Date
बिहि, मंसिर ३, २०८३
Thu, November 19, 2026
Home Blog Page 696

सहकारी दिवसकाे अवसरमा २२ महिलासहित १०१ जनाद्वारा रक्तदान

0

वीरगंज । काे-अपरेटिभ म्यानेजर्स क्लब पर्साकाे आयाेजनामा आइतबार रक्तदान कार्यक्रम सम्पन्न भएकाे छ । ६५ औं राष्ट्रिय सहकारी दिवसकाे अवसरमा आयाेजित कार्यक्रममा २२ महिलासहित १०१ जनाले रक्तदान गरेकाे आयाेजक क्लबका अध्यक्ष चन्देश्वर प्रसाद चाैरसियाले जानकारी दिए ।

वीरगंजस्थित माइस्थान पार्कमा भएकाे कार्यक्रममा राजिव कुमार झा, अजय प्रजापति, श्याम सुन्दर ठाकुर, रविकान्त कुमार चाैरसिया, उपेन्द्र यादव, शनी साह, रामविनय यादव, राजु पंडित, बब्लु प्रसाद यादव, सुनिल कुमार साेनार, स्नेहा साह, कृष्ण प्रसाद श्रेष्ठ, सुनिल साह, सुरज साह, उमाशंकर सिंह राजपुत, विवेक कुमार कुर्मी, राज पासवान, रन्जित बर्णवाल, संजय कुमार यादव, अमित चाैधरी, शिवनाथ साह तेली, सावित्री राई, सृजना चाैधरी, आशा झा, साेनम श्रेष्ठ, दिपेन्द्र श्रेष्ठ, शान्ता श्रेष्ठ, शाेभा कुमारी कुशवाहा, किरण वाईवा लामा, दिपिका श्रेष्ठ, यातुका कार्की, बन्दना थापा लगायतकाले रक्तादान गरेका हुन् ।

काे-अपरेटिभ म्यानेजर्स क्लबका अध्यक्ष चाैरसियाकाे अध्यक्षता र पर्साका प्रमुख जिल्ला अधिकारी उमेश कुमार ढकालकाे प्रमुख आतिथ्यतामा भएकाे कार्यक्रममा नेपाल रेडक्रस साेसाइटी पर्साका अध्यक्ष बिरेन्द्र राज कडेल, जिल्ला बचत तथा ऋण सहकारी संघ पर्साका अध्यक्ष राजेश पण्डित, नेपाल पत्रकार महासंघ पर्साका उपाध्यक्ष युवराज खड्का लगायतकाे सहभागिता रहेकाे थियाे ।

रक्तदान कार्यक्रम कान्तिकपुर बचत तथा ऋण सहकारी संस्था, श्रीनिधि बचत तथा ऋण सहकारी संस्था, गृहलक्ष्मी बचत तथा ऋण सहकारी संस्था, ओम शिव शक्ति बचत तथा ऋण सहकारी संस्था, सुविधा बचत तथा ऋण सहकारी संस्था, सुर्या बचत तथा ऋण सहकारी संस्था, सनराइज नेपाल बचत तथा ऋण सहकारी संस्था, जनसंरक्षण बचत तथा ऋण सहकारी संस्था र नेपाल सहकरी वित्तिय संस्था लिमिटेडकाे सहयाेगमा भएकाे थियाे ।

नेकपा एमाले पर्साकाे अध्यक्षमा थारु

0

नेकपा एमाले पर्साका अध्यक्षमा जयप्रकाश थारु चयन भएका छन् । नेकपा एमाले पर्साको आठौ जिल्ला अधिवेशनको स्थगीत बन्दसत्र आज संचालनमा आएको र त्यसले थारुलाई सर्बसम्मत रुपमा अध्यक्षमा चयन गरेको एमाले पर्साले जनाएको छ ।

जिल्ला उपाध्यक्षमा फरमान मियाँ अन्सारी, सचिवमा मनोज गुप्ता, उप सचिवमा संजीव मिश्र र प्रदुमन सेढाई चयन भएका छन् । १ सय ३५ सदस्यीय जिल्ला कमिटी निर्माण भएकाे जिल्ला सह सचिव संजिव मिश्राले जानकारी दिए ।

पुष २७ मा आठौ जिल्ला अधिवेशनको उद्धघाटन भएको थियो । नेतृत्व चयनको बिषयमा नेताहरुमा सहमती नभएपछि बन्दसत्र स्थगीत भएको थियो । त्यही स्थगीत बन्दसत्र शनिबार आयोजना गरेर एमालेको जिल्ला कमिटी घोषणा गरिएको हो ।

अध्यक्ष थारु सुपौली गाविसको उपाध्यक्ष र संबिधान सभा सदस्यको भूमिका निर्वाह गरि सक्नु भएका नेता हुन । यस अघि पार्टीको जिल्ला अध्यक्षमा डा.बिश्वम्भर शर्माको नाममा सहमती भएको थियो ।
 
अधिवेशन सुरु भएको झण्डै तीन महिनापछि शनिबार वीरगन्जको एक होटलमा आयोजित बन्द सत्रबाट अध्यक्ष, पदाधिकारीसहित एक सय ३५ सदस्यीय जिल्ला समिति चयन भएकाे जनाइएकाे छ । जिल्ला अध्यक्ष चुनिएका थारु संविधान सभा सदस्य हुन् ।

क्युआर काेर्ड स्केन गरी ग्यास खरिद गर्दा रु ५० क्यास ब्याक

0

वीरगंज । ग्लाेबल आइएमई बैंककाे माेबाइल बैंकिंङ्ग एप मार्फत ग्यास खरिद गर्दा ग्राहकले क्यास ब्याक पाउने भएका छन् । ग्लाेबल आईएमई बैंकले शनिबार वीरगंजमा एक कार्यक्रमकाे आयाेजना गरी माेबाइल बैंकिंङ्ग एप मार्फत क्युआर काेर्ड स्केन गरी ग्यास खरिद गर्दा रु ५० क्यास ब्याक पाउने जनाएकाे हाे ।

वीरगंजकाे आदर्शनगरस्थित जैन धर्मशालामा आयाेजित कार्यक्रममा वाेल्दै ग्लाेबल आइएमई बैंक वीरगंज शाखाका प्रबन्धक विवेक टिर्बेवालले बैंक र ग्यास बिक्रेता महासंघ नेपाल बिच भएकाे सम्मझाैता अनुसार क्यास ब्याककाे सुबिधा दिन लागिएकाे वताए ।

उनका अनुसार एक महिनामा एउटा ग्यासकाे खरिदमा मात्र ग्राहकले याे सुविधा पाउने छन् । याे सुविधाकाे लागि ग्लाेबल आइएमई बैंककाे कुनै शाखामा खातामा खाेली माेबाइल बैंकिंङ्ग सेवा प्रयाेग गर्नु पर्ने छ । 

यस्तै, एक महिनामा ३० वटा ग्यासकाे बिक्री गरे वा ४५ हजारकाे बराबरकाे काराेबार गर्ने ग्यास बिक्रेताले पनि एक हजार क्यास ब्याक पाउने छन् । याे याेजना देशभर नै लागु भएकाे उनले जानकारी दिए ।

बैंकका प्रबन्धक टिर्बेवालकाे अध्यक्षामा भएकाे कार्यक्रममा ग्यास बिक्रेता संघ पर्साकाे अध्यक्ष बिरेन्द्र साह, प्रदेश उपाध्यक्ष राजेन्द्र पासवान, केन्द्रिय सदस्य सुनेश पटेल भरत सिलवाल, पूर्व केन्द्रिय सदस्य राजु साह, जिल्लाका महासचिव रामनाथ साह, काेषाध्यक्ष लक्ष्मण साह, बैंककी जुनियर अफिसर एवम् याेजनाकाे फाेकल पर्सन अमृता कण्ठ लगायतकाे सहभागिता रहेकाे थियाे भने कार्यक्रमकाे संचालन बैंकका कर्जा अधिकृत राकेश यादवले गरेका थिए ।  

हिन्दु नवबर्षकाे अवसरमा वीरगंजमा पथ संचालन

0

वीरगंज l हिन्दु स्वयंसेवक संघ पर्साले हिन्दु नवबर्ष ५१२४ तथा राष्ट्रिय स्वयंसेवक संघका संस्थापक आध सर संघचालक परमपुजनीय डा. केशवराव बलिराम हेडगेवारको जन्मजयन्ती शनिबार वीरगंजमा धुमधामका साथ मनाइएको छ ।

वीरगंजकाे आर्दशनगरस्थित पुरानो बर्षपार्कमा संघले हिन्दु स्वयंसेवक सम्मेलन तथा पथसंचालन (मार्चपास) निकालेर हिन्दु नवबर्ष एवं संघका संस्थापक परमपुजनीय डा. हेडगेवारको जन्मजयन्ती धुमधामको साथ मनाईएको हो ।

सम्मेलनलाई सम्बोधन गर्दै मुख्यवक्ता राष्ट्रिय स्वयंसेवक संंघका विभाग संघचालक राजकिशोर सिंहले संघका आध सरसंघचालक डा. हेडगेवारले हिन्दुलाई संगठित बनाउँन पु¥याउँनु भएको योगदानको बारेमा चर्चा गर्दै, आजको परिस्थितीमा धर्म संस्कृति प्रति मोह भंग भएका कारण हिन्दुसमाज पतनको कागारमा पुगेको बताए ।

हामीले आफनो धर्म संस्कृति र सभ्यतालाई विर्सने काम कसैले पनि गर्नुहुदैन, उनले भने, ‘जुन व्यक्तिले आफनो धर्म संस्कृति र सभ्यतालाई विर्सने काम गर्छ निश्चित रुपमा एक दिन उसको पंतन हुन्छ ।’ नेपाल अनादीकाल देखि हिन्दु राष्ट्र थियो । राजनितिक व्यवस्था परिर्वतन संगै केहि राजनितिक दलका नेताहरु विदेशीबाट प्रभावित भएर नेपालमा धर्म निरपेक्षता लाद्ने काम गरेको उनको आरोप छ ।

हाम्रै समुदायका व्यक्तिहरुले आफनो धर्म संस्कृति, सभ्यतालाई विर्सेर केहि बर्गलाई खुसी पारेर समाजलाई सवल बनाउँन खोजेका छन, तर त्यस्तो कहिले पनि हुन सक्दैन । उनले भने, हामी ‘ वसुदेव कुटुम्भ’ को कुरा गर्र्छौ । कुनै एक वर्गको कुरा गर्दैनौ, सर्वे भवन्तु सर्वे सुखिन, सवै सुखि हुन र विश्वको कल्याण होस् भन्ने हिन्दुधर्मले चाहेको छ, तर हिन्दु संगठित नहुँदा यसको अरुले फाईदा उठाएका छन, उनले भने ।

संघको स्थापना भएको सौं बर्ष पुरा हुने वाला छ, हिन्दु संगठित भएर संघको कार्यलाई गति प्रदान गर्नुपर्छ होईन भने, दोश्रो वर्गका राष्ट्र विरोधी तत्वहरुले संघमाथि गलत धारणा उत्पन्न गराउँदै आएको छ, डा. हेडगेवारको सपना सकार पार्न आफनो दायित्व पालना गरेर हिन्दुलाई संगठित बनाउँनु पर्छ ।

कार्यक्रममा वीरगंज महानगरपालिकाका मेयर विजय कुमार सरावगीले हिन्दु संस्कृति र राष्ट्र जोगाउँन सबै मिलेर अगाडी बढ्नुपर्नेमा जोड दिए । हिन्दु संस्कृति र संस्कार धैरै पुरानो छ, उनले भने,‘ हिन्दु संस्कृति जोगाउन ठूलो प्रयास गर्नुपर्छ ।’ संघले जुन प्रकारको अनुशासन सिकाउँछ त्यो अनुशासनबाट हिन्दु संस्कृति जोगाउँन सकिन्छ ।

संघका जिल्ला संघचालक ललन द्धिवेदीले डा. हेडगेवारले राष्ट्रिय स्वयंसेवक संघका लागि पु¥याउँनु भएको योगदान बारे चर्चा गरेका थिए । उनले भने, ‘हिजो सम्म आफनो परिचय दिन हिचकिचाहट महशुस हुन्थयो तर आज गर्वले भन्छौ हामी हिन्दु हौं ।’

हामी समक्ष, सबल छौ, हामी विश्व विजेता हौ, हामी विश्वलाई नै सबै कुरा दिएका छौ, हाम्रो स्वाभिमान, हाम्रो संस्कृति र हाम्रो परम्परा सबैभन्दा अगल र सम्बृद्ध छ । हामीले कहिले एकलाई मानेका छैनौ, हामी सबैको सम्मान गर्छा, सम्पूर्ण मानव जातिको सम्बृद्धिको कामना गर्छौ, यो नै हाम्रो सनातन हिन्दुधर्मको पहिचान हो, यो पहिचानलाई कायम राख्न थप बल पु¥याउँने डा. हेडगेवारले गर्दै आएको चर्चा समेत उनले गरे ।

मंचको कार्यक्रम पश्चात संघका स्वयंसेवकले वीरगंजमा पथसंचालन (मार्चपास) समेत निकालिएकाे थियाे । पुर्ण गणवेष, हातमा दण्ड, बाजागाजाका साथ पुरानो बर्षपार्कको प्राङ्गगणबाट स्वयंसेवक द्धारा निकालिएको पथसंचालन घडिअर्वा चोक, माईस्थान, घण्टाघर हुदैं पुन माईस्थान चोक, आर्दशनगर, अलखियामठ, गणेशमान चोक, विर्ता चोक, अलखियामठ हुदै बसपार्कमा पुगेर पथसंचालन समापन गरिएको थियो ।

चोक चोकमा स्थानिय उत्साहित भएर स्वंयसेवकहरुलाई पुष्पबर्षा गरेर पथसंचालनलाई भव्य रुपमा स्वागत गरेका थिए । संघका जिल्ला संघ चालक ललन द्धिवेद्धीको अध्यक्षतामा आयोजित कार्यक्रममा संघका राष्ट्रिय प्रचारक वेद प्रकाश जी, संघ नगर संघचालक राम लखन जी, जनकपुर सम्भाग कार्यवाह रन्जित साह, संघका जिल्ला कार्यवाह कृष्ण चौरसिया, महानगर कार्यवाह सरोज जी लगायतको सहभागिता रहेको थियो ।

स्वभिमान यात्राकाे नामले लाेसपाकाे चुनाव केन्द्रित शक्ति प्रदर्शन

0

वीरगंज । लोकतान्त्रिक समाजवादी पार्टी (लाेसपा) नेपालका राष्ट्रिय अध्यक्ष महन्थ ठाकुरले हरेक परिवर्तन आन्दोलनबाट नै हुने गरेको बताएका छन् । लाेसपाले शनिबार वीरगंजमा आयाेजना गरेकाे स्वभिमान सभालाई सम्बोधन गर्दै अध्यक्ष ठाकुरले अहिले पनि परिवर्तनकाे लागि मधेश आन्दोलनमा जारी नै रहेकाे वताए ।

राज्यकाे हरेक आन्दोलनमा हिन्सक निति अख्यिार गर्ने गरेको भए पनि हाल सम्मको उपलब्धी आन्दोलन कै जगमा प्राप्त भएको ठाकुरले बताए । मधेशको सभ्यता निकै पुरानो रहेको चर्चा गर्दै उनले राज्य सबैलाई मेट्न खाजेको आरोप लगाए ।

उनले मधेसीमाथि शासकले अहिले पनि सामाजिक, कानुनी र आर्थिक विभेद् गरिरहेका कारण मधेस आन्दोलन र विद्रोह अहिले पनि नसकिएको बताए । उनले मधेसका मुद्दा सम्बोधन नभएसम्म मधेस विद्रोह र आन्दोलन निरन्तर चलिरहने बताए । ‘अब निर्णायक मधेस आन्दोलन हुन्छ, हामी तयारीमा लागिसकेका छौं,’ उनले भने।  

पार्टीका बरिष्ठ नेता राजेन्द्र महतोले मधेशी जनतालाई अहिले पनि अधिकारबाट बन्चित गरिएको बताए । उनले मधेशी जनता राज्यबाटै उपनिवेशको शिकार भएको बताए । पृथ्वी नारायण शाहले नेपाललाई एकिकरण गरेको भए पनि जमिन मात्र एकिकरण भएको महतोकाे भनाई थियाे ।

जनताको एकिकरण राज्यले गर्न नसकेको उनले टिप्पणी समेत गरे । मधेशको राजधानी बीरगंज हुनु पर्ने मैले पटक पटक बताए पनि हाल समग्र मधेश एक प्रदेश हुन नसकेको कारण बीरगंजलाई राजधानी बनाउन नसकिएको वताए ।

मधेसले आंशिकरुपमा मात्रै आफ्नो अधिकार पाएको भन्दै उनले भने, ‘बाँकी अधिकार प्राप्तीका लागि छिट्टै अर्को मधेस आन्दोलन सुरु हुन्छ। त्यो नै अन्तिम (निर्णायक) आन्दोलन हुने छ । त्यसका लागि मधेसी जनता तयार रहनुस् ।’

लेसपाका नेता अनिल झाले मधेसी जनताको भोट लिएर सत्ताको स्वाद चाखिरहेको जसपा अब मधेसी दल नरहेको बताए । उनले मधेसको अधिकार र मधेसको मुद्दा बोकेर आज पनि संघर्ष गरिरहेकाले लोसपा नै अब एकमात्र मधेसी दल रहेको जिकिर गरे । 

नेता सर्वेन्द्रनाथ शुक्लाले उपेन्द्र यादवको दल जसपा मधेसविरोधी दल भएको बताए । अब लोसपामात्रै मधेसवादी दल रहेको बताउँदै उनले मन्त्री पाउने वितिक्कै उपेन्द्र मधेस आन्दोलन छाडेर सरकारमा जाने गरेको आरोप लगाए ।

लोसपा पर्साका अध्यक्ष पुरुषोत्तमलाल झाको अध्यक्षतामा भएको सभालाई लोसपा नेता लक्ष्मणलाल कर्ण, शशीकपुर मियाँ, प्रहलाद गिरी लगायतका नेताहरुले पनि सम्बोधन गरेका थिए भने कार्यक्रमकाे संचालन वीरगंज महानगर अध्यक्ष ओमप्रकाश सर्राफले गरेका थिए ।

सभा अघि लाेसपाले वीरगंजमा स्वभिमान यात्रा निकालेकाे थियाे । आगामी स्थानीय तहको निर्वाचनलाई लक्षित गर्दै लोसपाले स्वभिमान यात्रा नामले शक्ति प्रर्दशन गरेको थियाे । पार्टीका सबै शीर्ष नेताहरुलाई वीरगंजमा बोलाएर लोसपाले बृहत् र्‍यालीसहित शक्ति प्रदर्शन गरेको थियाे ।

निर्वाचन नजिकिँदै जाँदा पर्साका केही नेताहरु पार्टी छाडेर अन्य दलमा प्रवेश गर्ने लहर चलेपछि लोसपा कमजोर बन्दै गएको टीकाटीप्पणी हुन थालेको छ । तर, केही नेताहरु अन्य दलमा जाँदैमा पार्टी कमजोर नभएको सन्देश दिन लोसपाले शनिबार शीर्ष नेताहरुसहित शक्ति प्रदर्शन गरेको हो ।

वीरगंजकाे चिनी मिल आवास क्षेत्रबाट सयौंको संख्यामा चार पाङग्रे गाडी र मोटरसाइकलसहित निस्किएको ‘स्वभिमान यात्रा’ नामक र्‍यालीमा लोसपाका राष्ट्रिय अध्यक्ष महन्थ ठाकुर, केन्द्रीय नेताहरु राजेन्द्र महतो, अनिल झा र सर्वेन्द्रनाथ शुक्ल सहभागी थिए ।

लोसपाको र्‍याली नगर परिक्रमा गरेपछि नगरभागृहमा पुगेर स्वभिमान सभामा परिणत भएको थियो । 

जगरनाथपुरकाे प्रशासकीय अधिकृतबाट कुशवाहा आउट, राय इन

0

वीरगंज । पर्साकाे जगरनाथपुर गाउँपालिकाकाे प्रमुख प्रशासकिय अधिकृत राज कुशवाहाकाे सरुवा भएकाे छ । उनकाे ठाउँमा संघिय मामिला तथा सामान्य प्रशासन मन्त्रालयले नयाँ शाखा अधिकृत कृष्ण नन्दन रायलाई पठाएकाे छ ।

मन्त्रालयले रायलाई चलानी न‌ं. ११२२ भएकाे मिति २०७८ चैत १४ गतेकाे पत्रमार्फत मन्त्रालयकाे अतिरिक्त समुहमा दरबन्दी कायम रहने गरी जगरनाथपुर गाउँपालिकाकाे कामकाज गर्न खटाइएकाे जनाएकाे छ ।

यस अघि कुशवाहालाई संघिय मामिला तथा सामान्य प्रशासन मन्त्रालयले मन्त्रालयकाे अतिरिक्त समुहमा दरबन्दी कायम रहने गरी मुख्यमन्त्री तथा मन्त्री परिषदकाे कार्यालयमा कामकाजकाे लागि पठाएपनि हाल खटाइएकाे कार्यालयकाे बारेमा खुल्न सकेकाे छैन ।

पाेखरियाकाे मेयरमा पांच उम्मेदवार बिच प्रतिस्पर्धा हुने सम्भावना

0

वीरगंज । बैशाख ३० हुने हुने भनिएकाे स्थानिय तह निर्वाचन नजिकिएसंग पर्साकाे पाेखरिया नगरपालिकामा चुनावी सरगर्मी सुरु भएकाे छ । निर्वाचन ४१ दिन मात्र बाकी रहँदा पनि कुनै दल औपचारिक रुपमा उम्मेदवार तय गरेका छैनन् । तर आधा दर्जन भन्दा बढी राजनीतिक दलका स्थानिय नेताहरु निर्वाचनकाे तयारीमा लागेका छन् ।

पाेखरियाकाे मेयरमा नेकपा एमालेबाट प्रदुमन प्रसाद चाैहान चुनाव लडने निश्चित जस्ताे नै छ । गत बर्षकाे निर्वाचनमा चाैहान मेयर मै तत्कालिन संघिय समाजवादी फाेरम नेपालबाट चुनाव लडे पनि पराजित भएका थिए । त्यस अघि पनि उनी एमाले मै रहे पनि निर्वाचनकाे बेलामा फाेरमा प्रबेश गरेका थिए । तर चुनाव हारेपछि उनी पुन: फाेरम परित्याग गरि एमालेमा प्रबेश गरेका थिए ।  

नेपाली कांग्रेसबाट मेयरमा हालका मेयर दिपनारायण प्रसाद राैनियार, गत बर्षकाे निर्वाचनमा कांग्रेसबाट चुनाव लडेका संविधान सभा सदस्य रामेश्वर राैनियार र ठाकुर राम बहुमुखी क्याम्पसका पुर्व क्याम्पस प्रमुख ललन द्विवेदी मध्ये एक जना चुनाव लड्ने सम्भावना रहेकाे स्थानिय नेताहरुले वताएका छन् । 

गत बर्षकाे निर्वाचनमा पाेखरियाकाे मेयरमा नेपाली जनता दलबाट निर्वाचित राैनियार केही दिन पहिला मात्र कांग्रेसमा प्रबेश गरेका थिए । 

गत बर्षकाे निर्वाचनमा पाेखरियाकाे मेयरमा स्वतन्त्र उम्मेदवार भएर तेस्राे स्थान हासिल गरेका शंकर चाैधरी यस बर्षकाे निर्वाचनमा पूर्व डिआइजी रमेश खरेल नेतृत्वकाे नेपाल सुशासन पार्टीबाट मेयर चुनाव लडने तयारी थालेका छन् । 

जनता समाजवादी पार्टी (जसपा)बाट मेयरमा राजु साह र उप मेयरमा हालकी उप मेयर सलमा खातुनले चुनाव लडने वताइएकाे छ । मेयर उम्मेदवार साह केही दिन पहिला मात्र लाेकतान्त्रिक समाजवादी पार्टी (लाेसपा) परित्याग गरी जसपामा प्रबेश गरेका थिए ।

लाेसपाबाट मेयरमा नेजामुदिन सम्मानी र उप मेयर आशा देवीले चुनावकाे तयारी थालेका छन् । गत बर्षकाे निर्वाचनमा मेयर मै तत्कालिन राष्ट्रिय जनता पार्टी (राजपा) बाट चुनाव लडेका सम्मानी पराजित भएका थिए । तर यस बर्ष उनी निर्वाचन घाेषणा भएदेखि नै जाेडताेडले चुनावकाे तयारीमा लागेका हुन् ।

बहुदरमाईकाे वडा नं. १ र ५ मा नेकपा एसकाे भेला सम्पन्न

0

वीरगंज । पर्साकाे बहुदरमाई नगरपालिकाकाे वडा नं. ५ मा नेकपा एकीकृत समाजबादीकाे वडा भेला सम्पन्न भएको छ । अगामी बैशाख ३० गते हुने स्थानिय तहकाे निर्वाचनलाई मध्यनजर गरि वडा भेला सम्पन्न भएको एकीकृत समाजवादी बहुदरमाईले जनाएकाे छ ।

स्थानीय निर्वाचनलाई मध्य नजर गरि आयोजित भेलाले बिरेन्द्र कुशवाहाको अध्यक्षतामा १३ सदस्यीय कमिटी गठन गरेको छ ।

मुख्देव हजराको अध्यक्षतामा आयोजित भेलामा वीरगंज महानगर कमिटी अध्यक्ष मनोज चौधरी, पार्टीको केन्द्रिय लेखा समिति सदस्य किशोरी कुशवाहा, बहुदरमाई नगर कमिटी अध्यक्ष मोहन यादव, जिल्ला सचिवालय सदस्य अमरदेव पासवान, ब्रह्मदेव साह, जिल्ला सदस्य राज कुश्वाहा लगायतले मन्तब्य ब्यक्त गरेका थिए ।

यसैगरी बहुरमाई नगरपालिकाकाे वडा नं. १ मा पनि एकीकृत समाजवादी भेला सम्पन्न भएकाे वीरगंज महानगर अध्यक्ष चाैधरीले जानकारी दिए ।