Date
बिहि, मंसिर ३, २०८३
Thu, November 19, 2026
Home Blog Page 698

माेटरसाइकल चाेरीकाे आराेपमा ४ जना पक्राउ

0

वीरगंज । चाेरीकाे ८ वटा माेटरसाइकलसहित ४ जनालाई प्रहरीले पक्राउ गरेकाे छ । बाराकाे काेल्वी नगरपालिका वडा नं. १ निवासी २३ बर्षिय अच्छेलाल चाैधरी, वीरगंज महानगरपालिकाकाे वडा नं. २५ निवासी २० बर्षिय आकाश कुमार पटेल, साेही ठाउँ निवासी २८ बर्षिय दिपेन्द्र प्रसाद पटेल र वीरगंज महानगरपालिका कै २९ बर्षिय मनिर मियाँ अन्सारीलाई प्रहरीले पक्राउ गरेकाे हाे ।

प्रहरीका अनुसार वीरगञ्ज महानगरपालिकाकाे वडा नं.१ बस्ने सन्जु रामको प्रदेश २-०३-०१८ प ००१८ नम्बरको २०० सिसिकाे रातो कालो रंगको पल्सर मोटरसाइकल मंगलबार राती १०:३० बजे चाेरी भएकाे थियाे । वीरगञ्ज महानगरपालिकाकाे वडा नं.२ स्थित सडकको छेउमा पार्किङ गरी राखिएको अवस्थामा पक्राउ परेका मध्येका अच्छेलाल चौधरीले लक तोडी चोरी गरी भागेका थिए ।

माेटरसाइकल चाेरी भएकाे थाहा पाए लगतै चेकिङ ड्युटीमा खटिएको टोलीले वीरगंज महानगरपालिकाकाे वडा नं. ३ छप्कैया वीट अगाडिबाट मानिससहित माेटरसाइकल नियन्त्रणमा लिई चोरी कसूरमा अनुसन्धान थालेकाे जिल्ला प्रहरी कार्यालय पर्साले जनाएकाे छ ।

यस्तै वीरगञ्ज महानगरपालिकाकाे वडा नं.१४ निवासी दिनेश प्रसाद राउतको ना. ३४ प १९२८ नम्बरको कालो रंगको सुपर स्प्लेण्डर मोटरसाइकल चैत ४ गते राती १०:३० बजे चाेरी भएकाे थियाे । वीरगञ्ज महानगरपालिकाकाे वडा नं.२५ स्थित सडक छेउमा पार्किङ गरी राखेको अवस्थामा चोरी गरी उक्त नम्बर प्लेट हटाई ना. २५ प १४६६ नम्बर प्लेट लगाइ चलाउदै गरेको खुल्न आएकाे थियाे । 

त्यसपछि जिल्ला प्रहरी कार्यालयबाट खटिएको टोलीले मंगलबार दिउसाे १:३० बजे वीरगंज महानगरपालिकाकाे वडा नं. २० हरपतगञ्जबाट बरामद गरी ल्याई अनुसन्धान भैरहेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

साथै उक्त स्थानमा कागजपत्र नभएका अन्य ६ वटा मोटरसाइकल समेत फेला परेकोले सो मोटरसाइकल समेत बरामद गरी अन्य ३ जनालाई नियन्त्रणमा लिई चोरी सम्बन्धी कसूरमा अनुसन्धान भइहेकाे उनले जानकारी गराए ।

चुनाव प्रचार प्रसारमा लाग्ने निर्णय

0

वीरगंज । नेपाली काँग्रेस वीरगंज महानगरपालिका वडा नं. १० बुथ समितिकाे बैठक बुधबार सम्पन्न भएकाे छ । बुथ सभापति राम नगिना प्रसाद कानुको सभापतित्वमा बसेकाे बैठकले बुथ कमिटीलाई पूर्णता दिने निर्णय गरेको छ ।

यस्तै बैठकले बैशाख ३० गते हुने निर्वाचनलाई मध्य नजर गर्दै चुनाव प्रचार प्रसारमा लाग्न र अगामी बैठक चैत १९ गते सनिबार बस्ने निर्णय भएकाे समितिका राहुल गुप्तालले जानकारी दिए । 

उक्त बैठकमा बुथ कमिटी उपाध्यक्ष आतमाराम गुप्ता, राकेश कुमार साह, सचिव भैरव बहादुर महर्जन, सह सचिव दिपक कुमार साह कानु, शुभनारायण पटेल, सदस्यहरु आकास गुप्ता, शुमेश्वर साह, सुनिल कुमार गुप्ता, नितेस चौधरी, सुनिल कुमार कलवाको उपस्थिति रहेको थियो ।

काँग्रेस पर्साकाे जिल्ला कार्य सम्पादन र संसदीय समिति गठन

0

वीरगंज । नेपाली काँग्रेस पर्साले जिल्ला कार्य सम्पादन समिति र जिल्ला संसदीय समिति गठन गरेकाे छ । जिल्ला सभापति जनार्दन सिंह क्षेत्रीकाे अध्यक्षतामा मंगलबार बसेकाे बैठकले पार्टीको बिधान अनुसार कार्य सम्पादन र संसदीय समिति गठन गरेकाे कांग्रेस पर्साका प्रवक्ता रमेश पाण्डेले जानकारी दिए ।

गठित जिल्ला कार्यसम्पादन समितिमा पेदेन सभापति जनार्दन सिंह क्षेत्री, उपसभापति रामनारायण कुर्मी, अशोक गुप्ता, सचिव इम्तियाज आलम, दिनेश चौधरी, सह सचिव नविन कुमार सिंह, मदन राउत अहिर र कोषाध्यक्ष प्रेम बहादुर थापा रहेका छन् ।

यस्तै कार्य सम्पादन समितिकाे मनोनित सदस्यमा चन्द्रावति देवी, दोरिका महतो, जितेन्द्र पुरुष ढकाल, तुलसा राम चौधरी, राजेश्वरप्रसाद यादव, हिरा साह, ललन द्विवेदी, शैलेन्द्र यादव, फजिल मियाँ तेली, ढेढी यादव, किरण गुप्ता, रमेश पाण्डेय, सुरेन्द्र यादव, होममाया थापा र मोहन चौधरी थारु रहेका छन् ।

जिल्ला संसदीय समितिकाे पेदेन सभापति जनार्दन सिंह क्षेत्री, सचिव इम्तियाज आलम, दिनेश चौधरी र सदस्यमा उपसभापति रामनारायण कुर्मी, अशोक गुप्ता, सह सचिव नविन कुमार सिंह, मदन राउत अहिर, कोषाध्यक्ष प्रेम बहादुर थापा, सदस्यहरु रमेश पाण्डेय, जतन राउत, गम्भीरा साह, ललन द्विवेदी, माधव राउत थारु रहेका छन् ।

मंगलबार बसेकाे जिल्ला कार्य समितिकाे बैठकमा पार्टीको बिधान अनुसार कार्य सम्पादन समिति र संसदिय समितिमा सभापतिबाट प्रस्तावित भइ आएकाे नामहरु सर्वसम्मत अनुमोदन भएको प्रवक्ता पाण्डेले जानकारी गराए ।

वीरगंजस्थित आत्माराम ओझा र दु:खा सहनी स्मृति भवनमा रहेकाे पार्टी कार्यालयमा बुधबार आयाेजित पत्रकार सम्मेलनमा प्रवक्ता पाण्डेले बैशाख ३० गते हुने स्थानिय तहकाे निर्वाचनकाे लागि पार्टीले उम्मेदवार छनाैट पक्रिया समेत सुरु गरेकाे वताए ।

उनले वडादेखि गाउँपालिका सम्मकाे उम्मेदवार छनाैट गर्ने जिम्ला समितिकाे, नगरपालिकाकाे प्रदेश समितिकाे, उपमहानगरपालिका र महानगरपालिकाकाे केन्द्रिय समितिकाे अधिकार रहेकाे वताउँदै साेही अनुसार उम्मेदवार छनाैट पक्रिया सुरु गरिएकाे जानकारी गराए ।

उम्मेदवारकाे नाम चैत २० गते सम्म जिल्ला समितिलाई सिफारिस गर्न वडा, गाउँ र नगर समितिलाई पत्रचार समेत गरिसकिएकाे वताए । पत्रकारकाे जिज्ञासामा वाेल्दै प्रवक्ता पाण्डेले गठबन्धन भएपनि वीरगंज महानगरकाे मेयरमा हाम्राे दावी रहेकाे वताए ।  

कांग्रेस पर्साकाे प्रवक्तामा पाण्डे र काेषाध्यक्षमा थापा चयन

0

वीरगंज । नेपाली कांग्रेस पर्सा जिल्ला कार्य समितिकाे बैठक मंगलबार सम्पन्न सम्पन्न भएकाे छ । जिल्ला सभापति जनार्दन सिंह क्षेत्रीकाे सभापतित्वमा बसेकाे बैठकले  प्रेमबहादुर थापालाई कोषाध्यक्ष र रमेश पाण्डेलाई प्रवक्तामा चयन गरेको छ।

यसैगरी बैठकले बैशाख ३० गते हुने स्थानिय तहकाे निर्वाचनकाे लागि उम्मेदवारकाे सिफारिस माग गरेकाे छ । बैठककाे निर्णय अनुसार जिल्ला भरीका सबै पालिकाले चैत २० गते सम्म उम्मेदवारकाे नाम सिफारिस गर्नु पर्ने छ ।

वडाध्यक्षकाे उम्मेदवार वडा समितिले सिफारिस गरेर पालिका समितिमा पठाउनु पर्ने छ भने पालिका प्रमुख र उप प्रमुखकाे उम्मेदवार पालिका समितिले सिफारिस गरि जिल्ला समितिलाई पठाउनु पर्ने छ । त्यसपछि अन्तिम उम्मेदवारकाे टुंगाे जिल्ला समितिले लगाउने छ ।

पार्टी कांर्यालय वीरगंजमा बैठकमा जिल्ला उप सभापति रामनारायण कुर्मी, अशाेक गुप्ता, सचिव दिनेश चाैधरी, सह सचिव नविन सिंह लगायतका विभिन्न पालिकाका अध्यक्षहरुकाे सहभागिता रहेकाे थियाे ।

संघीय निजामती सेवा ऐन जारी गर्न माग गर्दै प्रधानमन्त्रीलाई ज्ञापन

0

वीरग‌ज । नेपाल निजामती कर्मचारी यूनियन पर्साले प्रमुख जिल्ला अधिकारीमार्फत प्रधानमन्त्रीलाई ज्ञापन पत्र बुझाएकाे छ । कर्मचारी यूनियनले देशभर जस्तै पर्साबाट पनि यथाशीघ्र संघीय निजामती सेवा ऐन जारी गर्न माग गर्दै प्रधानमन्त्रीलाई ज्ञापन पत्र बुझाएकाे हाे ।

कर्मचारी यूनियन पर्साका अध्यक्ष विजय कुमार गुप्ताद्वारा हस्ताक्षरित ज्ञापन पत्रमा देश संघीय राज्य व्यवस्थामा गएको लामो समयसम्म पनि संघीय शासन प्रणालीको कार्यान्वयनको लागी संघ, प्रदेश तथा स्थानीय तहको कर्मचारी प्रशासन व्यवस्थापन एवं मार्ग दर्शन गर्ने छाता कानूनको रुपमा रहेको संघीय निजामती सेवा ऐन जारी नहुदाँ मुलुकको सार्वजनिक प्रशासन अन्योल र स्थिरताको भुमरीमा परेकाे उल्लेख गरिएकाे छ ।

सार्वजनिक सेवा प्रवाहको प्रमुख माध्यमको रुपमा रहेको देशको निजामती सेवालाई व्यवस्थापन गर्ने विषय सरकारको प्राथमिकतामा नपर्नु गम्भीर चिन्ताको विषय हो । यस विषयमा नेपाल निजामती कर्मचरी यूनियन ले नेपाल सरकार र सरोकारवाला निकायलाई पटक पटक ध्यानाकर्षण गराउदैँ आएको कर्मचारी यूनियनले जनाएकाे छ ।

पर्साका प्रमुख जिल्ला अधिकारी उमेश कुमार ढकाल मार्फत बुझाइएकाे ज्ञापन पत्रमा समग्र कर्मचारीको साझा हित र निजामतीमा प्रशासनको मार्गदर्शनको रुपा रहेको ऐन निर्माणको प्रक्रियामा सरोकारवाला पक्षहरुको अर्थपूण सहभागिता अपरिहार्य रहेकोले यस्ता विषयमा सम्बन्धित पक्षहरुसंग सघन छलफलको आवश्यकता रहेको पनि उल्लेख गरिएकाे छ ।

सो कार्यलाई मनन गर्दै नेपाल सरकारले सरोकारवाला पक्षहरुको सहमतिमा निजामती प्रशासनलाई संघीय शासन अनुरुपको ढाचामा व्यवस्थित गरी सेवा प्रवाहलाई चुस्त दुरुस्त, प्रभावकारी, पारदर्शी एवं नागरिक मैत्री गराउने कार्यमा सहयोग पुग्ने गरी ऐन जारी गर्ने र सो ऐनले नेपालको प्रशासन विकासमा कोशो ढुंगाको स्पमा भूमिका खेल्नेछ भन्ने विश्वास समेत व्यक्त गरिएकाे छ ।

सरकारद्वारा सार्वजनिक प्रशासनका विश्वव्यापी आधारभूत मूल्य मान्यता एवं कानुनका सर्वमान्य सिद्धान्त समेतलाई मनन गरी नेपाल निजामती कर्मचारी युनियनबाट विभिन्न मिति तथा समयमा पेश भएका यसै साथ संलग्न सुझावहरु समेतलाई समेटी यथाशीघ्र संघीय निजामती सेवा ऐन जारी गर्न प्रमुख जिल्ला अधिकारी मार्फत कर्मचारी यूनियन नेपाल सरकार समक्ष जोडदार माग गरेकाे छ ।

ज्ञापन पत्र बुझाउन जिल्ला प्रशासन कार्यालय पर्सामा कर्मचारी यूनियनका केन्द्रिय उपाध्यक्ष अशाेक राैनियार लगायतका दर्जनाैं कर्मचारीहरु पुगेका थिए ।

सखुवा प्रसाैनी गाउँपालिकाकाे प्रशासनिक भवनकाे शिलान्यास

0

वीरग‌ंज । पर्साकाे सखुवा प्रसाैनी गाउँपालिकाे प्रशासनिक भवनकाे पूर्व उप प्रधानमन्त्री एवम् जनता समाजवादी पार्टी (जसपा) नेपालका अध्यक्ष उपेन्द्र यादवले शिलान्यास गरेका छन् ।

गाउँपालिकाकाे वडा नं. २ पंचगावा बजारस्थित गाउँपालिका अध्यक्ष प्रदिप जससवालका बुवा रामेश्वर प्रसाद कलवार र आमा कलवाती देवीले दान गर्नु भएकाे  ९ कठ्ठा २ धुर जग्गा निर्माण हुने भवनकाे अध्यक्ष यादवले शिलान्यास गरेका हुन् ।

भवन शिलान्यास कार्यक्रमलाई सम्बाेधन गर्दै अध्यक्ष यादवले अहिलेकाे समयमा अध्यक्ष जयसवालका आमा-बुवा जस्ताे दानबिर कमै मान्छे पाउने भन्दै प्रशंसा समेत गरेका थिए । 

वडा नं. ३ का वडाध्यक्ष सलिम मियाँ अन्सारीकाे अध्यक्षतामा भएकाे कार्यक्रममा अध्यक्ष यादवले जग्गा दाता अध्यक्ष जससवालका बुवा-आमालाई फुल माला र दाेसल्ला ओढाएर सम्मान समेत गरेका थिए । 

हेलिकेप्टरबाट गाउँपालिकाकाे भवन शिलान्यास गर्न अध्यक्ष यादव काठमाडाैंबाट सिधै सखुवा प्रसाैनी पुगेका थिए ।

भवन शिलान्यास कार्यक्रममा संघिय सांसद प्रदिप यादव, जसपा नेता राजेशमानसिंह, प्रदेश सांसद मनजुर अन्सारी, करिमा बेगम, जसपा पर्साका अध्यक्ष रामनरेश यादव, गाउँपालिका अध्यक्ष प्रदिप जयसवाल, गाउँपालिकाका प्रमुख प्रशासकिय अधिकृत देवनाथ साह लगायतकाले मन्तव्य राखेका थिए भने कार्यक्रमकाे संचालन जसपा पर्साका सचिव तबरेज अहमदले गरेका थिए ।

श्री बौद्धिमाई पिपरा युवा क्लबकाे प्रथम बार्षिकाेत्सव सम्पन्न

0

वीरगंज । श्री बौद्धिमाई पिपरा युवा क्लबकाे प्रथम बार्षिकाेत्सव आइतबार सम्पन्न भएको छ । वार्षिकाेत्सवकाे अवसरमा आयाेजित कार्यक्रमकाे उदघाटन पर्सा क्षेत्र नं. १ का संघिय सांसद प्रदिप यादवले गरेका थिए ।

कार्यक्रमलाई प्रमुख अतिथीकाे रुपमा सम्बाेधन गर्दै सांसद यादवले समाज परिवर्तनकाे लागि क्लबकाे भूमिका महत्वपूर्ण भएकाे वताए । उनले समाजमा भएकाे कुरुतीलाई हटाउन र सभ्य समाज बनाउन क्लबले भुमिका खेल्नु पर्ने वताए ।

कार्यक्रममा एलएस न्युराे अस्पतालका संचालक डा. श्याम बाबु प्रसाद कुर्मी, जसपाका नेता राजेशमान सिंह, प्रेम बाबु पटेल, मुकेश द्विवेदी, वडाध्यक्ष भारत प्रसाद कुर्मी, युवा समाज पिपराका अध्यक्ष अनिल पटेल लगयातले शुभकामना मन्तव्य राखेका थिए । 

क्लबका अध्यक्ष संदीप पटेलकाे अध्यक्षतामा भएकाे कार्यक्रममा गाउँका अगुवा समाजसेवी, बुद्धिजीवी लगयात ३० जनालाई गमछा, प्रमाण पत्र र मायाको चिनो दिएर सम्मान समेत गरिएकाे थियो ।

गाउँपालिकाकाे भवन निर्माणकाे लागि अध्यक्ष जयसवालकाे आमा-बुवाद्वारा जग्गा दान

0

वीरग‌ंज । पर्साकाे सखुवा प्रसाैनी गाउँपालिकाकाे भवन निर्मणकाे लागि गाउँपालिका अध्यक्ष प्रदिप जयसवालका आमा-बुवाले जग्गा दान गरेका छन् । अध्यक्ष जयसवालका बुवा रामेश्वर प्रसाद कलवार र आमा कलवाती देवीले ९ कठ्ठा २ धुर जग्गा दान गरेका हुन् ।

गाउँपालिकाकाे वडा नं. २ पंचगावा बजारस्थित दान गर्नु भएकाे जग्गामा निर्माण हुने गाउँपालिकाको प्रशासनिक भवनकाे भुमि पुजन कार्यक्रम साेमबार हुने भएकाे छ । पूर्व उप प्रधानमन्त्री एवम् जनता समाजवादी पार्टी नेपालका अध्यक्ष उपेन्द्र यादवकाे प्रमुख आतिथ्यतामा हुने भुमि पुजन कार्यक्रमकाे सम्पूर्ण तयारी पुरा भएकाे गाउँपालिका अध्यक्ष प्रदिप जयसवाले वताए । 

यता नेकपा एमाले, नेपाली कांग्रेस लगायतका केही राजनीतिक दलले गाउँ कार्यपालिकाकाे कार्यालय सखुवा प्रसाैनीमा तालाबन्दी गरेका छन् । 

कार्यालय समय सकाएर कर्मचारीहरु घर तर्फ लाग्दा केही राजनितिक दलका व्यक्तिहरुले गाउँपालिका कार्यालयमा आएर तालाबन्दी गरेकाे जानकारी प्राप्त भएकाे गाउँपालिका अध्यक्ष जयसवाले वताए ।

उनले साेमबार हुने गाउँ कार्यापालिका कार्यालयकाे भवन शिलान्यास कार्यक्रमलाई नै प्रभावित पार्ने उद्देश्यले तालबन्दी गरिएकाे वताए ।

उनले भने “अन्य पालिकाकाे तुलनामा सखुवाप्रसाैनी गाउँपालिकाकाे काम कारवाहिमा विभिन्न वहाना बाजी गरी पटक पटक विपक्षी दलले अवराेध गर्दै आएका छन् । आज पनि प्रमुख प्रशासकिय अधिकृतले राजनीतिक दलकाे माग बमाेजिम कागजात बुझाएर साझ ५ बजे कार्यालय बन्द गरि कर्मचारिसहित हिडेपछि ताला बन्दी गरेकाे संचार माध्यममा भन्नुकाे कुनै तुक छैन ।” 

अध्यक्ष जयसवालले निर्वाचन नजिकिएस‌ंगै मेराे पक्षमा जन लहर भए कै कारण केही गाउँपालिका अध्यक्षका प्रत्यासीसहिहरुले अवराेधकाे राजनीतिक सुरु गरेकाे वताए । 

चुनाव नजिकिसंग जनतामा जानू पर्नेमा विपक्षि दलहरूले कार्यालयकाे काममा अवराेध पुर्याउन खाेजेका छन् । जस कारण गाउँपालिकावासिहरूले नै सास्ती खेप्नु पर्ने अध्यक्ष जसवाले कालिका टाईम्ससंग संक्षिप्त कुरा गर्दै वताए ।

वीरगंजबाट जनकपुरको लागि छुटेको यात्रुवाहक बस दुर्घटना हुँदा चारको मृत्यु, दर्जनौ घाईते

0

वीरगंज । पूर्व पश्चिम लोकमार्ग अन्तर्गत सर्लाहीको लालबन्दीमा यात्रुबाहक बस दुर्घटना हुदाँ ४ जनाको मृत्यु भएको छ भने, ३१ जना यात्रु घाईते भएका छन ।

वीरगंजबा आइतबार बिहान जनकपुरको लागि छुटेको ना ४ ख ८५५५ नम्बरको यात्रुबाहक बस आफै अनियन्त्रित भई पूर्व पश्चिम लोकमार्ग अन्तर्गत सर्लाहीको लालबन्दी १७ लाफुलजोर फुलबाट ९ मिटर तल बस खसेर दुर्घटना भएको थियो ।

दुर्घटनामा परी चार जनाको उपचारको क्रममा मुत्यु भएको छ । मृत्यु हुनेमा भारत बेतिया बेलसन्धि कोडार पिपरा पंचाय बस्ने २४ बर्षका सुनिल यादव, सिन्धुलि तिनपट्टा गा.पा. २ बस्ने अर्जिन श्रेष्ठको श्रीमती ३० बर्षिय शर्मिला कार्की श्रेष्ठ रहेको जिल्ला प्रहरी कार्यालय सर्लाहीले जनाएको छ ।

दुर्घटनामा परी ज्यान गुमाएका १ जना पुरुष र १ जना महिलाको भन्ने अहिले सम्म सनाखत हुन नसकेको प्रहरीले जनाएको छ । उनीहरुको सनाखत गर्ने काम भईरहेको प्रहरीले जनाएको छ । मृतक चारै जनाको शव प्रादेशिक अस्पताल सर्लाहीमा राखिएको प्रहरी निरिक्षक निर्मल थापाले जनाए ।

दुर्घटनामा ३१ जना यात्रुहरु घाईते भएका छन । घाईतेहरुलाई उद्दार गरी उपचारको लागि लालबन्दी स्थित विभिन्न अस्पतालमा पठाईएको प्रहरी निरिक्षक थापाले बताए ।

करिब साढे ११ बजे बस दुर्घटनाको खबर पाउँन साथ जिल्ला प्रहरी कार्यालय सर्लाहीका प्रहरी निरिक्षक थापा र ईलाका प्रहरी कार्यालय केशरगंजका प्रहरी निरिक्षक जनकराज ढुंङगानाको नेतृत्वमा रहेको ४२ जनाको प्रहरी टोलीले घाईतेलाई उद्दार गरी स्थानिय अस्पतालमा उपचारको लागि पु¥याएका थिए ।

कालिकामाईकाे बलुवामा कांग्रेसकाे टाेल समिति गठन, वडा सदस्यले गरिन प्रबेश

0

वीरगंज । पर्साकाे कालिकामाई गाउँपालिका वडा न‌ं. ४ प्रशुरामपुरकी वडा सदस्य जानकी देवी दास र उनकाे श्रीमान नन्दु दास नेपाली कांग्रेसमा प्रबेश गरेका छन् ।

तत्कालिन संघिय समाजवादी फाेरमबाट वडा सदस्यमा निर्वाचित जानकी र उनकाे श्रीमान आइतबार कांग्रेस प्रबेश गरेका हुन् । दुबै जनालाई अविरकाे टिका लगाएर कांग्रेसका गाउँपालिका सभापति छठु साहले पार्टीमा स्वागत गरेका थिए ।

यसै बिच कालिकामाई गाउँपालिकाकाे वडा नं. ४ कट्टी बलुवामा आइतबार नेपाली कांग्रेसकाे टाेल समिति गठन भएकाे छ । कांग्रेसकाे टाेल भेलाले हरदेव सहनीकाे सभापतित्वमा ४१ सदस्यीय टाेल समिति गठन गरेकाे हाे ।

नवगठित टाेल समितिकाे उप सभापतिमा नथुनी दास, प्रेम दास, सचिवमा विनय साह, वागड महताे काेइरी, उप सचिवमा उमेश साह, पानालाल दास, काेषाध्यक्ष नन्दु दास, सदस्यमा मुन्ना दास, रामानन्द सहनी, प्रमाेद साह, कमल ठाकुर, नन्दु साह गाेढ, भुखल दास, रामबाबु दास, रामबाबु दास, प्रभु सिंह, विगा सहनी, सुरेश दास, पहवारी दास, राजकुमार साह, बुधन दास, दिनेश दास, लक्ष्मण दास, अमिरका दास लगायतका रहेका छन् ।

कांग्रेसकाे गाउँपालिका सभापति छठु साह, वडा सभापति  सिकन्दर देवान, वडाध्यक्षका उम्मेदवार संजय साहकाे विशेष उपस्थितीमा समिति गठन भएकाे हाे ।