Date
बिहि, मंसिर ३, २०८३
Thu, November 19, 2026
Home Blog Page 701

सभापति यादवकाे पहलमा श्री नेरामावि मसिहानीमा लगाइएकाे ताला खुल्याे

0

वीरगंज । पर्साकाे जगरनाथपुर गाउँपालिका वडा नं. ५ मा रहेकाे श्री ने.रा.मा.वि. मसिहानीमा विद्यार्थीहरु लगाएकाे ताला मंगलबार खुलेकाे छ ।

बिषयगत शिक्षक र नियमित पठनपाठकाे माग गर्दै विद्यार्थीहरुले लगाएकाे ताला नेपाली कांग्रेस पर्सा क्षेत्र नं. ४ का सभापति श्रीकान्त यादवकाे पहलमा खुलेकाे हाे । विद्यार्थीहरुकाे समस्या समाधान गरी ताला खुलाउन गाउँपालिका अध्यक्ष जालिम मियाँले कुनै पहल नगरेपछि सभापति यादवकाे पहलमा विद्यार्थीहरुले ताला खाेलेकाे वताइएकाे छ ।

सभापति यादवले कक्षाका १० का विद्यार्थीहरुलाई एक महिना निशुल्क काेचिङ कक्षा संचालन गर्न प्रतिवद्धता जनाएपछि एक सत्तादेखि लगाएकाे ताला विद्यार्थीहरुले खाेलेका थिए ।

यस अघि बिहिबार आन्दाेलित विद्यार्थीहरु गाउँ कार्यपालिकाकाे कार्यालय जगरनाथपुरमा ताेडफाेड समेत गरेका थिए । साे क्रममा केही विद्यार्थीहरु घाइते समेत भएका थिए । 

लैङ्गिक उत्तरदायी शिक्षण पद्धती तालिम सम्पन्न

0

वीरगंज । लैङ्गिक उक्तरदायि शिक्षण पद्धती विषयगत दुई दिने तालिम मंगलबार वीरगंजमा सम्पन्न भएकोछ ।भिएसओ नेपाल र दिव्य युवा क्लबको साझेदारीमा संचालित किशोरी सशक्तिकरणको लागि शिक्षा कार्यक्रम अन्तर्गत तालिम सम्पन्न भएकाे हाे ।

वीरगंजस्थित भिष्वा होटलमा भएकाे तालिममा परियोजना अन्तर्गतका ११ वटा विद्यालयका २२ जना शिक्षकहरुलाई विद्यालयमा समावेशी एंव लैङ्गिक मैत्री शिक्षण पद्धतीको विकास गरी समावेशी वतावरण सृजना गर्नको लागी अपनाईने विधीको बारेमा क्षमता विकास गरिएको परियाेजना संयाेजक गणेश बहादुर ठकुरीले जानकारी दिए ।

तालिम पश्चात विद्यालमा लैङ्गिकमैत्री वातावरण तयारी भई लैङ्गिक मैत्री शिक्षण पद्धतीको विकास हुने संयोजक ठकुरीले वताए ।

तालिम समापन सत्रमा दिब्य युवा क्लवका अध्यक्ष उमेश चाैहानले तालिमका सहभागीहरु सिकेका सिकाईलाई विद्यालयमा लागु गरे मात्र तालिमले सार्थकता पाउने वताउँदै सहभागी शिक्षकहरुलाई कार्यान्वयनको लागी आग्रह समेत गरेका थिए ।

 तालिममा फियुचर नेपालका प्रशिक्षकद्वय सुशिल राज गीरी र नवराज थापा क्षेत्रीले प्रशक्षण दिएका थिए ।  

लाेसपा पाेखरियाका नेता राजु साह पनि जसपा प्रबेश

0
वीरगंज । पर्साकाे देस्राे सदरमुकामकाे रुपमा चिनिने पाेखरियामा पनि जसपाकाे आम सभा तथा पार्टी प्रबेश कार्यक्रम सम्पन्न भएकाे छ । जसपा पर्सा क्षेत्र नम्बर ३ काे आयोजनामा भएकाे कार्यक्रममा लाेसपा पाेखरियाका नेता राजु साह तेली प्रबेश गरेका हुन् ।
 
तेलीलाई कार्यक्रमका प्रमुख अतिथी जसपा नेपालका अध्यक्ष उपेन्द्र यादवले फुल माला र अबिरकाे टिका लगाएर पार्टीमा स्वागत गरेका थिए । तेली पोखरियाका चर्चित नेता हुन् । जसपा प्रबेशसंगै पाेखरियाकाे मेयरमा तेली नै चुनाव लडने चर्चा सुरु भएकाे छ ।
 
तेलीकाे नेतृत्वमा विभिन्न पार्टी परित्याग गरी सयाैंकाे संख्यामा स्थानियहरु जसपा प्रबेश गरेकाे वताइएकाे छ ।
 
यसैगरि पकहा मैनपुर गाउँपालिकाबाट बिजय चौरसियाको पहलमा र पटेर्वा सुगौली गाउँपालिकाबाट दिपक यादवको पहलमा दर्जनाैंकाे संख्यामा स्थानियहरु जसपामा प्रबेश गरेका छन् ।
 
लोसपाले ओलिका मतियार भएर मधेसको भवना बिपरित क्रियाकलापमा सक्रिय भई बिधिबिधान बाहिर हिसाबले पार्टी संचालन गरेकोमा पार्टी छोडनु परेको जसपा प्रबेश गरेकाे तेलीले वताए । उनले भने “आफुहरु मधेस आन्दोलनमा सक्रिय भुमिका निर्वाह गरि मधेसको लागि लडाइ गरेका थियाैं र बाकी अधिकारको लडाई लडनु पर्ने भएकोले सोको एक मात्र विकल्प जसपा रहेकोले आफुहरु लोसपा परित्याग गरि जसपा प्रवेश गरेका्े छाैं ।”
 
जसपा पर्सा क्षेत्र नम्बर ३ का अध्यक्ष नागेन्द्र यादवको अध्यक्षतामा सम्पन्न आमसभा तथा पार्टी प्रबेश कार्यक्रममा मधेस प्रदेशका मुख्यमन्त्री लालबाबु राउत गदी, पर्सा क्षेत्र नम्बर ३ का निलम्वित प्रतिनिधि सभा सदस्य हरिनारायण रौनियार, केन्द्रिय सदस्य फिरोज मन्सुर, प्रदेश साँसद मन्जुर अन्सारी, प्रदेश सदस्य गौरीशंकर साह, सखुवा प्रसौनी गाउँपालिकाका अध्यक्ष प्रदिप जयसवाल, पोखरिया नगरपालिकाकी उप प्रमुख सलमा खातुन, बिन्दवसिनी गाउँपालिका अध्यक्ष श्रीलाल साह लगायतका नेता तथा कार्यकर्ताहरुको सहभागिता रहेको थियाे भने कार्यक्रमकाे संचालन युवा नेता शिव कुमार साहले गरेका थिए ।

धाेबिनीकाे सानाे गुलरियामा कांग्रेसकाे टाेल समिति गठन

0

वीरगंज । पर्साकाे धोबिनी गाउँपालिका वडा नं. ३ सानो गुलरियामा नेपाली कांग्रेसकाे टाेल समिति गठन भएकाे छ । गुलरियामा भएकाे कांग्रेसकाे एक भेलाले जगदीश प्रसाद कुर्मीको सभापतित्वमा ३१ सदस्यीय टोल कार्य समिति गठन गरेकाे हाे ।

नवगठित समितिका उप सभापतिमा नकछेद राम, सचिवमा विजय प्रसाद, सह सचिव उपेन्द्र पटेल, काेषाध्यक्ष मनान आलम, सदस्यमा शम्भु राम, भुलन राम, रामबृक्ष राम, लखन लाल पटेल, लालबाबु प्रसाद, विश्वनाथ राम, मदन राम, लगन राम, लालबहादुर पटेल, नगिया देवी, सागर पटेल, मदन प्रसाद लगायतका चयन भएकाे कांग्रेसका क्षेत्रिय सचिव बलिष्टर अहमदले जानकारी दिए ।

महाधिवेशन प्रतिनिधि श्याम किशोर प्रसाद कुर्मी, क्षेत्रीय सचीव बलिष्टर अहमद, प्रदेश क्षेत्रिय उपसभापति रैसुलाजम मियाँ, प्रदेश क्षेत्रिय सचीव इमरान आलम, गाउँपालिका सभापति कमल ठाकुर लोहार, सचीव मनोज मियाँ, वडा सभापति बासुदेव तिवारी लगायतको विशेष उपस्थितीमा टोल कार्य समिति गठन भएको हाे ।

राष्ट्रि सहमति, सहकार्य र एकताको खाचो देखिदै छ : नेता चाैरसिया

0

वीरगंज । स्व. गिरिजा प्रसाद कोईरालाको १२ औं स्मृति दिवसको अवसरमा गिरिजा प्रसाद फाण्डेशन पर्साकाे आयाेजनामा साेमबार अलौंमा अन्तरक्रिया तथा सम्मान कार्यक्रम सम्पन्न भएकाे छ ।

कार्यक्रमलाई सम्बाेधन गर्दै नेपाली काग्रेंसका पुर्व मन्त्रि तथा केन्द्रिय सदस्य अजय कुमार चौरसियाले स्व. गिरिजा प्रसाद कोईरालाको मुल मन्त्र राष्ट्रि सहमति सहकार्य र एकताको खाचो अहिले देखिएको बताए । उनले गिरिजा बाबु नेपालका मात्र न भई एसिया महाद्विपका नै एक असल र कुसल राज नेता रहेकाे दाबी गरेका थिए ।

नेपाल बुलेटको घेरामा परेको बेला राज्यलाई ब्यालेटमा ल्याएर देशलाई निकास दिई राजनितिक स्थाईत्व समेत कायम गरेको उनले बताए ।  मधेशी दलले भ्रष्टाचारको पराकाष्ठा नाघेको मधेशी जनतासंग झुटको खेति मात्र गरेको वताउँदै कांग्रेस पर्साका अध्यक्ष जर्नादन सिंह क्षेत्रिले भ्रम र झुटको खेति गर्नेहरुको पछि नलाग्न आग्रह समेत गरेका थिए ।

फाउण्डेशन पर्साले स्मृति दिवसको अवसरमा अलौका ७० जना वृद्ध वृद्धाहरुलाई सम्मान समेत गरेको थियाे । नेपाली कांग्रेस मार्फत देश र जनताका लागि आफनो समाजिक योगदान पुर्याएकोहरुलाई सम्मान गरेको फाउण्डेशन पर्साका अध्यक्ष मोहम्मद सहाबुदिनले बताए ।

नेपाली कांग्रेसका क्षेत्रिय सभापति समेत रहेका अध्यक्ष सहाबुदिनको अध्यक्षतामा भएकाे कार्यक्रममा कांग्रेस पर्साका उप सभापति राम नारायण प्रसाद कुर्मी, नेता दिना प्रसाद गुप्ता, नरेन्द्र साह लगायतका नेता तथा कार्यक्रताको उपस्थिति रहेको थियो भने कार्यक्रमको संचालन हरिनारायण प्रसाद यादव र स्वागत दिलिपराज कार्कीले गरेका थिए ।

कम्युनिष्ट हुन लागेका नेता सिंह फेरी मधेशवादी मै फर्किए

0

वीरगंज । नेकपा एमाले प्रबेश गर्ने घाेषणा गरेका लोकतान्त्रिक समाजवादी पार्टी (लोसपा) का नेता राजेशमान सिंह साेमबार जनता समाजवादी पार्टी (जसपा) प्रवेश गरेका छन् । वीरगंजस्थित नगर सभा गृहमा आयाेजित पार्टी प्रबेश कार्यक्रम मार्फत जसपाका संघिय परिषद अध्यक्ष डा. बाबुराम भट्टराई र केन्द्रिय अध्यक्ष उपेन्द्र यादवले नेता सिंहलाई पार्टी प्रबेश गराएका छन् ।

नेता सिंहसंगै लाेसपाका नेता प्रेमबाबु पटेल, मुकेश द्विवेदी, उमेश सहनी, आषुताेष चतुर्वेदी, रामानन्द पटेल, मदन गुप्ता, मदन यादव, माओवादी केन्द्रबाट वीरगंज महानगरपालिका वडा नं. ५ का सुशिल क्षेत्री लगायतकाले जसपा प्रबेश गरेका हुन् ।

यसअघि माघ २८ गते नेता सिंहले पत्रकार सम्मेलन मार्फत एमालेमा प्रवेश गर्ने घोषणा गरेका थिए । तर, सिंह प्रवेश गर्नुअगावै वीरगंज महानगरपालिकाका मेयर विजय कुमार सरावगीले जसपा त्याग गरी एमाले प्रवेश गरेपछि सिंह असन्तुष्ट देखिएका थिए । 

कांग्रेस प्रवेश गर्न प्रयास असफल भएपछि मेयर सरावगी गत फागुन २८ मा एमाले प्रवेश गरेका थिए । एमाले अध्यक्ष एवं पूर्वप्रधानमन्त्री केपी शर्मा ओली नेसनल मेडिकल कलेजका सञ्चालक बसरुद्दिन अन्सारीको घरमा आयोजना भएको एक वैवाहिक कार्यक्रममा सहभागी हुन आउँदा मेयर सरावगीलाई टिका लगाएर पार्टी प्रवेश गराएका थिए ।

एमाले प्रबेशकाे तयारीमा रहेका नेता सिंह अगावै मेयर सरावगी एमाले प्रबेश गरेपछि वीरगंजकाे राजनितिक चक्र एकासि फेरिएका थिए । मधेशवाद त्याग गरेर एमाले प्रबेश गर्न लागेकाे सिंहकाे आलाेचना नसेलाउँदै एमालेमा मधेशवादी दलबाट मेयरमा निर्वाचित भएका सरावगी एमाले प्रबेश गरेपछि उनकाे चक्राे आलाेचना सुरु भएकाे थियाे । एमालेले वीरगंज महानगरको नगरप्रमुखमा उम्मेदवार बनाउने आश्वासन पाएर नेता सिंहले एमाले प्रवेश गर्ने घोषणा गरेको चर्चा समेत चलेको थियो । 

तर नेता सिंह अघि मेयर सरावगी एमाले प्रबेश गरेपछि सिंहलाई जसपा प्रबेश गराउन प्रयास सुरु भएकाे थियाे । पर्सा क्षेत्र नं. १  प्रतिनिधि सभा सदस्य एवम् जसपाका नेता प्रदिप यादवकाे पहलमा त्याे प्रयास साेमबार आएर सफल भएकाे हाे ।

जसपाले नेता सिंहलाई आगामी स्थानीय तहको निर्वाचनमा वीरगञ्ज महानगरपालिकाको मेयर लडाउने आश्वासन दिएर पार्टी प्रबेश गराएकाे चर्चा छ । चर्चा अनुसार अब नेता सिंह जसपाबाट वीरगंज महानगरकाे मेयरमा चुनाव लड्ने छन् भने उप मेयरमा सांसद प्रदिप यादवकी श्रीमती पिंकी यादवले चुनाव लड्ने छिन् ।

गत स्थानिय तहकाे निर्वाचनमा सिंह तत्कालिन राष्ट्रिय जनता पार्टीबाट वीरगंजकाे मेयरमा चुनाव लडेका थिए । तेस्रो स्थान ल्याएका  सिंहले १२ हजार १६५ मत प्राप्त गरेका थिए । 

वीरगंज र पाेखरियामा एकै दिन जसपाकाे पार्टी प्रबेश कार्यक्रम

0

वीरगंज । पर्साकाे सदरमुकाम वीरगंज र पाेखरियामा साेमबार जनता समाजबादी पार्टी (जसपा) काे बृहत पार्टी प्रबेश कार्यक्रम हुने भएकाे छ । जसपाकाे जिल्ला समन्वय समिति पर्साकाे आयाेजनामा वीरगंजमा र पर्सा क्षेत्र नम्बर ३ काे आयाेजनामा पोखरियामा चैत्र ७ गते सोमबार आमसभा तथा बृहत पार्टी प्रवेश कार्यक्रम हुन लागेकाे हाे ।

आमसभा जसपाका केन्द्रीय अध्यस्क्ष एवम् पूर्व उप-प्रधानमन्त्री उपेन्द्र यादवको प्रमुख अतिथ्यमा हुने बताईएको छ । वीरगंज नगर सभा गृहमा हुने कार्यक्रममा राजेशमान सिंह लगायतका नेता तथा कार्यकर्ताहरु पार्टी प्रवेश गर्ने छन् भने पाेखरियामा हुने कार्यक्रममा लाेसपाका नेता राजु साह लगायकाले पार्टी प्रबेश गर्ने छन् ।

 साेमबार हुने कार्यक्रमको सम्पूर्ण तयारी पूरा भईसकेको जसपा पर्साका नेताहरुले जनाएका छन् । 

चाेरीकाे माेटरसाइकलसहित एक जना पक्राउ

0

वीरगंज । प्रहरीले चाेरीकाे माेटरसाइकलसहित एक जनालाई पक्राउ गरेकाे छ । वीरगञ्ज महानगरपालिकाकाे वडा नं.१४ बस्ने वर्ष २३ को सुमन पटेललाई प्रहरीले पक्राउ गरेकाे हाे ।

वीरगञ्ज महानगरपालिका वडा नं.१६ नगवा बस्ने बर्ष ३० को नेजामुल हक अन्सारीको नाममा दर्ता रहेका ना.५५ प. ४९८६ नम्बरको रोयल ब्लू रंगको १५० CC को पल्सर मोटरसाइकलसहित पटेललाई पक्राउ गरिएकाे जिल्ला प्रहरी कार्यालय पर्साले जनाएकाे छ ।

शुक्रबार विहान १० बजे सवारीधनीकाे घर आँगनमा पार्किङ गरी राखिएको अवस्थामा पटेलले लक तोडी चोरी गरी लगी सिर्सिया ड्राईपोर्ट भित्र पुरानो कन्टेनर भित्र लुकाइ छिपाई राखिएको खुल्न आएको हुँदा उक्त मो.सा.बरामद गरी  निजमाथि चोरी कसूरमा अनुसन्धान भैरहेको व्यहोरा जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

पर्सामा दिनहुँ जसाे माेटरसाइकल चाेरहरु पक्राउ परे पनि प्रहरीकाे फित्लाे गस्तीका कारण माेटरसाइकल चाेरीकाे घटनामा कमी आउन सकेकाे छैन ।