वीरगंज । नेपाली कांग्रेस पर्सा जिल्ला कार्य समितिकाे बैठक मंगलबार सम्पन्न सम्पन्न भएकाे छ । जिल्ला सभापति जनार्दन सिंह क्षेत्रीकाे सभापतित्वमा बसेकाे बैठकले प्रेमबहादुर थापालाई कोषाध्यक्ष र रमेश पाण्डेलाई प्रवक्तामा चयन गरेको छ।
यसैगरी बैठकले बैशाख ३० गते हुने स्थानिय तहकाे निर्वाचनकाे लागि उम्मेदवारकाे सिफारिस माग गरेकाे छ । बैठककाे निर्णय अनुसार जिल्ला भरीका सबै पालिकाले चैत २० गते सम्म उम्मेदवारकाे नाम सिफारिस गर्नु पर्ने छ ।
वडाध्यक्षकाे उम्मेदवार वडा समितिले सिफारिस गरेर पालिका समितिमा पठाउनु पर्ने छ भने पालिका प्रमुख र उप प्रमुखकाे उम्मेदवार पालिका समितिले सिफारिस गरि जिल्ला समितिलाई पठाउनु पर्ने छ । त्यसपछि अन्तिम उम्मेदवारकाे टुंगाे जिल्ला समितिले लगाउने छ ।
पार्टी कांर्यालय वीरगंजमा बैठकमा जिल्ला उप सभापति रामनारायण कुर्मी, अशाेक गुप्ता, सचिव दिनेश चाैधरी, सह सचिव नविन सिंह लगायतका विभिन्न पालिकाका अध्यक्षहरुकाे सहभागिता रहेकाे थियाे ।
