वीरगंज । बहुजन समाज पार्टी नेपालको केन्द्रीय समिती गठन भएको छ । पर्सामा जारी दुई दिने अधिवेशनबाट १५ सदस्यीय केन्द्रीय कमिटी गठन भएको पर्सा जिल्ला समितिका अध्यक्ष सन्तोष रामले जानकारी दिए ।
पुर्व अध्यक्ष गंगा प्रसाद महराको अध्यक्षतामा भएको अधिवेशनले पुजन रामलाई राष्ट्रिय अध्यक्ष चयन गरेको छ । कार्तिक १२ र १३ गते सम्पन्न अधिवेशनले सुनसरीकी दुर्गा देवी रामलाई उपाध्यक्ष पदमा चयन गरेको छ ।
त्यस्तै, पार्टीकाे सचिवमा विश्वेश्वर सदा चयन भएका छन् भने कोषाध्यक्षमा सप्तरीका अमरलाल राम चयन भएको पर्सा अध्यक्ष संतोष रामले बताए ।
चैत्त-वैशाखमा सम्भवत: तिनै चुनाव हुने आंकलन गरिएको छ । चुनाव भए तिनै तहमा पार्टीले उम्मेदवारी दिने पुर्व पार्टी अध्यक्ष गंगा प्रसाद महराले बताए । साथै एक वर्श भित्र सातै प्रदेशमा पार्टी विस्तार गर्ने लक्ष्य रहेको उनले वताए ।
