Date
बिहि, मंसिर ३, २०८३
Thu, November 19, 2026
Home Blog Page 764

वीरगंजमा प्रथम रेडियो सान्भी म्युजिक अवार्ड आयोजना हुने

0

वीरगंज । पिसि मिडिया प्रा.लि.द्वारा सञ्चालित तथा वीरगञ्जबाट प्रसारित रेडियो सान्भीले यही कार्तिक २२ गते प्रथम रेडियो सान्भी म्युजिक अवार्ड २०७८ आयोजना गर्ने भएको छ ।

नेपाल पत्रकार महासंघको सभाकक्षमा पत्रकार सम्मेलनकाे आयोजना गर्दै रेडियो सान्भीले यही कार्तिक २२ गते प्रथम रेडियो सान्भी म्युजिक अवार्ड २०७८ आयोजना गर्ने जनाएको हो । गीत, संगीतको क्षेत्रमा भविष्य खोज्दै संघर्ष गरीरहेका स्थानीय कलाकारहरुलाई प्रोत्साहन गर्ने उदेश्यले रेडियो सान्भीले सान्भी म्युजिक अवार्ड कार्यक्रम गर्न लागेको कार्यक्रम संयोजक एंव रेडियो सान्भीका समाचार प्रमुख दिपक गौतमले पत्रकार सम्मेलनमा बताउनु भयो ।

पत्रकार सम्मेलनमा उपस्थित स्थानीय कलाकार अजमत अलिले यस्ता कार्यक्रम आयोजना गरिनुले सबै कलाप्रेमीहरुलाई उत्साहित बनाएको बताउँदै निरन्तरताको आग्रह समेत गर्नु भयो ।

त्यस्तैगरी स्थानीय क्षेत्रमा प्रसिद्ध कलाकार सुनिल पण्डितले अवार्ड कार्यक्रमले कलाकारहरुमा उर्जा थप्ने धारणा राख्नु भएको थियो ।

पत्रकार सम्मेलनमा चलचित्र पत्रकारसंघ पर्साले म्युजिक अवार्डमा प्राबिधिक सहयोग गर्ने भनी रेडियो सान्भीका बिच गरेको सम्झौता आदानप्रदान गरिएको थियो । रेडियो सान्भीका स्टेशन म्यानेजर सतेन्द्र यादव र चलचित्र पत्रकारसंघ पर्साकी अध्यक्ष निलिमा पौडेलले सम्झौतापत्रमा हस्ताक्षर गरी आदानप्रदान गर्नु भएको थियाे ।

स्थानीय स्तरका कलाकारहरुलाई हौसला र प्रोत्साहन गर्ने र यहाँको कलालाई देशैभर स्थापित गर्न सघाउने अभिप्रायले प्रथम रेडियो सान्भी म्युजिक अवार्ड २०७८ आयोजना गर्ने हामीले निर्णय गरेको रेडियो सान्भीका स्टेशन म्यानेजर सतेन्द्र यादवले बताउनुभयो ।

गीत, संगीतको क्षेत्रमा भविष्य खोज्दै संघर्ष गरीरहेका यहाँकै स्थानीय कलाकारहरुको प्रोत्साहन स्वरुप आयोजना गर्न लागिएको म्युजिक अवार्डले कला प्रतिभाको सम्मान हुने उहाँले बताउनुभयो ।

पत्रकार सम्मेलनको सहजीकरण सूर्य विश्वकर्माले गर्नुभएको थियो भने रेडियोसान्भीका कार्यक्रम संयोजक मुकलेश गद्दीले प्रथम रेडियो सान्भी म्युजिक अवार्ड २०७८ लाई सफल पार्नका लागि सबैलाई आ आफ्नाे क्षेत्रबाट सहयोग गर्न आग्रह गर्नु भएको थियो ।

सांगीतिक क्षेत्रमा सुनौलो भविष्य खोजीरहेका स्थानीय स्तरका कलाकारहरुको कामको मुल्यांकन गर्दै विभिन्न १० विधामा उत्कृष्ट कलाकारहरुलाई सम्मानित गरिने आयोजकले जनाएको छ ।

जसपा अगामी निर्वाचनमा देश कै ठूलाे पार्टी हुन्छ : सांसद यादव

0

वीरगंज । वीरगंज महानगरपालिकाकाे वडा नं. ११ मा जनता समाजवादी पार्टी (जसपा) काे पार्टी प्रवेश कार्यक्रम सोमबार सम्पन्न भएको छ ।

जसपा वडा ईकाइ कमिटीले आयोजना गरेको कार्यक्रममा नेपाल आदिवासी जनजाति पत्रकार महासंघका अध्यक्ष दिलीप प्रधानको नेतृत्वमा नेपाली कांग्रेस र नेकपा एमालेका सयौं कार्यकर्ताहरु जसपामा प्रवेश गरेका छन् । नेपाली कांग्रेस र नेकपा एमाले पार्टी परित्याग गरेर जसपामा प्रवेश गरेका नव प्रवेशी समाजिक अगुवा एवं कार्यकर्ताहरुलाई संघीय सांसद प्रदीप यादवले गमछा र अबिरकाे टिका लगाएर पार्टी स्वागत गरेका थिए ।

पार्टी प्रवेश कार्यक्रमलाई सम्बोधन गर्दै सांसद यादवले पर्साको निर्वाचन क्षेत्र नं-१ लगायत पर्सा जिल्लामा जसपा प्रति आम जनताको लहर बढ्दै गएको उनले बताए । अगामी निर्वाचनमा जसपा देश्मा ठुलो पार्टी हुनबाट कसैले रोक्न नसक्ने समेत सांसद यादवले दावी गरे ।

कार्यक्रमका प्रमुख अतिथी समेत रहेका सांसद यादवले शुभ दिपावली एवं छठ पर्वको अवसरमा पार्टीका नेता तथा कार्यकर्ता एवं उपस्थित सम्पुर्ण जनसमुदायमा सुख, शान्ति, सु-स्वास्थ्य तथा समृद्धि एवं उत्तरोत्तर प्रगतिकाे शुभकामना समेत व्यक्त गरेका थिए ।

जसपा वडा न. ११ का ईकाइ अध्यक्ष प्रशन महतोकाे अध्यक्षतामा भएकाे पार्टी प्रबेश तथा शुभकामना आदानप्रदान कार्यक्रममा प्रदेश सांसद जन्नत अंसारी, जसपाका वीरगंज महानगर अध्यक्ष ईश्वर चन्द्र यादव, पर्सागढी नगरपालिका वडा न .५ का अध्यक्ष अस्लम आलम, पर्सा निर्वाचन क्षेत्र नं-१ का संसदीय प्रतिनिधि घनश्याम गुप्ता, समाजवादी युवा संघ पर्साका अध्यक्ष गौरव वर्मा, समाजवादी विधार्थी युनियन पर्साका अध्यक्ष एजाज़ बाबु रांकी लगायतकाे उपस्थिती रहेको थियो ।

हिन्दु समसानघाट निर्माणमा रोक, ग्यासुदिनद्वारा मुद्दा दर्ता

0

रोशन गुप्ता /
जीतपुर । बाराकाे जीतपुरसिमरा उपमहानगरपालिका वडा नं. ७ जीतपुरमा पर्ने समसानघाटकाे जग्गाकाे विवाद बारे पटक पटक छलफल हुँदा पनि समस्या समाधान हुन सकेकाे छैन् ।

वडाध्यक्ष रामबाबु कलावरको रोहबरमा गत असार महिनामा  मुस्लिमहरुको हकमा पर्ने ७९ किता नंबरमा ७ कठ्ठा कायम रहेको तथा हिन्दुहरुको हकमा पर्ने ७८ किता नंम्बरमा ५ कठ्ठा कायम रहेको तथा दुवै कित्ताको विचमा १६ फिट बाटो रहने गरि नक्सा अनुसार कायम गरि किल्ला खुटा गाडी कायम गरिएको थियो ।

हिन्दु पक्षको हकमा रहेको जग्गामा इलेक्ट्रिक शव दाह गर्ने मेसिन राख्ने निर्णय गरिएको थियो भने मुस्लिमहरुको हकमा रहेको जग्गामा मुस्लिम कब्रिस्तान रहने निर्णय वडाध्यक्ष कलवार कै उपस्थितिमा गरिएको जानकारी हिन्दु समसानघाट संरक्षण समितिका अध्यक्ष राजा गिरीले दिए । तर सो निणर्य हाल मुस्लिम पक्षधरलाई मन्जुर नभई उच्च अदालतमा मुद्दा दिएका छन् ।

जामे मसजिद जीतपुरकाेतर्फबाट ग्यासुदिन अनसारीले उच्च अदालत जनकपुर अस्थायी ईजलास वीरगंजमा निषेधाज्ञा मुद्दा दिएका हुन् ।

हिन्दुहरुको भागमा परेकाे जग्गामा हिन्दु समुदायले नै प्रयाेग गर्दै आएपनि मुस्लिमहरुले कव्रिस्तानकाे रुपमा प्रयोग गर्दै आएको तथा हिन्दुहरुले त्यहाँ कुनै प्रकारको दाह संस्कार नगरेको भन्दै मुद्दामा उल्लेख गरेका छन् । तर नक्सामा भएको बाटोको बारेमा कुनै प्रकारको पुष्टि उच्च अदालतमा गरिएको मुद्दामा दुवै नक्साको विचमा भएको जग्गामा बाटोको बारे कुनै प्रकारको उल्लेख नगरिएको वताइकाे छ ।

हिन्दुहरुको हक भोगमा रहेकाे जग्गामा हिन्दुहरुले वर्षाैदेखि हिन्दु परमपरा अनुसार आकाश्मिक बालबालिकाको निधन भएको तथा कुनै कारणवस अचानक (अपुग उमेरमा) मृत्युभएका व्यक्तिहरुलाई माटोमा गाढी दाहसंस्कार गर्ने गरेको हिन्दु समसानघाट संरक्षण समितिका अध्यक्ष गिरीले बताए ।

कब्रिस्तानबाट शव नियन्त्रण प्रकरण : वडाध्यक्षसहित ३ जना विरुद्ध मुद्दा

0

वीरगंज । कब्रस्तानमा गाड्न लागेकाे अवस्थाबाट प्रहरीले नियन्त्रणमा लिएको युवतीको शवको पोष्टमार्टम रिपाेर्ट आएकाे छ । रिपाेर्टकाे अनुसार युवतीकाे मृत्यु झुन्डिएर भएकाे देखिएकाे छ ।

वीरगंज १३ मुर्लीस्थित कब्रस्तानमा गाड्न लागेकै अवस्थामा प्रहरीले युवतीकाे शव नियन्त्रणमा लिएर पोष्टमार्टम रिपोर्टकाे लागि काठमाडाैं पठाएकाे थियाे । प्रहरीले उक्त प्रकरणमा वीरगंजका एक वडाध्यक्ष र जगरनाथपुर गाँउपालिकाका अध्यक्षका छोरासहित ३ जना विरुद्ध मुद्धा दर्ता गरेको छ। 

प्रहरीले वीरगंज महानगरपालिकाकाे वडा नं. १३ का वडाध्यक्ष तुफान फारुक अन्सारी, जगरनाथपुर गाँउपालिकाका अध्यक्ष जालीम मियाँका जेठा छोरा नासिर मियाँ र मृतक बालिकाका बुवा समसुद्दिन अन्सारी विरुद्ध मुद्धा दर्ता गरेको हो । 

पोष्टमार्टममा झुण्डिएर मृत्यु भएको रिपोर्ट आए पनि पोस्टमार्टम नगराई शव गाड्न लागिएकोले घटनालाई प्रहरीले शंकास्पद नै मानेर ३ जना विरुद्ध मुद्धा दर्ता गरिएकाे जनाएकाे छ । झुण्ड्याएर मारेको पनि हुनसक्ने आशंका गर्दै घटना लुकाउने र प्रमाण दबाउने, नष्ट गर्ने प्रयास गरेको अभियोगमा प्रहरीले तीन जना विरुद्ध पर्सा जिल्ला अदालतमा मुद्दा दर्ता गरेको हो ।

तीनै जना विरुद्ध मलुकी अपराध संहितको दफा ९३ विरुद्धको कसुरमा मुद्धा दर्ता गरिएको पर्साका प्रहरी प्रवक्ता प्रहरी नायव उपरिक्षक ओम प्रकाश खनालले जानकारी दिए । 

पोष्टमार्टम रिपोर्टमा झुण्डिएरै मृत्यु भएको देखिएपनि घटना लुकाउने र प्रमाण दबाउन खोजिएकोले ३ जना विरुद्ध मुद्दा दर्ता गरिएको प्रहरी नायव उपरिक्षक खनालले बताए । 

शव कब्रिस्तान लैजानुभन्दा अगाडि गाँउपालिका अध्यक्षका जेठा छोराको नासिरको घरमा राखिएको, मृतक बालिकाका बुवालाई घटनाबारे जानकारी हुँदा पनि प्रहरीलाई खबर नगरेको र वीरगन्ज १३ मुर्लीस्थित कब्रस्तानबाट शव नियन्त्रणमा लिने बेला त्यहाका वडाध्यक्ष तुफान फारुक अन्सारीले अवरोध पुर्याएको आरोप प्रहरीले लगाएको छ।

मुद्धा दर्ता गरिएका ३ जना मध्ये मृतक बालिकाका बुबा समसुद्दिन मात्रै प्रहरी हिरासतमा छन् । वडा अध्यक्ष अन्सारी र गाँउपालिका अध्यक्ष जालीमका जेठा छोरा नसीर भने फरार रहेकाले उनीहरुको खोजी भइरहेको प्रहरी नायव उपरिक्षक खनालले बताए । 

वीरगन्ज १३ मुर्लीस्थित कब्रस्तानमा असोज २१ गते साँझ भारतको बिहार पश्चिमी चम्पारण जिल्लाको इनर्वा खमीया गाँउकी १४ वर्षीया बालिका जयुनत खातुनको शव गाड्दै गरेको अवस्थामा प्रहरीले नियन्त्रणमा लिएको थियो । शवको पोष्टमार्टम, वीरगंज मै नगरी प्रहरीले चिकित्सकको सिफारिसमा असोज २२ गते काठमाडौं पठाएको थियो । पोष्टमार्टम रिर्पोट काठमाडौंबाट आइतवार मात्रै आएको प्रहरी नायव उपरिक्षक खनालले बताए। 

असोज २१ गते कब्रस्तानबाट शव नियन्त्रणमा लिएकै दिन प्रहरीले घटनामा संलग्न रहेको आशंकामा जगरनाथपुर गाँउपालिकाका अध्यक्ष जालीम मियाका नाती, मृतक बालिकाका बुबा समसुद्दिन, आमा, भाइ र बहिनी गरि ५ जनालाइ नियन्त्रणमा लिएको थियो । ती मध्ये मुद्धा दर्ता गरिएका मृतक बालिकाका बुबा समसुद्दिनलाइ मात्रै हिरासतमा राखेर अरु ४ जनालाई सोमबार रिहा गरिएको प्रहरी नायव उपरिक्षक खनालले बताए ।

कसैले कुनै कसुरदारलाई बचाउने नियतले कसुर सम्बन्धी कुनै प्रमाण दबाउन, नष्ट गर्न वा त्यसलाई प्रमाणको रुपमा प्रयोग गर्न नसकिने गरी विगार्न नपाउने उल्लेख छ । त्यसो गरे वा गराएमा तीन वर्षसम्म कैद र ३० हजार रुपैयाँसम्म जरिबाना हुने कानूनी व्यवस्था छ।

अन्तर एफएम रेडियो व्याडमिन्टन प्रतियोगितामा आयाेजक नारायणी एफएम विजयी

0

वीरगंज । अन्तर एफएम रेडियो व्याडमिन्टन प्रतियोगिताको उपाधी आयोजक सामुदायिक रेडियो नारायणी एफएम १०३.८ मेगाहर्जले जितेको छ । नारायणी एफ.एमको १६ औं बार्षिक उत्सवको अवसरमा आयोजित प्रतियोगिताको उपाधी आयोजक नारायणी एफएमले नै जितेको हो ।

फाइनलमा रेडियो विन्दासलाइ २–० को सोझो सेटमा पराजित गर्दै नारायणी एफएमले उपाधी उचालेको हो । उपाधी विजेता नारायणी एफएमले पहिलो चरणमा आवाज एफएमलाई र सेमीफाइनलमा रेडियो सान्भीलाई पराजित गरेको थियो ।

यस्तै, प्रतियोगिताको उपविजेता रेडियो बिन्दास भएको छ । तेश्रो स्थान भने रेडियो सान्भीले हासील गरेको छ । तेश्रो स्थानका लागि भएको खेलमा रेडियो समग्र मधेसलाइ २–० को सोझो सेटमा पराजित गर्दै रेडियो सान्भी तेश्रो भएको हो ।

पर्सा जिल्लामा सन्चालित ८ वटा एफएम रेडियोहरु सहभागी प्रतियोगिताको विजेता, उपविजेता र तेश्रो भएका टिमलाई यहि कात्तिक १२ गते नारायणी एफएमको वार्षिक उत्सवका अवसरमा आयोजित विशेष समारोहमा पुरस्कार वितरण गरिने नारायणी एफ.एमका कार्यकारी अध्यक्ष गोविन्द देवकोटाले जानकारी दिए ।

यसअघि साेमबार बिहान जिल्ला खेलकुद विकास समिति पर्साको कभर्डहलमा आयोजना गरिएको प्रतियोगिताको उद्घाटन राष्ट्रिय खेलकुद परिषदका सदस्य मानदेव हजरा र नेपाल पत्रकार महासंघ प्रदेश २ का महासचिव श्याम बञ्जाराले संयुक्त रुपमा गरेका थिए ।

भारतबाट कारमा लागु औषधकाे तस्करी गर्ने दुई जना पक्राउ

0

वीरगंज । भारतबाट कारमा लागु औषधकाे तस्करी गर्ने दुई जनालाई वीरगंजबाट प्रहरीले पक्राउ गरेकाे छ ।

प्रहरी चाैकी गणेश टाेल र जिल्ला प्रहरी कार्यालयबाट खटिएकाे संयुक्त टाेलीले मकवानपुरकाे हेटौडा उपमहानगरपालिका वडा नं. ३ निवासी २६ बर्षिय सुमन न्याैपाने र  साेही ठाउँ निवासी २८ बर्षिय राेशन लामालाई पक्राउ गरेकाे हाे ।

सीमावर्ती भारतीय सहर रक्सौलबाट आउँदै गरेको बा ४ च १०२१ नम्बरको टाटा इण्डिका कारमा सवार दुबै जनालाई वीरगंज १६ स्थित बाइपास सडककाे जय माँ वैष्णवदेवी मन्दिर अगाडिबाट आइतबार राती ११:४५ बजे लागु औषधसहित पक्राउ गरिएकाे जिल्ला प्रहरी कार्यालय पर्साले जनाएकाे छ । 

रजतजयन्ती चोकबाट आउने गाडीहरू नियमित जाँच गर्ने क्रममा कारलाई रोकी जाँच गर्दा लागु औषध Wincirex 100 ml को २३७ बोत्तल र नाईट्राभेट ट्याब्लेट ६०० पिस कार्टुनमा प्याकिङ गरी सो गाडीको पछाडि सिटमुनी राखिएको अवस्थामा फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले वताए ।

उक्त लागु औषधसहित दुबै जनालाई नियन्त्रणमा लिई जिल्ला प्रहरी कार्यालयमा ल्याई लागु औषध सम्बन्धी कसूरमा अनुसन्धान अगाडि बढाइएको प्रवक्ता खनालले जानकारी दिए ।

भन्सार छलीकाे कस्मेटिक सामानसहित पिकअप पक्राउ

0
वीरगंज । प्रहरीले भन्सार छली गरी भारतबाट ल्याइएकाे कस्मेटिक सामानसहित पिकअप नियन्त्रणमा लिएकाे छ ।
 
जिल्ला प्रहरी कार्यालय पर्साबाट खटिएकाे टाेलीले बिआर ०५ जिबि २१६६ नम्बरकाे पिकअप र चालक भारत विहार रक्सौल वडा नं.१३ बस्ने वर्ष ४० को पुनदेव प्रसाद यादवलाई नियन्त्रणमा लिएकाे हाे ।
 
सूचना परिचालन तथा प्रहरी कारबाहीको सिलसिलामा बोलेरो पिकअप गाडीमा चुराको मात्र भन्सार कटाई अन्य विभिन्न किसिमका कस्मेटिकका सामानहरू भन्सार छली ल्याइरहेको सूचना प्राप्त भई खटिएको टोलीले मिति शनिबार सांझ ५:४५ बजे वीरगञ्ज महानगरपालिकाकाे वडा नं.७ स्थित रेल्वे सडकखण्डमा पिकअपलाई रोकी जाँच गर्ने क्रममा सूचना अनुरूप नै भन्सार छली गरी ल्याइएका विभिन्न कस्मेटिक सामानहरू फेला परेको प्रहरीले जनाएकाे छ ।
 
उक्त पिकअपमा रहेकाे सामानहरुकाे रू दश लाख मूल्याङ्कन गरी आवश्यक कारवाहीको लागि आइतबार राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय पर्साका प्रवक्ता प्रहरी नायत्ब उपरिक्षक ओमप्रकाश खनालले जानकारी दिए ।

बाल क्लब समन्वय संजाल पर्साकाे जिल्ला बाल भेला सम्पन्न

0

वीरगंज । जिल्ला बाल क्लक समन्वय संजाल पर्साकाे प्रथम जिल्ला बाल भेला आइतबार वीरगंजमा सम्पन्न भएकाे छ । जिल्ला समन्वय समिति पर्साकाे सभाहलमा भएकाे भेलाकाे प्रदेश नं. २ का महिला, बालबालीका, युवा तथा खेलकुद मन्त्री वीरेन्द्र सिंहले उद्घाटन गरेका थिए । 

भेलाकाे उद्घाटन गर्दै मन्त्री सिंहले बालबालिका गलत दिशामा गए भने देशको बिकास नहुने वताए । उनले आफ्नो दायित्व पूरा नगर्ने अरुमाथी दोष थुपार्ने परिपाट्टीकाे बिकास हुँदै गएकाे वताए ।

उनले भने “सात वटा प्रदेश मध्ये सबभन्दा गरिब र अशिक्षित प्रदेश नं. २ नै हाे । शिक्षा भए गरिबी आफै हटेर जान्छ । हाम्राे समुदाय कसरी शिक्षा प्रती आक्रशित हुन्छ त्यस तर्फ साेच्न जरुरी छ  । त्यस कै लागि स्थानीय देखि संघ सरकार सम्म लाग्नु पर्छ । प्रदेश सरकारले त्यसको खोजी गरिरहेको छ ।”

प्रदेशको गरिबी र अशिक्षा हटाउन प्रदेश सरकार लागि परेको मन्त्री सिंहले वताए । रुढीबादी परम्पराका कारण पनि गरिबी र अशिक्षा हटाउन समस्या भएको उनको भनाई थियो । साथै उनले भने “छोरा र छोरीमा मतभेद भएका कारण पनि हामी पछाडि परेका छाैं ।”

कार्यक्रमका प्रमुख अतिथी समेत रहेका मन्त्री सिंहले जोशिला युवाहरुको राजनीतिमा जरुरी रहेको वताए । अनुभवको कमिले प्रदेश सरकारलाई काम गर्न केही समस्या भएको समेत वताए । उनले नेतृत्वमा युवाको जरुरी रहेको धारणा राखे ।

जिल्ला बाल क्लब समन्वय संजाल पर्साका अध्यक्ष अर्जुन साहकाे अध्यक्षतामा भएकाे कार्यक्रममा वीरगंज महानगरपालिकाकी उप प्रमुख शान्ति कार्की, पटेर्वा सुगाैली गाउँपालिकाकी उपाध्यक्ष ममता चाैधरी, संरक्षण नेपालका अध्यक्ष बृजमोहन कुशवाहा, दिव्य युवा क्लबका अध्यक्ष देवनाथ ठाकुर, जिल्ला प्रहरी कार्यालय पर्साका प्रहरी निरिक्षक दिपेन्द्र श्रेष्ठ, पत्रकार शम्भु कुमार सुमन लगायतकाले मन्तव्य राखेका थिए ।

जिल्ला बाल क्लक समन्वय संजालकाे पूर्ण गठन

भेलाकाे बन्द सत्रले जिल्ला बाल क्लब समन्वय संजालकाे पूर्ण गठन गरेकाे छ । अर्जुन साहकाे अध्यक्षतामा ११ सदस्यीय समिति गठन गरेकाे हाे ।

जुन समितिकाे उपाध्यक्षमा मान्सी साह, सचिव नितु यादव, सह सचिव धर्मराज सहनी, काेषाध्यक्ष संदिप साह, सदस्यहरुमा सराेज पटेल, कमलेश साह, प्रिती मिश्रा, हरिओम यादव, प्रतिक्षा चाैधरी, आलाेक नारायण पटेल रहेका छन् ।