[real3dflipbook id=”217″]
वीरगंजमा ई–रिक्साहरु व्यवस्थित नहुँदा दिनहुँ ट्राफिक जामको समस्या
वीरगंज । वीरगंजमा संचालित ई–रिक्साहरुको व्यवस्थापन हुन नसक्दा वीरगंजबासी सधैं ट्राफिक जामको समस्या झेल्नु परेको छ । जथाभावी ई–रिक्सा पार्किङ्ग, रोडमै रोकी सवारी ओलार्ने, चढाउने गर्नाले वीरगंज महानगर अस्तव्यस्त हुनुका साथैं दिनहुँ जामको समस्या झेल्नु परेको छ ।
ई–रिक्सा संचालनको लागि कुनै किसिमको मापदण्ड पनि बन्न नसकेकोले युवादेखि वृद्धवृद्धा तथा साना साना बालकहरुले पनि ई–रिक्सा चलाउने गरेको छन् । जसको परिणाम वीरगंज बजारमा दिनहुँ ट्राफिक जामको समस्या हुने गरेको छ । सानो उमेरका युवाहरु पनि लाइसेन्स विना ई–रिक्सा चलाई रहेकोले सवारी जामको समस्यादेखि दुर्घटनाको समस्यालाई नित्म्याइ रहेको छ ।
केही दिनदेखि मुख्य सडकमा ट्राफिक जामको समस्यालाई न्यूनीकरण गर्नका लागि ई–रिक्साहरुलाई डाइभर्ट गरिएको छ तर त्यसले मुख्य सडकमा नभई नगरको गल्ली गल्लीमा दिनहुँ जामको समस्या उत्पन्न हुने गरेको छ । घण्टाघरदेखि दक्षिणतर्फ जाने ई–रिक्साहरुलाई मिनाबजार, कुम्हालटोल हुँदै वीर्तासम्म पुग्नको लागि डाइभर्ट गरिएको छ भने वीर्तादेखि उत्तर घण्टाघर तर्फ आउने ई–रिक्साहरुलाई अलखियामठ, कैलाशचोक हुँदै घडिअर्वा गीता मन्दिरदेखि डाइभर्ट गरेर सिधै पानगल्ली हुँदै घण्टाघरसम्म पुग्नको लागि डाइभर्ट गरिएको छ ।
मुख्य सडकबाट डाइभर्ट गरेर महानगरको गल्ली हुँदै ई–रिक्साहरुलाई डाइभर्ट गरिएको छ तर त्यो व्यवस्थित नहुँदा मुख्य सडकमा नभई अब दिनहुँ गल्ली गल्लीमा जाम लाग्ने गरेको छ । वीरगंज महानगरलाई ई–रिक्साले अस्त व्यस्त बनाएको चौतर्फि रुपमा दबाब आउन थालेपछि विगत दुई वर्ष अघि लाइसेन्स विनाको ई–रिक्सा चलाउनेलाई कारवाहीको प्रक्रिया अगाडि बढाइएको थियो तर त्यो कार्यान्वय हुन नसक्दा अहिले पुनः वीरगंजमा ई–रिक्साहरुको विगविगी भएको छ ।
नेपाल सरकारले मुलुकलाई प्रदूषणमुक्त बनाउनका लागि ई–रिक्सा भित्र्याएको थियो तर जथाभावी रुपमा वीरगंजमा क्षमताभन्दा बढि ई–रिक्साहरु संचालनमा आएपछि अहिले महानगरको कुना कप्चामा पनि ट्राफिक जाम लाग्ने गरेको छ । जुन अहिले ट्राफिक प्रहरीहरुलाई व्यवस्थित गर्न धौ धौ परि रहेको छ ।
वीरगंजमा ई–रिक्सा भित्र्याउने अवस्थामा वीमनपा र यातायात व्यवस्था कार्यालय एवं जिल्ला ट्राफिक प्रहरी कार्यालयसँग महानगरमा ३ सय र थप १ सय ५० गरि ४ सय ५० ई-रिक्सा भित्र्याउने सहमति भएको थियो । तर विस्तारै विस्तारै मादपण्ड नभएको मौका छोप्दै अहिले वीरगंज महानगरमा ५ हजार भन्दा बढिको हाराहारीमा ई–रिक्साहरु संचालनमा छन् ।
वीरगंज महानगरपालिका कार्यालयमा ३ सय ३९ वटा ई-रिक्साहरु मात्रै दर्ता भएका छन् भने ९० प्रतिशत भन्दा बढि ई–रिक्साहरु मापदण्ड विपरित संचालनमा छन् । यातायात व्यवस्था कार्यालयले ई–रिक्सा चालकको लाइसेन्स लिनको लागि विगतमा २ पटक फारम खोलेतापनि चालकहरु अटेर गरि लाइसेन्सको फारम समेत भर्दैनन् ।
यातायात कार्यालयबाट अहिलेसम्म १ सय देखि १५० जनाले मात्रै लाइसेन्स प्राप्त गरेका छन् । विगत लामो समयदेखि ई–रिक्सालाई मापदण्ड भित्र ल्याउने महानगरपालिकाले प्रयास गरेपनि त्यो कार्यान्वयन हुन सकेको छैन । महानगरपालिकाले वीरगंजमा संचालित ई–रिक्साहरुलाई मापदण्ड भित्र ल्याउनका लागि १० वटा रुट निर्धारण गरिएको छ । तर धेरै जसाेले त्याे रुटकाे पालना समेत गरेकाे पाइदैन् ।
अर्कोतर्फ दररेट कायम गर्नका लागि ई–रिक्सा संचालक समितिका पदाधिकारीहरुसँग दररेट माग गरिएकोमा हालसम्म कसैले ल्याएर नदिएको महानगरपालिकाको भनाई छ । रुट कायम भएपनि कार्यान्वयन हुन नसक्नु र दररेट कायम हुन नसकेको कारण ई–रिक्सा चालकहरुले उपभोक्तासँग मनोमानी रुपमा भाडा असुली रहेका छन् ।
वीरगंज बजारमा मात्रै आवत जावत गर्नका लागि उपभोक्तासँगै कसैले २० रुपैया लिने गरेको छ भने कसैले २५, ३० रुपैयासम्म लिने गरेका छन् । महानगरपालिको ई–रिक्सा व्यवस्थापनको लागि मापदण्ड बनाउन कुनै गृहकार्य नै गर्न सकेको छैन ।
पोखरियामा नि:शुल्क अँखा शिविर सम्पन्न
तरुण दलको स्थापना दिवशमा वीरगंजमा दीप प्रज्वलन
विश्वविद्यालय सम्बन्धी अध्यादेश छिटै पारित हुन्छ : मुख्यमन्त्री राउत
वीरगंज । प्रदेश नम्बर २ का मुख्यमन्त्री लालबाबु राउतले प्रदेश सरकारको लोकप्रिय कार्यक्रम साइकल वितरणमा विरोधीहरुको आँखा लागेको टिप्पणी गर्नुभएको छ ।
पर्साको विन्दवासिनी गाउँपालिकामा जनता समाजवादी पार्टी (जसपा) ले दिपावली तथा छठ पर्वको अवसरमा आयोजना गरेको शुभकामना आदानप्रदान कार्यक्रमलाई सम्बोधन गर्दै मुख्यमन्त्री राउतले “बेटी पढाउ, बेटी बचाउ” कार्यक्रम लोकप्रिय भएका कारण विरोधीहरुले भ्रम फैलाएको आरोप लगाए । उनले उक्त भ्रममा नपर्न पनि जनताहरुलाई आग्रह समेत गरे ।
साथै मुख्यमन्त्री राउतले मंगलवार मात्रै सिफारिस गरिएको वीरगंज प्राविधिक विश्वविद्यालय स्थापना सम्बन्धी अध्यादेश छिटै पारित गरेर विश्वविद्यालय निर्माणको काम थालनी गर्ने प्रतिबद्धता पनि जनाए । संघियता आउनुपूर्व देशको अवस्था र संघियतापश्चातको अवस्थालाई तुलना गर्ने हो भने संघियताको देन स्पष्ट हुने राउतको भनाई थियाे ।
जसपाका नेता एवम् पर्सा क्षेत्र नम्बर ३ बाट निर्वाचित निलम्बित सांसद हरिनारायण रौनियारले शिक्षा, स्वास्थ्य जस्ता आधारभुत आवश्यक्ताहरुको विकासमा सरकार गम्भिर रहेको बताए । उनले क्षेत्र नम्बर ३ मा पनि उल्लेख्य विकास निर्माणका कामहरु भएको जिकिर गर्दै क्षेत्र नम्बर ३ उद्योगी व्यवसायीहरुको नजरमा परेको धारणा राखे ।
उद्योग कलकारखानाहरु प्नि खुल्ने क्रम बढ्दै गएको उल्लेख गर्दै नेता रौनियारले रोजगारका अवसरहरु पनि सृजना हुने बताए ।
जसपा क्षेत्र नम्बर ३ का अध्यक्ष नागेन्द्र प्रसाद यादवको अध्यक्षतामा भएको कार्यक्रममा प्रदेश सभा सदस्य अब्दुल रहिम अन्सारी, करिमा बेगम, जन्नत अन्सारी, सिँगासन साह कलवार, वीरगञ्ज महानगरपालिकाका मेयर विजय कुमार सरावगी, सखुवा प्रसाैनी गाउँपालिकाका अध्यक्ष प्रदिप जयसवाल, पकहा मैनपुर गाउँपालिका अध्यक्ष बिजय चाैरसिया, विन्दवासिनी गाउँपालिका अध्यक्ष श्रीलाल साह कानु, जसपा पर्साका अध्यक्ष रामनरेश यादव, सचिव तबरेज अहमद, प्रदेश समिति सदस्य गौरीशंकर साह लगायतकाले शुभकामना मन्तव्य राखेका थिए ।
पाेखरिया नगरपालिकाकी उप मेयर सलमा खातुनले स्वागत मन्तव्य राखेकी कार्यक्रमकाे सहजिकरण संघिय शिक्षक फोरम विन्दासिनी गाउाँलिकाका अध्यक्ष मुकलेश गद्दीले गरेका थिए ।
कट्रिना–विक्की अर्को महिना विवाह गर्दै ?
बलिउड अभिनेत्री कट्रिना कैफ र अभिनेता विक्की कौशलको सम्बन्धको खबर त धेरैजसो चर्चामा आइरहन्छ तर यी दुईले आफूहरु सम्बन्धमा रहेको खबर कहिल्यै स्वीकार गरेनन् । भारतीय सञ्चार माध्यम टाइम्स अफ इन्डियाका अनुसार कट्रिना र विक्कीको घरमा छिट्टै विवाहको बाजा बज्दैछ ।
टाइम्स अफ इन्डियाको रिपोर्ट अनुसार कट्रिना र विक्कीले आफ्नो विवाहको तयारी पनि सुरु गरिसकेका छन् । स्रोतले बताएको छ, ‘कट्रिना र विक्कीको विवाहको पहिरन चर्चित फेसन डिजाइनर सब्यासाचीले डिजाइन गरिरहेका छन् । उनी हाल पहिरनका लागि कपडा छानिरहेका छन् ।’
स्रोतले थपेको छ, ‘कट्रिनाले र सिल्क फेब्रिक छानेकी छिन् । कट्रिना र विक्कीको विवाह नोभेम्बर र डिसेम्बरमा हुनेछ । आफ्नो विवाहमा नायिकाले लेहेङ्गा लगाउनेछिन् ।’
स्मरण रहोस्, विवाहको खबर सार्वजनिक हुनु केही समयअघि कट्रिना र विक्कीको ‘रोका सेरेमनी’ ले असाध्यै चर्चा बटुलेको थियो । रिपोर्टका अनुसार यी दुईले गोप्य रुपमा विवाह गरेका छन् ।
विक्की र कट्रिनालाई धेरैजसो सँगै देखिन्छ । हालै यी दुईलाईै विक्की कौशलको फिल्म सरदार उधमको स्क्रिनिङमा देखिएको थियो ।
अब सामाजिक क्रान्तिमा लागाैं : नेता रिजाल
वीरगंज । पर्साकाे छिपहरमाई गाउँपालिका वडा नं. ५ भिस्वामा नेपाली कांग्रेसकाे शुभकामना आदानप्रदान कार्यक्रम सम्पन्न भएकाे छ । वडा समितिकाे आयाेजनामा भएकाे दिपावली तथा छठ पर्वकाे शुभकामना आदनप्रदान कार्यक्रम सम्पन्न भएकाे हाे ।
कार्यक्रमलाई सम्बाेधन गर्दे नेपाली कांग्रेसका केन्द्रिय सदस्य रमेश रिजाले निर्वाचनकाे तयारीमा लाग्न नेता तथा कार्यकर्ताहरुलाई निर्देशन दिए । उनले अब चाँडै स्थानिय वा संघ, प्रदेशकाे निर्वाचन हुन सक्ने वताउँदै निर्वाचनकाे तयारी लाग्न आग्रह गरे ।
उनले मुलुकमा समाजिक क्रान्तिकाे आवश्यकता समेत औल्याए । समाजमा रहेकाे कुरुती हटाउन समाजिक क्रान्तिकाे आवश्यकता रहेकाे बताउँदै नेता रिजालले देशमा जुन सुके संकटकाे सामाधान कांग्रेसले नै गरेकाे दाबी गर्दै नेपाली कांग्रेसकाे विकल्प नरहेकाे वताए ।
कार्यक्रमका प्रमुख अतिथी समेत रहेका नेता रिजालले जनताकाे सेवा गर्न कांग्रेसकाे धर्म भएकाे वताए । चुनावमा हार जित जे भए पनि निस्वार्थ भावनाले गरिब जनताकाे सेवा लाग्न उनले नेता तथा कार्यकर्ताहरुलाई आग्रह समेत गरे ।
साथै निर्वाचित जनप्रतिनिधिले गरेकाे गलत कामकाे जनता माझ लग्नुकाे साथै त्यस्ता जनप्रतिनिधिलाई जनता माझ नंग्याउनु समेत आग्रह गरे ।
कार्यक्रममा नेपाली कांग्रेस पर्साका जिल्ला सचिव किशोरी साह, क्षेत्रिय सभापति रमेश पाण्डे, जिल्ला सदस्य नवीन सिंह, क्षेत्रिय सचिव श्रीकान्त यादव, बलिष्टर अहमद, श्याम पटेल, रामेश्वर महतो लगायतकाे सहभागिता रहेकाे थियाे ।
रिक्त स्थानहरुमा उपचुनाव गराउन प्रभु साहकाे माग













