Date
बिहि, मंसिर ३, २०८३
Thu, November 19, 2026
Home Blog Page 697

पाेखरियामा डिजिटल मार्केटिङ सम्बन्धि तालिम सम्पन्न

0

वीरगंज । पर्साकाे पाेखरियामा डिजिटल मार्केटिङ सम्बन्धि ६ दिने तालिम शुक्रबार सम्पन्न भएकाे छ । पाेखरिया नगरपालिकाकाे आयाेजनामा पाेखरिया नगरपालिकाकाे बैठक कक्षमा भएकाे तालिम सम्पन्न भएकाे हाे ।  

गाउँका किशाेरीहरुलाई आधुनिक प्रविधि बारे जानकारी गराउन र व्यक्तित्व विकासमा सहयाेग तथा राेजगारीकाे लागि क्षमता बढाउने उद्देश्यले तालिम आयाेजना गरिएकाे पाेखरिया नगरपालिकाकी उप मेयर सलमा खातनुले वताइन ।

उपमेयर खातुनकाे अध्यक्षता र पूर्व शिक्षक एवं समाजसेवी बच्चन श्रीवास्तवकाे प्रमुख आतिथ्यमा भएकाे तालिम समापन कार्यक्रममा वुमन सकल सेन्टरका अध्यक्ष चन्चला दास, मातेश्वररी ट्राभल्सका अध्यक्ष दिपिका कार्कीले मन्तव्य राख्दै तालिमबाट सिखेकाे कुरा व्यहारमा लागु गर्न तालिमका सहभागिहरुलाई सुझाव दिएका थिए ।

नगरपालिका अन्तर्गतका विभिन्न वडाका किशाेरीहरुकाे सहभागिता रहेकाे तालिममा प्रशिक्षक हिमांशु बर्णवालले प्रशिक्षण दिएका थिए ।

प्रजनन् स्वास्थ्य सम्बन्धि घुमति शिविर सम्पन्न 

यसैगरी पाेखरीया नगरपालिकाकाे वडा नं. ३ बसन्तपुरमा पाठेघरकाे मुखमा क्यान्सर र स्तन क्यान्सर लगायतका प्रजनन् स्वास्थ्य राेग पहिचान सम्बन्धि घुम्ति शिविर सम्पन्न भएकाे छ । 

पाेखरिया नगरपालिकाकाे स्वास्थ्य शाखाकाे आयाेजनामा बसन्तपुर स्वास्थ्य चाैकीमा भएकाे शिविरमा ४८ जना महिलाले चेकजाँच गराएकाे उप मेयर खातनुले जानकारी दिइन । जसमध्ये प्रजनन् सम्बन्धि विभिन्न राेगसँगै ६ जनाले अपरेशन गराउनुपर्ने देखिएकाे उनले वताइन ।

दाेस्राे चरणमा यही चैत २० गते आइतबार पाेखरीया अस्पतालमा शिविर सञ्चालन हुने समेत खातुनले जानकारी गराइन । यश चेकजाँच अभियानमा परीक्षण गरिएका महिलाकाे प्रदेश स्वास्थ्य निर्देशनालयकाे सहयाेगमा निशुल्क अपरेशन समेत गरिने उप मेयर खातुनले वताइन ।

हरवा चरवा अधिकार मंच र दलित प्रदेश सभा मंच बिच अन्तरक्रिया

0

वीरग‌ंज । रास्ट्रिय हरवा चरवा अधिकार मंच र दलित प्रदेश सभा मंच बीच शुक्रबार अन्तरक्रिया सम्पन्न भएको छ ।

जनकपुरको होटेल वेलकममा आयोजित अन्तरक्रियालाई सम्बोधन गर्दै नेकपा एकीकृत समाजबादीका पोलिटब्युरो सदस्य एवं मधेस प्रदेश सभा सदस्य रबिन्द्र बैठाले मधेस प्रदेशमा बिधमान रहेको हरवा चरवाको अवस्था दैनिय रहेकोले ब्यवस्थापनको लागि आफू प्रदेश सभामा जोडदार अवाज उठाउने प्रतिबद्धता जनाए ।

सांसद बैठाले अधिकत्म हरवा चरवा दलित समुदाय नै भएको बताउँदै दलित कल्सटर जस्तै हरवा चरवा कल्सटर बनाएर बृती बिकासमा राज्यले योग्दान गर्नु पर्ने बताए ।  

एकीकृत समाजबादी मधेस प्रदेश सभाका प्रमुख सचेतक सुन्दर बिशवकर्माले दलित समुदायको लागि ल्याइएको जनता अवास जस्तै हरवा चरवा आवास आयोजना ल्याइ हरवा चरवाहरुको आवासको समस्या समाधान गर्नु पर्नेमा जोड दिए ।

रास्ट्रिय हरवा चरवा अधिकार मंचका अध्यक्ष दर्शन मण्डलकाे अध्यक्षतामा भएकाे अन्तरक्रियामा महासचिव लगेन्द्र सदा, राष्ट्रिय दलित नेटवोर्कका टिम लिडर हुकुम सार्की, जन वकालत अधिकृतहरु रुपनरायण पासवान, संजय महरा लगायतले मन्तब्य ब्यक्त गरेका थिए ।

अन्तरक्रिया पछि मंचका पदाधिकारीहरु प्रदेश सांसद रबिन्द्र बैठा, सुन्दर बिशवकर्मालाई आफ्ना समस्याहरू समाधानको लागि प्रदेश सभामा उठाइ दिनको लागि ज्ञापन पत्र बुझएका थिए ।

त्यसै गरि हरवा चरवा अधिकार मंचको एक टोलिले मधेस प्रदेसको भुमी ब्यवस्था तथा कृषि मन्त्रालयसंग समेत संवाद गरेको राष्ट्रिय दलित नेटवोर्कका जनवकालत अधिकृत सन्जय महराले बताए ।

धाेबिनीकाे विभिन्न वडामा माओवादी केन्द्रकाे वडा भेला सम्पन्न

0

वीरगंज । पर्साकाे धोबिनी गाउँपालिकाकाे वडा नं. १ र २ मा नेकपा माओवादी केन्द्रको वडा भेला सम्पन्न भएको छ । बैशाख ३० गते हुने स्थानिय तहकाे निर्वाचनलाई ध्यानमा राखेर माओवादी केन्द्र पनि धाेबिनीमा आफ्नाे गतिविधि बढाएकाे छ ।

वडा नं. १ मा भएकाे भेलाले धनई रामकाे अध्यक्षतामा र वडा नं. २ मा भएकाे भेलाले रामप्रसाद कुर्मीको अध्यक्षता ३३ सदस्यीय वडा कमिटी गठन गरेकाे माओवादी केन्द्रका प्रदेश सभा क्षेत्र नं. ४ (ख) का अध्यक्ष संताेष पटेलले जानकारी दिए ।

“गाउँ नगर घर घर जाउँ माओवादी केन्द्रलाई विजयी गराऔं” नाराकाे साथ आयाेजित वडा भेलामा वाेल्दै अध्यक्ष पटेलले माओवादी केन्द्रकै नेतृत्वमा देशमा व्यवस्था परिवर्तन भएको दावी गर्दै अब अवस्था परिवर्तनका लागि पनि माओवादीको विकल्प नरहेको बताए ।

उनले गाउँपालिकामा बढेकाे भ्रष्टाचार तर्फ गाउँबासीकाे ध्यान पुग्न नसकेकाे वताउँदै त्यस तर्फ पनि ध्यान पुग्नन जरुरी रहेकाे वताए । उनले भने “गाउँपालिकामा प्रमुख प्रशासकिय अधिकृत जयचन्द्र साह आउनै छाडेका छन्, जनताकाे काम हुन सकिरहेकाे छैन्, त्यस तर्फ जनप्रतिनिधिकाे ध्यान पुग्न नसकेका कारण गाउँवासीकाे ध्यान पुग्न जरुरी छ ।”

परवानीपुरकाे प्रमुख प्रशासकिय अधिकृतमा राैनियार

0

परवानीपुर । बाराकाे परवानीपुर गाउँपालिकाको नयाँ प्रमुख प्रशासकिय अधिकृतमा मुन्ना रौनियार हाजिर भएका छन् । थप जिम्मेवारीमा रहेका सुनिल चाैरसियालाई हटाएर संघीय मामिला तथा सामान्य प्रशासन मन्त्रालयले परवानीपुर गाउँपालिकामा राैनियारलाई पठाएपछि बिहिबार उनी हाजिर भएका हुन् ।

यस अघि उनी बिन्दबासिनी गाऊँपालिकाकाे निमित प्रमुख प्रसाशकिय अधिकृत भएर काम गरिसकेका छन् । शाखा अधिकृतमा नाम निकालेपछि मन्त्रालयले उनकाे पदस्थापन गर्दै पहिलाे पटक परवानीपुरमा पठाएकाे हाे ।

यस अघि राैनियार पुन: बिन्दवासिनी गाउँपालिकामा आउन लागेकाे चर्चा चलेपनि अन्त: उनी बाराकाे परवानीपुर पुगेका हुन् । 

परवानीपुर गाउँ कार्यपालिकाको कार्यालय लीपनीमालमा बिहिबार हाजिर हुन पुगेका राैनियारलाई गाउँपालिका अध्यक्ष हरिनारायण प्रसाद साहसहितकाे जनप्रतिनिधि र कर्मचारीले स्वागत गरेका थिए । गाउँपालिका अध्यक्ष साह, उपाध्यक्ष सावित्री देवी, लेखा अधिकृत मुकेश प्रजापतिसहितका जनप्रतिनिधि र कर्मचारीहरुले प्रमुख प्रशासकिय अधिकृत रौनियारलाई गम्छा, फूल माला र अबिरको टीका लगाएर स्वागत गरेका थिए ।

साे अवसरमा प्रमुख प्रशासकिय अधिकृत चाैरसियाकाे बिदाई समेत गरिएकाे थियाे । कार्यक्रममा सहभागि अध्यक्ष साहसहितका जनप्रतिनिधि र कर्मचारीहरुले अधिकृत चाैरसियालाई पनि गमछा, फुल माला र अबिरकाे टिका लगाएर बिदाई गरेका थिए ।

मोटरसाइकल चोरी गर्ने गिरोहका पुन: ३ जना पक्राउ

0

वीरग‌ंज । माेटरसाइकल चाेरी गर्ने गिराेहका ३ जना पुन: वीरगंजबाट पक्राउ परेका छन् । काठमाडाैं महानगरपालिका वडा नं. १८ निवासी ३४ बर्षिय कमल गिरी, चितवनकाे भरतपुर महानगरपालिकाकाे वडा नं. १६ निवासी १९ बर्षिय निशान थापा र वीरगंज महानगरपालिकाकाे वडा नं. १५ निवासी १८ बर्षिय संदिप घिमिरेलाई प्रहरीले पक्राउ गरेकाे हाे ।

वीरगञ्ज महानगरपालिकाकाे वडा नं. २७ निवासी मुन्ना अन्सारीको प्रदेश २-०३-००२ प ५९३७ नम्बरको कालो रातो रंगकाे होण्डा साईन मोटरसाईकल बुधबार चाेरी भएकाे थियाे । वीरगञ्ज महानगरपालिकाकाे वडा नं.१६ बसपार्कस्थित ग्यारेजमा पार्किङ गरी राखेको अवस्थाबाट ग्यारेजको ताल्चा फुटाई लक तोडी चोरी गरी भागेकोमा तत्काल चेकिङ ड्युटीमा खटिएको टोलीले तिनै जनालाई पक्राउ गरेकाे प्रहरीले जनाएकाे छ ।

उक्त ग्यारेज भन्दा १०० मिटर  दक्षिण सडकबाट माेटरसाइकल चोरीमा प्रयोग भएका रिञ्च तथा साँचो समेत नियन्त्रणमा लिई चोरी कसूरमा अनुसन्धान भइरहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए । 

यस्तै, मंगलबार पनि माेटरसाइकल चाेरीकाे आराेपमा ४ जनालाई प्रहरीले नियन्त्रणमा लिएकाे थियाे ।                                              

राष्ट्रिय भूमि आयोग पर्साको अध्यक्षमा अहमद नियुक्त

0

वीरगंज ।  राष्ट्रिय भूमि आयोग जिल्ला कार्यसमिति पर्साको अध्यक्षमा तबरेज अहमद नियुक्त भएका छन् । नेपाल सरकारको भूमि व्यवस्था सहकारी तथा गरिबी निवारण मन्त्रालयका सचिव रामप्रसाद थपलियाद्वारा हस्ताक्षरीत नियुक्ति पत्रमार्फत अहमदलाई अध्यक्षमा नियुक्ति गरिएको हो । 

बिहिवार बसेको नेपाल सरकारको मन्त्रिपरिषद्को बैठकले गरेको निर्णयबमोजिम राष्ट्रिय भूमि आयोग गठन आदेश २०७८ को दफा ८ को उपदफा १ को खण्ड (क) बमोजिम अहमदलाई अध्यक्षमा नियुक्त गरिएको सचिव थपलियाद्वारा हस्ताक्षरित नियुक्ति पत्रमा उल्लेख छ । 

भूमि सम्बन्धी समस्या समाधानका लागि अध्यक्ष अहमद नेतृत्वको समितिले काम गर्ने छ । अध्यक्षमा न्युक्त भएसँगै बिहिवार नै अहमदले सपत ग्रहणसमेत गरेका छन् । राष्ट्रिय भूमि आयोगका अध्यक्ष केशब निरौलाले सपत ग्रहण गराएका हुन् । 

अध्यक्षमा न्युक्त अहमद जनता समाजवादी पार्टी नेपाल पर्साका सचिव हुन् ।

पर्सामा एक सय ६७ मतदान स्थल र ४०४ मतदान केन्द्र निर्धारण

0

वीरगंज । पर्सामा एक सय ६७ मतदान स्थल र ४०४ मतदान केन्द्र निर्धाण गरिएकाे छ । बैशाख ३० गते हुने स्थानिय तहकाे निर्वाचनकाे लागि पर्सामा पुरानै मतदान स्थल कायम रहेकाे र मतदान केन्द्रहरु मतदाता संख्याकाे आधारमा बढाइएकाे जिल्ला निर्वाचन अधिकारी रंजिता झाले जानकारी दिइन । 

सबभन्दा बढी मतदाता रहेकाे वीरगंज महानगरपालिकामा ५५ मतदान स्थल, १४३ मतदान केन्द्र र सबै भन्दा कम मतदाता रहेकाे धाेबिनी गाउँपालिकामा ७ मतदान स्थल र १६ मतदान केन्द्र निर्धारण गरिएकाे अधिकारी झाले वताइन । वीरगंज महानगरपालिकामा एक लाख २४ हजार ६ सय ४७ र धाेबिनी गाउँपालिकामा १२ हजार २ सय ६७ मतदाता रहेका छन् ।

उनका अनुसार पाेखरिया नगरपालिकामा ११ मतदान स्थल र २४ मतदान केन्द्र, बहुदरमाई नगरपालिकामा पनि ११ मतदान स्थल र २८ मतदान केन्द्र, पर्सागढी नगरपालिकामा १२ मतदान स्थल र २७ मतदान केन्द्र निर्धारण गरिएकाे छ ।

यसैगरी, पटेर्वा सुगाैली गाउँपालिकामा ८ मतदान स्थल र १७ मतदान केन्द्र, ठाेरी गाउँपालिकामा ७ मतदान स्थल र १७ मतदान केन्द्र, जिराभवानी गाउँपालिकामा ९ मतदान स्थल र १८ मतदान केन्द्र, कालिकामाई गाउँपालिकामा ६ मतदान स्थल र १५ मतदान केन्द्र, सखुवा प्रसाैनी गाउँपालिकामा ७ मतदान स्थल र २१ मतदान केन्द्र, बिन्दवासिनी गाउँपालिकामा ९ मतदान स्थल र २० मतदान केन्द्र, पकहा मैनपुर गाउँपालिका ६ मतदान स्थल र १५ मतदान केन्द्र, जगरनाथपुर गाउँपालिकामा ११ मतदान स्थल र २३ मतदान केन्द्र, छिपहरमाई गाउँपालिकामा ८ मतदान स्थल र २० मतदान केन्द्र निर्धारण गरिएकाे छ ।

पाेखरियामा १९ हजार ६ सय ६४, बहुदरमाईमा २४ हजार ३ सय १३, पर्सागढीमा २२ हजार ८ सय ७, पटेर्वा सुगाैलीमा १३ हजार ९ सय २०, ठाेरीमा १४ हजार ७ सय ८, जिराभवानीमा १३ हजार ९ सय २९, कालिकामाईमा १२ हजार ९ सय ७५, सखुवा प्रसाैनीमा १९ हजार ७ सय ६३, बिन्दवासिनीमा १४ हजार ८ सय ४, पकहा मैनपुरमा १२ हजार ३ सय १४, जगरनाथपुरमा १८ हजार ६१ र छिपहरमाईमा १५ हजार ६ सय ६४ जना मतदाता रहेका छन् ।

जिल्ला निर्वाचन कार्यालयले उपलब्ध गराएकाे तथ्यांक अनुसार पर्सामा कुल मतदाता ३ लाख ३९ हजार ८ सय ३६ रहेका छन् । जस मध्ये महिला मतदाता एक लाख ४८ हजार २ सय ८३, पुरुष मतदाता एक लाख ९१ हजार ५ सय ३७ र अन्य १६ जना रहेका छन् ।

पर्सामा ३३ दल निर्वाचनमा सहभागि हुने 

पर्सामा ३३ वटा दल स्थानिय तहकाे निर्वाचनमा सहभागि हुने निर्वाचन अधिकारी झाले झानकारी दिइन । उनले राष्ट्रिय ६ वटा र अन्य २७ गरी ३३ वटा दल निर्वाचनमा सहभागि हुने वताइन । यसका अलवा केहीले स्वतन्त्र उम्मेदवारी दिन सक्नै वताउँदै झाले ४० सम्म पुग्ने अनुमान रहेकाे वताइन ।

अहिले निर्वाचन आयाेगकाे निर्देशन अनुसार निर्वाचन सामग्री खरिदकाे काम भइरहेकाे उनले वताइन । अधिकारी झाले बैशाख ८ गते स्थानिय स्तरमा निर्वाचन अधिकृतकाे कार्यालय स्थापना गर्ने कार्य तालिका रहेकाे समेत जानकारी गराइन ।

पाेखरियामा माेटरसाइकल दुर्घटना हुँदा दुई जनाकाे मृत्यु, ३ घाइते

0

वीरगंज । पर्साको पोखरिया नगरपालिका वडा नं. ४, वसन्तपुरस्थित नहरनजिकैको सडकमा दुईवटा मोटरसाइकल एकापसमा ठोक्किँदा दुई जनाको मृत्यु भएको छ ।

मृत्यु हुनेमा पर्साको धोबीनी गाँउपालिका वडा नं. ३ गुलरीयाका ३५ वर्षीय ललन पटेल र पर्साकै सखुवा प्रसौनी गाउँपालिका वडा नं. ५ एकडरवाका २९ वर्षीय हसिन्दर सहनी रहेका छन् । दुर्घटनामा मोटरसाइकलमा सवार रहेका धोबीनी गाउँपालिका वडा नं. ३ गुलरियाका रोजदिन मियाँ, सखुवा प्रसौनी गाउँपालिका वडा नं. ५ एकडरवाका रंजित महत्तो र सोही ठाउँ निवासी सुपेन राउत गम्भीर घाइते भएका छन् ।

बिहीबार बिहान करिब साढे १० बजेको समयमा ना.३.प १०२६ र प्रदेश २–०३–००४ नम्बरको मोटरसाइकल एकापसमा ठोक्किएका थिए । उक्त दुर्घटनामा दुवै मोरटरसाइकल चालकको घटनास्थलमै मृत्यु भएको प्रहरीले जनाएको छ ।

घटनास्थलमा पुगेकाे प्रहरीले मृतकहरुको शव पोस्ट मार्टमको लागि नारायणी अस्पतालमा पठाएको जिल्ला प्रहरी कार्यालय पर्साले जनाएकाे छ ।

घाइते तीनै जनाको वीरगंस्थित नारायणी अस्पतालमा उपचार भइरहेको जिल्ला प्रहरी कार्यालय पर्साका प्रवक्ता प्रहरी नायव उपरिक्षक ओम प्रकाश खनालले जानकारी दिए । तीव्र गतिमा रहेका दुवै मोटरसाइकल एकआपसमा ठोक्किएर दुर्घटना भएको खनालले बताए ।