Date
बिहि, मंसिर ३, २०८३
Thu, November 19, 2026
Home Blog Page 765

अमानविय ब्यवहार विरुद्ध वीरगंजमा प्रदर्शन

0

वीरगंज । खानेपानी तथा ढल व्यवस्थापन आयाेजना कार्यालय, जनकपुरका प्रमुख ई‍. राजेश कुशवाहामाथी भएकाे अमानवीय ब्यवहारकाे विरुद्धमा आइतबार वीरगंजमा इन्जिनियरहरुले प्रदर्शन गरेका छन् ।

इन्जिनियरहरुले वीरगंजकाे घण्टाघरमा जम्मा भई दाेषीलाई कारवाही गर, पिडितलाई न्याय देउ, सिके राउत मुर्दाबाद, सिके चाेर देश छाेड लगायतकाे नारा लगाउँदै नगर परिक्रमा गर्दै प्रदर्शन गरेका हुन् ।

जनकपुरमा सिके राउत नेतृत्वकाे जनमत पार्टीका कार्यकर्ताहरुद्वारा इन्जिनियर कुशवाहामाथी भएकाे अमानविय ब्यवहारकाे विरुद्धमा प्रदर्शन गरिएकाे नेपाल राष्ट्रिय इन्जिनियरिङ संगठन पर्साका अध्यक्ष ई. बन्टी चाैरसियाले वताए । उनले अमानविय ब्यवहार गर्ने दाेषीमाथी कारवाही गर्न माग समेत गरे ।

नेपाल इन्जिनियर्स एशाेसिएसन वीरगंजकाे आयाेजनामा भएकाे प्रदर्शन वीरगंजकाे घण्टाघरबाट सुरु भई महाईस्थान, महाविरस्थान, आदर्शनगर, घडिअर्वा हुँदै पुन: घण्टाघरमा पुगी सम्पन्न भएकाे इन्जिनियर रबि भुषण पटेलले जानकारी दिए ।

प्रदर्शनमा इन्जिनियरहरुले हाथमा कालाे पट्टी बाँधेर सहभागि भएका थिए ।

कण्डम दिवसकाे अवसरमा वीरगंजमा प्रभातफेरी

0

वीरगंज । २७ औं राष्ट्रिय कण्डम दिवस शनिबार वीरगंजमा मनाइएकाे छ । “दाेहाेराे सुरक्षाकाे लागि कण्डमकाे पहुँच बढाऔं” नाराकाे साथ दिवसकाे अवसरमा प्रभात फेरी निकालिएकाे थियाे ।

प्रभात फेरीका सहभागिहरुले कण्डमकाे सही प्रयाेग गराैं, एचआइभी एड्सबाट बचाैं, एचआइभीबाट बच्न निरन्तर तथा सही तरीकाले कण्डमकाे प्रयाेग गराै, दाेहाेराे सुरक्षाकाे लागि कण्डमकाे प्रयाेग गराैं लगायतका नारा लेखिएकाे प्ले कार्डसहित नगर परिक्रमा गरेका थिए । 

नेपाल रेडक्रस साेसाइटी पर्साकाे आयाेजना निस्केकाे प्रभात फेरीमा रेडक्रस पर्साका विर सम्सेर प्रसाद कुर्मी, राजन श्रीवास्तव, वीरगंज महानगरपालिकाकाे सुमन चन्द्र ठाकुर, बिन्दवासिनी हेल्थ पाेष्टका शिव हरि तिवारी, विजामका निरज साह, विजय प्रताप सिंह लगायतकाे सहभागिता रहेकाे थियाे ।

कलवार कल्याण समाज बाराकाे अधिबेशन सम्पन्न

0

कलैया । कलवार कल्याण समाज बाराकाे दाेस्राे जिल्ला अधिबेशन सम्पन्न भएकाे छ । कलैयास्थित साेना लाैजमा शनिबार भएकाे अधिबेशनकाे उद्घाटन कलवार कल्याण महासंघका केन्द्रिय अध्यक्ष कृष्ण गुप्ताले गरेका थिए ।

अधिबेशनकाे उद्घाटन गर्दै कार्यक्रमका प्रमुख अतिथी समेत रहेका अध्यक्ष गुप्ताले कलवार कल्याण समाजकाे भवन निर्माण सहयाेग गर्ने प्रतिबद्धता जनाए । उनले कलवार समाजकाे विकासकाे लागि एकताबद्ध हुन पनि आग्रह गरे । 

 कलवार कल्याण समाज बाराकाे अध्यक्ष नवलकिशाेर साहकाे अध्यक्षतामा भएकाे अधिबेशन उद्घाटन समाराेहमा कलवार कल्याण महासंघका केन्द्रिय उपाध्यक्ष हरिकृष्ण जयसवाल, महासचिव महेन्द्र प्रसाद चाैधरी, फेटा गाउँपालिका अध्यक्ष अमिरिलाल साह, कलैया उपमहानगरपालिकाका प्रमुख प्रशासकिय अधिकृत नथु साह, जिल्ला निर्वाचन कार्यालय बाराका प्रमुख सराेज चाैधरी, विधुत प्राधिकारण कार्यालय कलैयाका अधिकृत हर्देव गुप्ता,  घरेलु तथा साना उद्याेग कार्यालय बाराका उन्देव प्रसाद साह, जिनियस डान्स एकेडमीका एमडी अंकुश ब्याहुत लगायतकाले शुभकामना मन्तव्य राखेका थिए ।

कार्यक्रममा काेल्भी नगरपालिकाका सुचना अधिकारी संजिव गुप्ताले रु ५१ हजार, किशाेरी लाल प्रसाद साहले रु ५१ हजार, निरन्जन अग्रवाल ५ हजार एक सय र शम्भु प्रसाद साहले ५ हजार एक सय कलवार कल्याण समाजलाई सहयाेग गरेका थिए । 

अधिवेशनले कलवार कल्याण समाज बाराकाे नयाँ कार्य समित अध्यक्ष, उपाध्यक्ष र महासचिव बाहेककाे चयन गरेकाे छ । तर अध्यक्ष, उपाध्यक्ष र महासचिवमा सहमती जुटन नसकेपछि कार्तिक २७ गते फेरी अधिबेशन बाेलाइएकाे अधिबेशनमा सहभागि ओमप्रकाश गुप्ताले जानकारी दिए । 

नि:शुल्क स्वास्थ्य शिविर सम्पन्न

0

वीरगंज । पर्साकाे बहुदरमाई नगरपालिका वडा नं. ४ डोकैला बहुवरीमा शनिबार नि:शुल्क स्वास्थ्य शिविर सम्पन्न भएको छ।

परिवर्तन मेडिकल हाल डोकैल बहुवरी र आरोगय आयुर्वेदको सहयोगमा परिवर्तन मेडिकलको प्राङ्गणमा भएकाे शिविरमा २२० जनाले स्वास्थ्य परिक्षण गराएकाे स्थानिय बद्रीनाथ तिवारीले जानकारी दिए ।

शिविरमा विशेष गरी बवासिर,गरथिया, दमका रोगिहरूको उपचार गरिएको उनले जानकारी दिए ।

बिरामीहरुकाे स्वास्थ्य परिक्षण डाक्टर योगेश तिवारीले गरेका थिए भने शिविरमा नि:शुल्क औषधि समेत वितरण गरिएको आयोजक परिवर्तन मेडिकल हालका संचालक राकेश तिवारीले जानकारी दिए ।

जगरनाथपुरमा नेपाली कांग्रेसकाे पार्टी प्रबेश कार्यक्रम सम्पन्न

0

वीरगंज । पर्साकाे जगरनाथपुर गाउँपालिका वडा न‌ं. १ पाडेपुरमा नेपाली कांग्रेसकाे पार्टी प्रबेश कार्यक्रम सम्पन्न भएकाे छ ।

पर्सा निर्वाचन क्षेत्र नं. ४ (क) काे पार्टीका सभापति श्रीकान्त यादवकाे सभापतित्व र पार्टीका केन्द्रिय सदस्य रमेश रिजालकाे प्रमुख आतिथ्यतामा भएकाे कार्यक्रममा विभिन्न पार्टी परित्याग गरी दुई सय जनाले नेपाली कांग्रेसमा प्रबेश गरेका थिए ।

कार्यक्रममा जगरनागपुर गापा वडा नं. ३ का नसार गद्दी, बाबुनन्द गद्दी, नुरहसन हवारी, कलबान अन्सारी, रहीम मियाँ, इसमुल अंसारी, इन्तीयाज अन्सारी, सफीजुल अन्सारी, सहमद अन्सारी, रेयाज अहमद, सहीम अन्सारी, समुल्लाह अन्सारी, भरत साह तुरहा, सदाम मियाँ, अबदुल गद्दी, वडा नं. १ का समसुल अन्सारी, ललन पासवान, सुखाडी पासवान, रामायण राम, शेख इसराफिल, श्रीकिशुन पासवान, दिनेश पासवान लगायत दुई सय जनाले पार्ट प्रबेश गरेकाे नेपाली कांग्रेसका सराेज चाैरसियाले जानकारी दिए ।

नव प्रबेशीहरुलाई फुलकाे माला र अविरकाे टिका लगाएर कार्यक्रमका प्रमुख अतिथी नेपाली कांग्रेसका केन्द्रिय सदस्य रिजालले पार्टीमा स्वागत गरेका थिए ।

कार्यक्रममा प्रदेश सभा सदस्य शंकर चाैधरी, महासमिति सदस्य बशिष्ठ नारायण कुर्मी, बृहस्पती श्रेष्ठ, पार्टी पर्साका सचिव किशाेरी साह, क्षेत्रिय सभापति रमेश पाण्डे, महाधिबेशन प्रतिनिधि सहरुम राउत गद्दी, जिल्ला सदस्य नविन सिंह लगायतकाले शुभकामना मन्तव्य राखेका थिए  भने कार्यक्रमकाे संचालन क्षेत्रिय सचिव बलिष्टर अहमदले गरेका थिए ।

७ दिने प्राथमिक शिक्षा वर्ग सम्पन्न, हिन्दु धर्म र संस्कृतिको संरक्षण आवश्य : अध्यक्ष गुप्ता

0

वीरगंज । हिन्दु स्वयंसेवक संघ नेपाल पर्साले वीरगंजमा आयोजना गरेको ७ दिने प्रथामिक शिक्षा वर्ग शनिबार सम्पन्न भएकाे छ । वीरगन्जको घण्टाघरस्थित विपी उद्यान पार्कमा आयोजित समापन सामारोहका प्रमुख अतिथि वीरगंज उद्योग वाणिज्य संघका अध्यक्ष सुबोध गुप्ताले हिन्दु धर्म र संस्कृतिको संरक्षण गर्नुपर्नेमा जोड दिए ।

विश्वको एकमात्र हिन्दु धर्म नै हो, जसले कसैलाई क्षति पु¥याउँदैन तर हिन्दुलाई कसैले क्षति पु¥याउँन खोज्छ भने, आत्म संरक्षण गर्न पूर्व तयारी गर्नुपर्ने उनले बताए । विश्वकै पहिलो हिन्दुधर्मलाई पश्चिमी मुलुकहरुले अंगिकार गरीरहेका छन, यो हिन्दुत्वको लागि गर्व हो । तर हाम्रो देशमा केहि व्यक्तिहरु डलरमा आफनो धर्म बेच्ने काम गरीरहेका छन । यो देशको लागि शुभ संकेत होइन । हिन्दुत्वको संरक्षण हुन आवश्यक छ । हिन्दु स्वयंसेवक संघले हिन्दुत्व संरक्षणको लागि चालेको कदम सराहनीय रहेको बताउँदै उनले यसको लागि वीरगंज उद्योग वाणिज्य संघले मात्र नभई यहाँका निक्षि क्षेत्रले समेत सहयोग गर्न प्रतिबद्ध रहेको बताए ।

अध्यक्ष गुप्ताले हिन्दुत्वलाई कसरी अगाडी बढाउँन र हिन्दु समाजलाई कसरी जोड्न सकिन्छ त्यसको लागि आवश्यक पहल गर्न पनि हिन्दु स्वंयसेवक मार्फत उद्योग वाणिज्य संघ तयारी रहेको बताए । यो प्रशिक्षणले सहभागिहरुको मनोबल बढाएको छ । उनले हिन्दुत्वको लागि काम गर्ने उर्जापनि प्रदान गरेको बताउँदै आउँने दिनमा यो भन्दा दोब्बर संख्यामा प्रशिक्षण गर्न सुझाव समेत दिए ।

कार्यक्रममा हिन्दु स्वंयसेवक संघका राष्ट्रिय प्रचार प्रमुख डाक्टर दिपक अधिकारीले हिन्दु स्वंयसेवक संघ कुनै दलको राजनितिक गर्ने राजनितिक संगठन नरहेकाे स्पष्ट पारे । हिन्दु स्वयंसेवक संघको काम धार्मिक हुनसक्छ, उनले भने, ‘कुनैपनि राष्ट्र र समाजको कार्य भनेको अत्यन्तै पवित्र र उदार्त कार्य हो । जसले राष्ट्र र समाजको लागि पवित्र कार्य गर्छ त्यो संगठन धार्मिक हुन्छ ।’

हिन्दु स्वयंसेवक संघले देशभक्ती कार्य सिकाउँछ । श्वको जागरण नै देशभक्ती हो । अर्कालाई गाली गरेर राष्ट्रभक्ती देशभक्ती हुदैन । विदेशीले दिएको डलरले देशभक्ती खडा गर्न सक्दैन, उनले भने, ‘देशमा देशभक्ती खडा गर्न समाजको सदभावले संगठन चलाउँनु त्यो संगठन नै दिर्घकालिन चल्छ ।’ समाजलाई संगठति गर्ने काम हिन्दु स्वयंसेवक संघले गर्दछ । समर्थ राष्ट्र बनाउँन हिन्दुहरु संगठित समाज निर्माण गर्नै पर्छ । उनले भने, ‘जसरी शरीर भित्र आत्म हुन्छ र त्यसरी नै राष्ट्रको आत्मा नै हाम्रो संस्कृति नै हो । आत्मा विना न शरीर हुन्छ न त राष्ट्र नै ।’ 

एकसता संचालित प्राथमिक शिक्षा वर्गका सहभागि शिक्षार्थीहरुले समारोहमा आ—आफनो प्रतिभा समेत प्रर्दशन गरेका थिए । वर्गका वर्गाअधिकारी सत्रुधन गिरीको अध्यक्षतामा सम्पन्न समारोहमा जिल्ला संघ चालक ललन द्विवेदी, जनकपुर सम्भाग प्रचारक लक्ष्मण गिरी लगायत हिन्दु स्वयंसेवकहरुको सहभागिता रहेको थियो ।

यसअघि स्वंयसेवक संघले वीरगन्जमा भव्य रुपमा पथ संचालन समेत गरेको थियो । पूर्ण गणवेश, हातमा दण्ड र घोष पथसचालन निकालिएको थियो । विपि उद्यान पार्कबाट निकालिएको पथसंचालन मेनरोड हुँदै ओमआश्रम, रानीघाट, घडिअर्वा, कैलाशचोक, आर्दशनगर, माईस्थान, घण्टाघर हुँदै पार्कमा पुगि समारोहमा परिणत भएको थियो । चोक चोकमा स्थानिय उत्साहित हिन्दु समाज स्वंयसेवकहरुमाथि पुष्पबर्षा गरेर पथसंचालनलाई भव्य रुपमा स्वागत गरेका थिए ।

कर्मचारी संगठन पर्साकाे भवन कब्जा गर्ने प्रयास विफल

0

वीरगंज । नेपाल निजामती कर्मचारी संगठन पर्साकाे भवन कब्जा गर्ने र संगठन फुटाउने प्रयास विफल भएकाे छ ।

नेकपा एमाले निकट कर्मचारीहरुले वीरगंजस्थित जिल्ला समन्वय समिति पर्सा नजिक रहेकाे संगठनकाे भवन याेजनाबद्ध तरिकाले कब्जा गर्न शनिबार विहान पुगेका थिए । संगठनकाे भवन कब्जा गर्ने याेजना बारे निजामती कर्मचारी संगठनका पदाधिकारीहरु थाहा पाएपछि प्रतिकार गर्न उनीहरु समेत पुगेका थिए ।

एमाले निकटका कर्मचारीहरुले संगठनकाे भवनमा आफु निकट कर्मचारीहरुकाे भेला गर्ने बहानामा कब्जा गर्न खाेजे पनि संगठनका पदाधिकारी र कर्मचारीहरुले नदिएपछि उनीहरु त्यहाँबाट फर्केर वीरगंज घण्टाघर नजिक रहेकाे राेयल पार्टी प्यालेसमा पुगेर भेला गरेका थिए ।

संगठन कै एमाले निकटका केही कर्मचारीहरुले केही अराजक व्यक्तिकहरुकाे सहयाेगमा संगठनकाे भवन कब्जा गर्न र संगठन फुटाउन खाेजे पनि उनीहरुकाे प्रयास संगठनका कर्मचारीहरु विफल पारेकाे वताइएकाे छ । पर्सामा कर्मचारी संगठन एक ढिक्का भएपनि फुटाउन नेकपा एमाले निकट कर्मचारी संगठनका केन्द्रिय सह संयाेजक लेखनाथ काेइराला, नाैतम पाेखरेल लगायतका नेताहरु समेत वीरगंज पुगेका थिए ।    

संगठनकाे भवन कब्जा गर्न र संगठन फुटाउन प्रयासमा नेकपा एमाले पर्साका अध्यक्ष प्रभु हाजरा, प्रदेश सदस्य बसरुदिन अन्सारी, प्रधुमन चाैहान, वीरगंज महानगर सचिव सुन्दर कुर्मीकाे लगायतका नेताहरु समेत लागे पनि प्रयास विफल भएकाे संगठनसंग आवद्ध कर्मचारीहरुले वताएका छन् ।

संगठनकाे भवन एक बर्ष अगाडी मात्र नेपाल निजामती कर्मचारी संगठन पर्साका अध्यक्ष अमित गिरी, संगठनका नेता सुबादार यादवकाे सक्रियतामा निर्माण भएकाे थियाे । भवनकाे उद्घाट पूर्व प्रधानमन्त्री एवम् नेकपा एकीकृत समाजवादीका अध्यक्ष माधव नेपालले गरेका थिए ।

सबैठवामा एकीकृत समाजवादीकाे वडा कमिटी गठन

0

वीरगंज । पर्साकाे पकहामैनपुर गाउँपालिका वडा नं. ५ सबैठवामा नेकपा (एकीकृत समाजबादी)को वडा कमिटी गठन भएको छ । 

 सबैठवामा भएकाे एकीकृत समाजवादीकाे भेलाले सन्तोष कुमार चौरासीयाको अध्यक्षतामा ५१ सदस्यीय वार्ड कमिटी गठन गरेको हो । जसको उपाध्यक्षमा बन्का ठाकुर, खजान्ची ठाकुर, महेन्द्र महतो, सचिवमा साधु राम, सह सचीवमा मोहिचन राम, कोषाध्यक्षमा अनिल चौरासीया, सदस्यहरुमा क्रमश सहबोली पासवान, बिनोद पासवान, अरमुल्लाह अनसरी, महमजान मिया धुनिया, हफिज आलम लगायत रहेका छन् ।

एकीकृत समाजवादी पकहा मैनपुर गाउँपालिका कमिटीका अध्यक्ष मदन हजरा पासवानको अध्यक्षतामा भएकाे भेलामा जिल्ला कमिटी सदस्य हमिद मियाँ लगायतकाे बिशेष उपस्थिती रहेको थियो ।

वीरगंजमा “हरवाचरवा अधिकार मंच” गठन

0

वीरगंज । वीरगंज महानगरपालिका स्तरीय हरवाचरवा अधिकार मंच गठन भएको छ । रास्ट्रिय दलित नेटवर्क (RDN) नेपालद्वारा वीरगंज महानगरपालिकाकाे वडा नं. २७ मा आयोजित एक भेलाले जय प्रकाश माझीको अध्यक्षतामा ११ सदस्यीय वीरगंज हरवाचरवा अधिकार मंच गठन गरेको हो ।

मंचको उपाध्यक्षमा रिता देबि, सचीवमा राजकेश्वर पासवान, सह सचिवमा मुनि माझी, कोषाध्यक्षमा रामेश्वर पासवान, सदस्यहरुमा क्रमश शेरबहादुर पासवान, रहमत मियाँ, आशा देबि राम, गिरिजा देबि, उमापती माझी र भिखरी राम रहेका छन् ।

उमापती माझीको अध्यक्षतामा भएकाे भेलामा दलित अगुवा प्रभु पासवान, रास्ट्रिय दलित नेटवर्कका जनवकालत अधिकृत रुपनरायण पासवान, जिल्ला एक्टिभिस्ट बृजलाल पासवान, दलित अगुवा सुशील हजरा लगायतले लामो समयदेखि हरवाचरवा प्रथाका कारण समाजले भोगी रहेको पीडाको बारेमा सहभागिहरुलाई जानकारी गराएका थिए ।

“कृषि बधुवा श्रमकाे अन्त्य गराैं, समाजिक न्याय पूर्ण समाजकाे स्थापना गराैं” नाराका साथ हारवाचरवा अधिकारकाे लागि मंच गठन भएकाे हाे ।