Date
बिहि, मंसिर ३, २०८३
Thu, November 19, 2026
Home Blog Page 707

नारी दिवसकाे अवसरमा ४२ जनाद्वारा रक्तदान

0

वीरगंज । अन्तराष्ट्रिय नारी दिवसकाे अवसरमा मंगलबार वीरगंजमा रक्तदान कार्यक्रम सम्पन्न भएकाे छ । वीरगंजस्थित यूनिटी फुड काेर्टमा भएकाे कार्यक्रममा २१ पुरुषसहित ४२ जनाले रक्तदान गरेकाे रक्त संचार केन्द्र वीरगंजका प्रमुख साैरभ राज पाण्डेले जानकारी दिए ।

ब्लड डाेनर्स एसाेसिएसन नेपाल पर्साले आयाेजना गरेकाे कार्यक्रममा प्रिया खड्गी, गाेबिन्द देवकाेटा, नाैतन सरावगी, राेशनी श्रेष्ठ, सरिता चाैधरी, श्याम सुन्दर दास, अस्मिता पटेल, सुनिता पाण्डे, अनुप सरावगी, तबरेज अहमद, विपना बाखरी, निलम चाैधरी, रुबी श्रेष्ठ, अनिल कुमार हाजरा, प्रलिसा श्रेष्ठ, निशा चाैधरी, पुर्षाेत्म श्रेष्ठ, माेबिना खातुन, शशी श्रेष्ठ, मनिषा कुमारी श्रेष्ठ, अर्चना चाैधरी, सबिता कुमारी, छेदुप लामा, नाैसाद अन्सारीले रक्तदान गरेका थिए ।

यस्तै हर्श सर्राफ, संताेष गिरी, बिरेन्द्र गिरी, दिक्क्षा ठकुरी, सम्झना बुझेल, रेनु सर्राफ, सुमित कुमार भंगर, तपिन्द्र कुंवर, सबना श्रेष्ठ, रुपेश मनान्धर, बिकास कुमार साह, विजय साह, नविन भक्त, नरेन्द्र प्रसाद, बेलाल अहमद, संसाज्ञ लामा, तिवारी यादव र कमलेश यादवले रक्तदान गरेकाे बन्दना खतिवडाले जानकारी दिइन । 

‘हर्ट अफ स्टोन’बाट हलिउडमा डेब्यु गर्दै आलिया

0

काठमाडौं । बलिउड अभिनेत्री आलिया भट्ट फिल्म ‘गंगुबाई काठियावाडी’बाट थप चर्चामा छिन् । यो फिल्मले भारतीय बक्स अफिसमा १०० करोडको व्यापारिक आँकडा पार गरिसकेको छ ।

आलिया अब हिन्दी फिल्मका दर्शकका अलावा अन्तर्राष्ट्रिय दर्शकलाई प्रभावित पार्नका लागि तयार छिन् । उनी फिल्म ‘हर्ट अफ स्टोन’मार्फत हलिउडमा डेब्यु गर्दै छिन् । यो फिल्ममा गाल गडोट र जेमी डोरम्यानको मुख्य भूमिका छ ।

नेटफ्लिक्समा रिलिज हुने ‘हर्ट अफ स्टोन’लाई टम हार्परले निर्देशन गरेका हुन् ।

सखुवा प्रसौनीकी उपाध्यक्षद्वारा नै अध्यक्षमाथी दुर्व्यवहा

0

वीरगंज । पर्साको सखुवाप्रसौनी गाँउपालिकाका अध्यक्ष प्रदीप जयसवालले उपाध्यक्ष फुलमति देवी चौधरीले आफु माथि लगाएको आरोप निराधार रहेको बताएका छन् । उपाध्यक्ष चौधरीले आफु माथि हिजो गाँउपालिका अध्यक्ष जयसवालले कुटपिट गरि घाइते बनाएको भन्दै लगाएको आरोपको खण्डन गर्दै अध्यक्ष जयसवालले उपाध्यक्ष चौधरीको आरोप निराधार रहेको बताएका हुन् ।

पत्रकार सम्मेलनकाे आयाेजना गर्दै गाँउपालिका अध्यक्ष जयसवालले उल्टै उपाध्यक्ष चौधरीले आफुलाई दुव्र्यवहार गरेको बताए ।

हिजो आफनो कार्यकक्षमा आएर उपाध्यक्ष चौधरीले गाँउपारिषदका बारे विवाद गर्ने क्रममा अचानक आफु माथि पानीको बोत्तल प्रहार गरेको अध्यक्ष जयसवालको भनाइ छ । जयसवालले भने ,‘ म भन्दा पहिले नै उपाध्यक्ष चौधरी मेरो कार्यकक्षमा गएर बस्नु भएको थियो, म पुग्दा गाँउपरिषद किन मलाइ नसोधिकन गरेको भनेर गाली गर्न थाल्नु भयो, भनाभन हुँदै थियो अचानक उहाले पानीको बोत्तल प्रहार गरिन ।”

त्यस बेला कार्यकक्षमा वडा अध्यक्षहरु पनि रहेको र उपाध्यक्ष चौधरीले दुव्र्यवहार गर्न थालेपछि उहाँहरु नै उपाध्यक्ष चौधरीलाई उनको कार्यकक्षमा लगेर राखेको अध्यक्ष जयसवालले बताए । हातपात गरिएको भनेर लगाइएको आरोप गलत रहेको बरु चौधरीले नै आफुसंग दुव्र्यवहार गरेको उनले वताए ।

आफुसंग दुव्र्यवहार गर्ने उपाध्यक्ष चौधरी विरुद्ध कार्वाहीको माग गर्दै जिल्ला प्रशासन कार्यालय र जिल्ला प्रहरी कार्यालयमा गएर उपाध्यक्ष चौधरी विरुद्ध उजुरी दिने पनि अध्यक्ष जयसवालले बताए ।

यता गाउँपालिकाकी उपाध्यक्ष चौधरीले भने आफुलाइ गाँउपालिका अध्यक्षसहित वडा अध्यक्षहरुले कुटपिट गरेर घाइते बनाएको आरोप लगाएकी थिइन । तर गाउँपालिका अध्यक्ष जयसवालले यथार्थ घटना सिटी टिभीमा फुर्टेजमा कैद भएकाे वताए ।

नेपाल पत्रकार महासंघ पर्साकाे सभाहलमा भएकाे पत्रकार सम्मेलनमा प्रमुख प्रशासकिय अधिकृत देवनाथ साह, वडा नं. १ का वडाध्यक्ष विश्वनाथ पटवारी, वडा न‌ं. २ का वडाध्यक्ष नियाज अहमद, वडा नं. ३ का वडाध्यक्ष सलिम मियाँ अन्सारी, वडा नं.  जुमादिन अन्सारी, वडा नं. ५ का वडाध्यक्ष रुपलाल कुमार यादव, वडा नं. ६ का वडाध्यक्ष लालबहादुर यादव लगायतकाे उपस्थिती रहेकाे थियाे ।

हिन्दू परिषदको दोस्रो साधारण सभा सम्पन,अध्यक्षमा पुन: पटेल

0

वीरगंज । हिन्दु परिषद नेपालकाे दाेस्राे साधारण सभाले संतोष पटेलको अध्यक्षमा एक सय एक केन्द्रीय कमिटी सर्वसहमत चयन गरेको छ ।

परिषदकाे केन्द्रिय सदस्यमा बिजय गुप्ता, सुनीता रौनियार, संजय सरार्फ, लालबाबू प्रसाद कुर्मी, सुरेश साह कानू, चित्तरंजन श्रीवास्तव, भरत सरार्फ, अजिता देवी पटेल, सजना खटिवडा, संजय अग्रवाल, उमेश साह कानू, किरण अग्रवाल, संतोष सरार्फ, सचितानन्द दुबे, बिनोद प्रसाद कुर्मी, सुनील गुप्ता, रमेश रौनियार, साहेब ठाकुर, राकेश चौधरी, कृष्णकान्त झा, दीपक चौधरी, मनोज ओझा, मनीष गुप्ता, पिंकी महासेठ, अमरेन्द्र साह, राधा मण्डल, राज कुमार रौनियार, शान्त बहादुर शाक्य चयन भएका छन् ।

यस्तै सर्वसहमत चयन भएका केन्द्रिय सदस्यहरुमा संतोष बस्नेत, श्यामसुन्दर राय, मनोज मण्डल, राम सोबित नायक, उपेन्द्र झा, बिभा ठाकुर, राममान सिंह महरजन, प्रीति रमण कलवार, साधना यादव, गायत्री साह, लोकनाथ भण्डारी, नबीन सिंह, मनोज राउत, लोकनाथ पाण्डे, दीपेन्द्र बुढा क्षेत्री, खगेन्द्र राज जोसी, अरुण झा, नितेश सिंह, तारकेश्वर कान्दू, ओमकार पाण्डे, नागेन्द्र सिंह, मनीराम रेग्मी, धीरेन्द्र मिश्रा, लक्ष्मी साह, शत्रुघ्न साह, रामेश्वर गुप्ता, मनोज बावरी, मनोज मित्तल, अमोद कुमार केवट रहेका छन् ।

बाराकाे अमलेखगंजस्थित क्यु२० होटेलमा भएको साधारण सभामा मुख्य रुपमा बिधान संशोधन, केन्द्रीय कमिटी चयन, भावी योजना बारे बृहत छलफल गरिएको थियो ।

 साधारण सभाले अध्यक्षसहित ५८ केन्द्रीय सदस्यहरु सर्वसहमतिबाट चयन गरेकाे र बाकी सदस्यहरु आवश्यकता अनुसार मनोनीत गर्ने गरिने छ । साथै सदस्यहरुबाट पदाधिकारी चयन गर्ने जिम्मा नव निर्वाचित केन्द्रीय अध्यक्ष संतोष पटेललाई दिएको जनाइएकाे छ ।

साथै परिषदले समान उद्देश्य बोकेको संघ संस्थासंग सहकार्य गर्ने र सनातन धर्मको कार्य गर्ने ब्यक्तिलाई उचित स्थान दिएर समाहित गर्ने समेत निर्णय गरेकाे छ । परिषदको ७ प्रदेश र ७७ जिल्लामा संगठनलाई अझ मजगूत गर्ने र जनजागरण, प्रशिक्षण, सभा लगायतको कार्यलाई तीब्रता दिने पनि निर्णय भएको अध्यक्ष पटेलले जानकारी दिए ।

जनताकाे काम छाडेर हाकीम सरुवाकाे प्रयासमा कालिकामाईका केही वडाध्यक्षहरु

0

वीरगंज । पर्साकाे कालिकामाई गाउँपालिकाका केही वडाध्यक्षहरु वडाकाे कामकाज छाेडी प्रमुख प्रशासकिय अधिकृतकाे सरुवा गराउनमा व्यस्त देखिएका छन् ।

गाउँपालिकामा १४ महिनादेखी कार्यरत रहेका प्रमुख प्रशासकिय अधिकृत जयचन्द्र साहकाे संघिय मामिला तथा समान्य प्रशासन मन्त्रालयले सरुवा गरेर अमित कुमार गिरीलाई पठाएपछि केही वडाध्यक्षहरु वडाकाे कामकाज छाेडी काठमाडाैं पुगेका छन् ।

गाउँपालिकाका कार्यवाहक अध्यक्ष राजेश चाैरसिया र वडा नं. १ का वडाध्यक्ष रामशिष यादव वाहेकाे वडाध्यक्षहरु प्रमुख प्रशासकिय अधिकृतकाे सरुवाकाे लागि काठमाडाैं पुगेका हुन् । गाउँपालिकाकाे ४ वटा वडा कार्यालयमा वडाध्यहरु नबस्दा वडाबाट प्रवाह हुने सेवाहरु प्रभावित भएकाे सेवाग्राहीहरुले वताएका छन् ।

गाउँपालिकामा नयाँ प्रमुख प्रशासकिय अधिकृत गिरी आएकै दिन गाउँ कार्यपालिका कार्यालयकाे दर्ता, चलानी र हाजरी रजिस्टर लुकाएर एक कर्मचारीसहितकाे केही जनप्रतिनिधि काठमाडाैं पुगेका थिए । तर आइतबार प्रमुख प्रशासकिय अधिकृत गिरीले राखेकाे कर्मचारी बैठकमा लुकाईएकाे दर्ता, चलानी र हाजरी रजिस्टर फिर्ता गरेकाे थियाे ।

प्रमुख प्रशासकिय अधिकृत गिरी आए कै दिन गाउँपालिकाकाे दर्ता, चलानी रजिष्टर र हाजरी रिष्टर लुकाएर सरुवा गराउन काठमाडाैं पुगेका वडाध्यक्षहरुकाे नियत प्रति गाउँवासी अशंका गर्न थालेका छन् । केही गलत प्रवृतिका वडाध्यक्षहरुकाे मिलाेमताेमा निति, नियम विपरित काम गर्दै आएका प्रमुख प्रशासकिय अधिकृत साहलाई पुन: गाउँपालिकामा ल्याउन उनीहरुले विभिन्न किसिमकाे प्रयासहरु गरे पनि आइतबार सम्म सफल हुन सकेकाे छैन ।

गाउँपालिकामा नयाँ प्रमुख प्रशासकिय अधिकृत गिरी आएपछि विगतमा भएकाे भ्रष्टाचारकाे भण्डाफाेर हुने डरले केही वडाध्यक्षहरु त्रसित भएर सरुवा गराउन प्रयासमा लागेकाे गाउँपालिका स्राेतले जनाएकाे छ ।

छिपहरमाईबाट चरेश र पेस्ताेल बरामद

0

वीरगंज । सशस्त्र प्रहरीले पर्साकाे छिपहरमाई गाउँपालिका वडा नं. ५ सिक्टा पुलस्थितबाट लागु औषध चरेश र पेस्ताेल बरामद गरेकाे छ ।

सशस्त्र प्रहरी बल बाेर्ड आउट पाेष्ट भिस्वाबाट प्रहरी निरिक्षक राजेश्वर प्रसाद साहकाे कमाण्डमा खटिएकाे प्रहरी टाेलीले  लागु औषध चरेश जस्ताे देखिने बस्तु २ पकेट, कटुवा पेस्ताेल एक थान र उक्त पेस्ताेलमा प्रयाेग ७‍.६२ मि.मि राउन्ड एक थान बरामद भएकाे सशस्त्र प्रहरी बल पर्साका प्रवक्ता प्रहरी नायब उपरिक्षक संताेष कुमार बस्नेतले जानकारी दिए ।

सशस्त्र प्रहरी निरिक्षक साहकाे कमाण्डमा गाडी माेबाइल टाेलीलाई देख्नसाथ सिक्टा पुलबाट भारत तर्फ पैदल जाँदै गरेकाे एक व्यक्तिले आफुले बाेकेकाे झाेला साेही स्थानमा फालि ब्यक्ति भारततर्फ भागन सफल भएकाे प्रवक्ता बस्नेतले वताए ।

उक्त झाेला भित्र प्लास्टिकमा बेरिएकाे अवस्थामा फेला परेकाे लागु औषध, पेस्ताेल र गाेली इलाका प्रहरी कार्यालय पाेखरियामा बुझाइएकाे उनले जानकारी गराए ।

हरवाचरवा यूवा एक्टिभिजम तथा जनवकालत तालिम शुरु

0

वीरगंज । दाशप्रथाको अबशेषको रुपमा रहेको कृषि बधुवा मजदुरः हरवाचरवाको मुक्ति र पुर्नस्थापन संयुक्त आन्दोलनमा हरवाचरवा यूवाहरुको संग्लनता बृद्धी गर्ने उद्देश्यले सिराहाको लहानमा ३ दिने हरवाचरवा यूवा एक्टिभिजम तथा जनवकालत तालिम लहानमा शुरु भएको छ ।

नेपालको परिवर्तित राजनितिक सामाजिक सन्दर्भ, कृषि बधुवा मजदुर सम्बन्धी राज्यका निति तथा कानुन सम्बन्धी हरवाचरवा यूवाहरुको क्षमता अभिबृद्धी गर्न तालिमको आयोजना गरिएको राष्ट्रिय दलित नेटवर्कका जनवकालत अधिकृत रुपनारायण पासवानले बताए ।

३ दिन सम्म चल्ने तालिममा हरवाचरवाका बर्तमान समस्या र सवालहरु पहिचान र प्राथमिकीकरण भई मुक्ति र पुनस्थापन आन्दोलनमा ६ महिने जनवकालत योजना समेत निर्माण हुनेछ । साथै तालिममा अभियान र आन्दोलन सञ्चालनका लागि हरवाचरवा यूवाहरुको भूमिकाबारे छलफल भई स्थानिय, प्रादेशिक र संघीय स्तरमा नितिगत जनवकालत सञ्चालन गर्नका लागि एक्टिभीष्टहरुले चाल्नुपर्ने कदमका बारेमा पनि सामान बुझाई कायम हुनेछ ।

उक्त तालिममा प्रदेश नं. २ का ६ वटा जिल्लाहरु सप्तरी, सिराहा, धनुषा, बारा, पर्सा र रौतहटका ३० जना हरवाचरवा यूवाहरुको सहभागिता रहेको छ ।

द फ्रिडम फण्डको आर्थिक सहयोग, राष्ट्रिय हरवाचरवा अधिकार मञ्चसंगको सहकार्यमा राष्ट्रिय दलित नेटवर्कको आयोजनामा आइतबारदेखि २४ सम्म सञ्चालन हुने तालिमको सहजीकरण द फ्रिडम फण्डका बालाराम भट्टराई, जियाम श्रेष्ठ, भूमिबिज्ञ जगत देउजा, मानवअधिकारकर्मी राजु पासवान र राष्ट्रिय दलित नेटवर्कका टीम लिडर हुकुम सार्कीले गर्नुहुनेछ ।