Date
बिहि, मंसिर ३, २०८३
Thu, November 19, 2026
Home Blog Page 724

समाजवादी प्रेस संगठन भक्तपुरका अध्यक्षमा दिनेश कार्की

0
काठमाडाैं । समाजवादी प्रेस संगठन नेपाल भक्तपुर शाखा पत्रकार दिनेश कार्कीको अध्यक्षतामा गठन भएको छ । नवगठित संगठनकाे  उपाध्यक्षमा विजय चालिसे, सजिना भण्डारी, सचिवमा सुवास चौलागाँइ, सहसचिवमा गणेश महर्जन, ज्ञानेन्द्र खाइजु र कोषाध्यक्षमा रचना वयलकोटी लगायत रहेकाे १५ सदस्यीय कमिटी गठन गरेकाे छ ।
 
संगठनका उपाध्यक्ष विश्वमणी सुवेदी, उपत्यका इन्चार्ज तथा नेपाल पत्रकार महासंघका केन्द्रीय सदस्य शन्तराम बिडारी, नेकपा एकिकृत समाजवादी भक्तपुका अध्यक्ष श्याम बस्नेत, संगठनका महासचिव भुपराज खड्का, सचिव तथा पत्रकार महासंघका सचिव गोविन्द चौलागाँइ, वरिष्ठ पत्रकार प्रविणराज जोशी, उपत्यका संयोजक सविन शर्मा, उपत्यका सचिव आशिस गुरागाँइ, केन्द्रीय सदस्य केशव लुइँटेल लगायतको उपस्थितिमा समिति गठन भएकाे हाे ।
 
 संगठनकाे जिल्ला भेलाले पत्रकार प्रविणराज जोशी र कृष्ण प्रधानलाई सल्लाहकारमा चयन गरेकाे छ ।
 
भेलामा प्रेस चौतारी नेपालको वागमती प्रदेश समिति सदस्य विजय चालिसे विकलले उक्त संगठन परित्याग गरी समाजवादी प्रेस संगठनमा निशर्त प्रवेश गरेको घोषणा गरेका थिए । 

वीरगंजसंग सबै दलका अध्यक्षहरु गद्दारी गरेका छन् : सांसद यादव

0

वीरगंज । मधेश प्रदेशकाे राजधानी वीरगंज नहुनुमा सम्पुर्ण पार्टीका राष्ट्रिय अध्यक्षहरु दाेषी रहेकाे संघिय सांसद प्रदिप यादवले वताएका छन् । बलिदानी दिवसको अवसरमा बुधबार वीरगंजकाे घण्टाघर चौकमा निर्मित मधेसी शहिद स्मारकमा मधेश आन्दोलनका शहिदहरुको प्रतिमामा माल्यार्पण गर्दै सांसद यादवले यस्ताे वताएका हुन् ।

उनले भने “वीरगंजकाे सम्पूर्ण आन्दाेलनमा महत्वपूर्ण भुमिका रहेकाे छ । पुरै मधेशमा जुन पर्साले याेगदान दिएकाे छ, त्याे कसैले दिएकाे छैन् । निश्चित रुपमा वीरगंजसंग गद्दारी भएकाे छ । आज नाटक भइरहेकाे छ, मुख्यमन्त्रीकाे घरमा ढुंगा प्रहार भइरहेकाे छ । म ढुंगा प्रहार गर्नेलाई भन्न चाहन्छु । वीरगंजसंग गद्दार गर्ने काे हुन्, त्यसकाे पहिचान गर्नु पर्छ । वीरगंजसंग गद्दारी गर्ने सम्पुर्ण दलका राष्ट्रिय अध्यक्ष हुन् ।”

सांसद यादवले मुख्यमन्त्री लालबाबु राउतकाे घरमा ढुंगा प्रहार गर्नेलाई चुनाैती दिदै भने हिमत छ भने नेपाली काँग्रेसका अध्यक्ष शेर बहादुर देउवा, एमालेका अध्यक्ष केपी शर्मा ओली, माओवादीका अध्यक्ष प्रचण्ड, लाेसपका अध्यक्ष महन्थ ठाकुरकाे घरमा ढुंगा चलाउ ।” उनले वीरगंजसंग सम्पूर्ण दलले धाेका दिएकाे वताए पनि आफ्नाे जसपा पार्टीका अध्यक्ष उपेन्द्र यादवकाे नाम लिएनन् । 

सांसद यादवले मुख्यमन्त्री मात्रैले राजधानी तोक्न नसक्ने भन्दै बचाउ गर्दै  नाम र राजधानी तोक्ने अधिकार प्रदेश सभाको भएकाे वताए । उनले वीरगंज राजधानीकाे लागि आन्दाेलित दल र नेताहरुलाई पहिला आफ्नाे राष्ट्रि अध्यक्षकाे पुत्ला जलाउन भन्दै नत्र आन्दाेलनकाे नाटक बन्द गर्न भने ।

सांसद यादवले वीरगंजमा राष्ट्रिय स्तरकाे नेता नभएका कारण पनि यस्ताे अवस्था आएकाे वताएका थिए ।

मधेशको पहिचानको लागी प्रदेश २ को नाम मधेश प्रदेश कायम गरिनु आंशिक उपलब्धी भएको भन्दै सांसद यादवले अबको लडाई प्रदेशलाई २२ जिल्लामा विस्तार गरिनु भएको बताए । काँग्रेस–कम्युनिष्टहरुले मधेशको पहिचानलाई स्विकार नै नगर्ने अवस्थामा मधेश प्रदेश कायम गरिनु आफैमा उपलब्धिमुलक भएको यादवकाे भनाई छ ।

‘मधेशी समुदायको पहिचानको लडाई जारी छ, आंशिक उपलब्धी प्राप्त भएको छ, सांसद यादवले भने– ‘शहिदहरुको सपना पुरा हुने बाटोमा हामी लागेका छौं, अब २२ जिल्लाको सिंगो मधेशको लडाई शुरु हुनेछ ।’ 

सांसद यादवसंग जसपा पर्साका अध्यक्ष अब्दुल रहिम अन्सारी, प्रदेश सांसद करिमा बेगम, जनत अनसारी, जिल्ला समन्वय समिती पर्साका सभापति नेक महमद अन्सारी लगायतका जसपाका नेता तथा कार्यकर्ताहरु वीरगंजकाे घण्टाघरमा रहेका सहिद स्मार्कमा माल्यार्पण गर्न पुगेका थिए ।

मुख्यमन्त्री राउतको घरमा ढुंगा प्रहार गर्ने पटेल रिहा

0

वीरगंज । मधेश प्रदेशका मुख्यमन्त्री लालबाबु राउतको घरमा ढुंगा प्रहार गर्ने व्यक्ति रिहा भएका छन् । प्रदेश राजधानी जनकपुर तोकिएपछि निस्केको नेपाली कांग्रेसकाे विरोध प्रदर्शनकाे क्रममा मुख्यमन्त्री राउतको घरमा ढुंगा प्रहार गरेकाे आराेपमा पक्राउ परेका नेवि संघ पर्साका जिल्ला समिति सदस्य सुमन पटेल आज विहान रिहा भएका हुन् ।

वीरगञ्ज महानगरपालिका वडा नम्बर १ निवासी २६ वर्षीय  पटेल रिहा भएपछि वीरगंज राजधानीकाे लागि आन्दाेलन गर्दै आएकाे समुह उनलाई फुल माला लगाएर स्वागत गरेका थिए । ढुंगा प्रहारबाट मुख्यमन्त्रीको घरको सिसा फुटेको थियाे ।

वडा प्रहरी कार्यालय बिर्ताबाट खटिएको टोलीले पक्राउ गरेका पटेलविरुद्ध आपराधिक उपद्रव सम्बन्धी कसूरमा आवश्यक अनुसन्धान अघि बढाइएको जनाएकाे थियाे । तर पक्राउ परेकाे पटेललाई रिहा गर्न चाैतर्फी दबाव पुगेपछि प्रहरीले एक दिन मै उनलाई छाेडेकाे हाे ।

पटेललाई स्वागत गर्न जिल्ला प्रहरी कार्यालय पर्सामा नेपाली कांग्रेसका वीरगंज महानगर अध्यक्ष भाेला प्रसाद कलवार, नेवि संघका पूर्व केन्द्रिय सदस्य सुधिर पटेल, नेता ओमप्रकाश गुप्ता, विजय सहनी, विवेक कलवार, समाजवादी विद्यार्थी संघ पर्साका अध्यक्ष अजाज बाबु राँकी लगायत पुगेका थिए । 

वीरगंजलाई राजधानी बनाउन राजनितिक दलहरुले संयुक्त संघर्ष गर्ने

0

वीरगंज । मधेस प्रदेशको राजधानी जनकपुर तोकिएपछि वीरगंजलाई राजधानी बनाउन संघर्ष समिति गठन गर्ने निर्णय भएको छ । बुधबार बिहान वीरगंजमा बसेको चार राजनितिक दलको संयुक्त बैठकले वीरगंजलाई राजधानी बनाउन संघर्ष समिति गठन गर्ने निर्णय गरेको हो । 

नगर सभा गृहमा बसेकाे बैठकमा नेपाली कांग्रेसका वीरगंज महानगर अध्यक्ष भोला कलवार, लाेसपाका नेता राजेशमान सिंह, मुकेश द्विवेदी, नेकपा एमाले वीरगंज महानगरका सचिव सुन्दर कुर्मी, नेकपा एस महानगरका अध्यक्ष मनोज चौधरी, सचिव वृजलाल पासवान, अधिवक्ता पानालाल गुप्ता लगायतकाे बैठकलले वीरगंज राजधानी बनाउनका लागि संघर्षको कार्यक्रम तय गर्ने निर्णय गरेकाे लोसपाका नेता सुजित गीरिले जानकारी दिए । 

बैठकमा वीरगंज प्रदेशको राजधानी बनाउनका लागी विभिन्न आन्दोलनको कार्यक्रम तय गर्ने र ५ बजे घण्टाघर चोकमा मुख्यमन्त्री लालबाबु राउतको पुत्ला दहन गर्ने निर्णय भएको गिरीले बताए । सोमबार जनकपुरलाई राजधानी बनाउने प्रस्ताव पारित भएपछि पर्सामा मुख्यमन्त्री लालबाबु राउतको लगातार पुत्ला दहन हुँदै आएको छ ।

नयाँ नेपाली फिल्म ‘मीरा’ निर्माण हुने

0

चलचित्रकर्मी रोशन कुमारको निर्देशनमा नयाँ नेपाली फिल्म ‘मीरा’ निर्माण हुने भएको छ । उक्त फिल्मको मंगलबार काठमाडौंको गुहेश्वरी मन्दिर परीसरमा शुभमुहुर्त गरिएको छ ।

सरकारले निर्धारण गरेको २५ जना भन्दा बढी मानिस भेला नहुने मापदण्डलाई पालना गर्दै शुभमुहुर्त कार्यक्रम आयोजना गरिएको फिल्म निर्माण संस्थाको भनाइ छ ।

द लाइफ एक्सप्रेस मुभि मेकर्स प्रालि तथा मझारे ईन्टरटेन्मेन्टले संयुक्त रुपमा निर्माण गर्ने उक्त फिल्म शुभमुहुर्त समारोहमा फिल्मका मुख्य कलाकार रमेश क्षेत्री तथा रजिना अर्यालले मुहुर्त शटमा अभिनय गरेका थिए ।

चलचित्रकर्मी कृष्ण मल्लद्वारा निर्देशन गरिएको मुहुर्त शटमा फिल्मका मुख्य कलाकारले फिल्मकै संवाद बोलेका थिए ।

मुहुर्त शटमा द्वन्द निर्देशक संघका अध्यक्ष नारायण प्रधानले क्यामराको स्विच अन गरेका थिए भने चलचित्रकर्मी राजेश बिसुरालले क्ल्याप गरेका थिए । लेखक सुशिल देवकोटाले नरिवल फुटाएर शुभसाइत शटको थालनी गराएका थिए । त्यसअघि चलचित्रकर्मी सुनिल कटवालले क्यामराको पूजा गरेका थिए ।

समारोहमा प्रसारणको क्रममा रहेको टेलिश्रृंखला ‘ब्ल्याक एण्ड ह्वाइ’ को टिमलाई नै मुख्य अतिथि बनाइएको थियो ।

समारोहलाई सम्बोधन गर्दै फिल्मका निर्देशक रोशन कुमारले मीरा नारी प्रधान फिल्म हुने जानकारी दिँदै फिल्मले बलात्कार जस्तो निन्दनीय घटनालाई हतात्साहित गर्ने कथावस्तु समेटिएको जानकारी गराए ।

फिल्ममा रजिना अर्यालले मीराको चरित्र चित्रण गर्दैछिन् । उनको यो डेब्यू फिल्म हो ।

फिल्मकी मुख्य पात्र मीरा अर्थात रजिना अर्याल तथा रविना केसीलाई सृजना सुत्रले फिल्मका लागि काष्ट गरेको सृजना सुत्रका सुभाष प्रधानले जानकारी गराएका छन् ।

फिल्मका अभिनेता रमेश क्षेत्रीले फिल्मले एउटी कमजोरी आर्थिक अवस्था भएकी महिलाको सरकारी जागिर खाने सपना र त्यसलाई पुरा गर्ने क्रममा उनले भोग्नु परेका पीडालाई फिल्मले समेट्ने तथा आफूलाई उनलाई हरेक प्रकारले सहयो गर्ने भूमिका निर्वाह गरेको बताए ।

फिल्ममा रजिना अर्याल र रमेश क्षेत्रीसंगै प्रेम बस्याल, रविना केसी, महेश धामी क्षेत्री आदि कलाकारले अभिनय गर्दैछन् ।

गोपाल कार्की तथा आरोही श्रेष्ठ यो फिल्मका निर्माता हुन् । यो फिल्मको कथा प्रेम बस्यालले लेखेका हुन् ।

समारोहमा फिल्मको पोस्टर समेत अनावरण गरिएको थियो ।

स्वास्थ्य मापदण्ड पालना गर्दै केही दिनमै फ्लोरमा जाने यो फिल्म यही नयाँ वर्षको अवसर पारेर प्रदर्शनमा ल्याइने निर्देशक रोशन कुमारले जानकारी दिएका छन् ।

समारोहमा कृष्ण मल्ल, राजेश बिसुराल, नारायण प्रधान, सुनिल कटवाल, सुशील देवकोटासहितका व्यक्तित्वले विषय परिस्थितिमा निर्माण हुन लागेको फिल्मको सफलताका लागि शुभकामना व्यक्त गरेका थिए ।

सौन्दर्य क्रियसन, चौबन्दी क्रियसन तथा अदिती कलेक्सनको भेषभुषा रहने यो फिल्ममा श्रद्धा कँडेलको श्रृङ्गार रहने छ । बिपुल क्षेत्री यो फिल्मका प्रोडक्सन मेनेजर हुन् ।

फिल्ममा अमृत पाण्डेको सिनेमाटोग्राफी रहने छ भने सह निर्देशनमा समीर ढकाल छन् । साथै अन्य कलाकारमा राजु श्रेष्ठ , सञ्जय ढुंगाना, उन्नत उप्रेती, मन्जिल श्रेष्ठ, प्रमिला बिक, प्रज्वल गिरीसहित ब्ल्याक यन्ड व्हाइट सिरियलका चर्चित कलाकारहरु पनि रहने छन् ।

फिल्ममा अधिकमां कलाकार थिएटरका रहने ‘मीरा’ मा जे.बी.रुवाली, दिनेशजंग खड्का जस्ता पुराना रङकर्मीहरुले अभिनयको वर्कशप गराउने जानकारी निर्माण संस्थाले दिएको छ ।

बिरामी मानिसलाई लुटपाट गर्ने ३ जना पक्राउ

0

वीरगंज । बिरामी मानिसलाई लुटपाट गर्ने ३ जनालाई प्रहरीले पक्राउ गरेकाे छ । वीरगंज महानगरपालिकाकाे वडा नं. १५ का २० बर्षिय सुमन श्रेष्ठ, १८ बर्षिय विकास थापा मगर र २० बर्षिय रमेश कुमार साेनारलाई प्रहरीले पक्राउ गरेकाे हाे ।

प्रहरीका अनुसार बाराकाे सिम्रौनगढ नगरपालिकाकाे वडा नं ७ पर्सा टोला बस्ने वर्ष २३ का माजिद अंसारी मंगलबार विहान ९ बजे वीरगञ्ज महानगरपालिकाकाे वडा नं.१५ बसपार्कस्थित भानुचोकमा पोखराबाट बस चढी आई ओर्लेका थिए । 

अंसारी बिरामी भई सडक छेउमा बोल्न नसक्ने अवस्थामा बसिरहेकोमा निजलाई तिनै जनाले नियन्त्रणमा लिई  ना.२.ह. २७३६ नं. को अटोरिक्सामा चढाई निजको साथमा रहेको मोवाइल फोन र नगद समेत लुटी निजलाई अर्धचेत अवस्थामा छोडेकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

जिल्ला प्रहरी कार्यालयबाट खटिएको टोलीले निजलाई मंगलबार दिउँसो ३ बजे उद्दार गरि उक्त घटनामा संलग्न तिनै जनालाई तत्काल पक्राउ गरी अपहरण तथा डाँका सम्बन्धी कसूरमा अनुसन्धान अगाडी बढाएकाे उनले जानकारी गराए ।

८ महिलासहित ५१ जनाद्वारा रक्तदान

0
वीरगंज । श्री श्रमिक बचत तथा ऋण सहकारी संस्था सिमराकाे आयोजनामा मंगलबार रक्तदान कार्यक्रम सम्पन्न भएकाे छ । सिमरा बजारमा भएकाे कार्यक्रममा ८ महिलासहित ५१ जनाले रक्तदान गरेकाे रेडक्रस पर्साका राजन श्रीवास्तवले जानकारी दिए ।
 
संस्थाका अध्यक्ष बेनि तिमिल्सिनाकाे अध्यक्षतामा भएकाे कार्यक्रममा प्रतिमा नेपाल, सनिता मैनाली, गिता शर्मा, कृस्टिना घलान, सबिना श्रेष्ठ, सुमित्रा पोखरेल,अम्रिता लामिछाने, लक्षुमन सापकोटा, मानबहादुर श्रेष्ठ, मानहरी अधिकारी, बिनोद पटेल, कृष्णा आचार्य, घनश्याम गिरि, सरोज बस्नेत लगायतकाले रक्तदान गरेकाे उनले वताए ।
 
रक्तदाताहरुलाई संस्थाकाे नामक लेखिएकाे टिसर्ट समेत वितरण गरिएकाे थियो ।
 
रक्तदान कार्यक्रममा रेडक्रस पर्साका सहायक राजन श्रीवास्तवको रोहबरमा उदय प्रसाद जैसवाल, लिलाधर साह, शेखर गुप्ता, शेख एकरामुल र रामनरेस यादवले प्राबिधिक सहयोगमा भएकाे थियाे ।

वीरगंजलाई राजधानी नबनाइएकाे विराेधमा पर्सामा आन्दाेलन सुरु

0

वीरगंज । मधेस प्रदेशकाे राजधानी जनकपुर तोकिएपछि त्यसकाे विराेधमा पर्सामा आन्दाेलन सुरु भएकाे छ । सोमबार प्रदेश सभाले जनकपुरलाई राजधानी तोक्ने प्रस्ताव पारित गरेपछि त्यसलगतै वीरगंजमा आन्दाेलन सुरु भएकाे हो ।

साेमबार साँझ वीरगंजकाे घण्टाघर चोकमा मुख्यमन्त्रीको पुत्ला जलाइएको थियो भने मंगलबार पर्साकाे वीरगंज र पाेखरियामा प्रदर्शन गरिएकाे छ ।  

नेपाली कांग्रेस वीरगंज महानगर समितिकाे आयाेजनामा मंगलबार वीरगंजमा निस्केको कालो झन्डासहितको जुलुस आदर्शनगर, माईस्थान, घण्टाघर हुँदै नगर परिक्रम गरेर वीरगंज कै तेजारथ टोलस्थित मुख्यमन्त्री लालबाबु राउतको घर अगाडि पुगेको थियो ।

प्रदर्शनकारीहरूले वीरगंजलाई राजधानी कायम गर, जनकपुर राजधानी खारेज गर, वीरगंजलाई बेच्न पाइदैन, मुख्यमन्त्री चाहिदैन  लगायतका नाराहरु समेत लगाएका थिए । मधेस आन्दोलनका वेला वीरगंजलाई नै राजधानी बनाउने वाचा गरेका मधेसका नेताहरूले सत्तामा पुगेपछि वाचा भुलेको उनीहरूको आरोप छ ।

नेपाली कांग्रेसका वीरगंज महानगर सभापति भाेला कलवारले आफुहरुले जनकपुरलाई राजधानी मान्न सक्ने वताए । उनले वीरगंजसंग राजधानीकाे लागि सम्पूर्ण आधार भएकाे वताउँदै जनकपुरसंग राजधानीकाे लागि केही आधार नभएकाे वताए ।

सभापति कलवारले बुधबार विहान बस्ने सर्वदलिय बैठकले थप आन्दाेलनकाे कार्यक्रम तय गर्ने समेत वताए । 
 
मुख्यमन्त्री राउतको घरमा ढुंगा प्रहार, एक जना पक्राउ

प्रदर्शनकारीहरूले सो क्रममा मुख्यमन्त्री लालबाबु राउतको घरमा ढुंगा प्रहार गरेका थिए । ढुंगा प्रहारबाट मुख्यमन्त्रीको घरको सिसा फुटेको प्रहरीले जनाएकाे छ । मुख्यमन्त्री राउतकाे घरमा ढुङ्गा प्रहार गरेकाे आराेपमा प्रहरीले एक जनालाई पक्राउ समेत गरेकाे छ ।  

मुख्यमन्त्री राउतको घरमाथि ढुङ्गा ढुङ्गा प्रहार गर्ने वीरगञ्ज महानगरपालिका वडा नम्बर १ निवासी २६ वर्षीय सुमन पटेललाई पक्राउ गरिएकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरीक्षक ओमप्रकाश खनालले जानकारी दिए । प्रकाउ परेका सुमन नेवि संघ पर्साका जिल्ला सदस्य हुन् ।

वडा प्रहरी कार्यालय बिर्ताबाट खटिएको टोलीले पक्राउ गरेका पटेलविरुद्ध आपराधिक उपद्रव सम्बन्धी कसूरमा आवश्यक अनुसन्धान अघि बढाइएको प्रवक्ता खनालले बताए । 

पाेखरियामा पनि प्रदर्शन, मुख्यमन्त्रीकाे पुत्ला जनाइयाे 

वीरगंजलाई राजधानी नबनाइएको विरोधमा पर्साको पोखरीयामा पनि मङगलवार प्रदर्शन गरिएको छ। एमाले पोखरीया नगर कमिटीको आयोजना भएको प्रदर्शनमा मुख्यमन्त्री लालबाबु राउतको पुत्ला दहन पनि गरिएको छ। 

प्रदर्शनमा सहभागिहरुले मुख्यमन्त्री राउत राजिनामा समेत माग गरेका थिए । पुत्ला दहनलाई प्रहरीले राेक्न खाेज्दा प्रहरी र प्रदर्शनकारी बिच केही बेर तनावसमेत भएकाे थियाे ।

प्रदर्शनपछि आयोजित कोणसभामा बोल्दै एमाले केन्द्रीय सदस्य राजकुमार गुप्ताले वीरगंजलाई राजधानी नबनाएर घोर अन्याय गरिएको बताए । उनले अब पर्सा जिल्लालार्ई बागमति प्रदेशमा मिसाउनका लागि आन्दोलन थालिने चेतावनी पनि दिए ।

वीरगंजलाई राजधानी नबनाइएकाेमा लाेसपा पर्साकाे आपती 

मङगलवार नै लोकतान्त्रिक समाजवादी पार्टी (लोसपा) पर्साले एक विज्ञप्ति जारी गर्दै वीरगंजलाई प्रदेशको राजधानी नबनाइएको भन्दै आपत्ति जनाएको छ । 

लोसपा पर्साका अध्यक्ष पुरुषोत्तमलाल झाले जारी गरेको विज्ञप्तिमा मधेस आन्दोलनमा वीरगंजले गरेको योगदानको अवमुल्यन गर्दै जनकपुरलार्ई राजधानी बनाएकोमा भत्र्सना गर्दै राजधानीका विषयमा प्रदेश सभाले गरेको निर्णय सच्याउन माग गरिएको छ ।

राष्ट्रिय विद्यार्थी संघद्वारा मुख्यमन्त्री राउत र नेता साेनलकाे पुत्ला दहन

बीरगंजलाई प्रदेशको राजधानी नबनाएको विरोधमा लाेसपा निकट राष्ट्रिय विद्यार्थी संघ ठाकुर राम बहुमुखी क्याम्पस ईकाइ समितिले मुख्य मन्त्री लालबाबु राउत र आफ्नै पार्टीका नेता जितेन्द्र साेनलकाे पुत्ला दहन गरेकाे छ ।

मंगलबार सा्झ ठाकुर राम क्याम्स अगाडी विद्यार्थीहरु वीरगंज राजधानीकाे लागि भुमिका नखेलेकाे विराेधमा पुत्ला दहन गरेका हुन् ।

मुक्त कमैया सवालमा परामर्श कार्यशाला

0

वीरगंज । नेपालमा कृषी बधुवा मजदुरहरु हरवाचरवा तथा मुक्त हलिया, कमैया प्रणालीको अन्त्यका लागि संयुक्त रणनिति निर्माणका लागि मंगलबार लुम्बीनी प्रदेशको बुटवलमा मुक्त कमैया सवालमा प्रदेश स्तरको परामर्श कार्यशाला गोष्ठी सम्पन्न भएको छ ।

कार्यशाला गोष्ठीको उद्घाटन गर्दै संबिधान सभा सदस्य तथा कार्यक्रमका प्रमुख अतिथी बिनोद पहाडीले नेपालमा शोषणको मारमा परेका बर्ग समुदायको समग्र मुक्तिका लागि एकिकृत क्रान्ति जरुरी रहेको वताए । साथै उनले आवाजबिहीनहरुको आवाज बुलन्द गर्न एकिकृत आन्दोलन र संगठनको अपरिहार्यता रहेको वताए ।

४८ दिने बादी आन्दोलनले गर्दा नै नेपाल सरकार आन्दोलनकारी समक्ष झुकेको उदाहरण उनले प्रस्तुत गरेका थिए ।

राष्ट्रिय दलित नेटवर्कका केन्द्रीय अध्यक्ष गणेश बिश्वकर्माले अहिले पनि नितिगत सवालमा दोहोरोपना भएकोले दाश प्रथाको अवशेषको रुपमा रहेको हरवाचरवा, मुक्त हलिया र कमैयाहरुको बास्तविक मुक्ति हुन नसकेकोले उनीहरुले मानवअधिकार र स्वतन्त्रताको अनुभुति गर्न नसकेको वताए ।

त्यसका लागि नयाँ युगको शुरुवात नयाँ ढंग र परिवेशबाट हुनुपर्ने कुरा औल्याए । द फ्रिडम फण्डका परामर्शदाता एवं कानुनी सल्लाहकार बालाराम भट्टराईले समाजमा अन्यायपुर्ण श्रम सम्बन्धी बाँकी रहेसम्म बाध्यकारी श्रम उन्मुलन नहुने भएकोले यसका लागि साझा र ऐक्बयबद्धतापुर्ण अभियाको आवश्यकता रहेको कुरा औल्याए ।

साथै उनले आधुनिक दासत्व प्रणालीका लागि नेपाल सरकारले तिनवटै तहमा आवश्यकतामुखी कानुन निर्माण गरि त्यसको प्रभावकारी कार्यान्वयन र अनुगमन संयन्त्रको बिकास गर्नुपर्ने कुरामा जोड दिए ।

कार्यक्रममा जिफण्टका केन्द्रीय उपाध्यक्ष कमल गौतम, एक्सन एड ईन्टरनेसनल नेपालका सुजात श्रमनेरा, दियालो कमैया महिला जागरण समाजका केन्द्रीय सचिव संगीता थारु, मुक्त कमैया तथा सुकुम्बासी संगम समाजका अध्यक्ष भक्त बिश्वकर्मा र नेपालका अध्यक्ष तारा थापाले आ आफनो बिचार ब्यक्त गरेका थिए ।

मुक्त कमैया समाजका केन्द्रीय कोषाध्यक्ष हरीचन्द्र चौधरीको सभापतित्वमा सम्पन्न कार्यक्रममा राष्ट्रिय दलित नेटवर्कका केन्द्रीय सदस्य मीना परियारले सहभागिहरुलाई स्वागत गरेकी थिइन भने कार्यक्रमको सहजीकरण राष्ट्रिय दलित नेटवर्कका टीम लिडर हुकुम बहादुर सार्कीले गरेका थिए ।

कञ्चनपुर, कैलाली, बर्दिया, बाँके र दाङ्ग जिल्लाबाट सहभागि मुक्त कमैया संगठनका प्रतिनिधिहरुका बिचमा सञ्चालन गरिएको उक्त कार्यक्रममा यस अघि सम्बन्धित ५ वटा जिल्लाहरुमा आयोजना गरिएका परामर्श गोष्ठीहरुको निष्कर्ष प्रस्तुतीकरणका आधारमा मुक्त कमैया सवालमा स्थानिय स्तरमा आशा गरिएका साना परिवर्तनहरु र प्रादेशिक स्तरमा आशा गरिएका साना परिवर्तनहरुको पहिचान गरि त्यसको प्राथमिकिकरण गरिने र त्यसलाई राष्ट्रिय स्तरको संयुक्त रणनिति योजना कार्यशाला गोष्ठीमा प्रस्तुत गरिने कुरा कमैया महिला जागरण समाजका परियोजना अधिकृत दुर्गा चौधरीले बताए ।