Date
बिहि, मंसिर ३, २०८३
Thu, November 19, 2026
Home Blog Page 723

सबैठवा प्रहरी चाैकीकाे भवन उद्घाटन

0
वीरगंज । पर्साकाे पकहा मैनपुर गाउँपालिका वडा नं. ५ मा रहेकाे सबैठवा प्रहरी चाैकीकाे नवनिर्मित भवन शुक्रबार उद्घाटन गरिएकाे छ । भवनकाे एक कार्यक्रमकाे बिच पर्सा प्रहरी प्रमुख प्रहरी उपरिक्षक रमेश कुमार बस्नेतले उद्घाट गरेका हुन् ।
 
 लामाे समयदेखी कंची भवनमा संचालन हुँदै आएकाे प्रहरी चाैकीकाे ५ कोठे पक्की भवन निर्माण भएकाे हाे ।
 
प्रदेश सरकारकाे आन्तरिक मामिला तथा संचार मन्त्रालयकाे प्रहरीको लागि पुर्वाधार नर्मिाण एवम् सुध्रिकरण कार्यक्रम अन्तर्गत ३६ लाख ४३ हजार २ सय ७६ को लागतमा ठेक्दारमार्फत भवन नर्मिाण भएको प्रहरी चाैकी सबैठवाले जनाएकाे छ ।
 
उद्घाटन कार्यक्रममा पकाहा मैनपुर गाउँपालिकाका अध्यक्ष विजय चौरसिया, जिल्ला प्रहरी कार्यालय पर्साका प्रहरी नायब उपरिक्षक प्रहलाद कार्की लगायत पकाहा मैनपुर गाउँपालिका र कालिकामाई गाउँपालिकाका समाजसेवी तथा बुद्धजिवीहरुको सहभागिता रहेको थियाे ।

सशस्त्र प्रहरी भिखमपुरद्वारा घरेलु मदिरा नस्ट

0

वीरगंज । सशस्त्र प्रहरी बल बोर्डर आउट पोस्ट भिखमपुरले अवैध रूपले उत्पादन गरिएका घरेलु मदिरा बरामद गरेर नष्ट गरेकाे छ।

शसस्त्र प्रहरी आउट पोस्ट भिखमपुरका प्रहरी निरीक्षक निरन्जन कार्कीको नेतृत्वमा खटिएको टोलीले जगरनाथपुर गाउँपालिका वडा नं ४ मोरटोलबाट मोटरसाइकलमा लोड रहेको १०० लिटर घरेलु मदिरा बरामद गरेकाे थियाे । साेही बरामद मदिरा नष्ट गरिएको सशस्त्र प्रहरी भिखमपुरले जनाएकाे छ ।

सशस्त्र प्रहरीको गस्ती टोली देख्नै वितिक्कै मोटरसाइकल र रक्सी छोडेर तस्कर भागेको प्रहरीले जनाएकाे छ । 

घरेलु मदिरा कै कारण समाजमा हत्या, हिंसा, बलात्कार लगायत जघन्य आपराधिक घटना वृद्धि भएको, शान्ति सुरक्षामा असर पारेको र एकापसमा द्वन्द्व तथा तनाव सिर्जना भई समुदाय मै नकारात्मक असर पार्ने गरेकाे छ । 

बिद्यार्थीहरुलाई ज्याकेट बितरण

0

वीरगंज । रोटरी क्लब अफ वीरगंज मेट्रोपोलिसले पर्साकाे महादेवपट्टिको शिवशक्ती प्राथमिक बिधालयका बिद्यार्थीहरुलाई न्यानो पोशाक बितरण गरेको छ । क्लबका अध्यक्ष रोटेरियन दिपराज क्याल र सदस्य रोटरीयन नन्दन कुमार चौरसियाले बिहिबार बिद्यालयमा पुगि बिद्यार्थीहरुलाई ज्याकेट बितरण गरेका हुन् ।

साथै त्यहाँ रहेका बिद्यार्थीहरुको स्वास्थ्य परिक्षण गरिएकाे थियाे । क्लबका रोटेरियन डा. अशोक दास, डा. चन्दन बनर्जी, डा. निरज सिंह, डा. मनोज उपाद्ययाद्वारा हुँदै गरिएकाे क्लबका दिपु बर्णवालले जानकारी गराए । 

क्लबले भौतिक पुर्वाधार, शैक्षिक गुणस्तर, शैक्षिक बाताबरण, सौन्दर्यकरण लगायतका गतिविधिहरुमा बिगत १० बर्षदेखी गर्दै आएकाे छ ।

मधेशी आयाेगकी सदस्य आभा कुमारी सम्मानित

0

वीरगंज । नेपाल-भारत मैत्री संघ जिल्ला शाखा सप्तरीले मधेशी आयाेगकी सदस्य आभा कुमारीलाई सम्मान गरेकाे छ ।

सप्तरीकाे राजविराज ४ स्थित रहेका छिन्नमस्ता आस्पतालमा संघले आयोजना गरेकाे सप्ताह व्यापी स्वास्थ्य शिविरमा आयाेगका सदस्य आभालाई सम्मान गरिएकाे हाे ।

संघका सप्तरी शाखा अध्यक्ष मनोज मुन्धराकाे अध्यक्षतामा भएकाे कार्यक्रममा संघका राष्ट्रिय अध्यक्ष ओम सर्राफ, सह अध्यक्ष शैलेन्द्र मोहन लगायतकाे सहभागिता रहेकाे थियाे । शिविर छिन्नमस्ता अस्पतालकाे सहयाेगमा भएकाे थियाे ।

संघले आयाेजना गरेकाे सप्ताह व्यापी स्वास्थ्य शिविर माघ ९ गते सम्म संचालन हुने जनाइएकाे छ । 

राजधानी माग्दै वीरगंजमा चाैथाे दिन पनि प्रदर्शन

0

वीरगंज । मधेश प्रदेशको स्थायी राजधानी जनकपुरधाम ताेकिएपछि वीरगंजमा सुरु भएकाे आन्दाेलन अन्तर्गत चाैथाे दिन पनि प्रदर्शन भएकाे छ । संयुक्त युवा विद्यार्थी संगठनले बहिबार वीरगंजकाे घण्टाघरमा प्रदर्शन गरेकाे हाे ।

प्रदर्शनमा सहभागिहरु जनकपुर राजधानी मान्य छैन, मुख्यमन्त्री राजिनामा देउ, गद्दार प्रदेश सांसद मुर्दावाद, वीरगञ्जलाई राजधानी कायम गर, पदसंग वीरगंज राजधानी साटन पाइदैन् लगायतका नारा लेखिएकाे प्याले कार्डसहित सहभागि भएका थिए ।

प्रदर्शकारीहरुले गद्दार प्रदेश सांसदका कारण वीरगञ्जले राजधानी गुमाउनु परेको बताउँदै उनीहरु प्रति आक्रोश पोखेका थिए ।

संगठनका अध्यक्ष मोहमद नेजामको अध्यक्षतामा भएकाे प्रदर्शनमा नेवि संघका सुधीर पटेल, लाेसका सुजित गिरी, अनेरास्ववियु क्रान्तिकारीका केन्द्रिय सदस्य जुबैर आलम, युवा संघ नेपालका केन्द्रिय सदस्य अनिल पटेल, अनेरास्ववियु क्रान्तिकारीका पर्सा अध्यक्ष कबिर पटेल, युवा संघ पर्साका श्रीलाल कुशवाहा, अनिस पटेल, अनिल कुशवाहा, लोसपाका राजु गुप्ता,अनेरास्ववियु क्रान्तिकारीका मेराज अंसारी लगायतकाे सहभागिता रहेको थियो.।

वीरगंजलाई राजधानी नबनाइएकाे बिराेधमा पर्सामा दिनहुँ विराेध प्रदर्शन हुँदै आएकाे छ । संयुक्त विद्यार्थीले शुक्रबार आन्दाेलनकाे कार्यक्रम अन्तर्ग मशाल जुलुश निकाल्ने जनाएकाे छ ।

हरिखेतानमा क्याम्पस प्रमुख यादवकाे रजाई विरुद्ध आन्दाेलन घाेषणा

0

वीरगंज ।  नेपाल विद्यार्थी (नेवि) संघ ठाकुरराम बहुमुखी क्याम्पस एकाई समितिले हरिखेता बहुमुखी क्याम्पस वीरगंजका प्रमुख डा. भगवान प्रसाद यादव विरुद्ध आन्दोलनकाे कार्यक्रम घाेषणा गरेको छ ।

नेवि संघले ज्ञापन पत्र मार्फत ७ बुँदे मागसहित ३ दिने अल्टिमेटम दिँदा पनि क्याम्पस प्रमुख यादवले कुनै वास्ता नगरेको जनाउँदै आन्दोलनका कार्यक्रम घाेषणा गरिएकाे जनाएकाे छ । बिहिवार नेपाल पत्रकार महासंघ पर्साकाे सभा हलमा पत्रकार सम्मेलन गर्दै नेवि संघ ठाकुर राम एकाई समितिका सभापति मनोज कुमार साहले भाेली (शुक्रबार) माघ ७ गतेदेखि १२ गतेसम्मका लागि चरणबद्ध आन्दोलनका कार्यक्रम सार्वजनीक गरेको हुन् ।

उनले आन्दाेलनकाे कार्यक्रम सार्वजनिक गर्दै क्याम्पस प्रमुख र क्याम्पस प्रशासनकाे तर्फबाट हाम्राे माग प्रति कुनै चासाे नभएकाेले क्याम्पसमा निश्चित रुपले कहि कतै कुनै ना कुनै  किसिमले अभिभावक र कानुनलाई आफ्नाे गाेजी ठानेर मन लाग्दाे किसिमकाे क्याम्पस संचालन गर्दै आएकाे आराेप लगाए ।

सभापति साहले क्याम्पस प्रमुख यादवकाे गैर जिम्मेवार पूर्ण रवैयाकाे भण्डाफाेर गर्न हरिखेतान क्याम्पसलाई शुसान र सहि बाटाेमा ल्याउन एक भ्रष्ट र हैकमवादी चित्रण रहेकाे प्रमुख विरुद्ध चरणबद्ध आन्दाेलनकाे कार्यक्रम घाेषणा गरिएकाे वताए ।

 नेवि संघले सार्वजनिक गरेकाे आन्दाेलनकाे कार्यक्रम अन्तर्गत माघ ७ गते शुक्रबार हरिखेतान क्याम्पसको मुल गेटमा १ घण्टा धर्ना दिने, माघ ९ गते आइतवार सञ्चालक समितीका सदस्यहरुलाई ज्ञापन पत्र बुझाउने र छलफल गर्ने, माघ १० गते पर्सा जिल्लाका पार्टी सभापतिहरुलाई ज्ञापन पत्र बुझाउने, माघ ११ गते घण्टाघरमा हस्ताक्षर अभियान सञ्चालन गर्ने जनाएकाे छ ।

यस्तै, माघ १२ गते प्रधानमन्त्री, शिक्षा मन्त्री, टियुका डियन र प्रमुख जिल्ला अधिकारीलाई फोनमार्फत दबाबमुलक म्यासेज पठाउने र अन्तिममा शिक्षा मन्त्रीलाई प्रत्यक्ष भेटेर ज्ञापन पत्र बुझाउने कार्यक्रम तय भएको संघका एकाई सभापति साहले पत्रकार सम्मेलनमा जानकारी गराए ।

विज्ञप्तीमार्फत क्याम्पस प्रमुख डा. यादवले अभिभावक र कानुनलाई आफ्नो गोजीको पेवा बनाएर मनोमानी ढंगले क्याम्पस सञ्चालन गरीरहेको आरोप लगाइएको छ । 

नेवि संघले ४ दिन अघि हरि खेतान बहुमुखी क्याम्पस सामुदायिक क्याम्पस भएकोले सामुदायिकको विधि विधान अनुरूप संचालन हुने गरी सरकारी क्याम्पस झै क्याम्पस प्रमुखको कार्यकाल तीन/चार बर्षमा परिर्वतन हुनुपर्ने, सरकारी क्याम्पसको मान्यता अनुसार प्रत्येक संकायको प्रत्येक वर्षमा नियमानुसार विद्यार्थीको भर्ना संख्या अनुसार २० प्रतिशतलाई अनिवार्य निशुल्क छात्रवृत्ति तथा उत्कृष्ट विद्यार्थीलाई छात्रवृत्ति दिनुपर्ने, वीरगंज विश्व विद्यालय स्थापनाको नाममा संकलित रकमको आजसम्मको हरहिसाब र विश्व विद्यालयको कार्यप्रगति सार्वजनिक गर्नुपर्ने माँग राख्दै ज्ञापन पत्र बुझाएकाे थियाे ।

यस्तै, संघले क्यु.ए.ए. क्वालिफाईड क्याम्पस भएकोमा टियुको युजिसि ग्रान्टको रकम कुन ठाउँमा र कसरी खर्च हुने गरेको छ त्यो पनि सार्वजनिक गर्नुपर्ने, कर्मचारी भर्नाको प्रक्रिया तथा भर्ना गरिएको कर्मचारीहरु बर्षाै बर्षाैदेखि कार्यरत हुँदा निजहरूको सन्चय कोषको रकम वा समाजिक सुरक्षा कोषको रकम कट्टा गरि सम्बन्धित कार्यालय किन जम्मा नगरि निजहरु प्राप्त गर्ने सुबिधाहरुबाट किन बन्चित गरेको त्यो पनि सार्वजनिक गर्नुपर्ने लगायतकाे नेवि संघकाे माग रहेकाे छ ।

राष्ट्रियसभा चुनाव : मधेस प्रदेशमा एमाले र लोसपाबीच गठबन्धन

0

वीरगंज । राष्ट्रियसभा सदस्य निर्वाचनका लागि नेकपा एमाले र लोकतान्त्रिक समाजवादी (लोसपा) बीच मधेस प्रदेशमा गठबन्धन हुने भएको छ । माघ १२ गते हुने राष्ट्रियसभाको निर्वाचनमा गठबन्धन भएकाे हाे ।

बिहिबार जनकपुरमा संयुक्त पत्रकार सम्मेलन गरेर दुवै दलले गठबन्धनको घोषणा गरेका छन् । एमाले प्रदेश कमिटी अध्यक्ष रामऔतार यादव र लोसपाका प्रदेश अध्यक्ष जितेन्द्र सोनलले सहमति पत्रमा हस्ताक्षर गर्दै एमालेका उम्मेदवार उसमान अन्सारी र लोसपा उम्मेदवार रिता यादवलाई मतदान गर्न आव्हान गरेका छन् ।

एमाले सचिव रघुवीर महासेठ, मधेस प्रदेश संसदीय दलका नेता एवं प्रदेश अध्यक्ष जितेन्द्र सोनललगायतका नेता कार्यकर्ता घोषणा कार्यक्रममा सहभागी थिए ।

वीरगंजमा तेस्राे दिन पनि मुख्यमन्त्री र नेता साेनलकाे पुत्ला दहन

0

वीरगंज । मधेश प्रदेशकाे राजधानी जनकपुर भएपछि पर्सामा सुरु भएकाे आन्दाेलन तेस्राे दिन पनि जारी रह्याे । संयुक्त युवा विद्यार्थीले तेस्राे दिन बुधबार वीरगंजकाे घण्टाघरमा मुख्यमन्त्री लालबाबु राउत र प्रतिपक्षी दलका नेता जितेन्द्र साेनलकाे पुत्ला दहन गरेका थिए ।

मुख्यमन्त्री राजीनामा देउ, बीरगंज बेचन पाइदैन, जनकपुर राजधानी खारेज गर, वीरगंजलाई राजधानी घाेषणा गर लगायतका नारा लगाउँदै युवा, विद्यार्थीहरुले प्रदर्शनसमेत गरेका थिए ।

प्रदर्शनमा नेवि संघका सुधिर पटेल, लोसपाका युवा नेता सुजीत गिरी, युवा संघ नेपालका केन्द्रिय सदस्य एवम् पर्सा इन्चार्ज अनिल पटेल, जिल्ला अध्यक्ष भुपेन्द्र साह, राष्ट्र युवा संघ नेपालका जिला अध्यक्ष नेजाम अंसारी, प्रमोद पटेल, लोसपाका युवा राजू गुप्ता, अनेरास्ववियुका क्रान्तिकारीका जिल्ला अध्यक्ष कबीर पटेल, मेराज अंसारी, भीम यादव, श्रीलाल कुश्वहा, अनिल कुशवाहा, अनिष पटेल लगयातको सहभागिता रहेको थियो ।

यस अघि वीरगंजकाे आदर्शनगरस्थित स्विमिङ पुलमा बसेकाे पर्सा जिल्लाकाे विभिन्न राजनितिक दलकाे जन संगठन समर्पित युवा बिधार्थीकाे  बैठकले वीरगंजलाई राजधानी बनाउन जारी आन्दाेलनलाई निरन्तरता दिने निर्णय गरेकाे थियाे ।