Date
बिहि, मंसिर ३, २०८३
Thu, November 19, 2026
Home Blog Page 722

जसपा पर्साकाे विवाद : दुबै समुहकाे आ आफ्नै दाबी

0

वीरगंज । जनता समाजवादी पार्टी (जसपा) पर्साकाे विवाद झन चुलिँदै गएको छ। पछिल्लो हप्ता दुई छुट्टाछुटटै समूहले जिल्ला कार्यसमिति गठन र पुनःगठन गरेका थिए । केन्द्रीय अध्यक्ष उपेन्द्र यादवसँग असन्तुष्ट समूहले गत माघ २ गते मन्जुर अन्सारीको नेतृत्वमा नयाँ जिल्ला कार्यसमिति गठन गरेको थियाे ।

उपेन्द्र निकट रहेका पहिलेका अध्यक्ष रामनरेश यादवको समूहले भने गत शुक्रबार छुट्टै भेला गरेर जिल्ला कार्यसमिति पुनःगठन गरेको छ । पर्सामा गठन भएका दुई छुट्टाछुटटै जिल्ला कार्य समितिबारे अहिले आएर जसपाको मधेस प्रदेश समितिमा पनि विभिन्न विवाद देखिएकाले पर्सामा जसपाभित्रको विवाद झन् उत्कर्षमा पुगेको हो ।

जसपाको मधेस प्रदेश समितिका मुख्य सचिव दिनेश कुमार यादवले शनिबारमात्रै एक विज्ञप्ति जारी गरेर पर्सा जिल्लामा राम नरेश यादवले नेतृत्व गरेको जिल्ला कार्य समिति नै पार्टीको आधिकारिक रहेको जनाएको छ ।

पार्टीको मेधश प्रदेश कमिटीले पर्सा जिल्लामा पार्टीको जिल्ला कमिटी बनेको बिषयमा बिभिन्न संचार माध्यमबाट जानकारी प्राप्त भएको समेत बिज्ञप्तिमा उल्लेख छ । बिज्ञप्तिमा जिल्ला पार्टी एकतापछि समायोजनको काम बाँकी रहेको र त्यो घोषणाको जिम्मेवारी प्रदेश समितिमा निहित रहेको उल्लेख छ ।

समायोजनको काम प्रदेशले गर्ने भन्दै बिज्ञप्तिमा पर्सामा पार्टी समायोजनको काम छलफलको चरणमा रहेको भन्दै प्रदेश सभा सदस्य मन्जुर अन्सारीको नेतृत्वमा बनेको समितिलाई अबैध भएको ठहर गरेको छ । 

मधेश प्रदेश समितिका उपाध्यक्ष सुशिल यादवले आइतबार प्रेस विज्ञप्ती जारी गर्दै अब्दुल रहिम (मञ्जुर) अन्सारी अध्यक्ष रहेको जिल्ला समितीले नै वैद्यानिक रहेकाे जनाएका छन् । उपाध्यक्ष यादवले प्रेस विज्ञप्ती जारी गर्दै अन्सारीको अध्यक्षतामा गठीत तदर्थ समितिी नै आधिकारिक भएको दावी गरेका हुन् ।

मधेश प्रदेश समितिका सचिव दिनेश कुमार यादवले जारी गरेको विज्ञप्ती एकलौटी र मनोमानी रहेको बताउँदै उपाध्यक्ष साहले विज्ञप्तीमार्फत आपत्ति जनाएका छन् । झण्डै दुई तिहाई सदस्यको बहुमतका आधारमा गठीत समिति नै आधिकारिक भएको बताउँदै उनले यस विषयमा मधेश प्रदेश समितिको बैठक बसेर छलफल गरी निस्कर्ष निकाल्ने पनि विज्ञप्तीमा उल्लेख गरेका छन् ।

मुख्य सचिव यादवले व्यक्तिगत रुपमा हस्ताक्षर गरेर जिल्ला समितिलाई आधिकारिक हो भनेर भ्रम फैलाएकोमा पनि उनले विज्ञप्तीमार्फत खेद प्रकट गरेका छन् ।

माहनगरद्वारा होटल व्यवसायीलाई सम्पती करमा ५० प्रतिशत छुट

0

वीरगंज । वीरगंज माहनगरपालिकाले होटल तथा पर्यटन क्षेत्रलाई सम्पती करमा ५० प्रतिशत छुट दिने भएको छ । चैत मसान्तसम्म सम्पत्ति कर चुक्क्ता गर्ने होटल व्यवसायीलाई आर्थिक वर्ष ०७७/७८ र ०७८/७९ मा ५० प्रतिशत छुट सुविधा दिने भएको हो ।

कोरोना महामारीमा सबैभन्दा बढी प्रभावित क्षेत्र भएकोले होटल तथा पर्यटन व्यवसायीलाई छुट सुविधा दिएको नगर प्रमुख विजय कुमार सरावगीले जानकारी दिए ।

कोभिडबाट सबै भन्दा बढी प्रभाबित होटल तथा पर्यटन क्षेत्रलाई केन्द्र सरकारले समेत यश अघि नै अति प्रभाबित ब्यबसायको सुचिमा वर्गीकरण गरि सकेको छ ।

होटल तथा पर्यटन क्षेत्रको प्रतिनिधि मुलक संस्था होटल तथा पर्यटन ब्यवसायी संघ वीरगंजले यश अघि नगर परिषद हुनु पुर्व नै वीरगंज माहानगरमा ज्ञापन पत्रसमेत दिएर आफ्ना समस्याहरुलाई माहानगरको नीति तथा कार्यक्रममा पार्न लगाएको थियो । तर पछि नगर परिषदकाे निर्णय आउँदा अन्य क्षेत्र समेटिए पनि होटल तथा पर्यटन शब्द छुटेकोले होटलहरुले कुनै सुविधा पाएका थिएन ।

यसै विषयलाई लिएर आइतबार होटल तथा पर्यटन ब्यबसायी संघ वीरगंजका अध्यक्ष हरि पन्तको नेतृत्वमा गएको प्रतिनिधि मन्डलले महानगर प्रमुखसमक्ष आफ्ना समस्याहरुको गम्भीर ध्यानाकर्षण गराउँदै ज्ञापन पत्र बुझाएको थियो ।

ज्ञापनपत्र बुझाउँदै अध्यक्ष पन्तले महानगरले कोभिड प्रभावित अन्य ब्यवसायलाई सम्पतीकरमा ५० प्रतिशत छुट दिन माग गरेका थिए । होटल तथा पर्यटन क्षेत्रलाई यदि यो सुभिधाबाट बन्चित गरिए होटल तथा पर्यटन क्षेत्रलाई ठुलो अन्याय हुने भन्दै आफ्ना सममस्याहरु नगर प्रमुख समक्ष राखेका थिए ।

होटल तथा पर्यटन ब्यवसायीहरुकाे समस्या सुनिसकेपछि नगर प्रमुख बिजय कुमार सरावगीले होटल ब्यवसायीहरुको समस्या जाएज भएकोले समस्याको सम्बोधन गरिने बताए ।

मुक्तीनाथ बैंकद्वारा ठाकुर राम क्याम्पसलाई ४ लाख बराबरकाे कुर्सी सहयाेग

0

वीरगंज । मुक्तिनाथ विकास बैंक वीरगञ्ज शाखाले ठाकुरराम बहुमुखी क्याम्पसलाई कुर्सी सहयोग गरेको छ । बैंकले १५ बर्ष पुरा गरी १६ औं बर्षमा प्रबेश गरेकाे अवसरमा विभिन्न खालका ४३ थान कुर्सी सहयाेग गरेकाे हाे ।

क्याम्पसलाई ३० थान अफिस कुर्सी, १२ थान थ्री सिटर कुर्सी र एक थान चक्का वाला कुर्सी गरी ४ लाख रुपैयाँ बराबरको कुर्सीहरु सहयोग गरिएकाे बैंकका कर्जा विभाग प्रमुख शैलेन्द्र शर्माले जानकारी दिए । सामाजिक उत्तरदायित्व अन्तर्गत कुर्सीहरु सहयाेग गरीकाे शर्माले वताए ।

साे कुर्सीहरु बैंकका वीरगंज शाखा प्रमुख विपिन किशोर श्रेष्ठले एक कार्यक्रमका बिच क्याम्पस प्रमुख डा. उमेश चौरसियालाई हस्तान्तरण गरेका थिए ।

कुर्सी हस्तान्तरण कार्यक्रममा बोल्दै क्याम्पस प्रमुख डा. चौरसियाले बैंकलाई धन्यवाद दिँदै अन्य परोपकारी संघ संस्थाहरुलाई पनि सहयोग गर्न आग्रह गरेका थिए । जर्जर अवस्थामा पुगिसकेको क्याम्पसलाई तिनै तहको सरकारले वेवास्ता गरेको आरोप लगाउँदै डा. चौरसियाले परोपकारी निकायले सहयोग नगरे क्याम्पस बर्बाद हुने बताए ।

बैंकका शाका प्रमुख श्रेष्ठले छोटो भएपनि क्याम्पसलाई सहयोग गर्न पाउँदा खुसी महसुस भएको बताए । उनले आगामी दिनमा क्याम्पसलाई थप सहयोग जुटाउन आफुहरुले पहल गर्ने प्रतिबद्धता समेत व्यक्त गरे ।

कार्यक्रममा बैंकका कर्जा विभागका कर्मचारी धर्मेन्द्र कुमार साह, क्याम्पसका प्रध्यापक सुशील श्रेष्ठ, रघुनाथ साह लगायत शिक्षक र कर्मचारीहरुको सहभागिता रहेको थियो । बैंकले सहयाेग गरेकाे कुर्सी क्याम्पसकाे मिटीङ हलमा राखिएकाे छ ।

राजधानी माग्दै वीरगंजमा छैठाे दिन सिटी जुलश

0

वीरगंज । मधेश प्रदेशकाे राजधानी जनकपुरधाम ताेकिएपछि पर्सामा सुरु भएकाे आन्दाेलन छैठाे दिन पनि जारी रह्याे । वीरगंजलाई प्रदेशकाे राजधानी बनाउनु पर्ने माग गर्दै आन्दाेलन गर्दै आएकाे सयुक्त युवा विद्यार्थी संगठनले छैठाे दिन शनिबार वीरगंजमा सिटी जुलुश निकालेकाे थियाे ।

ठाकुराम बहुमुखी क्याम्पसबाट निस्केकाे सिटी जुलुश आदर्शनगर हुँदै माईस्थान सम्म पुगेकाे थियाे । जुलुशमा मुख्यमन्त्री मुर्दावाद, गद्दार विद्यायकहरु मुर्दावाद, जनकपुरलाई राजधानी मान्दैनाैं, वीरगञ्जलाई राजधानी कायम गर लगायतकाे नारा लेखिएकाे प्ले कार्डसहित सहभागि थिए । जुलुशमा सहभागिहरु टाउकाेमा कालाे पट्टी समेत बाधेका थिए ।

संगठनका अध्यक्ष मोहमद नेजामको अध्यक्षतामा निस्केकाे जुलुशमा नेविसंघका सुधिर पटेल, युवा संघका अरुण यादव, अनिल पटेल, लोसपाका सुजित गिरी, अनेरास्ववियु ठाकुरराम बहुमुखी क्याम्पस इकाई कमिटी अध्यक्ष आशिफ अहमद, अखिल क्रान्तिकारीका वीरगञ्ज महानगर सचिव मिरोज अहमद लगायतको सहभागिता रहेको थियो ।

यस अघि आन्दाेलनकाे पांचाै दिन शुक्रबार सांझ संयुक्त विद्यार्थी संगठनले वीरगंजमा मशाल जुलुश निकालेकाे थियाे ।

कालिकामाईमा लाेसपाकाे पार्टी प्रबेश कार्यक्रम सम्पन्न

0

वीरगंज । पर्साकाे कालिकामाई गाउँपालिकामा लोकतान्त्रिक समाजवादी पार्टी (लाेसपा) नेपालकाे पार्टी प्रबेश कार्यक्रम सम्पन्न भएकाे छ । गाउँपालिकाकाे वडा नं. ४ प्रशुरामपुरमा भएकाे कार्यक्रममा नेकपा माओवादी केन्द्र परित्याग महिला नेत्रृ सिमा गुप्ताको नेतित्वमा एक सय भन्दा बढीले लाेसपा प्रबेश गरेकाे वताइएकाे छ ।

गाउँपालिकाका कार्यवाहक अध्यक्ष एवम् लोसपाका नेता राजेस चौरसियाको अध्यक्षतामा र लाेसपाका नेता एवम् प्रतिनिधि सभा सदस्य लक्षमणलाल कर्णकाे प्रमुख आतिथ्यतामा भएकाे कार्यक्रममा बाराका प्रतिनिधि सभा सदस्य एकबाल मियाँ, लाेसपा पर्साका जिल्ला अध्यक्ष पुरुषोत्तमलाल झा, नेताहरू रामचन्द्र पन्डित, अनिरुध कलवार, पर्साका वरिष्ठ उपाध्यक्ष सन्तोष तिवारी, श्रीराम गिरि , वीरगंज महानगर अध्यक्ष ओमप्रकाश सरार्फ लगायतले नव प्रवेशीहरुलाई अबिर माला लगाई पार्टीमा स्वागत गरेका थिए ।

कार्यक्रमकाे संचालन लाेसपाका युवा नेता राजेस साहले गरेका थिए । लाेसपा कालिकामाई गाउँपालिका कमिटीकाे आयाेजनामा भएकाे कार्यक्रममा टिकटक स्टार प्रितृ पासवानले नृत्य समेत प्रस्तुत गरेकी थिइन ।

पर्सागढीमा नेकपा एसकाे नगर कमिटी गठन

0

वीरगंज । पर्साकाे पर्सागढ़ी नगरपालिकामा नेकपा (एकीकृत समाजबादी) काे नगर कमिटी गठन भएकाे छ । बढनियारमा भएकाे एक भेलाले  सत्य नारायण दास थारूको अध्यक्षता ५५ सदस्यीय नगर कमिटी गठन गरेकाे हाे ।

नवगठित कमिटीकाे उपाध्यक्ष राम स्वरूप राम, सचिव रेविन्द्र कार्की, उप सचिव अरुण रेग्मी, प्रेम यादव, सदस्यहरु पस्पाती देबी, ललिता देबी, नागेन्द्र सहनी, लक्ष्मी ठाकुर, संतोष साह, गोबिन्द साह, दसरथ धामी, प्रभु महतो, रामजन्म चौधरी लगायत चयन भएका छन् ।

नवगठित कमिटीका पदाधिकारी तथा सदस्यहरुलाई कार्यक्रमका प्रमुख अतिथी पार्टीका पोलिट ब्यूरो सदस्य एवम् प्रदेश २ का उपाध्यक्ष रामचन्द्र साहले सपथ ग्रहण गराएका थिए ।

कार्यक्रममा पार्टीका लेखा आयोग सदस्य किशोरी कुशवाहा, प्रदेश कमिटी सदस्य रामेश्वर धानुक, वीरगंज महानगर अध्यक्ष मनोज चौधरी, जिल्ला सचिव बिक्रम चाैरसिया, युवा संघ नेपालका केन्द्रिय सचिवालय सदस्य एवम् पर्सा जिल्ला इन्चार्ज अनिल पटेल, श्रीलाल कुशवाहा, जिल्ला कमिटी सचीवालय सदस्य सरस्वती भट्टराई, मोहन यादव लगायतले शुभकामना मन्तव्य राखेका थिए । 

महागढीमाईमा विपन्न परिवारलाई कम्बल वितरण

0

वीरगंज । महागढीमाई फाउन्डेसन नेपाल र लायन्स क्लब अफ महागढीमाईले विपन्न परिवारलाई कम्बल वितरण गरेकाे छ ।

फाउन्डेसन र क्लबले संयुक्त रुपमा बाराकाे महागढीमाई नगरपालिका वडा नं. २ बरियारपुरमा एक कार्यक्रमका बिच चिसाेबाट प्रभावित विपन्न परिवारलाई कम्बल वितरण गरेकाे हाे । स्थानिय विपन्न परिवारका १५० जनालाई कम्बल वितरण गरिएकाे लायन्स क्लबका अमिचन महताेले जानकारी दिए ।

लायन्स  क्लबका  राजेशवर कुशवाहाकाे अध्यक्षता र इलाका प्रहरी कार्यालय पटेर्वा सुगाैलीका प्रहरी सहायक निरिक्षक सुबास यादवकाे प्रमुख आतिथ्यतामा भएकाे कार्यक्रममा लायन्स क्लब महागढीमाईका  विकी महताे, जियालाल कशवाहा, जयराम कुशवाहा लगायतले कम्बल वितरण गरेका थिए । 

कार्यक्रममा वाेल्दै प्रहरी सहायक निरिक्षक यादवले समाजिक संस्थाबाट शितलहरकाे बेला कम्बल सहयाेग सराहनिय कार्य भएकाे वताए । उनले अहिले काेराेनाकाे जाेखिम रहेकाेले भिडभाड नगरी स्वास्थ्य सुरक्षता अपनाउँदै सुरक्षित रहन सबैलाई अनुराेध गरेका थिए । 

राजधानी माग्दै पांचाै दिन वीरगंजमा मशाल जुलुश प्रदर्शन

0
वीरगंज । मधेश प्रदेशको स्थायी राजधानी जनकपुरधाम ताेकिएपछि पर्सामा सुरु भएकाे आन्दाेन पांचाै दिन पनि जारी रह्याे । सयुँक्त युवा विद्यार्थी संगठनले पांचाै दिन शुक्रबार वीरगंजमा मशाल जुलुश प्रदर्शन गरेका थिए ।
 
वीरगञ्जकाे ठाकुर राम बहुमुखी क्याम्पसबाट निस्केकाे मशाल जुलुश आदर्शनगर चौकमा पुगेर सम्पन्न भएकाे थियाे । मशाल जुलुशमा सहभागिहरुले जनकपुर राजधनि मान्दैनाैं, वीरगंज राजधानी कायम गर, मुख्यमन्त्री मुर्दावाद, गद्दार विद्यायक मुर्दावाद लगायतका नारा लगाएका थिए ।
 
 प्रदर्शनकारीहरुले आफुहरुलाई जनकपुर राजधानी मान्य नरहेकाे वताउँदै वीरगंज राजधानी कायम गर्नु पर्ने माग गरेका थिए । मशाल जुलुशलाई विथाेल्न प्रहरीले प्रयास समेत गरेकाे थियाे । 
 
संगठनका अध्यक्ष मोहमद नेजामको अध्यक्षतामा निस्केकाे मशाल जुलुशमा नेवि संघका सुधीर पटेल, युवा संघ नेपालका सचिव अरुण यादव, केन्द्रिय सदस्य अनिल पटेल, पर्सा अध्यक्ष भुपेन्द्र साह, श्रीलाल कुशवाहा, लोसपाका सुजीत गिरी, महादेव कुर्मी, राजू गुप्ता, अनेरास्ववियु क्रान्तिकारी पर्साका अध्यक्ष कबीर पटेल, एहसान अंसारी, मेराज अंसारी, नेवि संघका विशाल पटेल, बिकेश पटेल लगायतको सहभागिता रहेकाे थियाे ।

दीपिकाको ‘गहराइयाँ’को ट्रेलर रिलिज

0

बलिउड अभिनेत्री दीपिका पादुकोणको प्रमुख भूमिका रहेको चलचित्र ‘गहराइयाँ’को ट्रेलर रिलिज भएको छ । बिहीबार साँझ ओटीटी प्लेटफर्म अमेजन प्राइम भिडियोले यो चलचित्रको ट्रेलर सार्वजनिक गरेको हो ।

चलचित्रमा अनन्या पाण्डे, सिद्धान्त चतुर्वदी र धैर्य करवाको पनि मुख्य भूमिका रहेको छ । सकुन बत्राले निर्देशन गरेको ‘गहराइया’को ट्रेलरलाई दर्शकहरुले एकदमै रुचाएका छन् । प्रशंसकका साथै बलिउडकर्मीहरुले समेत ट्रेलरको खुलेर तारिफ गरेका छन् ।

दीपिकाको यसअघि रिलिज भएको चलचित्र ‘८३’ले बक्स अफिसमा गतिलो कमाइ गर्न सकेको थिएन । ‘गहराइयाँ’बाट उनी निकै आशावादी रहेको भारतीय सञ्चारमाध्यमहरुले जनाएका छन् ।

रोमान्टिक ड्रामा यो चलचित्र आगामी फेब्रुअरी ११ मा अमेजन प्राइम भिडियोमा रिलिज हुँदैछ ।