[real3dflipbook id=”206″]
सखुवा प्रसौनीमा एकल महिलालाई सम्मान
वीरगंज । पर्साको सखुवा प्रसौनी गाउँपालिकामा एकल महिला सम्मान कार्यक्रम सम्पन्न भएको छ ।
गाउँपालिकाको वडा नं. ५ महुवनस्थित स्वास्थ्य चौकीमा आईतबार भएको कार्यक्रममा गाउँपालिका अध्यक्ष प्रदीप जयसवालले एकल महिलाहरुलाई छाता र टच वितरण गरि सम्मान गरेका थिए ।
वडाध्यक्ष रुपलाल यादवको अध्यक्षतामा भएको कार्यक्रममा प्रमुख प्रशासकीय अधिकृत भुजेन्द्र कुमार चा्रैधरी, समाजिक शाखा प्रमुख बिनोद यादव, वडासचिव रमेश साह लगायतको सहभागिता रहेको थियो ।
यसैगरी, वडा नं. ३ कटेयामा पनि एकल महिला सम्मान कार्यक्रम सम्पन्न भएको गाउँपालिकाका योजना शाखा प्रमुख सुनिल कलवारले बताए ।
वडा अन्तर्गतका एकल महिलाहरुलाई छाता र टर्च वितरण गरि गाउँपालिका अध्यक्ष जयसवालले सम्मान गरेको उनले जानकारी दिए । सो कार्यक्रममा वडा अध्यक्ष सलिम अंसारी, वडा सचिव बृजकिसोर प्रसाद लगायतको सहभागिता रहेको थियो ।
शुभकामना आदान प्रदान कार्यक्रम सम्पन्न
वीरगंज । को अपरेटिभ लिडर्स क्लब पर्साको आयोजनामा आइतबार शुभकामना आदान प्रदान कार्यक्रम सम्पन्न भएको छ ।
लिडर्स क्लबका अध्यक्ष रामनिवास देहातीको सभापतित्व र नेफस्कुन संचालक समितिका सदस्य हरे राम पटेलकाे प्रमुख आतिथ्यतामा भएकाे कार्यक्रमममा हिन्दुहरुकाे महान चाँड विजयादशमी, शुभ दिपावली तथा छठ पर्वको शुभकामना आदान प्रदान गरिएकाे थियाे ।
जिल्ला समन्वय समिति पर्साको सभाकक्षमा भएको कार्यक्रममा जिल्ला बचत संघका वरिष्ठ उपाध्यक्ष असगर अलि अंसारी, उपाध्यक्ष राकेश यादब, संचालक नग नारायाण सिंह, विजय गुप्ता, गिरीराज कडेल, कृषि सहकारी संघका अध्यक्ष शिव कुमार साह, श्रीनिधि साकोसका उपाध्यक्ष मनोज गुप्ता, युवा सरोजगारका सुनिल कुमार रौनियार, जय अम्बे महिला सहकारीका निरा झा लगायतकाले शुभकामना मन्तव्य राखेका थिए भने कार्यक्रमकाे संचालन धार्मराज कुश्वहाले गरेका थिए ।
कालिकामाईका स्वास्थ्य चाैकीहरुमा औषधी अभाव
वीरगंज । पर्साको कालिकामाई गाउँपालिकाको सबै वडाका स्वास्थ्य चौकीहरुमा औषधी अभाव भएको छ । विगत ३ महिनादेखी गाउँपालिकाको पांच वटै वडाका स्वास्थ्य चौकीहरुमा औषधी अभाव भएको स्वास्थ्यकर्मीहरुले वताएका छन् ।
स्वास्थ्य चौकीहरुबाट निशुल्क रुपमा पाउने ३५ किसिमको औषधीहरु मध्ये परासिटामल समेत नरहेको स्वास्थ्यकर्मीहरुले वताएका छन् । अहिले कोरोना विरुद्धको खोप दिने कार्य भइरहेको छ । खोप लिएका प्राय जसोलाई ज्वरो आउने गरेको छ । ज्वरो आएकाहरु स्वास्थ्य चौकीहरुमा परासिटामलका लागि पुग्दा पनि पाउन नसकेको स्थानियहरुले वताएका छन् ।
यस बिषयमा आफुहरु गाउँपालिकामा सम्पर्क गर्दा झारो टार्ने काम मात्र भएको स्वास्थ्यकर्मीहरुको गुनासो छ ।
गाउँपालिकाका जनप्रतिनिधि र प्रमुख प्रशासकिय अधिकृत जयचन्द्र साहको लापरवाहीले स्वास्थ्य चौकीहरुमा औषधीहरु अभाव भएको स्थानियहरुकाे भनाई छ ।
करिब एक महिनादेखी स्वास्थ्य चौकीहरुमा औषधी अभाव भएको बारे आफु पनि जानकारी प्राप्त भएको गाउँपालिका स्वास्थ्य संयोजक योगेन्द्र चौरसियाले वताए । औषधी खरिद गर्ने प्रक्रियामा रहेको र दशैं सके लगतै स्वास्थ्य चौकीहरुमा औषधी अभावको समस्या समाधान संयोजक चौरसियाले जानकारी गराए ।
जिराभवानीमा नेपाली कांग्रेसकाे शुभकामना आदान प्रदान
वीरगंज । पर्साकाे जिराभवानी गाउँपालिका वडा नं. २ मा शनिबार नेपाली कांग्रेसकाे कार्यकर्ता भेटघाट तथा शुभकामना आदान प्रदान कार्यक्रम सम्पन्न भएकाे छ ।
नेपाली काङ्ग्रेस केन्द्रिय सदस्य तथा अनुशासन बिभाग प्रमुख रमेश रिजालकाे प्रमुख अतिथ्यतामा भएकाे कार्यक्रममा हिन्दुहरुकाे महान चाँड बडा दशै, दिपावली तथा छठ पर्वकाे शुभकामना आदान प्रदान गरिएकाे थियाे ।
कार्यक्रममा प्रदेश सभा सदस्य शंकर चौधरी, महासमिति सदस्य बशिष्टनारायण कुर्मी, बृहस्पति कृष्ण श्रेष्ठ, क्षेत्रीय सभापति रमेश पाण्डे, प्रदेश क्षेत्रिय सभापति श्रीकान्त यादव, सचिव बलिष्टर अहमद, जिल्ला सदस्य प्रेम थापा, वडाध्यक्ष दारा सिन्ह, शेख नुमान लगायतको उपस्थिति रहेकाे थियाे ।
युवा संघको संगठन निर्माण अभियान तिब्र
वीरगंज । नेकपा एकीकृत समाजबादी पार्टी निकटको युवा संघ नेपाल, पर्साले संगठन निर्माण कार्यलाई तिब्रता दिएको छ । युवा संघ नेपालले आजै वीरगंज महानगरपालिकाे वडा नं. – १२ र १४ को कमिटी गठन गरेको छ ।
वडा नं. १२ मा अरबिन्द कुमार गुप्ताको अध्यक्षतामा २१ सदस्यीय युवा संघकाे वडा कमिटी गठन भएकाे छ । जसको उपाध्यक्षमा संदेश ठाकुर, प्रवीण तिवारी, सचीवमा स्वागत पासवान र सदस्यमा क्रमश पपु कुमार साह, अमित गिरी लगायतका रहेका छन् ।
त्यस्तै, वडा नं. १४ मा प्रताप पटेलको अध्यक्षतामा ११ सदस्यीय कमिटी गठन गरेको छ ।
उक्त कमिटी गठन र भेला कार्यक्रमहरुमा युवा संघ नेपालका कन्द्रिय सदस्य एवम् पर्सा जिल्ला इन्चार्ज अनिल पटेल, केन्द्रिय सदस्य संजू चौधरी, राजकुमार सर्राफ, युवा नेता अली अंसारी लगायतको उपस्थित रहेको थियाे ।
उपेन्द्र यादवकाे बिराेधमा वीरगंजमा दाेस्राे दिन पनि प्रदर्शन
वीरगन्ज । पर्सा क्षेत्र नं. १ बाट निर्वाचित प्रतिनिधि सभा सदस्य (सांसद) प्रदीप यादवलाई मन्त्री नबनाएको विरोधमा उनकै दल जनता समाजवादी पार्टी (जसपा) का कार्यकर्ताले शनिबार दाेस्राे दिन पनि वीरगन्जमा प्रदर्शन गरेका छन् । शनिबार दिउँसो वीरगन्जमा सांसद यादव निकटका कार्यकर्ता र समर्थकहरुले कालो झण्डासहितको मोटरसाइकल जुलुश निकालेका हुन्।
मोटरसाइकल जुलुशले नगर परिक्रमा गरेपछि घण्टाघर चोकमा सांसद यादवका सर्मथकहरुले जसपाका केन्द्रीय अध्यक्ष उपेन्द्र यादवको पुत्ला पनि दहन गरेका थिए । उनीहरुले उपेन्द्रको विरोधमा चक्राे नाराबाजी गर्दै उनलाई पर्सा जिल्ला र वीरगंज प्रवेश गर्न नदिने चेतावनी समेत दिए ।
प्रदर्शनमा सहभागी जसपाका युवा नेता गौरव बर्माले भने विरोध प्रदर्शन कार्यक्रम पार्टीको कार्यक्रम नभई सांसद प्रदीप यादवका समर्थकहरु आफैले गरेको बताए । उनले भने,‘ उपेन्द्रले धेरै पटक पर्सा र वीरगंजलाई ठग्दै आएका छन्, यसपाली पनि मधेसकै लोकप्रिय सांसद प्रदीप यादवलाई अन्तिम समयमा आएर मन्त्री बनाएनन्, उपेन्द्र काला नाग हुन्, उनलाई वीरगन्ज छिर्न दिइन्न।’
सांसद यादवका कार्यकर्ताले शुक्रबार साँझ पनि वीरगन्जमा केन्द्रीय अध्यक्ष यादवको पुत्ला र पार्टी कार्यालयको साइन बोर्डमा आगो लगाएका थिए ।












