Date
बिहि, मंसिर ३, २०८३
Thu, November 19, 2026
Home Blog Page 750

अभियानकाे दाेस्राे दिन धाेबिनी र जगरनाथपुरमा सडक नाटक

0

वीरगंज । लैङ्गिक हिंसा विरुद्धको १६ दिने अभियान अन्तर्गत शुक्रबार दाेस्राे दिन पर्साकाे धाेबिनी र जगरनाथपुर गाउँपालिकामा वाल विवाह र लैङ्गिकतामा अधारित हिंसा सम्बन्धी सडक नाटक प्रस्तुत गरिएकाे छ ।

भिएसओ नेपाल र दिव्य युवा क्लबको साझेदारीमा संचालित किशोरी शसक्तिकरणको लागि शिक्षा कार्यक्रम अन्तर्गत संचालित लैङ्गिक हिंसा विरुद्धको १६ दिवसीय अन्तर्राष्ट्रिय अभियानकाे दाेस्राे दिन सडक प्रस्तुत गरिएकाे परियोजना संयोजक गणेश ठकुरीले जानकारी दिए ।

“घरैवाट शुरु गरौं, महिला हिंसा अन्त्य गरौं” भन्ने मुल नाराको साथ महिला हिंसा विरुद्धको अन्तर्राष्ट्रिय दिवसको अवसरमा वाल विवाह र लैङ्गिकतामा अधारित हिंसा सम्बन्धी सडक नाटक सम्पन्न भएकाे हाे । समुदायमा वालविवाह र लैङ्गिक हिंसालाई न्युनिकरणका लागी यस्ता कार्यक्रमले सहयोग पुग्ने परियाेजना संयाेजक ठकुरीले वताए । 

धोविनी गाउँपालिका वडा नं. ४ लंगडीमा र जगरनाथपुर गाउँपालिकाकाे वडा नं. ४ जगरनाथपुर गरी दुई स्थानमा भएकाे सडक नाटकमा किशोरी शसक्तिकरणको लागि शिक्षा कार्यक्रम अन्तर्गतका ठुली दिदी र सानी बहिनीहरुले अभिनय गरेका थिए ।

सडक नाटकमा गाउँपालिकाका प्रतिनिधि, बुद्धस्जिवी, नागरिक समाज, शिक्षक, विभिन्न संजालका सदस्यहरु, अभिभावकहरु, किशोरीहरुका साथै सर्ब साधरणहरुको बाक्लो उपस्थिति रहेको थियो ।  

धाेबिनी गापाकाे विद्यालयमा दिवा खाजा सुरु, ५० प्रतिशत अनुदानमा गहुँकाे बीउ वितरण

0

वीरगंज ।  पर्साको धोबिनी गाउँपालिकाका सामुदायीक विद्यालयहरुमा रोकिएको दिवा खाजा कार्यक्रम पुनः सुरु भएको छ । चालू आर्थिक वर्ष २०७७/०७८ को साउन महिनादेखि रोकिएको दिवा खाजा मंसिर ७ गतेदेखि पुनः सञ्चालनमा आएको हो ।

धोबीनी गाउँपालिकाले कार्तिक महिनामा दिवा खाजा बराबरको रकम निकासा गरेपछि त्याहाँस्थित १७ वटा सामुदायीक विद्यालयहरुमा दिवा खाजा पुनः सुरु गरेका हुन् ।

गाउँपालिकाकाे वडा नम्बर १ स्थित श्री नेपाल राष्ट्रिय माद्यामिक विद्यालय भिखमपुर पिपरामा पुगेर प्रमुख प्रशासकीय अधिकृत राजु साहले दिवा खाजा कार्यन्वयन भए/नभएको बारेमा अनुगमन गरेका छन् ।

गरिब, जेहेन्दार एवम् दलित परिवारका बालबालिकाहरुको विद्यालयसम्म पहुँच बढाउने अभिप्रायले सरकारले लागु गरेको दिवा खाजा कार्यक्रम प्रभावकारी देखिएको छ । दिवा खाजाकै परिणामस्वरुप विद्यालयमा विद्यार्थीहरुको संख्या पनि बढेको प्रमुख प्रशासकिय अधिकृत साहले बताए । 

विद्यालयमा भर्ना भएपनि विद्यालयभन्दा बाहिर रहेका बालबालिकाहरुलाई पनि पुनः विद्यालय फर्काउन पहल भइरहेको विद्यालयका प्रधानाध्यापक विनय कुमार कुर्मीले वताए । दिवा खाजाको प्रभावकारीता सम्बन्धी गाउँपालिका भित्रका हरेक सामुदायीक विद्यालयहरुमा अनुगमन गर्ने प्रमुख प्रशासकिय अधिकृत साहको भनाई छ ।

अुनगमनकै क्रममा महिनावारी आएकाे बेला छात्राहरु विद्यालय आउन नसक्ने अवस्थालाई मध्यनजर गर्दै विद्यालयलाई ८ हजार पिस सेनेटरी प्याडसमेत हस्तान्तरण गरिएको छ ।

सो अवसरमा विद्यार्थीहरुले शिक्षक अभावका कारण विज्ञान विषयको पठनपाठन प्रभावित भएको गुनासो गरेका थिए । विद्यार्थीहरुको गुनासोलाई सम्बोधन गर्दै प्रमुख प्रशासकिय अधिकृत साहले समस्या समाधानका लागि पहल गरेर शिक्षक परिपुर्ती गर्ने प्रतिबद्धता जनाएका छन् । 

५० प्रतिशत अनुदानमा गहुँकाे बीउ वितरणनेपाल सरकारको ५० प्रतिशत अनुदानमा धोबीनी गाँउपालिकाकाे वडा नं. ५ मा गहुँकाे बीउ वितरण गरिएकाे छ । रु. ७० मा प्रति के.जी. पर्ने उन्नत जात (बिजय) गहुँको बीउ खरिद गरी वडा अन्तर्गतका किसानहरुलाई रु. ३५ प्रति के.जी. मा बितरण गरिएकाे गाउँपालिकाले जनाएकाे छ ।

प्रमुख प्रशासकिय अधिकृत राजु साह र वडा अध्यक्ष मनौवर अहमदकाे उपस्थितीमा कृषी शाखा मार्फत शुक्रबार विहान गँहुकाे बीउ वितरण गरिएकाे गाउँपालिकाका याेजना शाखा प्रमुख पप्पु पटेलले जानकारी दिए ।
 
यस्तै, गाउँपालिका अन्तर्गतका ५ वटै वडाका किसानहरुले बिउ वितरण भइरहेकै ठाउँबाट बिउ पाउनु सक्ने गाउँपालिकाले जनाएकाे छ ।

लैङ्गिक हिंसाविरुद्धको १६ दिने अभियान सुरु

0

वीरगंज । लैङ्गिक हिंसाविरुद्धको १६ दिने अभियान बहिबारदेखी सुरु भएको छ । लैगिंक हिंसा बिरूद्वकाे १६ दिने अन्तर्राष्ट्रिय अभियानकाे पहिलाे दिन वीरगन्ज महानगरपालिकाकाे सहकार्यमा वीरगंजकाे घंटाघरबाट र्‍याली निकालिएकाे दिव्य युवा क्लबले जनाएकाे छ ।

र्‍याली सम्पन्न पश्चात वीरगंजकाे घंटाघरमा दिव्य युवा क्लबद्वारा संचालित किशाेरी सशक्तीकरणकाे लागि शिक्षा कार्यक्रम अन्तर्गतका सानी बहिनीहरूबाट तयार गरियाे बालबिबाह तथा दाईजाे आपराध सम्बन्धि जनचेतनामुलक सडक नाटक प्रदर्शन गरिएकाे थियाे ।

वीरगंज महानगरपालिकाकी उप प्रमुख शान्ति कार्कीकाे अध्यक्षतामा भएकाे कार्यक्रममा पर्साका प्रमुख जिल्ला अधिकारी उमेश कुमार ढकाल, वीरगंज महानगरपालिका निमित प्रमुख प्रशासकिय अधिकृत अरूण कुमार महताे, दिब्य युवा क्लब, पर्साका कार्यकारी निर्देशक रामाकान्त प्रसाद कुर्मीले लैगिं हिंसा बिरूद्ध आ- आफ्नाे मन्तब्य राखेका थिए ।

र्‍यालीमा सामाजिक संस्था जिल्ला समन्वय समिति पर्सा, भिएसाे नेपाल पर्सा, माइती नेपाल, आफन्त नेपाल, सानाे पाइला, आवर संसार लगायतका गैर सरकारी संस्थाहरुकाे पनि सहभागिता रहेकाे थियाे ।

लैङ्गिक हिंसाविरुद्धको १६ दिने अभियानकाे यस वर्षको नारा ‘घरैबाट सुरू गरौँ, महिला हिंसा अन्त्य गरौँ’ भन्ने तय गरिएको छ । यो दिवस हरेक वर्ष नोभेम्बर २५ तारिखदेखि डिसेम्बर १० तारिखसम्म विश्वभर मनाउने गरिन्छ ।

संयुक्त राष्ट्रसङ्घको सन् १९९९ को महासभाले नोभेम्बर २५ तारिखलाई महिला हिंसाविरुद्धको दिवसका रुपमा मनाउने निर्णय गरेपछि अभियानकै रुपमा विश्वभर यो दिवस मनाउन थालिएको हो । नेपालमा भने २०५४ सालदेखि दिवस मनाउन थालिएको हो ।

महिला तथा बालबालिकाको मानव अधिकारको संरक्षण गर्न, उनीहरुको सम्मानपूर्वक बाँच्न पाउने हक अधिकार सुनिश्चित गर्न र परिवर्तित सन्दर्भमा जननिर्वाचित संस्थाहरुमा महिलाहरुको उल्लेख्य सहभागितासहित राजनीतिमा महिलाको सशक्तिकरणलाई तीव्रता गराउन यो अभियान हुने गरेको छ ।

जबरजस्ती करणी गरेकाे आराेपमा अन्सारी पक्राउ

0
वीरगंज । वालिकालाई जबरजस्ती करणी गरेकाे आराेपमा प्रहरीले एक जनालाई पक्राउ गरेकाे छ । पर्साकाे जगरनाथपुर गाउँपालिका वडा नं.१ पिडारीगुठी निवासी २१ बर्षिय अब्दुल कादिर अन्सारीलाई प्रहरीले पक्राउ गरेकाे हाे ।
 
स्थानिय १५ वर्षीय वालिकालाई विवाह गर्ने, शहर लगी घुमाई दिने, सिनेमा देखाइ दिने तथा राम्रा लुगा कपडाहरू खरिद गरि दिने जस्ता अनेकौ किसिमका प्रलोभन देखाई मिति २०७८।०२।१० गते देखि मिति २०७८।०६।०६ गते सम्म जीराभवानी गाउँपालिकाकाे विभिन्न स्थान तथा खेतमा लगी पटकपटक जबरजस्ती करणी गरी गर्भवती बनाएको आरोपमा अन्सारीलाई प्रहरीले नियन्त्रणमा लिएकाे हाे ।
 
पीडितको अभिभावकले बुधबार दिएको जाहेरी दरखास्तको आधारमा जिल्ला प्रहरी कार्यालय पर्साबाट खटिएको टोलीले सोही दिन ६ बजे निजको ठेगानाबाट आराेपति अन्सारीलाई नियन्त्रण लिइएकाे जनाएकाे छ । पक्राउ परेका अन्सारीमाथी जबरजस्ती करणी सम्बन्धी कसूरमा बिहिबार पर्सा जिल्ला अदालतबाट ७ दिन म्याद थप गरी अनुसन्धान भइरहेको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।

नेपाली कांग्रेस परवानीपुर गापाको सभापतिमा यादव निर्वाचित

0

परवानीपुर । नेपाली कांग्रेस परवानीपुर गाउँपालिकाको सभापतिमा पुनदेव प्रसाद यादव निर्विराेध निर्वाचित भएका छन् । नेपाली कांग्रेसकाे १४ औं महाधीवेशन अन्तर्गत बिहिबार सम्पन्न गाउँपालिका अधिबेशनमा यादवकाे सभापतित्वमा ३२ सदस्यीय गाउँपालिका समिति समिति निर्विराेध निर्वाचित भएका छन् ।

गाउँपालिकाकाे उप सभापतिमा श्यमबाबु पटेल (लोहा सिंह), लालबाबु साह तेली, सचिवमा रामनाथ महतो, सह सचिवमा विनोद प्रसाद कुशवाहा, दीपक कुमार साह, सदस्यमा प्रधुमन् प्रसाद यादव, गौतम प्रसाद कुर्मी, सुरेन्द्र प्रसाद, मोहनलाल दास, रामचन्द्र हजरा लगायतका सदस्यहरू निर्वाचित भएका छन् ।

निर्वाचित पदाधिकारी तथा सदस्यहरुलाई मतदान अधिकृत दिनेश प्रसाद जैसवालले निर्वाचित भएको प्रमाण पत्र प्रदान गरेका थिए ।

गाउँपालिकाको वडा नं २ रामपुरमा भएकाे अधिबेसनमा क्षेत्र नं ४ का क्षेत्रीय सभापति सुनिल प्रसाद गुप्ता, पार्टीका नेता विजय गुप्ता, लालबाबु प्रसाद यादव, महाधिवेशन प्रतिनिधि जगदीश साह कानु, वडा नं ५ का वडा सभापति प्रभु पटेल, वडा अध्यक्ष इश्वरी साह, युवा नेता हरिओम पटेल, सदिक देवान, अनिल शाह, इलाका प्रहरी कार्यालय प्रसौनिका इन्चार्ज विन्देश्वर यादव, शसस्त्र प्रहरी जितपुर एरिया इन्चार्ज भीम खनाल, राष्ट्रिय अनुसन्धान बाराका तनु दास, पाच वटै वडाका वडा सभापतिहरु, पार्टीका क्रियाशील सदस्यहरु लगायतहरुको सहभागिता रहेको थियो ।

मूल्य बृद्धिकाे विराेधमा वीरगंजमा माेटरसाइकल ठेलेर विराेध प्रदर्शन

0

वीरगंज । सतारुढ दल निकटकाे विद्धार्थी संगठन अनेरास्ववियू (क्रान्तिकारी) पर्साले पेट्राेलियम पदार्थकाे मूल्य बृद्धिकाे विराेधमा वीरगंजमा माेटरसाइकल ठेलेर विराेध प्रदर्शान गरेकाे छ ।

वीरगंजकाे माइस्थान चाैकमा जम्मा भएका अनेरास्ववियूका नेताहरुले त्यहाँबाट माेटरसाइकल ठेलेर घण्टाघर चाैकमा पुगेका थिए । विराेध प्रदर्शनमा सहभागिहरुले भ्रष्ट आयल निगम मुर्दाबाद, पेट्राैलियम पदार्थकाे मूल्य बृद्धि खारेज गर लगायतका नाराहरु लगाएका थिए ।

अनेरास्ववियू (क्रान्तिकारी) पर्साका जिल्ला अध्यक्ष कबिराज पटेलकाे अध्यक्षतामा भएकाे विराेध प्रदर्शनमा अनेरास्ववियू (क्रान्तिकारी)का केन्द्रिय सदस्य जुबेर आलम, जिल्ल सचीव सोहेब आलम, वीरगंज महानगर अध्यक्ष विवेक साह, सचीव मिरोज अहमद, एहसान अन्सारी लागायतका विद्यार्थी नेताहरुको सहभागीता रहेको थियो ।

वीरगंज नाकाबाट ट्रकमा लागु औषधकाे तस्करी, दुई ट्रकसहित चार जना पक्राउ

0

वीरगंज । वीरगंज नाकाबाट ट्रकमा लागु औषधकाे तस्करी भइरहेकाे पाइएकाे छ । दुई वटा ट्रककाे चालक बस्ने सिटमुनि बोरा भित्र लुकाइछिपाई ल्याएको लागु औषधसहित प्रहरीले बुधबार राती ४ जनालाई नियन्त्रणमा लिएकाे छ ।

प्रहरीले वीरगंजकाे ड्राईपोर्टबाट परवानीपुरतर्फ जाँदै गरेका बा.३ ख ८८०८ नम्बरको मिनी ट्रकमाथि शंका लागी रोकी रीतपूर्वक खानतलासी गर्दा उक्त गाडीको चालक बस्ने सिटमुनि बोराभित्र लुकाइछिपाई ल्याएको लागु औषध कोरेक्स ५४ बोत्तल र सोही समयमा ना.५ ख ६८७७ नम्बरको ट्रकलाई रोकी जाँच गर्दा चालक बस्ने सिटमुनि बोराभित्र लुकाइछिपाई ल्याएको लागु औषध कोरेक्स २२३ बोत्तल गरी जम्मा २७७ बोतल फेला परेकाे जिल्ला प्रहरी कार्यालय पर्साले जनाएकाे छ ।

ट्रक र बरामद लागु औषधसहित प्रहरीले मकवानपुर जिल्लाकाे मनहरी गाउँपालिका वडा नं. ७ का ३५ बर्षिय अनुप बर्ताैला, हेटाैडा उपमहानगरपालिका वडा नं. ७ का ४५ बर्षिय राजु बस्नेत, हेटाैडा उपमहानगरपालिका वडा नं. ६ निवासी ३१ बर्षिय प्रमाेद श्रेष्ठ र झापा जिल्ला मेची नगरपालिका वडा नं. १ का ५० बर्षिय गाेपाल थापालाई प्रहरीले नियन्त्रणमा लिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।  

प्राप्त सूचना अनुसार जिल्ला प्रहरी कार्यालयबाट खटिएकाे चेकिङग टोलीले वीरगञ्ज महानगरपालिकाकाे वडा नं. २५ बहुअरी सडकखण्डबाट लागु औषधसहित ट्रक र चार जनालाई नियन्त्रणमा लिई लागु औषध सम्बन्धी कसूरमा अनुसन्धान अगाडि बढाइएको उनले जानकारी गराए ।

जसपाले सांसद यादवलाई केन्द्रिय सदस्यबाट हटायो

0

वीरगंज ।  जनता समाजवादी पार्टीले संघीय सांसद प्रदीप यादवलाई केन्द्रीय सदस्यबाट हटाएको छ। पार्टी अनुशासनविपरीत गतिविधि गरेको भन्दै यादवलाई कारबाही गरिएको केन्द्रीय सदस्य प्रमोद साहले बताए। 

काठमाडौंमा सम्पन्न पार्टीको कार्यकारिणी समितिको बैठकले पर्सा क्षेत्र नं. १ बाट निर्वाचित सांसद प्रदीप यादवलाई कमिटीबाट निष्कासन गरेको उनले बताए। जसपाले कात्तिक ११ गते प्रदीप यादवलाई स्पष्टीकरण सोधेको थियो । यादवले स्पष्टीकरणको जवाफ पार्टीलाई बुझाइसकेका छन् । 

मन्त्री नपाएको भन्दै प्रदीप यादवले जिल्लादेखि केन्द्रसम्म पार्टीविरुद्ध आन्दोलन गर्न लगाएको आरोप उनीमाथि रहेको थियो । सोहीबारे यादवलाई सात बुँदे स्पष्टीकरण सोधिएको थियो । गठबन्धन सरकारको मन्त्रीमण्डल विस्तारमा जसपाबाट मन्त्रीमा समावेश नगरेपछि यादवले पार्टी नेतृत्वविरुद्ध अभिव्यक्ति दिएका थिए।