वीरगंज । भोजपुरी प्रतिष्ठान वीरगंजको प्रथम पुर्ण सभा सम्पन्न भएको छ । वीरगंजको नगरसभा गृहमा भएको सभाको उद्घाटन वीरगंज महानगरपालिकाका मेयर विजय कुमार सरावगीले गरेका थिए ।
प्रतिष्ठानका अध्यक्ष उमाशंकर दुबेदीको अध्यक्षतामा भएको कार्यक्रममा वीरगंज महानगरपालिकाकी उप–मेयर शान्ति कार्की, पर्साका प्रमुख जिल्ला अधिकारी उमेश कुमार ढकाल, भोजपुरी भाषा बिद् गोपाल ठाकुर, भोजपुरी प्रतिष्ठानका सल्लाहकार वरिष्ट साहित्यकार गोपाल अस्क, दिनेश गुप्ता, वरिष्ठ पत्रकार चन्द्र किसोर झा, भारतको रक्सौलका वरिष्ठ साहित्यकार हरेन्द्र हिमकर, भोजपुरी अभियानकर्ता आन्नद गुप्ता लगायतको सहभागिता रहेको थियो ।
कार्यक्रममा नाटककार रामचन्द्र चतुर्वेदी,उपन्यासकार एवं साहित्यकार नागेन्द्र प्रसाद कानु, निबन्धकार रामचन्द्र बर्णवाल, कबि र कथाकार माधव प्रसाद गौतम लगायतकालाई सम्मान समेत गरिएको थियो ।
सभाको बन्द सत्रमा प्रतिष्ठानको नीति तथा कार्यक्रम बारे छलफल भएको प्रतिस्ठानका सदस्य अजय कुमार चौरसियाले वताए ।
