Date
बिहि, मंसिर ३, २०८३
Thu, November 19, 2026
Home Blog Page 761

टिभी वीरगंजको अत्याधुनिक नयाँ स्टुडियोको उद्घाटन

0

वीरगंज । धनतेरसको अवसर पारेर मंगलबार एक कार्यक्रमका विच रेडियो वीरगंज परिसरभित्र निर्मित टिभी वीरगंजको अत्याधुनिक नयाँ स्टुडियोको उद्घाटन गरिएको छ ।

टिभी वीरगंज एवं रेडियो वीरगंजका कार्यकारी अध्यक्ष ध्रुव साहले मंगलबार साँझ टिभी बीरगंजको नवनिर्मित स्टुडियोको उद्घाटन गर्नु भएको हो । रेडियो वीरगंज परिसर भित्र निर्माण गरिएको नयाँ स्टुडियोबाट उद्घाटन पश्चात नियमित रुपमा कार्यक्रमहरु प्रशारण गरिएको छ ।

यस अघि टिभी बीरगंज स्टुडियो रेडियो वीरगंजकै भवनमा रहेकोमा आजबाट रेडियो परिसर भित्रै छुट्टै भवन निर्माण गरी स्टुडियो स्थापना गरिएको र सो स्टुडियो उद्घाटन पश्चात नियमित प्रशारण समेत शुरु गरिएको टिभी बीरगंजका प्राविधिक प्रमुख दिपक कुशवाहाले जानकारी दिए ।

साे अवसरमा रेडियाे वीरगंजका समाचार प्रमुख ध्रुव अधिकारी, उजवल घिमिरे, निलिमा पाैडेल, आरके पटेल, नेपाल पाेष्ट डेलीका सम्पादक मनाेज पटेल, भाेजपुरी टाईम्स दैनिकका प्रकाशक अजय चाैरसिया, कालिका टाईम्सका सम्पादक शम्भु कुमार सुमन लगायतका संचारकर्मीहरुको उपस्थिती रहेको थियो ।

अजिज मियाँ माविले बाँडयाे छात्र/छात्राहरुलाई काेट र पाइन्ट

0

वीरगंज । पर्साकाे धाेबिनी गाउँपालिका वडा नं. ५ मा रहेकाे श्री अजिज मियाँ माध्यमिक विद्यालय धाेविनीले कक्षा ११ का छात्र/छात्राहरुलाई पाेशाक वितरण गरेकाे छ ।

विद्यालयले एक कार्यक्रमकाे आयाेजना गरी छात्र/छात्राहरुलाई निशुल्क काेट, पाइन्ट, स्वर्ट र टाई वितरण गरेकाे हाे ।गाउँपालिकाकाे वडा नं. ५ काे वडा स्तरिय याेजनाबाट विद्यार्थीहरुलाई पाेशाक वितरण गरिएकाे विद्यालयका प्रधानाध्यापक जितेन्द्र रामले वताए ।

यस्तै, विद्यालयमा अध्ययनरत अन्य सम्पूर्ण विद्यार्थीहरुलाई चिसाेकाे लागि न्यानाे कपडा (स्वइटर) वितरण गरिएकाे विद्यालयका प्रधानाध्यापक रामले जानकारी दिए ।

कार्यक्रममा पाेशाक वितरण गर्दै प्रमुख प्रशासकिय अधिकृत राजु साहले ईक्षा शक्ति भए गाउँमै गुण स्तरिय शिक्षा सम्भव भएकाे वताए । विद्यालयकाे व्यवस्थापन देखे पछि प्रशंसा गर्दै उनले स्तरियताकाे लागि इच्छा शक्ति हुनु पर्ने वताए ।

प्रधानाध्यापक रामकाे अध्यक्षता र वडाध्यक्ष मनाैवर अहमदकाे प्रमुख आतिथ्यतामा भएकाे कार्यक्रममा नेपाल शिक्षक महासंघ धाेबिनीका अध्यक्ष महम्मद आरिफ अन्सारी, विद्यालयका शिक्षक र शिक्षिकाहरुकाे उपस्थिती रहेकाे थियाे । कार्यक्रमकाे संचालन शिक्षक गाेबिन्द कुमार पटेलले गरेका थिए ।

आन्दोलन निर्माण सम्बन्धि तीन दिने तालिम प्रारम्भ

0
वीरगंज । “हरवाचरवा मुक्तिको घोषणा गरौ, समाजिक न्यायपुर्ण श्रम सम्बन्ध कायम राखौ” भन्ने मुल नाराका साथ रास्ट्रिय हरवाचरवा अधिकार मंचका पदाधिकारी र सदस्यहरुका लागि नेतृत्व बिकास र आन्दोलन निर्माण सम्बन्धि तीन दिने तालिम प्रारम्भ भएको छ ।
 
रास्ट्रिय दलित नेटवोर्कको आयोजना द फ्रीडम फन्डको सहयोग र रास्ट्रिय हरवाचरवा अधिकार मंचको समन्वयमा महोतरीको लालगढमा आयोजित तालीमको उद्घाटन गर्दै रास्ट्रिय दलित नेटवर्कका अध्यक्ष गणेश बिकले पुस्तौपुस्ता देखि पीडित रहेको हरवा चरवाको समस्या सम्बोधनका लागि तिनै तहका सरकार गम्भीर हुनुपर्ने बताए ।
 
बिकले खास गरि प्रदेश न. २ मा हाल सम्म बिधमान रहेको हरवाचरवा प्रथाको उन्मुलनको लागि स्वयम् पीडितहरु अगाडि आउनुपर्नेमा जोड दिए ।
 
रास्ट्रिय हरवाचरवा अधिकार मंचका अध्यक्ष दशरथ मण्डलको अध्यक्षता भएकाे उद्घाटन समारोहमा नेपाल दलित मुक्ती संगठन प्रदेश न. २ का अध्यक्ष मीन रहपाल, द फ्रीडम फनडका कार्यक्रम सल्लाहकार ब्रहमदेव राम, सामुदायिक बिकास केन्द्र सप्तरीका कार्यवाहक अध्यक्ष बबिता चौधरी, रास्ट्रिय मुक्त हलिया समाज महासंघका पुर्ब अध्यक्ष राजु राम भुल, मुक्त कमैया समाजका बिनोद चौधरी लगायतले मन्तव्य ब्यक्त गरेका थिए ।
 
कार्यक्रम बारे प्रकाश रास्ट्रिय दलित नेटवोर्कका टिम लिडर हुकुम सार्कीले पारेका थिए भने स्वागत मन्तव्य रास्ट्रिय हरवाचरवा अधिकार मंचका महासचिव लगेन्द्र सदा र संचालन सन्जय महराले गरेका थिए ।

सांसद साहकाे पहलमा भेढहा खोलामा पुल निर्माण हुँदै

0

वीरगंज । वीरगंज महानगरपालिकाकाे वडा नं. २८ बगही र वडा नं. २९ रतनपुरको बिचमा पर्ने भेढहा खोलामा पुल निर्माणकाे लागि प्रदेश सांसदसहित इन्जिनियरकाे टाेलीले सर्वे गरेकाे छ ।

पर्सा क्षेत्र नं. २ काे (क) का प्रदेश सांसद राजेशवर प्रसाद साहकाे उपस्थितीमा पूर्वधार विकास कार्यालय वीरगंजका इन्जिनियर बिबेकानन्द झा, संताेष यादव र लालबाबु रायकाे टाेलीले पुल निर्माणकाे लागि प्रारम्भिक सर्वे गरेकाे हाे ।

प्रदेश २ सरकारकाे भाैतिक पूर्वधार विकास मन्त्रालयकाे आर्थिक बर्ष २०७८/०७९ काे बजेट अन्तर्गत पुल निर्माण हुने प्रदेश सांसद साहले वताए । उनले एक कराेडकाे लागतमा पुल निर्माण हुने वताए ।

छठ लगतै पुल निर्माणकाे अन्ति सर्वे गरी निर्माणकाे काम पनि सुरु हुने सांसद साहले वताए ।

पुल निर्माणबाट पर्सागढी नगरपालिकाका र वीरगंज महानगरपालिकाका एक दर्जन वडाबासी लभान्वित हुने सर्भेकाे क्रममा स्थानियहरुले वताए । उनीहरुका अनुसार पुल नीर्माणले पर्सागढी नगरपालिकाका सबै वडा र वीरगंज महानगरपालिकाकाे वडा नं‍. २८, २९, ३०, ३१ का बासी लभान्वित हुने छन् । 

सर्भेमा नेपाली काङ्ग्रेसका जिल्ला सदस्य मदन यादव, क्षेत्रिय सभापति उमेश प्रसाद साह, वीरगंज महानगरपालिकाकाे वडा नं. २८ का बुथ सभापती सर्जुग महतो, स्थानिय नेता शर्मालाल ठाकुर, मुना तिवारी, हरेन्द्र महतो लगायतको सयाैंकाे सख्यामा स्थानियबासीकाे सहभागिता रहेको थियो ।

लामाे समयदेखी पुल निर्माणकाे लागि गाउँवासीले माग गरे पनि हुन सकेकाे थिएन । अहिले सांसद साहकाे पहलमा भाैतिक पूर्वाधार विकास मन्त्रालयले बजेट छुट्याएपछि पुल निर्माण हुने भएकाे हाे ।

यस्तै, साेही टाेलीले पर्सागढी नगरपालिकाकाे वडा नं‍‌. ४ हरदासपुरस्थित फन्टी खोलाको पनि निरिक्षण गरेकाे थियाे । साे खाेला भएर सवारी साधन आवगमनमा निकै समस्या भएपछि सांसद साहकाे पहलमा समस्या समाधानकाे लागि निरिक्षण गरिएकाे हाे ।

निरिक्षणकाे क्रमममा टाेलीले तत्कालकाे लागि हाेम पाइप राखेर ड्राइभ्रस बनाएर आवगमन सहज बनाउन सकिने सुझाव दिएकाे थियाे ।

चुनाव जुन सुकै बेला पनि हुन सक्छ, तयारीमा लाग्नुस् : उपेन्द्र यादव

0

वीरगंज । जनता समाजवादी पार्टी नेपालका अध्यक्ष उपेन्द्र यादवले चुनावको तयारी शुरु गर्न पार्टीका नेता तथा कार्यकर्ताहरुलाई निर्देशन दिएका छन् । वीरगंजको नगर सभा गृहमा आयोजित दीपावली तथा छठ पर्वको शुभकामना आदान प्रदान कार्यक्रमलाई सम्बोधन गर्दै उनले चुनावकाे तयारीमा लाग्न निर्देशन दिएका हुन् ।

उनले भने, ‘चुनाव जुन सुकै बेला पनि हुन सक्छ, राजनीतिक सहमति भयो भने चाडै चुनाव घाेषणा हुन सक्छ, त्यही भएर तपाईहरु अहिलेदेखि नै चुनावको तयारीमा लागि हाल्नुस् ।’

कार्यक्रमकाे प्रमुख अतिथी समेत रहेका अध्यक्ष यादवले पार्टीलाई पटकपटक प्रहार गर्नेहरू आफैँ ध्वस्त भएको बताए । केही समय पहिले यही पार्टीका नेतालाई उचालेर ध्वस्त पार्न खोज्ने केपी शर्मा ओलीसहितका अवसरवादी आफैँ  ध्वस्त भएको बताए । 

जसपा पर्साले आयोजना गरेको कार्यक्रममा अध्यक्ष यादवले जनता समाजवादी पार्टीलाई सहिदहरूले बलिदानी दिएर बनाएकाले यो पार्टी यतिकै नसकिने दाबी गरे । 

व्यक्तिगत स्वार्थले पार्टी निर्माण नभएकाले अगामी निर्वाचनमा पार्टीलाई एक नम्बरको बनाउन संगठन विस्तार गरिने उनको भनाइ छ । उनले जनता समाजवादी पार्टीको झन्डा साधारण कपडा नभएको र यो सहिदको सपनाले बनेकोले यसलाई कमजोर नबुझ्न चेतावनी दिए । 

उनले  कात्तिकदेखि माघ सम्म चार महिनामा पार्टी भित्रको विकृतिहरु हटाउन पार्टीले सुद्धिकरण अभियान पनि चलाउने जानकारी गराउँदै वडास्तरदेखि कार्यकर्ताहरुको प्रशिक्षण, सुद्धिकरण तथा अगामि चुनावमा कस्ता उम्मेदावारलाई जनप्रतिनिधिको रुपमा अघि सार्ने हो, त्यस बारेमा पनि जिल्ला तहका नेताहरुले तयारी अगाडि बढाउनु पर्ने सुझाव दिए ।

उनले संघीयता आइसकेपछि व्यवस्था बदलेको तर समाजको मानसिकता र नेताहरुको चिन्तन नबदलेको कारण समाज परिवर्तनको लागि सबैभन्दा पहिले राजनीतिक, आर्थिक र समाजिक सोच बदलु पर्ने आवश्यक रहेको औल्याए ।‘

उनले राजनीतिक परिवर्तनको लागि पार्टीलाई भोट पाउने समानुपातिक निर्वाचन प्राणाली र जनताद्वारा निर्वाचित राष्ट्रपतिको निर्वाचन प्रणाली बेगर देश विकसित नहुने उनले बताए । जनताले चुनन पाउने कार्यकारी राष्ट्रपति आए भने चुनावमा नेताले खर्च गर्ने बाटो बन्द हुन्छ, विशुद्ध राजनीतिकर्मीले स्थान पाउँछन्, उनले भने, ‘अहिलेदेखि नै मलाई फोन आउन शुरु भइसकेको, पैसा जम्मा पारिसके चुनावमा टिकट चाहियो नेताजी भनेर ।’

आर्थिक विकासको ऐजेन्डामा उनले नेपालको पानीलाई उपयोग गरी देशमा कृषिलाइृ आधुनिकरण र औद्योगिक गरी गरिबी, बेरोजगारी अन्त्य गर्न पनि सरकार अग्रसर हुनु पर्नेमा उनले जोड दिए । नेपाल एउटा दरिद्र देश हो, तर पनि महगो अर्थात मिश्रित निर्वाचन प्रणाली लागु छ, यसले समाजमा पैसावालाहरुलाई नेता बनाइरहेको र अन्यलाई पाखा लगाइरहेको छ ।

जनता समाजवादी पार्टी नेपालका कार्यकारिणी समिति सदस्य एवं प्रदेश २ का मुख्यमन्त्री लालबाबु राउतले सबै वर्ग, क्षेत्र, समुदाय र लिंगलाई समेट्ने पार्टीको रूपमा जसपा नै रहेको बताए। देशका सबै पार्टीहरूको संयुक्त प्रयासमा वर्तमान संविधान संशोधन गरी नयाँ ढंगले संघीय व्यवस्था स्थापना गर्नुपर्ने बताएका छन्।

उनले जनता समाजवादी पार्टीप्रति दिनदिनै लहर बढ्दै आएकाले आउने दिनमा जिल्लामा पार्टीको झन् राम्रो नतिजा आउने दाबी गरे। 

जिल्ला अध्यक्ष रामनरेश यादवको सभापतित्वमा भएकाे कार्यक्रममा पर्साका निलम्बित सांसद हरिनारायण रौनियार, बाराका सांसद रामबाबु यादव, प्रदेश सांसद करिमा बेगम, वीरगंज महानगरपालिकाका मेयर विजय कुमार सरावगी लगायतले शुभकामना मन्तव्य राखेका थिए भने कार्यक्रमकाे संचालन जिल्ला सचिव तबरेज अहमदले गरेका थिए ।

कार्यक्रममा पर्सा क्षेत्र नं. १ बाट निर्वाचित सांसद प्रदिप यादवकाे उपस्थिती थिएन । पार्टीले मन्त्री नबनाएपछि असन्तुष्ट भएका सांसद यादवसंग पार्टीले स्पष्टिकरण साेधे पछि थप असन्तुष्ट भएका छन् ।

चेतना बचतकाे साधारण सभा सम्पन्न

0

वीरगंज । चेतना बचत तथा ऋण सहकारी संस्थाको १६ औं वार्षिक साधारण सभा शनिबार सम्पन भएको छ । कार्यक्रमका प्रमुख अतिथी नेफ्स्कुनका सञ्चालक सदस्या हरेराम पटेलले सभाकाे उद्घाटन गरेका थिए ।

सभालाई सम्बाेधन गर्दै प्रमुख अतिथी सदस्य पटेलले संस्थाले सेवाग्राहीकाे मन जित्न सफल भएको वताउँदै बधाई दिए ।

अध्यक्ष जंग बहादुर प्रसादले सहकारी संस्थाले नाफा आर्जन गर्न सफल भएकोमा खुशी व्यक्त गरे । उनले अहिलेको अवस्थामा सहकारी एउटा गरिब, निमुखा, दैनिक ज्यालादारी गर्ने व्यक्तिको लागि सहकार्यको भूमिका निभाउन सफल हुँदै आएकोमा सबैलाई बचत गर्न आग्रह गरे ।

उनले सहकारीको मदतले साधारण व्यक्ति पनि आफ्नो जीवनलाई माथि उकास्न सफल भएको र सहकारीले आम जनतामाथि भएको शासनको बेथितिलाई तोडन सफल भएको बताए ।

कार्यक्रमका विशिष्ट अतिथि जिल्ला बचत तथा ऋण सहकारी संघ लि, पर्साका अध्यक्ष राजेश पंडितले शुभकामन दिदै यस संस्थाले लगानी मात्र होइन सामजिक क्षेत्रमा पनि ठूलो सफलता हासिल गरेको वताए ।

सभामा असगर अली, जिष्णु बराल, राजेन्द्र प्रसाद जयसवाल, नग नारायाण सिहं, कुन्दन पाल, बिजय कुमार गुप्ता, अनुप यादव लगायतकाे उपस्तीथि थियो ।

सभामा संस्थाका अध्यक्ष जंग बहादुर प्रसादले संस्थाको वार्षिक प्रतवेदन प्रस्तुत गरेका थिए भने कार्यक्रमकाे सञ्चालन अफजल अंसारीले गरेका थिए ।

निःशुल्क आँखा तथा दाँत शिविर सम्पन्न

0

वीरगंज । समुदाय प्रहरी साझेदारी कार्यक्रम अन्तर्गत इलाका प्रहरी कार्यालय प्रसौनीको आयोजनामा शनिबार निःशुल्क आँखा तथा दात शिविर सम्पन्न भएको छ ।

शिविरमा महिला र पुरुषगरी १२० जनाको आँखा तथा दात चेकजाच गरिएको थियाे । जस मध्ये ५३ जनामा मोतियाबिन्दु भएको फेला परेकाे चिकित्सकहरुले जानकारी दिए । उनीहरुकाे निःशुल्क अपरेसन समेत गरिने समुदायिक आँखा अस्पताल वीरगञ्जका चिकिस्तक डाक्टर महेश सिंह धामीले जानकारी दिए ।

शिविरका प्रमुख अतिथी जिल्ला प्रहरी कार्यालय बाराका प्रहरी उपरीक्षक दीपेन्द्र शाहीले इलाका प्रहरी कार्यालय प्रसौनीले यहाँको स्थनियाहरूको मन जित्दै अगाडि बढ्दै गरेको र आउने दिनहरुमा यस्तै किसिमका लोकप्रिय कार्यक्रमहरु गर्ने विश्वास व्यक्त गरे ।

कार्यक्रमका विशिष्ठ अथिति नेपाली कांग्रेस तरुण दल बाराका अध्यक्ष लोकेश सिंहले प्रहरी संगठनले निकै नै सराहनीय कार्य गरेको भन्दै खुशी व्यक्त गरे । उनले यस कार्यले आम जनता र प्रहरीबीच सुमधुर सम्बन्ध कायम भएको र स्वास्थ्यको क्षेत्रमा ठूलो सफलता हासिल गर्ने वताए ।

इलाका प्रहरी कार्यालय प्रसौनीका प्रहरी निरीक्षक विन्देश्वर यादवको अध्यक्षमा भएकाे शिविर उद्घाटन समाराेहमा जिल्ला प्रहरी कार्यालय बाराका प्रहरी नायब उपरिक्षक गौतम मिश्र, प्रहरी संगठनका कर्मचारी, चिकित्सकको टोलीमा महेश सिंह धामी, प्रियंका साह, सञ्चारकर्मी लगायतको उपस्थिति रहेको थियो ।