Date
बिहि, मंसिर ३, २०८३
Thu, November 19, 2026
Home Blog Page 695

बहुदरमाईमा मुख्य ३ दल नै प्रतिस्पर्धी, केही दल बिच गठबन्धनकाे प्रयास पनि जारी

0

वीरगंज । अगामी स्थानिय तहकाे निर्वाचन नजिकिएसंगै पर्साकाे बहुदरमाई नगरपालिकामा विभिन्न दलकाे चुनावी गतिविधिहरु बढेकाे छ । बैशाख ३० गते हुने भनिएकाे निर्वाचनकाे मिति नजिकिएसंगै नेकपा एमाले, नेपाली कांग्रेस, जनता समाजवादी पार्टी लगायका दलहरु चुनाव केन्द्रित आफ्नाे गतिविधिहरु बढाएका हुन् ।

मनाेनय दर्ताकाे लागि २० दिन मात्र वाकी रहँदा पनि कुनै दलले आफ्नाे उम्मेदवारकाे औपचारिक घाेषणा गरेका छैनन् । तर मुख्य प्रतिस्पर्धी दलबाट मेयर, उप मेयर  र वडाध्यक्षका आंकाक्षीहरु आफ्नाे उम्मेदवारी घाेषणा गर्दै चुनावी प्रचार प्रसारमा समेत लागेका छन् ।

नेकपा एमालेबाट मेयरका उम्मेदवार शिव पटेल र उप मेयरका उम्मेदवार शुस्मा कुशवाहा हुने लगभग निश्चत जस्तै छ । पटेल केही दिन पहिला मात्र लाेकतान्त्रिक समाजवादी पार्टी परित्याग गरी नेकपा एमाले प्रबेश गरेका व्यक्ति हुन् । उनी गत बर्षकाे निर्वाचनमा तत्कालिन राष्ट्रिय जनता पार्टी (राजपा) बाट मेयर मै चुनाव लडे पनि पराजित भएका थिए ।

उप मेयरकी उम्मेदवार कुशवाहा गत बर्ष नेकपा एमालेबाट मेयरमा चुनाव लडेका प्रमाेद प्रसाद कुशवाहाकी बुहारी हुन् । 

नेकपा एमाले फुटेर बनेका नेकपा एकीकृत समाजवादीबाट मेयरकाे उम्मेदवार माेहन यादव हुने सम्भावना छ । उप मेयरकाे उम्मेदवारकाे हाल सम्म टुंगाे नलागेकाे एकीकृत समाजवादीले जनाएकाे छ । बहुदरमाई एकीकृत समाजवादी पनि बलियाे रहेकाे वताइएकाे छ ।

नेपाली कांग्रेसबाट हालका मेयर नितेन्द्र साह नै पुन: मेयरमा चुनाव लडने पनि निश्चित जस्तै छ । स्थानियका अनुसार उनी अगामी निर्वाचनमा पनि बलियाे प्रतिस्पर्धीकाे रुपमा रहने छन् । जाे सुकै लाई उनीसंगै प्रतिस्पर्धा गर्नु पर्ने छ । कांग्रेसबाट उप मेयरमा निर्वाचित गायत्री देवी पुन: चुनाव लड्ने बारे अन्याेल छ । उनकाे श्रीमान् राजदेव यादव केही दिन पहिला मात्र एमाले प्रबेश गरेका कारण अन्याेल बढेकाे वताइएकाे छ ।

नेपाली कांग्रेसले “घर घर जाउँ कांग्रेस जिताउ अभियान” काे नामले आफ्नाे चुनावी गतिविधिहरु बढाएकाे छ भने नेकपा एमाले वडा भेलाकाे नामले आफ्नाे चुनावी गतिविधिहरु गरिरहेकाे देखिन्छ । 

जनता समाजवादी पार्टी (जसपा) बाट मेयरकाे आकांक्षी दुई जना देखिएका छन् । जसपाबाट गत बर्षकाे निर्वाचनामा मेयरमा चुनाव लडेका पानालाल साह र मेयर मै स्वतन्त्र उम्मेदवार भएका सिंगासन साह तेली टिकटकाे लागि दाबेदार देखिएका छन् । जसपा उप मेयरमा वीरेन्द्र यादवकी श्रीमती र प्रेमचन्द्र कुशवाहाका बुहारी मध्ये एक जनाले टिकट पाउने चर्चा रहेकाे छ । 

स्थानियका अनुसार मेयरका दाबेदार दुबै जनाले आ आफ्नाे छुट्टा छुट्टै चुनावी गतिविधिमा लागेका छन् । उनीहरु हाल मतदाता र पार्टीका स्थानिय नेता तथा कार्यकर्ताकाे घर घरमा पुग्ने गरेका छन् ।

नेकपा माओवादी केन्द्रबाट मेयरमा गत बर्षकाे निर्वाचन मै चुनाव लडेका शिवशंकर यादव पुन: मेयरमा चुनाव लडने वताइएकाे छ । उप मेयरकाे उम्मेदवारकाे बारे हाल सम्म टुंगाे लागि नसकेकाे माओवादी केन्द्रले जनाएकाे छ ।

यता जसपा, माओवादी केन्द्र र एकीकृत समाजवादी बिच गठबन्धनकाे प्रयास पनि भइरहेकाे बुझिएकाे छ । जसपाले माओवादी केन्द्र वा एकीकृत समाजवादी मध्ये एकलाई उप मेयर दिएर चुनाव लडने प्रयास थालेकाे वताइएकाे छ ।  

हरवाचरवा, मुक्त हलिया तथा कमैयाहरुको संयुक्त रणनिति निर्माण कार्यशाला गोष्ठी शुरु

0

वीरगंज । ठाकुरद्वारा बर्दिया नेपाली समाजमा बर्षौदेखि दाशप्रथाको रुपमा रहेका कृषी बधुवा मजदुरहरुः हरवाचरवा, मुक्त हलिया तथा कमैया संगठनहरुको परिचालन मार्फत प्रमाणमा आधारित नितिगत वकालत र साझा आन्दोलनका लागि हरवाचरवा, मुक्त हलिया तथा कमैया सवालमा संयुक्त रणनिति निर्माण कार्यशाला गोष्ठी साेमबारदेखी बर्दियाको ठाकुरद्धार स्थित जंगल सेन्ट्रल प्लाजामा शुरु भएकोे छ ।

मुलुक संघीयता र समावेशी बिकास मार्फत रुपान्तरणको प्रकृयामा अघी बढीरहेको सन्दर्भमा अझैसम्म पनि देशका २५ जिल्लामा ब्याप्त रहेको कृषी बधुवा मजदुरहरुका सवालगत जनसंगठनहरुका अगुवा र साँझेदार संस्थाका गरि ४४ जना प्रतिनिधीहरुको सहभागितामा शुरु भएको रणनिति कार्यशाला गोष्ठी ४ दिन सम्म सञ्चालन हुने राष्ट्रिय हरवाचरवा अधिकार मञ्चका केन्द्रीय अध्यक्ष दशन मण्डलले बताए ।

त्यसैगरी कार्यशाला गोष्ठीमा हरवाचरवा, मुक्त हलिया र कमैयाहरुका राष्ट्रिय सञ्जालहरुको यात्रा बिश्लेषण भई उक्त सञ्जालहरुको साझा, फरक मुद्धाहरुको पहिचान गरि मुद्धा तथा सवालमा आधारित रणनितिक कार्यक्रम र क्रियाकलाप निर्धारण मार्फत संयुक्त रणनिति निर्माण गरिने राष्ट्रिय मुक्त हलिया समाज महासंघ नेपालका पुर्व अध्यक्ष राजुराम भुलले बताए ।

मुक्त कमैया समाजका केन्द्रीय अध्यक्ष पशुपति चौधरीले देशभरी रहेका कृषी बधुवा मजदुरहरुको समग्र मुक्ति र पुर्नस्थापनकाे सवाललाई तार्किक निष्कर्षमा पुर्‍याउनकाे लागि एकिकृत आन्दोलनको खाँचो रहेको र त्यसका लागि सवालमा आधारित सामाजिक आन्दोलनसंग सहकार्य गर्दै सरोकारवालाहरुको ऐक्यबद्धता मार्फत कृषी बधुवा मजदुरहरुको मुद्धा राजनितिक दलहरुको साझा ऐजण्डा बन्नुपर्ने कुरामा जोड दिए ।

सो कार्यशाला गोष्ठी द फ्रिडम फण्डको सहयोगमा राष्ट्रिय हरवाचरवा अधिकार मञ्च, राष्ट्रिय मुक्त हलिया समाज महासंघ नेपाल र मुक्त कमैया समाजको आयोजना र पर्पल फाउण्डेसनको सहजीकरणमा सञ्चालन भईरहको कुरा द फ्रिडम फण्डका परामर्शदाता बालाराम भट्टराईले जानकारी दिए ।

कार्यशालाको सहजीकरण पर्पल फाउण्डेसनका नीलम शर्मा, दीपक बस्याल र मोहनसिं सुनारले गर्ने छन् ।

नेपालका ५ वटा जिल्लाहरु कञ्चनपुर, कैलाली, बर्दिया, बाँके र दाङ्गमा रहेका ३२ हजार भन्दा बढी कमैयाहरु र सुदुरपश्चिम प्रदेशका ९ वटा जिल्ला र कर्णाली प्रदेशका ३ जिल्ला गरि १२ जिल्लामा रहेको १९०५९ हलियाहरुलाई नेपाल सरकारले मुक्तीको घोषणा गरेता पनि हालसम्म पनि न्यायिक पुनस्र्थापना कार्य सम्पन्न भएको छैन भने मधेस प्रदेशका ८ वटा जिल्लाहरुमा रहेका ९७ हजार भन्दा बढी हरवाचरवाहरुको हालसम्म मुक्तिको घोषणा नभएकोले संयुक्त रणनिति निर्माण आवश्यक रहेको कुरा पर्पल फाउण्डेसनका अध्यक्ष निलम शर्माले औल्याए ।

वीरगंजमा अन्तराष्ट्रिय तेक्वान्दो च्याम्पियनशिप आयोजना हुँदै

0

वीरगंज । नेपाल तेक्वान्दाे संघ पर्साले यही चैत २५ र २६ गते वीरगंजमा पर्सा अन्तराष्ट्रिय तेक्वान्दो च्याम्पियनशिप आयोजना गर्न गइरहेको छ । अगामी १४ औँ साग गेम र १९ औँ एशियन गेम इन्डोनेशियालाई समेत मध्यनजर गर्दै प्रतियोगिता आयाेजना गर्न लागिएकाे तेक्वान्दाे संघ पर्साका अध्यक्ष गणेश मान श्रेष्ठले वताए ।

वीरगंजस्थित नगर सभा गृहमा रहेकाे अत्याधुनिक सुविधा सम्पन्न कर्भड हलमा आयोजना हुने प्रतियोगितामा नेपालका, भारत तथा बगंलादेश गरी १७ टीम सहभागी हुने अध्यक्ष श्रेष्ठले वताए । खेलाडी, रेफ्री, प्रशिक्षक गरि प्रतियोगितामा करिब तीन सय जनाको सहभागिता रह्ने समेत उनले जानकारी गराए ।

नेपाल तेक्वान्दो संघकाे प्राविधिकसँगको समन्वयमा प्रतियोगिता सञ्चालन गरिने छ । प्रतियोगितामा करिब ३० लाख रुपैयाँ खर्च हुने अनुमान गरिएको तेक्वान्दाे संघले साेमबार वीरगंजमा आयाेजना गरेकाे पत्रकार सम्मेलनमा वाेल्दै अध्यक्ष श्रेष्ठले जानकारी गराए ।

प्रतियाेगितामा प्रथम हुनेलाई रु ७५ हजार, द्वितिय हुनेलाई ५० हजार र तृतिय हुनेलाई रु २५ हजार बराबरकाे पुरस्कारबाट पुरस्कृति गरिने आयाेजकले जनाएकाे छ ।

पर्सा जिल्ला तेक्वान्दो कार्य समितिले २०५९ सालदेखि नेपाल तेक्वान्दो संघ संग स्वीकृती प्राप्त गरि स्थापनाकालदेखि नै राष्ट्रिय तथा अन्तराष्ट्रिय खेलाडी उत्पादन गर्दै आएको छ । वीरगन्ज क्षेत्रको मात्र नभई खेलकुद जगतमा सम्पूर्ण देशवासीको शीर उच्च राख्न सफल भएको वताइएकाे छ ।

कार्यक्रम संयाेजक बिरेन्द्र बहादुर कुर्मी क्षेत्रीकाे अध्यक्षतामा भएकाे पत्रकार सम्मेलनमा तेक्वान्दाेका प्रशिक्षक विजय साह ठाकुर, माेहमद शकिक शेख, नाजिर हुसेन, बरिष्ठ सल्लाहकार निशान्त लामिक्षाने, काेषाध्यक्ष राेशन कलवार, अरुण झा, राजु साह लगायतकाे उपस्थिती रहेकाे थियाे भने कार्यक्रमकाे संचालन नेपाल पत्रकार महासंघ पर्साका सचिव भुषण यादवले गरेका थिए ।

जिप्रका पर्साको मुद्दा फाँट दलालहरुकाे अखण्डाकाे रुपमा परिणत

0

वीरगंज । जिल्ला प्रहरी कार्यालय पर्साको मुद्दा फाँट दलालको अखडाको रुपमा परिणत भएको छ । दलालहरुको विगविगीका कारण सर्वसाधारण थुनुवाहरु नराम्रोसँग प्रभावित भएका छन ।

प्रहरीले थुनुवामा आएका नयाँ अभियुक्तलाई थुनुवासँगै कुटपिट गराएर डराउने, धम्काउने र घरबाट पैसा माग्न बाध्य पार्ने गरेको श्रोतले जनाएको छ । अहिले जिल्ला प्रहरी कार्यालयमा विना पैसा कुनै पनि मुद्दा अगाडी नबढने र पैैसा विना काम नहुने हुँदा निर्दोष सर्वसाधारण पिडामा छन ।

मुद्दा फाटका प्रहरी निरिक्षक देखि सई, असई, हवल्दार, जवान सम्म व्यक्ति पिच्छे रकम चढाएर मुद्दाको पेशी छिटो तोक्नका लागि मिसिल तयार गर्ने सम्मका खेल जिल्ला प्रहरी कार्यालय पर्साको मुद्दा फाँटमा हुने गरेको पिडितहरुले बताएका छन ।

केहि समय यता प्रहरी कार्यालय पिडितलाई न्याय र पिडकलाई कारवाही गर्ने निकाय हुनु पर्नेमा पैसाको बलमा सबै काम उल्टो हुने गरेको पिडितको गुनासो छ । राजनैतिक दलको आवरणमा केहि व्यक्तिहरु मुद्दा मिलाउने वाहानामा जिल्ला प्रहरी कार्यालयमा चौविसै घण्टा बस्ने र उनिहरुकै चलखेलमा निर्दोषलाई फसाउने र दोषीलाई उन्मुक्ति दिने खेल जिल्ला प्रहरी कार्यालयमा भई रहेको छ ।

यस सम्बन्धमा जिल्ला प्रहरी कार्यालय पर्साका प्रहरी उपरीक्षक रमेश बस्नेतले थुनुवामा रहेकासँग पैसा असुली गरेको भन्ने विषय गलत भएको दावी गर्दै राजनीतिक दलका व्यक्तिहरु आफु निकटका मान्छेहरु पक्राउ पर्दा जिल्ला प्रहरीमा आउनु स्वभाविक भएको र उनिहरुलाई दलाल भन्न नमिल्ने बताए ।

मुद्दा फाँटमा कमि कमजोरी भए त्यसलाई सुधार्न आफू तत्पर रहेको समेत एसपी बस्नेतले दावी गरे ।

सहकारी दिवसको अवसरमा शैक्षिक सामग्री बितरण

0

वीरगंज । उपयोगी बचत तथा ऋण सहकारी संस्था लि. पर्सागढी न.पा. ५ पर्साकाे सहयोग र को–अपरेटिभ लिडर्स कल्ब पर्साले पर्सागढी न.पा.–४ मा रहेको श्री नेपाल राष्ट्रिय अधारभुत बिधालयको सय जना छात्र/छाात्राहरुलाई शैक्षिक सामग्री बितरण गरेको छ ।

मर्यादित ब्यवसाय र प्रबिधिमा सहकारी नाराको साथमा ६५ औ राष्ट्रिय सहकारी दिवसको अवसरमा क्लबले शैक्षिक सामग्री वितरण गरेकाे हाे ।

को–अपरेटिभ लिडर्स कल्ब पर्साका अध्यक्ष रामनिवास देहातीको अध्यक्षतामा भएकाे कार्याक्रममा नेफस्कुनका संचालक हरेराम पटेल, पर्सागढी न.पा वडा नं. ४ का वडाध्यक्ष समसुदिन साह देवान, किसुदेव प्रसाद, सत्यनाराण महतो, लालबहादुर महतो, रितेश यादव लगाएतको उपस्थिती रहेको थियो ।

विद्यालय ब्यवस्थापन समितीका अध्यक्ष आदेश ठाकुरले स्वागत मन्तव्य राखेकाे कार्यक्रमकाे संचालन दिब्य सकोसका अध्यक्ष धर्मराज कुशवाहाले गरेका थिए ।

विद्यालयलाई सफ्टवेयर हस्तान्तरण

0

वीरगंज । जिल्ला उच्चाङ्गल रामदेव कलवार माध्यमिक विद्यालयलाई पाेखरिया नगरपालिकाकी उप प्रमुख सलमा खातुनले एक सफ्टवेयर हस्तान्तरण गरेकी छन् । जिल्ला उच्चाङ्गल रामदेव कलवार मावि र महाेबनी पदम मा.वि. का शिक्षक र विद्यार्थीहरू बीच आइतबार भएकाे एक कार्यक्रममा नगर उपप्रमुख सल्मा खातुनले साे सफ्टवेयर हस्तान्तरण गरेकी हुन् ।

सफ्टवेयरकाे प्रयाेगले विद्यार्थी र शिक्षकलाई विद्यालयका सूचना र अन्य जानकारी आदानप्रदान गर्न नगरपालिकालाई पनि सम्बन्धित विद्यालयकाे गितविधि अनुगमन गर्न सहज हुने उनले वताइन ।

सफ्टवेरले वैकल्पिक सिकाई व्यवस्थापन प्रणाली, उत्पन्न परिस्तिथिमा सिकाई सहजीकरण शैक्षिक कार्यक्रम, शिक्षा अनुगमन प्रणाली, विद्यालय ब्यवस्थापन प्रणाली र निरन्त्रण साक्षरता शैक्षिक कार्यक्रममा सहयाेग पुग्ने खातुनले जानकारी गराइन ।

कार्यक्रममा विद्यालयका शिक्षक, कक्षा ८,९ र १० का विद्यार्थी, नगरपालिकाका प्रशासन शाखा प्रमुख विजय झा, सूचना तथा प्रविधि शाखा प्रमुख अरविन्द दुबे लगायतकाे उपस्थिति रहेकाे थियाे ।

समाजिक सेवा संगै सहकारी प्रबिधि मैत्री हुनुपर्छ : अध्यक्ष साह

0

वीरगंज । “मर्यादित ब्यवसाय र प्रबिधिमा सहकारी” नाराको साथमा ६५ औ राष्ट्रिय सहकारी दिवसको अवसरमा जय महाबिर कृषि सहकारी संस्था लि. लखनपुरको आयोजना एवं जिल्ला कृषि सहकारी संघ लि. पर्साको आर्थिक सहयोगमा अन्तरक्रिया कार्यक्रम सम्पन्न भएको छ ।

कार्यक्रमलाई सम्बोधन गर्दै जिल्ला कृषि सहकारी संघ लि. पर्साका अध्यक्ष शिव कुमार साहले डिजिटलाइजेसन सम्बन्धी महत्वपूर्ण ज्ञान सम्प्रेषण भएको र अब सहकारीले यसलाई अभियानका रुपमा अगाडि बढाउनुपर्नेमा जोड दिए । उनले सामाजिक सेवा संगै सेवा प्रवाहलाई चुस्त बनाएँदै सदस्यलाई सन्तुष्ट बनाउन डिजिटलाइजेसनको विकल्प नभएको बताए ।

सहकारीलाई डिजिटलाइजेसनमा रुपान्तरण गर्ने लक्ष्य रहेका बताउँदै सहकारीलाई हातेमालो गर्न साहले आग्रह गरे । डिजिटल सहभागीले सहकारीमा सुशासनमा बृद्धि गर्छ भन्ने सदस्यको सहभागिता बृद्धि गर्न, प्रजातान्त्रीय नियन्त्रण प्रणालीलाई मजबुद बनाउन, प्रभावकारी संचार अवलम्बन गर्न डिजिटलाइजेसन अपरिहार्य भएको बताए ।

‘प्रविधिलाई अवसरका रुपमा लिएनौं र झन्झटका रुपमा लियौं भने सहकारी पछि पर्ने छ, उनले भने वि.स. २०१३ साल चैत्र २० गते चितवनमा बखानपुर सहकारी ऋण समितिको स्थापना भई नेपालको सहकारी अभियानको शुरूवात भएको ऐतिहासिक दिनको स्मरण गर्दै सदा र्झै यस वर्ष पनि ६५ औं राष्ट्रिय सहकारी दिवस मुलुकभर विभिन्न कार्यक्रम गरि मनाईएको छ ।

जय महाबिर कृषि सहकारी संस्था लि. लखनपुरको सचीव बम बहादुर पन्डितको अध्यक्षता एवं जिल्ला कृषि सहकारी संघ लि. पर्साको अध्यक्ष शिव कुमार साहको प्रमुख आतिथ्यता सम्पन्न कार्यक्रममा वडा सदस्य धर्मराज साह, सखुवा प्रसौनी गाउँपालिकाका कृषि शाखा प्रमुख दायाराम वागले, मुम्ताज अन्सारी, शिव साह लगायतको सहकारी कर्मिहरुको सहभागिता रहेको थियो भने कार्यक्रमकाे संचालन उदित साह कानुले गरेका थिए ।

पटेर्वा सुगाैलीमा नेकपा एसकाे निर्वाचन केन्द्रित अभियान संचालन

0

वीरगंज । नेकपा (एकीकृत समाजबादी) पटेर्वा सुगौली गाउँ कमिटीले अगामी बैशाख ३० गते हुने स्थानीय निर्वाचनलाई लक्षित गरि निर्वाचन केन्द्रित अभियान संचालन गरेको छ ।

निर्वाचन केन्द्रित अभियानलाई तिब्र पार्दै गाउँपालिकाको वडा नं. ३ अन्तर्गतको टोल जितपुरमा तेतरी देबिको अध्यक्षतामा १३ सदस्यीय टोल कमिटी गठन गरेकाे छ । त्यसै गरि सोही वडा अन्तर्गतकाे टोल परसवामा चम्पा देबिको अध्यक्षतामा ११ सदस्यीय टोल कमिटी गठन गरेकाे छ ।

त्यसै गरि आइतबार नै बहुदरमाई गाउँपालिका कमिटीको बैठकाे सम्पन्न भएकाे छ । गाउँपालिका अध्यक्ष भोला महतोको अध्यक्षतामा बसेकाे बैठकले अध्यक्ष थारुकै नेतृत्वमा ७ सदस्यीय उम्मेदवार छ्नवट र निर्वाचन ब्यवस्थापन समिती गठन गरेको पार्टीको जिल्ला सचिवालय सदस्य राजेन्द्र चौधरीले जानकारी दिए ।

जगरनाथपुरकी उपाध्यक्ष खातुन माओवादी केन्द्र प्रबेश

0

वीरगंज । पर्साकाे जगरनाथपुर गाउँपालिकाकी उपाध्यक्ष बिस्मिलाह खातुन नेकपा माओवादी केन्द्रमा प्रबेश गरेकी छन् । तत्कालिन संघिय समाजवादी फाेरम नेपालबाट निर्वाचत खातनु आइतबार माओवादी केन्द्र प्रबेश गरेकी हुन् ।

उपाध्यक्ष खातुनसंग उनकाे श्रीमान जनता समाजवादी पार्टीका पूर्व जिल्ला सह सचिव महमद सरिफ गद्दी, वडा सदस्य राजकिशाेर साह, सगिर मियाँ, कासिम मियाँ गद्दी, प्रभु राम, मुखलाल राउत गद्दी, अनारुल राउत गद्दी, सहिम मियाँ अन्सारी, हिरामन गद्दी, अशाबुन नेशा, झलनी शेख लगायतकाले पनि माओवादी केन्द्र प्रबेश गरेकाे माओवादी केन्द्र पर्सा प्रदेश सभा क्षेत्र नं. ४ (ख) का अध्यक्ष संताेष पटेलले वताए । 

नव प्रदेशी सबै जनालाई बद्रीबासस्थित दिपक पार्टी प्यालेसमा आयाेजिक एक कार्यक्रममा माओवादी केन्द्रका अध्यक्ष पुष्प कमल दहाल (प्रचण्ड) ले गमछा ओढाएर र अबिरकाे टिका लगाएर पार्टीमा स्वागत गरेका थिए ।

माओवादी केन्द्र पर्साका अध्यक्ष रामदरश कुशवाहाकाे अध्यक्षतामा भएकाे कार्यक्रममा नेकपा माओवादी केन्द्र मधेस प्रदेशका सह इन्चार्ज बिश्वनाथ साह, अध्यक्ष प्रह्लाद बूढाथोकी, केन्द्रिय सदस्य वहीद अन्सारी, मधेस प्रदेश सभा सदस्य पश्मीना कादरी अंसारी, पर्सा जिल्ला इन्चार्ज विजय महताे, पर्सा क्षेत्र नं. २ का इन्चार्ज अमिताब बचन दास लगायतको उपस्थिती रहेकाे थियाे ।