Date
बिहि, मंसिर ३, २०८३
Thu, November 19, 2026
Home Blog Page 715

प्रदेश अनुसन्धान तथा प्रशिक्षण केन्द्रको उद्घाटन

0
जनकपुरधाम । मुख्यमन्त्री लालबाबु राउतले मधेश प्रदेशमा सुशासन कायम गर्न प्रदेश अनुसन्धान तथा प्रशिक्षण केन्द्र कोशेढुंगा साबित हुने विश्वास व्यक्त गरेका छन् ।
 
जनकपुरधामको मुजेलियामा प्रदेश अनुसन्धान तथा प्रशिक्षण केन्द्रको सुमद्घाटन गर्दै मुख्यमन्त्री राउतले प्रदेशका जनप्रतिनिधि र राष्ट्रसेवक कर्मचारीहरुलाई प्रशिक्षण मार्फत प्रदेशमा सुशासन कायम गर्न महत्वपूर्ण भूमिका निर्वाह गर्ने बताए ।
 
एक महिना अघि स्थापना भएको प्रदेश अनुसन्धान तथा प्रशिक्षण केन्द्रलाई प्रदेशकै नमूना अध्ययन अनुसन्धान केन्द्रको रुपमा विकास गर्ने लक्ष्य रहेको उल्लेख गर्दै मुख्यमन्त्री राउतले त्यसका लागी आवश्यक पूर्वाधारको विस्तृत योजना तयार पार्न निर्देशन समेत दिए ।
 
केन्द्र तालिम मात्र नभई मधेशका विभिन्न पक्ष बारे अनुसन्धानको नीति समेत लिने उल्लेख गर्दै उनले अध्ययन अनुसन्धान गर्न चाहने देशी विदेशी नागरिकको लागी समेत आकर्षणको केन्द्र बनाउने प्रदेश सरकारको योजना रहेको उल्लेख गरे ।
 
प्रदेश अनुसन्धान तथा प्रशिक्षण केन्द्रका कार्यकारी निर्देशक सतार अन्सारीको अध्यक्षतामा भएको उक्त कार्यक्रममा प्रदेश नीति तथा योजना आयोगका उपाध्यक्ष डा. भोगेन्द्र झा, प्रमुख सचिव कृष्ण बहादुर राउत सहितका व्यक्तीहरुले शुभकामना मन्तव्य राखेका थिए ।

नेपाली कांग्रेसकाे ‘समुदाय संवाद’ कार्यक्रम सुरु

0

वीरगंज । नेपाली कांग्रेसले वीरगञ्जमा ‘समुदाय संवाद’ कार्यक्रम सुरु गरेको छ । बैशाख ३० गते हुने भनिएको स्थानीय तहको निर्वाचनलाई लक्षित गरी नेपाली कांग्रेसले वीरगञ्ज महानगरमा ‘समुदाय संवाद’ सुरु गरेको हो ।

शनिबार वीरगञ्जको वडा नं २३ बाट यो कार्यक्रमको थालनी गरिएको कांग्रेसका युवा नेता कञ्चन झाले जानकारी दिए । आउँदा दिनमा अन्य वडाहरूमा पनि यस किसिमको कार्यक्रम आयोजना गरिने उनले जानकारी गराए । 

समुदायमा नेपाली कांग्रेसलाई फेरि दह्रोगरी स्थापित गर्न यो कार्यक्रम ल्याइएको झाले बताए । 

कार्यक्रममा नेपाली कांग्रेस पर्साका सभापति अजय द्वीवेदीले नेपाली कांग्रेसले आफूलाई समयक्रमसँगै बदलेर अघि बढ्न नसक्ने हो भने पार्टीको भविष्य अझै कमजोर हुन सक्ने जिकिर गरे । पार्टीमा योगदान गरेका नेता, कार्यकर्ताको वास्तविक कदर पार्टीले गर्न नसकेको द्वीवेदीको गुनासो थियो ।

संविधान सभा सदस्य अनिल रुङटाले युवाहरूलाई राजनीति संगसंगै उधमशीलतामा पनि लाग्न सुझाव दिए । उद्यम संगसंगै राजनीतिलाई अघि बढाउन सक्ने व्यक्तिले भ्रष्टाचार र अनियमितता जस्ता सामाजिक अपराध र विकृतिबाट आफूलाई जोगाउने रुङटाको भनाई थियो ।

कांग्रेसका नेता रामनारायण कुर्मीले राजनीतिक नेतृत्वको बोली र व्यवहारमा एकरुपता हुनुपर्ने वताए । कुनै पनि राजनीतिक नेतृत्वले गर्ने आदर्श र सिद्धान्तका कुरा उसले सबैभन्दा पहिले आफूबाटै लागू गरेर विश्वास आर्जन गर्न सक्नुपर्ने कुर्मीको भनाई थियो ।

वडा नं २३ का नेपाली कांग्रेस बुथ सभापति लोकनारायण यादवको सभापतित्वमा भएको कार्यक्रमको सहजीकरण रामनिवास यादवले गरेका थिए ।

काेभिड १९ प्रतिकार्य तथा पूर्व तयारी परियाेजना संचालन

0

वीरगंज । वीरगंज महानगरपालिकामा काेभिड १९ प्रतिकार्य तथा पूर्व तयारी परियाेजना संचालनमा आएकाे छ । युएन, आइओएमकाे आर्थिक सहयाेग तथा सेभ द चिल्ड्रेन र आसमान नेपालकाे आयाेजनामा संचालमा परियाेजनाकाे आइतबार समन्व बैठक सम्पन्न भएकाे छ ।

वीरगंज महानगरपालिकाकाे काेभिड नियन्त्रण कार्यदलका संयाेजक एवम् नगर प्रमुख विजय कुमार सरावगीकाे अध्यक्षतामा सम्पन्न  बैठकमा काेभिड १९ विरुद्ध द्रुत प्रतिकार्य र पूर्व तयारीकाे लागि आइसाेलेसन केन्द्र र सिमा नाकाकाे सवलिकरण मार्फत प्रभावकारी घटना व्यवस्थापन परियाेजनाकाे बारेमा अभिमुखिकरण साथै काेभिड संक्रमण नियन्त्रणकाे लागि भएकाे तयारी, प्रयास र चुनाैनिकाे बारेमा छलफल भएकाे थियाे ।

वीरगंज महानगरपालिकाकाे भएकाे बैठकले नाकामा आवतजावत गर्ने यात्रुकाे पानी आपुर्ती, स्वास्थ्य तथा सरसफाई सुदृढिकरणका लागि साथै दुध खुवाउने तथा आराम गर्ने सुरक्षित ठाउँका लागि आवश्यक आधारभुत संरचना निर्माण र भएका संरचाना प्रयाेग तथा संचालन गर्ने र इ कार्यका लागि महानगरपालिकाले जग्गा, सामग्रीहरु उपलब्ध गराउने र नपुग सामग्री र भाैतिक संरचनाकाे लागि प्रक्रियामा समन्वय र सहजिकरण गर्ने निर्णय समेत गरेकाे छ । 

बैठक मै वीरगंज महानगरपालिका भित्र रहेकाे आइसाेलेसन तथा हेल्प डेस्कका लागि र काेभिड प्रतिकार्य तथा पूर्व तयारीका लागि स्वास्थ्य तथा सरसफाई सामग्री समेत हस्तान्तरण गरिएकाे आसमान नेपालका परियाेजना संयाेजक हरेराम ठाकुरले जानकारी दिए ।

बैठकमा आसमान नेपाल अध्यक्ष हरिशचन्द्र यादव, आइओएम नेपालका उमा नेपाल, सेभ द चिल्ड्रेनका संजिव शाक्य, प्रज्वल खतिवडा, इनार्वा हेल्थ डेस्कका डा. अनिशा महताे, वडाध्यक्ष ब्रहमदेव प्रसाद कुर्मी, वीरगंज महानगरपालिकाका स्वास्थ्य संयाेजक रितेश जयसवाल, काेभिड व्यवस्थापन संयाेजक सुमन साह लगायतकाे सहभागिता रहेकाे थियाे ।

जनयुद्ध दिवसकाे अवसरमा सहिद परिवारलाई कम्प्युटर सहयाेग

0

वीरगंज । जनयुद्ध दिवसकाे अवसरमा नेकपा माओवादी केन्द्र वीरगंज महानगर समितिले सहिद परिवारलाई कम्प्युटर सहयाेग गरेकाे छ । समितिले वीरगंज महानगरपालिकाकाे वडा नं. ३० का सहिद राजेश मण्डलका परिवारलाई कम्प्युटर सहयाेग गरेकाे हाे ।

माओवादी जनयुद्धकालमा ज्यान गुमाएका सहिद मण्डलकाे छाेरा-छाेरीकाे लागि कम्युटर सहयाेग गरिएकाे नेकपा माओवादी केन्द्रकाे वीरगंज महानगर समितिले जनाएकाे छ । जनयुद्ध दिवसकाे अवसरमा आइतबार माओवादी केन्द्रका वीरगंज महानगर अध्यक्ष रहबर अन्सारीले सहिद मण्डलकाे घर मै पुगेर उनीकी श्रीमती ललिता देवीलाई कम्प्युटर सेट हस्तान्तरण गरेका हुन् ।

जनयुद्ध दिवसकाे अवसरमा कम्प्युटर सेटकाे साथ साथै कम्युटर राख्ने टेबल र इन्टरनेट समेत जडान गरिएकाे अध्यक्ष अन्सारीले जानकारी दिए । उनले सहिद मण्डलका परिवारका छाेरा-छाेरीकाे शिक्षामा सहजताकाे लागि कम्युटर सहयाेग गरिएकाे वताए ।

मधेशी दलले सहिद परिवारलाई भैंसी सहयाेग गरेकाे कार्यकाे आलाेचना गर्दै अन्सारीले प्रगतिशिल बिचारकाे आफु त्यसभन्दा फरक सहिदकाे परिवारकाे शिक्षाकाे लागि पार्टीकाे तर्फबाट कम्युटर सहयाेग गरेकाे वताए ।  

 साे अवसरमा माओवादी केन्द्रका वीरगंज महानगर उपाध्यक्ष जुमादिन अन्सारी, अनेरास्ववियु क्रान्तिकारीका मधेश प्रदेश प्रमुख सचिव जुबेर आलम लगायतकाे स्थानिय पार्टीका नेता तथा कार्यकर्ताहरुकाे सहभागिता रहेकाे थियाे । 

जनयुद्ध दिवसकाे अवसरमा आइतबार मधेश प्रदेश सरकारले सार्वजनिक विदा समेत दिएकाे छ ।

नेकपा एसद्वारा एमसिसि विरुद्ध वीरगंजमा प्रदर्शन

0

वीरगंज । सतारुढ दल नेकपा (एकीकृत समाजबादी) पर्साका जनसंगठनहरुले एमसिसि विरुद्ध आइतबार वीरगंजमा प्रदर्शन गरेका छ्न् । प्रदर्शनमा सहभागिहरुले राष्ट्रघाती एमसिसि खारेज गर, एमसिसि हामीलाई चाहिदैन, एमसिसिको नाममा वैदेशिक हस्तक्षेप चल्दैन, गाे ब्याक एमसिसि लगायतका नाराहरु लगाएका थिए ।

जिल्ला प्रहरी कार्यालय पर्सा नजिक रहेको रातो बङला छेउबाट मोर्चा संगठनका कार्यकर्ताहरुले सुरु गरेकाे विराेध प्रदर्शन घण्टाघरमा पुगी काेण सभामा परिण भएकाे थियाे ।

काेण सभामा बाेल्ने वक्ताहरुले राष्ट्रघाती एमसिसि कुनै पनि हालतमा लागु हुन नदिने वताए । वक्ताहरुले जनभावना विपरितकाे एमसिसि बलजबरजस्ती लागु गर्ने खाेजीए आन्दाेलन गर्ने चेतावनी समेत दिएका थिए ।

युवा संघ वीरगंज महानगर कमिटीका अध्यक्ष उमेश ठाकुरको अध्यक्षतामा भएकाे कोण सभामा युवा संघका केन्द्रिय सचीव अरुण यादव, केन्द्रिय सचिवालय सदस्य अनिल पटेल, जिल्ला अध्यक्ष भुपेन्द्र साह, दलित मुक्ती संगठनका जिल्ला उपाध्यक्ष अमरदेव पासवान, अनेमा संघ समाजबादीका जोग माया तामाङ लगायतले एमसिसि सम्बन्धमा आ आफ्ना धारणाहरु राखेका थिए भने कार्यक्रमकाे संचालन श्रीलाल कुशवाहाले गरेका थिए ।

ठाेरीमा नेपाली कांग्रेसकाे पार्टी प्रबेश कार्यक्रम सम्पन्न

0

वीरगंज । पर्सा क्षेत्र नं. ४ अन्तर्गत पर्ने ठोरी गाउँपालिकाकाे वडा नं. ४ विजयबस्तीमा आइतबार नेपाली काङ्ग्रेसको पार्टी प्रबेश कार्यक्रम सम्पन्न भएको छ ।

वडा समितिकाे आयाेजनामा भएकाे कार्यक्रममा नेकपा एमालेका जिल्ला समिती सदस्य गणेश बहादुर श्रेष्ठको नेतृत्वमा कृष्ण बहादुर श्रेष्ठ, राजु श्रेष्ठ, खिल बहादुर श्रेष्ठ, कर्ण बहादुर श्रेष्ठ, प्रेम बहादुर श्रेष्ठ, सोमबहादुर श्रेष्ठ, रविन श्रेष्ठ लगायतका ७० जनाले नेपाली काङ्ग्रेसमा प्रवेश गरेको नेपाली काङ्ग्रेस पर्सा क्षेत्र नं. ४ का सभापति श्रीकान्त यादवले जानकारी दिए ।

यस्तै कार्यक्रममा नेकपा माओवादी केन्द्र परित्याग गरि पनि ११ जनाले नेपाली काङ्ग्रेसमा प्रवेश गरेको सभापती यादवले वताए ।

वडा सभापति मिलन श्रेष्ठकाे सभापतित्वमा भएकाे कार्यक्रमममा नेपाली काङ्ग्रेस केन्द्रिय सदस्य रमेश रिजालले नव प्रबेशीहरुलाई फुलकाे माला, खादा र अविरको टीका लगाएर पार्टीमा स्वागत गरेका थिए ।

कार्य्रक्रममा प्रदेश सभा सदस्य शंकर चौधरी, नेपाली कांग्रेसकाे मधेश प्रदेशका महामन्त्री बृहस्पतिकृष्ण श्रेष्ठ, नेता रमेश पाण्डे, सहरुम राउत गद्दी, नवीन सिंह, बलिस्टर अहमद, किशाेर तामाङ लगायकतकाले शुभकामना मन्तव्य राखेका थिए भने कार्यक्रमकाे संचालन जिवन सापकाेटाले गरेका थिए ।