Date
बुध, मंसिर २, २०८३
Wed, November 18, 2026
Home Blog Page 694

कांग्रेस मधेश प्रदेशकाे कार्य सम्पादन र संसदिय समिति गठन

0

वीरगंज । नेपाली कांग्रेस मधेश प्रदेश कार्यसमितिको बैठक सम्पन्न भएको छ । प्रदेश कार्य समितिका सभापति कृष्ण प्रसाद यादवको सभापतित्वमा सोमबार बसेको बैठकले कार्य सम्पादन समिति र प्रदेश संसदिय समिति गठन गरेको छ ।

बैठकमा सभापति यादवकाे निर्देशन अनुसार महमन्त्री बृहस्पति कृष्ण श्रेष्ठले प्रदेश कोषाध्यक्षमा प्रस्तावित निर्वाचित प्रदेश सदस्य प्रदिप कुमार यादवलाई मधेश प्रदेशको कोषाध्यक्षमा अनुमोदन गरेको छ ।

प्रदेश कार्य सम्पादन समितिमा पार्टी प्रदेश कार्यसमितिका सभापति यादव, उपसभापतिद्वय विरेन्द्र प्रसाद सिंह, चन्द्रशेखकर कुमार यादव, महामन्त्रीद्वय उपेन्द्र कुमार यादव, बृहस्पति कृष्ण श्रेष्ठ, सहमहामन्त्री जयनारायण प्रसाद यादव, परसुराम चौधरी, बिन्दु कुमारी यादव र कोषाध्यक्ष प्रदीप कुमार यादव पदेन सदस्यको रुपमा रहेका छन् ।

त्यसैगरि प्रदेश सभापति यादवद्वारा प्रस्तावित नाम लोकनारायण यादव, किरण कुमारी शर्मा, उपेन्द्र जयसवाल, सिता मैनाली, सुर्यबहादुर थापा, अन्जु झा, धर्मलाल यादव, शर्लिमा थापा, सुनिल ठाकुर, नरेन्द्र यादव, राजकिसोर यादव, भावना मिघिरे पाण्डव कुमार मण्डल, शितल प्रसाद यादव, राजश्री यादव, जसोदा कुमारी, ममता महतो र बिमला देवी साहलाई कार्य सम्पादन समितिको सदस्यमा  बैठकले अनुमोदन गरेकाे प्रदेश महामन्त्री श्रेष्ठले जानकारी दिए ।

प्रदेश संसदीय समितिको सभापतिमा प्रदेश सभापति यादव, महामन्त्रीमा प्रदेश महामन्त्रीद्वय यादव, श्रेष्ठ रहने र उपसभापतिद्वय सिंह यादव, कोषाध्यक्ष यादव, सहमहामन्त्री जयनारायण यादव, परसुराम चौधरी, बिन्दु कुमारी यादव र प्रदेश संसदीय दलको नेता रामसरोज यादव पदेन सदस्यको रुपमा रहेका छन् ।  

प्रदेश संसदीय समितिको सदस्यमा सभापति यादवद्वारा बैठकमा प्रस्तावित नितेन्द्र साह, रामबाबु साह, बासुलाल महतो, बिन्दा कार्की, सुरेश यादव र नागेन्द्र साहलाई बैठकले अनुमोदन गरेको प्रदेश महामन्त्री श्रेष्ठले जानकारी दिए ।

प्रदेश सभापति यादवले प्रदेश प्रशिक्षण विभाग प्रमुखमा प्रदेश उपसभापतिद्वय चन्द्रशेखर कुमार यादव र उपसभापति बिरेन्द्र प्रसाद सिंहलाई संगठन विभागको प्रमुखको जिम्मेवारी दिएको श्रेष्ठले बताए ।

पर्सा जिल्ला भ्रमबाट मुक्त भएकाे छ : अध्यक्ष ओली

0

वीरगंज । नेकपा एमाले पर्साले मंगलबार वीरगंजमा आयाेजना गरेकाे बृहत जनसभा तथा पार्टी प्रबेश कार्यक्रम सम्पन्न भएकाे छ । वीरगंजकाे घण्टाघरस्थित बि.पी.उद्यानमा आयोजना गरिएको कार्यक्रममा पर्साकाे धाेबिनी गाउँपालिकाका उपाध्यक्ष पारस कुर्मी, सखुवा प्रसौनी गाउँपालिकाकी उपाध्यक्ष फूमती देवी थरुइन, बहुदरमाई नगरपालिकाकी उप प्रमुखमा गायत्री देवी यादवले एमाले प्रबेश गरेका छन् ।

उपाध्यक्ष कुर्मी र थरुइन तत्कालिन संघिय समाजवादी फाेरम नेपालबाट र उप प्रमुख यादव नेपाली कांग्रेसबाट निर्वाचित भएका थिए ।

 यसैगरी कार्यक्रममा साविककाे बिश्रमपुर गाविसका पूर्व अध्यक्ष राजदेव यादव, जनता समाजवादी पार्टीका केन्द्रीय सदस्य भदइ मिया, साविकको गादी गाविसका उपाध्यक्ष केशर बहादुरअ आले, हरिन्द्र चौहान, बीरगंज महानगरपालिकाको वडा नं. २५ का वडाध्यक्ष बिशराज पटेल, युवा नेता रमेश पटेल, नेकपा मालेका पर्सा जिल्ला सचिव लक्ष्मीराज न्यौपाने, जसपा पर्साका उपध्यक्ष मुस्तकिम अन्सारी, रामदेव राउत कुर्मी, जवाहिर साह, अरविन्द पटेल, देवीलाल साह लगायतकाले एमालेमा प्रवेश गरेको कार्यक्रम संचालक एमाले पर्साका जिल्ला सचिव मनाेज गुप्ताले जानकारी दिए ।

कार्यक्रममा नेकपा एमालेका अध्यक्ष के.पी.शर्मा ओलीले नव प्रबेशी सबै जनालाई फुल माला र अविरकाे टिका लगाएर पार्टीमा प्रवेश गराएका थिए ।

कार्यक्रमलाई सम्बाेधन गर्दै अध्यक्ष ओलीले पर्सा जिल्ला भ्रमबाट मुक्त भएकाे वताए । उनले आफु वीरगंजकाे कायापलट गर्नकाे लागि वीरगंज आएकाे वताए । वीरगञ्जलाई रिंगरोडसहितको नमुना र विकसित शहरको रुपमा विकास गर्नुपर्नेमा ओलीले वताए ।

उनले भने, वीरगंज मेडिकल हब हुनु पर्छ, ‘दुर्गम ठाउँमा पनि हेली प्याड हुनुपर्छ, चौडा र सुविधायुक्त बाटोहरु निर्माण गर्नुपर्छ । अनि बल्ल विकास हुन सक्छ । यो विकास एमाले बाहेक कसैले गर्दैन ।’

पूर्व प्रधानमन्त्री समेत रहेका अध्यक्ष ओलीले आफु ६० वर्षदेखि मधेशमै बसेको हुँदा भैँसीको पिठियुँमा चढेर भैँसी चराउन जानेको बताए । उनले भने, ‘म ६० वर्षदेखि मधेशमै बसेको छु । मलाई भैँसी चराउन आउँछ, चापाकल गाढ्न आउँछ ।’

आफुलाई मधेशविरोधी भन्नेहरुलाई इंकित गर्दै अध्यक्ष ओलीले मधेशसँगै पहाड, हिमाल, तराई सबैको विकास भएपछि मात्रै एमालेको एजेण्डा सुखी नेपाली समृद्ध नेपालको नाराले सार्थकता पाउने बताए ।

मधेशमा फाेहर हुनुकाे कारण ढल नहुनु भएकाे वताउँदै ओलीले ढलकाे प्रबन्ध आफुले गरेकाे वताए । सतारुढ गठबन्धन अपवित्र गठबन्धन भएकाे उनकाे भनाई थियाे । 

नेकपा पर्साका अध्यक्ष जयप्रकाश थारुकाे अध्यक्षतामा भएकाे कार्यक्रममा एमालेका सचिव रघुबिर महासेठ, स्थायी कमिटी सदस्य प्रभु साह, नेतृ ज्वाला साह, केन्द्रिय सदस्य राजकुमार गुप्ता, प्रभु हाजरा, वीरगंज महानगरपालिकाका मेयर विजय सरावगी, नेता शिव पटेल, बसरुदिन अन्सारी, बिचारी यादव, जगरनाथपुर गाउँपालिका अध्यक्ष जालिम मियाँ लगायतकाे सहभागिता रहेकाे थियाे ।

पर्सा प्रहरीकाे ज्यादती : एक युवकलाई कुटपिट गर्दै खुट्टामा ताताे पानी खन्याएर याताना

0

वीरगंज । प्रहरीले एक युवककाे खुट्टामा ताताे पानी खन्याएर कुटपिट गरेकाे घटना सार्वजनिक भएकाे छ । जिल्ला प्रहरी कार्यालय पर्साकाे थुनुवा कक्ष मै प्रहरीले वीरगंज महानगरपालिकाकाे वडा नं. ९ निवासी विजय श्रेष्ठलाई निर्घात कुटपिट गर्नुकाे साथै उनकाे खुट्टामा ताताे पानी खन्याइदिएकाे हाे । प्रहरीले खन्याएकाे ताताे पानीले श्रेष्ठकाे खुट्टामा घाउ भएकाे छ ।

जिल्ला प्रहरी कार्यालय पर्साका क्राइम ब्रान्चमा कार्यरत फिराेज भनिने प्रहरी र प्रहरी बिट घण्टाघरमा कार्यरत एक प्रहरीले शनिबार राति वीरगंजकाे घण्टाघरबाट कुटपिट गर्दै उनलाई निरयन्त्रणमा लिएकाे थियाे । सिमराबाट फुटबल मैच देखेर आएका उनी वीरगंजकाे घण्टाघरस्थित पान पसलकाे अगाडी उभेका थिए । त्यहींबाट उनलाई सिभिल ड्रेसमा रहेका प्रहरीले नियन्त्रणमा लिदै सुरुमा घण्टाघरकाे प्रहरी विटमा राखेकाे थियाे ।

प्रहरीले त्यसकाे केही बेर मै नारायणी अस्पतालमा लगेर उनकाे मेडिकल गराई जिल्ला प्रहरी कार्यालयकाे थुनुवा कक्षमा लगेर राखेकाे थियाे । रक्सी खाएकाे आराेपमा थुनुवामा पुगेका श्रेष्ठकाे पकेटमा गुटका फेला परेपछि गिरी भनिने बद्रीमा रहेका प्रहरीले थुनुवा कक्ष मै कुटपिट गर्नुकाे साथै उनकाे खुट्टामा ताताे पानी खन्याएका थिए ।

राती १० बजे उनलाई नियन्त्रणमा लिएकाे प्रहरीले विहान ३ बजे सम्म कुटपिट गर्दै शारिरिक तथा मानसिक यताना दिदै बाहिर कंही कतै भने विभिन्न झूठाे मुद्दामा फसाइदिने धाक धम्मकी समेत दिएकाे थियाे । जिल्ला प्रशासन कार्यालय पर्सा अगाडी खाजाकाे हाेटल रहेकाे उनकाे घरमा गाँजा वा चरेश राखेर फसाइदिने प्रहरीकाे धम्की कारण उनी बाहिर भन्न डराइरहेका थिए ।

शनिबार राति प्रहरीले नियन्त्रणमा लिएकाे उनलाई आइतबार विहान वीरगंज महानगरपालिकाकाे वडा नं. ९ काे वडाध्यक्षकाे राेहबरमा छाेडेकाे थियाे । कुनै व्यक्तिलाई पक्राउ गर्दा वा छाेडने बेलामा ति व्यक्तिकाे मेडिकल गराएर छाेडनु पर्ने नियम भएपनि पक्राउ गर्ने बेलामा उनकाे मेडिकल गराइए पनि छाडने बेलामा गराइएन ।

छाेडने बेलामा वडाध्यक्षले पक्राउ परेका श्रेष्ठकाे खुट्टामा ठुला ठुला फाेका देखेपछि याे कसरी भएकाे हाे भने प्रशन गर्दा पनि उनी प्रहरीकाे डर धम्कीले भनेन । शनिबारकाे घटना आइतबार दिउसाे कालिका टाईम्सलाई जानकारी पाउँदा पनि उनी प्रहरी कै धाक धम्कीका कारण मिडियामा आउन चाहेका थिएनन् । पछि मंगलबार बिहान पत्रकारहरुकाे एक समुह श्रेष्ठकाे घर मै पुगेपछि घटना सार्वजनिक भएकाे हाे । 

यस बिषयमा बुझन जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालसंग फाेनमा सम्पर्क गर्न खाेज्दा माेबाइल अफ भएका कारण सम्पर्न हुन सकेन । त्यसपछि प्रहरी उपरिक्षक रमेश बस्नेतसंग पनि फाेनमा सम्पर्क गर्न खाेज्दा फाेन नउठेका कारण सम्पर्क हुन सकेन ।

बहुदरमाईमा मुख्य ३ दल नै प्रतिस्पर्धी, केही दल बिच गठबन्धनकाे प्रयास पनि जारी

0

वीरगंज । अगामी स्थानिय तहकाे निर्वाचन नजिकिएसंगै पर्साकाे बहुदरमाई नगरपालिकामा विभिन्न दलकाे चुनावी गतिविधिहरु बढेकाे छ । बैशाख ३० गते हुने भनिएकाे निर्वाचनकाे मिति नजिकिएसंगै नेकपा एमाले, नेपाली कांग्रेस, जनता समाजवादी पार्टी लगायका दलहरु चुनाव केन्द्रित आफ्नाे गतिविधिहरु बढाएका हुन् ।

मनाेनय दर्ताकाे लागि २० दिन मात्र वाकी रहँदा पनि कुनै दलले आफ्नाे उम्मेदवारकाे औपचारिक घाेषणा गरेका छैनन् । तर मुख्य प्रतिस्पर्धी दलबाट मेयर, उप मेयर  र वडाध्यक्षका आंकाक्षीहरु आफ्नाे उम्मेदवारी घाेषणा गर्दै चुनावी प्रचार प्रसारमा समेत लागेका छन् ।

नेकपा एमालेबाट मेयरका उम्मेदवार शिव पटेल र उप मेयरका उम्मेदवार शुस्मा कुशवाहा हुने लगभग निश्चत जस्तै छ । पटेल केही दिन पहिला मात्र लाेकतान्त्रिक समाजवादी पार्टी परित्याग गरी नेकपा एमाले प्रबेश गरेका व्यक्ति हुन् । उनी गत बर्षकाे निर्वाचनमा तत्कालिन राष्ट्रिय जनता पार्टी (राजपा) बाट मेयर मै चुनाव लडे पनि पराजित भएका थिए ।

उप मेयरकी उम्मेदवार कुशवाहा गत बर्ष नेकपा एमालेबाट मेयरमा चुनाव लडेका प्रमाेद प्रसाद कुशवाहाकी बुहारी हुन् । 

नेकपा एमाले फुटेर बनेका नेकपा एकीकृत समाजवादीबाट मेयरकाे उम्मेदवार माेहन यादव हुने सम्भावना छ । उप मेयरकाे उम्मेदवारकाे हाल सम्म टुंगाे नलागेकाे एकीकृत समाजवादीले जनाएकाे छ । बहुदरमाई एकीकृत समाजवादी पनि बलियाे रहेकाे वताइएकाे छ ।

नेपाली कांग्रेसबाट हालका मेयर नितेन्द्र साह नै पुन: मेयरमा चुनाव लडने पनि निश्चित जस्तै छ । स्थानियका अनुसार उनी अगामी निर्वाचनमा पनि बलियाे प्रतिस्पर्धीकाे रुपमा रहने छन् । जाे सुकै लाई उनीसंगै प्रतिस्पर्धा गर्नु पर्ने छ । कांग्रेसबाट उप मेयरमा निर्वाचित गायत्री देवी पुन: चुनाव लड्ने बारे अन्याेल छ । उनकाे श्रीमान् राजदेव यादव केही दिन पहिला मात्र एमाले प्रबेश गरेका कारण अन्याेल बढेकाे वताइएकाे छ ।

नेपाली कांग्रेसले “घर घर जाउँ कांग्रेस जिताउ अभियान” काे नामले आफ्नाे चुनावी गतिविधिहरु बढाएकाे छ भने नेकपा एमाले वडा भेलाकाे नामले आफ्नाे चुनावी गतिविधिहरु गरिरहेकाे देखिन्छ । 

जनता समाजवादी पार्टी (जसपा) बाट मेयरकाे आकांक्षी दुई जना देखिएका छन् । जसपाबाट गत बर्षकाे निर्वाचनामा मेयरमा चुनाव लडेका पानालाल साह र मेयर मै स्वतन्त्र उम्मेदवार भएका सिंगासन साह तेली टिकटकाे लागि दाबेदार देखिएका छन् । जसपा उप मेयरमा वीरेन्द्र यादवकी श्रीमती र प्रेमचन्द्र कुशवाहाका बुहारी मध्ये एक जनाले टिकट पाउने चर्चा रहेकाे छ । 

स्थानियका अनुसार मेयरका दाबेदार दुबै जनाले आ आफ्नाे छुट्टा छुट्टै चुनावी गतिविधिमा लागेका छन् । उनीहरु हाल मतदाता र पार्टीका स्थानिय नेता तथा कार्यकर्ताकाे घर घरमा पुग्ने गरेका छन् ।

नेकपा माओवादी केन्द्रबाट मेयरमा गत बर्षकाे निर्वाचन मै चुनाव लडेका शिवशंकर यादव पुन: मेयरमा चुनाव लडने वताइएकाे छ । उप मेयरकाे उम्मेदवारकाे बारे हाल सम्म टुंगाे लागि नसकेकाे माओवादी केन्द्रले जनाएकाे छ ।

यता जसपा, माओवादी केन्द्र र एकीकृत समाजवादी बिच गठबन्धनकाे प्रयास पनि भइरहेकाे बुझिएकाे छ । जसपाले माओवादी केन्द्र वा एकीकृत समाजवादी मध्ये एकलाई उप मेयर दिएर चुनाव लडने प्रयास थालेकाे वताइएकाे छ ।  

हरवाचरवा, मुक्त हलिया तथा कमैयाहरुको संयुक्त रणनिति निर्माण कार्यशाला गोष्ठी शुरु

0

वीरगंज । ठाकुरद्वारा बर्दिया नेपाली समाजमा बर्षौदेखि दाशप्रथाको रुपमा रहेका कृषी बधुवा मजदुरहरुः हरवाचरवा, मुक्त हलिया तथा कमैया संगठनहरुको परिचालन मार्फत प्रमाणमा आधारित नितिगत वकालत र साझा आन्दोलनका लागि हरवाचरवा, मुक्त हलिया तथा कमैया सवालमा संयुक्त रणनिति निर्माण कार्यशाला गोष्ठी साेमबारदेखी बर्दियाको ठाकुरद्धार स्थित जंगल सेन्ट्रल प्लाजामा शुरु भएकोे छ ।

मुलुक संघीयता र समावेशी बिकास मार्फत रुपान्तरणको प्रकृयामा अघी बढीरहेको सन्दर्भमा अझैसम्म पनि देशका २५ जिल्लामा ब्याप्त रहेको कृषी बधुवा मजदुरहरुका सवालगत जनसंगठनहरुका अगुवा र साँझेदार संस्थाका गरि ४४ जना प्रतिनिधीहरुको सहभागितामा शुरु भएको रणनिति कार्यशाला गोष्ठी ४ दिन सम्म सञ्चालन हुने राष्ट्रिय हरवाचरवा अधिकार मञ्चका केन्द्रीय अध्यक्ष दशन मण्डलले बताए ।

त्यसैगरी कार्यशाला गोष्ठीमा हरवाचरवा, मुक्त हलिया र कमैयाहरुका राष्ट्रिय सञ्जालहरुको यात्रा बिश्लेषण भई उक्त सञ्जालहरुको साझा, फरक मुद्धाहरुको पहिचान गरि मुद्धा तथा सवालमा आधारित रणनितिक कार्यक्रम र क्रियाकलाप निर्धारण मार्फत संयुक्त रणनिति निर्माण गरिने राष्ट्रिय मुक्त हलिया समाज महासंघ नेपालका पुर्व अध्यक्ष राजुराम भुलले बताए ।

मुक्त कमैया समाजका केन्द्रीय अध्यक्ष पशुपति चौधरीले देशभरी रहेका कृषी बधुवा मजदुरहरुको समग्र मुक्ति र पुर्नस्थापनकाे सवाललाई तार्किक निष्कर्षमा पुर्‍याउनकाे लागि एकिकृत आन्दोलनको खाँचो रहेको र त्यसका लागि सवालमा आधारित सामाजिक आन्दोलनसंग सहकार्य गर्दै सरोकारवालाहरुको ऐक्यबद्धता मार्फत कृषी बधुवा मजदुरहरुको मुद्धा राजनितिक दलहरुको साझा ऐजण्डा बन्नुपर्ने कुरामा जोड दिए ।

सो कार्यशाला गोष्ठी द फ्रिडम फण्डको सहयोगमा राष्ट्रिय हरवाचरवा अधिकार मञ्च, राष्ट्रिय मुक्त हलिया समाज महासंघ नेपाल र मुक्त कमैया समाजको आयोजना र पर्पल फाउण्डेसनको सहजीकरणमा सञ्चालन भईरहको कुरा द फ्रिडम फण्डका परामर्शदाता बालाराम भट्टराईले जानकारी दिए ।

कार्यशालाको सहजीकरण पर्पल फाउण्डेसनका नीलम शर्मा, दीपक बस्याल र मोहनसिं सुनारले गर्ने छन् ।

नेपालका ५ वटा जिल्लाहरु कञ्चनपुर, कैलाली, बर्दिया, बाँके र दाङ्गमा रहेका ३२ हजार भन्दा बढी कमैयाहरु र सुदुरपश्चिम प्रदेशका ९ वटा जिल्ला र कर्णाली प्रदेशका ३ जिल्ला गरि १२ जिल्लामा रहेको १९०५९ हलियाहरुलाई नेपाल सरकारले मुक्तीको घोषणा गरेता पनि हालसम्म पनि न्यायिक पुनस्र्थापना कार्य सम्पन्न भएको छैन भने मधेस प्रदेशका ८ वटा जिल्लाहरुमा रहेका ९७ हजार भन्दा बढी हरवाचरवाहरुको हालसम्म मुक्तिको घोषणा नभएकोले संयुक्त रणनिति निर्माण आवश्यक रहेको कुरा पर्पल फाउण्डेसनका अध्यक्ष निलम शर्माले औल्याए ।

वीरगंजमा अन्तराष्ट्रिय तेक्वान्दो च्याम्पियनशिप आयोजना हुँदै

0

वीरगंज । नेपाल तेक्वान्दाे संघ पर्साले यही चैत २५ र २६ गते वीरगंजमा पर्सा अन्तराष्ट्रिय तेक्वान्दो च्याम्पियनशिप आयोजना गर्न गइरहेको छ । अगामी १४ औँ साग गेम र १९ औँ एशियन गेम इन्डोनेशियालाई समेत मध्यनजर गर्दै प्रतियोगिता आयाेजना गर्न लागिएकाे तेक्वान्दाे संघ पर्साका अध्यक्ष गणेश मान श्रेष्ठले वताए ।

वीरगंजस्थित नगर सभा गृहमा रहेकाे अत्याधुनिक सुविधा सम्पन्न कर्भड हलमा आयोजना हुने प्रतियोगितामा नेपालका, भारत तथा बगंलादेश गरी १७ टीम सहभागी हुने अध्यक्ष श्रेष्ठले वताए । खेलाडी, रेफ्री, प्रशिक्षक गरि प्रतियोगितामा करिब तीन सय जनाको सहभागिता रह्ने समेत उनले जानकारी गराए ।

नेपाल तेक्वान्दो संघकाे प्राविधिकसँगको समन्वयमा प्रतियोगिता सञ्चालन गरिने छ । प्रतियोगितामा करिब ३० लाख रुपैयाँ खर्च हुने अनुमान गरिएको तेक्वान्दाे संघले साेमबार वीरगंजमा आयाेजना गरेकाे पत्रकार सम्मेलनमा वाेल्दै अध्यक्ष श्रेष्ठले जानकारी गराए ।

प्रतियाेगितामा प्रथम हुनेलाई रु ७५ हजार, द्वितिय हुनेलाई ५० हजार र तृतिय हुनेलाई रु २५ हजार बराबरकाे पुरस्कारबाट पुरस्कृति गरिने आयाेजकले जनाएकाे छ ।

पर्सा जिल्ला तेक्वान्दो कार्य समितिले २०५९ सालदेखि नेपाल तेक्वान्दो संघ संग स्वीकृती प्राप्त गरि स्थापनाकालदेखि नै राष्ट्रिय तथा अन्तराष्ट्रिय खेलाडी उत्पादन गर्दै आएको छ । वीरगन्ज क्षेत्रको मात्र नभई खेलकुद जगतमा सम्पूर्ण देशवासीको शीर उच्च राख्न सफल भएको वताइएकाे छ ।

कार्यक्रम संयाेजक बिरेन्द्र बहादुर कुर्मी क्षेत्रीकाे अध्यक्षतामा भएकाे पत्रकार सम्मेलनमा तेक्वान्दाेका प्रशिक्षक विजय साह ठाकुर, माेहमद शकिक शेख, नाजिर हुसेन, बरिष्ठ सल्लाहकार निशान्त लामिक्षाने, काेषाध्यक्ष राेशन कलवार, अरुण झा, राजु साह लगायतकाे उपस्थिती रहेकाे थियाे भने कार्यक्रमकाे संचालन नेपाल पत्रकार महासंघ पर्साका सचिव भुषण यादवले गरेका थिए ।

जिप्रका पर्साको मुद्दा फाँट दलालहरुकाे अखण्डाकाे रुपमा परिणत

0

वीरगंज । जिल्ला प्रहरी कार्यालय पर्साको मुद्दा फाँट दलालको अखडाको रुपमा परिणत भएको छ । दलालहरुको विगविगीका कारण सर्वसाधारण थुनुवाहरु नराम्रोसँग प्रभावित भएका छन ।

प्रहरीले थुनुवामा आएका नयाँ अभियुक्तलाई थुनुवासँगै कुटपिट गराएर डराउने, धम्काउने र घरबाट पैसा माग्न बाध्य पार्ने गरेको श्रोतले जनाएको छ । अहिले जिल्ला प्रहरी कार्यालयमा विना पैसा कुनै पनि मुद्दा अगाडी नबढने र पैैसा विना काम नहुने हुँदा निर्दोष सर्वसाधारण पिडामा छन ।

मुद्दा फाटका प्रहरी निरिक्षक देखि सई, असई, हवल्दार, जवान सम्म व्यक्ति पिच्छे रकम चढाएर मुद्दाको पेशी छिटो तोक्नका लागि मिसिल तयार गर्ने सम्मका खेल जिल्ला प्रहरी कार्यालय पर्साको मुद्दा फाँटमा हुने गरेको पिडितहरुले बताएका छन ।

केहि समय यता प्रहरी कार्यालय पिडितलाई न्याय र पिडकलाई कारवाही गर्ने निकाय हुनु पर्नेमा पैसाको बलमा सबै काम उल्टो हुने गरेको पिडितको गुनासो छ । राजनैतिक दलको आवरणमा केहि व्यक्तिहरु मुद्दा मिलाउने वाहानामा जिल्ला प्रहरी कार्यालयमा चौविसै घण्टा बस्ने र उनिहरुकै चलखेलमा निर्दोषलाई फसाउने र दोषीलाई उन्मुक्ति दिने खेल जिल्ला प्रहरी कार्यालयमा भई रहेको छ ।

यस सम्बन्धमा जिल्ला प्रहरी कार्यालय पर्साका प्रहरी उपरीक्षक रमेश बस्नेतले थुनुवामा रहेकासँग पैसा असुली गरेको भन्ने विषय गलत भएको दावी गर्दै राजनीतिक दलका व्यक्तिहरु आफु निकटका मान्छेहरु पक्राउ पर्दा जिल्ला प्रहरीमा आउनु स्वभाविक भएको र उनिहरुलाई दलाल भन्न नमिल्ने बताए ।

मुद्दा फाँटमा कमि कमजोरी भए त्यसलाई सुधार्न आफू तत्पर रहेको समेत एसपी बस्नेतले दावी गरे ।

सहकारी दिवसको अवसरमा शैक्षिक सामग्री बितरण

0

वीरगंज । उपयोगी बचत तथा ऋण सहकारी संस्था लि. पर्सागढी न.पा. ५ पर्साकाे सहयोग र को–अपरेटिभ लिडर्स कल्ब पर्साले पर्सागढी न.पा.–४ मा रहेको श्री नेपाल राष्ट्रिय अधारभुत बिधालयको सय जना छात्र/छाात्राहरुलाई शैक्षिक सामग्री बितरण गरेको छ ।

मर्यादित ब्यवसाय र प्रबिधिमा सहकारी नाराको साथमा ६५ औ राष्ट्रिय सहकारी दिवसको अवसरमा क्लबले शैक्षिक सामग्री वितरण गरेकाे हाे ।

को–अपरेटिभ लिडर्स कल्ब पर्साका अध्यक्ष रामनिवास देहातीको अध्यक्षतामा भएकाे कार्याक्रममा नेफस्कुनका संचालक हरेराम पटेल, पर्सागढी न.पा वडा नं. ४ का वडाध्यक्ष समसुदिन साह देवान, किसुदेव प्रसाद, सत्यनाराण महतो, लालबहादुर महतो, रितेश यादव लगाएतको उपस्थिती रहेको थियो ।

विद्यालय ब्यवस्थापन समितीका अध्यक्ष आदेश ठाकुरले स्वागत मन्तव्य राखेकाे कार्यक्रमकाे संचालन दिब्य सकोसका अध्यक्ष धर्मराज कुशवाहाले गरेका थिए ।