Date
बिहि, मंसिर ३, २०८३
Thu, November 19, 2026
Home Blog Page 744

माओवादी केन्द्र पोखरिया नपाको प्रथम सम्मेलन सम्पन्न

0

वीरगंज । नेपाल कम्युनिस्ट पार्टी (माओवादी केन्द्र) पोखरिया नगरपालिकाको प्रथम नगर सम्मेलन शनिबार सम्पन्न भएको छ ।    सम्मेलनले पन्नालाल पटेलको अध्यक्षतामा ७५ सदस्यिय नगर कमिटी सर्वसहमत चयन गरेको छ ।

अध्यक्ष पटेलको अध्यक्षतामा भएको सम्मेलनको उद्घाटन जगरनाथपुर गाउंपालिकाका अध्यक्ष एवम् माओवादी केन्द्रका केन्द्रिय सल्लाहकार समितिका सदस्य जालिम मियाले गरेका थिए । 

पोखरियामा भएको सम्मेलनमा प्रदेश कमिटी सदस्य रामबाबु बैठा, स्थानिय नेता रामबचन महतो, पारस साह,पिन्टुु रौनियार, हरिन्द्र महतो, पारस साह तेली लगायतकाले शुभकामना मन्तव्य राखेका थिए भने कार्यक्रमको संचालन वाईसिएलका पर्सा संयोजक ओमप्रकाश गुप्ताले गरेका थिए । 

नेकपा माओवादी केन्द्र कलैयाका अध्यक्षमा साह सर्वसम्मत

0

वीरगंज । नेपाल कम्युनिस्ट पार्टी (माओवादी केन्द्र) कलैयाको प्रथम उपमहानगर अधिवेशन शनिबार सम्पन्न भएको छ। कलैयामा सम्पन्न अधिवेशनबाट मुकेश साह सर्वसम्मत अध्यक्ष चयन भएका छन ।

कलैयास्थित होटेल करन राज पार्टी प्यालेसमा सम्पन्न भएको अधिवेशनले साह को अध्यक्षतामा ८१ सदस्यीय नगर कमिटी चयन गरेको हो । संगठनको उपाध्यक्षमा रमेश साह, सुनिल कुश्वाहा, आबिद हुसैन अंसारी, सचिवमा हसनजान अंसारी, कोषाध्यक्षमा मिना सिंह रहेका छन् ।

 त्यसैगरी सदस्यहरुमा दिनेश यादव, संदिप यादव, ब्रहमदेव कुशवाहा, दुःखिराम, समि अख्तर, रवि कुमार क्षेत्री, बिनोद कुमार गुप्ता लगायतका रहेका छन।

रेडियो वीरगंजको रक्तदान कार्यक्रम भव्य रुपमा सम्पन्न

0

वीरगंज । मध्ये तराईकाे पहिलाे रेडियाे, रेडियाे वीरगंज ९९ मेघाहर्जले शनिबार आफ्नाे १९ औं बार्षिकाेत्सवकाे अवसरमा आयाेजना गरेका रक्तदान कार्यक्रम सम्पन्न भएकाे छ । रेडियाेका कार्यकारी अध्यक्ष ध्रुव साहकाे अध्यक्षतामा रेडियाे परिसर मै भएकाे कार्यक्रममा २५ महिलासहित ३४१ जनाले रक्दान गरेका हुन् ।

कार्यक्रममा सखुवा प्रसाैनी गाउँपालिकाका अध्यक्ष प्रदिप जयसवाल, धाेबिनी गाउँपालिका प्रमुख प्रशासकिय अधिकृत राजु साह, नेपाली कांग्रेस बाराका प्रदेश सभा क्षेत्रिय अध्यक्ष लुकेश सिंह, सशस्त्र प्रहरीका डिएसपी सुमन थापा, समाजवादी प्रेस संगठनका नेता बृजलाल पासवान, पत्रकार मनाेज पटेल, हरिशंकर शर्मा, रन्जित चाैरसिया, विनाेद पटेल, सशस्त्र प्रहरी निरिक्षक किशमान तामाङ, जसपाका वीरगंज महानगर अध्यक्ष इश्वर यादव, नेता सलाउदिन अहमद, दिपक यादव, शिव कुमार साह, रेडियो वीरगंजका रंजित यादव, प्रकृति अधिकारी, लालझरी देवी, प्रेम पटेल, रेडियो पोखरियाका सैलेश गुप्ता, शिव शंकर मिश्राले रक्तादन गरे ।

यस्तै, शिव कुमार दास, संजय कुमार चौहान, रन्जित साह तेली, रामजी प्रसाद कुशवाहा, भुषण कुमार यादव, इन्दुमणि अधिकारी, भोला ठाकुर हजाम, सुमन थापा, ओम प्रकाश कुर्मी, लक्ष्मीना पटेल, सुशिल कुमार हजरा, कृष्णा यादव, निर्मराज बल, वृतनारायण यादव, भोला नाथ चौलागाई, इन्जिनियर मनोज कुमार दास, इन्जियनियर उमेश कुमार रौनियार, दिपक कुमार श्रेष्ठ, पुनम बहादुर श्रेष्ठ, सुशिल कुमार डंगाल, प्रमिला चौधरी, रामईश्वर यादव, अरविन्द पटेल, चन्दन जयसवाल, गम्भिरा साह, रामबाबु महतो, मृत्युन्जय प्रसाद तेली, कृष्ण यादव, अनिल महतो, नागेन्द्र कुम्हाल, रानी देवी श्रीवास्तव, राजिव पटेल, राकेश कुमार साह लगायतकाले रक्तदान गरेका हुन् ।

रक्तदान कार्यक्रममा ग्रमिण क्षेत्रका रक्तदाताहरुको उत्साहजनक सहभागिता रहेको थियो । रक्तदान कार्यक्रममा सहभागि पर्सा क्षेत्र नम्बर १ का संसाद प्रदिप यादवले रेडियो वीरगंजको टिमले सञ्चार क्षेत्रमा छुटै पहिचान बनाएको हुँदा रेडियो वीरगंजको इतिहास कसैले मेटेर मेट्न नसक्ने बताए ।

कार्यक्रममा सखुवा प्रसौनी गाउँपालिकाका अध्यक्ष प्रदिप जयसवालले रेडियो वीरगंजकै कारण ग्रामिण क्षेत्रमा रक्तदान गर्ने व्यक्तिहरुमा जागृती आएको बताए । जयसवालको नेतृत्वमा गाउँबाट ठुलो संख्यामा रक्तदाताहरु आईपुगेका थिए । 

यसअघि रक्तदान कार्यक्रमको शुभारम्भ गर्दै पर्साका प्रमुख जिल्ला अधिकारी उमेश ढकालले रेडियो वीरगंज मध्यतराईका जनताको ढुकढुकी भएको कुरा रक्तदान कार्यक्रममा देखिएको उल्लेख्य सहभागिताले प्रमाणित गरेको बताएका थिए ।

कार्यक्रमलाई सम्बोधन गर्दै जिल्ला प्रहरी कार्यालय पर्साका प्रहरी उपरिक्षक रमेश बस्नेतले मध्यतराईमा रेडियो वीरगंजको छुटै पहिचान रहेको हुँदा रेडियो वीरगंजले आयोजना गरेको रक्तदान कार्यक्रम एतिहासिक भएको दावी गरे ।

कार्यक्रममा सशस्त्र प्रहरी उपरिक्षक राजेन्द्र खड्काले रेडियो वीरगंज परिसरमा विहानै देखिएको सहभागीताले रेडियोको भुमिका र सामाजिक उत्तरदायीत्वलाई देखाएको भन्नुहुँदै आगामी दिनमा रेडियोको अझै उन्नती र प्रगतीको कामना गरे ।

रक्तदान गर्न बाराबाट आउनु भएका नेपाली कांग्रेस बारा क्षेत्र नम्बर ४ ख का प्रदेश सभापति लोकेश सिंहले युवाहरु कुलतमा लागेर विग्रि रहेको अवस्थामा चेतनामुलक कार्यक्रममा सहभागि भई रक्तदान गर्नु महादान भएको बताउँदै युवाहरुलाई समाजसेवामा जुटन आग्रह गरे ।

रक्तदान कार्यक्रममा पकामैनपुर गाउँपालिकाका अध्यक्ष विजय चौरसिया, जिल्ला प्रहरी कार्यालय पर्साका डिएसपी ओमप्रकाश खनाल, प्रहलाद कार्की, नेपाली कांग्रेस पर्साका सचिव श्याम पटेल, नेकपा एमालेका अध्यक्ष प्रभु हजरा, लोसपा पर्साका अध्यक्ष पुरुषोत्तम झा, नेता नेजामुदिन सम्मानी, नेकपा एकीकृत समाजवादीका वीरगंज महानगर अध्यक्ष मनाेज चाैधरी, नेपाली कांग्रेसका क्षेत्रिय सभापति महमद सहाबुद्धीन, एमालेका नेता शम्भु गुप्ता, सुन्दर कुर्मी, महिला नेतृ रेखा साह, रेडक्रसका अधिकृत उदयराज शर्मा, नेपाल पत्रकार महासंघका केन्द्रिय सचिव दिपेन्द्र चौहान लगायतकाकाे सहभागिता रहेकाे थियाे ।

कार्यक्रममा नेपाल रेडक्रस सोसाईटी रक्त सञ्चार केन्द्रका प्रमुख सौरभ राज पाण्डे नेतृत्वको टोलीसहित वीरगंज नर्सिङ क्याम्पसका नर्सहरुले प्राविधिक सहयोग पुर्याएका थिए । रक्तदान कार्यक्रममा किरण आखा अस्पतालले कार्यक्रम स्थलमै निशुल्क आखा परिक्षण शिवीरको आयोजना समेत गरेको थियो ।

रक्तदान कार्यक्रममा नेपाल हिन्द रेडियो श्रोता संघका अध्यक्ष पन्नालाल पटेल लगायतको टिम तथा नेपाल विहार रेडियो श्रोता संघका अध्यक्ष हरेन्द्र यादव सहितको टोलीले रक्तदान गरी कार्यक्रममा उत्साहजनक सहभागिता जनाएको थियो ।

यसैविच रक्तदान कार्यक्रमलाई समापन गर्दै रेडियो वीरगंजका कार्यकारी अध्यक्ष ध्रुव साहले कार्यक्रममा सहयोग गर्ने सम्पुर्ण स्रोता, विज्ञापन दाता, प्रायोजक शुभचिन्तकहरुलाई धन्यवाद ज्ञापन गरे । उनले आगामी दिनमा पनि रेडियो वीरगंजले सबैबाट माया पाउने अपेक्षा समेत व्यक्त गरे ।

साहले रेडियो वीरगंजको १९ औ बार्षिक उत्सवको अवसर पारेर टिभी विरगंजले नियमित प्रशारण शुरु गर्ने घोषणा गरे ।

यसैगरी रेडियो वीरगंजको वार्षिक उत्सवको अवसरमा आगामी मंसिर २५ गते आदर्शनगरमा बृहत सांस्कृतिक कार्यक्रमको आयोजना गर्ने भएको छ । कार्यक्रममा देशका ख्यातिप्राप्त कलाकारहरुको बेजोड प्रस्तुती रहने साहले बताए ।

पर्सामा जिल्ला स्तरिय हरवाचरवा अधिकार मंच गठन

0

वीरगंज । पर्सामा शनिबार जिल्ला स्तरिय हरवाचरवा मंच गठन भएकाे छ । मंचकाे प्रथम जिल्ला भेलाले अमरदेव पासवानको अध्यक्षतामा १५ सदस्यीय हरवाचरवा अधिकार मंच पर्सा गठन गरेको हो ।

जसको उपाध्यक्षमा उमापती माझी, सचीवमा खेदन माझी, सह-सचीवमा रिता देबी पासवान, कोषाध्यक्षमा सोभा देबी राम, सदस्यमा परमा पासवान, संजय पासवान लगायतका रहेका छन् । 

वीरगंजस्थित नेपाल पत्रकार महासंघ पर्साकाे सभा हलमा भएकाे भेलाकाे उद्घाटन प्रदेश सभा सदस्य प्रहलाद गिरीले गरेका थिए ।

भेलालाई सम्बाेधन गर्दै प्रदेश सांसद गिरीले दलित शब्द नै हटाउनु पर्नेमा जाेड दिए । उनले दलित शब्द कै कारण साईकलोजिकल अवसर पर्ने गरेकाे तर्क गर्दै दलित शब्द नै हटाउनु पर्ने वताए ।

दलित शब्दको बिकल्प खोज्नु पर्ने उनको भनाई थियो । उनले दलितको नाउमा आउने कोटा पनि हुने खानेले नै हडपेको बताउँदै त्यसलाई पनि शुधार गर्दै संगठित हुनु पर्ने वताए ।

कार्यक्रमका प्रमुख अतिथी समेत रहेका सांसद गिरीले पिछडिएका हरवा चरवाहरुको जीवन स्तर उकास्नका निम्ति प्रदेश सरकारलाई पहलकदमी लिन पहल गर्ने प्रतिबद्धता जाहेर गरे ।

अमरदेव पासवानको अध्यक्षतामा भएकाे भेलामा द फ्रिडम फण्डका प्रामर्शदाता एवं कनुनी सल्लाहकार बलराम भट्टराई, हरवा चरवा अधिकार मंचका केन्द्रीय अध्यक्ष दरसन मन्डल, सिरहा अध्यक्ष श्याम सुन्दर सदा, अगुवा दलित नेता प्रभु पासवान, शिक्षक रबि भुसन राम, समाजबादी प्रेस संगठन पर्साका नेता मनोज पटेल , राष्ट्रिय दलित नेटवर्कका टिम लिडर हुकुम सार्की, रुपनरायण पासवान लगायतले मन्तव्य ब्यक्त गरेका थिए भने  कार्यक्रमकाे संचालन सुशील हजराले गरेका थिए ।

तेस्राे मेयर कप क्रिकेट टुर्नामेन्टमा कालिकामाई विजयी

0

वीरगंज । पर्साकाे पाेखरिया नगरपालिकामा जारी तेस्राे मेयर कप टि २० क्रिकेट टुर्नामेन्टकाे शनिबार भएकाे फाइनल खेलमा कालिकामाई गाउँपालिका विजयी भएकाे छ । आयाेजक पाेखरिया नगरपालिकालाई हराउँदै कालिकामाई गाउँपालिका विजयी भएकाे हाे ।

पाेखरिया नगरपालिकाकाे वडा नं. ७ स्थित शेरा फिल्ड भएकाे टुर्नामेन्टकाे फाइनल खेलमा सुरुमा पाेखरियाले व्याटिङ गर्दै पुरै २० खेल्दै ८ विकेटकाे छतिमा ११३ रना बनाएकाे थियाे ।

त्यसपछि ११४ रनकाे लक्ष्य लिएर जवाफी व्याटिङमा उत्रेकाे कालिकामाईले १८ ओभर मै ७ विकेटकाे छतिमा लक्ष्य पुरा गर्दै विजयी भएकाे थियाे ।

टुर्नामेन्टका विजेता कालिकामाईलाई पुरस्कार राशी एक लाख ५१ हजारकाे चेक र ट्रफी प्रदान गरियाे भने उप विजेता पाेखरियालाई पुरस्कार राशी ८१ हजारकाे चेक र ट्रफि प्रदान गरी सम्मान गरिएकाे थियाे ।

पाेखरिया युवा समाजका भगवान दास तात्वाकाे अध्यक्षतामा भएकाे पुरस्कार वितरण कार्यक्रममा प्रदेश सभा सदस्य प्रहलाद गिरीले विजेता टिम कालिकामाईका केप्तान जाबेद अख्तरलाई र उप विजेता टिम पाेखरियाका कप्तान शियानन्द चाैहान पुरस्कार राशीकाे चेक र ट्रफि हस्तान्तरण गरेका थिए ।

पुरस्कार वितरण कार्यक्रममा लाेसपाका नेता नेजामुदिन सम्मानी, पाेखरिया नगरपालिकाका प्रमुख प्रशासकिय अधिकृत अशाेक काेइराला, कालिका टाईम्सका प्रबन्ध निर्देशक छठु साह, पाेखरिया युवा समाजका उपाध्यक्ष दिनेश मिश्र लगायतकाकाे सहभागिता रहेकाे थियाे भने कार्यक्रमकाे संचालन सुजित गिरीले गरेका थिए ।

फाइन खेलकाे म्यान अफ द म्याच १८ बलमा ७ वटा छक्का र ४ वटा चाैकाकाे सहयाेगले ५५ रन बनाएका कालिकामाईका निमेश पटेल घाषित भएका थिए । टुर्नामेन्टकाेे बेस्ट ब्याटसमैन र म्यान अफ द सिरिज पाेखरियाका विकास दास घाेषित भएका थिए ।

पाेखरिया नगरपालिकाकाे सहयाेग र पाेखरिया युवा समाजकाे आयाेजनामा टुर्नामेन्टमा प्रतियाेगिता भएकाे थियाे ।

वीरगंजबाट साधुसन्तको भेषमा दुई जना संकास्पद व्यक्ति पक्राउ

0

वीरगंज । वीरगन्जको नगवाबाट साधुको सन्तकाे भेषमा रहेका दुई जना संकास्पद व्यक्तिलाई स्थानियले नियन्त्रणमा लिएर प्रहरीलाई बुझाएका छन् । वीरगंज १६ नगवाको बाबा होटल पछाडी रहेको गल्लीबाट साधुको भेषमा रहेका दुईजना अज्ञात व्यक्तिलाई स्थानियले नियन्त्रणमा लिई प्रहरीको जिम्मा लगाएका हुन् ।

स्थानिय अंकित श्रीवास्तवको घरमा भिख माग्न पुगेका गेरुवा कलरको वस्त साधरण गरी साधुको भेषमा रहेका र पहिचान समेत नखुलाएपछि उनीहरुमाथि शंका लागेर नियन्त्रणमा लिई नजिकै रहेको ईलाका प्रहरी कार्यालय नगवाको जिम्मा लगाएका हुन् ।

पक्राउ परेको दुवैजनाले आफनो सहि पहिचान र धर्म लुकाएर हिन्दुको नामले भिख मागेर साधुसन्तको बदनाम गर्न खोजेको भन्दै आक्रोशित स्थानियले उनीहरुलाई नियन्त्रणमा लिई प्रहरीको जिम्मा लगाएका हुन । पक्राउ परेका मध्ये एकजनाले आफनो नाम दिलिप र बुवाको नाम मुस्लिमले सलिम बताएपछि उनीहरुलाई शंका लागेको थियो ।

पछि दुवैजनालाई प्रहरीले नियन्त्रणमा लिई सोधपुछ र पहिचान पत्र मागेपछि उनीहरुको साथमा कुनै पहिचान पत्र नरहेको र बाल्यकालको फोटो अंकित एउटा आधार कार्ड भेटिएपनि त्यसमा उनको नाम दिलिप लेखिएको थियो भने, बुवाको नाम मुस्लिमको सलिम लेखिएको छ ।

प्रहरीले प्रारम्भीक अनुसन्धान गरेपछि पक्राउ परेका दुवैले आफनो घर ठेगाना गलत बताई रहेका थिए । कहिले दिल्ली त कहिले पन्जाब घर हाे ? थरी थरीका नाम परिर्वतन गर्न थालेपछि थप उनीहरुमाथि शंका बढेको हो । आफूलाई जोगि बताएपनि कुनैपनि हिन्दु देवी देवताको नाम समेत बताउँन सकिरहेको छैन ।

स्थानियहरुका अनुसार उनीहरुले आफूलाई हिन्दु बताएपनि हिन्दु धर्मावलम्बीको एउटा गुण समेत उनीहरुमा देखिएन । गेरुवा कलरको वस्त धारण गरी साधुको भेषमा, घाँटीका भगवान शिवको फोटो, हातमा त्रिशुल, कानमा कुण्डल, टाउँकोमा गेरुवा कलरकै पगरी लगाएको हेर्दा हिन्दु सन्तसाधु जस्तो देखिने तर हिन्दुको एउटा समेत गुण नभेटिएपछि ईलाका प्रहरी कार्यालयलाई शंका लागेर थप अनुसन्धान तथा कारवाहीको लागि वडा प्रहरी कार्यालयको जिम्मा लगाएका हुन् ।

पक्राउ परेका यिनीहरुको ३०/३५ जनाकाे गिरोह रहेको बुझिएकाे छ । करिब ६ महिना पहिला अवैध रुपमा नेपाल प्रवेश गरेका यिनीहरु अस्थायी रुपमा बाराको जितपुरस्थित लालकापुल नजिकै डेरा जमाएर बसेका छन ।

साधुसन्तको भेषमा बारा, पर्सा लगायत नेपालको विभिन्न ठाउँमा घुम्ने गरेका छन । साधुसन्तको भेषमा रहेको गैर हिन्दुहरुले गेरुवा कलरको वस्त लगाई हाम्रो सान्धुसन्तलाई बदनाम गरी नेपालमा विभिन्न अपराधी गतिविधि घटना घटाई भाग्न सक्ने अनुमान समेत स्थानियले लगाएका छन ।

पक्राउ परेकाहरुमाथी प्रहरीले राम्ररी अनुसन्धान गरी दोषी ठहरिए कडा कारवाही गर्नुपर्ने माँग समेत स्थानियले गरेका छन ।

अजय साहकाे अध्यक्षतामा समाजवादी प्रेस संगठन बारा गठन

0

कलैया । नेकपा (एकीकृत समाजावादी) निकट समाजवादी प्रेस संगठन नेपालकाे बारा जिल्ला भेला आज (शनिबार) कलैयामा सम्पन्न भएको छ ।

सम्पन्न जिल्ला भेलाले अजय साहको अध्यक्षमा २५ सदस्यीय बारा जिल्ला कमिटी गठन गरेकाे छ । संगठनको उपाध्यक्षमा शारदा पोखरेल, सचिवमा नरेश गुप्ता, सहसचिवमा धिरेन्द्र तिवारी, कोषाध्यक्षमा सावित्री शर्मा रहेका छन् ।

यसैगरी, सदस्यमा अरुण मेहता, विनोद उप्रेती, रवि कुशवाहा, आफरोज अंसारी, भरत घिमिरे, विशेष गौतम, पवन विक, निरजकुमार गुप्ता, रामविनय साह, श्यामल गिरी, बिजय कुमार लगायतका रहेका छन् ।

संगठनका केन्द्रीय सदस्य जितलाल श्रेष्ठको अध्यक्षमा भएको भेलामा एकीकृत समाजवादीका नेता मुकुन्द न्यौपाने, पोलिटव्युरो सदस्य दिनेश राई, केन्द्रीय सदस्यहरु चमिना भट्टराई, विभा कार्की, छविलाल उप्रेती, केन्द्रीय सदस्य, बारा जिल्ला अध्यक्ष तथा प्रदेश २ का सांसद सुन्दर विश्वकर्मा, प्रदेश २ का सांसद सीता गुरुङ, संगठनका केन्द्रीय सदस्य रमेश सुवेदी, पार्टीका जिल्ला सदस्य ध्रुव यादव, रविन्द्र साह लगायतको विशेष सहभागिता रहेको थियो ।

कर्मचारी कुटपिटकाे विराेधमा विद्यालय बन्द

0

वीरगंज । कर्मचारी कुटपिटकाे विराेधमा वीरगंज महानगरपालिकाकाे वडा नं. १ स्थित बजार छपकैयामा रहेकाे श्री पंडित रामदेनी तिवारी आधारभुत विद्यालय बन्द भएकाे छ । शान्ति सुरक्षाकाे माग गर्दै शिक्षकहरु विद्यालय बुधबारदेखी अनिश्चितकालकाे लागि बन्द गरेका छन् ।

बुधबार विहान १०:१५ बजे स्थानिय दिप राज सहनीसहितकाे एक समुहले विद्यालयमा प्रबेश गरी कार्यालय सहयाेगी राजेन्द्र प्रसाद धानुकलाई कुटपिट गरेकाेले दाेषी उपर कारवाहीकाे माग गर्दै विद्यालय बन्द गरिएकाे विद्यालयका प्रधानाध्यापक रामरेखा रायले वताए ।

सहनीले यस अघि पनि विद्यालयमा आएर विभिन्न वहानामा अभ्रद व्यवहार गर्ने, अश्लील शब्द प्रयाेग गर्ने गरेकाेले शान्ति सुरक्षाकाे माग गर्दै बाध्य भएर बन्द गर्नु परेकाे उनले वताए । यस अघि सहनीले सरुवा भएर गइसकेका शिक्षक राजकुमार प्रसादसंग पनि अभद्र ब्यवहार गरेकाे जानकारी गराए ।

बुधबारकाे घटना सम्बन्धमा प्रहरी कार्यालय र वीरगंज महानगरपालिकाकाे शिक्षा शाखालाई समेत जानकारी गराइसकिएकाे प्रधानाध्यापक राजले वताए । विद्यालयमा ९ जना शिक्षिका र ४ जना शिक्षक मात्र रहेकाे जानकारी गराउँदै उनले विद्यालयमा हुने गरेकाे अभद्र गतिविधिका कारण शिक्षिकाहरु झन त्रसित भएकाे जानकारी गराए ।