Date
बिहि, मंसिर ३, २०८३
Thu, November 19, 2026
Home Blog Page 730

नितनपुरमा ७८ जनाद्वारा रक्तदान

0

वीरगंज । बाराकाे जीतपुरसिमरा उपमहानगरपालिका वड़ा नं. १० नितनपुरमा शनिबार वृहत खुल्ला रक्तदान कार्यक्रम सम्पन्न भएको छ । लायन्स क्लब अफ वीरगञ्ज, सेन्ट्रल, हेल्दी, तथा लियो क्लब ऑफ बीरगंज तथा गंजभवानीपुरको संयुक्त आयोजनामा भएकाे कार्यक्रममा ३ महिलासहित ७८ जनाले रक्तदान गरेकाे क्लबका सचिव पप्पू श्रीवास्तवले जानकारी दिए ।

क्बलका निवर्तमान अध्यक्ष बिजय गुप्ताकाे अध्यक्षतामा भएकाे कार्यक्रमकाे उद्घाटन रक्तादन गरी वडा नं. १० का वडाध्यक्ष सरोज पटेलले गरेका थिए ।

साे कार्यक्रममा रंजु पटेल, माला साह, आरती पटेल, विकास कुमार यादव, संजय साह, सुनील दास, जितेन्द्र यादव, रोशन यादव, अरबाज मियाँ, रामदरस पंडित,  दीपेश साह, दीपक मण्डल, दीपू साह, राजू मण्डल, राजाबाबू साह, श्याम कुमार क्षेत्री लगायतले रक्तदान गरेको लियो क्लब ऑफ वीरगंजका पूर्व अध्यक्ष दीपेन्द्र यादवले जानकारी दिए ।

रक्त संचार केन्द्र वीरगंजको प्राविधिक सहयाेगमा भएकाे रक्तदान कार्यक्रममा प्रहरी नायब निरीक्षक (सइ) रोशन अधिकारी, सुनील गुप्ता, दीपक गुप्ता, दीपेन्द्र यादव, प्रभात चौरसिया, धीरेन्द्र झा लगायतको उपस्थिती रहेको थियो । 

चाेरी गरेकाे माेटरसाइकलबाट दुर्घटना भएपछि चाेर पक्राउ

0

वीरगंज । चाेरी गरेर भाग्दै गरेकाे माेटरसाइकलबाट दुर्घटना भएपछि एक जना माेटरसाइकल चाेर पक्राउ परेका छन् । प्रहरीले वीरगञ्ज महानगरपालिकाकाे वडा नं.१५ स्थित सडकखण्डबाट मकवानपुरकाे हेटौडा उपमहानगरपालिका वडा नं.३ बस्ने  बर्ष २० को मिलन दोङलाई पक्राउ गरेकाे हाे ।

वीरगंज महानगरपालिकाकाे वडा नं.१६ स्थित सडकखण्डमा पार्किङ गरी राखिएकाे चितवनकाे भरतपुर नगरपालिका वडा नं.९ बस्ने कुन्जन उप्रेतीकाे प्रदेश २-०३-०१४ प २५८० नम्बरको कालो रंगको सुपर स्पेलेण्डर मोटरसाइकल चाेरी गरेर भाग्दै गरेकाे अवस्थामा वीरगञ्ज महानगरपालिकाकाे वडा नं.१५ स्थित सडकखण्डमा दुर्घटनाभएपछि माेटरसाइकल चालक दाेङ पक्राउ परेकाे जिल्ला प्रहरी कार्यालय पर्साले जनाएकाे छ ।

बिहिबार सांझ ७ बजे दुर्घटना भएकाे जानकारी प्राप्त हुन साथ घटनास्थल पुगेकाे प्रहरीले पैदल यात्रुलाई ठक्कर दिने सुपर स्पेलेण्डर मोटरसाइकल चालक दोङ र सो मोटरसाइकल नियन्त्रणमा लिएकाे थियाे ।

घटना बारे आफु समेत घाइते भएका माेटरसाइकल चालक दाेङसंग सोधपुछ गर्दा उक्त मो.सा. निज दोङले चोरी भाग्दै गरेको खुल्न आएको हुँदा निज चालक उपर चोरी सम्बन्धी कसूरमा पर्सा जिल्ला अदालतबाट ५ दिन म्याद लिई थप अनुसन्धान भइरहेको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।

यस्तै, मोटरसाइकल चोरी गर्दागर्दै अवस्थामा एक जनालाई बुधबार पनि प्रहरीले पक्राउ गरेकाे थियाे । बिआर २२ बि ०३८७ भारतीय नम्बरको कालो रंगको हिरो होण्डा स्पेलेण्डर प्लस मोटरसाइकल चक्कुले लक भाँची चोरी गरी भाग्दै गरेकाे माेटरसाइकल चोरीमा संलग्न वीरगञ्ज महानगरपालिका वडा नं.१४ बस्ने बर्ष २३ को आशिष यादवलाई प्रहरीले नियन्त्रणमा लिएकाे हाे । 

बुधबार सांज ७:३० बजे वीरगञ्ज महानगरपालिकाकाे वडा नं.८ पानीट्याङकीस्थित सडक छेउमा पार्किङ गरी राखेको भारत बिहार पूर्वी चम्पारण जिल्ला मोतिहारी थाना रक्सौल ग्राम पञ्चायत परेउवा वडा नं.१ बस्ने सोनु बाबु गुप्ताको माेटरसाइकल चाेरी भएकाे थियाे ।

पिडितले माेटरसाइकल चाेरी भएकाे प्रहरीलाई जानकारी गराएपछि जिल्ला प्रहरी कार्यालयबाट खटिएको टोलीले भाग्दै गरेकाे उक्त मोटरसाइकलसहित चाेरीमा सलंगन यादवलाई पक्राउ गरेकाे प्रवक्ता खनालले जानकारी दिए ।

ठाकुर राममा राष्ट्रिय विद्यार्थी संघको एकाई कमिटि गठन

0

वीरगंज । ठाकुर राम बहुमुखी क्याम्पस वीरगंजमा लोकतान्त्रिक समाजवादी पार्टी निकटको विद्यार्थी संगठन राष्ट्रिय विद्यार्थी संघले एकाई कमिटि गठन गरेको छ ।

क्याम्पसको सभाहलमा अमित यादवको अध्यक्षतामा भएकाे भेलाले माे. सागिर अलीकाे अध्यक्षतामा ५१ सदस्यीय कमिटि गठन गरेको हाे । नवगठित कमिटिकाे उपाध्यक्षमा सागर साह, सविर हुसैन, गिरधारी, रवि शंकर यादव, सचिवमा विवेक कुमार झा,सह- सचिवमा अंकित मिश्र, उज्वल यादव, माजिद हुसैन र कोषाधयक्षमा अन्जली जयसवाल रहेका छन् ।

भेलालाई सम्बोधन गर्दै अध्यक्ष अलीले दश वर्षे परिपाटीको अन्त्य भएको वताए । उनले भने “दश वर्षदेखि एउटै व्यक्तिले अध्यक्ष पद कब्जा गरि बसिराखेकोले अरु कार्यकर्ताले मौका पाउन सकेका थिएनन् र संगठन फ़ित्तलो बन्दै गएको थियो, यस क्याम्पस कै इतिहासमा पहिलो पल्ट विद्यार्थी संगठनले नयाँ कार्यभारसहित नयाँ कमिटि गठन भएको छ।” 

उनले, अब राजनीतिमा विद्यार्थीहरु आन्दोलनको लागि मात्रै नभए नीति निर्माणमा समेत चाँसो र हिस्सेदारी लिनु पर्ने वताए ।

पाेखरियामा सरकारी कार्यालयहरु स्थापना गर्न कांग्रेसकाे माग

0
वीरगंज । पर्साकाे दाेस्राे सदरमुकामकाे रुपमा चिन्निने पाेखरियामा सरकारी कार्यालयहरु स्थापना गर्न नेपाली कांग्रेसले माग गरेकाे छ । पोखरियामा सरकारी कार्यालयहरुको ईलाका वा उपशाखा कार्यलय स्थापना गर्न माग गर्दै नेपाली कांग्रेस पर्सा क्षेत्र नं. ३ काे क्षेत्रिय समितिते बिहिबार पर्साका प्रमुख जिल्ला अधिकारीमार्फत प्रधानमन्त्रीलाई ज्ञापन पत्र बुझाएका हुन् ।
 
नागरिकता बनाउन, राजस्व सम्बन्धी कार्य गर्न, मालपोत तथा नापी समबन्धी कार्य गर्न, मतदाता नामावली दर्ता गर्न लगायतको कार्यलयहरु अबिलम्ब स्थापनाको माग गरिएकाे क्षेत्रिय सभापति श्रीकिशुन चाैहानले वताए ।
 
उनले भने “पर्सा जिल्ला ग्रामिण बासीलाई नागरिकता बनाउन, राजशव सम्बन्धि कार्य गर्न, मालपोत तथा नापी समबन्धी कार्य गर्न, मतदाता नामावली दर्ता गर्न लगायतको जनताको प्रत्यक्ष सरोकारका धेरै जसो कार्यहरु गर्न दिनहु हजारौंको संख्यामा सर्वधारण जनता सरकारी कार्यालयहरु, विरगंजमा धाउनु पर्ने बाध्यता रहेको छ । जस कारण गाउँले भेगका सर्वसाधारण जनताले सार्है कष्ट वाध्य भइ भोग्नु परिरहेको छ । नेपाल सरकारको काम देशको प्रत्येक नागरिकलाई सरल र सहज तरिकाले सेवा सुविधा प्रदान गर्नु हो । त्यसैले समस्याको समाधान हेतु नेपाल सरकारले पर्सा जिल्लाको मध्य भागमा अवस्थित पोखरिया नगरपालिका, पोखरियामा जनता सित प्रत्येक्ष सरोकार राख्ने सरकारी कार्यालयहरुको ईलाका वा उपशाखा कार्यालय अविलम्ब स्थापना गरि यश भेगका जनता प्रति न्यायोचित व्यवहार प्रदर्शन गरोस भनी हाम्राे माग हाे ।” 
 
ज्ञापन पत्र बुझाउन जिल्ला प्रशासन कार्यालय पर्सा पुगेकाे टाेलीमा क्षेत्रिय सभापति चाैहानसहित पाेखरिया नगरपालिकाका मेयर दिप नारायण राैनियार, महाधिवेशन प्रनितिधि ललन द्विवेदी, कार्य समिती, बिन्दवासिनी गाउँपालिकाकी उप प्रमुख किरण देवी गुप्ता लगायतको सहभागीता रहेकाे थियाे ।

नयाँ भेरिएन्टबाट जाेगिन पूर्व तयारीमा लाग्न सांसद यादवकाे आग्रह

0

वीरग‌ंज । प्रतिनिधि सभा सदस्य प्रदीप यादवले विगतका कमीकमजोरीबाट पाठ सिक्दै आगामी दिनमा नेपालमा पनि संक्रमण फैलिएर हुन सक्ने जनधनको क्षति न्युनिकरणका लागि अहिलेदेखि नै पूर्व तयारीमा जोड दिने आवश्यकता औल्याएका छन् ।

पर्साको क्षेत्र नम्बर १ बाट निर्वाचित प्रतिनिधि सभा सदस्य (सांसद) यादवले बिहिबार एउटा प्रेस विज्ञप्ति जारी गर्दै वैश्विक कोरोना भाईरसको नयाँ भेरिएन्ट ओमिक्रोनले थपेको चुनौतीबाट जोगिन पूर्व तयारी गर्न तिनै तहका सरकारसँग आग्रह गरेका हुन् ।

सांसद यादवले विज्ञप्ति मार्फत खुला सिमाना भएको स्थानबाट हुने आवागमनलाई कडाई गर्दै भारत लगायत अन्य मुलुकबाट आउने प्रत्येक व्यक्तिको पिसीआर र एन्टीजेन जस्ता परीक्षण गर्नका लागि सिमानाका क्षेत्रमा स्थापित हेल्थ डेस्कहरुलाई थप व्यवस्थित गर्न तथा स्तरोन्नती गर्न स्थानीय, प्रदेश र सङ्घीय सरकारसँग माग गरेका छन् ।

“वैश्विक कोरोना भाईरसको महामारीले झण्डै २ वर्षसम्म अस्तव्यस्त बनेको विश्वसामु पुनः कोरोना भाईरसको नयाँ भेरियन्ट ओमिक्रोन चुनौति बनेर सामुन्ने आएको छ,’ सांसद् यादवले जारी गरेको विज्ञप्तिमा उल्लेख छ, ‘लामो समयको निषेधाज्ञा र बन्दाबन्दीले थला परेको अर्थतन्त्रसँगै नागरिकको दैनिकी पुरानै लयमा फर्किनै लाग्दा नयाँ भेरियन्ट ओमिक्रोनले फेरी विश्व ठप्प बनाउन सक्ने स्वास्थ्यविद्हरुले आँकलन गरीसकेका छन् ।”

सांसद यादवले परिक्षण र हेल्थ डेस्कहरको स्तरोन्नतिसँगै सिमानाकालगायत अन्य आवश्यक स्थानहरुमा सेमत पूर्व तयारी अनुरुप अहिलेदेखिनै पर्याप्त मात्रामा सुविधायुक्त आइसोलेसन तथा क्वारेन्टाइन सेन्टरहरु निर्माण गर्न सुझावसमेत दिएका छन् ।

अस्पतालहरुमा पनि भेन्टिलेटर तथा अक्सिजनसहितको कोभिड वार्ड, आइसीयू जस्ता महत्वपूर्ण संरचनाहरु तयारी अवस्थामा राख्नुका साथै आवश्यक जनशक्तिको व्यवस्थापनमा जुट्न यादवले आग्रह गरेका छन् । उनले नारायणी अस्पतालमा रहेको अक्सिजन प्लान्टलाई छिटोभन्दा छिटो सञ्चालनमा ल्याउनुपर्ने माग समेत गरेका छन् ।

“पर्सा लगायत तराई-मधेसका अन्य जिल्लाको स्वास्थ्य सेवाको केन्द्रको रुपमा रहेको वीरगञ्जस्थित नारायणी अस्पतालमा स्थापित अक्सिजन प्लान्टलाई यथाशीघ्र सञ्चालन गर्न अस्पताल प्रशासन र स्थानीय सरकारसँग मेरो आग्रह छ,” विज्ञप्तिमा उल्लेख छ ।

यादवले कुनैपनि अवस्थामा जनताको सेवाका लागि आफु दिनरात तत्पर रहेको प्रतिबद्धता व्यक्त गर्दै सबैलाई आफ्नो स्तरबाट कोभिडसँग जोडिन सजगता अपनाउन सुझाव पनि दिएका छन् ।

साथै कोभिड संक्रमणका कारण ज्यान समेत जानसक्ने बताउँदै मास्क लगाउने, साबुन पानीले समय-समयमा हात धुने, भिडभाड नगर्ने र स्वास्थ्यमा समस्या आउनेबितिकै चिकित्सकसँग परामर्श लिने जस्ता स्वास्थ्य सर्तकता अपनाउन उनले सबैसँग आग्रह समेत गरेका छन् ।

अगामी तीनै तहकाे निर्वाचनमा कांग्रेसकाे जित निश्चित छ : सिंह

0

वीरगंज । पर्साकाे छिपहरमाई गाउंपालिका वडा नं १ मिर्जापुरमा नेपाली कांग्रेसकाे वडा कार्यसमिति तथा क्षेत्रीय प्रतिनिधिहरुकाे पदभार ग्रहण तथा प्रमाण पत्र वितरण कार्यक्रम सम्पन्न भएकाे छ ।

कार्यक्रमलाई सम्बोधन गर्दै नेपाली कांग्रेसका जिल्ला सदस्य नबिन सिंहले अगामी तीनै तहकाे निर्वाचनमा नेपाली कांग्रेसकाे जित निश्चित रहेकाे दाबी गरे । उनले उच मनोबलका साथ चुनावकाे तयारीमा लाग्न कार्यकर्ताहरुलाई आग्रह समेत गरे ।

कार्यक्रमका प्रमुख अतिथी समेत रहेकाे नेता सिंहले छिपहरमाई गाउँपालिकामा महिला स्वास्थ्यकर्मी सुरक्षित नरहेकाे भन्दै चिन्ता व्यक्त गरे ।

कार्यक्रममा नेपाली कांग्रेसकाे वडा अधिवेशनबाट निर्वाचित वडा सभापतिमा पाशुपतिनाथ गिरि, उप सभापतिमा उसमान मिया, प्रभु महताे काेईरी, सचिव हरेन्द्र प्रसाद यादव, नन्दलाल यादव, सह सचिव मुना कुमार पटेल, श्रवण साह तेली, सदस्यहरुमा लालबाबु उपाध्याय, किसाेरी राउत अहिर, अनिरुद राउत कुर्मी, जगरनाथ ठाकुर लाेहार, आसमहमद अन्सारी, कृष्ण कुमार, सुरेन्द्र साह साेनार, रिन्कु यादव, मन्दिप साह तेली, सुदामा साह, रिकेस महताे, धरेन्द्र प्रसाद, किसनावती देवी, गिता कुमारि कायस्त, उमा पति देवी लगायतकाले पदभार ग्रहण गरेका थिए ।
 
वडा सभापती पाशुपतिनाथ गिरीको सभापतित्वमा भएकाे कार्यक्रममा नेपाली कांग्रेस माहाधिवेशन प्रतिनिधि रामेश्वर महतो, बिरेन्द्र महतो, पर्सा क्षेत्र नं ४(ख) सभापति दिपेंद्र सिंह, प्रदेश प्रतिनिधि जितेंद्र वर्मा, नेपाली कांग्रेस छिपहरमाई गाउँपालिका निवर्तमान संयोजक धुरेन्द्र साह, छिपहरमाई गाउंपालिका वडा नं ३ का वडाध्यक्षका प्रत्याशी बिरेन्द्र पटेल, वडा नं. १ का वडाध्यक्षका प्रत्याशी सुरेन्द्र यादव, युवा नेता रुपेश उपाध्याय, चंजीत कुशवाहा, नेपाली कांग्रेस छिपहरमाई गाउंपालिका शिक्षक माहासंघका अध्यक्ष गगनदेव यादव, कपिल देव यादव लगायतकाकाे सहभागिता रहेकाे थियो ।

अबैध रुपमा भित्रिएको भारतीय गाडी पक्राउ

0

वीरगंज । अवैध रुपमा भित्रियकाे भारतिय नम्बरकाे स्कारपियाे गाडी प्रहरीले नियन्त्रणमा लिएकाे छ ।

जिल्ला प्रहरी कार्यालय पर्सा मातहतका वडा प्रहरी कार्यालय श्रीपुरबाट खटी गएको गस्ती टोलीले वीरगञ्ज महानगरपालिकाकाे वडा नं.१३ स्थित सडकखण्डबाट बिआर ०५ एच ४९९५ नम्बरको भारतीय स्कारपियो गाडी नियन्त्रणमा लिएकाे हाे । 

भारतीय नम्बरको स्कारपियो गाडी भन्सार छली नेपाल भित्र्याई पर्सा जिल्लाको ग्रामीण एरियाहरुमा अनाधिकृतरूपमा चलाइरहेको भन्ने प्राप्त सूचना अनुसार साेमबार खटी गएको गस्ती टोलीले खोजतलास गर्दै जाने क्रममा उक्त नम्बरको भारतीय स्कारपियो गाडील फेला परेपछि नियन्त्रणमा लिइएकाे जिल्ला प्रहरी कार्यालय पर्साले जनाएकाे छ ।

सडकको छेउमा बेवारिसे अवस्थामा फेला पारी गाडीकाे हक दावी गर्ने व्यक्ति खोजतलास गर्दा कोही कसैले हक दावी गर्न नआएको हुँदा उक्त गाडीलाई बरामद गरी रू.१५ लाख मूल्याङ्कन गरी आवश्यक कारवाहीको लागि मंगलबार वीरगञ्ज भन्सार कार्यालयमा बुझाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।