Date
बिहि, मंसिर ३, २०८३
Thu, November 19, 2026
Home Blog Page 700

मिडिया काउन्सिलकाे कार्यक्रममा ३ पत्रकार संगठनको आपत्ति

0

वीरगंज । मिडिया काउन्सिल मधेस प्रदेशले आयोजना गरेको “सञ्चार माध्यम र पत्रकार आचारसंहिता निर्माण सम्बन्धि सुझाव संकलन कार्यशाला गोष्ठी” मा सबै विचार समूहको प्रतिनिधित्व र सहभागिता नगराएको भन्दै पत्रकार सम्वद्ध तीन संगठनले आपत्ति जनाएका छन् ।

मिडिया काउन्सिलले पर्साबाट सञ्चार माध्यमका प्रकाशक/सञ्चालक/सम्पादक र राष्ट्रिय मिडियामा कार्यरत क्रियाशील पत्रकारहरुको सहभागिताको लागि नेपाल पत्रकार  महासंघ पर्सा शाखालाई जिम्मेवारी दिएको भएपनि अधिकांश क्रियाशिल पत्रकारहरुलाई जानकारी नै नगराई कार्यक्रमको आयोजना गरेको भन्दै विरोध जनाएका हुन् ।

नेपाल प्रेस युनियन पर्सा, प्रेस सेण्टर नेपाल पर्सा, समाजवादी प्रेस संगठन नेपाल पर्साले संयुक्त विज्ञप्ति जारी गर्दै मिडिया काउन्सिलको कार्यक्रमको विरोध जनाएका छन् । कार्यक्रममा सहभागी गराउन मिडिया काउन्सिलले मिति २०७८/१२/८ गतेको चलानी नं. ०७१/०७८/०७९ को पत्र मार्फत महिला र बरिष्ठ पत्रकारहरुलाई प्राथामिकता राख्न भनिए पनि महासंघले पठाएको सहभागीहरुको लिष्टमा एक जना मात्रै महिला पत्रकारको नाम गरिएको भएपनि कार्यक्रममा अनुपस्थित रहनुले महासंघले पूर्वाग्रह राखेको देखिएको जारी विज्ञप्तिमा उल्लेख गरिएकाे छ ।

महासंघ पर्सा शाखाको रवैयाप्रति कार्यक्रम आयोजक मिडिया काउन्सिलको पनि ध्यान पुग्न नसकेकोमा तीनवटै संगठनले आपत्ति जनाएको छ । विगतमा पनि नेपाल पत्रकार महासंघ पर्सा शाखाले फरक विचार समूहका पत्रकारहरुलाई पूर्वाग्रहपूर्ण व्यवहार गर्दै आएको र आगामी दिनमा पनि कुनै कार्यक्रम आयोजना गर्दा आयोजकले यसतर्फ ध्यान पु–याउन सबैलाई आग्रह गरेको छ ।

विज्ञप्तिमा नेपाल प्रेस युनियन पर्साका अध्यक्ष रामनारायण कुर्मी, प्रेस सेण्टर नेपाल पर्साका अध्यक्ष दीपक गौतम, समाजवादी प्रेस संगठन नेपाल पर्साका अध्यक्ष मनोज पटेलले हस्ताक्षर गरेका छन् । 

ठोरी विकासको निम्ति खुल्ला बहस गर्न महामन्त्री श्रेष्ठको चुनौती

0

वीरगंज । पर्साको ठोरी गाउँपालिका वडा नम्बर ४ विसालचोक टोलमा नेपाली कांग्रेसको ५१ सदस्य टोल समिति गठन भएको छ । नवगठित टोल समितिको सभापतिमा अमन लामा, सचिबमा देवकी श्रेष्ठ, कोषाध्यक्षमा कुमार योन्जन लगायतका रहेका छन ।

टोल समिति गठन कार्यक्रममा नेपाली कांग्रेसका मधेश प्रदेशका महामंत्री बृहस्पतिकृष्ण श्रेष्ठले ठोरी गाउँपालिका परिवर्तन गर्न जनताले दिएको जिम्मेवारी बामपन्थी दलहरुले बहन गर्न नसकेको बताए ।

उनले अव, त्यो जिम्मेवारी कांग्रेसले लिने र समृद्ध ठोरीको सपना साकार गर्ने दावी गर्दै अहिले चुनावी मैदानमा रहेका एमाले र माओवादीका उम्मेदवाहरु संग ठोरीको समग्र विकासको वारेमा आफू खुल्ला बहस गर्न तयार भएका चुनौती दिए । त्यसको लागि उनले मिडियालाई त्यो वातावरण मिलाई दिन अनुरोध समेत गरे ।

समग्र ठोरीको बिकासको रोड्म्याप कांग्रेस संग मात्र भएको हुदा वामपन्थीको ललीपपमा अव, नझुकिन ठोरी गापाका जनताहरुलाई अनुरोध गरे ।

वडा समितिका सभापति मिलन श्रेष्ठको सभापतित्वमा भएको कार्यक्रममा महाधिवेशन प्रतिनिधी राम बहादुर श्रेष्ठ, प्रकास खनाल, क्षेत्र नम्वर ४ (क) सभापति जिवन सापकोटा, ठोरी गापा सभापति सन्तोष श्रेष्ठ, जिल्ला सदस्य माईकल श्रेष्ठ,क्षेत्रीय ४ (क) सचिव गोपीलाला श्रेष्ठ, सदस्य कुल बहादुर श्रेष्ठ, गापा सचिव भत्त बहादुर श्रेष्ठ, सदस्य सनम श्रेष्ठ तथा अन्य स्थानीय गाउँवासीहरुको सहभागिता रहेको थियो ।

आँखा अस्पताललाई खानेपानीको ट्यांकी सहयाेग

0

वीरगंज । प्राइम कमर्सीयल बैंक लिमिटेडले रामकुमार महाविर प्रसाद केडिया आँखा अस्पताल परवानीपुरलाई २ थान खानेपानीको ट्यांकी सहयाेग गरेकाे छ ।

सामाजिक उत्तरदायित्व निर्वाह गर्दै बैंकले १ हजार लिटर क्षमताको २ वटा खानेपानी ट्यांकी केडिया आँखा अस्पतालका सल्लाहकार समितिका रमेश कुमार केडिया, मेडिकल डाइरेक्टर नितिन तुलस्यान, प्रशासनका प्रकाश कुमार वर्मा, लेखाका श्रीकान्त प्रसाद कानुलाई बिहिबार हस्तान्तरण गरिएकाे हाे ।

बैंकका वीरगञ्ज शाखा प्रबन्धक मेघनाथ सोनार, कर्जा अधिकृत नरेश कुमार शर्मा र मधेश प्रदेश कार्यालयका कर्जा अधिकृत भास्कर मल्लले सँयुक्त रुपमा ट्याकी हस्तान्तरण गरेका थिए ।

चुनावी गठबन्धन भयाे भने काे बन्ला वीरगंजकाे मेयर ?

0

वीरगंज । अगामी स्थानिय तहकाे निर्वाचनकाे मिति नजिकिँदै गएकाे छ । बैशाख ३० गते हुने निर्वाचनकाे मनाेनयन दर्ता बैशाख ११ र १२ गते हुने भनिए पनि मधेश प्रदेशकाे एक मात्र महानगरपालिका वीरगंजकाे उम्मेदवार कुनै पनि राजनीतिक दलले अहिले सम्म टुंगाे लगाएका छैनन् ।

गत स्थानिय तहकाे निर्वाचनमा तत्कालिन संघिय समाजवादी फाेरम नेपाल र हालकाे जनता समाजवादी पार्टी (जसपा) बाट वीरगंज महानगरपालिकाकाे मेयरमा निर्वाचित विजय कुमार सरावगीले नेकपा एमालेमा प्रबेश गरेपछि यहाँकाे राजनीतिक वृत फेरिएकाे छ ।

अगामी निर्वाचनमा मेयरकाे टिकट कन्फर्म गरेर पार्टी प्रबेश गरेका कारण एमालेबाट वीरगंज महानगरकाे मेयरमा सरावगी नै उम्मेदवार हुने चर्चा छ । मेयरकाे उम्मेदवारमा एमालेबाट मेयर सरावगीकाे चर्चा रहे पनि उप मेयरमा हाल सम्म कसैकाे नाम चर्चामा सुनिदैन ।

निर्वाचित दल जसपाबाट भ्रखर केही दिन पहिला पार्टी प्रबेश गरेका राजेशमान सिंहकाे नाम चर्चामा रहेकाे छ । एमालेबाट मेयरमा चुनाव लडने एमाले प्रबेश गर्ने सहमती गरेका सिंह अघि मेयर सरावगी एमाले प्रबेश गरेपछि उनी जसपा प्रबेश गर्न पुगे । सिंह पनि जपसपाबाट अगामी निर्वाचनमा मेयरकाे टिकट कन्फर्म गरे प्रबेश गरेका कारण जसपाबाट मेयरकाे उम्मेदवार सिंह नै हुने चर्चा छ । 

पार्टी प्रबेश कार्यक्रममा केही नेताहरुले जसपाबाट वीरगंज महानगरकाे मेयरका उम्मेदवार सिंह नै हुने घाेषण गरे पनि पार्टीले हाल सम्म निर्णय गरेकाे छैन । जसपाबाट उप मेयरमा पर्सा क्षेत्र नं. १ का प्रतिनिधि सभा सदस्य एवम् पार्टीका केन्द्रिय सदस्य प्रदिप यादवकाे श्रीमती पिंकी यादव चुनाव लडने चर्चा छ । 

गत बर्षकाे निर्वाचनमा दाेस्राे दल हुन पुगेका नेपाली कांग्रेसबाट पूर्व जिल्ला सभापति अजय द्विवेदी, संविधान सभा सदस्य राजेन्द्र बहादुर अमात्य, मधेश प्रदेशका खानेपानी तथा उर्जा बिकास मन्त्री ओमप्रकाश शर्मा लगायतकाे नाम चर्चामा रहेकाे छ । यस अघिकाे निर्वाचनमा कांग्रेसबाट मेयरमा द्विवेदी चुनाव लडेका थिए । मेयरमा द्विवेदी वाहेकाे अरु कसैले टिकट पाए उप मेयरमा द्विवेदीकी श्रीमती सुस्मा तिवारी द्विवेदी चुनाव लडने पनि चर्चा छ ।

गत बर्षकाे चुनावमा तेस्राे दल हुन पुगेका लाेसपाबाट मेयरकाे उम्मेदवार जिल्ला अध्यक्ष पुरुषाेत्म झा हुने चर्चा छ । गत निर्वाचानमा तत्कालिन राष्ट्रिय जनता पार्टी (राजपा) र हालका लाेकतान्त्रिक समाजवादी पार्टी (लाेसपा)बाट मेयरकाे उम्मेदवार बन्न राजेशमान सिंह जसपा प्रबेश गरेपछि झाकाे नाम चर्चामा रहेकाे छ । लाेसपाबाट उप मेयरमा गत बर्षकाे निर्वाचनमा उप मेयरकाे उम्मेदवार बनेकी रम्भा मिश्रकाे नाम यस बर्ष पनि चर्चामा रहेकाे छ ।

नेकपा माओवादी केन्द्रबाट गत निर्वाचनमा उम्मेदवार भएका रहबर अन्सारी कै नाम चर्चामा छ । एमाले फुटेर नेकपा (एकीकृत समाजवादी) बन्नेका पार्टीबाट केन्द्रिय सदस्य चिरन्जवी अचार्य र महानगर अध्यक्ष मनाेज चाैधरीकाे नाम चर्चामा रहेकाे छ । चर्चा अनुसार यी दुई जना मध्ये एक जना कसैलाई पार्टी उम्मेदवार बनाउने छ । यी दुबै दलबाट मेयरकाे उम्मेदवारकाे चर्चा चले पनि उप मेयरकाे नामकाे चर्चा सुनिएकाे छैन ।

यहाँ रहेका मुख्य आधा दर्जन दलबाट विभिन्न व्यक्तिकाे नाम चर्चामा रहे पनि दलहरु विच चुनावी गठबन्धन भयाे भने याे अवस्था फेरिने निश्चित जस्ताे नै छ ।

दलहरु बिच चुनावी गठबन्धन भयाे भने 

स्थानिय तहकाे निर्वाचनमा पनि सतारुढ दलहरु बिच चुनावी गठबन्धन हुने सम्भावना रहेकाे छ । शिर्ष नेताहरुले भाषणकाे क्रममा वताए अनुसार देश भरकाे महानगरपालिकाहरु चुनावी गठबन्धन हुने सम्भावना बढी छ । 

सतारुढ दल नेपाली कांग्रेस, माओवादी केन्द्र, नेकपा एकीकृत समाजवादी र जसपा बिच चुनावी गठबन्धन भयाे भने वीरगंज महानगरपालिकाकाे मेयरमा एउटा दल र उप मेयरमा अक्राे दलले उम्मेदवारी दिने छन् । गठबन्धन भएकाे अवस्थामा वीरगंज महानगरपालिका हाल मेयर रहेका जसपाले पाउने बढी सम्भावना छ । 

गत बर्षकाे निर्वाचनमा जसपाले मेयर जितेका कारण त्यसलाई नै दिने गठबन्धनकाे भागभन्डा गर्ने आधार हुन सक्छ । जसपा वीरगंजलाई आफ्नाे भागमा लिएन भने कांग्रेस वा माओवादी केन्द्र मध्ये एकले पाउन सम्भावना रहेकाे एक राजनितिक जानकार व्यक्तिले वताए ।

उनका अनुसार जसपाले आफ्नाे भागमा बिराटनगर महानगरपालिकालाई लियाे भने वीरगंज कांग्रेसकाे भागमा पर्ने सम्भावना रहेकाे छ । कांग्रेसपछि माओवादी केन्द्रले पनि वीरगंजलाई आफ्नाे भाग लिने सम्भावना रहेकाे छ ।

बिराटनगर महानगरपालिकाकाे मेयरमा जसपाका अध्यक्ष उपेन्द्र यादवकाे छाेरा अर्मेन्द्र यादव चुनाव लडने चर्चा छ । त्यस कारण जसपाले आफ्नाे भागमा विराटनगरलाई लियाे भने वीरगंज अरु दलकाे भागमा पर्ने सम्भावना छ । 

त्यस्तै, माओवादी केन्द्रले भरतपुरलाई आफ्नाे भाग नलिएर वीरगंजलाई लिने सम्भावना रहेकाे एक नेताले वताए । ति नेताले माओवादी केन्द्र वीरगंजलाई आफ्नाे भागमा लिने आधार हालका भरतपुरका मेयर माेओवादी केन्द्रका अध्यक्ष प्रचण्डकी छाेराे संघिय सांसदमा चुनाव लडाएर मन्त्री बनाउने याेजना प्रस्तुत गरे ।

त्यसाे भएकाे खण्डमा गठबन्धनकाे तर्फबाट माओवादी केन्द्रकाे उम्मेदवार रहबर अन्सारी नै हुने ति नेताले वताए । अध्यक्ष प्रचण्डकाे विश्वास पात्र मानिएका अन्सारीलाई  वीरगंजकाे मेयर बनाएर पर्सामा माओवादी केन्द्रलाई बनाउने प्रचण्डकाे याेजना रहेकाे सुनाए ।

यस्तै, प्रतिपक्षि दल एमाले र लाेसपा बिच चुनावी गठबन्धन हुने पनि सम्भावना छ । त्यसाे भएकाे खण्डमा एमालेबाट मेयर र लाेसपाबाट उप मेयरकाे उम्मेदवारी दिने सम्भावना रहेकाे छ । 

लाेकतान्त्रिक प्रगतिशिल समुहका उम्मेदवारहरु भाेट माग्न वीरगंजमा

0

वीरगंज । नेपाल बार एशाेसिएशन केन्द्रिय कार्य समिति निर्वाचनमा बृहत लाेकतान्त्रिक प्रगतिशिल समावेशी तथा पेशागत कानून व्यवसायी समुहका उम्मेदवारहरुकाे परिच्यात्मक एवम् स्वागत कार्यक्रम बुधबार वीरगंजमा सम्पन्न भएकाे हाे ।

चैत १९ गते हुने निर्वाचनकाे लागि मत माग्न वीरगंज आएका बरिष्ठ अधिवक्ता गाेपाल कृष्ण घिमिरे नेतृत्वकाे समुहका उम्मेदवारहरुकाे परिच्यात्मक तथा स्वागत कार्यक्रम सम्पन्न भएकाे हाे । 

वीरगंजस्थित नगर सभा गृहमा भएकाे कार्यक्रममा समुहकाे तर्फबाट महासचिवका उम्मेदवार रहेकी अधिवक्ता अन्जिता खनालले उम्मेदवारहरुकाे परिचय गराएकी थिइन । उनले समुहकाे तर्फबाट महिला उपाध्यक्षमा अधिवक्ता आशा राई, प्रदेश नं. १ बाट उपाध्यक्षमा अधिवक्ता सुरज खत्री, मधेश प्रदेशबाट अधिवक्ता सुधिर कुमार कर्ण, बागमती प्रदेशबाट अधिवक्ता हर्क बहादुर रावल, गण्डकी प्रदेशबाट अधिवक्ता विरेन्द्र केसी, लुम्बनी प्रदेशबाट अधिवक्ता प्रशुपति भण्डारी, कर्णाली प्रदेशबाट अधिवक्ता उत्तम प्रसाद अचार्य, सुदुर पश्चिम प्रदेशबाट अधिवक्ता तुलाराम गिरी र काेषाध्यक्षमा भरत बहादुर राउत उम्मेदवार रहेकाे परिचय गराइन । 

यस्तै, समुहकाे तर्फबाट खुल्ला सदस्यमा अधिवक्ता भरत कुमार लकाई, अधिवक्ता देवी प्रसाद काेइराला, अधिवक्ता निर्भय राज पाैडेल, अधिवक्ता संताेष कुमार राउत, अधिवक्ता गुणराज अचार्य, अधिवक्ता संताेष तिवारी, दलित तर्फ अधिवक्ता विनिता नेपाली, मधेशी मुस्लिम उपत्यका बाहिरबाट अधिवक्ता किरण कुमार साह, मधेशी खल्ला तर्फ अधिवक्ता नरेश कुमार साह,  आदिवासी जनजाती उपत्यका बाहिरबाट अधिवक्ता नारायण दास राई, आदिवासी जनजाति खुल्ला तर्फ अधिवक्ता रुप बहादुर सारु, खुल्ला महिला उपत्यका बाहिरबाट अधिवक्ता सिता पाैडेयाल, खुल्ला महिलाबाट अधिवक्ता शर्मिला थापा बिष्ट र उपत्यका बाहिरबाट जितेन्द्र बहादुर माडे उम्मेदवार रहेकाे परिचय गराउँदै खनालले आफ्नाे समुहका सबै उम्मेदवारलाई मतदान गरी विजयी गराउन आग्रह गरिन ।

कार्यक्रममा वाेल्दै अध्यक्ष पदका उम्मेदवार बरिष्ठ अधिवक्ता गाेपाल कृष्ण घिमिरेले विकृति, विसङगति तथा भ्रष्टाचारमृक्त न्यायपालिका बनाउन आफ्नाे चाहना रहेकाे वताए । उनले आफ्नाे समुहलाई विजयी गराएकाे खण्डमा व्यवसायीक हक, प्रतिष्ठा र पेशागत मर्यादामा आँच आउने काम कहिले नगर्ने प्रतिवद्धता जनाए ।

निर्वाचन परिचालन समिति पर्साका अध्यक्ष दिपक राज भण्डारीकाे अध्यक्षतामा भएकाे कार्यक्रममा बरिष्ठ अधिवक्ता देवेन्द्र सिंह, प्रहलाद पाेखरेल, उच्च अदालत वीरगंज बारका अध्यक्ष अधिवक्ता प्रमाेद साह, जिल्ला अदालत पर्सा बारका अध्यक्ष अधिवक्ता ओमप्रकाश गुप्ता, अधिवक्ता पानालाल गुप्ता लगायतकाले शुभकामना मन्तव्य राखेका थिए भने कार्यक्रमकाे संचालन अधिवक्ता शैलेन्द्र चाैरसियाले गरेका थिए ।

बहुअरीको नेराआविकाे अवस्था दिनप्रतिदिन जीर्ण हुँदै

0

परवानीपुर । बाराको परवानीपुर गाउँपालीका वडा नं ५ बहुअरी टोलमा रहेको नेपाल राष्ट्रीय आधारभुत विधालयको अवस्था दिनप्रतिदिन जीण हुँदै गएको छ । विद्यालयकाे भौतीक संरचना ब्यवस्थित नहुँदा विद्यार्थीहरुलाई पठन पाठनमा समस्या हुने गरेकाे छ ।

करिब एक वर्ष अगाडी वडाध्यक्ष रामेश्वर कलवारले विद्यालयकाे पुरानो भवनलाई भत्काउन लगाई नयाँ भवन निर्माण गर्न बजेट निकासा गराएका थिए । कसैलाई जानकारी नदिई एकलौटी ढङगले भवन निर्माणकाे उपभोक्ता समिती बनाई काम शुरु गर्न खोज्दा स्थानीयले अवरोध गरेपछी भवन निमार्णको काम स्थगीत हुन पुगेको थियो ।

सार्बजनिक काममा टोलमा सार्वजाीक सुचना निकाली सबैलाई समेटेर काम अगाडी बढाउन स्थानीहरुले आग्रह गरे पनि वडाध्यक्षकाे लापरवाहीले विद्यालयकाे अवस्था खराब हुँदा बिधार्थीहरुको भविष्य नै अन्धकारमा परेको स्थानीहरुको भनाई छ ।

टोलमा कुरा नमिल्दा नेपाली कांग्रेसका युवा नेता सुनील पटेलको नेतृत्वमा यूवाहरुको टोली गाउँपालीका प्रमुख हरिनारायण साहलाई लिखीत रुपमा जानकारी गराएका थिए । पछी गाउँपालीबाट समस्या समाधान हुने आसवासन आएपनि पालीका स्तरबाट छलफल नहुँदा समस्या समाधान हुन नसकेको पटेलले बताए ।

नेता पटेलले आफुहरु बिकासको बिरोधी नरहेको तर जनभावना अनुसार काम हुनुपर्ने आफुहरुको माग रहेको बताए । पछी टोलमा दुई पटक बैठक बसेपनी कुनै निस्कर्स निस्किन सकेको छैन । बिद्यालयका प्रधानाध्यापक धुरेन्द्र प्रसादको अनुसार आफुले वडा अध्यक्ष लगायत गाउँपालीका प्रमुखलाई पनि लिखित निबेदन दिदा पनि अहिलेसम्म कुनै निर्णय हुन नसकेको र कक्षा कोठाको अभाव हुँदा विद्यार्थीहरुलाई पठन पाठनमा निकै समस्या हुने गरेको दुखेसो पोखे ।

उनका अनुसार राष्ट्रपति विद्यालय योजनामा यो बिधालयमा पनि दुईकोठे भवन पर्न सफल भएको तर जनप्रतिनिधी लापरवाहीका कारणले यो पनि फ्रिज हुने अवस्थामा  पुगेकाे छ । खासगरी बिपन्न वर्गका बच्चाहरु यस बिधालयमा पढने हुनाले त्यस्ता बिधार्थीहरुको लागी झन समस्या भएकाे प्र.अ. धुरेन्द्रले बताए ।

यस बिषयमा गाउँपालीका प्रमुख हरिनारायण साहलाई सर्मपक गर्दा यसमा वडाध्यक्षको बिशेष भुमीका रहेको र गाउँपालीका स्तरबाट पनि समस्या समाधानको पहल भईरहेको बताए । यसरी जनप्रतिनिधीहरुले एक अर्कालाई दोसारोपन गरी रहँदा अहिले पनि विद्यालयकाे समस्या समाधान नहुने निश्चित देखिन्छ ।

अहिले स्थानीय निकायको निर्वाचन नजीकीदै गर्दा जनप्रतिनिधीको ध्यान बिकास भन्दा पनि मतदाता रिझाउनमा केन्द्रीत भएको देखिन्छ ।

जसपा परित्यागकाे कारण आफुमाथि कुटपिट भएकाे मिकरानीकाे आरोप

0

वीरगंज । सर्लाहीको मलंगवा नगरपालिका वडा नम्बर ७ निवासी मोहमद इसा मिकरानी पार्टी परित्याग गरेकै कारण आफु माथि जसपाका कार्यकर्ताले कुटपिट गरेको आरोप लगाएका छन ।

चैत्र ३ गते कुटपिटबाट घाइते भई वीरगंजस्थित नेश्नल मेडिकल कलेजमा उपचार गराइरहेका मिकरानीले संचारकर्मीहरुसंग कुरा गर्दै आफु पार्टी परित्याग गरेकै कारण ज्यान मार्ने उदेश्यले हमला गरिएको आरोप लगाएका हुन् । जनता समाजवादी पार्टीलाई परित्याग गरी माओवादी पार्टीमा प्रवेश गरेकै कारण सर्लाही क्याम्पस चिफ बताउने राजेश राय यादवले आफु माथि हातपात गर्नुको साथै ज्यान मार्ने उदेश्यले नै हमला गरेको आरोप पिडित मिकरानीले लगाएका हुन ।

मलंगवा नगरपालिका वडा नम्बर ९ को वडा अध्यक्षमा उम्मेदवारी दिने भएको कारण आफुलाई निर्घात कुटपिट गरिएको हुन सक्ने मिकरानीले दावी गरेका छन् । बिगत ५ दिनदेखी नेशनल मेडिकल कलेजमा उपचार गराइरहेका मिकरानीले रातिको समयमा जनता समाजवादी पार्टीका कार्यकर्ता र क्याम्पस चिफ बताउने राजेश राय यादवले आफु माथि ज्यान नै मार्ने उदेश्यले एक्कासी हमला गरेको बताए ।

उनका अनुसार हमला गर्ने गिरोह लगायत राजेश राय यादवमाथि कानुनी उपचार गर्न अवाश्यक रहेको हुँदा नेपाल सरकारको कानुन बमोजिम कारवाही गर्न जिल्ला प्रहरी कार्यालय सर्लाहीलाई अपिल समेत गरेका छन् ।

पर्सामा “घर-घर जाउ, कांग्रेस जिताउ” अभियानकाे शुभारम्भ, दुई वडाध्यक्षहरुले गरे प्रबेश

0

वीरगंज । नेपाली कांग्रेसकाे “घर-घर जाउ, कांग्रेस जिताउ” अभियान मंगलबार पर्सामा शुभारम्भ गरिएकाे छ । वीरगंजस्थित साह दरबार हाेटलमा एक समाराेहकाे आयाेजना गरी अभियानकाे शुभारम्भ गरिएकाे हाे ।

अभियानकाे नेपाली कांग्रेसका केन्द्रिय सदस्य एवम् पूर्व मन्त्री अजय कुमार चौरसिया र केन्द्रिय प्रतिनिधि डा.चन्द्र मोहन यादवले संयुक्त रुपमा गमलामा पानी हालेर उदघाटन गरेका थिए ।

स्थानिय तहकाे निर्वाचनलाई मध्यनजर गर्दै कांग्रेसले सुरु गरेकाे कांग्रेस जिताउ अभियान बुधबारदेखी पर्साकाे १४ पालिकामा संचालन हुने कांग्रेस पर्साका सह सचिव नविन सिंहले जानकारी दिए । अभियान संचालनकाे लागि जिल्लाकाे सबै वडा वडामा प्रतिनिधि खटाइएकाे सिंहले वताए ।

कार्यक्रममा बहुदरमाई नगरपालिकाकाे वडा नं. १ का वडाध्यक्ष प्रमाेद यादव र वडा नं. ८ का वडाध्यक्ष पुनिलाल साहले कांग्रेसमा प्रबेश गरेकाे कालिकामाई गाउँपालिकाका सभापति छठु साहले जानकारी दिए । तत्कालिन राष्ट्रिय जनता पार्टीबाट दुबै वडाध्यक्षहरु निर्वाचित भएका थिए भने हाल लाेकतान्त्रिक समाजवादी पार्टीमा थिए ।

जिल्ला सभापति जनार्दन सिंह क्षेत्रीको सभापतित्वमा भएकाे कार्यक्रममा पूर्व मन्त्री सुरेन्दर चाैधरी, संविधान सभा सदस्य अनल रुंगटा, प्रदेश सभा सदस्य राजेश्वर साह, शंकर चाैधरी, जिल्ला उप सभापति रामनारायण प्रसाद कुर्मी, अशाेक कुमार गुप्ता, सचिव इम्तियाज आलम, दिनेश कुमार चाैधरी, पूर्व सचिव श्याम पटेल, पर्सा क्षेत्र नं. ४ का सभापति श्रीकान्त यादव, बहुदरमाई नगरपालिकाका मेयर नितेन्द्र साह, पर्सागढी नगरपालिकाका मेयर लाेकनारायण यादव, पाेखरिया नगरपालिकाका मेयर दिपनारायण राैनियार लगायतकाे उपस्थिती रहेकाे थियाे ।

अख्तियारकाे आयाेजनामा भ्रष्टचार नियन्त्रण सम्बन्धि अन्तरक्रिया

0

वीरगंज । भ्रष्टचार नियन्त्रण तथा सुशासन प्रवर्धन सम्बन्धि जिल्ला स्तरिय अन्तरक्रिया कार्यक्रम मंगलबार वीरगंजमा सम्पन्न भएकाे छ । अख्तियार दुरुपयोग अनुसन्धान आयोयको कार्यालय हेटौडाकाे आयाेजनामा वीरगंजस्थित नगर सभा गृहमा भएकाे कार्यक्रम सम्पन्न भएकाे हाे ।

कार्यक्रममा बाेल्दै आयाेगका प्रमुख आयुक्त डा. हरि पौडेलले आर्थिक वर्ष २०७७/७८ मा २२ हजार ६ सय २५ उजुरी परेकोमा १४ हजार मुद्दाहरुलाई किनारा लगाइएको बताए । डा. पौडेलका अनुसार पर्सा, बारा, रौतहट र सर्लाही जिल्लामध्ये पर्सा भ्रष्टाचारका हिसावले चौथो स्थानमा रहेको छ ।

आर्थिक वर्ष २०७७/७८ मा अख्तियार दुरुपयोग अनुसन्धान आयोग हेटौडामा पर्साबाट ९ सय २९ वटा उजुरी परेका छन् । तिमध्ये ५ सय १८ वटा फर्छ्यौट भएको आयोगका प्रमुख आयुक्त डा. हरि पौडेलले जानकारी दिए ।  

जिल्ला समन्वय समिति पर्साका सभापति नेकमहमद अन्सारीले पर्सा जिल्लाका केही व्यक्तिहरुले नियामक निकायलाई नै फकाउँदै भ्रष्टाचार गरीरहेको बताए । उनीहरुको पहिचान गरेर कानुनको दायरामा ल्याउनुपर्ने सभापति अन्सारीको भनाई छ । 

पर्साका प्रमुख जिल्ला अधिकारी उमेश कुमार ढकालले पर्सामा भ्रष्टाचारलाई कम गर्न र सुशासन प्रवर्धन गर्न सरोकारवालाले सक्रियता देखाउनुपर्नेमा जोड दिए ।  

कार्यक्रममा पर्सा जिल्लाका विभिन्न स्थानीय तहका प्रमुख एवम् उपप्रमुखहरुले भ्रष्टाचार नियन्त्रण गर्ने विषयमा सवाल राख्नुका साथै भ्रष्टाचार नियन्त्रण गर्नु चुनौतिको विषय भएको बताएका थिए । सानोदेखि ठूलो र तलदेखि माथिसम्मै भ्रष्टाचार व्याप्त रहेको स्विकार गर्दै वक्ताहरुले नियामक निकायले तदारुकता देखाउनुपर्ने आवश्यक्ता औँल्याए । 

 कार्यक्रममा जिल्लाका विभिन्न पालिकाका प्रमुख, उप प्रमुख र प्रमुख प्रशासकिय अधिकृत लगायतकाकाे सहभागीता रहेकाे थियाे ।

अन्तरक्रीया कार्यक्रममा अख्तियार दुरुपयोग अनुसन्धान आयोगका उप–सचीव वेदप्रसाद भण्डारीले कार्यपत्र प्रस्तुत गरेका थिए । सो अवसरमा अख्तियार दुरुपयोग अनुसन्धान आयोगले नेपाल सरकारलाई राजस्व चुहावट सम्बन्धी ६० बुँदे सुझा दिइएको थियो । 

पछिल्लो समय सबै तहमा भ्रष्टचार बढेको गुनासो र उजुरीको तथ्य सार्वजनिक गर्दै भ्रष्टचार नियन्त्रण तथा सुशासन प्रवर्धन गर्न जिल्ला स्तरिय अन्तरक्रिया गरीएको अख्तियार दुरुपयोग अनुसन्धान आयोयको कार्यालय हेटौडाले जनाएको छ ।