Date
बिहि, मंसिर ३, २०८३
Thu, November 19, 2026
Home Blog Page 706

प्रधानमन्त्री देउवा बिहिबार वीरगंज आउँदै

0

वीरगंज ।  प्रधानमन्त्री शेर बहादुर देउवा बिहिबार वीरगंज आउने भएका छन् । नेपाल घरेलु तथा साना उद्योग महासंघको २५ औँ राष्ट्रि महाधिवेशन तथा २२ औँ राष्ट्रिय महिला उद्यमी सम्मेलनको उद्घाटन गर्न देउवा वीरगञ्ज आउन लागेका हुन् । 

हेलिकप्टरमार्फत वीरगंज आउने प्रधानमन्त्री देउवाले आदर्शनगरस्थित लर्डस् दियालोमा खाना खाएर बिहान ११ बजेदेखि १ बजेसम्म कार्यकर्ता भेटघाट तथा पार्टीका जिल्ला अधिवेशनबाट निर्वाचित भएका नयाँ कार्य समितिलाई प्रमाण पत्र वितरण गर्ने कार्यक्रम रहेको पार्टीका केन्द्रिय सदस्य रमेश रिजालले जानकारी दिए ।

कार्यकर्ता भेटघाट तथा प्रमाण पत्र वितरण कार्यक्रम सकिएपछि २ बजे नगर सभा गृहमा आयाेजित महाधिवेशन उद्घाटन गरेर ३ बजे हेलिकप्टरमार्फत फर्किने कार्यक्रम रहेको केन्द्रिय सदस्य रिजालले बताए ।

प्रधानमन्त्री देउवा वीरगंज आउने भएपछि बुधबार नेपाली कांग्रेस पर्साकाे नव निर्वाचित जिल्ला कार्य समितिकाे अनाैपचारिक बैठक समेत बसेकाे थियाे । जिल्ला सभापति जनार्दन सिंह क्षेत्रीकाे सभापतित्वमा बसेकाे बैठकमा पार्टीका केन्द्रिय सदस्य अजय चाैरसिया, पूर्व केन्द्रिय सदस्य सुरेन्द्र चाैधरी, नेता अनिल रुगंटा लगायतकाे उपस्थिती रहेकाे थियाे ।

फागुन २६ र २७ गते वीरगञ्जको नगर सभा गृहमा हुने महाधिवेशन तथा सम्मेलनमा प्रमुख अतिथीको रुपमा नेपाली काङ्ग्रेसका सभापतिसमेत रहेका देउवा आउने कार्यक्रम रहेको महासंघका केन्द्रिय अध्यक्ष श्याम प्रसाद गिरीले जानकारी दिए । 

भोली दिउँसो १ बजे नगर सभा गृहमा महाधिवेशन तथा सम्मेलनको देउवाले उद्घाटन गर्ने कार्यक्रम तय भएको छ ।

पर्सामा एक महिलाकाे गुप्ताङ्गमा लठ्ठी पसाइएकाे घटना सार्वजनिक, २ जना पक्राउ

0

वीरगंज । पर्सामा आफ्नै श्रीमतीलाई बन्धक बनाएर कुटपीट गरी गुप्ताङ्गमा लठ्ठी पसाई गम्भीर घाइते बनाएको घटना सार्वजनिक भएकाे छ ।

एक ४६ वर्षीया महिलालाई निजकै श्रीमान र कान्छी श्रीमतीले अन्य ३ जना व्यक्ति बोलाई आफ्नै घरको कोठामा बन्धक बनाई कुटपीट गरी उनकाे गुप्ताङ्गमा लठ्ठी पसाई गम्भीर घाइते बनाएका हुन् ।

फागुन ९ गते भएकाे घटनामा संलग्न मध्ये फरार रहेका दुई जनालाई प्रहरीले नियन्त्रणमा लिएकाे छ । धाेबिनी गाउँपालिकाकाे वडा नं. ५ निवासी ५१ बर्षिय महादेव भन्ने शेराजुल मियाँ र साेही ठाउँ निवासी ५० बर्षिय जाेहीरा खातुनलाई प्रहरीले नियन्त्रणमा लिएर अनुसन्धान अगाडी बढाएकाे हाे ।

दुबै जनालाई मंगलबार विहान ३;०० बजे धोबिनी गाउँपालिकाकाे वडा नं.५ बाट नियन्त्रणमा लिई ईलाका प्रहरी कार्यालय पोखरियामा ल्याई शरीर बन्धक, ज्यान मार्ने उद्योग तथा सामूहिक जबरजस्ती करणी मुद्दामा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

साथै वारदातपश्चात तत्काल भारततर्फ फरार रहेका पीडितको पति, निजकै कान्छी श्रीमती र अन्य १ जना व्यक्तिको तदारूकताका साथ खोजतलास भइरहेको समेत जानकारी प्रवक्ता खनालले गराए ।

समाज विकासमा महिलाको भुमिका बिषयमा वक्तृत्वकला

0

वीरगंज । समाज विकासमा महिलाको भुमिका बिषयगत वक्तृत्वकला प्रतियोगिता बुधबार वीरगंजमा सम्पन्न भएकाे छ । “सामाजिक न्याय र लैङ्गिक समानता दिगाे विकासकाे सुनिश्चिता” मुल नाराकाे साथ ११२ औं अन्तराष्ट्रिय महिला दिवसकाे अवसरमा आयाेजित प्रतियाेगिता सम्पन्न भएकाे हाे ।

जिल्ला समन्वय समिति पर्साकाे सभाहलमा भएकाे प्रतियाेगितामा श्री सुरजी देवी माध्यमिक विद्यालय वीरगंजकी छात्रा मुस्कान कुशवाहा प्रथम, श्री त्रिजुद्ध माध्यमिक विद्यालय वीरगंजका छात्र कन्हैया साह द्वितिय र श्री जिल्ला उच्चाङ्गल रामदेव कलवार माध्यमिक विद्यालय पाेखरियाका छात्र आलाेक कुमार गुप्ता तृतिय भएका थिए ।

जिल्ला बाल क्लब समन्वय सञ्जाल पर्साकाे सहजीकरण, भिएसाे नेपालकाे सहयोग र दिव्य युवा क्लबको आयोजनामा किशोरी सशक्तीकरणका लागि शिक्षा कार्यक्रम अन्तर्गत भएकाे प्रतियाेगितामा १४ विद्यालयका छात्र/छात्राहरुले भाग लिएका थिए ।

दिव्य युवा क्लबका कार्यकारी अधिकृत रामाकान्त पटेलको अध्यक्षता र जिल्ला समन्वय समिति पर्साकाे प्रमुख नेक महम्मद अंसारीकाे प्रमुख आतिथ्यतामा भएकाे प्रतियाेगितामा वीरगंज महानगरपालिकाका शिक्षा महाशाखा प्रमुख अरविन्द लाल कर्ण, दिव्य युवा क्लबका परियाेजना संयाेजक गणेश बहादुर ठकुरी, जिल्ला बाल क्लब समन्वय सञ्जाल पर्साका कोषध्यक्ष सन्दिप साह लगायतकाले मन्तव्य राखेका थिए ।

प्रतियाेगितामा हन्ड्रेस ग्रुपका संयाेजक विशेष कुमार साह, सदस्य ज्याेति साह, बाल क्लब समन्यवय संजाल पर्साकी उपाध्यक्ष मानसी साह, सचिव नितु यादव, सदस्य कृष कुर्मी, कमल साह,आलोक पटेल, सरोज पटेल, हरिओम यादव, कृष कुर्मी लगायतकाे उपस्थिती रहेकाे थियाे ।

प्रदेश स्तरीय जनवकालत तालीम शुरु

0

वीरगंज । जिल्ला हरवा चरवा अधिकार मंचका पदाधिकारीहरुको लागी प्रदेश स्तरीय दुई दिने जनवकालत र नेतृत्व बिकास सम्बन्धि तालीम मधेश प्रदेशकाे लहानमा शुरु भएको छ ।

रास्ट्रिय दलित नेटवर्कको आयोजना, द फ्रीडम फन्डको सहयोग र रास्ट्रिय हरवा चरवा अधिकार मंचको समन्वयमा सुरु भएकाे तालिमको उद्घाटन राष्ट्रिय हरवा चरवाका अध्यक्ष दशन मण्डले गरेका थिए ।

हरवा चरवा अधिकार मंच सिरहाको अध्यक्ष श्याम सुन्दर सदाको अध्यक्षतामा भएकाे उद्घाटन समाराेहलाई सम्बाेधन गर्दै अध्यक्ष दशन मण्डले विभिन्न समस्या झेलेर दास्त्व जीवन बिताइ रहेका हरवा चरवाहरुको मुक्तिको लागी तालिम फलदायी हुने बताए ।

उद्घाटन समारोहमा मंचका माहासचिव लगेन्द्र सदा, कोषाध्यक्ष राजबती मण्डल, फ्रीडम फन्डका प्रोग्राम सल्लाहकार ज्याम श्रेष्ठ, कानुनी सल्लाहकार बालाराम भट्टराई, सल्लाहकार ब्रह्म्देव राम, जन वकालत अधिकृत रुपनरायन पासवानले मन्तव्य राखेका थिए भने कार्यक्रम माथी प्रकश रास्ट्रिय दलित नेटवर्कका टिम लिडर हुकुम सार्कीले पारेका थिए ।

दुई दिन सम्म चल्ने तालिममा समाजिक अभियान्ता अर्जुन थपालिया, ब्रह्मदेव राम, हुकुम सार्की, पत्रकार बृजलाल पासवान, अभियान्ता रुपनरायन पासवान लगायतले प्रशिक्षण दिनु हुने कार्यक्रम रहेको जनवकालत अधिकृत संजय रामले बताए ।

एकीकृत सरकारी कर्मचारी संगठन नेपाल दर्ता

0

काठमाडौं । निजामती सेवाका अर्काे बलियो संगठन जन्मिएको छ । नेपाल कम्युनिष्ट पार्टी(एकीकृत समाजवादी) निकट कर्मचारीहरुले नयाँ कर्मचारी संगठन दर्ता गरेका छन् । बुधबार श्रम विभागमा ‘एकीकृत सरकारी कर्मचारी संगठन, नेपाल’ दर्ता भएको हो ।

१४ हजार ७ सय ५३ कर्मचारीको हस्ताक्षरसहित संगठन दर्ता गरिएको संगठनका अध्यक्ष मोहन घिमिरेले जानकारी दिए । निजामती सेवामा नयाँ संगठन दर्ता गर्न न्यूनतम ५ हजार हस्ताक्षर र २० वटा कार्यसमिति चाहिने प्रावधान निजामती सेवा नियमावलीमा छ । संगठनले ४७ वटा जिल्ला तथा विभागीय कार्यसमिति गठन गरेको छ ।

नेपाल निजामती कर्मचारी संगठन बिघटन गरी नयाँ संगठन बनाइएको घिमिरेले बताए । कर्मचारी संगठनको इतिहासमा सबैभन्दा धेरै हस्ताक्षरसहित कर्मचारी संगठन दर्ता भएको हो ।

कांग्रेसबाट कालिकामाई ४ का वडाध्यक्षकाे उम्मेदवार संजय साहलाई बनाउने निर्णय

0

वीरगंज । नेपाली कांग्रेस कालिकामाई गाउँपालिका समितिकाे पहिलाे बैठक सम्पन्न भएकाे छ । गाउँपालिका सभापति छठु साहकाे सभापतित्वमा बसेकाे बैठकले गाउँपालिका अन्तर्गत रहेकाे १३ वटा टाेलमा महिला, दलित, युवा, विद्यार्थी र बस्ती, बस्तीमा कमिटी गठन गर्ने निर्णय गरेकाे छ ।

पार्टी कार्यालय मुडलीमा बसेकाे बैठकले कालिकामाईमा इलाका प्रशासन कार्यालय स्थापना गर्न माग गर्ने, ज्ञापन पत्र बुझाउने, गाउँपालिकाकाे भवन निर्माणकाे लागि सम्बन्धित मन्त्रालयमा बजेट विनियाेजन गर्न माग गर्ने, वीरगंज चिनि कारखाना संचालनकाे लागि ज्ञापन पत्र मार्फत माग गर्ने र अगामी बैशाख ३० गते हुने स्थानिय निर्वाचनकाे लागि प्रचार प्रसार तिब्र  पार्ने निर्णय गरेकाे नेपाली कांग्रेस कालिकामाई गाउँपालिकाका सचिव रामानन्द ठाकुरले जानकारी दिए ।

यस्तै, नेपाली कांग्रेस कालिकामाई गाउँपालिका वडा न‌ं. ४ काे वडा समितिकाे बैठक सम्पन्न भएकाे छ । वडा सभापति सिकेन्द्र देवानकाे सभापतित्वमा बसेकाे बैठकले अगामी स्थानिय तहकाे निर्वाचनमा संजय कुमार साहलाई वडाध्यक्षकाे उम्मेदवार बनाउने सर्वसहमत निर्णय गरेकाे छ ।

महिला सशक्तिकरण विषयक वक्तृत्वकला प्रतीयोगिता सम्पन्न

0

वीरगंज । अन्तराष्ट्रीय नारी दिवसको अवसरमा म‌ंगलबार वीरगंजमा महिला सशक्तिकरण विषयक वक्तृत्वकला प्रतीयोगिता सम्पन्न भएको छ । हण्ड्रेड्स ग्रुपको आयाेजनामा वीरगंजस्थित बाल एकता इंगलिश बोर्डिङ्ग स्कुलमा भएकाे प्रतियाेगिता सम्पन्न भएकाे हाे ।

हण्ड्रेड्स ग्रुपका संयाेजक बिशेश साहको अध्यक्षततामा भएकाे प्रतियाेगितामा साबृन खातुन प्रथम, मुस्कान मण्डल द्वितिय र अपेक्षा चौधरी तृतिय भएका थिए ।

कार्यक्रमका अतिथीसहरु सुस्मा तिवारी द्विवेदी, डा. दिप्ति यादव, मुनि श्रीवास्तव, नेता बाबुराम कौशिक, पाेखरिया नगरपालिकाकी उम मेयर सल्मा खातुन लगायतकाले प्रतियाेताका विजेताहरुलाई पुरस्कार तथा प्रमाण पत्र वितरण गरेका थिए ।

बालबालिकाहरुमा महिला प्रतिको सम्मानको भावना जगाउने उदेश्यले महिला दिवसकाे अवसरमा महिला विषयक वक्तृत्वकला प्रतियोगितामा आयाेजना गरिएकाे आयाेजक ग्रुपका संयाेजक साहले वताए । 

कार्यक्रममा ग्रुपका सदस्य बिक्की सर्राफ, आयुश राज बर्णवाल, सुशील पटेल, मधुरन्जन साह, राहुल पटेल, आकाश भगत माली, बिकाश गुप्ता, रितु मेहता, अनुराधा गुप्ता, नेहा साह, ज्योती साह, अपेक्षा मिश्रा लगायतकाे उपस्थित रहेको थियो ।

लागु औषध मुद्दाका फरार प्रतिवादी पक्राउ

0
वीरगंज । लागु औषध मुद्दाका फरार एक प्रतिवादीलाई प्रहरीले पक्राउ गरेकाे छ । इलाका प्रहरी कार्यालय पाेखरियाबाट खटिएकाे प्रहरी टाेलीले पर्साकाे छिपहरमाई गाउँपालिका वडा न‌ं. १ निवासी ५१ बर्षिय गुमानी साहलाई पक्राउ गरेकाे हाे ।
 
जिल्ला प्रहरी कार्यालय पर्साका अनुसार ९ बर्ष पहिला २०६९ पुस ०६ गते राती १०:३० बजेको समयमा साविक मिर्जापुर गा.वि.स. वडा नं.४ हाल परिवर्तित छिपहरमाई गाउँपालिका वडा नं. १ स्थित रहेकाे साहको गोठघरबाट लागू औषध गाँजा बरामद भएकाे थियाे ।
 
प्रहरी चौकी मिर्जापुरबाट टोली खटि गएकाे साहको गाईगोठमा २ वटा टिनको ड्रम भित्रबाट लागु औषध गाँजा १४० किलो बरामद भएको थियाे ।
 
साेही मुद्दाका फरार प्रतिवादी साहलाई छिपहरमाई गाउँपालिका वडा नं. २ स्थितबाट पक्राउ गरी लागु औषध सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।

घरेलु तथा साना उद्योग महासंघकाे महाधिवेशन वीरगंजमा हुने

0

बीरगंज । नेपाल घरेलु तथा साना उद्योग महासङ्घको २५ औँ राष्ट्रिय महाधिवेशन तथा २२ औँ राष्ट्रिय महिला उद्यमी सम्मेलन वीरगंजमा हुने भएकाे छ । आगामी फागुन २६ र २७ गते वीरगंज नगर सभा गृहमा हुने महाधिवेशन तथा सम्मेलनकाे सम्पूर्ण तयारी पूरा भएको जनाइएकाे छ ।

नेपाल घरेलु तथा साना उद्योग महासङ्घ जिल्ला शाखा पर्साले मंगलबार वीरगन्जमा आयोजना गरेको पत्रकार सम्मेलनमा महाधिवेशन तथा सम्मेलनकाे सम्पूर्ण तयारी पूरा भएको महासंघका केन्द्रिय अध्यक्ष श्याम प्रसाद गिरीले जानकारी दिए ।

महाधिवेशन तथा सम्मेलनकाे प्रधानमन्त्री शेर बहादुर देउवाले फागुन २६ गते दिउँसो १ बजे वीरगंजकाे आदर्शनगरस्थित नगर सभा गृहमा उद्घाटन गर्ने कार्यक्रम रहेकाे अध्यक्ष गिरीले वताए ।

पत्रकार सम्मेलनमा २ लाख ७० हजार भन्दा बढीको हाराहारीमा रहेका घरेलु तथा साना उद्योगले झन्डै २७ लाख जनशक्तिलाई रोजगारी दिएको बताउँदै अध्यक्ष गिरीले ठूलो जनशक्तिको आधार स्तम्भ भएर पनि घरेलु तथा साना उद्योग सधैँ उपेक्षित रहेको दुखेसो पोखेका थिए ।

घरेलु तथा साना उद्योग महासङ्घमा अहिले देशका ३ सय २८ वटा पालिकामा पालिका सङ्घ, ७७ वटा जिल्लामा जिल्ला सङ्घ र ७ वटा प्रदेशमा प्रदेश सङ्घ रहेको पत्रकार सम्मेलनमा जानकारी गराइएकाे थियाे ।

सङ्घमा ४० हजार लघु, घरेलु तथा साना उद्योगी सदस्य रहेको र १२ हजार महिला उद्यमीहरू महिला उद्यमी सञ्जालमा जोडिएको जनाइएको छ ।

पत्रकार सम्मेलनमा महासङ्घकै इतिहासमा पहिलो पटक महाधिवेशन काठमाडौँ बाहिर वीरगंजमा हुन लागेको र यस महाधिवेशनले लघु, घरेलु तथा साना उद्योग र महिला उद्यमशीलताको क्षेत्रमा सुधार गर्नुपर्ने नीति, नियम र कानुनको बारेमा छलफल गरी ठोस निष्कर्षमा पुग्ने योजना रहेको अध्यक्ष गिरीले जानकारी दिए ।

महाअधिवेशनले तिन वटै तहका सरकारले घरेलु तथा साना उद्योगको क्षेत्रमा अवलम्बन गर्नुपर्ने सुधारका कार्यहरू र नीतिगत सुधारका विषयमा सरकारको ध्यानाकर्षण गराउने र नयाँ नेतृत्व समेत चयन गर्ने कार्यक्रम रहेको गिरीले जानकारी गराए ।

नेपाल घरेलु तथा साना उद्योग महासंघ जिल्ला शाखा पर्साका अध्यक्ष हिरा कानुकाे अध्यक्षतामा भएकाे पत्रकार सम्मेलनमा नेपाल घरेलु तथा साना उद्योग महासंघका बरिष्ठ उपाध्यक्ष उमेश प्रसाद सिंह, उपाध्यक्ष मुकेश उपाध्याय, महासंघका उपाध्यक्ष एवम् सुदुर पश्चिम प्रदेशका पूर्व राज्य मन्त्री प्रकाश रावल, महासंघका उपाध्यक्ष सुर्य बहादुर कंडेल, हरिहर थापा, महासंघका कर्णाली प्रदेश अध्यक्ष चन्द्र बहादुर वि.सि., काेषाध्यक्ष सत्यनारायण प्रजापति, केन्द्रि सदस्य एवम् बागमती प्रदेशका बरिष्ठ उपाध्यक्ष तारा चाैलागाई, महिला उद्यमी समितिका केन्द्रिय उपाध्यक्ष रिता रावल, बागमती प्रदेश अध्यक्ष सुलाेचना श्रेष्ठ लगायतकाे उपस्थिती रहेकाे थियाे भने कार्यक्रमकाे संचालन महासंघका महासचिव डम्बर प्रसाद रेग्मीले गरेका थिए ।