Date
मङ्ल, मंसिर १, २०८३
Tue, November 17, 2026
Home Blog Page 678

वीरगंजकाे मेयरमा राजेशमान र उप मेयरमा ईम्तियाज विजयी

0

वीरगंज । वीरगंज महानगरपालिकाको मेयर र उप मेयरमा ५ दलिय सत्ता गठबन्धनका उम्मेदवार विजयी भएका छन् । आज विहान सम्पन्न अन्तिम मतगणना परिणाम अनुसार मेयरमा गठबन्धनका उम्मेदवार जनता समाजवादी पार्टी (जसपा) नेपालका राजेशमान सिंह र उप मेयरमा काङ्ग्रेसका ईम्तियाज आलम विजयी भएका हुन् ।

मेयरमा राजेशमानले ४६ हजार २१५ मत ल्याएर विजयी भएको निर्वाचन अधिकृतको कार्यालय वीरगंजले जनाएकाे छ । उनको निकटतम प्रतिद्वन्दी नेकपा एमाले-लोकतान्त्रिक समाजवादी पार्टी (लोसपा) गठबन्धनका उम्मेदवार नेकपा एमालेका निवर्तमान मेयर विजय कुमार सरावगीले २३ हजार ६७१ मत प्राप्त गरेका छन् । मेयरमा राजेशमान २२ हजार ५४४ को फराकिलो मतान्तरले विजयी भएका हुन् ।

यसैगरी उप मेयरमा काङ्ग्रेसका ईम्तियाज आलम फराकिलो मतान्तरले विजयी भएका छन् । तर अझै सम्म उप मेयरको कुल मत औपचारिक घोषणा हुन सकेको छैन ।

जगरनाथपुर गापा अध्यक्ष यादवले गरे पदभार ग्रहण

0

वीरगंज । पर्साकाे जगरनाथपुर गाउँपालिकाका अध्यक्ष श्रीकान्त यादवले साेमबार पदभार ग्रहण गरेका छन् । जिल्लाकाे सदरमुकाम वीरगंजस्थित जिल्ला समन्वय समितिकाे कार्यालयमा जिल्ला भरिका पालिका प्रमुखहरुकाे भएकाे सपथ ग्रहण कार्यक्रममा सपथ ग्रहण गरे पश्चात गाउँपालिका पुगेर अध्यक्ष यादवले पदभार समेत ग्रहण गरेकाे प्रमुख प्रशासकिय अधिकृत राज कुशवाहाले वताए ।

पदभार ग्रहण गर्दै अध्यक्ष यादवले पहिलाे निर्णय वडा नं. ५ मसिहानीमा ल्याब र एक्स्रे मसिन संचालन गर्ने निर्णण गरेकाे उनले जानकारी गराए । 

त्यसपछि बाेल्दै यादवले आफ्नाे पहिलाे प्राथमिकता शिक्षा भएकाे वताए । उनले गाउँपालिका अन्तर्गतकाे सामुदायिक विद्यालयकाे अवस्था लथालिङ रहेकाे वताउँदै त्यसलाई सब भन्दा पहिला सुधार गरिने वताए ।

नवनिर्वाचित गाउँपालिका अध्यक्ष यादवले आफ्नाे दाेस्राे प्राथमिकता स्वास्थ्य हुने वताए । गाउँपालिका अन्तर्गतकाे स्वास्थ्य संस्थाहरुकाे अवस्थामा सुधार गर्दै बर्थिङ सेन्टर संचालन गर्ने आफ्नाे याेजना रहेकाे वताए ।

यसका साथै सामाजिक सुरक्षा भत्ताहरु बैंकीङ सेवा मार्फत माेबाइल बैंकिङकाे सेवाले घर घरमा पुर्याउन आफुले प्रयास गर्ने अध्यक्ष यादवले वताए ।

साे अवसरमा गाउँपालिका उपाध्यक्ष बबिता सिंह, वडाध्यक्षहरु लक्ष्मी साह तेली, नेपाली प्रसाद कुशवाहा, सुभाष कुमार यादव, विहारी महताे नुनिया, लेखापालद्वय संजय पटेल, संदेश कुशवाहा लगायतकाे उपस्थिती रहेकाे थियाे ।

पर्साका १३ पालिकाका नवनिर्वाचित प्रमुखहरुले लिए सपथ

0

वीरगंज । पर्साका १३ पालिकाका प्रमुखहरुले सोमबार सपथ लिएका छन् । उनीहरुलाई पर्सा जिल्ला अदालतका प्रमुख न्यायाधीश एवं मुख्य निर्वाचन अधिकृत धर्मराज पौडेलले सपथ दिलाएका थिए ।

वीरगञ्जस्थित जिल्ला समन्वय समिति पर्साको सभाहलमा सोमबार दिउँसो आयोजित शपथग्रहण समारोहमा ३ नगरपालिका र १० गाँउपालिाका नवनिर्वाचित प्रमुखहरुले शपथ लिएका हुन् ।

सपथ लिनेहरुमा पोखरिया नगरपालिकाका मेयर प्रधुम्न प्रसाद चौहान, पर्सागढी नगरपालिकाका मेयर गोकर्ण पाठक, बहुदरमाई नगरपालिकाका मेयर सिंगासन साह तेली, सखुवाप्रसौनी गाँउपालिकाका अध्यक्ष यशवन्त यादव, विन्दवासीनी गाँउपालिकाका अध्यक्ष प्रमोद तिवारी, पकाहामैनपुर गाँपालिकाका अध्यक्ष सुरेस मेहता, कालिकामाइ गाँउपालिकाका अध्यक्ष बशीष्ट कुमार गुप्ता, जगरनाथपुर गाँउपालिकाका अध्यक्ष श्रीकान्त प्रसाद यादव, धोबिनी गाँउपालिकाका अध्यक्ष मदन प्रसाद चौहान, छिपहरमाई गाँउपालिकाका अध्यक्ष मनोज कुमार गुप्ता, जिराभवानी गाँउपालिकाका अध्यक्ष अनोज चौधरी, पटेर्वासुगौली गाँउपालिकाका अध्यक्ष दिनेश कुमार चौधरी र ठोरी गाँउपालिकाका अध्यक्ष लाल बहादुर श्रेष्ठ रहेका छन् ।

सपथग्रहण समारोहलाई सम्बोधन गर्दै प्रमुख निर्वाचन अधिकृत पौडेलले नव निर्वाचित जनप्रतिनिधिहरुले अब आगामी दिनमा राजनीति संविधानवाद सहित कानूनी संविधानवादलाई पनि संगसंगै हिँडाउनुपर्ने अवस्था आएको बताए ।

उनले यहाँहरु स्थानीय सरकार संचालनको नेतृत्वदायी भूमिकामा निर्वाचित भएर आउनु भएको छ, मुलुकमा संघीयता लागु भइसकेपछिको अवस्थामा यहाँहरु निर्वाचित भएर राजनीति संविधानवाद पार गरि कानूनी संविधानवादको चरणमा प्रवेश गर्नुभएकोले राजनीति संविधानवाद सहित कानूनी संविधानवादलाई पनि संगसंगै हिँडाउनुपर्ने अवस्था रहेको बताए ।

स्थानीय सरकारले पनि संविधान अनुसार कानून बनाउने जिम्मेवारी पाएको छ, र ति कानूनहरु संविधानसँग नबाझिने, संघीयसँग नबाझिने गरि कानून बनाई स्थानीय सरकारलाई सही तरिकाले संचालन गर्नुहोला, यहाँहरुले जनतासामु गरेका बाचाहरु पुरा गर्न सफल हुनुहोस् भन्दै ५ वर्षे कार्यकालको शुभकामना समेत दिएका थिए ।

शपथग्रहण समारोहमा पर्साका प्रमुख जिल्ला अधिकारी उमेश कुमार ढकाल, नेपाल प्रहरीका प्रहरी उपरिक्षक रमेश बस्नेत, सशस्त्र प्रहरी उपरिक्षक तेज प्रसाद पोखरेल, राष्ट्रिय अनुसन्धानका उपनिर्देशक दिपक खड्का, नेपाली सेनाको श्रीजंग गणका गणपति प्रमुख सेनानि जयराम थापा, वीरगंज महानगरपालिकाका प्रमुख प्रशासकीय अधिकृत निश्चलराज पाण्डे, कालिकामाई गाउँपालिकाका प्रमुख प्रशासकिय अधिकृत अमित कुमार गिरी, बिन्दवासिनी गाउँपालिकाकाे प्रमुख प्रशासकिय अधिकृत राजु साह, पटेर्वा सुगाैली गाउँपालिकाकाे प्रमुख प्रशासकिय अधिकृत संदेश यादव लगायतको उपस्थिति रहेको थियो ।

रक्त संचार केन्द्रमा रक्त अभाव, ३० जनाद्वारा रक्तदान

0

वीरगंज । रक्त संचार केन्द्र वीरगंजमा साेमबार आकस्मिक रक्तदान कार्यक्रम सम्पन्न भएकाे छ । रक्त संचार केन्द्रमा रक्त अभाव भएपछि साेमबार केन्द्रमा आफै आएर ३० जनाले रक्तदान गरेकाे नेपाल रेडक्रस साेसाइटी पर्साका राजन श्रीवास्तवले वताए ।

डा. निरज सिह, डा. सरोज राेशन दास, रोहित वर्णवाल, रबि श्रेष्ठ, सम्भु चौहान, सुदिप साह, दिपक साह, सन्तोष पासवान, जितेन्द्र चौहान, उपेन्द्र पटेल, उनेस कुमार शर्मा, सदाम हुसेन, रोशन गुप्ता, राजा गुप्ता, चन्दन सिंह लगायतकाले रक्तदान गरेकाे उनले जानकारी दिए ।

स्थानिय तह निर्वाचनमा राजनीतिक दलदेखि सामाजिक संघ संस्थाहरु व्यस्त हुँदा रक्तदान कार्यक्रम नभएर रक्तकाे अभाव भएको श्रीवास्तवले वताए । साथै उनले मतदान सक्किसकेको हुँदा अब रक्तदान गर्न समेत आग्रह गरे ।

हरेक ३/३ महिनामा रक्तदान गर्न स्वस्थ पनि भइने हुँदा रक्तदान गरेपछि कमजोर भइन्छ भन्ने भ्रम हटाउनुपर्ने रक्त संचार केन्द्रका प्रमुख साैरभ राज पाण्डेले वताए । रगतको अभावलाई परिपुर्ती गर्नका लागि रक्तदान गर्न प्रमुख पाण्डेले आग्रह समेत गरे । 

पर्सागढीबाट बन्दुकसहित एक जना पक्राउ

0

वीरगंज । पर्सा प्रहरी बन्दुकसहित एक जनालाई पक्राउ गरेकाे छ । ईलाका प्रहरी कार्यालय एकटाँगा र अस्थायी प्रहरी पोष्ट मनवाबाट संयुक्त रुपमा खटिएकाे टोली पर्सागढी नगरपालिकाकाे वडा नं.९ बस्ने वर्ष २७ को मनोज भन्ने शिबु माझी मुसहरलाई पक्राउ गरेकाे हाे ।

प्रहरी टोलीलाई देख्नासाथ निज मनोज भन्ने शिबु माझी मुसहरले भाग्दै गरेको अवस्थामा शनिबार सांज ७ बजे १२ बोरको १ नाले घरेलु बन्दुकसहित निजलाई नियन्त्रणमा लिइएकाे जिल्ला प्रहरी कार्यालय पर्साले जनाएकाे छ । पक्राउ गरेका मुसहरमाथी हातहतियार तथा खरखजाना सम्बन्धी कसूरमा अनुसन्धान भइरहेकाे जिल्ला प्रहरी कार्यालय पर्साका प्रवक्त एवम् प्रहरी नायब उपरिक्षक ओमप्रकाश खनालले जानकारी दिए ।

पक्राउ परेका मुसहरले १२ बोर एक नाले बन्दुक बोकी बडेर्वाबाट तेलिया टोलतर्फ जाँदै गरेको भन्ने सूचना प्राप्त भई खोजतलास तथा अनुसन्धानको क्रममा प्रहरी खटिएको थियाे । 

कलैयाका मेयर र उप मेयरले लिए सपथ र गरे पदभार ग्रहण

0

वीरगंज । कलैया उपमहानगरपालिकाका नव निर्वाचित जनप्रतिनिधिहरुले सपथ लिएका छन् । कलैया उपमहानगरपालिकाको प्राङ्गणमा भएको कार्यक्रममा नव निर्वाचित जनप्रतिनिधिहरुले सपथ लिएका लिएका हुन् ।

कार्यक्रममा नव निर्वाचित मेयर बिनोद प्रसाद साहलाई मुख्‍य निर्वाचन अधिकृत खिलनाथ रेग्मीले सपथ गराए । त्यसपछि नव निर्वाचित मेयर बिनोद साहले उप मेयर राैशन परविनसहितका सबै निर्वाचित जनप्रतिनिधिलाई सपथ गराएका थिए ।

५ दलिय सत्तागठबन्धनका उम्मेदवार कांग्रेसका राजेश राय यादवलाई हराउँदै कलैया उप महानगरपालिकाकाे मेयरमा एमालेका साह विजयी भएका थिए ।

त्यसैगरी उप मेयरमा गठबन्ध कै उम्मेदवार जनता समाजवादी पार्टीका प्रमाेद प्रसाद गुप्तालाई हराउँदै एमालेकी परविन विजयी भएकी थिइन । 

सपथ ग्रहण लगतै मेयर साह र उप मेयर परविनले पदभार समेत ग्रहण गरेकाे कलैया उपमहानगरपालिकाका प्रमुख प्रशासकिय अधिकृत नथु साहले वताए । 

कांग्रेस पर्सा क्षेत्र नं. ४ द्वारा नवनिर्वाचित जनप्रतिनिहरुलाई सम्मान

0

वीरगंज । नेपाली कांग्रेस पर्सा निर्वाचन क्षेत्र न.४ को क्षेत्रीय कार्य समितिले आइतबार आफ्नाे क्षेत्र अन्तर्गतका निर्वाचित जनप्रतिनिधिहरुलाई सम्मान गरेकाे छ । 

जगरनाथपुर गाउँपालिकाकाे वडा नं. ५ मसिहानीमा भएकाे कार्यक्रममा क्षेत्र अन्तर्गतका निर्वाचित दुई गाउँपालिका अध्यक्ष, ६ उपाध्यक्ष, १६ वडाध्यक्ष लगायतका जनप्रतिनिधिहरुलाई सम्मान गरिएकाे क्षेत्रिय सचिव बलिष्टर अहमदले जानकारी दिए ।

बैशाख ३० गते सम्पन्न स्थानिय तह निर्वाचनमा विजयी पार्टीका जनप्रतिधिहरुलाई कार्यक्रमका प्रमुख अतिथि नेपाली कांग्रेसका केन्द्रिय सदस्य रमेश रिजालले गमछा र अविरकाे टिका लगाएर सम्मान गरेका थिए ।

नवनिर्वाचित जनप्रतिनिधिहरुलाई बधाई तथा सुभकामना दिदै केन्द्रिय सदस्य रिजालले स्थानिय तहमा लगाइएकाे अनावश्य कर हटाउन निर्देशन दिए । 

नेता रिजालले जितेका जनप्रतिनिधिहरुलाई सधै जनताकाे सेवामा सम्रपित रहनु पर्ने वताउँदै जन चाहना अनुसार काम गर्नु पर्ने वताए । उनले संगठनकाे हित विपरित काम गर्ने जनप्रतिनिधिलाई पार्टीले कारवाही गर्ने चेतावनी समेत दिए ।

क्षेत्रिय सभापति एवम् जगरनाथपुर गाउँपालिका अध्यक्ष श्रीकान्त प्रसाद यादवकाे सभापतित्वमा भएकाे कार्यक्रममा प्रदेश सांसद शंकर चौधरी, प्रदेश महामन्त्री बृहस्पति कृष्ण श्रेष्ठ, जिल्ला समितिका प्रवक्ता रमेश पाण्डे, सह सचिव नविन सिंह, कोषाध्यक्ष प्रेम बहादुर थापा, महाधिवेशन प्रतिनिधि रामदेव चौहान लगायतकाले शुभकामना मन्तव्य राखेका थिए । कार्यक्रमकाे संचालन क्षेत्रीय सचीव बलिस्टर अहमदले गरेका थिए ।

वडाध्यक्षमा विजयी सुशिललाई चाँदीकाे मुकुट लगाएर स्वागत

0

वीरगंज । वीरगञ्ज महानगरपालिका वडा नम्बर १० को वडाअध्यक्षमा निर्वाचित भएलगतै सुशिल कुमार साहले शहिदको शालिकमा माल्यार्पण गरेका छन् ।

वीरगञ्जको घण्टाघरस्थित विपि उद्यानमा स्थापित गरिएका मधेश आन्दोलनका शहिदहरुको शालिकमा जनता समाजवादी पार्टी (जसपा) बाट वडाध्यक्षमा निर्वाचित सुशिलले माल्यार्पण गरेका हुन् । निर्वाचित भएलगतै उनकाे समर्थकले निकालेको बिजयी जुलुश मतगणना स्थल नर्सिंग मा.वि. बाट घण्टाघर हुँदै शहिद स्मृतिसम्म पुगेकाे थियाे ।

शहिदको शालिकमा माल्यार्पण गर्दै उनले शहिदको सपनालाई साकार पार्न र वडाबासीको सेवामा तत्पर रहने प्रेरणा मिलेको प्रतिक्रिया दिए । उनले भने, ‘मलाई विश्वास गरेर वडाको बिकासको जिम्मा दिने सम्पुर्ण वडाबासीप्रति हृदयदेखि आभारी छु । अब वडाको बिकास गर्ने जिम्मेवारी हाम्रो काँधमा आएको छ । यो मेरो जीत नभएर सम्पुर्ण वडाबासीको जित हो ।’

बिजयी जुलुशका क्रममा एकजना वडाकै महिलाले शुभाशिषस्वरुप सुशिललाई चाँदीको मुकुटसमेत लगाइदिएकी उनी निकट जसपाका निखिल बर्णवालले वताए । उक्त मुकुटले अँझै जिम्मेवारी थपिएको आभाष भएको बताउँदै सुशिलले कर्तव्यनिष्ठ भएर दायित्वबोध गर्ने प्रतिबद्धता व्यक्त गरेकाे निखिलले जानकारी गराए ।

वडाबासीको घरघरमा पुग्दै उनले अमूल्य मत दिएकोमा आभारसमेत व्यक्त गरेका छन् । अब बिकासका लागि कुनै व्यक्ति र पार्टी नहेरी सबैलाई समान ढंगले व्यावहार गर्ने उनको भनाई छ । सो विजय जुलूस घण्टाघर हुंदै मेनरोड, आदर्शनगर, घडीअर्वा, अशोकवाटीका , रानीघाट समेत परिक्रमा गरेको थियो ।

वीरगंज १० काे वडाध्यक्षमा जसपाका सुशिल विजयी

0

वीरगंज । वीरगंज महानगरपालिका वडा नम्बर १० काे वडाध्यक्षमा जनता समाजवादी पार्टी (जसपा) नेपालका सुशील कुमार कानु निर्वाचित भएका छन् ।

नेपाली कांग्रेसका निवर्तमान वडाध्यक्ष राम नगिना प्रसाद कानुलाई पराजित गर्दै ३३ वर्षीय सुशील आफ्नो पूरै प्यानलसहित वडा अध्यक्षमा निर्वाचित भएका हुन् । सुशीलले वडा अध्यक्ष राम नगिनालाई ४ सय ७३ मतको अन्तरले पराजित गर्दै विजयी भएको निर्वाचन अधिकृतको कार्यालय वीरगंजले जनाएको छ ।

आइतबार बिहान सम्पन्न वडा नम्बर १० को मतगणनाको अन्तिम परिणामअनुसार जसपाका सुशीलले १ हजार ५ सय ९६ मत पाउँदा काँग्रेसका राम नगिना १ हजार १ सय २३ मत मै सिमित भएका छन् ।

त्यस्तै नेकपा एमालेका अजय गुप्ता ८ सय १९ मत पाउँदै तेस्रो स्थानमा छन् भने स्वतन्त्र उम्मेदवार प्रकाश खेतान २ सय ३० मत प्राप्त गरी चौथो भएका छन् ।

वीरगञ्ज महानगरपालिकाकाे वडा नम्बर १० नेपाली कांग्रेसबाट मधेश प्रदेशका लागि जलस्रोत तथा उर्जामन्त्री ओमप्रकाश शर्माको गृह वडा हो ।

यस अघिकाे २०७४ काे निर्वाचनमा तत्कालिन सङ्घीय समाजवादी फोरम नेपालबाट वडाध्यक्षमा चुनाव लडेका सुशील कांग्रेसका राम नगिनासँग झिनो मतको अन्तरले पराजित भए थिए । सुशिल वडाध्यक्षमा पराजित भएपनि महानगरपालिकाको कार्यपालिका सदस्य पार्टी बनाएकाे थियाे ।

वडाध्यक्षमा विजयी सुशिलसहितका वडा समितिका सदस्यहरुलाई जसपाका वीरगंजका महानगरपालिका मेयरका उम्मेदवार राजेशमान सिंह, जसपाका नेता मुकेश द्विवेदी लगायतका नेता तथा उनका समर्थकहरुले मतगणना स्थल मै फुल माला, खादा र अविरकाे टिका लगाएर बधाई तथा सुभकामना दिएकाे निखिल बर्णवालले वताए ।