Date
बिहि, मंसिर ३, २०८३
Thu, November 19, 2026
Home Blog Page 767

जसपा पर्साको कार्यालय रहेको घर भाडा नतिरेपछि घर खाली गराईदिन प्रशासनलाई गुहार

0

वीरगंज । जनता समाजवादी पार्टी पर्साको कार्यालय रहेको कोठा खालि गर्न घरसाहुले जिल्ला प्रशासन कार्यालय पर्सामा निवेदन दिएका छन् ।

वीरगंजको मूर्लिस्थित सुरेश आयलको छेउमा मेनरोडमै रहेको जसपा, पर्साका पार्टी कार्यालयले विगत ४३ महिनादेखी कोठाभाडा नतिरेकोले उक्त कोठा खाली गर्न घरसाहुले बुधबार जिप्रका पर्सामा निवेदन दिएका हुन् ।

बाराको प्रसौनी गाउँपालिका वडा नं. ३ निवासी बैजनाथ प्रसाद साहको वीरगंज मूर्लिस्थित रहेको घरको माथिल्लो तल्लाको दुईवटा कोठासहितको फ्ल्याट जसपा पर्साले भाडामा लिई पार्टी कार्यालय राखेको छ । प्रति महिना रु ८ हजारको दरले विगत ४३ महिनादेखी कोठाको भाडा रु ३ लाख ४४ हजार बाँकी रहे पनि आफू पटक पटक भाडा माग्दा भाडा पार्टीले भाडा नतिरेपछि बाध्य भएर कोठा खाली गरि भाडा दिलाईदिन निवेदन दिएको घर साहु बैजनाथ प्रसाद साहले बताए ।

घरधनी साहले भने, ‘‘जसपा पर्साको तत्कालिन अध्यक्ष प्रदीप यादव भएको बेला ४/५ महिनामा भाडा पाउँथे, तर अहिले जसपा पर्साका अध्यक्ष रामनरेश यादव र सचिव तब्रेज अहमदलाई पटक पटक भाडा दिन आग्रह गरे पनि विगत ४३ महिनादेखी भाडा दिनुभएको छैन् ।’’ पटक पटक भाडा मांग गरेपनि वहाँहरुले वास्ता नगर्दा घर खाली गराउन बाध्य भएको घरधनी साहको भनाई छ ।

यता जसपा पर्साका अध्यक्ष रामनरेश यादवले कोठाभाडा बाँकी रहेको स्वीकार्दै हामीले यही १४ गते नयाँ ठाउँमा पार्टी कार्यालय सार्न लागेकोले जेजति भाडा बाँकी छ सबै तिर्ने साहुलाई भनेको बताए् । तर घरधनीले आफूलाई त्यस्तो केही थाहा नभनिएको बताए ।

सुर्जाहामा आगलागी हुँदा ४ लाख बराबरकाे क्षति

0

वीरगंज । पर्साकाे पकहा मैनपुर गाउँपालिका वडा नं. २ सुर्जाहामा मंगलबार राती आगलागी भएकाे छ ।

स्थानिय रामरतन दास तात्वाकाे घर गाेठमा भएकाे आगलागीले फुसकाे घर पुर्ण रुपले जल्नुकाे साथै घरमा रहेकाे एक वटा भैंसी, दुई वटा पाडी जलेर मृत्यु भएकाे छ भने एक वटा भैंसी जलेर गम्भिर घाइते भएकाे प्रहरीले जनाएकाे छ ।

लामखुट्टे धपाउन बालिएकाे आगाे (घुर) बाट मंगलबार राती १२ बजेकाे करिबमा भएकाे आगलागीले ४ लाख मुल्य बराबरकाे क्षति भएकाे पिडितले जनाएका छन् ।

आगाे स्थानियबासीहरुकाे सहयाेगमा केही समयपछि नियन्त्रणमा आएकाे स्थानिय संदिप चाैहानले वताए ।

यसै बिच आगलागी स्थलमा पकहा मैनपुर गाउँपालिका अध्यक्ष बिजय चौरसिया पुगेर  आगलागीबाट भएकाे क्षती बारे जानकारी लिएका छन् । 

एकीकृत समाजवादीकाे कार्य विभाजनमा पर्साका ६ नेतालाई अवसर

0

वीरगंज । नेपाल कम्युनिष्ट पार्टी (एकीकृत समाजवादी)ले नेताहरुको कार्यविभाजन गरेको छ ।

पार्टीको असोज ५–७ मा केन्द्रीय कमिटीको प्रथम बैठक र २०७८ असोज २१ मा बसेकाे स्थायी कमिटीको सातौं बैठकले नेताहरुको कार्यभार र जिम्मेवारी विभाजन समेत टुङ्गो लगाएको हो । 

पार्टीले गरेकाे ३३५ नेताकाे कार्य विभाजनमा पर्साबाट ६ जना परेका छन् ।

जसअनुसार पर्साबाट पार्टीका केन्द्रिय सचिव नागेन्द्र चाैधरी वन तथा बाताबरण र स्वास्थ्य विभाग प्रमुखकाे जिम्मेवारी पाएका छन् ।

यस्तै, पर्साबाट पार्टीका पाेलिट ब्युराे सदस्य रामचन्द्र साहलाई पर्साका इन्चार्ज, पर्सा जिल्ला अध्यक्ष बालगाेपाल थापा केन्द्रिय सदस्य एवम् पर्सा जिल्ला सह इन्चार्ज र चिरन्जिवी अर्चाय केन्द्रिय सदस्य एवम् वीरगंज महानगर इन्चार्ज भएका छन् 

यस्तै, पर्सा कै पुष्पा कर्ण वैकल्पिक केन्द्रिय सदस्य एवम् राष्ट्रिय हित सुरक्षा प्रर्वधन विभाग प्रमुख, प्रदेश सदस्य किशाेरी कुशवाहा लेखा परिक्षण आयाेग सदस्यका जिम्मेवारी पाएका छन् ।

यस्तै, पर्साबाट ३ जना पार्टीकाे केन्द्रिय सल्लाहकार समितिमा समेत परेका छन् ।

अझै केही दिन भारी वर्षाको सम्भावना, तीन दिनको मौसम पूर्वानुमान यस्तो छ

0

काठमाडाैं । मुलुकका विभिन्न भागमा अझै केही दिन भारी वर्षाको सम्भावना रहेको जल तथा मौसम विज्ञान विभागले जनाएको छ । विभागको मौसम पूर्वानुमान शाखाले एक बुलेटिन सार्वजनिक गर्दै हाल बंगालको खाडी र मध्य भारतमा रहेका न्यून चापीय प्रणालीहरु र पश्चिमी वायु प्रणालीको संयुक्त प्रभाव नेपालमा रहेको उल्लेख गरेको छ ।

हाल देशको अधिकांश भू-भागमा सामान्य बदली भई हल्कादेखि मध्यम बर्षा भएको छ । प्रदेश नं. १ र सुदूरपश्चिम प्रदेशका केही स्थानमा भारी बर्षासमेत भएको छ । महाशाखाले मंगलबार दिउँसो देशभर सामान्यदेखि पूर्ण बदली भई विभिन्न ठाउँमा वर्षा हुने जनाएको छ । प्रदेश १, प्रदेश २, लुम्बिनी प्रदेश, कर्णाली प्रदेश र सुदूरपश्चिम प्रदेशका धेरै स्थानका साथै वाग्मती प्रदेश र गण्डकी प्रदेशका केही स्थानमा मेघगर्जन, चट्याङसहित हल्कादेखि मध्यम खालको वर्षाको सम्भावना रहेको बुलेटिनमा उल्लेख छ ।

उच्च पहाडी तथा हिमाली भूभागका केही स्थानमा हल्कादेखि मध्यम हिमपातको समेत सम्भावना रहेको महाशाखाले जनाएको छ । सुदूरपश्चिम प्रदेश र प्रदेश १ का केही स्थान र प्रदेश २, लुम्बिनी र कर्णाली प्रदेशका थोरै स्थान तथा वाग्मती प्रदेशका एकदुई स्थानमा भारी वर्षाको समेत सम्भावना रहेको जनाइएको छ ।

मंगलबार राति देशका धेरै स्थानहरूमा हल्का देखि मध्यम वर्षाको सम्भावना रहेको छ । देशका उच्च पहाडी तथा हिमाली भूभागहरुका थोरै स्थानहरुमा हल्का देखि मध्यम हिमपातको समेत सम्भावना छ । प्रदेश १ र लुम्विनी प्रदेशका थोरै स्थानहरु, वाग्मती प्रदेश, गण्डकी प्रदेश र सुदूरपश्चिम प्रदेशका एक-दुई स्थानमा मेघगर्जन/चट्याङसहित भारी वर्षाको समेत सम्भावना छ ।

बुधबार प्रदेश १, प्रदेश २, वाग्मती प्रदेश, गण्डकी प्रदेश र लुम्बिनी प्रदेशका धेरै स्थानका साथै बाँकी प्रदेशका थोरै स्थानहरुमा मेघगर्जन/चट्याङसहित हल्कादेखि मध्यम वर्षाको सम्भावना रहेको छ । देशका मध्य र पूर्वी उच्च पहाडी तथा हिमाली भूभागहरुका केहि स्थानहरुमा हल्कादेखि मध्यम हिमपात तथा पश्चिमी उच्च पहाडी तथा हिमाली भूभागहरुका हल्का हिमपातको समेत सम्भावना छ । प्रदेश १, प्रदेश २, वाग्मती प्रदेश, गण्डकी प्रदेशका थोरै र लुम्बिनी प्रदेशका एक दुई स्थानहरूमा भारी वर्षाको समेत सम्भावना रहेको छ।

बिहीबार प्रदेश न १, प्रदेश २, वाग्मती प्रदेश, गण्डकी प्रदेश र लुम्बिनी प्रदेशमा सामान्य वदली रही सुदूरपश्चिम प्रदेश र कर्णाली प्रदेशमा आंशिकदेखि सामान्य वदली रहनेछ । प्रदेश १, वाग्मती, गण्डकी र लुम्बिनी प्रदेशका केही स्थानमा साथै बाँकी प्रदेशका थोरै स्थानमा मेघगर्जन/चट्याङसहित हल्का वर्षाको सम्भावना रहेको महाशाखाले जनाएको छ ।

अबैध रुपमा भित्रीएको भारतीय गाडी पक्राउ

0

वीरगंज ।  अवैध रुपमा भित्रिएकाे एक भारतिय गाडी प्रहरीले नियन्त्रणमा लिएकाे छ ।

ईलाका प्रहरी कार्यालय पटेर्वा सुगौलीबाट खटी गएको टोलीले पटेर्वा सुगौली गाउँपालिकाकाे वडा नं.५ निचुटा सडकखण्डबाट BR05P 1181 नम्बरको भारतीय सुमो गोल्ड गाडी नियन्त्रणमा लिएकाे हाे ।

सूचना परिचालन तथा प्रहरी कारबाहीको सिलसिलामा भारतीय सुमो गोल्ड भन्सार छली नेपाल भित्र्याई पर्सा जिल्लाको ग्रामीण एरियाहरुमा अनाधिकृतरूपमा चलाइरहेको भन्ने प्राप्त सूचना अनुसार साेमबार खटिएकाे प्रहरीले निचुटा सडकको छेउमा बेवारिसे अवस्थामा फेला परेकाे गाडी नियन्त्रणमा लिएकाे जिल्ला प्रहरी कार्यालय पर्साले जनाएकाे छ ।

बेवारिसे अवस्थामा फेला परेकाे गाडी हक दावी गर्ने व्यक्ति खोजतलास गर्दा कोही कसैले हक दावी गर्न नआएको हुँदा उक्त गाडीलाई रू. १० लाख मूल्याङ्कन गरी आवश्यक कारवाहीको लागि मंगलबार वीरगञ्ज भन्सार कार्यालयमा बुझाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।

दुर्गा पुजाकाे अवसरमा नरहीमा मेला

0

वीरगंज । बाराकाे करैयामाई गाउँपालिका वडा न‌ं. ८ नरही बजारमा मेला लागेकाे छ । दुर्गा पुजाकाे अवसरमा एकदशी (शनिबार)देखी लागेकाे मेलाकाे उद्घाटन संघ सरकारकाे वन तथा बातावरण मन्त्री रामसहाय  यादवले गरेका थिए ।

पूर्वकालदेखी लाग्दै आएकाे मेला यस बर्ष पनि आयाेजना गरिएकाे वडाध्यक्ष सुरेन्द्र साह साेनारले वताए । काेराेना भाइरस संक्रमणका कारण दुई बर्ष लाग्न नसकेकाे मेला यस बर्ष लागेपछि भिडभाड बढेकाे उनले वताए ।

३ दिन सम्म लाग्ने मेलामा मनाेरंजनकाे लागि सांस्कृति कार्यक्रम अन्तर्गत नाच गान पनि हुँदै आएकाे छ । मेलास्थल मै दिन र रातिकाे समयमा हुँदै आएकाे नाच हेर्न सयाैं महिला र पुरुषहरुकाे उपस्थिती हुने गरेकाे वडाध्यक्ष साेनारले वताए ।

 मेलाकाे शान्ति सुरक्षाकाे दर्जनाैकाे संख्यामा नेपाल प्रहरी खटिएका छन् ।

चोरीको मोटरसाइकलसहित दुई जना पक्राउ

0

वीरगंज । पर्सा प्रहरीले चाेरीकाे माेटरसाइकलसहित दुई जनालाई पक्राउ गरेकाे छ । प्रहरीले बाराकाे कलैया उपमहानगरपालिका वडा नं. ३ निवासी २३ बर्षिय माेहम्द आशिक र साेही ठाउँ निवासी आनिष हवारीलाई पक्राउ गरेकाे हाे ।

मिति २०७८।०६।१३ गते राती ८:४५ बजे वीरगंज महानगरपालिकाकाे वडा नं.१५ चालिस फिट्टे सडक अगाडिबाट चाेरी भएकाे साेही ठाउँ निवासी रामलखन साहको ना. १९ प ६३५५ नम्बरको हिरो होण्डा स्प्लेण्डर मोटरसाइकलसहित दुबै जनालाई पक्राउ गरिएकाे जिल्ला प्रहरी कार्यालय पर्साले जनाएकाे छ ।

चोरी भएकोमा सूचना परिचालन तथा प्रहरी कारवाहीको सिलसिलामा उक्त माेटरसाइकल खोजतलास तथा अनुसन्धानको क्रममा प्रहरी चौकीबाट खटिएको टोलीले आइतबार सांझ ५:३० बजे उक्त मोटरसाईकलको नम्बर प्लेट परिवर्तन गरी ना.१७ प ८३१८ नम्बरको नम्बर प्लेट हाली दुबै जनाले चलाइरहेको अवस्थामा फेला परेकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।

वीरगंज महानगरपालिकाकाे वडा नं.१६ बसपार्कबाट माेटरसाइकलसहित दुबै जनालाई नियन्त्रणमा लिई चोरी सम्बन्धी कसूरमा अनुसन्धान अगाडि बढाइएको उनले वताए ।

साथै; मोटरसाइकल चोरीमा संलग्न व्यक्तिहरूले नक्कली साँचो बनाई सजिलैसंग मोटरसाइकल चोरी गर्ने गरेको पाइएकोले आ आफ्नो मोटरसाइकल डिस्क लक लगाउन र सुरक्षित स्थानमा पार्क गर्न समेत जिल्ला प्रहरी कार्यालय पर्साले आग्रह गरेकाे छ ।

हिन्दु स्वंयसेवक संघद्वारा वीरगंजमा प्राथमिक शिक्षा वर्ग आरम्भ

0

वीरगंज । हिन्दु स्वंयसेवक संघ नेपाल पर्साले वीरगंजमा सात दिने प्राथमिक शिक्षा वर्ग (प्रशिक्षण) कार्यक्रम आइतबारदेखि शुरु गरेको छ ।

वीरगंजकाे रानीघाटस्थित रेल्वे माध्यमिक विद्यालयको प्रारङ्गणमा शुरु गरिएको प्राथमिक शिक्षा वर्गको उद्घाटन संघका विभाग संघचालक अशोक बैद्यले विधिवत रुपमा गर्नुभएको थियो । प्रशिक्षण कार्यक्रमलाई उद्घाटन गर्दै संघचालक बैद्यले शिक्षाको साथ साथ व्यवहारिक, समाजिक र संस्कारिक शिक्षाको आवश्यकता औल्याउनु भयो ।

संगठन नै अनुशासन हो, संगठन नै विजय शक्ती हो, प्रशिक्षणमा सहभागि परिक्षार्थीहरुले अनुशासित र संगठित भएर अत्याधिक लाभ उहाँले शिक्षार्थीहरु संग आग्रह गर्नुभयो । । शिविरबाट प्राप्त ज्ञानले समाज र राष्ट्रको हितको लागि अनुशासित र संगठित भएर काम अगाडी बढाउँन उहाले सुझाव दिनुभयो ।

अहिले देशमा हिन्दु धर्ममाथि चौरर्फी रुपमा प्रहार गर्ने काम भईरहेको बताउँदै यसलाई निरुत्साहित गर्न हिन्दु समाज संगठित हुनुपर्ने बताउनु भयो । असोज ६ गतेसम्म संचालन हुने प्राथमिक शिक्षा वर्गमा पर्सा र बारा गरी ५४ जना सहभागि शिक्षार्थीहरु सहभागि छन । उनीहरुलाई मुख्य ६ जना प्रशिक्षकले शारिरीक विकास, बौद्धिक विकास, अनुशासन, संस्कार लगायतको विषयमा प्रशिक्षण दिईरहनु भएको छ ।

शिक्षा वर्गलाई १५ जनाको समूहले व्यवस्थापन मिलाएको छ । उद्घाटन कार्यक्रममा हिन्दु स्वंयसेवक संघ नेपालका राष्ट्र कार्यवाह मुर्ली निरौला, शिक्षा वर्गका वर्गाधिकारी सत्रुधन गिरी, संघका पर्सा जिल्ला संघचालक ललन द्विवेदी लगायतकाे सहभागिता रहेको थियो ।