Date
बिहि, मंसिर ३, २०८३
Thu, November 19, 2026
Home Blog Page 716

लाेसपाा पाेखरिया नगर अध्यक्ष तेली जसपा प्रबेश गर्ने

0

वीरगंज । लोकतान्त्रिक समाजवादी पार्टी (लाेसपा) नेपाल पोखरीयाका नगर अध्यक्ष राजु साह तेली जनता समाजवादी पार्टी (जसपा) प्रबेश गर्ने भएका छन् । तेलीसहित लाेसपा पाेखरिया नगर कमिटी नै जसपा प्रबेश गर्ने जनाइएकाे छ ।

तेलीले जसपाका राष्ट्रिय अध्यक्ष उपेन्द्र यादवसंग भेट गर्दै जसपा प्रबेश गर्ने प्रतिबद्धता जनाएका छन् । लाेसपाका नेता राजेशमान सिंह पार्टी परित्याग गरेकाे औपचारिक घाेषणा गरेकाे दिन नै पाेखरिया नगर अध्यक्ष तेलीले जसपा अध्यक्ष उपेन्द्र यादवसंग भेट गरेकाे तस्बिर सार्वजनिक भएकाे छ । 

अध्यक्ष यादवकाे प्रमुख आतिथ्यतामा पोखरीया नगरपालिकामा आयोजना हुने पार्टी प्रवेश कार्यक्रममा लाेसपा नगर अध्यक्ष तेली जसपा प्रबेश गर्ने छन् । अध्यक्ष यादवसंग भेटघाटमा जसपाका नेता एवम् पर्सा क्षेत्र नं. ३ का निलम्वित सांसद हरिनारायण राैनियार, जसपा नेता गाैरीशंकर साह, पाेखरिया नगरपालिकाकी उप मेयर सलमा खातुन लगायतकाे उपस्थिती रहेकाे थियाे ।

लोसपाले ओलिका मतियार भएर मधेसको भवना बिपरित क्रियाकलापमा सक्रिय भई बिधिबिधान बाहिर हिसाबले पार्टी संचालन गरेकोमा पार्टी छोडनु पर्ने अवस्था आएकाे अध्यक्ष तेलीकाे भनाई छ ।

आफुहरु मधेस आन्दोलनमा सक्रिय भुमिका निर्वाह गरि मधेसको लागि लडाइ गरेको हो र बाकी अधिकारको लडाई लडनु पर्ने भएकोले सो को एक मात्र विकल्प जसपा रहेकोले आफुहरु लोसपा परित्याग गरि जसपा प्रवेश गर्न लागेकाे तेलीले वताए ।

राजेशमानद्वारा लाेसपा परित्याग गरि एमाले प्रबेश गरेकाे घाेषणा

0

वीरगंज । लोकतान्त्रिक समाजवादी पार्टी (लाेसपा) पर्साका नेता राजेशमान सिंहले पार्टी परित्यागको घोषणा गरेका छन् । वीरगंजमा शुक्रबार पत्रकार सम्मेलन गर्दै नेता सिंहले पार्टी परित्याग गरेको घोषणा गरेका हुन् । 

मधेशवादी पार्टीले मधेशी जनता तथा पर्सेली जनतासँग पटक पटक अन्तरघात गरेको भन्दै सिंहले पार्टी छोडेको पत्रकार सम्मेलनमा बताए । बीरगंजमा जनताले मधेश अधिकार तथा प्रजातन्त्रिक आन्दोलनमा अतुल्निय योगदान पु¥याएको भए पनि मधेशी जनता एवम् पर्सेली जनताले केही नपाएको गुनासो गरे ।

नेपाल पत्रकार महासंघ पर्साकाे सभा हलमा आयाेजित पत्रकार सम्मेलनमा वाेल्दै नेता सिंहले मधेशी जनताले गरेको हरेक आन्दोलनलाई दलका नेताहरुले कुर्सीसँग सौदावाजी गरेको तथा पछिल्लो पटक वीरगंज राजधानी बनाउनु पर्ने मागमा पनि मधेशवादी दलका नेताहरुले गद्दारी गरेको आरोप लगाए । एउटा अर्काे प्रसंगमा वाेल्दै सिंहले पर्साले राष्ट्रिय नेता जन्माउन नसक्नुको कारण पर्सेली जनता नै रहेको वताए । उनले जनताले चाहे पर्साले पनि राष्ट्रिय नेता जन्माउन सक्ने दावी गरे ।

उनले पत्रकार सम्मेलनमा यो टेलर मात्र भएको पुरा फिल्म अहिले बाकी रहेको वताए । हजारौको संख्यामा नेताहरु एमालेमा प्रवेश गर्ने तथा पर्सामा मधेशवादी दलको पत्तासाफ हुने उनले दावी गरे ।

नेता सिंहले केपी ओली नेतृत्वमा बन्ने सरकारले मात्र मधेशीहरुको समस्याको समाधान गर्ने सक्ने बताए । पत्रकारहरुको प्रश्नको जवाफ दिदैं सिंहले अगामी स्थानिय तहकाे निर्वाचनमा वीरगंज महानगरको उम्मेदवारको लागि आफुले केपी ओलीसँग बार्गेनिङ्ग नगरेको जिकिर गरे । हामी टिममा बिश्वस गर्ने व्यक्ति भएकोले टिमवर्कमा नै बिश्वास गर्ने नेता सिंहको भनाई थियो ।

पत्रकार सम्मेलनमा नेता राजेशमान सिंह सहित पार्टीका नेता प्रेमबाबु पटेल, मुकेश द्विवेदी, डा. सुरेन्द्रनाथ तिवारी, वडा अध्यक्ष बैजु स्वर्णाकार, रियाज मियाँ ठकुराई, वडा अध्यक्ष राजकिशोर गुप्ता, मदन यादव, आसुतोष चतुर्वेदी, बकिल हवारी, रुपनारायण कुर्मी, महिला नेतृ मिनु ठाकुर, प्रतिमा सिंह, माया गुप्ता, राजु गुप्ता लगायतका नेता कार्यकर्ताहरुको उपस्थिती रहेको थियो ।

नेता सिंह लोकतान्त्रिक समाजवादी पार्टीका नेता एवम् पूर्वमन्त्री शरदसिंह भण्डारीका निकट तथा बिश्वासपात्र रहेका थिए ।

नेता सिंह र पटेललाई पार्टीबाट निष्काशन गरिएकाे दाबी

यता लोकतान्त्रिक समाजवादी पार्टी नेपाल पर्सा जिल्ला कार्य समितिले राजेशमान सिंह, प्रेमबाबु पटेल लगायतका केही व्यक्तिहरुलाई पार्टीबाट निष्काशन गरिएकाे जनाएकाे छ । लोसपा पर्सा जिल्ला कार्य समितिले बिहिबार एक प्रेस विज्ञप्ति जारी गर्दै साधारण सदस्य समेत नरहने गरी उनीहरुलाई पार्टीबाट निष्काशन गरिएकाे जनाएकाे हाे ।

लोसपा पर्सा जिल्ला समितिका अध्यक्ष पुरुषोत्तम लाल झाद्वारा हस्ताक्षरित विज्ञप्तिमाराजेशमान सिंह, प्रेमबाबु पटेलले पार्टीको अनुशासन, सिद्धान्त र विचार विपरित गतिविधि गरेको हुनाले उनीहरुलाई निष्काशन गरिएको उल्लेख गरिएकाे छ ।

उनीहरुले मधेश आन्दोलन र अधिकार पहिचानको लडाईमा समेत अघात पुर्‍याएको तथा उनीहरु पार्टी निष्कृय रहेको हुनाले उनीहरुलाई निष्काशन गरिएको विज्ञप्ती मार्फत अध्यक्ष झाले जनाएका छन् । साथै सो विज्ञप्तिमा राजेशमान सिंह तथा प्रेमबाबु पटेल लगायतका व्यक्तिहरु कुनै पदमा समेत नरहेको उल्लेख गरिएको छ ।

यथास्थितिमा एमसीसीलाई समर्थन गर्न सकिदैन : अध्यक्ष नेपाल

0

वीरगंज । यथास्थितिमा एमसीसीलाई समर्थन गर्न नसकिने नेकपा (एकीकृत समाजवादी)का अध्यक्ष माधव कुमार नेपालले बताएका छन् । समाजवादी प्रेस संगठन पर्साले शुक्रबार वीरगञ्जमा आयाेजना गरेकाे पत्रकार सम्मेलनमा बोल्दै सत्तारुढ गठबन्धनका नेता नेपालले एमसीसीको सन्दर्भमा अहिले पनि अध्ययन नपुगेको र सुधार गर्नुपर्ने धेरै ठाउँ रहेकोले यथास्थितिमा आँखा चिम्लेर एमसीसी समर्थन गर्न नसकिने बताए ।

नेपाली कांग्रेस र प्रधानमन्त्री शेरबहादुर देउवा एमसीसी पारित गराउन तर्फ लागिरहेको बेला सत्ता गठबन्धनका नेता नेपालले एमसीसीको सन्दर्भमा अहिलेपनि धेरै कुरा प्रष्ट नभइसकेकोले त्यसलाई अझै अध्ययन र छलफल पश्चात मात्र निस्कर्षमा पुग्ने धारणा व्यक्त गरेका छन् । “एमसीसीको सन्दर्भमा अहिलेपनि धेरै कुरा प्रष्ट छैन । सुधार गर्नुपर्ने ठाउँ छन् । अर्कोतर्फ जनमत पनि एमसीसीको पक्षमा नरहेकोले जनतमतलाई आश्वस्त गराउने चुनौती हुँदाहुँदै यथास्थितिमा आँखा चिम्लेर एमसीसी पास गर्ने पक्षमा हामी छैनौँ,“ नेपालले भने ।

पुर्वप्रधानमन्त्री समेत रहेका नेपालले एमसीसीको सन्दर्भमा ७ वटा विषयमा आफुहरु स्पष्ट हुन खोजिरहेको बताए । उनले भने “एमसीसी इण्डो प्यासिफिक रणनीति अन्तर्गत पर्छ की पर्दैन, अमेरिकाको सुरक्षा रणनीतिअन्तर्गत पर्छ की पर्दैन, यसमा अमेरिकाको सैन्य संलग्नता छ की छैन, यस मार्फत निर्माण गरिने ट्रान्समिसन, सडकको तलको भुभागमा नेपालको सार्वभौम अधिकार हुन्छ की हुँदैन, निर्माणको काममा लाग्दा चाहिने श्रमशक्ति नेपालीहरुले आफ्नो योग्यता र क्षमता अनुसार हकको रुपमा प्रयोग गर्न पाउँछन् की पाउँदैन, यसबाट प्राप्त हुने बौद्धिक सम्पतिमा नेपालको अधिकार सुनिश्चित हुन्छ की हुँदैन, यसको लेकापरिक्षण गर्ने अधिकार नेपालको अडीटर जेनरललाई हुन्छ की हुँदैन र अन्तिममा एमसीसीसँग जोडिएको कानुनको बारेमा स्पष्ट धारणा आउनुपर्छ ।”

आफूखुशी नयाँ–नयाँ कानुन बनाउँदै जाँदा नेपालको हितमा कस्तो असर गर्छ भने त्यस्तो कुरालाई स्वीकार गर्न सक्छ कि सक्दैन जस्तै ७ वटा विषयमा आफूहरु अहिले पनि प्रष्ट नरहेको उनले बताए । “सात वटा प्रश्नहरुको उत्तर पाएपछि छलफल गरेर हामीले एमसीसी बारेमा सोच्छौँ,“ उनले भने ।

नेकपा एमालेले एमसीसी फिर्ता गरे माधव नेपाल दोषी हुने भन्ने विषयमा बोल्दै नेता नेपालले केपी ओली सिद्धान्त, संस्कार र कम्युनिष्ट आचरण नभएको देश बेचुवा भएको आरोप लगाउँदै उनीहरुले उठाएको प्रश्नको जवाफ दिन आवश्यक नरहेको वताए ।

“केपी ओली मण्डले, सिद्धान्त बेचुवाहरु, स्वेच्छाकारी, कुसंस्कृत मान्छे हुन् । संस्कार केहीपनि छैन, कम्युनिष्ट आचरण केहीपनि छैन, कम्युनिष्ट सिद्धान्त प्रतिको प्रतिबद्धता छैन । त्यसकारण त्यस्ता तत्वहरुको कुनै प्रश्नको जवाफ दिन म आवश्यक ठान्दिन ।“

उनले आगामी स्थानीय तहको निर्वाचनबाट नेकपा एस देशकै ठूलो पार्टीको रुपमा आउने दावी पनि गरे । संगठन विस्तार गर्ने समय नभएको कारण निर्वाचनसँगै संगठन विस्तार हुँदै जाने र स्थानीय तहको पालिकाहरुमा नेकपा एस पहिलो पार्टी बनेर आउने उनले बताए ।

समाजवादी प्रेस संगठन पर्साका अध्यक्ष मनाेज पटेलकाे अध्यक्षतामा भएकाे पत्रकार सम्मेलनमा नेकपा (एकीकृत समाजवादी) का केन्द्रिय सचिव नागेन्द्र चाैधरी, पाेलिट ब्युराे सदस्य

समाजवादी प्रेस संगठन नेपाल पर्साका अध्यक्ष मनोज पटेलको अध्यक्षतामा बीरगन्जको  सम्पन्न भएको पत्रकार सम्मेलनमा एकिकृत समाजवादी पार्टीका केन्द्रिय सचिव नागेन्द्र चौधरी, पोलिट व्युरो सदस्य एवम् पर्सा इन्चार्ज रामचन्द्र साह, पोलिट व्युरो सदस्य एवम् बीरगंज महानगर इन्चार्ज चिरञ्जिवी अचार्य, प्रतिनिधि सभा सदस्य सरला यादव, केन्द्रिय सदस्य एवम् पर्सा जिल्ला अध्यक्ष बाल गाेपाल थापा,  वीरगंज महानगर अध्यक्ष मनोज चौधरी, लेखा आयोगका केन्द्रिय सदस्य किशोरी कुशवाहा, प्रमाेद साह, युवा संघका नेपालका सचिव अरुण यादव, समाजवादी प्रेस संगठनका केन्द्रिय सदस्य एवं पार्टी पर्सा जिल्ला प्रचार विभाग प्रमुख राघव साह लगायतको उपस्थिती रहेको थियो ।

वीरगंजकाे आदर्शनगरस्थित दियालो लर्डस प्लाजामा भएकाे पत्रकार सम्मेलनकाे संचालन समाजवादी प्रेस संगठन पर्साका उपाध्यक्ष शम्भु कुमार सुमनले गरेका थिए ।

बैशाखमा हुने स्थानिय तहकाे निर्वाचनमा नेता साेनलकाे आपती

0

पर्सा । लोकतान्त्रिक समाजवादी पार्टी (लोसपा) ले मधेश प्रदेशमा स्थानीय तहको निर्वाचन असोज २०७९ मा गर्न माँग गरेको छ । सरकारले सोमबार मात्र स्थानीय तहको निर्वाचन ३० वैशाखमा देशभर एकै चरणमा गर्ने निर्णय गरेको छ । अघिल्लो पटक तीन चरणमा चुनाव भएको भए पनि स्थानीय तह निर्वाचन ऐन २०७३ अनुसार सबै जनप्रतिनिधिको कार्यकाल ५ जेठ २०७९ मा सकिने निर्वाचन आयोगले बताएको छ ।

लोसपा मधेश प्रदेशका अध्यक्ष जितेन्द्र सोनले बुधबार एक प्रेस विज्ञप्ती जारी गर्दै एकै चरणमा बैशाख ३० गते निर्वाचन भए २०७४ असोज २ मा निर्वाचित भएका मधेश प्रदेशका जनप्रतिनिधिको अधिकार कुण्ठित हुने वताएका छन् । उनले संविधानले स्थानीय जनप्रतिनिधिको पदापधि ५ वर्ष हुन्छ जारी विज्ञप्तीमा उल्लेख गर्दै मधेश प्रदेशका जनप्रतिनिधिको कार्यकाल ५/६ महिना कटौती गर्ने अधिकार कसैलाई नरहेकाे जनाएका छन् ।

मधेश प्रदेशमा आगामी असोजमा निर्वाचन गर्नुपर्ने उनी बताउँछन् । ‘हामी आवधिक निर्वाचनको पक्षमा छौं, स्थानीय निर्वाचन घोषणाको पनि स्वागत गरेका छौं,’ उनले भने, ‘तर कसैको अधिकार कुण्ठित गर्ने कसैको मनसाय हुनुहुन्न । मधेश प्रदेशको निर्वाचन असोजमा गर्ने वातावरण बनाउनुपर्छ ।’

सरस्वती पुजामा भएकाे अवराेधकाे विराेधमा वीरगंजमा प्रदर्शन

0

पर्सा । रौतहट जिल्ला इशनाथ नगरपालिका बड़ा नं. ५ लक्ष्मीनियामा हिन्दू समाजमाथि भएको आक्रमणको विरोधमा हिन्दु परिषद नेपालले वीरगंजमा प्रदर्शन गरेको छ ।

सरस्वती माताको मूर्ति विसर्जन गर्न गइरहेको बेला मुस्लिम समुदायद्वारा हिन्दूहरुमाथि सांघातिक आक्रमण र सरस्वती माताको मूर्ति माथि तोडफोडको प्रयास गरेका थिए । उनीहरुले प्रहार गरेको ढुंगामुडाले दर्जनौ हिन्दूहरु घाइते भएका छन् ।

हिन्दू परिषद नेपालले दोषीमाथि कारवाही गर, इस्लामिक जिहाद मुर्दाबाद, दलाल नेताहरु मुर्दाबाद, हिन्दू हिन्दू भाई भाई, ओमकार परिवार एक होऔ, हिन्दूहरु धर्म संस्कृति मास्न पाइदैन, मुस्लिम आतंकवाद मुर्दाबाद, नालायक सरकार मुर्दाबाद, जिहादी मानसिकता मुर्दाबाद लगायतको नारासहित प्रदर्शन गरेको थियो ।

वीरगंजमा बुधबार भएको विरोध कार्यक्रममा हिन्दू परिषद नेपालका केन्द्रीय अध्यक्ष संतोष पटेल, कोषाध्यक्ष संजय सरार्फ, केन्द्रीय सदस्यहरु सुरेश साह कानू, भरत सरार्फ, उमेश साह कानू, किरण अग्रवाल, बिनोद प्रसाद कुर्मी, पर्सा जिल्ला अध्यक्ष हरेन्द्र पटेल, उपाध्यक्ष बिरेन्द्र गुप्ता, सल्लहकार जोगिन्द्र कलवारसहित परिषदका बिभिन तहका सदस्यहरुको सहभागीता रहेको थियो ।

लाेसपाका नेता सिंह फागुन १४ गते एमाले प्रबेश गर्ने

0

वीरगंज । लाेकतान्त्रिक समाजवादी पार्टी (लाेसपा) का नेता राजेशमान सिंह नेकपा एमालेमा प्रबेश गर्ने भएका छन् । नेता सिंहले बुधबार काठमाडाैंमा नेकपा एमाले अध्यक्ष केपी शर्मा ओलीसंग भेट गर्दै एमाले प्रबेश गर्ने प्रतिवद्धता जनाएका हुन् ।

भेटघाटकाे क्रममा नेता सिंहले फागुन १४ गते एमाले प्रबेश गर्ने प्रतिवद्धता जनाएकाे नेकपा एमाले वीरगंज महानगरपालिका सचिव सुन्द्र कुर्मीले जानकारी दिए । साे अघि नेता सिंहले एमाले प्रबेश बारे पत्रकार सम्मेलन गरेर जानकारी गराउने छन् ।

पार्टी प्रबेशकाे लागि कुरा गर्न काठमाडाैं पुगेका नेता सिंहलाई एमाले अध्यक्ष ओलीले खादा ओढाएर स्वागत गरेका थिए । उनीसंग लाेसपाका नेता प्रेमबाबु पटेल, मुकेश द्विवेदी लगायतका लाेसपाका नेता तथा कार्यकर्ताहरु समेत ओली निवास पुगेका थिए ।

गत स्थानिय तहकाे निर्वाचनमा नेता सिंह तत्कालिन राष्ट्रिय जनता पार्टी (राजपा) बाट वीरगंज महानगरपालिकाकाे मेयरमा चुनाव लडेका थिए । मेयरमा पराजित भएका नेता सिंह राजपा र संघिय समाजवादी पार्टी मिलेर बनेकाे जनता समाजवादी पार्टी (जसपा) हुँदै पुन: अलगिएर बनेकाे लाेसपामा लागेका थिए ।

स्राेतका अनुसार अब हुने स्थानिय तहकाे चुनावमा नेता सिंह एमालेबाट वीरगंज महानगरपालिकाकाे मेयरमा पुन: चुनाव लडने छन् ।

साेमबार काठमाडाैंमा भएकाे अध्यक्ष ओलीसंगकाे भेटघाटमा नेकपा एमालेका केन्द्रिय सदस्य राजकुमार गुप्ता, निर्माला देवकाेटा, वीरगंज महानगर सचिव सुन्दर कुर्मी लगायतकाे समेत उपस्थिती रहेकाे थियाे ।  

वीरगंजबाट धमाधम मोटरसाइकल चोरहरु पक्राउ पर्दै

0

वीरगंज । प्रहरीले दिनहुँ वीरगंजबाट माेटरसाइकल चाेरहरुलाई पक्राउ गर्न थालेकाे छ । पर्सा प्रहरीले केहि दिन यता दिनहुँ जसाे माेटरसाइकल चाेरीहरुलाई पक्राउ गर्न थालेकाे हाे । 

बुधबार प्रहरीले माेटरसाइकल चाेरी गरेकाे आराेपमा दुई जनालाई पक्राउ गरेकाे छ । वीरगञ्ज महानगरपालिका वडा नं.१६ नगवाबाट  बाराकाे जितपुर सिमरा उपमहानगरपालिका वडा नं.७ बस्ने वर्ष १९ को रंजित सहनी र साेही ठाउँका वर्ष २० को सभन पाठकलाई पक्राउ गरिएकाे प्रहरीले जनाएकाे छ ।

वीरगंज महानगरपालिकाकाे वडा नं.१६ नगवा बस्ने वर्ष ४० को बिनोद प्रसाद सहनीको नाममा दर्ता रहेको ना.१६ प २९७४ नम्बरको बैगुनी रंगको स्पलेन्डर माेटरसाइकल चाेरी गरेकाे आराेपमा दुबै जनालाई बुधबार विहान पक्राउ गरिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले वताए । 

आफ्नै घरको आँगनमा पार्किङ गरी राखिएकाे माेटरसाइकल चाेरी भएकाे  गेट तोडी बाटोमा ल्याई लक तोड्दै गरेको अवस्थामा सवारी धनीले देखी यस कार्यालयमा जानकारी गराएको लगतै उक्त स्थानमा तत्काल खटिएको टोलीले निजहरूलाई माेटरसाइकलसहित नियन्त्रणमा लिइएकाे उनले जानकारी गराए ।

पक्राउ परेका दुबै जना विरुद्ध चोरी सम्बन्धी कसूरमा अनुसन्धान भइरहेकाे प्रवक्ता खनालले जानकारी दिए ।

साेमबार राती पनि प्रहरीले वीरगंजबाट एक जना माेटर साइकल चाेरलाई पक्राउ गरेकाे थियाे । वीरगंज महानगरपालिकाकाे वडा नं. १५ स्थित ओम होटल एण्ड पार्टी प्यालेस अगाडि पार्किङ गरी राखिएको माेटरसाइकलकाे चाेरी गरी भाग्दै गरेकाे बाराकाे परवानीपुर गाउँपालिका वडा नं.५ बहुअरी बस्ने वर्ष २० को साहिल पटेललाई प्रहरीले पक्राउ गरेकाे थियाे । 

सखुवा प्रसाैनीकाे प्रमुख प्रशासकिय अधिकृतकाे विवाद समाधान

0

वीरगंज । पर्साकाे सखुवा प्रसाैनी गाउँपालिकाकाे प्रमुख प्रशासकिय अधिकृतकाे विवाद समाधान भएकाे छ । संघिय मामिला तथा सामान्य प्रशासन मन्त्रालयले सखुवा प्रसाैनी गाउँपालिकाकाे प्रमुख प्रशासकिय अधिकृतमा देवनाथ साहलाई पठाएपछि विवाद सामाधान भएकाे हाे ।

मन्त्रालयले माघ २३ गते छिपहरमाई गाउँपालिकाकाे प्रमुख प्रशासकिय अधिकृतमा कार्यरत साहकाे सखुवा प्रसाैनी गाउँपालिकामा सरुवा गरेपछि उनी बुधबार हाजिर भएका छन् । साहलाई गाउँपालिका अध्यक्ष प्रदिप जयसवालले गाउँपालिकामा हाजिर गराएका हुन् ।

केही दिन अगाडी मात्र मन्त्रालयले सखुवा प्रसाैनीकाे निमित प्रमुख प्रशासकिय अधिकृतकाे जिम्मेवारी राजेश राैनियारलाई दिएकाे थियाे । त्यस अघि सखुवा प्रसाैनीकाे निमित प्रमुख प्रशासकिय अधिकृतकाे रुपमा भुजेन्द्र चौधरी गाउँपालिकाकाे कामकाज गर्दै आएका थिए ।

सखुवा प्रसाैनी गाउँपालिकाकाे प्रमुख प्रशासकिय अधिकृत संदेश यादवकाे पटेर्वा सुगाैली गाउँपालिकामा सरुवा भएपछि निमित प्रमुख प्रशासकिय अधिकृतकाे जिम्मेवारी पाएका चौधरीले कामकाज गर्दै आएका थिए । तर त्यसकाे केहीदिन पछि मात्र आफु उनी भन्दा सेनियर रहेकाे भन्दै राजेश राैनियारले आदालतमा उजरी दिएपछि गाउँपालिकाकाे आर्थिक कामकाज प्रभावित हुँदै आएकाे थियाे ।

मन्त्रालयले त्यसकाे करिब दुई महिनापछि नयाँ प्रमुख प्रशासकिय अधिकृतकाे रुपमा साहलाई पठाएपछि विवाद समाधान भएकाे वताइएकाे छ । 

किसानकाे माग पुरा नभए स्थानीय निर्वाचनमा अवरोध गर्छाैं : सीके राउत

0

वीरगंज । जनमत पार्टीका अध्यक्ष डा. सीके राउतले किसान आन्दोलनको माँग सम्बोधन गर्न सरकार संग माग गरेका छन् । वीरगंजमा बुधबार पत्रकार सम्मेलन गर्दै अध्यक्ष राउतले माग पुर नभए बैशाख ३० गते हुने भनिएकाे स्थानीय तहकाे निर्वाचनमा अवरोध गर्ने चेतावनी दिए । 

राउतले पत्रकार सम्मेलनमा भने, ‘मुख्य कुरा किसानको मुद्धा हो । किसानको मुद्धामा सरकार संवेदनशिल हुनुपर्छ । त्यसपछि मात्रै स्थानीय तहको निर्वाचनको परिकल्पना गरौं । नत्र तराई मधेशमा झापादेखि बाँके, बर्दिया, कैलाली कञ्चनपुरसम्म अवरोध गर्नेछौं ।’ 

अहिले मधेशमा राउतको नेतृत्वमा रहेको जनमत पार्टीले किसान आन्दोलन गर्दै आएको छ । कृषि मन्त्री मधेशकै भएपनि किसानको माग सुन्न नचाहेको राउतको आरोप छ । किसानका मुद्धा सम्बोधन गर्न सरकार गम्भिर नभए अर्को चरणको आन्दोलन घोषणा गर्ने समेत राउतले बताए ।

उनले किसानको माँग संगै पार्टीकाे राजनितिक माँग बारे समेत पत्रकार सम्मेलनमा जानकारी गराए । अध्यक्ष राउतले तराई मधेसमा जनसंख्या र मातृभाषाको आधारमा स्थानिय तहको निर्वाचन क्षेत्र कायम गर्नुपर्ने बताए । उनले भने, ‘किसानको माँगलाई पहिलो प्राथमिकतामा राखेका छौ, त्यसपछि राजनितिक माँगलाई अगाडी बढाउँछौ, हामीले राजनितिक माँग बारे सरकारलाई अवगत समेत गराई सकेका छौ ।’

उनले अर्को चरणको किसान आन्दोलन फागुन १ बाट हुने समेत जानकारी दिए । मौसमको खराबीका कारण पुर्वपश्चिम राजमार्ग केन्द्रीत आन्दोलन ग्रामीण क्षेत्रमा सारिएको बताउँदै उनले १ फागुनबाट सशक्त कार्यक्रम आउने बताए ।

कृषिमन्त्री मधेसकै भए पनि किसानको माँग सुन्नसमेत नचाहेको राउतले आरोप लगाए । डेढ महिनादेखि आन्दोलन जारी रहँदा पनि किसानहरुको माँगमा सरकारले चासो नदिएको भन्दै उनले आक्रोश पोखे ।

मधेस प्रदेशले किसानको समस्या समाधान गर्न गठन गरेको उच्चस्तरीय समिति स्वागत योग्य रहेपनि भरोसा लायक नरहेको आरोप समेत उनले लगाए । अध्यक्ष राउतले उच्चस्तरीया समिति गठन त ग¥यो तर किसानको माँग मधेस प्रदेश सरकारको अधिकार भन्दा बाहिर रहेकोले संघीय सरकार संग किसानको माँग सम्बोधन गर्न ज्ञापन पत्र बुझाएको बताए ।

उनले भने, ‘चार बर्षमा, प्रदेश सरकारले कयौं समिति बनायो तर अहिले सम्म प्रतिवेदन सार्वजनिक गर्न सकेको छैन, त्यसैले किसानको माँग सम्बोधन गर्न भनेर बनाईएको उच्चस्तरीय समिति भरोसा लायक छैन ।”