वीरगंज । बाराको प्रसौनी गाउँपालिका वडा नं. ६ बेलहियामा शनिबार लोकतान्त्रिक समाजवादी पार्टी (लाेसपा)को दीपावली र छठ पर्वको शुभकामना आदानप्रदान कार्यक्रम सम्पन्न भएको छ ।
कार्यक्रमका प्रमुख अतिथी लोसपाका नेता तथा पूर्व मन्त्री जितेन्द्र सोनलले शुभकामना दिदै मधेशको हक, अधिकार सुनिश्चित गर्ने एकमात्र पार्टी लोकतान्त्रिक समाजवादी पार्टी भएको बताए । उनले आफू र आफ्नो पार्टीले लामो समयदेखि मधेश र मधेशी जनताकाे हक, अधिकारको लडाई लडदै आएको र आफुहरुले अधिकार नपाएसम्म लडिरहने वताए ।
मन्त्री सोनलले अहिलेको गठबन्धनको सरकारले देशको लोकतन्त्रलाई धरापमा पारेको र यो सरकारले कुनैपनि निकास दिन नसक्ने आराेप लगाउँदै देशलाई निकास दिन निर्वाचनको विकल्प नरहेको बताए ।
उनले आफू मन्त्री हुँदा प्रदेश नं. २ को हरेक जिल्ला, क्षेत्र र पालिकहरुमा विकास भएको दाबी गरे । उनले नेपाली कांग्रेस, नेकपा माओवादी, नेकपा एमाले लगायतका पार्टीहरू मधेशी जनतासंग विश्वास घात गरेको र आउने निर्वाचनमा लोसपा देश कै नं. १ पार्टी बन्ने दाबी गरे ।
मन्त्री सोनलले आफूहरु आउने दिनहरुमा मधेशमा ठूला ठूला विश्वविद्यालय, खेल मैदान, रोजगारीको व्यवस्था लगायतका कार्यक्रमहरु ल्याएर जनताकाे जीवन स्तरलाई माथी उकास्ने उदघाेष गरे ।
कार्यक्रमका विशिष्ट अतिथि प्रतिनिधि सभा सदस्य रामएकबाल मियाँले केन्द्रदेखि लिएर प्रदेश र स्थानीय तहमा बिकाशको लहर ल्याउन एकमात्र पार्टी लोकतान्त्रिक समाजवादी पार्टी भएको वताए ।
गाउँपालिका अध्यक्ष भोला गुप्ताको अध्यक्षमा भएको कार्यक्रममा जिल्ला समन्वय समिति बाराका सभापती नवल किशोर सिंह, नेपाल बार एसोसिएसनका केन्द्रिय उपाध्यक्ष रामचन्द्र सिंह, लोकतान्त्रिक समाजवादी पार्टीका केन्द्रिय सदस्य पिंकी यादव, परवानीपुर गाउँपालिका प्रमुख हरिनारायण साह, पार्टीका नेता मदन प्रसाद साह, घनश्याम गिरी, सीताराम प्रसाद गुप्ता, फिरोज आलम लगायतले शुभकमना मन्तव्य राखेका थिए भने कार्यक्रममा स्वागत मन्तव्य प्रसौनी गाउँपालिकाकी उपप्रमुख गिता साहले राखेकी थिइन ।






जिल्ला समन्वय समिति पर्साकाे सभाहलमा भएकाे सम्मान कार्यक्रमकाे उद्घाटन रुङ्टा वेलफेरका काेषाध्यक्ष सुरेश रुङ्टाले गरेका थिए । कार्यक्रमलाई सम्बाेधन गर्दै काेषाध्यक्ष रुङ्टाले काेराेनाकालमा हन्ड्रेडस ग्रुपले गरेकाे कार्यकाे प्रशंसा गर्दै अगामी दिनमा पनि सहयाेग गर्ने प्रतिबद्धता जनाए ।
संस्थाका अध्यक्ष विनय गिरीकाे अध्यक्षतामा भएकाे कार्यक्रममा समाजिक अभियान्ता प्रकाश थारु, साउथ जाेन स्कुलका प्रिन्सपल सराेज प्रसाद चाैधरी, ग्रिन सिटी आदर्शनगरका अध्यक्ष जय प्रकाश खेतना, युवा नेता राकेश यादव, सानाेपाइलाका जय साह लगायतकाले शुभकामना मन्तव्य राखेका थिए ।






निजमती कर्मचारी संगठन पर्साका अध्यक्ष अमित कुमार गिरिको अध्यक्षतामा भएको कार्यक्रममा कर्मचारी युनियन संघका केन्द्रिय सदस्य अजलाल कर्ण, पुर्व केन्द्रिय स्दस्य विजय गुप्ता, आधिकारिक ट्रेड युनियन पर्साका कोषाध्यक्ष ध्रुव प्रसाद चौरसिया, जिल्ला निर्वाचन कार्यालय बाराका प्रमुख निर्वाचन अधिकारी सरोज चौधरी, पटेर्वा सुगौली गाउँपालिका प्रमुख प्रशासकिय अधिकृत संदेश यादव, जिराभवानी गाउँपालिकाका प्रमुख प्रशासकिय अधिकृत प्राण मेहता, नेपाल राष्ट्रिय कर्मचारी संगठनका सुभाष गुप्ता लगायतकाले शुभकामना मन्तव्य राखेका थिए ।
जिल्ला समन्वय समिती पर्सा नजिक रहेको कर्मचारी संगठनकाे भवनमा भएको कार्यक्रममा भ्रखर सकेको वडा दशै, बकरिद र आउन लागेकाे तिहार र छठ पर्वको शुभकामना आदनप्रदान गरिएको थियो ।