प्रगतिशील जनस्वास्थ्य महासंघकाे नव निर्वाचित कार्यसमितिको सपथग्रहण
स्वास्थ्य सेवा व्यापार मुखी नभई सेवामुखी हुनुपर्छ : मन्त्री चाैधरी
वीरगंज । शान्ती पोली क्लिनिक वीरगंजले स्त्री एवंम प्रसुती तथा निःसन्तान रोग विशेषज्ञसहित थप नयाँ क्लिनिक संचालनमा ल्याएको छ । सोमबार औपचारिक रुपमा खानेपानी तथा सरसफाइ मन्त्री उमाकान्त चौधरीले क्लिनिकको उद्घाटन गरेका थिए ।
उद्घाटन कार्यक्रममा बोल्दै मन्त्री चौधरीले स्वास्थ्य, शिक्षा र खानेपानी नागरिकको मौलिक हकको रुपमा रहेको हुनाले व्यापार मुखी नभई सेवामुखी रुपमा भएर क्लिनिक संचालन गर्न सुझाव दिए । उनले सर्वशुलभ र स्तरीय स्वाथ्यको सेवा आमनागरिकले पाउँन भन्ने उदेश्यले यो क्लीनिक संचालनमा ल्याईएको बुझिएतापनि व्यापार मुखी भन्दा पनि सेवामुखी तर्फ बढी उन्मुख हुनुपर्ने बताए ।
पवित्र उदेश्य लिएर विरामीहरुको सेवा गर्न सुझाव समेत उनले दिए । मन्त्री चौधरीले आर्थिक रुपले विपन्न परिवारहरुलाई समेत गुणस्तरीया सेवा उपलब्ध गराउँन आग्रह गरे । आम नागरिकले सेवा पाउँनु भनेको राज्यको दायित्व रहेपनि शान्ति क्लिनिकले आफनो विशेषज्ञ सहितको टोलीले जनतामा पु¥याई रहेको सेवा अतिनै सराहनीय र प्रशंसनीय रहेको समेत उनले बताए ।
अर्को प्रसंगमा मन्त्री चौधरीले चैत मसान्तसम्ममा मेलम्चीको पानी काठमाडौंसम्म ल्याई नागरिकको घर घरमा पु¥याउँन सरकार प्रतिबद्ध रहेको बताए । उनले मेलम्चीको खानेपानी काठमाडौं भित्रियाउँने नेता कृष्ण प्रसाद भट्टराईले देख्नु भएको सपना थियो भन्नु भयो ।
उनको सपना र नागरिकको सबभन्दा बढी चासोको विषयम समेत मेलम्चीको खानेपानी बनेकोले चैत्रमसान्त भित्र घर घरमा पानी पु¥याउँन सरकार प्रतिबद्ध रहेको छ, त्यस अनुसार दु्रतगतिमा काम अगाडी बढीरहेको बताए । बाढी पहिरोको कारण मेलम्चीको कार्य स्थगन भएको थियो, उनले भने, “सरकारको घोषणा र प्रधानमन्त्रीले राष्ट्रको नाममा गर्नुभएको सम्बोधनलाई मध्यनजर गर्दै चैत्रमसान्त भित्र खानेपानी काठमाडौंको घर घरमा भित्रियाउँने अनुरुपनै काम अगाडी बढाएका छौं ।”
मेलम्चीलाई स्थाई गर्न एडिभिजीले अध्ययन गरेर आएको छ, उनले भने, ‘ त्यसको मुहान (जलधार) संरक्षण गर्न स्थायी समाधानको उपाय अपनाउँनको लागि कार्यविधि बनाएर अगाडी बढ्ने छौ ।’
मन्त्री चौधरीले वर्तमान सरकारले जनताको भावना अनुसार द्रुत गतिमा काम गरीरहेको दावी गर्दै सरकारले तोकेकै समयमा स्थानिय निर्वाचन गराउँन सफल हुने बताए ।
आजदेखि संचालनमा आएको स्त्री एवंम प्रसुती तथा निःसन्तान विशेषज्ञको शान्ति पोली क्लिनिकले दुई दिनसम्म निशुल्क स्वास्थ्य परिक्षण गर्ने क्लिनिकका संचालक प्रमोद सर्राफले बताए । उनले भने, विगत डेढ दशकदेखि १४ जना विशेषज्ञ चिकित्सकहरु मार्फत स्वास्थ्य क्षेत्रमा योगदान पु¥याउँदै आएका छौ, नयाँ संचालन क्लिनिक मार्फत निःसन्तान तथा स्त्री रोगहरुको सम्पूर्ण उपचार प्रविधि युक्त माध्यमले अगाडी बढाई रहेको छौ ।”
दुई दिनसम्म चल्ने यो निशुल्क शिविरमा अत्याधिक लाभ उठाई सेवाको मौका दिन जनसमुदायमा हार्दिक अपिल समेत उनले गरे । जनतामा सेवाको भाव लिएर संचालन गरेको क्लिनिकले आर्थिक तथा अति विपन्न वर्गका महिला तथा पुरुषको उपचारमा सहयोग पु¥याउँन प्रतिबद्ध छौ, उनले भने ।
नेता सिंहकाे नयाँ चर्चा चलेकाे बेला मागे महानगरबासीसंग सुझाव
वीरगंज । नेकपा एमाले प्रबेश गर्ने निर्णय लिएका नेता राजेशमान सिंहले वीरगंज महानगरवासीसंग सल्लाह मागेका छन् । उनी औपचारिक रुपमा प्रबेश गर्नु अघि वीरगंज महानगरपालिकाका मेयर विजय कुमार सरावगी एमाले प्रबेश गरेपछि अन्याैलमा परेका छन् ।
नेता सिंहले समाजिक संजाल फेसबुकमा एउटा स्टेटस लेख्दै जनताकाे हक अधिकारकाे लागि लड्ने हामी र भगवानले दिएकाे सबै थाेक छ भनि भ्रष्टाचार गर्ने मेयरसंग एकै ठाउँमा बस्ने बाताबरण कसरी बन्छ ? कसरी काम गर्न सकिन्छ ? प्रशन गर्दै महानगर बासीसंग सुझाव मागेका हुन् ।
मेयर सरावगीले भ्रष्टाचार गरेकाे संज्ञा दिदै नेता सिंहले अब मैले के गर्दा उपयुक्त हुन्छ ? भनेर बीरगंज महानगरका बासीसँग समाजिक सञ्जालमा प्रतिक्रिया मागेका छन् ।
सिंहले आकर्षक नाराकाे ललिपप देखाएर, मेराे कसम जस्ताे झुठाे वाचा गरेर वीरगंज महानगरमा जितेपछि जनताकाे अमुल्य मतकाे कदर नगरी भ्रष्टाचारमा र ब्यतिथीमा लिप्त मेयरकाे हामीले सुरु देखि नै विराेध गरेकाे जनाएका छन् । उनले जनतालाई सहुलियत र सुशासनकाे कुरा त पर जाओस् । समान्य सफाई र नाला सम्म व्यवस्थित गर्न नसक्ने, जनताकाे दुखमा खडा हुन नसक्ने मेयरलाई एमाले पार्टी प्रबेश गराएकाे आराेप समेत लगाएका छन् ।
नेता सिंहले समाजिक संजाल फेसबुक मार्फत वीरगंजबासीसंग सल्लाह, सुझाव मागे पनि उनी जनता समाजवादी पार्टी (जसपा) प्रबेश गर्न लागेकाे हल्ला पनि चलेकाे छ । उनी साेमबार काठमाडाैं पुगी जसपाका अध्यक्ष उपेन्द्र यादवसंग छलफल समेत गरेकाे चर्चा भइरहेकाे छ ।

कांग्रेसमा अन्तर्घात गर्नेलाई पार्टीले कारवाही गर्ने
वीरगंज । नेपाली कांग्रेसका केन्द्रिय सदस्य एवम् मधेश प्रदेशका संयाेजक रमेश रिजालले आर्थिक क्रान्तिका लागि अगामी निर्वाचनमा नेपाली कांग्रस जित्न जरुरी रहेकाे वताएका छन् ।
नेपाली कांग्रेस पर्सा क्षेत्र नं. ४ काे क्षेत्रिय समितिले जगरनाथपुर गाउँपालिकाकाे वडा नं. ५ मसिहानीमा साेमबार आयाेजना गरेकाे हाेली मिलन समाराेहलाई सम्बाेधन गर्दै नेता रिजालले नेपाली कांग्रेस सत्तामा नपुगे सम्म आर्थिक क्रान्ति पुरा नहुने वताए । उनले त्यसकाे लागि नेपाली कांग्रेस जित्न जरुरी रहेकाे वताए ।
आर्थिक क्रान्ति सफल नभए सम्म देशकाे गरिबी हटन नसक्ने नेता रिजालकाे भनाई छ ।
यसका साथै समाजिक क्रान्ति पनि जरुरी रहेकाे वताउँदै नेता रिजालले समाजमा भएकाे कुरुती नहटे सम्म समाजिक क्रान्ति पुरा नहुने वताए । उनले भने “जब सम्म मुलुकमा विभेद रहन्छ तब सम्म देशले बिकास गर्न सक्दैन । त्यसैले समाजमा भएकाे विभेद हटनु पर्छ ।”
कार्यक्रमका प्रमुख अतिथी समेत रहेका नेता रिजालले समाजमा चेतनाकाे स्तर उठन पनि जरुरी रहेकाे वताए । उनले समाज परिवर्तनकाे सम्वाहक बन्न नेता, कार्यकर्ताहरुलाई निर्देशन समेत दिए ।

कार्यक्रमका विशिष्ट अतिथी केन्द्रिय सदस्य अजय कुमार चाैरसियाले केपी ओलीकाे सरकारले प्रेसकाे अधिकार, मानव अधिकार छिन्न खाेजेकाे वताए । उनले भने “ओली नेतृत्वकाे दुई तिहाईकाे सरकार लाेकतन्त्रलाई कमजाेर बनाउन खाेजेकाे थियाे । भ्रष्टाचार सिमा पार गरेकाे थियाे । मल खाद खरिददेखी प्लेन खरिद सम्म भ्रष्टाचार भएकाे थियाे ।”
त्यसपछि मात्र नेपाली कांग्रेसका सभापति शेर बहादुर देउवाकाे नेतृत्वमा सरकार बन्नेकाे वताए ।
उनले अगामी निर्वाचनमा कांग्रेसकाे आधिकारिक उम्मेदवारलाई जिताउन आजदेखि लाग्नु पर्ने वताए । बैशाख ३० गते हुने स्थानिय तहकाे निर्वाचनमा वडादेखी गाउँपालिका, नगरपालिका र महानगरपालिका सम्म कांग्रेसलाई जिताउन नेता तथा कार्यकर्ताहरुलाई आजैदेखि लाग्न आग्रह समेत गरे ।
पछिलाे चुनावमा कांग्रेसकाे कारण कांग्रेस हारेकाे बताउँदै अब अगामी चुनावमा कांग्रेससंग अन्तर्घात गर्नेलाई तत्काल कारवाही गर्ने र पार्टीबाट निकालिने वताए ।

पूर्वमन्त्री सुरेन्द्र प्रसाद चौधरीले दुई तिहाईको नजिकको बुहमत प्राप्त नेकपाको सरकारले स्थिरता दिन नसक्नुले नेपाली कांग्रेसको विकल्प नरहेको प्रमाणित भएको बताए। कम्युनिष्ट सरकारमा चरम भ्रष्टाचार हुनुकाे साथै महंगी बढेकाे उनले आरोप लगाए।
पेट्रोलियम इन्धन रसिया युक्रेन युद्धका कारण अन्तराष्ट्रिय स्तरमैं महँगिएकोले यसमा वर्तमान सरकारको दोष नरेको भन्दै सरकारको बचाउ पनि गरे ।
नेपाली कांग्रेस पर्साका नवनिर्वाचित सभापति जनार्दन सिंह क्षेत्रीले आगामी सबै तहको चुनावमा पार्टीले जसलाई टिकट दिए त्यसलाई जिताउन सबै नेता कार्यकर्ताको साझा र व्यक्तिगत जिम्मेवारी हुने बताए ।
उनले भने “पार्टी प्रतिकाे अन्तर्घात सहन हुँदैन् । पार्टीमा बसेर पार्टीसंग अन्तर्घात गर्न पाइदैन् । बरु पार्टीमा नबस्दा हुन्छ तर पार्टीमा बसेर अन्तर्घात गर्नेलाई पार्टीले तुरुन्त कारवाही गर्छ ।”

क्षेत्रीय सभापति श्रीकान्त यादवको सभापतित्वमा भएको कार्यक्रममा मधेश प्रदेशका खानेपानी तथा उर्जामन्त्री ओमप्रकश शर्मा, प्रदेश सभा सदस्य शंकर चौधरी, मधेश प्रदेशका महामन्त्री बृहस्पति कृष्ण श्रेष्ठ, महाधिवेशन प्रतिनिधि बशिष्ठ नारायण कुर्मी, राकेश सिंह, जिल्ला उपसभापति रामनारायण कुर्मी, जिल्ला सचिव ईम्तियाज आलम, दिनेश चौधरी, पुर्व जिल्ला सचिव श्याम पटेल, जिल्ला सह सचिव नवीन सिंह, नेपाल पत्रकार महासंघका केन्द्रिय सचिव दिपेन्द्र चौहान लगायतकाले मन्तब्य राखेका थिए । कार्यक्रमकाे संचालन क्षेत्रिय सचिव बलिष्टर अहमदले गरेका थिए ।
हजाराैंकाे संख्यामा सहभागित रहेकाे कार्यक्रममा भाेजपुरी गायक छाेटु राजा र कांग्रेसका नेता राकेश यादव सांस्कृतिक प्रस्तुती समेत राखेका थिए ।
बाल रोग डाक्टर रौनियार निशुल्क बहिरंग सेवा संचालन गर्दै
वीरगंज । पर्सामा नवजात शिशु तथा बाल रोग बिशेषज्ञ डाक्टर आनन्द रौनियारले निशुल्क बहिरंग सेवा सुरु गरेका छन् ।
शनिबार ओम शिवशक्ति बचत तथा ऋण सहकारी संस्था परवानीपुरमा भएकाे गुरु सम्मान तथा होली मिलन कार्यक्रममा डाक्टर रौनियाले निशुल्क बहिरंग सेवा संचालन गर्ने घोषणा गरेसँगै फागुन २९ गते आइतबार देखी सेवा सुरु गरेका हुन् ।
हिमालयन हेल्पीङ्ग हैण्डस समुहको कोषध्यक्ष समेत रहेका डा.रौनियारले वीरगञ्जस्थित नारायणी बयाेद्या हस्पिटलको सिटी किल्नीक वीरगञ्ज लिन्क रोडमा निशुल्क बहिरंग सेवा सुरु गरेकाे जनाएका छन् ।
समाजमा रहेका गरीब तथा विपन्न वर्गका शिशु तथा बालबालिकाहरुलाई नि:शुल्क बहिरंग सेवा दिने तथा सुपथ मुल्यमा औषधी समेत उपलब्ध गराइने उनले बताए ।
हाल पर्सा र बारा जिल्लामा बच्चाहरुको उपचारमा देखिएको अवश्यकता भन्दा बढी औषधि लेखने बढेको देखिएको छ । गरीब तथा विपन्न परिवारलाई सहज हुनका लागी नि:शुल्क बहिरंग सेवा दिने डा. रौनियारको पहिलो प्रयास रहेको छ ।
डा. रौनियार वीरगञ्जस्थित नारायणी ब्योधया हस्पिटलको सिटी किल्नीक वीरगञ्ज लिन्क रोडमा दिउसो १२ बजेदेखी साझको ४ बजे सम्म निशुल्क बहिरंग सेवा संचालमा रहने बताए । उनले भने “निशुल्क बहिरंग सेवा हप्ताको ६ दिन संचालमा रहेको र शनिबार विदा रहेको दिन विदा रहनेछ ।”
डा. रौनियार वीरगञ्जको गण्डकस्थित रहेको नारायणी ब्योधया हस्पिटलमा कार्यरत रहेका छन् भने फोन नम्बर ९८२०७०६८३४ मा सम्पर्क गर्ने सकिने जानकारी गराए ।
जगरनाथपुर गापाद्वारा मृतक कर्मचारीका परिवारलाई २४ लाख क्षतिपूर्ति
वीरगंज । काेराेना संक्रमणबाट मृत्यु भएकाे एक कर्मचारीलाई पर्साकाे जगरनाथपुर गाउँपालिकाले आर्थिक सहयाेग गरेकाे छ । काेराेना संक्रमणबाट मृत्यु भएका गाउँपालिकाका तत्कालिन स्वास्थ्य शाखा प्रमुख रामसकिल साहकाे परिवारलाई गाउँपालिकाले रु २४ लाख सहयाेग गरेकाे हाे ।
सहयाेग रकमकाे चेक एक कार्यक्रमकाे बिच आइतबार पिडित परिवारलाई गाउँपालिकाले हस्तान्तरण गरेकाे छ । गाउँ कार्यपालिकाकाे कार्यालय जगरनाथपुरमा भएकाे कार्यक्रममा मृतक रामसकिलका जेठाे छाेरा अंशु कुमार साहलाई गाउँपालिका अध्यक्ष जालिम मियाँले रु २४ लाखकाे चेक हस्तान्तरण गरेका थिए ।
महाेतरीकाे मन्दरा सिसवा नगरपालिका वडा नं. ७ घर भएका रामसकिलकाे गत बर्ष काेराेना संक्रमणले मृत्यु भएकाे थियाे । काेराे संक्रमणबाट मृत्यु भएका कर्मचारीकाे क्षतिपूर्ति वापत नेपाल सरकारले पठाएकाे रकम गाउँपालिकाले हस्तान्तरण गरेकाे हाे ।
चेक हस्तान्तरण कार्यक्रममा प्रमुख प्रशासकिय अधिकृत राज कुशवाहा, नेकपा एमालेका नेता माेसालिम मियाँ, जनता समाजवादी पार्टीका नेता सरिफ गद्दी, वडाध्यक्षहरु मंगरु राउत गद्दी, नगिना राउत अहिर, प्रभुनाथ प्रसाद नुनिया, गाउँपालिकाका लेखापाल संजय पटेल, याेजना शाखा प्रमुख दिपेन्द्र दास थारु, स्वास्थ्य शाखा प्रमुख प्रभेन्द्र प्रसाद साह, शिक्षा शाखा प्रमुख नरेश महताे काेइरी लगायतकाे सहभागिता रहेकाे थियाे ।
यस अघि पनि गाउँपालिकाले मृतक कर्मचारीका परिवारलाई एक लाख सहयाेग गरेकाे थियाे ।
हिमालयन हेल्पीङ्ग समुहद्वारा गुरुहरुलाई सम्मान
वीरगंज । हिमालयन हेल्पीङ्ग हैण्डस समुहकाे आयाेजनामा शनिबार गुरु सम्मान तथा होली मिलन कार्यक्रम सम्पन्न भएकाे छ । बाराकाे परवानीपुरस्थित ओम शिवशक्ति बचत तथा ऋण सहकारी संस्थामा भएकाे कार्यक्रममा समुहले ४ जना शिक्षकहरुलाई सम्मान गरेकाे थियाे ।
समुहको अध्यक्ष अरुण कुमार साहको अध्यक्षतामा भएको कार्यक्रममा हिमालयम माबिका शिक्षक मदन मोहन शर्मा (गुरु शर्मा), सचितानन्द कर्ण, प्रमोद पाण्डेय र राज कुमार साहलाई फुल माला, दोसल्ला र अबिरकाे टीका लगाएर सम्मान गरिएको थियो ।
कार्यक्रमका प्रमुख अतिथि शिक्षक गुरु शर्माले भुतपुर्व बिद्यार्थीहरुकाे एकता देखेर खुशी व्यक्त गरे । उनले विद्यार्थीहरुकाे नयाँ किसिमको अभ्यासले नयाँ पुस्तालाई एक फरक शिक्षा दिने पनि बताए । शिक्षक सम्मानले आउने दिनमा शिक्षकहरुलाई थप उच्च मनोवलका साथ काम गर्ने हौसला प्राप्त भएको उनकाे भनाई थियाे ।
सो अवसरमा शिक्षक सचितानन्द कर्ण, प्रमोद पाण्डेय र राज कुमार साहले पनि मन्तव्य राखेका थिए । कार्यक्रममा समुहका अध्यक्ष अरुणले संस्थाको बारेमा प्रकास पारेका थिए ।
कार्यक्रममा हिमालयन हेल्पीङ्ग हैण्डस समुहका कोषध्यक्ष नवजात शिशु तथा बाल रोग बिशेषज्ञ डाक्टर आनन्द कुमार रौनियाले निशुल्क बहिरंग सेवा संचालन गर्ने घोषणा गरेका थिए । कार्यक्रमको सहजीकरण रंजित गुप्ता तथा द्वपेन्द्र ठाकुरले संयुक्त रुपमा गरेका थिए ।
नेकपा एसको विभिन्न वडामा बैठक, भेला र कमिटी बिस्तार
वीरगंज । नेकपा एकीकृत समाजबादी वीरगंज महानगर कमिटीले संगठन निर्माण अभियानलाई तिब्रता दिएको छ । पार्टीकाे महानगर भित्रको जिल्ला कमिटी सदस्यहरुको बैठक शनिबार होटेल कुमु प्यालेसमा सम्पन्न भएको छ ।
वीरगंज महानगर कमिटीको अध्यक्ष मनोज चौधरीको अध्यक्षतामा सम्पन्न बैठकले बैशाख ३० गते हुने स्थानीय निर्वाचनलाई मध्य नजर गर्दै व्यापक निर्वाचन अभियान संचालन गर्ने निर्णय गरेको उपाध्यक्ष मन्जुर आलमले बताए । बैठकले महानगरको ३२ वटा वडामा विभिन्न जन संगठनका कमिटीहरु चैत १० गते भित्रमा गठन गरि सक्नु पर्ने निर्णय समेत गरेको छ ।
त्यस्तै वीरगंज महानगरपालिकाकाे वडा नं. – १७ अलौमा पार्टीको वडा भेला एवं होलि मिलन समारोह सम्पन्न भएको छ । पार्टीको वडा कमिटी अध्यक्ष रमेश चौधरीको अध्यक्षतामा आयोजित समारोहमा उल्लेख्य सहभागिता रहेको थियो ।
त्यसै गरि वीरगंज महानगरपालिकाकाे वडा नं. – २१ परवानिपुरमा पार्टी निकटको अनेमा संघ समाजबादीको भेला सम्पन्न भएको छ । सम्पन्न भेलाले धर्मशिला कुशवाहाको अध्यक्षता १५१ सदस्यीय वडा कमिटी गठन गरेको राजमहम्द अन्सारीले बताए ।
कर्यक्रममा पार्टीको पोलिट ब्युरो सदस्य एवं जिल्ला इन्चार्ज रामचन्द्र साह, पोलिट ब्युरो सदस्य एवं वीरगंज महानगर इन्चार्ज चिरञ्जीवी आचार्य, वीरगंज महानगर सचिव बृजलाल पसवान, पार्टीका मधेस प्रदेश सदस्यहरु बृज प्रसाद यादव, मनोज शर्मा लगायतको उपस्थिती रहेको थियो ।
आयुर्वेदिक स्वास्थ्य तथा थेरापी शिविर सम्पन्न
वीरगंज । लायन्स क्लब अफ अमलेखगन्जकाे आयाेजनामा शनिबार अमलेखगन्जमा आयुर्वेदिक स्वास्थ्य तथा थेरापी शिविर सम्पन्न भएकाे छ । ने.मा.वि. अमलेखगन्जमा भएकाे शिविरमा जीतपुर सिमरा उपमहानगरपालिकाको वडा २१ र २२ का गरी करिब ५० जनाले स्वास्थ चेकजाँच र थेरापी सुविधा लिएका थिए ।
प्रकृति आयुर्वेदिक सेन्टर तथा सब इन्टरप्राइजेज हेटाैंडाकाे प्राविधिक सहयाेगमा भएकाे शिविरकाे उद्घाटन जीतपुर सिमरा उपमहानगरपालिका वडा नम्बर २१ का वडाध्यक्ष कृष्ण बहादुर शाही ठकुरी र इलाका प्रहरी कार्यालय अमलेखगञ्जका प्रमुख प्रहरी नायव निरीक्षक कलाम शहीले संयुक्त रुपमा गरेका थिए ।
लायन्स क्लब अफ अमलेखगञ्जका अध्यक्ष चुडामणी खरेलको अध्यक्षतामा भएको शिविरमा प्रकृति आयुर्वेदिक सेन्टरको तर्फबाट डा. रमेशकुमार चौधरीले स्वास्थ्य चेकजाँच गरेकाे लायन्स क्लब अफ अमलेखगञ्जकी कोषाध्यक्ष बर्षा कुमारी मगरले जानकारी दिए ।
कालिकामाईमा निशुल्क आँखा तथा दाँत शिविर सम्पन्न
वीरगंज । पर्साकाे कालिकामाई गाउँपालिका वडा नं. ४ प्रशुरामपुरमा शनिबार निशुल्क आँखा तथा दांत शिविर सम्पन्न भएको छ । रोटरी र रोट्रेक्ट क्लब ऑफ वीरगंज मेट्रोपोलिसको संयुक्त आयोजनामा भएकाे शिविर सम्पन्न भएकाे हाे ।
श्री ने.रा.मा.बि. कट्टी बलुवामा भएको शिविरमा एक सय ६० जनाले आँखा र एक सय जनाले दाँतकाे परिक्षण गराएकाे आयाेजक राेटरी क्लब वीरगंज मेट्राेपाेलिसका सचिव नन्दन कुमार सचिवले जानकारी दिए । आँखा परिक्षण गरेकाहरु मध्ये ५७ जनामा माेतियाबिन्दु फेला परेकाे उनले जानकारी गराए ।
किरण आँखा अस्पताल र स्माइल डेन्टलकाे सहयाेगमा भएकाे शिविरमा नि:शुल्क औषधि समेत वितरण गरिएकाे राेट्रेक्ट क्लब आँफ वीरगंज मेट्राेपाेलिसका सचिव दिपु बर्णवालले जानकारी दिए ।
मोतिया बिन्दुबको समस्या देखिएका आँखा रोगीहरुलाई किरण आँखा अस्पतालमा सहुलियत दरमा शल्यक्रिया समेत गरिने सचिव बर्णवालले जानकारी गराए ।
शिविरमा कालिकामाई गाउँपालिका वडा नं. ४ का वडाध्यक्ष हरिओम साह कलवार, रोटरी क्लब ऑफ वीरगंज मेट्रोपोलिसका प्रेसिडेन्ट दीपराज केएल, सचिव नन्दन चौरसिया, चन्दन सिंह, रोट्रेक्ट क्लब ऑफ वीरगंज मेट्रोपोलिसका उपाध्यक्ष रबिन श्रेष्ठ, पूर्व अध्यक्ष प्रकाश कर्ण, सचिव दीपू वर्णवाल, रोहित गुप्ता, अंशु बर्णवाल, रेशु अग्रवाल, आदत हवारीको उपस्थिती रहेको थियो ।












