वीरगंज । लागु औषध मुद्दाका फरार एक प्रतिवादीलाई प्रहरीले पक्राउ गरेकाे छ । इलाका प्रहरी कार्यालय पाेखरियाबाट खटिएकाे प्रहरी टाेलीले पर्साकाे छिपहरमाई गाउँपालिका वडा नं. १ निवासी ५१ बर्षिय गुमानी साहलाई पक्राउ गरेकाे हाे ।
जिल्ला प्रहरी कार्यालय पर्साका अनुसार ९ बर्ष पहिला २०६९ पुस ०६ गते राती १०:३० बजेको समयमा साविक मिर्जापुर गा.वि.स. वडा नं.४ हाल परिवर्तित छिपहरमाई गाउँपालिका वडा नं. १ स्थित रहेकाे साहको गोठघरबाट लागू औषध गाँजा बरामद भएकाे थियाे ।
प्रहरी चौकी मिर्जापुरबाट टोली खटि गएकाे साहको गाईगोठमा २ वटा टिनको ड्रम भित्रबाट लागु औषध गाँजा १४० किलो बरामद भएको थियाे ।
साेही मुद्दाका फरार प्रतिवादी साहलाई छिपहरमाई गाउँपालिका वडा नं. २ स्थितबाट पक्राउ गरी लागु औषध सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।
