्यता र आत्मविशवासका साथ नै सफलता पाईने बताए ।

साथै सम्पूर्ण खेलाडीलाई खेलमा आफ्नो ईमानदारीता राख्दै दर्शकको भावना बुझेर सहि र पारदर्शी तरिकाले लडन सुझाव दिदै उपस्तिथ समाजिक अगुवा, राजनीति कर्मी, आम नागरिक, युवा, खेलाडी, दर्शकलाई दशैंको शुभकामना समेत व्यक्त गरेका थिए ।

दिनभरी चलेको कुस्ति दंगल प्रतियोगितामा दैनिक करिब सय जोडी पहलवानले भाग लिएका थिए । दंगलमा भारतको बनारस, गोरखपुर, गाजियाबाट, पन्जाब, हरियाणा, दिल्ली, बिहारलगायतका ठाउँबाट ख्याती प्राप्त पहलमानहरु भाग लिएको आयोजकले जनाएको छ ।

एलपी ग्यास बाेक्ने ट्याङ्करबाट गाँजा बरामद

0

वीरगंज । पर्सा प्रहरीले एलपी ग्यास बाेक्ने ट्याङ्करबाट लागु औषध गाँजा बरामद गरेकाे छ ।

जिल्ला प्रहरी कार्यालय पर्साबाट खटिएका‍े टाेलीले वीरगंज महानगरपालिकाकाे वडा नं.२५ स्थित आईसिपी गेटमा राेकी राखिएकाे भारतीय NL01K0754 नम्बरको एलपी ग्याँस बोक्ने ट्याङ्करबाट लागु औषध गाँजा बरामद गरेकाे हाे ।  

 सूचना परिचालन र प्रहरी कारवाहीको सिलसिलामा बुधबार विहान २ बजे आईसिपी गेटमा संकास्पद रूपमा रोकिएको ट्याङ्कर रितपूर्वक जाँच गर्दा उक्त ट्याङ्करको चालक बस्ने क्याबिन भित्र सुनियोजित तरिकाले लुकाइ छिपाई राखिएको लागु औषध गाँजा १२० के.जी. फेला परेको प्रहरीले जनाएकाे छ ।

उक्त ट्याङ्कर र सो गाँजा नियन्त्रणमा लिई लागु औषध सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनाले जानकारी दिए ।

उनले उल्लेखित नम्बरको ट्याङ्कर चालक तथा ट्याङ्करधनीको पहिचान गरी खोजतलास गर्ने लगायतका अनुसन्धान जारी रहेको समेत जानकारी गराए ।

नेपाल पहिलो पटक साफ च्याम्पियनसीपको फाइनलमा

0

बंगलादेशलाई बराबरीमा रोक्दै नेपाल साफ च्याम्पियनसीपको फाइनलमा प्रवेश गरेको छ । बुधबार साँझ भएको खेल १–१ को बराबरीमा सकिएपछि नेपालले पहिलो पटक साफ च्याम्पियनसीपको फाइनलमा स्थान बनाएको हो । ४ खेलपछि नेपाल ७ अंक बटुल्दै अंक तालिकाको शीर्ष स्थानमा रहेको छ ।  

खेलको नवौँ मिनेटमा नै नेपाल सुमोन रेजाको गोलमा पछि परेको थियो । त्यसपछि भने नेपालले खेलमा नियन्त्रण राख्दै बंगलादेशमाथि दबाब राखेको थियो ।

खेलको ७९ औँ मिनेटमा बंगलादेशका गोलकिपर अइनसुर रहमान जिकोले रातो कार्ड पाएपछि नेपालले थप राहत पाएको थियो ।तर, बराबरी गोलका लागि नेपालले ८८ औँ मिनेटसम्म पर्खनुपरेको थियो । नेपालले पाएको पेनाल्टीलाई अन्जन विष्टले गोलमा परिणत गर्दै खेल बराबरी गरे । 

नवनियुक्त मन्त्री रामसहाय यादवकाे वीरगंजमा स्वागत

0

वीरगंज । संघीय सरकारका नवनियुक्त वन तथा वातावरण मन्त्री रामसहाय प्रसाद यादव बुधबार गृह जिल्ला बारा आएका छन् । असोज २२ गते शुक्रबार भएको मन्त्री परिषद बिस्तारमा बारा निर्वाचन क्षेत्र नं २ बाट प्रत्यक्ष निर्वाचित प्रतिनिधि सभा सदस्य एवं जसपा नेपालका माहासचिव मा. रामसहाय प्रसाद यादव वन तथा वातावरण मन्त्रीमा नियुक्त भएका थिए ।

वन तथा वातावरण मन्त्रीमा नियुक्त भएपछि पहिलो पटक उनी गृह जिल्ला बारा आएका हुन् । मन्त्री यादव बुधबार बिहान ११:३० बजे वीरगंजस्थित बहुवरी चौकमा पुगेपछि पर्सा र बाराका जसपाका नेता तथा कार्यकर्ताहरुले स्वागत तथा बधाई दिएकाे जसपाका युवा नेता शिव कुमार साहले बताए ।

जसपा नेपालका केन्द्रिय सदस्य फिरोज मसूर, प्रदेश कमिटी सदस्य गौरीशंकर साह, सलाउदिन अहम्द, महाराज यादव, प्रदेश सभा सदस्य सिंघासन साह कलवार, पर्सा जिल्ला अध्यक्ष रामनरेश यादव, बारा जिल्ला अध्यक्ष अजय पटेल, युवा नेता शिव कुमार साह, क्षेत्र नं. २ अध्यक्ष कामेश पन्डित लगायत जसपाका नेता तथा कर्याकर्ताले स्वागत तथा बधाई ज्ञापन गरेका थिए ।

रोटरीले बाँड्यो निःशुल्क भोजन

0

वीरगंज । रोटरी क्लब अफ वीरगंज मेट्रोपोलिस र रोट्याक्ट क्लब अफ वीरगंज मेट्रोपोलिसले दशैं मेला हेर्न आएका दर्शानार्थीहरुलाई निःशुल्क भोजना उपलब्ध गराएको छ ।

पर्साको ग्रामीण भेग लगायत आसपासका क्षेत्रहरुबाट आएका दर्शनार्थाीहरुलाई क्लबले बिहीबार निःशुल्क भोजना बाँडेको हो ।

वीरगंजकाे घण्टाघरदेखि माईस्थान चोकसम्म भेटिएका करिब १ सय ५० जना दर्शनार्थीहरुलाई भोजन बाँडिएको क्लबका सचिव दिपु वर्णवालले जानकारी गराए ।

क्लबका संस्थापक अध्यक्ष प्रकाश कर्ण, उपाध्यक्ष रबिन श्रेष्ठ, सचिव दिपु वर्णवाल, रोहित गुप्ता, प्रवीण माली, सोनू चौरसिया, बीना प्रजापति, पुष्पा कुमारी, रेशु अग्रवाल लगायतकाको समूहले निःशुल्क भोजन बाँडेको हो ।

तेलि समाज पर्साद्वारा वीरगंज मेलामा खाजा वितरण

0

वीरगंज । तेलि कल्याण समाज पर्साले वीरगंजस्थित गहवामाई मेलामा बुधबार विहान निशुल्क खाजा वितरण गरेकाे छ । अष्टमीकाे दिन गहवामाई दर्शन गर्न आउने सयाैं भक्तजनहरुलाई समाजले भुजा, चाना र पानी वितरण गरेकाे हाे ।

हरेक साल झै यस बर्ष पनि वीरगंजकाे प्रसिद्ध गहवामाई मेलामा आउने भक्तजनहरुको भोक र प्यासलाई मध्यनजर गर्दै मानव सेवाको लागि माईस्थान चौकमा जलपानको ब्यवस्था गरिएको समाजका शिव कुमार साहले बतए ।

वीरगंजकाे माईस्थानस्थित बाके बिहारी साह तेलिको घर (एनसेल सेन्टेर) अगाडि सडक किनारमा स्टल राखी आवत जावत गर्ने भक्तजनहरुलाई जलपान वितरण गरिएको उनले जानकारी दिए ।

तेलि समाजकाे दाताहरुको सहयोगले विभिन्न मानव कल्याणका कार्यक्रम गर्दै आएकोमा ती दाताहरुलाई धन्यवाद दिदै आउने दिनमा यस्ता समाज सेवाको कार्यक्रमलाई निरन्तरता दिने समाजका केन्द्रिय उपाध्यक्ष बिश्वनाथ साह तेलिले बताए ।

जलपान वितरण कार्यक्रममा तेलि कल्याण समाज नेपालका केन्द्रिय उपाध्यक्ष बिश्वनाथ साह तेलि, संविधान सभा सदस्य रामचन्द्र साह तेलि, तेली समाज  पर्साका जिल्ला अध्यक्ष धुर्व साह तेलि, लक्षुमण साह तेलि, गमहिरा साह तेलि, प्रेम साह तेलि, शिव कुमार साह, अमलेश साह तेलि लगायत समाजका युवाहरू स्वयंसेवककाे रूपमा सहयोग गरेका थिए ।

वयाेधामा क्रिटिकल केयर म्यानेजमेन्ट तालिम सम्पन्न

0

वीरगंज । नारायणी वयाेधा अस्पताल वीरगंजमा एक दिने क्रिटकल केयर म्यानेजेन्ट तालिम सम्पन्न भएकाे छ ।

वयाेधा अस्पताल कै आयाेजना भएकाे तालिममा सहभागि विभिन्न स्वास्थ्य चाैकी, हस्पिटल र कम्पनीमा कार्यरत स्वास्थकर्मीलाई क्रिटकल केयर सम्बन्धि प्रशिक्षण दिइएकाे अस्पतालका मार्केटिङ्ग अफिसर कृष्ण साहले जानकारी दिए ।

तालिममा क्रिटकल अवस्थामा हाेस्पिटल पुग्नु भन्दा पहिला कसरी केयर गर्ने लगायतका विषयमा प्रशिक्षण दिइएकाे उनले वताए ।

तालिमममा सहभागिहरुलाई वयाेधा अस्पतालका बरिष्ठ हाड जाेर्नी बिशेषज्ञ डा. रन्जन कुमार झा र डा. बरिष्ठ एनेष्थेसिया विशेषज्ञ अभिषेक अर्यालले प्रशिक्षण दिएका थिए ।  

तालिममा १० जना महिला स्वास्थ्यकर्मीसहित ४६ जना स्वास्थ्यकर्मीहरुकाे सहभागिता रहेकाे थियाे ।