Date
बिहि, मंसिर ३, २०८३
Thu, November 19, 2026
Home Blog Page 745

आमा सुरक्षा कार्यक्रमको लागि सूर्य हस्पिटललाई गैरकानुनी सिफारिस

0

वीरगंज । वीरगंज महानगरले सूर्य हस्पिटललाई “आमा सुरक्षा कार्यक्रम” पार्नको लागि गैरकानुनी सिफारिस गरेको घटना सार्वजनिक भएको छ । तत्कालिन जिल्ला जनस्वस्थ्य कार्यालय पर्साबाट १५ शैय्याको अनुमति पाएको सूर्य हस्पिटललाई आमा सुरक्षा कार्यक्रमको सेवा सुविधा लिनको लागि स्वास्थ्य मन्त्रालयको स्वास्थ्य विभागमा २५ शैयाको अस्पताल भनेर सिफारिस गरिएकाे छ ।

गत साउन ७ गतेको मितिमा महानगरको स्वास्थ्य तथा समाजिक विकास महाशाखाका प्रमुख अरुण महतोले उक्त सिफारिस गरेपछि मापदण्ड विपरित सम्झौताको लागि अहिले अस्पताल पक्षले महानगरमा दौडधुप गरिरहेको छ । आर्थिक प्रलोभनमा परी अरुणे महतोले उक्त सिफारिस गरेको महानगर स्रोतको दावी छ ।

अस्पताललाई आमा सुरक्षा कार्यक्रम पार्न लाखौं रुपियाको लेनदेन भएको स्रोतको दावी छ । महतो महानगरको महाशाखाबाट गत मंसिर १४ गते अवकास पाएका छन् । उनी अवकास पाउने मितिमा पनि सम्झौता गराएर अवकास पाउने लक्ष्य राखेका थिए । तर वीरगंज महानगरको प्रमुख प्रशासीकय अधिकृतको सरुवाको कारण सम्झौतामा ढिलाई भइरहेको छ । 

सूर्य अस्पताल नारायणी अस्पतामालमा कार्यरत डा. सरोज सिंह, मोनिका यादव सिंहले सञ्चालन गर्दै आएका छन् । केही दिन अघि पहिलाको जनस्वास्थ्य कार्यालयका अधिकृत सच्चिदानन्द सिंह आशिक रुपमा सूर्य अस्पतालमै कार्यरत थिए । उनी अहिले त्यहाँबाट काम छोडेका छन् । सिंहले नै तत्कालिन जनस्वस्थ्य प्रमुख महतोसंग जनस्वस्थ्यमा काम गरेको हुनाले आमा सुरक्षा कार्यक्रमको लागि डिल गरेका थिए ।  

“आमा सुरक्षा कार्यक्रम” नेपाल सरकारको स्वास्थ्य मन्त्रालयले दिने सुविधा हो ।

यस अन्तर्गत १५ वेड भन्दा कम क्षमताको अस्पतालमा नर्मल डिलेभरी गराउदाँ सुत्केरील १ हजार पाउने नियम छ, तर ५० वेडभन्दा बढि क्षमताको यो कार्यक्रम लागु भएको अस्पतालमा नर्मल डिलेभरी गराएको खण्डमा १५ सय भत्ता पाउँछन् ।

त्यसैगरी, १५ बेडको अस्पताललाई शल्यक्रिया गर्ने सुविधा नदिने नियम छ । सूर्य अस्पतलापनि त्यही वर्गको अस्पताल हो । तर शल्यक्रियासहितको सुविधा पाउन सूर्य अस्पतालले दौडधुप गरिरहेको छ । यदि सूर्य अस्पताले शल्यक्रियासहितको आमा सुरक्षाको कार्यक्रम पायो भने प्रति सुत्केरी सरकारबाट ७ हजार ५ सय पाउँछ ।

नियमले शल्यक्रियासहितको सुविधा नपाउने अस्पताललाई २५ वेडको अस्पताल भनेर सिफारिस गरिनु र शल्यक्रियासहितको कार्यक्रम दिन स्वास्थ्य तथा समाजिक महाशाखाका कर्मचारीहरुले चलखेल गरेका हुन् ।

सरकारी नियम अनुसार एउटा अस्पतालदेखि १ किलोमिटरमा अस्पताल चलाउन पाइदैन । नेपाल सरकारको स्वस्थ्य मन्त्रालयले सरकारी अस्पताल छेउछाउमा निजि अस्पताल नचलाउने नियम बनाए तापनि त्यसको अनुगमन र कारबाई गरिएको छैन् ।

स्वस्थ्य मन्त्रालयले अस्पताल सञ्चाल निर्देशिका २०७५ को १३ नम्बर बुंदामा स्थान तथा जग्गा पूर्वधार शिर्षकमा भनेको छ–‘एउटा अस्पतालभन्दा अर्को अस्पतालको दुरी कम्तिमा एककिलोमिटर रहनु पर्छ ।’

सूर्य अस्पताल सरकारी नारायणी अस्पताल भन्दा ३ सय मिटर दिक्षिणमा मात्रै छ । जनस्वस्थयले अनुमित दिदा उक्त अस्पताल वीरगंज सिगरेट फैक्ट्री नजिकै सञ्चालन हुन्थ्यो । एक वर्षदेखि नारायणी अस्पताल छेउमै सञ्चालन भइरहेको छ । तर अनुगमनकर्ता निकाय मौन रहेको पाइएको छ ।

पर्सामा विभिन्न कार्यक्रम गरी अपाङ्ता दिवस मनाइयाे

0

वीरगंज । लैंगिक हिंसा विरुद्धकाे १६ दिने अभियान अन्तर्गत शुक्रबार वीरगंजमा ३० औं अन्तराष्ट्रिय अपाङ्ता दिवस मनाइएकाे छ । दिव्य युवा क्लब र भिएसाे नेपालकाे साझेदारीमा संचालित किशाेरी सशक्तिकरणकाे लागि शिक्षा कार्यक्रम अन्तर्गत अपाङ्ता दिवस मनाइएकाे हाे ।

दिवसकाे अवसरमा “परिवर्तन सम्भव छ” बिषयगत नाटक प्रस्तुत गरी जनचेतना जगाउने कार्य गरिएकाे परियाेजना संयाेजक गणेश ठकुरीले वताए । त्रिजुद्ध माध्यमिक विद्यालय वीरगंजमा भएकाे कार्यक्रममा प्रस्तुत नाटकमा दृष्टि विहिन बालबालिकाहरु र परियाेजनाका कर्मचारीहरु अभिनय गरेका थिए ।

दिव्य युवा क्लबका कार्यकारी निर्देशक रामाकान्त प्रसाद कुर्मीकाे अध्यक्षतामा भएकाे कार्यक्रममा वीरगंज महानगरपालिकाकाे शिक्षा शाखा प्रमुख अरबिन्द लाल कर्ण, उद्याेग वाणिज्य महासंघ प्रदेश नं. २ का अध्यक्ष एवम् साहित्यकार गणेश लाठ, समाजिक अभियान्ता प्रकाश थारु लगायतकाे सहभागिता रहेकाे थियाे ।

नाटकमा अभिनय गर्ने ८ जना दृष्टिविहिन बालबालिकाहरुलाई प्रशंसा पत्रकाे साथै ज्याकेट वितरण गरिएकाे थियाे ।

साेही कार्यक्रममा उद्याेग वाणिज्य महासंघ प्रदेश नं. २ का अध्यक्ष एवम् साहित्यकार गणेश लाठले स्राेत कक्षाका बालबालिकाहरुलाई ११ थान सिरक समेत वितरण गरेका थिए ।

रेस र हपकच प्रतियाेगिता सम्पन्न

सुनाई सम्बन्धि अपाङ्ता भएका बालबालिकाहरुकाे लागि श्री नेपाल राष्ट्रिय माध्यमिक विद्यालय भिखमपुरमा आयाेजित रेस र हपकच प्रतियाेगिता सम्पन्न भएकाे छ ।

किशाेरी सशक्तिकरणकाे लागि शिक्षा कार्यक्रम अन्तर्गत भएकाे रेस प्रतियाेगितामा प्रियंका कुमारी पटेल प्रथम, रामबाबु राउत दाेस्राे र चन्दन चाैधरी तेस्राे भएका छन् ।

यस्तै, हपकच प्रतियाेगितामा मुस्कान खातुन प्रथम, कुल्सुम खातुन दाेस्राे र रुबी कुमारी तृतिय भएकी छन् ।

प्रत्याेगितामा प्रथम, दाेस्राे र तेस्राे हुनेकाे साथै सहभागि सम्पूर्ण ११ जनाल सुनाई सम्बन्धि अपाङ्गता भएका बालबालिकाहरुलाई सन्तावना पुरस्कार वितरण गरिएकाे परियाेजना संयाेजक ठकुरीले जानकारी दिए । 

हरवा चरवा अधिकार मंच बारा गठन

0

वीरगंज । हरवा चरवा अधिकार मंच बाराको जिल्ला भेला शुक्रबार सप्पन्न भएको छ । बाराको सदरमुकाम कलैयामा सम्पन्न भेलाले माहाबिर माझिको अध्यक्षतामा १५ सदस्यीय हरवा चरवा अधिकार मंच बारा गठन गरेको छ ।

जसको उपाध्यक्षमा लक्ष्मी बिक, सचीवमा झगरु पासवान, सह-सचीवमा दलि माझी, कोषाध्यक्षमा धनमती राम र सदस्यमा राजेश पासवान, हासिम अन्सारी, हिरामती गिरि, करिशमा माझी, बन्धु राम, राकेश राम, भुलनी माझी, शन्त माझी, ललिता पासवान, दामोदर पासवान रहेका छन् ।

माहाबिर माझिको अध्यक्षतामा भएकाे भेलाकाे उद्घाटन प्रदेश सभा सदस्य एवं नेकपा एकिकृत समाजवादी प्रदेश २ का संसदीय दलका सचेतक सुन्दर बिकले गरेका थिए ।

भेलालाई सम्बाेधन गर्दै उनले अत्यन्तै पिछडिएका हरवा चरवाहरुको जीवन स्तर उकास्नका निम्ति तिनीहरुको आवश्यक मुद्दा सम्बोधन गर्न पहल गर्ने प्रतिबद्धता जाहेर गरे ।

भेलामा द फ्रिडम फनडका प्रामर्शदाता एवं कनुनी सल्लाहकार बलराम भट्टराई, हरवा चरवा अधिकार मंचका केन्द्रीय सचिव महमद काशिम अनसारी, सिरहाका अध्यक्ष श्याम सुन्दर सदा, दलित मुक्ती संगठन पर्साका अध्यक्ष सुशील हजरा, रास्ट्रिय दलित नेटवर्कका टिम लिडर हुकुम सार्की लगायतले आफ्नाे धारणसहितकाे मन्तव्य ब्यक्त गरेका थिए ।

कार्यक्रम बारे जानकारी रुपनरायन पासवानले गराएका थिए भने कार्यक्रमकाे संचालन दशरथ रामले गरेका थिए ।

नेपाली कांग्रेस पर्साकाे क्षेत्रिय सभापतिमा गुप्ता, सहाबुदिन र चाैहान विजयी

0

वीरगंज । नेपाली कांग्रेसको १४ औँ महाधिवेशन अन्तर्गत पर्साको ४ वटै प्रतिनिधि सभा क्षेत्रमा क्षेत्रिय अधिवेशन सम्पन्न भएकाे छ । क्षेत्र नं. १, २ र ३ मा निर्वाचनबाट र क्षेत्र नं. ४ मा निर्विराेध अधिवेशन सम्पन्न भएकाे हाे ।

पर्सा क्षेत्र नम्बर १ काे सभापतिमा अरविन्द कुमार गुप्ता निर्वाचित भएका छन् । क्षेत्रिय सचिवमा विनय कुमार गुप्ता र हरिप्रसाद यादवसहित २३ सदस्यीय क्षेत्रीय कमिटी निर्वाचित भएको छ भने २४ जना महाधिवेशन प्रतिनिधि निर्वाचित भएका छन्।

महाधिवेशन प्रतिनिधिमा अजयकुमार द्विवेदी, अनिल रूङ्गटा, इम्तियाज आलम, राजकुमार गुप्ता, लक्ष्मीनाथ नेपाल, प्रकाश कुमार उपाध्याय, ईश्वरभक्त श्रेष्ठ, राजकृष्ण अमात्य, रामनारायण कुर्मी र राधेश्याम चौरसिया, फिरोज खाँ, प्रकाश प्रधान, मुकेश गुप्ता, कन्हैया प्रसाद, देवनाथ उपाध्याय, मिन्टुदेवी सिंह, अनामिका देवीलगायत निर्वाचित भएको क्षेत्र नम्बर १ का निर्वाचन अधिकृत प्रदीप कुमार जैसवालले जानकारी दिए ।

यस्तै, क्षेत्र नम्बर २ काे सभापतिमा महम्मद सहाबुद्दिन विजयी भएका छन् । वैकुण्ठ श्रीवास्तवलाई पराजित गर्दै सभापतिमा महम्मद सहाबुद्दिन विजयी भएका हुन्। उनको नेतृत्वमा २१ सदस्यीय क्षेत्रीय कमिटी निर्वाचित भएको छ भने १७ सदस्यीय महाधिवेशन प्रतिनिधि मण्डल निर्वाचित भएको क्षेत्र नम्बर २ का निर्वाचन अधिकृत तिर्थराज यादवले जानकारी दिए ।

महाधिवेशन प्रतिनिधिमा प्रदेश सभा सदस्य राजेश्वर प्रसाद साह, पर्सागढी नगरपालिकाका मेयर लाेकनारायण यादव, बहुदरमाई नगरपालिकाका मेयर नितेन्द्र साह, जिल्ला सचिव श्याम पटेल, नेता रामरूप प्रसाद कुर्मी, राकेश सिंह, अनिल प्रसाद शर्मा, दीनाप्रसाद गुप्ता, प्रेमचन्द दुबे लगायत निर्वाचित भएका छन् ।

नेपाली कांग्रेस पर्साका पूर्व सभापति राजेन्द्र बहादुर अमात्य महाधिवेशन प्रतिनिधिमा पराजित भएका छन् ।

यस्तै, क्षेत्र नम्बर ३ काे सभापतिमा श्रीकिशुन चौहान निर्वाचित भएका छन् । भगवति चौधरीलाई पराजित गर्दै श्रीकिशुन चौहान विजयी भएको निर्वाचन अधिकृत छोटेलाल प्रसादले जानकारी दिए ।

क्षेत्र नम्बर ३ बाट महाधिवेशन प्रतिनिधिमा सुरेन्द्र चौधरी, ज्ञानेन्द्र मिश्र, ललन द्विवेदी, अशोक कुमार गुप्ता, दिनेश कुमार चौधरी, जनार्दनसिंह क्षेत्री, शैलेन्द्र यादव, विद्याकान्त पाण्डे, मुकेश प्रसाद कुर्मी, उमेश कुमार चौधरी, रामजनम चौधरीलगायत निर्वाचित भएका छन्।

यसअघि पर्सा क्षेत्र नम्बर ४ काे सभापतिमा श्रीकान्त यादव निर्विरोध निर्वाचित भएका थिए ।

धाेबिनी गाउँपालिकाद्वारा इप्रका लंगडीलाई कम्प्युटर सहयाेग

0

वीरगंज । पर्साकाे धाेबिनी गाउँपालिकाले ईलाका प्रहरी कार्यालय लंगडीलाई एक थान कम्पुटर सहयाेग गरेकाे छ । गाउँपालिकाले ईलाका प्रहरी कार्यालयलाई एक थान डेस्कटप कम्प्युटर, कि–बोर्ड, माउस तथा प्रिन्टर सहयाेग गरेकाे प्रमुख प्रशासकिय अधिकृत राजु साहले जानकारी दिए ।

ईलाका प्रहरी कार्यालय लंगडीमा पछिल्लो समय सेवा ग्राहीलाई सेव दिन समस्या भैइरहेको अवस्थामा गाउँपालिकाबाट सहजिकरण गरी एक थान कम्पुटर सहयाेग गरिएकाे प्रमुख प्रशासकिय अधिकृत साहले वताए ।

ईलाका प्रहरी कार्यालय लंगडीमा हस्तलेखीत मुचुलका बनाउदा समस्य हुँदै गरेको अवस्थामा कार्यपालिका सदस्यहरुको राेहबरमा कम्प्युटर हस्तान्तरण गरिएकाे गाउँपालिकाले जनाएकाे छ ।

गाउँ कार्यपालिकाकाे कार्यालय लंगडी मै इलाका प्रहरी कार्यालय लंगडीका इन्चार्जलाई प्रमुख प्रशासकिय अधिकृत राजु साह, वडा नम्बर ५ का वडा अध्यक्ष मनौवर अहमद, कार्यपालिका सदस्य दिपक सर्राफ लगायतकाले संयुक्त रुपमा कम्प्युटर हस्तान्तरण गरेका थिए ।

घरेलु मदिरा लोड गरेकाे ट्रकसहित चालक पक्राउ

0
वीरगंज । पर्सा प्रहरीले घरेलु मदिरा लोड गरेकाे ट्रकसहित एक जनालाई पक्राउ गरेकाे छ । बा.प्र.०३-००१ क ०२९९ नम्बरको मिनी मालवाहक ट्रक र मकवानपुर भिमफेदी गाउँपालिका वडा नम्बर १ बस्ने वर्ष ३० को ट्रक चालक सुर्य बहादुर पाख्रिनलाई प्रहरीले पक्राउ गरेकाे हाे ।
 
बिहिबार दिउसाे १ बजे वीरगंज महानगरपालिकाकाे वडा नं.२१ परवानीपुर चोकमा मकवानपुरबाट तयारी घरेलु मदिरा लोड गरी वीरगञ्जतर्फ ल्याउँदै गरेको सूचना अनुसार जिल्ला प्रहरी कार्यालय पर्साबाट खटिएको टोलीले उक्त ट्रक रोकी जाँच गर्दा ट्रकभित्र तयारी घरेलु मदिरा अं.३५० लिटर फेला परेको प्रहरीले जनाएकाे छ ।
 
फेला परेकाे घरेलु मदिरासहित ट्रक र चालक पाख्रिनलाई घरेलु मदिरा सम्बन्धी कसूरमा आवश्यक कारवाहीको लागि बिहिबार नै आन्तरिक राजश्व कार्यालय वीरगञ्जमा बुझाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।

अन्तर विद्यालय फुटबलमा फत्तेपुर विजयी

0

सिमरा । ग्रास रुट फाउण्डेसनले आयोजना गरेको अन्तर विद्यालय फुटबल प्रतियोगितामा बाराको जीतपुरसिमरा उपमहानगरपालिका वडा नम्बर १२ स्थित श्री नेरामाबी फत्तेपुरले विजयी सुरुवात गरेका छ । सिमरा रंगशालामा आज भएको उद्घाटन खेलमा जीतपरसिमरा २ को सेन्ट जोन्स एकेडेमीलाई २–० ले हराएको हो ।

फत्तेपुरको जीतमा आदेश चौधरी र अनिश चौधरीले १–१ गोल गरे । ७० मिनेट निर्धारण गरिएको खेलको पहिलो हाफ गोल रहित बराबरीमा सकिएको थियो ।

सेन्ट जोन्सलाई सुरुवाती समयदेखी नै दवावमा राखेको फत्तेपुरले गोलका लागि भने ५४औँ मिनिेटसम्म संघर्ष गर्नुप¥यो । ५४औँ मिनेटमा फत्तेपुरका आदेश चौधरीले टिमलाई अग्रता दिलाएका थिए । लगत्तै ६५ मिनेटमा अनिश चौधरीले गोल गर्दै टिमको अग्रता दोब्बर पारे । अनिशको गोल नै फत्तेपुरको जितका लागि निर्णयक बन्यो ।

शरिरिक हिसाबले समेत फत्तेपुरसँग कमजोर देखिएको सेन्ट जोन्स हारसँगै प्रतियोगिताबाटै बाहिरिएको छ । खेलमा उत्कृष्ट प्रदर्शन गर्दै फत्तेपुरका आशिक राय म्यान अफ द म्याच घोषित भए ।

प्रतियोगिता अन्तर्गत शुक्रबार २ खेल हुनेछन् । १२ः३० मा हुने पहिलो खेलमा एक्स सर्भिसमेन एकेडेमी र नेरामाबी औराहा भिड्नेछन् भने दिउसो २ः३० बजे लोटस एकेडेमी र सेन्ट अल्फोन्साज ईङ्लीस स्कुलबिच दोस्रो खेल हुने प्रतियोगिताका संयोजक सोनु क्षेत्रीले जानकारी दिए ।

सांसद यादवद्वारा इटियाहीमा ढलान सडक र नाला उद्घाटन

0

वीरगंज । पर्सा क्षेत्र नं. १ का संघीय सांसद प्रदीप यादवले वीरगंजको ईटियाहीमा ढलान गरिएको सडकको उद्घाटन गरेका छन् ।

बर्षाैदेखी अलपत्र रहेको वीरगंज महानगरपालिका–२३ ईटियाहीका दलित बस्तीमा सांसद यादवको संसदीय विकास कोषको १० लाखको लागतमा बनेको ढलान सडक र नालाको शनिबार उद्घाटन गरिएको हो । निर्माण भएको ढलान सडक र नालाको उद्घाट गर्दै सांसद यादवले सडकसंगसंगै हरेक विकास निर्माणको कार्यलाई अगाडी बढाईने बताए ।

कुनै पनि गाउँको आर्थिक, समाजिक रुपान्तरणको लागि सडक र नालाको विकास अनिवार्य रहेको सांसद यादवले बताए । व्यवस्थित सडक र नाला भएसंगै स्थानीलये सडक किनारमा केही लगानी गरी आयमुलक कार्य गर्न सक्ने सांसद यादवले विश्वास व्यक्त गरे ।

व्यवस्थित सडक र पानीको निकासको लागि नाला नहुँदा ईटियाहीका दलित समुदाय बर्षाैदेखी सास्ती खेप्दै अएका थिए, तर सांसद यादवले ढलान सडक र नालाई बनाईदिएपछि बर्षाैदेखीको समस्याबाट छुटकारा भएपछि आफूहरु खुशी भएको बताए ।

नेपाली कांग्रेस प्रदेश नं. २ काे अधिवेशन सुरु

0

वीरगंज । नेपाली कांग्रेस प्रदेश नं. २ काे प्रदेश अधिवेशन बिहिबारदेखी सुरु भएकाे छ । जनकपुरधामकाे त्रृगछियामा सुरु भएकाे अधिवेशनकाे उद्घाटन भर्जुअल माध्यमबाट प्रधानमन्त्री तथा नेपाली कांग्रेसका सभापति शेरबहादुर देउवाले गरेका थिए ।

भर्चुअल माध्यमले नै अधिवेशन उद्घाट समाराेहलाई सम्बाेधन गर्दै प्रधानमन्त्री देउवाले निकट भविष्यमा हुने तीनै तहको निर्वाचनमा केन्द्रित हुन नेता, कार्यकर्ताहरुलाई निर्देशन दिए । उनले केही महिनाभित्रै स्थानीय तहको र एक वर्षभित्र संघ र प्रदेशको निर्वाचन हुने भन्दै पार्टीको अधिवेशनलगत्तै चुनावतर्फ केन्द्रित हुन निर्देशन समेत दिए ।

उनले पार्टीभित्रको चुनाव हुने हार, जित स्वाभाविक प्रक्रिया र लोकतान्त्रिक अभ्यास भएको भन्दै आगामी दिनमा जनताको विश्वास जित्नेगरी चुनावमा केन्द्रित हुन आग्रह गरे । 

प्रधानमन्त्री देउवाले प्रदेश अधिवेशनमा कांग्रेसलाई थप सशक्त र बलियो बनाएर जनताको मन जित्ने रणनीति बनाउने विषयमा पनि छलफल गर्न आग्रह गरे । उनले लोकतन्त्र बलियो भए मात्रै मुलुक समृद्ध हुने भन्दै विकास र समृद्धिको नेतृत्व नेपाली कांग्रेसले मात्रै गर्नसक्ने दाबी गरे ।

नेपाली कांग्रेसका केन्द्रिय सदस्य एवम् प्रदेश नं. २ का संयाेजक रमेश रिजालकाे सभापतित्वमा भएकाे उद्घाटन समाराेहलाई नेपाली कांग्रेसका उप सभापति विमलेन्द्र निधी, केन्द्रिय सदस्य महेन्द्र यादव, आनन्द ढुंगाना, स्मृति नारायण चाैधरी लगायतकाले सम्बाेधन गरेका थिए ।

नेपाली कांग्रेसकाे १४ औं महाधिवेशन अन्तर्गत सुरु भएकाे प्रदेश अधिवेशनमा भाेली (शुक्रबार)देखी निर्वाचन प्रक्रिया सुरु हुने नेपाली कांग्रेस पर्सा क्षेत्र नं. ४ का सभापति श्रीकान्त यादवले जानकारी दिए । उनका अनुसार शुक्रबार मतदाता नमावली प्रकाशन, शनिबार मनाेनयन दर्ता र त्यसपछि मतदान हुने छ ।