Date
बिहि, मंसिर ३, २०८३
Thu, November 19, 2026
Home Blog Page 749

दलित मुक्ती संगठन पर्साकाे बैठक सम्पन्न, विभिन्न पालिकामा समिति विस्तार गर्ने निर्णय

0

वीरगंज । नेकपा (एकीकृत समाजबादी) निकटको नेपाल दलित मुक्ती संगठन पर्साको पदाधिकारी बैठक विभिन्न निर्णय गरि सम्पन्न भएको छ ।

दलित मुक्ती संगठन पर्साका अध्यक्ष सुशील हजराको अध्यक्षतामा वीरगंजमा सम्पन्न बैठकले मंसिर २५ गते पुर्ण जिल्ला कमिटीको बैठक र प्रशिक्षण कार्यक्रम गर्ने निर्णय गरेको छ । बैठकले पर्साका १४ वटा पालिकाहरुमा कमिटी गठन गर्न पदाधिकारीहरु बिच जिम्मेवारी भागबन्डा समेत गरेको छ ।

जस अनुसार वीरगंज महानगरपालिकामा मुकेश महरा, सुरेश महतो तत्वा र जयपती राम, पोखरिया नगरपालिका, छिपहरमाई, ठेारी, जिराभवानी, बिन्दवासनी गाउँपालिकामा सुशील हजरा, बहुदरमाई, पर्सागढि नगरपालिका, सखुवा प्रसाैनी, धोबनी, जगरनाथपुर, पटेरवा सुगौली गाउँपालिकामा अमरदेव पासवान, पकहामैनपुर र कालिकामाइ गाउँपालिकामा साधु रामलाई जिम्मेवारी दिइएको अध्यक्ष सुशील हजराले बताए ।

बैठकमा नेकपा (एकीकृत समाजवादी) पर्साका जिल्ला अध्यक्ष बालगोपाल थापा, जिल्ला सचिवालय सदस्य एवं मुक्ती संगठन पर्साका इन्चार्ज बृजलाला पासवान र मुक्ती संगठनका केन्द्रिय सदस्य मदन हजरा पासवानको विशेष उपस्थिति रहेको थियाे ।

पर्साकाे क्षेत्र नं. ४ मा कांग्रेसकाे प्रदेश सभा क्षेत्रिय अधिवेशन सम्पन्न

0

वीरगंज । पर्साकाे प्रदेश सभा निर्वाचन क्षेत्र नं. ४ काे (क) र (ख) मा नेपाली कांग्रेसकाे क्षेत्रिय अधिबेशन शनिबार सम्पन्न भएकाे छ । दुबै प्रदेश सभा निर्वाचन क्षेत्रमा निर्विराेध प्रदेश समितिका पदाधिकारी र प्रदेश प्रदेश प्रतिनिधि चयन भएकाे हाे ।

प्रदेश सभा ४ (क) काे सभापतिमा जीवन कृष्ण सापकाेटा निर्विराेध निर्वाचित भएकाे नेपाली कांग्रेसकाे पर्सा जिल्ला निर्वाचन समितिले जनाएकाे छ । प्रदेश सभा क्षेत्रिय उप सभापति सुभाष कुमार यादव, जटाशंकर यादव, सचिवमा गाेपिलाल श्रेष्ठ, मुकेश महताे थारु, सह सचिवमा रामविहारी प्रसाद थारु र नरेश राउत अहिर पनि निर्विराेध निर्वाचत भएका छन् ।

प्रदेश प्रतिनिधिमा एकबाली साह कानु, अभय प्रसाद यादव, प्रधुमन कुमार गाैतम, कमल बहादुर सिलवाल, देवी प्रसाद दहाल, पन्नालाल प्रसाद विष्ट, सुरेन्द्र महताे नुनिया बसन्ती देवी, प्रदममाया श्रेष्ठ, कृष्ण माया गाेतामे, धन प्रसाद फुयाल, डबल बहादुर मगर, सत्यनारायण साह, रुनादेवी मुसहरिन, विध्यानन्द महताे र शेष नमुना आजम निर्विराेध चयन भएकाे पर्सा क्षेत्र नं. ४ का सचिव श्रीकान्त यादवले वताए । 

यस्तै, पर्सा कै प्रदेश सभा निर्वाचन क्षेत्र नं. ४ (ख) काे सभापतिमा दिपेन्द्र कुमार सिंह निर्विराेध निर्वाचित भएका छन् । प्रदेश सभा निर्वाचन क्षेत्र नं. ४ (ख) काे उप सभापतिमा रसुलाजन मियाँ तेली, मनिभुषण मिश्र, सचिवमा इमरान मियाँ, श्यामकिशाेर गिरी, सह सचिवमा लाल साहेब यादव र महन्थ कुशवाहा पनि निर्विराेध निर्वाचित भएकाे मतदान अधिकृत नन्दु कुमार यादवले जानकारी दिए ।

प्रदेश सभा निर्वाचन क्षेत्र नं. ४ (ख) बाट प्रदेश प्रतिनिधिमा किशाेर कुमार कलवार, सुरेश कुमार कुर्मी, मत्युन्जय कुमार श्रीवास्तव, बन्धु साह, भुपेन्द्र तिवारी, हिरण कुमार कुर्मी, जितेन्द्र कुमार बर्मा, रिना देवी यादव, किरण देवी, भगिया देवी, रामदयाल प्रसाद कानु, रामविश्वास महताे चाई, खुश्बुन खातुन, निता देवी झा, नवलेश राम र रजाक राउत गद्दी निर्विराेध चयन भएकाे उनले वताए ।

धाेबिनी गाउँपालिकाकाे वडा नं. ३ गुलरियामा भएकाे प्रदेश सभा क्षेत्रिय अधिवेशनमा नेपाली कांग्रेसका केन्द्रिय सदस्य एवम् प्रदेश नं. २ का संयाेजक रमेश रिजाल, क्षेत्र नं. ४ का सभापति रमेश पाण्डे, महासमिति सदस्य बशिष्ठ नारायण कुर्मी, जिल्ला सचिव किशाेरी साह, जिल्ला सदस्य नविन सिंह, क्षेत्रिय सचिव बलिष्टर अहमद लगायतकाे उपस्थित रहेकाे थियाे ।

दुबै प्रदेश निर्वाचन क्षेत्रमा एक हजार ६२ जना क्रियाशिल सदस्य रहेका छन् । 

वीरगंजमा ८ महिलासहित ६२ जनाद्वारा रक्तदान

0

वीरगंज । पहिलो पाइला नेपालकाे आयाेजनामा शनिबार वीरगंजमा रक्तदान कार्यक्रम सम्पन्न भएकाे छ । वीरगंजकाे माइस्थान पार्कमा भएकाे कार्यक्रममा ८ महिलासहित ६२ जनाले रक्तदान गरेकाे पहिलो पाइला संस्थाका अध्यक्ष निश्चल प्रजापतिले जानकारी दिए ।

कार्यक्रममा चन्दन पटेल, जगदिप कुमार, बिकाश कुशवाहा, रवि शर्मा, रन्जन पाल, सुबास पाल, अमित प्रजापती, हिरालाल कुशवाहा, कृति जयसवाल, लालबाबु साह, बिरेन्द्र कुमार मणडल, राम श्रेष्ठ, अनिल कुमार सिंह, सत्य प्रकाश, दिपक कुमार मेहता, श्यामबाबु यादव, राम कृपाल साह, मनिष प्रजापति, विक्कि महतो, दिपेन्द्र महतो, पुजा कुमारी पटेल लगायतकाले रक्तदान गरेकाे उनले जानकारी गराए ।

रक्त संचार केन्द्र वीरगंजकाे प्राविधिक सहयाेगमा भएकाे रक्तदान कार्यक्रममा पर्साका प्रमुख जिल्ला अधिकारी उमेश कुमार ढकाल, गोपाल केडिया,ओमप्रकाश सर्राफ, शान्ति कार्कि, ध्रुव नेपाल, रम्भा मिश्रा, मदन गुप्ता लगायतको सहभागीता रहेको थियो ।

लोसपा वीरगंज महानगर कार्य समिती विस्तार

0

वीरगंज ।  लोकतान्त्रिक समाजवादी पार्टी (लोसपा) वीरगंज महानगर कार्य समिती विस्तार भएकाे छ । शनिवार सम्पन्न लोसपा वीरगंज महानगर समितीको भेलाले ओमप्रकाश सर्राफको अध्यक्षतामा ६३ सदस्यिय कार्य समिती विस्तार गरेको हाे। 

जुन कार्य समितीको उपाध्यक्षमा  हरेन्द्र पटेल, शेख फिरोज, दिपक साह कानु, बेदामी प्रसाद कलवार, सचिवमा विकाश चाैधरी, संजय पटेल, सह-सचिवमा शिवानी श्रीवास्तव, वरकत राय, कोषाध्यक्षमा जयप्रकाश साह अग्रवाल, सह-कोषाध्यक्षमा रेखा सर्राफ रहेका छन ।

त्यसैगरी, सदस्यमा विरेन्द्र सर्राफ, पानालाल पटेल, राधेश्याम सोनी, केदार गुप्ता, भागरीत साह, अब्दुल्लाह अंसारी, शिव प्र. कानु , मजिद देवान, नरेश अग्रवाल, विथल अग्रवाल, सतनारायण राम, रिजवी खालीद, रिषी पटेल, सतयुग साह, सोभा गुप्ता, रमिता माया गुप्ता लगायत चयन भएकाे लाेसपाका वीरगंज महानगर अध्यक्ष सर्राफले जानकारी दिए । 

प्रथम रोट्रयाक्ट म्याराथन दौड प्रतियोगिता सम्पन्न

0

वीरगंज । स्वास्थ्य र कल्याण” भन्ने मुल नाराका साथ वीरगंजमा शनिबार  पुरुष तथा महिला खुल्ला प्रथम रोट्रयाक्ट म्याराथन दौड प्रतियोगिता सम्पन्न भएको छ । 

रोटरी क्लब अफ वीरगंज मेट्रोपालिस र रोट्रयाक्ट क्लब अफ वीरगंज मेटरोपालिसको संयुक्त आयोजनामा भएको प्रतियोगितामा पुरुष तर्फ प्रथम राजिव प्रसाद यादव, दोस्रो अमन साह गोढ र तेस्रो सतरोहन पटेल भएका छन । 

यस्तै, महिला तर्फ प्रथम प्रिति पटेल, दोस्रो कुषुम खातुन र तेस्रो अंजलि यादव भएको रोट्रयाक्ट क्लब अफ वीरगंज मेटरोपालिसका सचिव दिपु वर्णवालले जानकारी दिए । 

प्रतियोगितामा प्रथम, दोस्रो र तेस्रो हुनेलाई क्रमश ५ हजार, ३ हजार ५ सय र २ हजार ५ सय नगदसहित मेडल र प्रमाणपत्रले पुरस्कृत गरिएको थियो । 

वीरगंजको ठाकुरराम क्यामपसबाट सुरु भएको म्याराथन आदर्शनगर, माइस्थान, घण्टाघर, भारतिय राज दुतावास हुदै पुनः ठाकुर राममै पुगि सम्पन भएको थियो । 

रोट्रयाक्ट क्लब अफ वीरगंज मेटरोपालिसका अध्यक्ष आलोक रन्जन कर्णको अध्यक्षतामा भएको प्रतियोगिताको उद्घाटन पर्साका प्रमुख जिल्ला अधिकारी उमेश ढकालले गरेका थिए।

तेस्रो मेयर कप टुर्नामेन्ट : कालिकामाई र विन्दावसिनी विजयी

0

वीरगंज । पर्साको पोखरियामा जारी तेस्रो मेयर कप टी २० क्रिकेट टुर्नामेन्ट प्रतियोगिता अन्तर्गत शुक्रबार भएको खेलमा कालिकामाई गाउँपालिका र विन्दवासिनी गाउँपालिका विजयी भएको छ ।
शुक्रबार भएको पहिलो खेलमा धोविनी गाउँपालिकालाई ८ विकेटले हराउँदै कालिकामाई गाउँपालिका विजयी भएको हो । ३७ रन र एक विकेट लिएर कालिकामाईका जावेद आलम मैन अफ द मैच घोषित भएका थिए ।

यस्तै, सोही दिन भएको दोस्रो खेलमा जगरनाथपुर गाउँपालिकालाई ७ विकेटले हराउँदै विन्दावासिनी गाउँपालिका विजयी भएको आयोजक पोखरिया युवा समाजका उपाध्यक्ष दिनेश मिश्रले बताए ।

टच जितेर ब्याटिङ रोजेको जगरनाथपुरले १५.३ ओभर खेल्दै पुरै विकेटको नोकसानीमा ८३ रन बनाएको थियो । त्यसपछि ८४ रनको लक्ष्य लिएर जवाफी ब्याटिङमा उत्रेको विन्दवासिनीले ८ ओभरमै ३ विकेट क्षतिमा ८६ रन बनाई विजयी घोषित भएको थियो । ३७ रन र २ विकेट लिएर मैन अफ दी मैच अनुज चौरसिया भएका थिए ।

पोखरिया नगरपालिकाको सहयोग र पोखरिया युवा समाजको आयोजनामा पोखरिया नगरपालिकाको वडा नं. ६ स्थित शेरा फिल्डमा भईरहेको टुर्नामेन्ट प्रतियोगिताको विजेतालाई एक लाख ५० हजार र उप विजेतालाई ८१ हजार नगद र ट्रफी प्रदान गरिने छ ।

कालिकामाईकाे मुडलीमा जसपाकाे भेला सम्पन्न

0

वीरगंज । पर्साको कालिकामाई गाउँपालिका वडा नम्बर १ मुडलीमा जनता समाजवादी पार्टी (जसपा) को भेला सम्पन्न भएको छ । सो अवसरमा विभिन्न पार्टी परित्याग गरि एक सय जनाले जसपामा प्रवेश गरेकाे वताइएकाे छ ।

कार्यक्रममा मुडलीबाट पारस प्रसाद चौरसियाको नेतृत्वमा २५ जना, टिन्डोबियाबाट अच्छेलाल पटेलको नेतृत्वमा २५ जना, अच्छेलाल साह कानुको नेतृत्वमा ४५ जना, खलिल गद्दीको नेतृत्वमा १० जनाले पार्टी प्रवेश गरेको जसपा पर्साका सचिव तबरेज अहमदले जानकारी दिए ।

रामाधर साह तेलीको अध्यक्षतामा भएको कार्यक्रममा नवप्रवेशीहरुलाई प्रदेश सभा सदस्य सिँहासन साह कलवार, जसपा पर्साका अध्यक्ष रामनरेश प्रसाद यादव, पोखरिया नगरपालिकाकी उपप्रमुख सलमा खातुन, मधेस प्रदेश समिति सदस्यद्वय मदन प्रसाद चौहान, गौरीशंकर साह, जसपाका गाउँपालिका अध्यक्ष दिनेश साह कलवार, वडाध्यक्ष संजय पटेल, स्थानिय नेता राधाकिशुन चौरासीया, याेगेन्द्र चाैरसिया लगायतकाकाे सहभागिता रहेकाे थियाे ।

कार्यक्रमलाई सम्बोधन गर्दै वक्ताहरुले मधेस केन्द्रित पार्टीको रुपमा परिचित जसपामा राष्ट्रव्यापी रुपमा आकर्षण बढेको दाबी गरे । मधेसमा स्थापित भएपनि हरेक भुगोल र हरेक समुदायका साझा समस्या र आवाजहरुलाई प्रतिनीधित्व गर्ने पार्टीको रुपमा जसपा स्थापित भएको वक्ताहरुको धारणा थियो ।

पर्सामा कांग्रेसकाे पालिका अधिवेशन स्थगित, क्षेत्रिय अधिवेशन मंसिर ११ र १३ गते हुने

0

वीरग‌ंज । पर्सामा नेपाली कांग्रेसकाे गाउँ र नगरपालिका अधिबेशन स्थगित गरी प्रदेश सभा क्षेत्रिय अधिवेशन र प्रतिनिधि सभा क्षेत्रिय अधिवेशनकाे समय ताेकिएकाे छ ।

नेपाली कांग्रेसकाे पर्सा जिल्ला निर्वाचन समितिले एक सूचना जारी गर्दै प्रदेश सभा क्षेत्रिय अधिवेशन मंसिर ११ गते र प्रतिनिधि सभा क्षेत्रिय अधिवेशन मंसिर १३ गते हुने जनाएकाे छ । जिल्ला निर्वाचन अधिकृत अधिवक्ता नरेन्द्र कुमार के‍सीद्वारा हस्ताक्षरित सूचनामा केन्द्रिय समितिकाे निर्देशानुसार गाउँ/नगरपालिका अधिवेशन पछि हुने गरी हाल राेकिएकाे उल्लेख गरिएकाे छ ।

पर्सा जिल्लामा नेताहरुकाे सहमतीबाट नै प्रदेश सभा क्षेत्रिय अधिवेशन र प्रतिनिधि सभा क्षेत्रिय अधिवेशनकाे समय ताेकिएकाे निर्वाचन अधिकृत केसीकाे भनाई छ । 

प्रदेश अधिवेशन मंसिर १६ र १७ गते हुने समय ताेकिएकाेले त्यस अधि गाउँ र नगर अधिवेशन भ्याउन नसक्ने जिल्ला निर्वाचन समिति पर्साकाे ठहर छ । 

यसले नेपाली कांग्रेसको जिल्ला अधिवेशन पनि केन्द्रीय महाधिवेशनपछि मात्रै हुने सम्भावना बढेकाे छ । यस्तै, पर्सामा रहेकाे १४ वटा पालिकाको अधिवेशन पनि महाधिवेशनपछि मात्रै हुने छ । 

यसअघि कांग्रेसको १२ र १३ औं महाधिवेशनमा पनि पर्सा जिल्लाको जिल्ला अधिवेशन, केन्द्रीय महाधिवेशनपछि नै भएको थियो। अहिले १४ औं महाधिवेशनमा पनि पर्सामा नेताहरुको असक्षमता र गुटबाजीका कारण कांग्रेसको पालिका र जिल्ला अधिवेशन केन्द्रीय महाधिवेशन पछि हुने भएको हो। 

वीपिसि र नबिल बैंक बीच भएकाे समझदारी पत्रमा हस्ताक्षर

0

वीरगंज । वीरगंज पब्लिक कलेज र नबिल बैंक बीच समझदारी पत्रमा हस्ताक्षर भएको छ । वीरगंज पब्लिक कलेजको तर्फबाट कलेजका निर्देशक डा. दिपक शाक्य र नबिल बैंकको तर्फबाट बैंकका प्रदेश न.२ का प्रबन्धक सुलभ श्रेष्ठले हस्ताक्षर गरेको पत्र आदानप्रदान गरिएकाे थियो ।

स्थापनाकालदेखि नै आधारभुत शिक्षा संगसङै व्यवहारिक शिक्षा प्रदान गर्दै आईरहेको कलेजले अहिलेको समयमा व्यवसायिक एवं उधमशिलताका शिक्षाले मात्र देश अनि समाजलाई आर्थिक सब्बल बनाउन सक्छ भन्ने उदेश्यले विभिन्न व्यवसायिक एवं व्यवसाय योजना बनाउने तालिम प्रदान गर्दै आएकाे छ । नेपाल कै पहिलो निजि क्षेत्रको बैंक, नबिल बैंकको (CSR) Corporate Social Responsibility अन्तर्गत Nabil School of Social Entrepreneurs (NSSE) प्रदेश नं. २ को लागि कलेज र बैंक बीच एक कार्यक्रम बीच शुक्रबार आपसी समझदारी पत्रमा हस्ताक्षर गरिएको हाे ।

नेपालको सातै प्रदेशमा एकैदिन एकैपटक विभिन्न कलेजमा आपसी समझदारी भए अन्तर्गत प्रदेश न.२ मा वीरगंज पब्लिक कलेजले सो अवसर पाएको कलेजका संचालक डा. दिपक शाक्यले जानकारी दिए ।

यस कार्यक्रम अन्तर्गत प्रदेश प्रदेश न.२ का १८ देखि ६० बर्ष सम्मका उधमशिलतामा रुचि राख्ने र समाजलाई सकारात्मक योगदान गर्न चाहने व्यक्तिहरुलाई उधमशिलता तालिम दिने उदेश्यले Nabil School of social Entrepreneurship Certificate Course संचालन गरिने कलेजका निर्देशक प्रोफेसर डा. शाक्यले बताए ।

वीरगंज पब्लिक कलेज मै भएकाे समझदारी पत्रमा हस्ताक्षर कार्यक्रममा NYCF का अनुप अग्रवाल, नेबिल बैंक प्रदेश नं.२ का सुलभ श्रेष्ठ, नबिल बैंक वीरगंज शाखाका प्रबन्धक नितिन नन्दवाना, निशान्त प्रधान, मोहित रिजाल, सुमित टिबडेवाल, सुमित अग्र्वाल, बिपिसि कलेजका निर्देशक डा. दिपक शाक्य, क्याम्पस प्रमुख डा. बिनय श्रेष्ठ, सहायक क्याम्पस प्रमुख अरबिन्द श्रेष्ठ, कोडिनेटर बासु कर्ण लगायत व्यवसायि, उधमिहरुको सहभागिता रहेको थियो ।