[real3dflipbook id=”285″]
पर्सागढीमा डिजिटल प्रविधिकाे प्रयाेग सम्बन्धि अभिमुखिकरण
वीरगंज । पर्साकाे पर्सागढी नगरपालिकामा सहकारीमा डिजिटल प्रविधिकाे प्रयाेग सम्बन्धि अभिमुखिकरण कार्यक्रम साेमबार सम्पन्न भएकाे छ ।
हब काे अपरेटिभ सर्भिस प्रा.लि. काठमाडाैंकाे प्राविधिक सहयाेग र पर्सागढी नगरपालिकाकाे आयाेजनामा कार्यक्रम सम्पन्न भएकाे नगरपालिकाकाे सहकारी विभाग प्रमुख गिरीराज कँडेलले जानकारी दिए ।
किशुनदेव प्रसाद यादवकाे अध्यक्षतामा भएकाे कार्यक्रमकाे उद्घाटन नगर प्रमुख लाेकनारायण यादवले गरेका थिए । कार्यक्रमकाे उद्घाटन गर्दै नगर प्रमुख यादवले प्राविधिकाे जबानामा सहकारी संस्थाहरुमा डिजिटल प्रविधिकाे जरुरी रहेकाे वताए ।
कार्यक्रममा नगरपालिकाकी उप प्रमुख अर्चना चाैधरी, प्रमुख प्रशासकिय अधिकृत भरत प्रसाद यादव, दामाेदर खनाल, रामचन्द्र नेपाल, अन्जु पाठक लगायतकाले मन्तव्य राखेका थिए ।
महानगरकाे आम संचार निति बारे पत्रकारसंग छलफल
वीरगंज । वीरगंज महानगरपालिकाकाे आयाेजनामा आम संचार माध्यमकाे प्रबर्द्धन र नियमनकाे लागि सरकारवालाकाे भुमिका विषयक कार्यशाला गाेष्ठी साेमबार सम्पन्न भएकाे छ ।
वीरगंजस्थित हाेटल मकालुमा भएकाे कार्यक्रममा वाेल्दै वीरगंज महानगरका मेयर विजयकुमार सरावगीले सञ्चारमाध्यमको विकास र प्रवर्द्बनकाे लागि महानगर प्रतिबद्ध रहेकाे बताए । उनले प्रेस स्वतन्त्रताबाट देश विकास हुने भएकोले महानगर प्रेस स्वतन्त्रताको पक्षमा सदैव रहँदै आएको दाबी गरे । उनले महानगरले सञ्चार ऐन, कानून बनाउन लागेको र सोबारे सञ्चारकर्मीहरूसँग छलफल गरेको बताए ।
मेयर सरावगीले निरंकुश ल्याउने कानुनकाे विराेधमा आफु पनि रहेकाे वताए । प्रेस स्वतन्त्र रहेन भने देश पनि स्वतन्त्र नरहेने उनकाे भनाई थियाे ।
नगरपालिकाका सल्लाहकार गोविन्द देवकोटाले महानगरपालिकाले कानून बनाएर पत्रकारिताको संस्थागत विकास गर्न खोजेको बताए । उनले महानगरपालिकाबाट हुने त्रुटि, कमजोरीबारे पनि पत्रकारहरूलाई कलम चलाउन आग्रह गरे । उनले नगरप्रमुख सकारात्मक टीका–टिप्पणीको पक्षधर भएको बताए ।
वीरगंज महानगरपालिकाले स्थानीय संचार माध्यमको प्रवर्द्धन र नियमन गर्ने गरी आम संचार ऐन २०७८ जारी गरेको सल्लाहकार देवकाेटाले वताए ।
वीरगंज महानगरपालिकाले महानगरपालिका भित्र संचालनमा रहेका संचार माध्यमको प्रवर्द्धन गर्न, लोककल्याणकारी विज्ञापनलाई स्थानीय संचार माध्यममा समानुपातिक रुपमा वितरण गर्न, श्रमजीवी पत्रकारको दक्षता अभिवृद्धि र संचार माध्यमको संस्थागत विकासमा ठोस योगदान दिनेगरी संचार माध्यमको प्रवर्द्धन तथा विकास कोषको स्थापना गर्ने, पत्रकारितालाई मात्र पेशा वनाएर काम गर्दे आउनु भएका ६० बर्ष माथिका जेष्ठ पत्रकारको लागि पेन्सन कोषको स्थापना गर्ने महानगरपालिकाकाे आमसंचार ऐन समेटिएकाे छ ।
यस्तै विपत्तिबाट अप्ठारोमा परेका संचार माध्यमलाई क्षती भएको सामान खरिदका लागि निश्चित अवधी सम्मका लागि सापटी रकम उपलब्ध गराउने गरी छुट्टै विपत्त राहत कोष स्थापना गर्ने, पत्रकारको लेखन बृत्तिका लागि फेलोसिप र पत्रकारिता विषयमा स्नातकोत्तर गर्न चाहने दुई जना (महिला र पुरुष) पत्रकारलाई हरेक बर्ष छात्रावृत्ति दिने लगायतका नीतिसहित वीरगंज महानगरपालिका आमसंचार ऐन २०७८ जारी गरिएकाे सल्लाकार देवकाेटाले जानकारी गराए ।
वीरगंज महानगरपालिकाका प्रमुख प्रशासकिय अधिकृत निश्चलराज पाण्डेको अध्यक्षतामा भएको कार्यक्रममा नेपाल पत्रकार महासङ्घका केन्द्रीय सदस्य केसी लामिछानेले सञ्चार ऐन, कानून सम्बन्धमा महासङ्घको अवधारणा प्रस्तुत गरेका थिए ।
वीरगंजसंग घात, क-कसको साथ ?
जनकपुर राजधानी भएपछि वीरगंजमा मुख्यमन्त्रीकाे पुत्ला जलाइयाे
वीरगंज । प्रदेश २ काे स्थायी राजधानी जनकपुरधाम घोषणा भएपछि गृह जिल्ला पर्सामा मुख्यमन्त्री लालबाबु राउतकाे पुत्ला जलाइएको छ । लोसपा निकट युवाहरुले वीरगंजकाे घण्टाघर चोकमा साेमबार सांझ मुख्यमन्त्री राउतको पुत्ला दहन गरेका हुन् ।
मुख्यमन्त्री राउतले वीरगञ्जविरुद्ध षडयन्त्र गरेर जनकपुरलाई प्रदेशको राजधानी बनाएको आरोप लगाउँदै स्थानीय युवाहरुले उनिविरुद्ध नाराबाजी गर्दै पुत्ला जलाएका थिए ।
आक्रोशित युवाहरुले वीरगञ्जको घण्टाघरमा “मुख्यमन्त्री लालबाबु मुर्दाबाद”, “मुख्यमन्त्री चाहिँदिन, वीरगञ्ज बेच्न पाइदैन” लगायतका नारा लगाउँदै उनको पुत्ला जलाए ।
पुत्ला जलाउन पुगेका युवा र रोक्न गएका प्रहरी बीच केहि समय तनाव समेत भएकाे लाेसपाका नेता मुकेश द्विवेदीले वताए ।
मुख्यमन्त्री राउत वीरगञ्जको स्थानीय हुँदाहुँदै पनि उनले यसलाई राजधानी बनाउन कुनै पहल नगरेको र उल्टै जनकपुरको पक्षमा उभिएका आन्दाेलित युवाहरुले आराेप लगाएका छन् ।
प्रदर्शन तथा पुत्ला दहनमा सुजित गिरी, राजु गुप्ता, सशी पाण्डे, महादेव कुर्मी, शिवजी गुप्ता, सागिर अली, अली हसन लगायतकाे सहभागिता रहेकाे थियाे ।
सोमबार जनकपुरस्थित प्रदेशसभाबाट दुई तिहाईको बहुमतले प्रदेशको राजधानी जनकपुरधाम र नाम मधेस पारित भएको छ ।
कुल एक सय चार सांसद रहेकाे प्रदेश सभामा ९९ मत खसेकाे थियाे । जसमा जनकपुरलाई राजधानी बनाउने प्रस्तावको पक्षमा ७८ मत परेको थियो । दुईतिहाइ बहुमतका लागि ७० मत आवश्यक थियो ।
प्रदेश २ को नाम मधेश प्रदेश दुई तिहाइ बहुमतले पारित भएको छ । मधेश प्रदेश प्रदेश सभामा तीन दलकाे संयुक्त प्रस्ताव थियाे।
जनता समाजवादी पार्टी (जसपा) र नेकपा माओवादी केन्द्रको प्रस्तावमा प्रमुख प्रतिपक्षी दल लोकतान्त्रिक समाजवादी पार्टी (लोसपा)ले समर्थन गरेको थियो ।
प्रदेश २ सभामा हाल कायम १ सय ४ जना सांसद मध्ये ९९ मत खसेको थियो, जसमा मधेश प्रदेशको पक्षमा ८० मत खसेको छ।
नामको लागि चारवटा प्रस्ताव भएका थिए । नेकपा (एकीकृत समाजवादी) ले जानकी प्रदेश, कांग्रेसले मिथिला भोजपुरा प्रदेश र कांग्रेसका सांसद राजेश्वर प्रसाद साहले मध्य मधेश प्रदेश नाम प्रस्ताव गरेका गरेका थिए ।
नेपाली कांग्रेसका नेता रमेश रिजाललाई काेराेना संक्रमण
वीरगंज । नेपाली कांग्रेसका केन्द्रिय सदस्य एवम् प्रदेश २ का संयाेजक रमेश रिजाललाई काेराेना भाइरस (काेभिड १९) संक्रमण भएकाे छ ।
पर्साकाे जगरनाथपुर गाउँपालिका वडा नं. ५ मसिहानी निवासी नेता रिजाललाई संक्रमण देखिएकाे नेपाली कांग्रेस पर्सा क्षेत्र नं. ४ का सभापति श्रीकान्त यादवले जानकारी दिए ।
अहिले काठमाडाैंमा रहनु भएका नेता रिजाललाई ज्वराे लागेपछि त्यही गराउनु भएकाे परिक्षणमा संक्रमण पुष्टि भएकाे सभापति यादवले वताए । संक्रमण देखिएपछि नेता रिजाल काठमाण्डाै मै आइसाेलेसनमा बसेका छन् ।
यस अघि नेता रिजाल प्रदेश नं. २ काे विभिन्न जिल्लामा आयाेजना भएकाे पार्टीकाे कार्यक्रममा सहभागि भएका थिए ।
वीरगंजलाई राजधानी बनाउन मुख्यमन्त्रीकाे घर अगाडी प्रदर्शन
वीरगंज । प्रदेश नम्बर २ स्थायी राजधानी वीरगञ्जलाई बनाउनु पर्ने माग गर्दै मुख्यमन्त्री लालबाबु राउतकाे घर अगाडी आइतबार विरोध प्रदर्शन भएको छ । लाेसपा निकट युवाहरुले वीरगञ्जलाई राजधानी बनाउन दवाव सृजना गर्ने उद्देश्यले मुख्यमन्त्री राउतकाे घर अगाडी विरोध प्रदर्शन गरेका हुन् ।
युवाहरुले मुख्यमन्त्री राउतको वीरगञ्ज महानगरपालिका वडा नम्बर १३ तेजारथ टोलस्थित निवास अगाडी विभिन्न नारा लगाउँदै विरोध प्रदर्शन गरेका थिए । वीरगञ्जलाई राजधानी नबनाए कडा प्रतिकार गर्ने उनीहरुले चेतावनीसमेत दिएका दिएका छन् ।
मुख्यमन्त्री राउतले आफ्नो पद जोगाउनका लागि वीरगञ्जलाई धोका दिएर जनकपुरको पक्षमा मतदान गर्न लागेको उनीहरुको आरोप छ । प्रदर्शनमा सहभागिहरुले “मुख्य मन्त्री चाहिदैन्, वीरगंज बेच्न पाइदैन” लगायकाे नारा लगायका थिए ।
मुख्यमन्त्री राउतले प्रदेश २ को राजधानी जनकपुर की वीरगञ्ज भनेर आफ्नो धारणा स्पष्टसंग सार्वजनिक नगरेको कारण पनि उनि आफ्नो पद जोगाउन जनकपुरको पक्षमा रहेर वीरगञ्जसँग गद्दारी गरिरहेको आराेप लगाएका छन् ।
संघीयता स्थापना गर्नेदेखि विभिन्न चरणमा भएको मधेस विद्रोह लगायतका आन्दोलनहरुमा समेत वीरगञ्जले प्रदेश नम्बर २ को अन्य स्थानभन्दा धेरै योगदान गरेको र हरेक प्रकारले राजधानीका लागि वीरगञ्ज उपयुक्त रहेको उनीहरुको भनाई छ ।
विराेध प्रदर्शनमा लाेसपाका युवा नेता सुजीत गिरी, राजु गुप्ता, महादेव कुर्मी, सजीव यादव, पुरोषत्तम पटेल, शिवजी गुप्ता, अलीहसन, सुरज गुप्ता, विवेक कुमार झा, सगिर अली, अंकित मिश्रा लगायतकाे सहभागीता रहेकाे थियाे ।
जसपा पर्सा दुई गुटमा विभाजित, नयाँ जिल्ला अध्यक्षमा अन्सारी
वीरगंज । जनता समाजवादी पार्टी (जसपा)को पर्सा दुई गुटमा विभाजित भएको छ । जसपाको एक समूहको बैठकले आइतबार जिल्ला तदर्थ समितिकाे नयाँ अध्यक्ष चयन गरेपछि पार्टीभित्रको विवाद छताछुल्ल भएको हो ।
वीरगन्जमा बसेको जिल्ला कार्यसमितिका एक समुहकाे बैठकले जिल्ला अध्यक्ष रामनरेश प्रसाद यादवको पद खारेज गरेर अब्दुल रहिम उर्फ मन्जुर अन्सारीको अध्यक्षतामा जिल्ला तदर्थ समिति गठन गरेको हो । अन्सारी प्रदेश सांसद पनि हुन् ।
जिल्ला कार्य समितिका बहुमत सदस्यहरुको बैठकले जिल्ला अध्यक्ष रामनरेश यादवको पद खारेज गरेर जिल्ला तदर्थ समितिको अध्यक्षमा अन्सारीलाई चयन गर्ने निर्णय गरेको जसपाका जिल्ला उपाध्यक्ष बासुदेव यादवले बताए ।
उनका अनुसार ८३ सदस्यमध्ये ६२ जनाले रामनरेश यादवको पद खारेज गर्ने निर्णयमा हस्ताक्षर गरेका छन् । अन्सारीलाई जिल्ला अध्यक्ष बनाउने निर्णयसमेत गरिएको छ,’ उनले भने बैठक बोलाएर जिल्ला अधिवेशनमार्फत् नयाँ नेतृत्व चयन गर्नका लागि जिल्ला अध्यक्ष रामनरेश यादवलाई पटक–पटक आग्रह गरिएको थियो ।
जिल्ला अध्यक्ष यादवले अटेर गरेपछि उनको पद खारेज गरेर अन्सारीलाई जिल्ला अध्यक्ष बनाइएको जिल्ला उपाध्यक्ष यादवले बताए । रामनरेश यादवले बहुमत सदस्यलाई समेत नजरअन्दाज गरेर एकलौटी तरिकाले पार्टीलाई आफ्नो अनुकूल चलाउन खोजेपछि उनको पद खारेज गरिएको उपाध्यक्ष बासुदेव यादवको भनाइ छ ।
आइतबारको बैठकमा जसपाका नेतासमेत रहेका जिल्ला समन्वय समिति पर्साका सभापति नेक महम्मद अन्सारी, जसपाका जिल्ला उपाध्यक्ष बासुदेव यादव, नगर अध्यक्ष ईश्वर चन्द्र यादव, नेता जरी लामा, सखुवा प्रसौनी गाँउपालिकाका अध्यक्ष प्रदीप जयसवाललगायतका नेता कार्यकर्ताहरुको सहभागीता थियो ।
यता, जिल्ला अध्यक्ष रामनरेश यादव र जिल्ला सचिव तबरेज अहमदले संयुक्त रुपमा एक प्रेस विज्ञप्ती जारी गर्दै काेठै बैठककाे नाउमा माैजुदा जिल्ला कार्य समितिका अध्यक्षलाई खारेज गरी नयाँ अध्यक्ष चयन गरेकाे हस्यास्पद र घिनाैना कार्य भएकाे जनाएका छन् ।
वीर अस्पतालका डा. साह वीरगंज आउँदै, निशुल्क स्वास्थ्य परिक्षण गर्ने
वीरगंज । वीर अस्पताल काठमाडाैंका जेनरल कन्सल्टेन्ट फिजिसियन डा. रविरजन साह माघ ४ गते मंगलबार वीरगंज आउने भएका छन् ।
लायंस क्लब आँफ वीरगंज ग्रीन कैंपसले आयाेजना गरेकाे निशुल्क स्वास्थ्य शिविरकाे लागि वीरगंज आउन लागेका हुन् । डा. साह मुटु, छाती, पेट, नाशा, गठिया, किडनी, चिनी एवम् थाईराइड राेग विशेषज्ञ हुन् ।
वीरगंज ८ स्थित पुरानाे शिवा अस्पताल भवनमा रहेकाे शिवा पाेली क्लिनीकमा शिविरमा ओपिडी, चिनी, किडनी, पिसाब निशुल्क परिक्षण हुनुकाे साथै थाइराइड (टि3, टि4, टिएसएच) विशेष छुटमा रु ३५० मा मात्र चेक जांच हुने लायंस क्लबका कार्यक्रम संयाेजक निसान्त मिश्राले जानकारी दिए ।
शिविर विहान् ८ बजेदेखी दिउसाे ४ बजे सम्म संचालन हुने उनले जानकारी गराए । शिविरमा सहभागी भएर माेकाकाे फाइदा उठाउनले सम्बन्धित सबैलाई आग्रह समेत गरे ।












