Date
बिहि, मंसिर ३, २०८३
Thu, November 19, 2026
Home Blog Page 705

कांग्रेस बहुदरमाईका निर्वाचित समितिलाई प्रमाण पत्र वितरण

0

बीरगंज । नेपाली कांग्रेस बहुदरमाई नगरपालिकामा निर्वाचित गाउँ समितिका पदाधिकारी तथा सदस्यहरुलाई शनिबार एक कार्यक्रमकाे बिच प्रमाण पत्र वितरण गरिएको छ ।

वीरगंजस्थित साह दरबार पार्टी प्यालेसमा भएकाे कार्यक्रममा नव निर्वाचित नेपाली कांग्रेस बहुदरमाई नगरपालिकाका सभापति रामानन्द राउत अहिर, उपसभापति सुशील कुमार साह, ध्रुव प्रसाद कुशवाहा, सचिव हरिन्द्र प्रसाद साह, जितेन्द्र प्रसाद यादव, सह सचिव रसुल मियाँ, सुरज साह लगायतकालाई प्रमाण पत्र वितरण गरिएकाे हाे । 

बहुदरमाई नगर समितिले आयोजना गरेको होली मिलन एवं प्रमाण पत्र वितरण कार्यक्रममा पार्टी जिल्ला सभापति जनार्धन सिंह क्षेत्री र उप सभापति रामनारायण कुर्मीले नवनिर्वाचित पदाधिकारीहरुलाई प्रमाण पत्र वितरण गरेका थिए ।

बहुदरमाई नगरपालिकाका नव निर्वाचित सभापति रामानन्द राउतको सभापतित्व एवं नेपाली कांग्रेसका केन्द्रिय सदस्य अजय कुमार चौरसियाको प्रमुख आथित्यमा भएको कार्यक्रममा नेपाली कांग्रेसका पूर्व केन्द्रिय सदस्य सुरेन्द्र प्रसाद चौधरी, मधेश प्रदेशका खानेपानी तथा उर्जा मन्त्री ओमप्रकाश शर्मा, बहुरमाई नगरपालिकाका मेयर नितेन्द्र साह, नेता अशोक गुप्ता, किशुन चौहान, रामरुप कुर्मी लगायतका नेताहरुको उपस्थिती रहेको थियो ।

वीरगंजका मेयर सरावगी एमाले प्रबेश

0

वीरगंज । वीरगंज महानगरपालिका मेयर विजय कुुमार सरावगी नेकपा एमालेमा प्रबेश गरेका छन् ।

वीरगंंज महानगरपालिकाको वडा नंं. २३ प्रसौनीमा शनिबार नेकपा एमालेका अध्यक्ष एवम् पूर्व प्रधानमन्त्री केपी शर्र्मा ओलीको प्र्रमुख आतिथ्यतामा भएको पार्टी प्रबेश कार्यक्रममा मेयर सरावगी एमाले प्रबेश गरेका हुन् ।

एमाले अध्यक्ष ओलीले तत्कालिन संघिय समाजवादी फोरमबाट मेयरमा निर्र्वाचित सराावगीलार्ई फुलको माला, गमछा र अविरको टिका लगाएर पार्टीमा स्वागत गरेका थिए ।

एमाले प्रबेश गर्दै सरावगीले जसपाले राम्रो कार्यकर्तालार्ई पार्टीमा राख्न नसेको वताए । जसपामा जातीवाद हाबी हुँदै गएकोले आफुलाई एमाले प्रबेश गर्नु परेको मेयर सरावगीको भनाई थियो ।

कार्यक्रममा मेयर सरावगीको नेतृत्वमा जनता समाजवादी पार्टीका जिल्ला सदस्य अजय साह, जिल्ला समन्वय समिति पर्साका सदस्य अमोद यादव, वीरगंज महानगरपालिकाको वडा नं. २५ का वडाध्यक्ष विश्वराज राउत कुर्मी लगायतकाले पनि एमाले प्रबेश गरेका छन् ।
यस्तै सोही कार्यक्रममा नेकपा माओवादी केन्द्रका नेता बाबुराम कौशिक पनि एमाले प्रबेश गरेको वताइएको छ ।

नेकपा एमाले पर्साका अध्यक्ष प्रभु हाजराको अध्यक्षतामा भएको कार्यक्रममा एमालेका नेता रघुुबिर महासेठ, प्रभु साह लगायतको उपस्थिती रहेको थियो भने कार्यक्रमको संचालन एमाले पर्साका उपाध्यक्ष बिश्वम्बर शर्माले गरेका थिए ।

“घर घर जाउ कांग्रेस जिताउ” अभियान संचालन गर्ने निर्णय

0

वीरगंज । नेपाली कांग्रेस पर्सा निर्वाचन क्षेत्र नं.४ को क्षेत्रीय कार्य समितिको बैठक शुक्रबार सम्पन्न भएकाे छ । क्षेत्रिय सभापति श्रीकान्त यादवकाे सभापतित्वमा बसेकाे बैठकले “घर घर जाउ कांग्रेस जिताउ” अभियान संचालन गर्ने निर्णय गरेकाे छ ।

साथै बैठकले अभियानकाे कार्य याेजना बनाउँदै फागुन ३० गते सोमबारको दिन हुने क्षेत्रिय “होलि मिलन समारोह” भव्य रुपमा सफल पार्ने निर्णय गरेकाे क्षेत्रिय सभापति यादवले जानकारी दिए ।  

वीरगंजस्थित पार्टीका केन्द्रिय सदस्य रमेश रिजाल निवासमा बसेकाे बैठकमा महाधिवेशन प्रतिनिधि रमेश पाण्डे, जिल्ला सह- सचीव नवीन सिंह, क्षेत्रिय सचिव बलिस्टर अह्मद, प्रदेश क्षेत्रिय सभापति दिपेन्द्र सिंह लगायत प्रतिनिधि सभा र प्रदेश सभा क्षेत्रिय समितीका पदाधिकारी तथा सदस्यहरुकाे उपस्थिति रहेको थियो ।

अध्यक्षलाई दुर्व्यवहार गर्ने सखुवा प्रसौनीकी उपाध्यक्ष फुलमतीमाथि मुद्दा दर्ता

0

वीरगंज । पर्साको सखुवा प्रसौनी गाउँपालिकाकी उपाध्यक्ष फुलमती देवी थरुइनीमाथि मुद्दा दर्ता भएको छ । गाउँपालिका अध्यक्ष प्रदीप जयसवाललाई दुर्व्यवहार गरेकी उपाध्यक्ष थरुइनी विरुद्ध जिल्ला प्रहरी कार्यालय पर्साले अभद्र व्यहार मुद्दा दर्ता गरेकाे हाे ।

गाउँपालिका अध्यक्ष जयसवालले उपाध्यक्ष विरुद्ध दिएकाे किटानी जाहेरीकाे आधारमा अभद्र व्यवहार र कुटपिट गरेको आरोपमा थरुइनी विरुद्ध मुद्दा दर्ता भएको जिल्ला प्रहरी कार्यालय पर्साले जनाएकाे छ ।

अध्यक्ष जयसवालले जाहेरीकाे साथ साथै थरुइनीले कुटपिट गरेको सिसी क्यामेराको फुटेज (भिडियो) प्रमाण पेश गरेपछि प्रहरीले मुद्दा दर्ता गरेकाे हाे ।

सुरुमा उपाध्यक्ष थरुइनीले गाउँपालिका अध्यक्ष जयसवालले अन्य जनप्रतिनिधिसँग मिलेर आफूलाई दुर्व्यवहार गर्दै कुटपिट गरेको सञ्चारमाध्यमलाई बताएकी थिइन । कुटपिटबाट आफू घाइते भएको भन्दै थरुइनी उपचार गराउन वीरगञ्जस्थित नारायणी अस्पतालसमेत पुगेकी थिइन ।

तर, त्यसकाे भोलीपल्ट अध्यक्ष जयसवालले उपाध्यक्षद्वारा लगाईएको सबै आरोपहरु निराधार भएको बताउँदै उल्टै आफूमाथि थरुइनीले बोत्तल प्रहार गर्दै दुर्व्यवहार गरेकाे बताएका थिए । उनले पत्रकार सम्मेलन गरेर उक्त घटनाको सिसीटिभी भिडियो आफूसँग सुरक्षित रहेकाे र उपाध्यक्ष थरुइनीले गरेकाे आफुमाथी गरेकाे दुर्व्यवहार विरुद्धकाे कारवाहीबाट बच्न उल्टै अस्पताल पुगेकाे जनाएका थिए ।

जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले पनि थरुइनीविरुद्ध अभद्र व्यहारकाे मुद्दा दर्ता भएकाे वताए । उनले भने “उपाध्यक्ष थरुइनी विरुद्ध मुद्दा दर्ता भएकाे छ, पक्राउ पुर्जी पनि जारी भएको छ । प्रहरीले घटना सम्बन्धमा अनुसन्धान गरिरहेकाे छ, कानुनी पक्रिया अनुसार कारवाही पक्रिया अगाडी बढाउँन्छ ।”

भन्सार छलीकाे चामलसहित पिकअप पक्राउ

0

वीरगंज । भन्सार छली ल्याएकाे चामलसहित एउटा पिकअप प्रहरीले नियन्त्रणमा लिएकाे छ । वीरगञ्ज महानगरपालिकाकाे वडा नं. ११ रानीघाट सडकखण्डबाट बुधबार सांझ ७ बजे प्रदेश ०३-००१ च ०५२२ नम्बरको पिकअप गाडी प्रहरीले नियन्त्रणमा लिएकाे हाे । 

जिल्ला प्रहरी कार्यालय पर्साबाट खटिएकाे टाेलीले प्रज्ञापन पत्र विनाको भारतीय चामल लोड गरी वीरगञ्जबाट बाराको जितपुरतर्फ लादै गरेको सूचनाकाे आधारमा पिकअप गाडी रोकी जाँच गर्ने क्रममा सूचना अनुरूप नै भन्सार छली गरी ल्याइएका चामल फेला परेको प्रहरीले जनाएकाे छ ।

उक्त पिकअपमा लोड रहेको चामल ११८ बोरा नियन्त्रणमा लिई रू एघार लाख मूल्याङ्कन गरी आवश्यक कारवाहीको लागि बिहिबार राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

घरेलु तथा साना उद्योग महासङ्घको महाधिवेशन सुरु, प्रधानमन्त्री देउवाद्वारा उद्घाटन

0

बीरगंज  । प्रधानमन्त्री शेरबहादुर देउवाले निजी क्षेत्रको सहभागिताबाट मात्रै मुलुकको दिगो विकास र आर्थिक समृद्धि सम्भव हुने बताएका छन् । 

नेपाल घरेलु तथा साना उद्योग महासङ्घको २५ औँ राष्ट्रिय महाधिवेशन तथा २२ औँ राष्ट्रिय महिला उद्यमी सम्मेलनको बिहिबार वीरगंजमा उद्घाटन गर्दै प्रधानमन्त्री देउवाले घरेलु मझौला तथा साना उद्योगको दिगो विकासबाट मात्रै मुलुकले समृद्धि हासिल गर्ने कुरामा जोड दिए । 

उनले घरेलु तथा मझौला उद्योगको विकास र सहजिकरणका लागि सरकार तयार रहेको बताउँदै स्वदेशी श्रम सीप पुजी र कच्चा पदार्थको उच्चतम प्रयोग गरी रोजगारीमा पुर्‍याएको योगदानको सरकारले उच्च प्रशंसा गरेको कुरामा जोड दिए ।

उनले कोभिडबाट प्रभावित उद्योगलाई पुनर्स्थापन र पुर्नजिवन दिन सरकार प्रतिबद्ध रहेको बताउँदै घरेलु लघु र साना उद्योगहरूमा कोभिडले पारेको प्रभावको अन्त्य गर्ने कार्यमा सरकार लागिरहेको बताए । 

कांग्रेस सभापति समेत रहेका प्रधानमन्त्री देउवाले महिलाहरूलाई स्वरोजगार बनाउन तथा महिला उद्यमशीलताको विकासका लागि सरकारको विशेष योजना रहेको खुलासा गरे । 

खानेपानी तथा सरसफाई मन्त्री उमाकान्त चौधरीले देशको समृद्धि र विकासका लागि घरेलु तथा साना उद्योगको महत्त्वपूर्ण भूमिका रहेको भन्नुहुँदै रोजगार नपाएर बिदेसिन बाध्य युवाहरूलाई आफ्नै देशमा उद्योग खोलेर स्वरोजगार बन्नका लागि नीतिगत तथा आर्थिक समस्या भएमा त्यसको निराकरणका लागि सरकारले पहल गर्ने बताए । 

नेपाल घरेलु तथा साना उद्योग महासङ्घका अध्यक्ष श्यामप्रसाद गिरीको सभापतित्वमा भएकाे उद्घाटन सत्रमा नेपाली काँग्रेसका केन्द्रिय सदस्य रमेश रिजाल, पूर्व केन्द्रिय सदस्य सरेन्द्र चौधरी, मधेस प्रदेशका खानेपानी तथा ऊर्जा मन्त्री ओम प्रकाश शर्मा, प्रदेश सभा सदस्य प्रकाश रावल, वीरगंज महानगरपालिकाका मेयर विजय सरावगी, उद्योग मन्त्रालयका सचिव अर्जुन पोखरेल लगायतको सहभागिता रहेको थियो ।

कार्यक्रममा महासङ्घका अध्यक्ष श्याम प्रसाद गिरीले २ लाख ७० हजारभन्दा बढीको हाराहारीमा रहेका घरेलु तथा साना उद्योगले झण्डै २७ लाख जनशक्तिलाई रोजगारी दिएको बताउँदै ठूलो जनशक्तिको आधार स्तम्भ भएर पनि घरेलु तथा साना उद्योग सधैँ उपेक्षित रहेको दुखेसो व्यक्त गरेका थिए ।

नगर सभा गृहमा सुरु भएकाे महाधिवेशनमा ७७ वटै जिल्लाका महासङ्घका प्रतिनिधि र पर्यवेक्षक गरी १५ सयभन्दा बढीको सहभागिता रहेको छ ।  

सत्तागठबन्धन आगामी चुनावसम्म कायम रहन्छ : प्रधानमंत्री देउवा

0

वीरगंज । नेपाली कांग्रेसका सभापति एवम् प्रधानमन्त्री शेर बहादुर देउवा अहिलेको सत्तागठबन्धन आगामी चुनाव सम्म नै कायम रहने बताएका छन् । नेपाली काँग्रेस पर्साले बिहिबार वीरगंजमा आयाेजना गरेकाे नवनिर्वाचित जिल्ला कार्य समितिकाे प्रमाण पत्र वितरण तथा पदस्थापन कार्यक्रमलाई सम्बाेधन गर्दै प्रधानमन्त्री देउवाले पाच दलीय गठबन्धन अगामी चुनाव सम्म कायम रहने बताएका हुन् ।

प्रधानमन्त्री देउवाले एक्लै चुनाव लड्दा कुनै पनि दलको बहुमत आउने अवस्था नदेखिएकाले आगामी तीनै तहको निर्वाचनमा काँग्रेसले गठबन्धनमा रहेका दलहरुसंग मिलेर चुनाव लड्ने बताए । त्यसैले गठबन्धनका अन्य सहयात्री दलहरु चिढ्याउने काम नगर्न नेता कार्यकर्ताहरुलाई देउवाले निर्देशन समेत दिए ।

संविधानको रक्षा र लोकतन्त्रलाई संस्थागत गर्न पनि गठबन्धनका दलहरु बिचको सहकार्य र एकता आवश्यक रहेको देउवाले बताए । यसका साथै काँग्रेस पार्टी र देशको हितमा पनि गठबन्धनलाई कायम राख्नु आवश्यक रहेको उनले वताए । एमसीसी परियोजना मुलुकको हितमा रहेको उनले जिकिर समेत गरे ।

एमसीसी परियोजना, ऋणमा नभई अनुदानमा आएको परियोजाना रहेको भन्दै प्रधानमन्त्री देउवाले यसले देशको विकासमा सहयोग पुग्नुका साथै रोजगारी पनि सृजना गर्ने बताए । नेपाल, दुई ठूला छिमेकी देशको बिचमा रहेको भन्दै उनले दुवै छिमेकीसंग नेपालले समदुरी र सन्तुलित सम्बन्ध राखेर अगाडि बढ्नु पर्ने बताए ।

कांग्रेस जिल्ला अधिवेशनकाे निर्वाचन अधिकृत नरेन्द्र बहादुर केसीकाे सभापतित्वमा भएकाे कार्यक्रममा नव निर्वाचित जिल्ला सभापतिमा जनार्दन सिंह क्षेत्री, उप सभापति रामनारायण प्रसाद कुर्मी, अशाेक कुमार गुप्ता, सचिव इम्तियाज आलम, दिनेश कुमार चाैधरी, सह सचिव नविन सिंह, मदन राउत अहिर लगायतका जिल्ला कार्य समितिका सदस्यहरुलाई प्रमाण पत्र वितरण गरिएकाे थियाे ।

कार्यक्रममा नेपाली काँग्रेसका केन्द्रिय सदस्यद्वय रमेश रिजाल, अजय चौरसीया, पुर्व केन्द्रिय सदस्य सुरेन्द्र चौधरी, पूर्व जिल्ला सभापति अजय द्विवेदी, मधेश प्रदेशका खानेपानी तथा उर्जा बिकास मन्त्री ओमप्रकाश शर्मा, संविधान सभा सदस्य अनिल रुंगटा लगायतकाे सहभागिता रहेकाे थियाे ।

पाेखरियाका मेयर राैनियार कांग्रेस प्रवेश

0

वीरगंज ।  पर्साको पोखरिया नगरपालिकाका मेयर दिपनारायण रौनियार बिहिबार औपचारिक रुपमा नेपाली काङ्ग्रेसमा प्रवेश गरेका छन् । मेयर रौनियारलाई नेपाली काङ्ग्रेसका सभापति एवम् प्रधानमन्त्री शेर बहादुर देउवाले पार्टीमा स्वागत गरेका छन् । 

नेपाली काङ्ग्रेस पर्साले वीरगञ्जमा बिहिवार आयोजना गरेको नव निर्वाचित जिल्ला कार्य समितिकाे प्रमाण पत्र वितरण तथा पदस्थापन कार्यक्रममा रौनियारले पार्टी प्रवेश गरेका हुन् । नेपाली काङ्ग्रेसको सदस्यता प्रदान गर्दै पार्टीका सभापति देउवाले रौनियारलाई पार्टीमा स्वागत गरेका थिए । 

गत निर्वाचनमा नेपाली जनता दलबाट पाेखरियाकाे मेयरमा राैनियार निर्वाचित भएका थिए । अब नेपाली काङ्ग्रेसबाट पुनः मेयरमै चुनाव लड्ने राैनियारकाे तयारी छ । 

यस अघिदेखि नै मेयर राैनियार कांग्रेसकाे विभिन्न कार्यक्रममा सहभागि हुँदै आएका थिए । केहि महिना अघि नै मेयर राैनियार कांग्रेस प्रवेश गरेकाे गरेपनि औपचारिक रुपमा बिहिबार मात्र पार्टी प्रबेश गरेका हुन् । 

कांग्रेस जिल्ला अधिवेशनका निर्वाचन अधिकृत नरेन्द्र बहादुर केसीकाे सभापतित्वमा भएकाे कार्यक्रममा केन्द्रिय सदस्यद्वय रमेश रिजाल, अजय चाैरसिया, पूर्व केन्द्रिय सदस्य सुरेन्द्र चाैधरी, जिल्ला सभापति जनार्दन सिंह क्षेत्री, पूर्व जिल्ला सभापति अजय द्विवेदी, नेता अनिल रुगंटा, मधेश प्रदेशका खानेपानी तथा उर्जा बिकास मन्त्री ओमप्रकाश शर्मा लगायतकाे सहभागिता रहेकाे थियाे ।