वीरगंज । लागु औषधसहित एक युवकलाई प्रहरीले पक्राउ गरेकाे छ । जिल्ला प्रहरी कार्यालय पर्साबाट खटिएको टोलीले पर्साकाे धोबिनी गाउँपालिका वडा नं.२ आशवारी बस्ने वर्ष १९ को पृथ्वी सिंह कुर्मीलाई पक्राउ गरेकाे हाे ।
विशेष सूचनाको आधारमा खटिएकाे प्रहरी टाेलीले वीरगञ्ज महानगरपालिकाकाे वडा नं. १५ अलपाईन स्कुलस्थित सडक खण्डबाट आइतबार विहान ०७:३० बजे लागु औषधसहित कुर्मीलाई पक्राउ गरेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।
शंकाष्पद रूपमा पैदल हिंडिरहेका कुर्मीलाई चेकजाँच गर्दा चामलको बोरा भित्र लुकाइछिपाई ल्याएको लागु औषध नुफ्रिन २५० एम्पुल, डाइजीपाम २५० एम्पुल र फेनारगण २५० एम्पुल गरी जम्मा ७५० एम्पुल फेला परेको उनले जानकारी दिए ।
कुर्मीलाई बरामद लागु औषधसहित नियन्त्रणमा लिई लागु औषध सम्बन्धी कसूरमा अनुसन्धान अगाडि बढाइएकाे प्रवक्ता खनालले वताए ।













पार्टीका जिल्ला सचिवालय सदस्य राघव साहकाे अध्यक्षता र पाेलिटव्युराे सदस्य एवम् पर्सा जिल्ला इन्चार्ज रामचन्द्र साहकाे प्रमुख आतिथ्यतामा भएकाे भेलामा केन्द्रिय सदस्य चिरन्जिवी अचार्य, पर्सा जिल्ला अध्यक्ष बालगाेपाल थापा, लेखा समिति सदस्य किशाेरी कुशवाहा, जिल्ला सचिव बिक्रम चाैरसिया, जिल्ला सचिवालय सदस्य बृजलाल पासवान, अधिवक्ता प्रमाेद साह, जिल्ला सदस्य रंजित साह, राम कुमार पाण्डे लगायतकाे सहभागिता रहेकाे थियाे ।